صارلي سبع اشهر ويا IOM بغداد و عندي ايزي نمبر وقبل شويه اتصل بيه موظف من الـــIOM

[علي الحلي]

                                                              السلام عليكم
اخواتي الاعزاء

اني مقدم على برنامج الــــIOM بغداد قبل سبع اشهر وتقديمي كان صدفه من خلال قرائتي للمواضيع با المنتدى وحقيقه اني نسيت السالفه اليوم اتصل بيه موظف لبناني مبين من كلامه وكالي  عندك مقابله يوم 2/6/2010 يعني بعد باجر واني كلشي ما محضر للمقابله وفوك هذا كله اني هسه عندي امتحانات وبالي كله يم الامتحانات الوزاريه . كتله استاذ اني هسه ما متحظر للمقابله وعندي امتحانات وشي ثاني انتو ليش ما بلغتوني قبل اسبوع على الاقل والشيالثالث اني مو من بغداد وكلشي ما اعرف . بس هو جان كلش لطيف بكلامه وياي وجاوبني كال بكيفك انته من تفرغ وتكون متحظر للمقابله اتصل بينه .



الشك مالتي وين ان اذا اني طلبت منهم موعد شهر ونص من اخلص الامتحانات خو ما اتاثر على ملفي
والشي الثاني هو اليوم اتصل بيه من مصر يعني مفتاح البلد مصر 00962 ادزلهم اميل لو اخابرهم واكللهم على الموعد الي اني اريده
اما بالنسبه الى المعلومات الي راح يسئلوني عليه اعتقد اكو موضوع لاحد الاخو شارح بي كل هاي المواضيع
والشي الاخير انو اكو احد با البلاك ليست مقابل مقابله اولى لائن اني سمعت من ولد يكول اذا تدخل للمنطقه الخظراء ياخذوك للتحقيق (يعني شغلتك تعبانه )
وهم سمعت من الاخوه با المنتدى ان قبل ما تدخل للمقابله مال المحلفين اتوقع على ورقه مكتوب بيه في حال اذا انرفضت من المحلفين ايحولون ملفك الى غير بلد

اخواني اعذروني لائن طولت عليكم با الشرح والاسئله لائن اني كلش دايخ ونفسيتي تعبانه
واتمنى من اهل الخبره ان ياوبوني واكون ممنون


                                                       علي الحلي

[Aiham_]

عيني انتة ليش متردد هاي مقابلة اولية اني لو منك اروح وما اعتقد يوم راح ياثر على امتحاناتك اذا رحت لان هاي فرصة اذا انتة جدي بالشغلة ثانيا هذا مفتاح الاردن مو مصر توكل على الله اخوية و اسهرلك فد ساعة ساعتين شوف الاخوان شيكولولك بالمقابلة و الله يسهل لان احتمال من تاجلها راح اطول

[Hanar]

الاخ علي

مع العلم جماعة اي او ام يبلغون صاحب القضية على الاقل اسبوع قبل المقابلة بايميل و يطلبون كونفرميشين باستلام الايميل لكي يتادكوا انك مستلم الايميل وراح تكدر تروح في الموعد المحدد اما شغلة تلفون بيوم او يومين قبل المقابلة راح يخابروك للتاكدو التدكير بموعد المقابلة.

اما يخابرون بيومين قبل المقابلة هدا الشي غريب و انا ما سامعه بيه قبل!!

على العموم المقابلة الاولى هي عبارة عن جمع معلومات و تحتاج كومة وثائق كوبي و الاصلي تاخدهم وياك بالاضافة الى قصة التهديد يعني لا تستهين بالموضوع تره الموضوع يحتاج تحضير  نفسي مسبق صحيح لو تاجل المقابلة رايح يتاخروا عليك بتحديد موعد ثاني لكن التاجيل ولا الاسراع.
لو تريد تعتدر عن حضور المقابلة لازم اتدز ايميل لبغداد انفو سنتر ما يجوز بتلفون, تسرد بتفصيل سبب تاجيلك اولا لانك عايش خارج بغداد و الوقت قليل ما تلحك تحضر حالك و ثانيا لان عندك امتحانات و الخ...

