جروب للشباب اللي مقدمين من عمان

[amman2010]

مرحبا للجميع.

 هذا الموضوع من اجل جمع  الشباب او حتى الشابات العراقيين اللي يحبون يتعرفون ببعض ويلتقون بين فتره وفتره في كوفي شوب او مكان عام ويصيرون اصدقاء من اجل التهوين من الغربه وصعوبة الانتظار وبالتاكيد الفظفظه عن مايخص همومنا اللي اعتقد هيه مشتركه. اللي يحب  خلي يشترك بالجروب.

[عكعك التطوى]

لؤي يصير شياب لو مقتصره على الشباب والشابات فقط ؟؟

عكعك من منتدى عنكاوا

[VIP2010]

أخي العزيز تحياتي وأحترامي

اني ضفتك على الياهو أرجو قبوول الدعوة

مع أمنياتي بالموفقية

أخوك VIP2010

[amman2010]

هلو شكرا للتفاعل السريع مع الكروب.
عيني اخ عكعك اقولك يعني لازم احدد اعمار يمعود كل الهلا بكل من يريد يتواصل ويه الكروب ماكو تحديد لاعمر ولاجنس ولا دين ولاطائفه لعد دنريد نروح لامريكا وبالك عنه!
دشترك عيني اشترك! وشكرا للعضو VIP ضفتك وهسه رد ادزلك تلفوني اوف لاين اخاف مرح ترهم بنفس الوقت نكون اون لاين. 

[^Miss Violet ^]

يصير اني اتفاعل هنا بس يعني بدون تلفونات وكافيهات؟؟

اذا يصير اني اريد بطاقة عضوية هنا

[VIP2010]

اعزائي ابناء منتدى عنكاوا

السلام عليكم

اليوم كان أول لقاء مع الأخ Amman 2010 وكان اللقاء رائع وصدك الواحد يفرح من يشوف أبناء بلده ومثل الأخ amman2010 وبهل الأخلاق العالية واتمنى ان تزيد اللقائات ليش يعني ماكو تفاعل بهل شئ يعني مفيد تبادل المعلومات والخبرات بعدين احنا بالغربة من يوكف للثاني غير واحد يساند الثاني وكافي عزلة مع شكري للأخ amman2010 على هذا الموضوع وعلى اللقاء الأكثر من رائع

مع امنياتي للجميع بالموفقية

أخوكم vip2010

[swan_mo]

مبادرة رائعة وياريت كل ابناءنا يتواصلون مع بعضهم على الأقل يتغلبون على احساس الغربة والوحشة وبنفس الوقت يتبادلون ارائهم وخططهم المستقبلية وواحد ينور ويعلم الاخر
تحية لكم جميعا وربي يسعدكم ويتمم اموركم على الف الف خير





                                                                                              ام محمد

[amman2010]

شكرا ل VIP على اللقاء الحلو اليوم وانشالله الكروب يكبر وتصير لمه احلى واحلى. وتحياتي لام محمد على رائيها القيم والله يوفقج ويسهل امورج يارب. ونفس الشي بالنسبه لمس فايوليت المتالقه بمشاركاتها دائما ونتشرف بيج بهذا الكروب وبلا كافيهات ولايهمج هههههه كل الهلا بيج اختي العزيزه.

[doori]

السلام للجميع
كرا للاخ لؤي على هالمباردره الرائعه اي والله الواحد لازم يتعرف على اولاد بلده بغ

[doori]

السلام للجميع....
شكرا للاخ لؤي على هالمبادره الرائعه والله صحيح الواحد لازم يهون عليه غربته ويتعرف على ابناء بلده والله يوفق الجميع ويا رب يكبر هالموضوع ويلاقي القبول من جكيع الموجودين في عمان من العراقيين و الكل اخوه الذكور واالاناث ان شاءالله وبالتوفيق للجميع
iraq_baghdad75@yahoo.com واتشرف بالجميع
واتمنى ان تبلغوا العراقيين في عمان علمود يكبر هالموضوع لان ما النا غير بع

[VIP2010]

أخوان أني صحيح ألتقيت بالأخ amman2010 بس نسيت أضيف أيميلي

vipiraq@rocketmail.com

مع التقدير

أخوكم VIP2010

[بغداد بقلبي]

السلام عليكم

فكرة جميله بس اعتقد الوضع بالنسبه للاردن اشويه صعب
بسبب غلاء المعيشه
والعنصريه التي ايواجها العراقيين
وحضر التجمعات واحتمال انحراف موضوع المناقشات
والعديد من المشاكل
بصراحه اني كنت بالاردن لمدة 7 سنوات واعرف هاي الامور
ارجوا منكم تقبل مروري
والله ولي التوفيق

[amman2010]

اهلا وسهلا بيك اخ بغداد بقلبي ونتشرف بمعرفك بس تره احنا منروح لاماكن غاليه حتى مرات نقعد عادي على مصطبه المهم انو نتشاوف ونسولف بمواضيع بسيطه تخص الهجره والدنيا بشكل عام يعني وماعدنا لا تجمعات ولاشي واحنا اصلا كلنا ولد ناس ومنحب المشاكل صغيره كانت او كبيره يعني من هالناحيتين اتطمن. ومع هذا حتى لو عالنت تريد تتواصل ويانا كل الهلا بيك واخ عزيز. انت جنت 7 سنوات بالاردن وهسه وين اذا اكدر اسال؟

[2VIP2010]

والله هذا فد واحد ينطبق عليه قول الشاعر احنا روحن للقوم الأولانيين ملأناهومش فرجعنا تاني

يعني شئ ميشبه شئ
مع تحيات

VIP2010 اسف لان الاكاونت الاول انضرب اضطريت اسوي واحد جديد بلكت الادارة ترجعلي الأول

أخوكم الجديد 2VIP2010

[VIP2010]

الحمد لله الأكاونت ورجع والشكر الجزيل للأخت ✿AnGie✿ على المساعدة نرجع هسة للمشاكسة

أخوان اني أقترح انو نسوي كروب جديد بأسم العراقيين المقيمين في أمريكا لتعارف العراقيين في امريكا والتهوين على الغربة في اول اشهر

بس اني خايف خاف اكو ناس مترضة وتكول هذا البلد الأحتضنة وهذا البلد ميصير نسوي بيه مثل مسوينة بالعراق يعني بصراحة اخاف من عمو سنفور غضبان ههههه على رأي الاخت ^Miss Violet ^ انتوا شنو رأيكم بالموضوع؟؟؟

أخوكم المشاكس VIP2010

[عمر عراقي]

الحمد لله الأكاونت ورجع والشكر الجزيل للأخت ✿AnGie✿ على المساعدة نرجع هسة للمشاكسة

أخوان اني أقترح انو نسوي كروب جديد بأسم العراقيين المقيمين في أمريكا لتعارف العراقيين في امريكا والتهوين على الغربة في اول اشهر

بس اني خايف خاف اكو ناس مترضة وتكول هذا البلد الأحتضنة وهذا البلد ميصير نسوي بيه مثل مسوينة بالعراق يعني بصراحة اخاف من عمو سنفور غضبان ههههه على رأي الاخت ^Miss Violet ^ انتوا شنو رأيكم بالموضوع؟؟؟

أخوكم المشاكس VIP2010

يمعود هسه خلي نوصل اول مره لاميركا وبعدين نتعارف براحتنه . هههههههه
نتشرف بالتعارف على اي عراقي اصيل وطيب وين ميصير بعمان او باميركا

وان شاءالله نروح لاميركا ويتحقق الحلم...
نتعرف ونسوي علاقات تدوم طول العمر

[amman2010]

عضو عراقي اهلا وسهلا بيك نتشرف والله. اقولك تره انت يمكن معرفت شنو الداغه تره هاي جانت بس جكه صغيره اذا متابع الموضوع ويانه ههههههه صارلنه يومين دياخين وداعتك!! ونريد تفاعل اكثر والا نضطر نسوي الجروب هناك ههههه

[yis2007]

اخوان السلام عليكم
اولا الفكره حلوه وحيل عجبتني واني اخوكم جديد والگروب اسمه (للشباب اللي مقدمين من عمان ) السؤال شمقدمين لو سمحتو
ثانيا ارجو ان تقبلوني بالگروب للتواصل .
ثالثا حسيت ان الموضوع انگلب الى الرد على السنفور الغاضب . واسف للاطالة

[amman2010]

هلو yis2007. مرحبا بيك بالكروب مالتنا. اللي مقدمين عاليو ان من عمان الاردن. انت شمقدم وين واصل واذا تحب نتلاقى مع باقي الاعضاء كل الهلا بيك ضيف اي واحد من عدنا عالياهو واترك رقمك هناك اذا تريدواهلا وسهلا مره ثانيه

[yis2007]

حبيبي amman2010 شكرا الك وللشباب الطيبه والصراحه احب اتواصل وياكم اهنا بالمنتدى .
اني مقدم عاليو ان من سنة 2007 بس لحد الان كلشي ماكو حديقه واخيرا لجات لهذا المنتدى الرائع لمعرفة ما يمكن عمله لان الوضع هنا تدهور وتعب حيل وما ادري الواحج شيسوي والله كريم .

[amman2010]

واللهي حقك صدك هوايه صار بس ردت اسالك يعني حتى مقابلة توطين اللي هيه المقابله الثانيه مال اليوم ان هم ممسويها؟  الله يعينك والله

[amman2010]

شلونكم ياجماعه انشالله تكونون بالف خير وصحه يارب. مثل ماشفتوا او لاحظتوا انو العراقي الصريح جدا اشلون انسحل بجهودكم زتكاتفكم وباخلاقكم الطيبه والله خوش وقفه منكم جميعا بحيث ماقدر يصمد هوايه وانشالله دائما تكونون هيجي ايد وحده عالخير وضد اي شر وانشالله ماتشوفون شر ابد.

عراقي

[^Miss Violet ^]

هسة غير لو افتهم وين تروح المشاركات..

شلونكم جروب الشباب.. طبعا اني داحشة نفسي دحش بس شنو اني افترضت انه الشباب يعني الفئة العمرية مو يعني الولد هههههههههههههههههه

ها شلون الشباب

[VIP2010]

الشباب والشابات الحلوين أعضاء منتدانا الحلو شلونك

اني دا أشوف صاحبنا السنفور غضبان انعلس مو لو شكلة سو الكتلة عليه وانتحر يالله خلص العالم من شرة

مع تمنياتي للجميع بالموفقية

[amman2010]

هلو مس فايوليت  كل الهلا بيج والله وبكل العراقيين.  لا والله ماكو اي تحديد لا بعمر ولا بغير عمر وياريت الجروب يكبر وباجر عقبه نصير نتذكر هاي السوالف والمنتدى وكلشي يمر بخير وسلامه وباسرع وقت وبالنسبه ل VIP2010 هذا سنفور غضبان على قولة مس فايوليت اعتقد صار فد عبره لكل اللي من امثاله وصار مثال كلش واضح للصراع بين الخير والشر

[بنت العراق 84]

شكرا للاخ لؤي على مبادرتة الطيبة بتجميع الشباب العراقين المقيمين في عمان والي بحيل الله مسافرين لامريكا
اني خلوني وية اخت Miss Violet اتناقش وياكم منا من موقعي ههههههه
زين خلي كل واحد يكتب شوكت مقدم وتواريخ الاحداث الي صارت وياه ووين واصل الكيس مالتة وبيا ولاية رايح ان شاء الله.
ابدي بنفسي
تقديم عالأي او ام بشهر ال10 2009
مقابلة اولى شهر ال11 2009
بصمات شهر ال12 2009
مقابلة محلفين 16-2-2010
فحوصات طبية 1و3\3\2010
استلام ظرف المحلفين بتاريخ 20-3-2010 عمان
والاتصال بالكفيل بداية شهر الرابع 2010
ولحد الان بانتظار الامنية
رايحة ان شاء الله لولاية ساوث كارولاينا
تحياتي
اختكم بنت العراق 84

[amman2010]

هلو بنت العراق 84 ونتشرف بيج بكروبنا وانشالله تجي الموافقه الامنيه باسرع وقت. ماباقي شي انشالله وانتي اتصيرين اتصبرينه والله نفرح من نسمع هيجي حالات تنطينه امل.
بالنسبه لتواريخي مثل مايمكن قسم من الاخوه هنا يعرفون لان اكو موضوع خاص بالتواريخ وكتبتها هناك بس رح اكتبها هنا هم.

