قلت الوداع وجاوبـت دمعـة العيـن

اتــمــنى تــنــال اعــجابكـم كم،ـا نالت في اعجــابـي

قلت الوداع وجاوبـت دمعـة العيـن
تجـرح.... بساتيـن الخـدود... النديـه

وغضت..وشفت بعينهـا الحزن..حزنيـن
وصاحت ..على الفرقى ...انـا مـوقويـه

وجاوبتها....ارجـوك ..تكفيـن.. تكفيـن
والله دمعك....يشعـل النار...فـيّـه

وقالـت ...تعاهدني..عـهـاد المحبـيـن
اللي يخـون... اللـي يخـون ...بخويّـه

قلـت ابشري...واللـي خلقـك لاتظنيـن
حرام...ماغيرك...عشقـت ..آدمـيـه

وقصّت شعرها...قلت انـا..وش تسويـن
قالـت ابـي ..مـن غرتي..لـك هديـه

ونادتنـي الغربه...علـى الهـم والبيـن
احسّـب الأيـام... روحـه... وجيّـه

وفي كـل ليله...ترتسـم بيـن رمشيـن
خيالها...بيـن الـرمـوش... الشقـيـه

غربة سنه...فـي ذمتـي غربـة سنيـن
متى علـى الله.. يلتقـي الحـي... حيـه

خلاص...هانت...مابقـى غيـر يومـيـن
خـلاص ... قفّت..غربـةٍ جرهديـه

ورجعت....شوقي في خفوقي... براكيـن
ورجعـت انـا... كلـي لها....جاذبـيـه

وسألت ما ردّوا...وانا اصيح هي..وين !!!
وكلٍ نثر... مـن داخـل العيـن... مَيّـه

وفـي معمعـة حزني...تلقيـت رمحيـن
قالـوا توفـت ..غافلتـهـا ...المنـيـه

وفـي غرغرتها...ماذكرت...غيرحرفيـن
تشهـدت بسـمـك... شـفـاه البنـيـه

وتزاحمـت فـي داخلي...ألـف سكـيـن
والحزن..يطويـنـي ثمانيـن....طـيّـه

صدمه..وجابتنـي على الارض..نصفـيـن
وشلـون راحـت دون... ذنـب وخطيـه

تكفون....دلـونـي على القبر..هالحـيـن
مـاعـاد فيـنـي للصبر....مقـدريـه

ووقفـت اطالـع قبرها...بيـن نصبـيـن
وجلست..اضـم اغلـى النصايـب عليّـه

واصيح....وش بك يا غلا.. مـا ترديـن
اشتقـت..همس..إشفاهك...النرجسيه