ومال البلاك لست و التحقيق هاي كلشي ما افتهمت منه!! منو راح ياخدك ع التحقيق؟و ليش بلاك لست؟


اما بخصوص المحلف فلا تشغل بالك ركز ع اول مقابلة والباقي الله يسهل



ولو تكدر تحضر وتهيء نفسك خلال هليومين فلا تتردد


تقبل مروري

[Hanar]

وعلى فكرة ما اضن بالعراق اكو تحويل لدولة اخرى لان اصلا البرنامج مخصص للي مشتغلين ويه الامريكان يتم اعادة استطانهم بامريكا و اتمنه اهل الخبر يجابوك بهدا الخصوص



تمنايتي لك بالموفقية

[مُغترب]

حبيبي انت

اتوكل على الله وروح للمقابلة

طلب التاجيل راح يشمر القضية شهور يمكن

اعتبرها استراحة من القراية واكتل يوم عالمقابلة وغير جو وتعال

ولو بيها تعب بس على الاقل اخلص من الاولى

يبقالك فحص وثانية وره الامتحانات ان شاء الله

ولو هم قصروا ما كالولك من وكت

بس صارت بعد

وبالنسبة للرقم هذا مو مصر حبيبي

هذا الاردن

تحياتي لك وبالتوفيق يارب

[بوابت عشتار]

ابو حسين الحلاوي شلونك اولا
وثانيا انت مقابلتك بقصر السلام مو بالخضراء
زثالثا ليش تفوت هيجي فرصه يمعود هيه مقابله اوله
وراح تنشتل وراهه فد كم شهر المهم التسهيل من الله
وررابعا يم واحد ماراح يئثر عليك وعلى امتحاناتك
يمعود اني خريج كليه كرم السامع وراح اعوفهه واسافر بعد اسبع
لان شهادة الشرق الاوسط ماتوكل خبز
اتمنى ان تروح للمقابله وسهله وماكو اي مشكله روح وانشاءالله تحصل على السفر بالمستقبل

نصحيحه اخويه من اخوك الصعلوك تدري فرصتك يتمناها الشرق الاوسط شلع فه لاتفوت هيجي فرصه


اخوك علي الحلي

[ام مشمش]

اخي العزيز اني من رايي اتروح اتقابل
لا هي مقابله اولى وكلشي مابيها
اخاف متروح ويطولون عليك السالفه
بالتوفيق ان شاء الله

[سياب البصره]

أخي العزيز ابو حسين
انت ليش متردد توكل على الله وروح هيه مقابله أولى يعني شغلته بسيطه انا من البصره و رحت قابلت و رجعت بنفس اليوم
فلا تخاف أخي بس اخذ وياك كل الاوراق الخاصه بقضيتك و توكل على الله

تحياتي




لقد أسمعت لو ناديت حياً

[علي الحلي]

                                                           السلام عليكم

طبعآ اني جدآ ممنون من اجوبتكم وانشاله راح اتصل بيهم اليوم لائن هو حددلي الى يوم 16/10 احدد تاريخ المقابله الي اني اريده وراح اتوكل بالله والي يريده الله يصير

بس ما اعرف قصر السلام نفس المكان الي ندخل منه الى الــGLS وبيش الساعه اكون موجود بهذا المكان
 


                                                   ولكم فائق الشكر والتقدير
                             
                                                            اخوكم
                                                        علي الحلي

[A_FOX]

اخي العزيز علي
شغلتك مبهمه ماكو واحد يخابرو وكلوله انت بعد يومين مقابلتك هذا اولا
السياق مال المنظمه بان يبعثوا اليك ايميل ويحددو لك المقابله وفيها كل التفاصيل اي الزمان والمكان
وشنو اللي اجيبه وياك من اوراق اصليه ومصوره الى اخره هذا ثانيا
ولا تستطيع مطلقا ان تحدد انت المقابله كيفما شئت ولا حتى الذي اتصل بك يقدر على ذلك هذا ثالثا
حبيبي تاكد من الموضوع يمكن قد راسلوك مسبقا وانت ما تدري وهذه المخابره للتاكيد او يكونون غلطانين وياك وهاي صايره من كثرة الطلبات
تقبل تحياتي
ابو ساره

[مالايكي]

اولا اريد اكلك مبرووك 
  ثانيا    روووووووووووووووووووووووووووووووووووووووووووووح  والله احسلك


عندي الك سؤال علي الحلي

اشوكت استلمت ال اي زي نمبر    ؟؟


شكرا

[mastermind]