اول تقديم ببداية السنه 2010والمقابله الاولى باليوم ان  شهر 2 سنه 2007 والثانيه ببداية ال 5 نفس السنه وهسه دانتظر تحويل عال اي او ام انشالله

بالتوفيق للجميع

[بنت العراق 84]

شكرا جزيلا اخ amman2010 على ترحيبك الحلو
وان شاء الله يجيك توطين باسرع وقت لان سمعت انو ديسرعون باجراءات التوطين
الله يسهل عالجميع ان شاء الله
تحياتي

[amman2010]

امين يارب

للرفع

[doori]

السلام للجميع ....
اعتذر للجميع عن الانقطاع صار جم يوم واخ لؤي يعرف تفكير وما ادري شنو مع اني اول واحد كللكم لحد يفكر بس منو يكدر ميفكر الله كريم يوفق الجميع يا رب
اهلا وسهلا بكل عضو جديد بكروبنا وبالنسبه للاخت مس فوليوت انت نواتنا على كولت هنا تنورينا شوكت مدخلين للكروب اختنا العزيزه والله واني برسم الخدمه للجميع باي شي يطلبوا اخواني و خاوتي كلكم والله
طبعا اني طباخ ماهر اليوم طبخت قيمه وتمن عيني عيني تمنيتكم ويايه
الله يسهل امر الجميع يا الله

اخوكم
احمد الدوري
الاردن_عمان

[^Miss Violet ^]

صباحوو الخيري وسلاموون عليكووم

ها شلون الجماهير الصابرة اللي مشحونة عالانتظار

بنوتة هاي شنو صار اكو ثنين بنات .. بس شوفي اني قبلج يعني راح اترأس حزب تحرير المرأة و النهوض بالمجتمع النسوي هنا.. مو تنافسيني عليه

شكو ماكو يا جماهير

[ضـاع الوطن]

عيني miss violet اذا اتريدين تتراسين الحزب فلازم اتسوين انقلاب على الرئيسة اوماها هع هع دخلي القسم الدردشة وشوفيه شلون عالكه واني اسندج بعمليه الانقلاب  هههههههههههه

س ) شباب الكروب ماكو دورات مال انكليزي ؟ مسامعين خبرر محد يعرف منا منا اكونلكم ممنون

[amman2010]

هلة عيني ميس فايوليت صباح الخيرات عليج وعالكل بكروبنا الحلو والمشحونين كلهم وانشالله هالاسبوع نسمع خبر حلو بلكي. تصبيره صغيره هههههه.  ضاع الوطن اني سمعت اكو دوره مال انكليزي بس ماعندي اللينك والله واصلا هوه الخبر مدري شلونه جان اشو بالبدايه قالوا اكو دوره وجانوا حاطين رقم تلفون موبايل وكاتبين اسم مكتب وبعدين من ضمن الردود مال الاعضاء تبين انو الدوره مو بالمكتب اللي كاتبيه لان اللي راحوله الموظفه قالتلهم ماكو هيجي شي وقسم يقولون قالتلنه بس مال حاسبات وقسم يقولون دزتهم على مكتب بشارع المدينه ومدري شنو وهم بعدين العالم راحب وطلع امقبطه الشغله هههههه. وتره مو كلش دا اتذكر تسلسل الاحداث فاسف اذا اكو معلومه مو مضبوطه كلش او مخربطه وعلى كل حال اني اقترح منا وجاي مادام هيجي اي واحد يشوف لينك مفيد كلش خلي يخلي هنا بالكروب لفائده الجميع تره هسه خطرت ابالي الفكره وحياة سييدي اللبلوبي على قولة محمد سعد هاهاها

[ضـاع الوطن]

ههههههههههههههههههههههههههه حلوة هاي مال السيد اللبلوبي

اي اني الي رحت على هاي الدورة وكالت عدنه بس صيانه حاسوب
بس اذا اكو انكليزي

[amman2010]

الانكليزي ضروري اكثر من الحاسوب والله. اني كلش زين بالانكليزي اذا تحب انطيك قواعد كم مره اني حاضر

[بنت العراق 84]

تسلمين حبي مس فيوليت اي صرنة 2 اني وياج ولازم نفكر نسوي انقلاب عليهم ههههههه
اخ ضـاع الوطن بالنسبة للدوراة اني سمعت اكو دورة مال انكليزي للعراقين مدعومة من اليو ان بمبلغ 25 دينار صايرة بمركز جنيفا خلف سيفوي شميساني يمتحنوك ويحددولك المستوى الي انت بي
هاتف
0795641274
الله يسمع منك اخ amman2010 لان صدك محتاجين شي يفرحنة كل اسبوع اكول بلكي هالاسبوع اسمع خبر حلو شوية يصبرنة بس دتمر الاسابيع والاشهر واحنة مكانك راوح 
الله كريييييييييييم

[amman2010]

ميخالف لاتديرون بال تهوون وتصير سوالف

[عمر عراقي]

ماشاء الله نشــــــــاط جماعة عمان
عاش الشباب والشابات والاولاد والبنوتات
والف مليون هلا بيكم حبايــــــــــــــــــــــب

[VIP2010]

سيداتي انساتي سادتي السلام عليكم

خوش بداية مو عبالك واحد مذيع كرة قدم ههههههههه

ان شاء الله كل هاي الأمور تهون وتصير من الماضي وتصير قصص نحجيها لولدنا وبناتنا بعد الوصول الى ارض الأحلام (أمريكا)

مع تمنياتي للجميع بالتوفيق

أخوكــــــــVIP2010ــــــــــم

[شموسه123]

مرحبا جميعا اشلونكم اني طبعا عجبتني فكرت الموضوع هوايه فلهذا ارجو ان تقبلوني صديقه جديده واني اول مره اشارك وشكرا على صاحب الموضوع على هلفكره

[amman2010]

هلو  شموسه كل الهلا بيج يكروبنا وانشالله معرفة خير وتكونين عضوه دائمه ويانه بهاي الرحله مالتنا لامريكا. طبعا اني ويمكن اعضاء اخرين نحب نعرف عن العضو الجديد تواريخ مقابلاته وتقديمه لليو ان ووين واصل باي مرحله هسه وشدينتظر واكيد مثلا وين حابه تروحين وهالامور هاي اذا ماعندج مانع تغششينياها لان احنا هنا مثل العائله الوحده واهلا بيج مره ثانيه اخت عزيزه

[شموسه123]

هلو  شموسه كل الهلا بيج يكروبنا وانشالله معرفة خير وتكونين عضوه دائمه ويانه بهاي الرحله مالتنا لامريكا. طبعا اني ويمكن اعضاء اخرين نحب نعرف عن العضو الجديد تواريخ مقابلاته وتقديمه لليو ان ووين واصل باي مرحله هسه وشدينتظر واكيد مثلا وين حابه تروحين وهالامور هاي اذا ماعندج مانع تغششينياها لان احنا هنا مثل العائله الوحده واهلا بيج مره ثانيه اخت عزيزه

مقابله كانت 12-7 وكانت مقابلاول تين وبعدين المقابله الثانيه وكانت المحلفين 2-11 واستلام الظرف 5-12 كوله في سنه 2009 والفحص كان في منتصف شهر 12 اكملنا الفحص الطبي وثم حصل اعاده الفحص الطبي في شهر5 2010    وباقي فقط اكمال سستم والاتصال بلكفيل ومن ثم تحديد السفر  والتوجه على امريكا وانا اشكر ترحيبك لي 

[amman2010]

الف مبروك وانشالله توصولون باسرع وقت وبالف سلامه يارب. وين انشالله رايحين اي ولايه؟

[شموسه123]

الف مبروك وانشالله توصولون باسرع وقت وبالف سلامه يارب. وين انشالله رايحين اي ولايه؟

شكرا اخويه وانشالله انت وجميع العراقين ايسافرون يارب السفر الى ولايه فيرمونت

[doori]

السلام للجميع...
اهلا بيج اخت شموسه 123 صديقه واخت النا في الكروب الرائع
شلوووووووووووووون الشباب و شلوووووووووووووون الحمه و شلووووووووووووووون الحاله النفسيه

اخوكم
احمد الدوري
الاردن-عمان

[ضـاع الوطن]

صباح الخير على احلى اعضاء شكو ماكو ماكو اخبارجديده اليوم شو سنطه السالفه

اكول ششجعون بكأس العالم ؟؟؟

[amman2010]

مرحبا للجميع كلنا بحالة ترقب للتلفونات ههههههه بلكي يخابرونه هالاسبوووووع وبالنسبه لكاس العالم اني اشجع البرازيل بس لحد هسه ممتابع ولا لعبه اشو مدري ليش!

[VIP2010]

الأخوات والأخوة الأعزاء السلام عليكم

مثل مقال الأخ AMMAN2010 نحن في حالة ترقب للتلفون يعني كل ميدك التلفون اكول اي يالله هذولة همة بعدين يطلع صديق او واحد من الأهل أكول لا هذا وقتك ههههههههه بس الله كريم ان شاء الله خير شو اني تا اتوقع هالشهر راح يكون شهر خير ان شاء الله.
بس البارحة واحد من الأصدقاء راح قابل بالIOM كلوله انه السنة هاي راح يحاولون ينهون كل الملفات الي طلعلهة توطين حسب قول الموظف الي قابل صديقي علمود البصمات بالمناسبة هذا صديقي استلم خط الرحلة يوم لألكم ان شاء الله وراح يروح لولاية اوهايو يوم 13-7 ان شاء الله يوم الي كلنا نلحكة يا رب

تحياتي وأمنياتي بالتوفيق للجميع

أخوكـــــــVIP2010ــــــــم

[شموسه123]

شكرا الك اخ doori وانشالله ربي ايوفقك يارب ويوفق الجميع


اختك شموسه123

[بنت العراق 84]

اني هم من يمي سنطة لا حس ولا نفس والروح المعنوية كلش هابطة 
يلة ملتهين بكاس العالم لكينة خوش طريقة نكتل بيها هالشهر وراها الله كريم
اهلا بيج اخت شموسة صرنة 3 بنات بهالتجمع اني وياج ومس فيوليت يلة نريد نشاطات وفعاليات

[doori]

السلام ....
اخويه VIP2010 متسأل صديقك شوكت مقابل اولى وثانيه بيا شهر يله خابرو على اليصمات؟
شكرا الك
وين الموعد؟؟؟؟؟؟؟؟


اخوك
احمد الدوري
الاردن_عمان

[VIP2010]

حبيبي أحمد الدوري الوردة

أحنا ان شاء الله على الموعد الجديد لأن صار عندي شغل مثل مكتلك

وأهل بكل الأعضاء الجدد وتحياتي للجميع

[عمر عراقي]

بنت العراق صدك راح نقتل شهر كامل نتابع كأس العالم . بس وراها شلون ياعيني
لازم من هسه نبدي نفكر بالشهر الجاي شلون نكضيه .
اني ابالي نلعب حرب العصابات على الفيس بوك
واني عندي عصابه واغير اسمهه ونسميهه العراقيين في عمان!
شنو رأيكم حبايـــــــــــــــــــــــــــــب

[amman2010]

اي استفاد هاي خوش لهو طلعلي اني يمكن لازم اخذ دوره عالفيش بوك لان ولا اعرفله ههههههههه اكو دوره مجانيه عن طريق ال يو ان؟

[بنت العراق 84]

اخ عمر عراقي احنة بنات يعني مو مال حرب عصابات بعدين ممليتو من الحرووب اووف مو شرجعنة لورة غير هالحروب هاي هههههههه عيني اني ملكيتلي لعبة بنتوتية عالفيس بوك عندي عساس بوتيك مال ملابس واشتري وابيع ملابس اكيد متفيدكم شباب مو بالله؟؟ خليكم عالعصابات والطلقات وكولولنة منو الي فاز

[عمر عراقي]

اخ عمر عراقي احنة بنات يعني مو مال حرب عصابات بعدين ممليتو من الحرووب اووف مو شرجعنة لورة غير هالحروب هاي هههههههه عيني اني ملكيتلي لعبة بنتوتية عالفيس بوك عندي عساس بوتيك مال ملابس واشتري وابيع ملابس اكيد متفيدكم شباب مو بالله؟؟ خليكم عالعصابات والطلقات وكولولنة منو الي فاز

ياعيني ليش احنه نكدر ننسى صوت الطلقات والانفجارات والطيارات والدبابات؟
شلون ننساها واحنه انولدنه وعشنه على هاي الاصوات اني مواليدي79 يعني
من بدت حياتي لحد الان كلهه حروب متنوعه بالجبهة وبالشارع وبالبيوت وحتى
واني نايم وراسي على المخده هم صوت الانفجارات براسي . يعني هاي المقدمه كلهه
معناه العراقي من يسجل بالفيس بوك غير حرب العصابات مايعرف يلعب
واذا حاول يلعب غير لعبه مينجح بيهه .ههههههههههههه
بس يجوز اذا رحنه لاميركا نحول على لعبة البوكر.
وانتي انصحك بلعبة الفلاح السعيد ترهم للبنات ولعبي وادعيلي.
للعلم اني مقتنع بوجهة نظرج المفروض نبطل من سيرة الحروب
ونبدي حياة جديدة بس على كولة ابو المثــــــل ( شنســه منـــــهم ) 

[^Miss Violet ^]

مساء الأنوار و البلبل الطيار و الوطن المحبوس خلف الأسوار<< المهم قافية مو مشكلة المعنى بقلب الشاعر

شوفوا.. حبة حبة

بالنسبة لدورة الانجليزي.. صديقتي راح تبدي دوره تطوع بصويلح.. اني خابروني حتى انطيها بس التزمت بمركز ثقافي.. وخابرتها هي خوش بنية وراحتلهم لمركز تنمية المجتمع المحلي وراح تسوي دورة محادثة وقواعد راح اشوفلكم شوكت تبدي وشلون تسجلون.

بالنسبة للتلفون.. انشلع قلبي.. هالنوب كلهم يخابرون صاروا من رقم خاص.. وطبعا اني جنت قبل زمااااااااان أيام ما كان عندي نظر ههههههههه جنت ما اجاوب خاص.. اكول اللي يريدني خلي يشوفني رقمه ليش يضمضم.. بعدين الاي او ام ادبتني شوية هههههه بس كمت كل ما افتح الخط هسة والكيه احد من الاهل لو الاصدقاء راسا اجفته رزالة.. واكله فززتني عبالي الهجرة شنو انتوا متحسون متخافون من الله متعطفون عاالمسكين والفقير مع العلم اني اخابر الكل من خاص هههههههههههههههههههه

بالنسبة للتشجيع.. آني أشجع فريق خضير هادي << شكد اكرهة

واخيرا وليس اخرا>>>>>>>> هلا بيج شموسة حبيبتي.. ومثل ما عرفتي اكيد اني رئيسة حزب "بولوبيف بولوبيف" الحزب المناهض لحزب " السيد اللبلوبي" فلازم اي شي تريدين تطرحيه يوافق عليه الحزبين وننظر بيه وتجيبين واسطة اكيد ولازم اي احد بعائلتج لو كرايب الحكيم لو المالكي حتى نكدر نوافق على الموضوع

[عمر عراقي]

مساء الأنوار و البلبل الطيار و الوطن المحبوس خلف الأسوار ...
وجاء الليل وراح النهـــــار واحنــــــه كاعدين نكتب اشعــــار.
.... اثرتِ قريحتي الشعريه فحبيت اضيف البيت الثاني
وراح اطلع. (طبعا ننتظر الجديد بخصوص الدورة مال الانكليزي)

[^Miss Violet ^]

اي اي ان شاء الله راح اتيكم بكل ما هو جديد في دورة الانجليزي

بس شنو هاي قريحتك الشعرية.. غلبت عمر باقر السياب

[amman2010]

شنو هالنشاط المنقطع النظير شبااااااب صدك من اشوفكم كلمن عنده موهبه(شاعر ومللسه هههه مس فايوليت مو تزعلين! واحد يسمي الشاعر ومختص بالادب العربي الحديث), افرح عبالك ولدي هههههه.
اسمعو هالشعر مدري الدارمي ( ليش انت هيجي وياي ليش انت هيجي لين انه هيجي وياك صرت انت هيجي!!  منو يعرف التكمله؟ هاي اهداء للليو ان!! اقولك عمر عراقي اكيد كل شعر واله تكمله يمك او حتى لو دارمي عادي كله يمشي.

[^Miss Violet ^]

بانتظار الشاعر صاحب الذوق الرفيع والحس الثخين عمممممممممممممممممر

[amman2010]

عمر منو مو سميناه السياب بعد شكو تره المشاهد تتخربط عليه الامور بهالحاله وبعد انريد شاعره هم حتى تصير منافسه منو يتبرع؟

[عمر عراقي]

منو يكول حسي ثخين سيده فيوليت بالعكس حسي مرهف وجميل
بحيث اذا اغنيلكم هسه الا ينغلق المنتدى لاسباب مجهوله واحتمال حتى UN
تنغلق.
المهم حبايب عوفونه من السياب والجواهري
وخلونه بظيم ال UN و ال IOM ودورات الانكليزي.
بس للعلم سيده فيوليت ماكو شاعر بأسم بــاقـــــر السياب اكو بس شـاكــــر السياب
الي هو بدر وانتي سويتيه عمـــــــر الي هو انـــي وبيتنه بساحة الخلاني.. الخ
وتكدر تكول انا و افر البروانه. هاي للحبايب بالجنوب
بله اني شايف اصناف واشكال الناس مو عبالكم سهل تره افركم فر واخليكم تدوخون. ههههه
حبايــــــــــب داتشاقه وياكم لان انتو خوش ولد وخوش بنات واي واحد ماعنده اقامه اني مستعد ابلغ عليه
وخلي تفيده ورقه الحمايه طبعا اني اولكم

[عمر عراقي]

اما انت ياصديقي ياسياب 2010 اهووووووووووو شفتو شلون دوختونه قصدي عمان 2010
فأكدر اكمل البيتين مالاتك بالبيتين الي راح اكتبهن تحت انظار حضراتكم وهي.
جـــا وشـــحلات الجــــا. جــا لعدك انته؟.....هو الحجي بلا جـــا. جـــا شنهي لذته؟
طبعا الي مفتهم البيتين خلي يستعين بصديق والافضل يكون من اهل الجنوب العراقي

[عمر عراقي]

بس عندي سؤال مهم وارجوا من اهل الخبره اجابتي كلش مهم جدا مهم حيييييل مهم بسرعه وينكم؟
...........
........
......
....
...
..
.
مكتوب تحت الاسماء المستعارة مال بعض الاعضاء واني من ضمنهم عبارة (فعال جدا)
رحمه لوالديكم هاي الهه علاقه بدعاية صابون تـــــايـــــــــد 
هسه تلطف الجو لو بعدهه بوخه. يله حبايـــــــــــب تسمحولي اطلع من الكروب

[amman2010]

بوخه فعاله جدا  ههههههه

[بنت العراق 84]

اني اجيتكم
مساء الأنوار و البلبل الطيار و الوطن المحبوس خلف الأسوار ...
وجاء الليل وراح النهـــــار واحنــــــه كاعدين نكتب اشعــــار....

فكري وعقلي والله محتار اسهر بالليل وانتظر تليفون بالنهار...

[بنت العراق 84]

اخ عمر عراقي منو كلك لعبة الفلاح السعيد فلتت مني لعبتها ومليت منها وهسة حولت على البوتيك وقبلها لعبة اليوفيل الي هي تأثث بيت ترة  واصلة مراحلة بلعبات الفيس بوك ههههههههه

[doori]

السلام للجميع ...
مرا سمعت انو بعض موظفي ال un و ال iom يدخلون يشوفون المنتدى فاكيد راح ينقهرون علينه اهل الكروب الرائع ويسفرونا كليتنا وبطياره وحده ونلتم نلعب طوبه بين فريقين او الحزبين  وشوفو منو يغلب .
هاي اذا بقة الطياره بالجو



 

اخوكم
احمد الدوري
الاردن_عمان

[VIP2010]

شلون الشبيبة او على رأي سعيد صالح (دي شبيبة دي شيبة) هههههه

والله عجبني الشعر مال شعراء العصر والزمان فنانيين العراق الجدد او فنانيين امريكا الصاعدين ههههه

والله اخوية أحمد الدوري مع الأسف هذولة الــUN والــ IOM مينقهرون على أحد وحتى اذا انقهرو ميطلعونا قبل 3 أشهر شلوني وياكم دا أحاول أعربنهم بس الطيارة تصير ملعب مال طوبة

مع تحياتي للجميع وخصوصاً لبنت العراق 84 و doori و amman2010  وعمر عراقي و^Miss Violet ^ و للجميع.


أخوكــــــVIP2010ـــــــم

[شموسه123]

اني هم من يمي سنطة لا حس ولا نفس والروح المعنوية كلش هابطة 
يلة ملتهين بكاس العالم لكينة خوش طريقة نكتل بيها هالشهر وراها الله كريم
اهلا بيج اخت شموسة صرنة 3 بنات بهالتجمع اني وياج ومس فيوليت يلة نريد نشاطات وفعاليات

مرحبا اختي بنت العراق84 شكرا الج واني اشرف بيكم اي صرنه 3 بنات هسه الحمدالله وربي ايسهل امورنه كولنه

[amman2010]

هاي اهداء للي ابالي وابالكم....

كل البشر دولار بس انت دفتر .. بقلبي حظر تجوال بس انت تفتر

[بنت العراق 84]

اي عيني اخ عمان2010 خلي يفتر وياخذ راحتة
doori صدك يفوتون موظفين من المنظمة هنا؟؟؟لعد خلي نبجيلهم شوية شو احنة كالبيها ضحك و اشعار انريد نكد لعد منا ورايح كلها بجي بلكي يحنون علينة هههههههههه
VIP2010 تحياتي الك اني هم وللجميع

[amman2010]

والله جبتيها بنت العراق خوش فكره بلكي يسوولنا حل سريع... دلاقولنا اشعار اتحزن وتكسر القلب لعد

[amman2010]

هلو great hopeهلو بيج بالاسم القديم وبالجديد ونتشرف بانضمامج لكروبنا. بالنسبه لملفج وتاخره بقسم التوطين لاتسولفيلي اني نفس الشي. المهم امييييين يالله انشالله تمشي بسرعه بس نريد فد جم شعر برطيل اتكتبيلنا هنا بالكروب عسى ولعل تمشي اسرع ههههه... اقولكم اصدقائي هيه قابل هيته! اريد مشاركااات وتواصل

[بنت العراق 84]

الف هلا بيج great hope صرنة 4 بنات بالكروب يا الله خوش دنزيد
عزيزيتي الله يسهل امورج ياربي ويتحقق املج الكبير ياربي
والله كلنة نفس الوضع تعبنة من الانتظار والقلق فكلنة نفس الهموم
الله يسهل علينة وعليج ياربي
تحياتي اختك بنت العراق 84

[amman2010]

اي مو احنا بالبداية جنا انغرد بس بعدين قسم من الاعضاء اقترحوا يكون الشعر يقهر حتى بلكي نكسر خاطرهم علينا ويمشونه بسرعه يعني يسوولنا دفعه حرافيه.

[عمر عراقي]

الف هلا بيج great hope صرنة 4 بنات بالكروب يا الله خوش دنزيد
عزيزيتي الله يسهل امورج ياربي ويتحقق املج الكبير ياربي
والله كلنة نفس الوضع تعبنة من الانتظار والقلق فكلنة نفس الهموم
الله يسهل علينة وعليج ياربي
تحياتي اختك بنت العراق 84

بنت العراق هاي العنصريه للجنس اللطيف متفيدج اذا دخلو جماعة UN او IOM تصير الامور مو بصالحج
والطياره تشوفيهه بس بالتلفزيون اني حذرتج.....
  اكيد مبين داتشاقه مو؟
عيني ان شاء الله تسهل جميع امورج وتسافرين بخير وسلامه لاميركا
وترتاحين انتي وحبايبج بس مال جماعه UN و IOM يدخلون فاحتمال بس ميلكفون
بس الشغلات الموزينه لان على كولة ابو المثـــل (هذا هم حظنه)

[^Miss Violet ^]

مساءوووو الخيري و كيفاا الحالوووو والاحواالووو

كلتولي اي او ام يدخلون هنا ها

مناشدة

بسم الله الرحمن الرحيم.. والصلاة والسلام على سيدنا محمد (واذا انت يا موظف مو مسلم فآني احب كل الاديان واحترم الكل ) واذا مسلم بوخة و عقد ومتتحجى ( فآني لابسة شلون جبة وجرجف حتى عيوني ما اطلعهة كلش كلش استحرم .. يابة ترا اني هنا حال الضيم يا حالي اتريك وما اتغدى ولا اتعشى.. وعايشة بخيمة بعبدون و والنت بطئ عندي وماكو كورن فليكس.. الله يخليكم انقذوني من هذا العذاب