حبيبي علي الحلي هاي فرصة لا تخليها تفوت والشغلة كلش سهلة استنسخ اوراقك مثل الجنسية وشهادة الجنسية والجواز اذا موجود وتوكل على الله والقصة معروفة انت تشتغل مع القوات وعرفوك بالمنطقة وتهددت بس حاول تظبط التواريخ مال العمل وتأريخ التهديد واكو موضوع بالمنتدى حول المقابلة الاولى حاول تقرأه وتستفاد من عنده هواي اما التأجيل فما انصحك عليه اطلاقا اطلاقا

[علي الحلي]

السلام عليكم

اخواني لكم كل الشكر والتقدير

 القصه كما ياتي

قدمت اوراقي الى الـــIOM  يوم 24/10/2009
اجاني كيس نمبر يوم 14/11/2009
الكيس نمبر هو IZ110###
 
اتصل بيه رقم خارجي البارحه الساعه 2 الظهر وكالي انته السيد علي كتله نعم وردلي رقم الكيس مالتي وكالي عندك مقابله يوم 2/6/2010 تكدر اتروح اتقابل . وسؤاله الثاني انته من بغداد كتله اني مو من بغداد كال اذا تكدر اتروح روح واذا ما تكدر عادي ملفك يبقى وكلشي ميتغير بي ؟(هذا كان كلام الموظف)
 اني كتله ليش ما دزيتولي اميل كال ان صار عدنه شاغر يوم 2/6 وملفك موجود على النظام كلنه خلي نتصل بيه ونخبره كتله اني ما اقدر هسه كال اوكي يا وقت تكدر دزلنا اميل وبلغنه واحنه راح انبلغك كتله اوكي . بس اني كتله ان اني هسه عندي امتحانات كال استمر بامتحاناتك

اني راح اتصل بي باجر واكله على يوم قريب يعني خلال هل عشر ايام والباقي على الله


والغريب با الموضوع ان همه يبلغون عن طريق الاميل لاكن اني ما بلغوني عن طريق الاميل

[الرومانس العراقي]

انت من اهل الحله ياعلاوي

[الرومانس العراقي]

تحياتي علاوي اقول لو تروح هواي احسلك والامتحانات الوزارية بعد هواي عليه وانت تكون ماتخسر شي والله اتمنى هاي الفرصة بس شسوي وتحياتي الك خوي العزيز اخوك من الحلة

[A_FOX]

حبيبي علاوي  مرحبه
اخويه العزيز انت موعدك غدا واعتقد مراح اتلحك اديز ايميل وعندك حل من الاثنين
اولا  لو تتوكل على الله وتروح السوي المقابله وتخلص والله يسهلك
ثانيا  لو تتصل بالموظف اللي خابرك وتشرحله الموقف مالتك حتى يصير عدهم علم لان اذا ما تروح وما عدهم علم بانه انت تريد تاجل المقابله الاولى يلغي كل شيء واعتقاد شخصي لو اتروح افضل يمعود يا دراسه هاي
هو اللي عنده شهايد شفادته بالعراق العظيم
تحياتي
ابو ساره

[kunda]

والله اخوية اني اكول غلطت بالتأجيل شنو امتحانات شنو مامحضر يمعود دي امريكا ياعم

[علي الحلي]

اخواني اني مئيس من شغلت ان يقبلوني لائن اني با البلاك ليس مالتهم فما اعتقد ان يقبلوني ويرحبون بيه بأمريكا واني اصلآ ما ردت اقدم بس قريت موضوع با المنتدى قبل فتره كال قبل مقابله المحلفين اتوقع على ورقه بحيث اذا انرفضت من الوفد الامريكي يحولونك على غير دوله وهذا الشي الي خلاني اقدم وهذا الشي ما تأكد من قبل الاخوه با المنتدى . وهسه اني ما اريد اضيع المشيتين الدراسه والسفر الى امريكا بس لو اني متيقن ان راح ايقبلون او اني مو با البلاك ليست صدكوني ما تمنعني الدراسه . بس على كل حال اني دزيتلهم اميل وراح اتصل بيهم هاتفيى باجر انشاء الله والي يريده الله يصير

واقدم شكري واعتزازي الى الاخوه

ابو ساره(A_FOX)
kunda
الرومانس العراقي
mastermind
رامي البابلي
سياب البصره
ام مشمش
بوابه عشتار
مغترب
Hanar
Aiham_


 الى كل الضيوف والاخوه الذين شاهدو هذا الموضوع


     اخوكم
علي الحلي