والسلامووو عليكم ورحمة الله وبركاتوووو

هههههههههههههههه اكلكم تصدكون اكو ناس هواية اعرفهم عايشين زين و من جانوا يكتبون مناشدات لليو ان ويخلوها بالصندوق جانوا يكدون بيها ويكتبون انه همه شوية و ينطردون بالشارع و حال الضيم يا حالهم وهمه سياراتهم و طلعاتهم .. بس بعدهم متوطنوا .. هذا اسمه (كارما) ههههههههههههه

[عمر عراقي]

مساءوووو الخيري و كيفاا الحالوووو والاحواالووو

كلتولي اي او ام يدخلون هنا ها

مناشدة

بسم الله الرحمن الرحيم.. والصلاة والسلام على سيدنا محمد (واذا انت يا موظف مو مسلم فآني احب كل الاديان واحترم الكل ) واذا مسلم بوخة و عقد ومتتحجى ( فآني لابسة شلون جبة وجرجف حتى عيوني ما اطلعهة كلش كلش استحرم .. يابة ترا اني هنا حال الضيم يا حالي اتريك وما اتغدى ولا اتعشى.. وعايشة بخيمة بعبدون و والنت بطئ عندي وماكو كورن فليكس.. الله يخليكم انقذوني من هذا العذاب

والسلامووو عليكم ورحمة الله وبركاتوووو

هههههههههههههههه اكلكم تصدكون اكو ناس هواية اعرفهم عايشين زين و من جانوا يكتبون مناشدات لليو ان ويخلوها بالصندوق جانوا يكدون بيها ويكتبون انه همه شوية و ينطردون بالشارع و حال الضيم يا حالهم وهمه سياراتهم و طلعاتهم .. بس بعدهم متوطنوا .. هذا اسمه (كارما) ههههههههههههه

عيني سيده فيوليت رسالتج احتمال تروحين تلكيهه بملفج ويكلولج هاي شنو حبابه تصنفين علينه؟ ؟؟؟
ويمكن اني اذا سألوني بمقابله شنو علاقتك بعينـ....... قبل ليكمل الموضف اباغته(شلونهه اباغته تره متحجي اني) المهم رأسا اباغت الموضف واكوله لا اعرف اكتب شعر ولاخيمه بعبدون ولا اعرف سيده فيوليت
ولا اعرف عمر عراقي (عمر عراقي منو) على كولة عادل امام.. لاانا فتحــــي ولااعرف فتحـــــي..
وثلثين الرجوله بالشرده ههههههه 
وبخصوص الناس الي عايشين زين ويبجون فهذوله يامكثرهم ياسيدة فيوليت
اما احنه النه الله وماينسه عبد مظلوم

[amman2010]

اقولك عمر هاي شعندك قاعد ليهسه والله لو تدري المنظمه تصير موزينه هههههههه

[عمر عراقي]

عود اذا سألوني اكلهم طيرتو من عيني النوم وخليتوني اسهر كل يوم..
زين انته شعندك كاعد ليهسه حبايب بيش دتفكــــر

[بنت العراق 84]

ترة اني هم كاعدة ليهسة هههههههه والي امسهرني هو نفسة الي مسهركم !!!!
واهداء خاص للمنظمة اغنية يا مسهرني الليل بعدك عيشني بويل
مس فيوليت اني اضم صوتي الى صوتج والنت يمنة هم كلش بطيء والخيمة مابيها سلايد رووف يعني شوب كتير كتير
اني هم ترة ما اعرف بنت العراق 84 ولا ادخل اصلا لعين كاوا

[عمر عراقي]

بنت العراق 2010 مو 84 تريدين سلايد روف وكشنات جلد ودشبول صاج باجر نراسل شركة فيراري
ونأمرهم يلبون طلبج بأسرع وقت والحساب على ال IOM وتصير عندج خيمه فيراري فول اوبشن.
واني اهديلهم اغنية الولـــــــد نام. ورااااااايح انـــــــــــام يا اصدقائي الكـــــــــرام

[ضـاع الوطن]

صباح الخير شباب هسه اني اريد انام شلون  باجر ورايه طركاعه من الصبح رايح لليو ان اريد اجدد الورقه مال حماية يعني اخذ موعد  شيكعدني الصبح

[doori]

صباح الخير للجميع ....
هاي شنو جانت السهره البارحه طاكه عيني لؤي غير تخابرني وتكلي زين شربتو جاي كهوه اكلتو كيك لو ناشفه ههههههههههه شلونكم شباب وبنات صرتو 4 و فرحانين لتخافون بعدكم ما وصلتو لعدد الشباب اهوووووووووووو يا حمودي شو بلشت تشبك بين الناس هنا يله ميخالف

هسه لازم نسوي انتخابات شنو رأيكم؟
قابل بس ببغداد يسووها قابل همه احسن منا يله من يترشح لمنصب رئيس الكروب ورئيس وزرائه ورئيس برلمان؟

اني اريد ابقه بالمعارضه ههههههههههههه

اخوكم
احمد الدوري
الاردن_عمان

[VIP2010]

صباح الخير لجميع الأخوة والأخوات المشاكسين والمشاكسات

شلونكم حبايب اني واعوذ بالله من كلمة اني اليوم جايب الكم خبر البارح بالليل واني بالكهوة دا اشوف لعبة معشوقتي البرازيل وكواريا الشمالية شفت صديق أخر مرة جنت شايفة بيها من استلم الكارت الأزرق بأخر 2008 المهم الأخ رفض التوطين بأمريكا وورة سنة رجعت الــIOM خابروا وكلوله ان امريكا رفضوا الرفض مالتك فهو وضعه تعبان اضطر يقبل وما اسولفلكم قابل البشهر الثاني 1و2 IOM والمحلفين بالرابع واستلم الأمنية نهاية الخامس والبارحة اطوا خط رحلة يوم 1-7-2010 يعني بعد اسبوعين من اليوم الى (والله نسيت اسأله عن الولاية انخبصت) المهم الي اريد اكوله ان اولاً اكو رحلات هسة وثانياً اثبتلي حجي صديقي الي كلتلكم عنه قبل 3 ايام بأن اكو تسريع بالمعاملات والله كريم

تحياتي وأشواقي وأمنياتي للجميع بالتوفيق

أخوكـــــــــVIP2010ـــــــــــــم

[amman2010]

اي والله البارحه سهره مو طبيعيه على ضوء القمر هههه وكاعدين الليل كله اشعر واغاني ماكو هيج. والله احمد الدوري ينرادلها كيك الشغله حتى تصير القعده حلوه.

والله خوش خبر هذا vip2010 الله يبشرك بالخير انشالله وقول لصديقك مبروووك وانشالله بالتوفيق وخلي يقبل باللي اجاه والحمدلله على كلشي وبالمناسبه مبروك فوز البرازيل ولو اني مشفتها بس قلبي وياهم ههههه حلوه مو بالل!.

ضاع الوطن عود بلغنا شصار وياك والله روحة اليو ان ينرادلها قلب ممدشن الله يساعدك وانشالله هذا اخر تجديد.

[doori]

السلام للجميع ...
والله عمي اول مره اسمع رفضو الرلفض مالته ههههههههههههههههه يعني هاي اخر صيحات الموضه في ال iom ناس ميتلها جم واحد ورافضيهم رفض قطعي والاخ رافضهم وقبلوا هههههههههه اللهم لا حسد يله بالعافيه عليه
فدوه
شباب والله دا اكتب الرساله واجاني تلفون مهم من ال iom باجر عندي بصمات والحمدلله عقبالكم

اخوكم احمد الدوري
الاردن_عمان

[amman2010]

الف مبروك احمد وانشالله فاتحة خير عالكروب كله يارب ماشالله خوش اخبار اليوم من الصبح يعني والله فدشي  يفرح ويبشر بخير ويارب الكل يسمع شي قريبا جداااا

[^Miss Violet ^]

صباحكم سكر

عيني دوري الحمدلله راح تسوي بصمات و تطبك وياية على المحلفين.. يلله بلكت يخابرونا هالاسبوع او اللي وراه على المحلفين

يا الله

[yis2007]

صباح الخير على الجميع وما شاء الله على هذا النشاط لاعضاء الگروب وانشاء الله ربي يوفق الجميع .
طبعا السهره البارحه فاتتني بس عند سؤال للشباب : اني مقدم عاليو ان شهر 7 /2007ولحد الان ماكو شي وبس اجدد الملف كل 6 اشهر وبس . اكو شباب يقولون قدم مناشده واكو شباب يقولون اتصل بالتوطين علمود يتحرك ملفك علما اني مقيم . انتظر ارائكم وشكرا للجميع .

[amman2010]

هلو  yis2007 اي تره صار فتره طويله المفروض الملف يتحرك صارله 3 سنوات نايم ممعقوله حسب علمي!

اقووووول شباب تره السهره والاشعار والاغاني مال البارحه يمكن فادت ويانه يعني اريدكم انشط

[doori]

السلام للجميع ...
والله اشكر الجميع من كل قلبي ويوم للفرحه الجبيره يا رب اشكر الاخوان الي خابروني شخصيا وباركولي لان ملفي مشه الحمدلله
مس فوليوت يعني هسه اني بالتاتا الي انتي بيها هههههههههههه الله يسهلها على الجميع يا رب


اخوكم
احمد الدوري
الاردن_عمان

[شموسه123]

مرحبا عيني عليكم جميعا والف مبروك اللاخ doori  وانشالله يوم ينطوك موعد السفر

[yis2007]

الف مبروك يا دوري وانشالله نسمع الاخبار الطيبه للجميع .

[VIP2010]

الف الف الف مليون مبروك حمودي الوردة تستاهل كل الخير أسف على التأخر بالرد بس النت جان فاصل مثل مكتلك

يارب دائماً نسمع أخبارك الحلوة يارب ونلتقي بأمريكا مثل ملتقينا بعمان

وهاي هوسة الك:

ها خوتي ها هااااا ها خوتي ها هاااااااا
احمد الدوري الذهب لعب بيهم لعب هااااااا هاااااااا     احمد الدوري الذهب لعب بيهم لعب

مع تحياتي وأمنياتي بالتوفيق للجميع

أخوكــــــــVIP2010ـــــــــم

[بنت العراق 84]

لالالالالالالالا يعني المناشدة مال مس فيوليت جابت نتيجة وية كروبنة هههههه يا الله خوش اخبار تبصيم ورفض الرفض ومحلفين خوش اشياءات مشجعة
بلكي اني هم موعد سفر لان صار 3 اشهر من مستلمة الظرف وصافنة وايدي على الخد
وكاعدة بالخيمة مالتي الفيراري على كولة اخ عمر عراقي وبس نسمع اكو تسريع بالمعاملات شوكت هالتسريع حيشملنة ما ادري المهم عيني الكل تلبس حزام الامان أخاف من السرعة نندعم
 

[doori]

السلام للجميع ....
والله ما ادري شكول لهيج شباب وشابات رائعين والله اشكر الجميع ويا رب تسخل اموركم الكل يا الله
مشاعركم جدا طيبه هونة عليه غربتي والله عبالك اهلي موجودين واكثر الله يخليكم ويحفظكم جميعا يا رب
وان شاءالله تكمل فرحتي وفرحتكم بالمحلفين وقبول الملف يا الله
شكــــــــــــــــــــــــــــــــــــــ :-*ـــــــــــــــــــــــــــــــــرا"

اخوكم
احمد الدوري
الاردن_عمان

[ضـاع الوطن]

الف مبرووووووووووووووووووووووووووووووووووووووووووووووك اخوية ابو شهاب وان شاء الله السفر باقرب وقت يارب ويسهل امورك وامور الجميع

طبعا اني اليوم اتعاجزت ومارحت لل يو ان الصراحه كعدت متاخر كل خل اروح الاحد احسن
بس اليو ان اتحارشو بيه وخابروني كالو باجر يعني الخميس تجي ساعة 12:30  الظهر علمو الكارت الازرق وجيب وياك صور

شباب هاي المقابله مال شنو  اذا تعرفون يعطيكم العافية  ههههههه اتفهموني بتفاصيله حته اكون متهيء اله

مع الشكر

واكرر الف مبروك اخوية ابو شهاب

[عمر عراقي]

حموووووووووووووودي مبرووووووووووووووك حبايــــــــــــــــــــــــــــــــب
وان شاء الله يوم تستلم موعد الرحلة وتشلع ونشلع وراك الى USA
يله لعد زيدو النشاط خلونه نستفاد .
بنت العراق خليني بدون حزام امان لان اني بايــــع ومخلـــــــص 
وانا من موقعي هذا اتعهد على نفسي وعلى جميع اعضاء هذا الكروب الموقر من الشعراء
بتأليف قصيده شعريه فريده من نوعها واهديها الى البلد
 (الي راح يلفيني ويلفيكم)

[doori]

السلام للجميع ....
اخويه ضاع الوطن اشكرررررررررررررررررررررك جدا جدا جدا على مشاعرك النبيله يا رب تتوفق وتخلص
المهم اخويه مره ثانيه نصيحه الك ولا تزعل لتكول لهيج شغله اتعاجز لعد احنه علويس متغربيييييييييييييييييييييييييييييييييييييييييييييين يرحم اهلك المهم اخويه باجر ان شاءالله تاخذ وياك صور مثل ما كالولك اكيد وحتروح تدخل جوه ينطوك ورقه صغيره صفره مكتوب عليها  ( كارت ازرق ) ويمها رقم 1 لو 2 لو 3 اي رقم شوف انت شوكت رحت المهم اطب يم الموظفه من يذيعون اسمك وتكلك وين الصور والجواز تنطيها الصور والجواز والورقه مال un مال حمايه تمليلك الكارت الازرق وتكبس الصور وتكلك من يجينا الكارت من وزارة الدخاليه احنه نخابرك اني طول شهر تقريبا" بس اسالها ملفي شوكت راح لل iom بيا يوم هيج اسالها والله اني هي كلتلي بدون ما اسالها للبنيه خوش بنيه عموما" الموظفين الله شاهد جان ويايه زينين ومبروك اكلك يعني انقبل ملفك بالتوطين وراح يدزو للدوله الي انت رايدها يعني امريكا ماكو غيرها
وبالتوفيق ان شاءالله


اخوك المبصم ههههههههه
احمد الدوري
الاردن_عمان

[ضـاع الوطن]

شكرا اخوية العزيز يعني اني شويه اتماهلت بالروحه لان ورقه الحماية مالتي تخلص 17-7 فكلت بعد وكت وبيه صالح جان الحمد لله والشكر

اخوية العزيز بس سؤال يعني هم اعيد مقابله واحجي القصة من الاول لو بس انطي الصور وثاني شي اني عندي اقامة بعمان يعني احتمال مياثر على سرعه الكار وهل هذا يعتبر يعني محوليني على الاي او ام ؟

مــــــــــــــــــــــــع الشكر الجزيل

[بنت العراق 84]

doori شنو شعورك وانت متبصم هههههههههه
ان شاء الله شهر السابع يكون شهر الافراح والفرج عالجميع هي دائما الاشياء بالصيف تمشي ما ادري ليش والشتا دائما ثكيييييييل
ضـاع الوطن روح يمعود استلم الظرف لتتعاجز هسة مو وكتها خاف ينطوك كارت احمر بدل الازرق يمعود من الصبح باجر اكعد وروح وان شاء شاء الله بفترة قصيرة يخبروك بتحويل فايلك للأي او ام

[القانوني]

مساء الخير كروب الشباب في عمان
اخوان عندي مشكلة وياريت احد يكدر يفيدني اني مقدم على اليو ان في ليبيا وحصلت على ورقة الحماية وتحول ملفي الى اعادة التوطين طبعا اني مقدم من عام 2007 وللاسف انغلق مكتب المفوضية بصورة مفاجئة قبل اسبوعين وهسة اريد احول اقامتي واقامة اسرتي لعمان شتكولون راح تقبلني المفوضية لو لا لو راح تعيد ملفي من جديد ارجو من الي عنده معلومة او سامع شي عن هذا الموضوع يكلي وينصحني شاسوي وبارك الله بيكم وبكل العراقين الطيبين

[توته الحائرة]

مرحبا جميعا عيني يا بنات اني هم جيت انظم وياكم للحلف الصبايا هههههههه واني مشتركة جديدة ولو بعدني ما قدمت على اليو ان بس ان شاء الله قريبا يعني بعدني في بداية الطريق وحطيت موضوع ياريت كلكم اتشاركوني بي محتاجة نصيحتكم ومساعدتكم والله يخليكم جاوبو ان شاء الله كل اللي جاوبون على موضوعي يجيهم باجر من الصبح تلفون من IOM ويه احلى بشارة (يمكن افيد اكدي بالشارع ههههههههههه) ان شاء الله كل المشتركين تجيهم اخبار باقرب وقت والله يسهل على الجميع و نودع عمان اوووففففف

[بنت العراق 84]

اهلا بيك اخ القانوني والله يساعدك على هالقرار المفاجيء مال غلق المنظمات في بعض الدول حط موضوع اسال بي اهل الخبرة انش اء الله يفيدوك لان اني بصراحة ماعندي خبرة بهالموضوع هذا بس حبيت ارحب بيك بكروبنة وان شاء الله تجي لعمان وتنحل شغلتك وهي عالعموم عمان يمكن سريعة بالاجراءات اكثر من البلدان الاخرى فالله يوفقك ان شاء الله
يا مية هلا بتوتتتتتة الحائرة صرنة 5 وخميسة بعين الي ميصلي عالنبي عليه الصلاة والسلام ههه
يابة ترة توتة اختي فديرو بالكم عليها وهي دتفكر هسة انو تقدم عاليو ان يعني بعدها نوووووووونية عالشغلة كلش ما اوصيكم بيها ولو ادري متقصرون
عيني توتة ان شاء الله مشاركتج بالكروب فاتحة خير علينة واولهم اني اختج المتضررة ركزي عليه ترة خللت وصرت من المخللات بعمان ههههههههه

[شموسه123]

اهلين بيك اخويه القانوني بكروبنه تكدر اتحول ملفك اكيد للعمان اما بخوص اعاده الملف مالتك او يستمرون بيه اسالك وردلك الجواب

[شموسه123]

كل الهلا بيج اختي توته الحائره بكروبنه الحلو ماشاءالله البنات ديكثرون

[amman2010]

مرحبا بالجميع واخص بالترحيب القانوني وتوته النونيه كلش حلوه منج بنت العراق والله والواحد شفايتله يرجع نوني بلا دوخة الراس هاي ههههه.

بالنسبه للقانوني اي اعتقد المفروض تجي لعمان وتقدم وتشوف بس اقترح انو تخابرهم الاول وتشوف شيقولون.  شنو راي الكروب الباقين؟

توته شدتنتظرين فدوه العينج هيه مال انتظار بلشي واتوكلي على الله وبعدين بيج خير وانتظري ههههه

[ضـاع الوطن]

هلو شباب شكرا الج بنت العراق على الرد بس مو متعاجز اني ربج راده هيج اصير
العفو بس سؤال بالنسبه للمقابله مال باجر هم لازم اتعيد القصة كله وتسولف الحجي لو اخذ معلومات بسيطه

[شموسه123]

مرحبا اخويه ضاع الوطن لا متعيد القصه مالتك بس تنطي الصور وتوقع على الكرت وبعدين تروح للداخليه وشوكت تستلم  الكرت الله اعلم

[عمر عراقي]

ماشـــــــــــــــــــــــاء الله .. كثــــــــــــرو البنات لك هاي منين دتطلعونه
احنه ناقصين فوك الظيم مال UN & IOM دوخه مال بنات شكد تلغون
كــــــــــــــــافي يله روحو سوولنه جاي وكهوه بمكان ماكاعدات.
( للعلـــــــــــــم تره داتشـــــــــــــــاقه شبيكم صدكتـــــــــــو )
اني  اشجع رووح التعاون بين الرجل والمرأه في جميع الميادين
من البيت الى العمل وحتى في امور السياسه والاقتصاد
عاش تحالف الرجــــــــال مع النســــــــــــاء (وينكم جماعه UN & IOM شوفوني شلون د اغرد)
هسه يكولون هذا شكــــــــــــد لوكـــــــــــي  
شلونكم حبايـــــــــــــــــــب
وارجوا من الاخوان والاخوات اصحاب الخبره والاطلاع مساعدة الاخ القانوني
والاخت توته الحائره(الله لا يحير عبده) اكيـــــــــد الحبايب مراح يقصرون
مثـــــــــــــل ما ساعدونه قبلكم راح يساعدوكم عمان2010 وبنت العراق84
وحمودي الورد اكله
ابصم ابصم يا ابو شهاب .... واكعد على وقت ياحباب
وشموسه 123 وضاع الوطن بالتوفيق  حبايب
وامنياتي الورديه للجميع بالتوفيـــــــــــق

وان شاءالله تتسهل امور كل الاحبه الي انظلمو بهالبلد الجريح.
اخوكـــــــــــــــــــــم ابو الليل
احتمال بعد فتره اذا مااجاني تلفون من الحبايب اتحول خفاش

[القانوني]

شكرا جزيلا لكل الي رحبوا بيه وجابوني على تساؤلي ويارب الموفقية للكل

[بنت العراق 84]

عمر عراقي احنة الي نلغي هواية بربك باع الكومنت مالتك شطووووووووولة واحنة كومنتاتنة سطر ونص منو اليلغي هواية ويدوخنة بربك؟؟؟هههههههه لا عيني اتشاقة ولد بنات مادام دم عراقي يعني عسل
اي عيني ركزولي بخبرتكم على توتة ترة محتارة ومتدري بروحها شتسوي تروح وية اهلي لو تقدم كيس وحدها

[شموسه123]

انشالله اخويه عمر العراقي مانقصر باجاباتنه الى القانوني وتوته الحائره ونشالله متبقين حايره عيني

[توته الحائرة]

شكرا جزيلا للجميع على الترحيب والمساندة ويارب كلنا الله يسهل امورنا وان شاء الله اسمع اخباركم الحلوة عن قريب
و اخ القانوني ان شاء الله تنحل مشكلتك باقرب وقت والله يعينك على هذا الموقف

تحياتي الكم جميعا وما يبقى احد حائر يارب

[doori]

مرحبا"
بصمت اليوم و الحمدلله عقبالكم جميعا" و ان شاءالله كلشي سهل


اخوكم
حمودي

[القانوني]

شكرا اخواني و اخواتي على ردودكم الجميلة وامنياتي لكم وان شاء الله احاول بلكت اكدر احول ملفي الى عمان يارب دعواتكم الي

[/font][/b]

[عمر عراقي]

حمودي هسه استلم سره مع المنتظرين المحلفين مدري الموافقة الامنيه.
شو هي صارت متنعرف .؟  المهم حبي اني اتمنالك التوفيق من كل قلبي اخويه الورد

[بنت العراق 84]

الف مبروك doori عالتبصيم جان ممسحت الحبر من على اصابيعك بقيتة كم يوم احتفالا بهالمناسبة السعيدة على قلوب المواطنين هههههه الف مبروك ان شاء الله محلفين عن قريب يارب
هلو حبي great hope شلونج والله اني هم كلش ضايجة صايرة كل خميس تصعد الكأبة فد مرة لان احس خلص الاسبوع وبعدني مكانك راوح شنسوي هاي الله يسهل

[شموسه123]

 الف مبرورك اخويه doori عيني انشالله يوم موعد السفر يارب واللجميع واليوم اتصلو علينا وكالو اتوطنه خلص على ولايه فيرمونت نيو هيفن بس اريد اعرف احد عنده معلومات عن الولايه هاي والمكان وانشالله يارب يوم للجميع تسهل اموركم يارب

[شموسه123]

اشكرج عيني great hope حبي لاتضوجين انشالله الله يفرجه عليج وعلى الجميع بس هو الانتظار ايكون قاتل
بس شنسوي انشالله هم يجيلج تليفون وتفرحين بيه يارب

[doori]

السلام للجميع ....
اولا" الف مبروك الاخت شموسه123 ويا رب بالتوفيق اعتقد لو تسألين الاخت انجي بالولايه الي نسبوج الها اكيد راح تساعدج لان الاخت انجي ما شاءالله عليها موسوعه الله يوفقها لمساعدتها اخوانها العراقيين  ومبروك
الاخوان كلهم شكرا" من كل قلبي على مشاعركم ويايه ويوم الي اسوي عزيمه قبل ما اسافر بيومين بس كل واحد يجيب جدريته ويا 
الاخ great hope لدير بال تمشي امورك بس انت قابلت توطين لو بعدك؟ لو كلولك انقل ملفك للدراسه بقسم التوطين؟ المهم لدير بال لكن انت اتصل بيهم واحجي وياهم وااسلهم كل شهر مره واكيد لو اكو شي يتصلون بيك راسا" والله يسهل عليك يا رب
الاخت بنت العراق 82 عيني يا حبر اخاف عالج انتي بالعراق ههههههههههههه لا حبر ولا شي كل الشغله جهاز ليزر مربوط على اللاب توب وياخذون بصمات وهاي هي لا حبر ولا شي اني كلت لو حبر ما امسه وكل ما ينمسح ارجعه ههههههههههه

اخوان احب اكللكم اليوم التقوا من كروبنا 4 شباب الي همه اني والاخ لؤي والاخ عمر العراقي والاخ vip وهسه يله رجعنا هههههههههه تعرفنا على بعض وجانت كعده كلش حلوه وسولفنا شوفو والله فد فرحت بهيج لقاء واتمنى يا رب كل الي بالكروب يلتقون ببعض ويصيورن احلى اخوه وحبايب شربنا كهوه وشربنا عصير وصدكوني الشباب في قمة الاخلاق

وان شاءالله نلتقي بالمكان الي الله كاتبه النا نروح اله

وسلامي للجميع
اخوكم
حمودي

[شموسه123]

عيني great hope اكيد الانتظار صعب بس انشالله اتصير سوالف عيني doori شكرا لك وانشالله يوم الك واني رح اسال الاخت الرائعه انجي لان هي ابدا متقصر باجاباته وهذا خبر حلو انك التقيت ويه بقيه الكروب وانشالله تبقون متواصلين

[عمر عراقي]

هاي شوكت شربتو كهوه ؟؟؟
غدرتوني قبل مااجيلكم
هاي وحده وياكم مع الاسف عليكم
ايبااااااه هي هاي الاخوه والصداقه
اليوم تعرفت عليكم واليوم راح ازاعلكم
ديله راح امشيهه هالمره بس بعد لتكرروهه
ولـــــو اني ماحب الكهـــــــــــوه!!! 
............
الف مبروووووووووك شموسه وشايفين الف خير وموفقين
والله يسهل عليكم وعلينه من بعدكم.
شموسه بس لتغيبين هوايه تره يكتلنه البــــــرد

[شموسه123]

عيني عمر العراقي اشكرك وانشالله انت بعد هم تسمع اخبار حلوه وللجميع انشالله لا شلون اغيب عنكم

[عمر عراقي]

تكدرين تناديني عمــــــر (حاف) من غير القاب
باعتبار صرنه ابناء كروووب واحـــــد (ولاد الحتــه) على كولة المصريين
واشكر تواضعكم الي ديخجلنه حيـــــل اختنا العزيزه
وان شاءالله تبقين طول عمرج منوره الدنيا

[doori]

والله هذا الي يتأخر يا عموري تروح عليه يعني تريدنا بنقه هيج ساعه كامله يله خيرها بغيرها مره لخ تعال من وكت وانت الحك على كلشي من الاول  اكلك يمكن ناموا الشباب شو vip كلي راح يفتح ولؤي همين شو ما فتحو بس لا تعبو من شيل المخضر وانموا هههههههههههههه ;Dهههههههههههههههه

[شموسه123]

اوكي عمر اشكرك الله ايخليك تسلم هذا من ذوقك

[عمر عراقي]

حمودي يمكن نامو للعلم اني سمعت VIP يكول اليوم ابقه
للصبح شو نص ساعه مطول ؟؟؟
ماشي حمودي تصبح على خير حبي 

[amman2010]

صباح الخير شباب شلون الامووووور. شكو ماكو؟ مخابروا العينتين؟ 

البارحه والله ماكو هيجي جمعه حلوه يله حسد انشالله كروبنا يكبر بعد وكلنا قلب على قلب, اني بالنسبه الي والله كلش اتونست. عيني عموري انت فاتتك القهوه بس غدرناهم بالعشى شنو نسيت؟ هم اكل طيب وهم قعده حلوه! استفاااد شرح يخلصك من لسانهم بعد اني الموضوع طلع من ايدي ههههه بقت يمك. اني والله بس رجعت البارحه فتحت عالكروب هنا بس جنت غادي فد مره نمت بلا هز

[VIP2010]

الف الف مبروك للأخت العزيزة شموسه123 ان شاء الله التوفيق وتكون مدينة خير عليج وعلى كل الي معك .

بالنسبة للأخ حمودي والأخ عمر ياحبايب طبعاً نمت راساً اذا عندك هيج الم بالقولون شلون متنام هااا

المهم والله البارحة كلش تونسنا واشكركم على هاي الطلعة الحلوة وان شاء الله نكررها عن قريب

أخوكـــــــــVIP2010ــــــــــم

[doori]

صباح الخير .....
سلامتك صديقي العزيز vip وشتحتاج اني اخوك وان شاءالله ما اقصر وياك بالخير اكيد
عيني لؤي سولفنا على طلعتك اليوم مو تنسه وراح يخلص عمر من لسانه لان كتولنا تعالو نتعشه احنا ما قبلنه  بس يله خيرها بغير
عموري صباح الخير واتمنى لجميع الكروب وغيرهم صباح جميل وجمعه مبارك للجميع يا رب

اخوكم

حمودي

[amman2010]

vip2010 هاي شكلها القهوه منفووووسه جانت وانضربت بعين انت ودتشربها   

اني عجبتني مال اني عندي قولونين 

عندك العافيه صديقي هسه شويه واخابرك

[شموسه123]

اشكرك اخويه العزيز VIP2010  وانشالله يوم الك عيني

[ضـاع الوطن]

شلوووووووووووووووون الشباب

[doori]

مرحبا
شلونك  كريت هوب شخبارك عيني على كيفك هسه يخابروك كول يا الله وانسا الموضوع متشوفهم غير خابروك
والله البارحه جنا بشارع الوكالات شربنا كهوه وعصير ليش ما اجيت؟
لو كايل جان انتضرناك وصحيح الجو جان يخبل وحتى ما حسينا بالوقت يله خيرها بغير انت بس كول اريد اطلع وتدلل ولتصير كآبه بعد


حمودي

[بنت العراق 84]

هاي شنووووووووو رايحين للوكالات اني واختي توتة الحائرة البارحة جنة بالوكالات ..واللللللله واحنة هناك كلتلي توتة هسة يطلعون نص الجاين من منتدى عين كاوا كروب الي بعمان ههههههههه بس مشفنة احد ديشرب كهوة هناك عجيبة لو كايليلنة حتشربون كهوة جان عرفناكم راسا هههههههههه

الف مبروك حبي شموسة عالتوطين والله ترة هالتجمع وجهة خير ياربي الله يسهل عالكل ومنلحك نسمع اخبار حلوة من الجمعيع

عزيزتي great hope  لتضوجين شنسوي متكوليلي والله اني هم مثل احساسج حتى من اطلع بالي اصلا ولا يم الونسة لان براسي مية حسبة هاي هية هوني على نفسج والله كريم وبوساتي للنونو ابو 3 سنين كلش احب النونيات اني

 doori ترة والله ادري البصمات مال الاصابع يسوها مثل السكنر امبصمة اني من زمااااااااان بس دا اتشاقة وياك على اعتبار حيطمسون ايدك بحبر ويبقة ينكط ويصير على هدومك وتنلاص الدنيا ههههههههه

عمر عراقي انت ليش تتأخر على المواعيد!!!! جنت دتلعب حرب عصابات اكيد واخذتك الواهس ونسيت اووف اووف

[علي النعيمي]

السلام عليم اني دخلت لعمان 23\11\2009 وقرحت لليوان نهاية ال12 انطوني كارت اصفر صغير وانطوني موعد مقابلة ورة شهر ويوم 8\2\ 2010 كانت المقابلة القصة زائدا ورقة الحماية وراها انتظرت كل شهر اخابر يكولون قيد الدراس الى ان جاء الفرج خابرت يوم 25\4\2010 كالولي بالتوطين وراها بشهر يوم 8\6\2010 هم كالتلي بالتوطين ودا انتظر والله كريم واخواني الي فايلاتهم من سنة 2007 سوو مناشدة والله تفيد لانو اقربائي سوة مناشدة طلعلة توطين لانو من 2007 لو مقدم هجرة جان طلعت من زمان اكتب مناشدة

[بنت العراق 84]

اهلا وسهلا بيك اخ aa12_zz5 عضو جديد بجمعية الي مقدمين من عمان هو هنا هذا التجمع الحلو كلش وجهة خير واحد عالثاني ياهو اليشترك ورة كم يوم نسمع فدم تحرك بفايلة فأبشششششر ان شاء الله تسمع خبر حلو بهالايام يارب
تحياتي
بنت العراق 84

[عمر عراقي]

هلو حبايب عمان 2010 حمودي vip2010 وكــل الحبايــــــــــب
عمان2010 مو كلنه اني ماحب الكهوه ليش تخوفه لvip خطيه
تره بعد ميطلع ويانه.
 حبيبي vip عندك العافيه قلبي ومتشوف شر.
بنت العراق اتأخرت لان الشوارع جانت ازدحااااااااام رهيب اكيد انتي
طلعتي البارحه وشفتي الوضع بس اني مشفت وحده حائره
يمكن منتبهت زين. المهم ان شاءالله بعد فتره قريبه تغيرين اسمج الى
توتـــــه الثائره (ثائره على الحيره والتردد) والله يكون بعون الجميع
اما اختنا العزيزه كريت هوب الله يسهل عليكم ان شاءالله ويحفظ ابنج
  وهاي بوسه من عمو عمــــر للشاب الصغير الورده.
ضــــــــــــاع الوطــــــــــن حبايــــــــب احنه زينين الحمدلله انته شلونك

[doori]

مرحبا ...
شلونكم اخوني وخواتي هاي هنا بس اخوناي وخواتي هناك تصير خواتي واخواني ههههههههههههههه
المهم الاخت كريت هوب بالعكس اني اخوج همين والدعوه راح احولها من صديقي لصديق الى من اخ لاخته والخطيه بركبتج اني اخوج وابنج 3 سنوات هههههههههه يدلل نطلعه ويانه
عيني بنت العراق84 ادري بيج تشاقين بس كلت يمكن بعدها عايشه بايام الانتخابات ولو اني لا رجت انتخبت ولا شي
بس شو الشباب ماكو اليوم شنو علمود جمعه معطلين هههههههه يمعودون وينكم الحزب النسوي المفروض اليوم ميدخلون ملتهين بشغل البيت فازوا علينه هااااااااااااي شنوووووووووو


شموسه مبروك اختي العزيزه بس شلون مقلوبه طلعت يبوووووووووووووووووووووو بحيث ما هالكد طيبه وكد ما اكلت من الصينيه للنوم راسا ههههههههههههه


اخوكم
حمودي

[بنت العراق 84]

doori همزين مرحت انتخبت لان بس بقت الطبعة مال الحبر بأصبعي شهر يلة راحت وهم ياريت على شي يسوة!!!!!
شنو يا مقلوبة طلعت طيبة؟؟؟ اني اخر شي عرفتكم جنتو شاربين كهوة بالوكالات شو صارت مقلوبة هسة؟؟؟

عمر عراقي شلون معرفت توتة الحائرة بربك مشفت وحدة دتمشي وفوك راساها علامة أستفهام مثل هذا     قوة ملاحظتك صايرة مو شي هالايام ههههههه

[شموسه123]

شكرا حبيبتي بنت العراق 84 حبي انشالله يوم الج والختج حبي

عيني doori الف الف عافيه علمقلوبه اكيد جنت هوايه جوعان

[شموسه123]

اهلا بيك اخ  aa12_zz5 بلجروب الحلو مالتنه وانشالله يارب تسهل امورك والجميع انشالله

[توته الحائرة]

مرحبا جميعا يارب كلكم بخير والله احلى جمعية وان شاء الله العناصر النسائية تزيد وتزدهر ...عيني شموسة مبروووووووووووك وان شاء الله موفقة وتتسهل كل امورج وشكرا لدعواتج الحلوة
عيني عمر العراقي اشلون ما شفت وحده حائرة هسة جنت حائرة بس على بنت العراق84 هسة حائرة بنفسي وحائرة ببنت العراق84 (لان هيه اختي الصغيرة اخر العنقود) اريدها اتروح وترتاح خطية كلش تعبت واكيد كلكم انتو هم تعبتو من القلق يارب كلكم تسمعون اخبار حلووووة قريبا
كولو امييييييييييييين

وتوته بعدها حائرة (هسة عبالكم توته فد نونيه اصغيره هههههه اني اكبر من بنت العراق ) لازم اتعينوني رئيسة الحزب النسوي هههههههههههههه
اشوفكم بخير

[شموسه123]

عيني توته الحائره اشكرج حبي وانشالله الله ايخليكم البعض انتي واختج وانشالله يارب تفرج عليكم وعلى الجميع يارب

[doori]

صباااااااااااااح الخير
ادري وينكم شنو نايمين ليهسه  يمعودون اكعدو الدنيا صبح لعد هاي هناك بيش ساعه حتكعدوووووووووووووووون اااااااااااااخ يله ناموا هسه شلعان القلب هناك بالشغل تكعدون قبل ما يعوعي الديج



الله يصبحكم بانوار النبي يا رب

سلامتك vip طمنى عنك يمعود اخاف صارن 3 قولونات مو 2 هههههههههههههه

حمودي

[VIP2010]

الأخوان والأخوة أعضاء الكروب الطيبيين

شكراً جزيلاً للسؤال عن صحتي وشكراً  لك من أتصل بي

والله حبايب الكأبة صاعدة 100% ودا انتظر التلفون كل يوم يعني صار أكثر من شهرين وعشر ايام ومحولوا الملف عالـ IOM ما ادري ليش ان شاء الله هالاسبوع يحولوا يارب

مع امنياتي بالتوفيق للجميع

أخوكـــــــــVIP2010ـــــــــــم 

[doori]

مرحبا ....
يا عيني اصبر الصبر مفتاح الفرج انسا الموضوع كله هو يجيلك حاول تلهي نفسك باي شي يمعود صحتك بالدنيا وكلشي بوقته وبساعته وبدقيقته vip عزيزي نصيحه كل ما تجي تفكر بالشغله حول تفكيرك راسا" تره اني جنت مثلك وضعفت ههههههههههه حبي لدير بال الله كريم



حمودي

[عمر عراقي]

شلونكم حبايب
ماعندي شي والله
بس مشاركاتي 109
فكلت خلي اسويهه 110
احــــــــــلى مو 

[عمر عراقي]

وبسلم على كريت هوب وبنت العراق واختها الكبيره توته واصدقائي حمـــــــــودي وvip وعمان2010
وأءولهم كل سنة وانتو طيبين وربنا يوفئكو وزي متعرفو ان منزمة ال un محتاكه صبر شويه
وهيه مش ناسياكو وانتو بردو لازمن ديمن تتصلو فيها وربنا يخليكو
وبسلم على بورعي في الاسكندرية والحج متولي في مصر الكديده
والست ام فتحي في السويس وطنط ام عديله في الصعيد
وأءولهم متئلئوش على تامر والعيال كلهم راحو شرم الشيخ
وان شاءالله مش حينحرفو هناك وحيركعو سالمين.
........................................................................
هاي الرساله تم التقاطها من احدى شوارع المنطقه
والظاهر انها سقطت سهوا من احد الاخوه المصريين
ونرجوا ممن يعرف صاحب الرساله او اي معلومات عنه
الاتصال على الرقم 0777777777777  وله الاجر والثواب

[عمر عراقي]

يمكن اني بديت اتخبل من الكآبـــــــــه

[توته الحائرة]

هلووووووو يا احلى جروب اشلون الشباب والصبايا شكو ماكو ماكو احد سمع خبر منا منا يمعودين يله ان شاء الله خير
سلامات اخونه VIP عندك العافية يمعود ليش حالة اكتئاب اشو الحياة حلوة وابدااااا مابيها صعوبات وانتظار والسماء صافية والمستقبل كلش سعيد  :oههههههههههههه يبوووو بعدني ماقدمت وهيجي حالي عيني اخونه الله كريم كلها تخلص وتصير اسوالف
اشلونج حبيبتي great hopeواشلونه ابنج الله يحفظه يارب... واذا على زعامة الحزب النسوي يمعوده كله كدامج بلكي المنصب الجديد وجه خير عليج ههههههههههههه موفقة يارب...شموسه امنورة ياورده...
عمر العراقي شكرا على التحيه بس نسيت اتكول (اما عباس فدخل الكيش واما زينب وعيالها)هههههههههه اليوم كالب على المصريين الكدعان لازم متأثر بالحارس مال العمارة  يارب هذا الاسبوع ايكون خيرررررررر على الجميع ونفرح بأخباركم وشكرا على تواصلكم

[الرسام1973]

السلام عليكم

اخوانى واخواتى انى فنان تشكيلى وعمرى 37 ايصير تعتبرونى شاب وادخل ويه الكروب لو انى شايب .... المهم بكيغكم  والله كريم


اخوكم ابو علاوى

[amman2010]

ها شنو انا مش مسدء عنيه عيني دمعت من الفرحه غبت عنكم يومين لاقيت الكروب صاير تاته والله ماكو هيجي فرحت ومرحبا بالاعضاء الجدد aa12_zz5 والرسام ابو علاوي يمعود تعال صير انت الجبير لان بالكروب مال الشباب اللي دنتشاوف اني جبيرهم واكتئابت حسيت نفسي عمو تعال اخذ المنصب وخلصني من مسؤؤوليتهم ههههههههه.

عمر  عراقي اشو اني انفتحت قريحتي قمت احجي شويه مصري والله حلو شنو رايك لو نصير ننطي دورات ابلاش لغه مصريه للي مقدمين عاليو ان 

حمودي انت ظل شهينا اكل ومقلويه وقيمه واحنا دناخذ بالعرض ويه الجيم من هذا دائوف كلشي مديفيد 

طيعا حبيت اذكر انو الصفحه الاولى يموضوعنا خلصت وهسه بدينا بالثانيه وانشالله بداية خير عالجميع يارب

[عمر عراقي]

لا عيني كريت هوب اني دزيتلهم رزاله قصدي(رساله) لل UN كلتلهم خلال اسبوع
اذا مسافرت اني وكل اعضاء كروب عمـــــــان نعتصم اباب المنظمه
ونضرب عن الطعام والمـــــــــاء بس في حالة جابولنه قـــــوازي
فنعوف الاضراب ونضرب بأم الخمســــه (ام الخمسه يعني كف اليــد)
ونرجع لبيوتنه مضربين وضاربين قوزي... خوش فكــــرة مو 
وراح يصير توقيعي من اليوم... مضرب عن الطعام

[amman2010]

عمر يعني هسه اذا اعزمك بالرابيه على قوزي متجي؟ بشرفي تجي ونص هههههه سنفور اكووول وليس مضرب عن الطعام

[بنت العراق 84]

VIP2010 الف الحمد لله على سلامتك وماعندك الا العافية ياربي يمعود صبر نفسك ترة اذا نبقة نحمس كلنة حنشيل القولون والمصران والله اليعلم شنو بعد قبل منرووح ههههههه

شلونج حبي كريت هووب اني الاشوق صدك شو مس فيموليت مامكو هالايام معتصمة يمكن بالخيمة مالتها الي بعبدوون خلي اندزز احد يشوفها خاف صار بيهم شي اثناء الاعتصاام

اهلا بيك اخ الرسام 1973 يابة اكيد نقبلك ويانة صدك جذب نتشرف بيك بعدين ليش هيجي مأيس من الحياة شنو يعني 37 بعدك بعز شبابك ياربي العمر كلة إلك

عمر العراقي عفية عجبني هذا الرقم 0777777777777 إسألة للمصري ميبيعة؟؟؟هههههه  بعدين هاي الكأبة كلها لان صارلك 3 شهور مقدم ومن هسة ضايج اني صارلي 3 شهوور من مستلمة الظرف مال المحلفين ودا انتظر تجيكااااات امنية 


amman2010 لشي هيجي ليش تريد تخلص من مسؤوليتنة شبينة شو عقال وحبابين ونسمع كلام ومحظرين الواجب البيتي مالتنة وجايين


هلا بتووووووووتة شلونج حبيبتي شو صار هواية مشايفتج قبل 5 دقايق هههههه توتة بعدها ممقدمة وطافرة روحها من الانتظار لان عايشة الانتظار وياية لحظة بلحظةوكلش متونسة لان ماكو احد الوووب وأون براسة غيرها وسمعني احلى سلااااام للمعلمة توتة بما انو انتو اليوم كالبين عالمصري

[عمر عراقي]

بنت العراق لاحكيني حتى على الكآبــــه انتي وكريت هوب
شلون بله حتى كآبــه منكتئب 
يمعوده شو هي اختج توته بعدهه ممقدمه ومحتاره
..............
عيني عمان2010 وينك شومدكيت عليه اني كاعد كبال التلفون
كلسع اكول راح يخابر حتى يعزمني عالقوزي

[doori]

مرحبااااااااااااا.
شلونكم شخباركم اول شي طمنونا ع مس فوليوت الي عدها رقمها خلي تخابرها و اطمنا عنها يمعودات العضوات النسويا مو هي على اسا الرئيسه مالتكم صدك شوفها يمعودون

الحمدلله على سلامتك amman2010 شلون الللللللللللل تونست؟
اهلا باي عضو جديد انضم للكروب مالتنه
كلكم كلكم كلكم شلونكم
اكلكم الي يكول اني كآبه منا وغاد تره هاااااااااااااا يمعودين صلو على النبي اهم شي الصبر الصبر الصبر



اخوكم

حمودي

[عمر عراقي]

مو كآبـــــــــــــــــــــــــــه متونسين وشكد حلو
ومدننتظر اي شي وخلونه نحجي بغير شغلات
مثلا منو متزوج ومنو متزوجه ومنو اعزب
ومنو محتاج شي يمكن نكدر نساعده
ومنو بيتهم بعيد ومنو بيتهم قريب
حمــــــودي اهم شي لاتزعل اخويه الورد

[الرسام1973]

السلام عليكم ..

احبائى واعزائى يعنى صدك اليوم انى حسيت انو انى بعدنى شباب خصوصا بعد ترحيبكم بيه ولحد الان ما اعرف مسؤولياتى فى الكروب فارجو ان تعينوننى لان اخوكم لديه باع طويل فى المداعبات على كافة المستويات واتمنى واحد يعرفنى من ايام كلية المعلمين الجامعه المستنصريه عام 1995 ......


شكرى  الى كافة المرحبين ويارب سفر قريب للكل

اخوكم ابو علاوى

[VIP2010]

أشكر كل الأخوات والأخوة لأمنياتهم لي بالشفاء ويارب ان شاء الله يكون اسبوع رحمة و اسبوع فرج
يارب يحن قلب المنظمة علينا ويحولون الكيس للiom والي بعدة بالتوطين يتوطن يارب

اشكركم مرة اخرى للسؤل عن صحتي

مع امنياتي للجميع بالتوفيق والصحة

أخوكـــــــــــــVIP2010ـــــــــــــــم

[VIP2010]

حمدلله عالسلامة حبيبي AMMAN2010 ان شاء الله اتونست يارب

اهلاً وسهلاً بكل الأعضاء الجدد وخاصة أخونا الجديد الرسام (ابو علاوي) الي راح يكون القائد في الكروب مثل مكال قائدنا السابق Amman2010 ويارب الموفقية بس ياريت تكتب تواريخ مقابلاتك للفائدة العامة

مع امنياتي للجميع بالتوفيق والصحة

أخوكـــــــــــــVIP2010ـــــــــــــــم

[ضـاع الوطن]

شلووووووووووووووووون الشباب اليوم منورين الكروب  منا منا ماكوشي شياتين اخبار


والله يا اخواني الواحد ليفكر بيه ايخليه هيه تمشي احسن والله ميحس بروحه اله مخابري ومسافر لو شتكولون انتوا ؟؟؟

[عمر عراقي]

شباب حبايـــــــــــــــب جميعاً
حتى نكسر اجواء الكآبه راح اهديلكم هاي الاغنيه
وياريت لو الكل يسمع الاغاني الاصيله مثلي مو مطربين هالوكت
http://www.youtube.com/watch?v=s-OJ0d0pOZc

[بنت العراق 84]

لا يمعود عمر عراقي شنحسدك عالكأبة قابل ماعدنة منها حتى نحسدك أووي شو متوفرة وبكثرة والحمد لله بعدين هي اختي توتة محتارة لان مدتردي تقدم وحدها احسن لو وية اهلي احسن واهلي ليهسة ديفكرووون بالموضوع واحتمال التفكير يطول فد كم سنة فمتدري تروح يم اخوية لايرلندا احسن وحدها لو وية الاهل موقفها احسن بالكيس؟؟؟

اي والله صدك يا جماعة بقة بالنة على مس فيوليت ماعندي رقمها اني هم جان شفت شنو قصتها ان شاء الله ياربي ملتهية بالخير

اهلا بيك اخ مؤيد العبيدي بهاللمة الحلوة شو طلعت عين كاوا نصها بعمان هههههههه وان شاء الله وجهنة خير عليك وهالاسبوع يجيك خبر التوطين بحيل الله

الرسام1973 اني هم درست 3 سنين مستنصرية  علوم حاسبات بس وراك بهواية بحي الله اهل المستنصرية

[عمر عراقي]

لا يمعود عمر عراقي شنحسدك عالكأبة قابل ماعدنة منها حتى نحسدك أووي شو متوفرة وبكثرة والحمد لله بعدين هي اختي توتة محتارة لان مدتردي تقدم وحدها احسن لو وية اهلي احسن واهلي ليهسة ديفكرووون بالموضوع واحتمال التفكير يطول فد كم سنة فمتدري تروح يم اخوية لايرلندا احسن وحدها لو وية الاهل موقفها احسن بالكيس؟؟؟

الرسام1973 اني هم درست 3 سنين مستنصرية  علوم حاسبات بس وراك بهواية بحي الله اهل المستنصرية

ان شاءالله الكــآبـــه تروووووووووووح الى غيـــــــــر رجعـــــــه
يعني حتى لو تجي شويه وتروح ميخالف لان احنه منحس نفسنه عراقيين
اذا متصيبنه كـــآبــه حتى لو شويه   
المهم طلع عدنه خريجة علوم حاسبات هنا يله شباب اي سؤال بالحاسبات
اختكم بنت العراق موجوده . بس مكلتيلنه شوكت خلصتي 

[بنت العراق 84]

عمر عراقي تدلوون اي شي اني حاظرة من هالعين قبل هالعين وشنو عالاغنية الي هديتلنياها شذكرك بيها اتذكرت ايام تلفزيون بس قناتين الاولى والشباب هههههههه اني درست 3 سنين بالمستنصرية بعدين اجينة لعمان استقرينة ونقلت اوراقي هنا وكملت نفس اختصاصي منا من عمان تخرجت سنة 2007

هلا هلا بجماعة العلوم great hope..شمدريني شو توتة مدتعرف ترسي على حل وهي اساسا اللجوء لايرلندا الدول الاوربية بشكل عام صاير صعب

[عمر عراقي]

هاي الاغنية على الجـــــرح بنت العراق ... تذكرني بأيام زمان
يعني انتي اكيد متذكرين لان يمكن كنتي بالروضه بوكتهه
تدرين اكثر الي مقدمين على التوطين من اصحاب
شهادات البكلوريوس والماجستير ويمكن حتى الدكتوراه...
الله اكبــــــر شكد خسر هذا البلد طاقات وشكد راح يخسر بعد...
شنكول غير حسبنا الله ونعم الوكيل.
بس الامل في بلدنا انتهى في الوقت الحاضر مع الاسف
ولكن ان شاءالله المستقبل يكون احسن..
بس بعد مادري اولادنا يلحكون لو تبقى على احفادنه
يله يستقر بلد الاجداد ؟؟؟

[عمر عراقي]

توته عاد ارسي على بر كــافـــــي
اذا كنتي مسلمه صلي استخاره(نصيحه)
واذا كنتي من اي دين او طائفه اخرى فصلي همين
شو كل الاديان والطوائف حبايب وكلهم يصلون بطريقه معينه
الله يحفظ الجميع.

[بنت العراق 84]

اي والله نفس ملاحظتي عمر عراقي حتى من جنت اقابل ومن رحت على استلام الظرف كلهم ناس وشباب من خيرة الناس وشباب مثل الورد شكد انقهرت كلت حرامات والله بلدنة شكد خسر ناس طيبة وعقول بس الكل طكت روحها وشجابرك عالمر غير الامر منة بعدين يا جهال يلحكون عالوضع الزين ليش همة منين حيندلون العراق وين اذا حيجون برة لو يربون ببلد الغربة لو شكد متحجيلهم وتحننهم ماعدهم ارتباط بالعراق حيصير مع الاسف

هاي شنو شو انكلبت حزايييييييني  غيروا الموجة على غير قناة فدوة حطوها على روتانا منوعات خلي انفرفش

[amman2010]

صار رمتين ادز مشركه ومتطلع هنا هاي بس للتجربه

[عمر عراقي]

شباب سامعين ابو المثل شيكول؟
طبعا هو ابو المثل مخله شي مكاله مو صحيح
المهم يكول ابو المثــــل...




















روحــــــــو نامــــــــــو    وبالصيني ينكتب  晚 安
منو يريد يتعلم صيني يجيلي بعد الساعه
12 الظهر ويجيب وياه ولي امره

[بنت العراق 84]

يلة عيني انروح انام وباجر احد يعني دوام المنظمة يعني بلكي يخابرونة كولوا اميييييييييييين
تصبحون على رنة اليو أن ان شاء الله

[amman2010]

تصبحون على خيييير واميييين انشالله باجر التلفونات متسكت ههههه  

عموري هوه ليش رقمك شكد؟

شكرا حمودي وفي اي بي 2010 لسؤالكم رجعت مسود غادي ظلمه هندس يعني بعد منا الى ان يطلعلي توطين يله لوني يكشف يجوز هههه. لا والله اني متفائل الصدك غير

[عمر عراقي]

هو اني ماعرفه رقمي شكد
بس اتذكر انطيتك الرقم..يمكن.. مو اكيد..؟؟
باجر اشوف رقمك موجود عندي لو لا واتأكد.؟
تصبح على خير حبي عمان2010
اكيد تنصبغ اسود اذا رايح لل......... ههههههههه
المهم حمدلله على السلامه ورد

[عمر عراقي]

المهم حبي عمـــان2010 اذا ملكيت رقمي خابرني على هذا الرقم
07777777777777777777777777777777777777777777
ومن تتعب من السبعات انطيني خبر حتى اجاوبك.
ولكم الاجر والثواب

[doori]

صباح الخير للجميع ....
اول شي عمر شيل الصوره ترررررررررررررره متت جوع
ثانيا amman2010 اكو كريمات تبيضحك اسمها اووووووولي لتفتيح البشره ههههههههههههههه يمعود لطخها فازلين وفضها
الشي الثلث اهلا باخونا مؤيد العبيدي وحلت البركه
بعدين شو vip اليوم لا حس ولا نفس او كلكم يمكن تكعدون وره ال12 شنو سالفتكم يله اصحوووووووو

تحياتي للجميع

اخوكم

حمودي

[VIP2010]

صباح الخير حبايب ان شاء الله تكونون بخير

والله حمودي شو اليوم ندي الم باسناني مدا اكدر أكعد ما اعرف يمكن هلكد ما معصب ومكتأب كل يوم يصير بيه شئ الحمد لله على كل شئ ((وعسى ان تكرهوا شئ وهو خير لكم)) ان شاء الله يكون خير

مع امنياتي للجميع بالتوفيق والصحة

أخوكـــــــــــــVIP2010ـــــــــــــــم

[عمر عراقي]

VIP2010 شنو القصه شو انته كاضي يمعود على بختك
انته اصغر واحد بالمجموعه واحنه نخاف عليك لازم تدير بالك على نفسك
اخويـــه تره الدنيا متسوه كلنا نسافر ان شاءالله وتصير سوالف نسولفهه باميركا
نكعد على الكورنيش مال ابونؤاس الاميركي ونسولف
حمودي هو اني متعمد اريد اجوعكم.
ولا ازال مضرب عن الطعــــــــام

[شموسه123]

مرحبا عليكم احبائي جميعا انشالله اتكونوا بخير وتفرج عليكم جميعا

عيني توته اشكرج حبي وانتي بعد منوره الكروب حبي
كرت هوب عيني اكيد لما اسافر رح احجيلكم كولشي ومااقصر
اهلا وسهلا الرسام ومؤيد العبيدي بكروبنه الحلو

[^Miss Violet ^]

مساء الورد والفل

شلون الشباب والصبايا.. ولو لكيت ناس تريد تسوي علية ثورة و تنفيني عن منصبي وتاخذ مكاني بس يلله العفو عند المقدرة هههههه

شلونكم.. عيني دوري (تذكرني بعصفور الدوري ) مبروك على التبصيم اكيد تعرفت على الموظف المغربي اللطيف (شكد يحجي هههههههه) بس خوش ولد كلش حباب..

شكرا لكل من انشغل باله عليه بس جنت كلش مريضة من يوم الاربعاء للبارحة بالليل فتحت بس مرة او مرتين والله

شكو ماكو سمعت دتروحون للوكالات هاي شنو لعد شبيهة وسط البلد ههههههههه

[شموسه123]

هلا عينيmiss violet احنه الحمدالله حمدالله على سلامتج حبي انشالله متشوفين شر

[amman2010]

هلووووو للجميع شلون الاموووور؟

عيني حمودي هذا عموري اتعلم منك سوالف الاكل والتجويع بعد ماجوزناك منها هوه استلم ابمكانك.

في اي بي 2010 ومس فايوليت عدكم العافيه وانشالله العوده بقوه في اسرع وقت يارب.

اليوم اريد اهديلكم اغنيه عالجرح

لاخبر لاخبر لا جفيه لا حامض حلو ولا شربت

[عمر عراقي]

ست فيوليت عندج العافيه اختنا العزيزه بس للامانه البنات يريدون يسوون انقلاب عليج!!
واني مو فتان لو اريد افتن تصير ملاحم هنا
المهم عمان2010 حبيبي واخويه الغالي اذا كاعدين ننتظر
وبعد ورانه انتظار خير من الله شنسوي غير نكضيهه اكـــل وعنكاوا
حتى لنفكر ونكتئب ونحتار ياعمــــري
حمودي وينك قلبي تعال لان بس انته تفهمني عدل..
VIP وين صفه بيك الدهــــر يمعود اظهر وبان عليك الامان
حبايـــــب اهيلكم اغنية ....؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟
شبيكم مستعجلين
؟
؟
؟
؟
؟
؟
؟
؟
؟
؟
؟
؟
البرتــــــقاله

[الرسام1973]

السلام عليكم

اخوانى وخواتى انى اشكر المرحبيبن ... وخصوصا الاخ vip  حبيبى هل تعرفنى  طبعا اتمنى ذلك من ايام الكليه

وتحياتى الى بنت العراق والى كل الاحباء ...

اخوان انى مستلم الضرف فى 5/12/2009  والان بانتظار الموافقه الامنيه  وعدت الفحص قبل يومين   واى استفسار انى حاضر يا طيبين ...

حمد الله على السلامه مس بنفسجى والله متستاهلين لان انى معجب بتعليقاتج العفويه ...

اخوكم ابو علاوى

[بنت العراق 84]

amman2010 ليش وين رحت واسودييييييييت اعترف؟؟؟
عليك بالفير اند لوفلي لو شوية قاصر ترجع امورك تمام ههههههه

مية هلا بيج مس فيوليت والف الحمد لله على سلامتمج بقة بالنة عليج شنو القصة انتي مريضة وvip مريض يمعودين ديروبالكم على نفسكم ترة مشوارنة بعدة طوييييييل وية الجماعة ينرادلنة حيل وقوة

عمر عراقي شنو هالتوقيع الخنفشاري ليش هيجي مسوي رجيم قاسي لعد القوزي الي حيعزمك عليه amman2010 منو حياكلة؟؟؟ بعدين شنو هالطفرة النوعية بالاغاني من رضا الخياط الى البرتقالة!!!!

[بنت العراق 84]

زين عمر عراقي انت مظرب عن الطعام كلنة ميخالف بس بنطرونك ليش رجل صاعدة ورجل نازلة هاي مفتهمت شنو الحكمة منها؟؟؟

[عمر عراقي]

هلو بنت العراق شلونج وشلون توته
طبعا اني اكيد راح يكون شكلي تعبان وداااااوي
لان بعدني دانتظر وبنطروني جزء من المظهر العام
تدرين يابنوته هذا التوقيع مو الج ولا لأي عضو اخر هذا (للمنظمه)
دخلي يشوفوني شلون تعبان

[بنت العراق 84]

هلو عمر شلونك اني وتوتة زينين الحمد لله
اي لا حقك لعد اذا مسوي للمنظمة فأعذرك لعد صعد ونزل براحتك هههههههه
شكو ماكو اخبار شباب ماكو احد عندة شي جديد
اني ماكو هدوووووووء سننننننننننننننطة اليوم يصيرلي ضبط 3 شهور من استلمت الظرف مال المحلفين 20-3  ولازال التجيك الامني مستمرررررررررررررر

[عمر عراقي]

هلو عمر شلونك اني وتوتة زينين الحمد لله
اي لا حقك لعد اذا مسوي للمنظمة فأعذرك لعد صعد ونزل براحتك هههههههه
شكو ماكو اخبار شباب ماكو احد عندة شي جديد
اني ماكو هدوووووووء سننننننننننننننطة اليوم يصيرلي ضبط 3 شهور من استلمت الظرف مال المحلفين 20-3  ولازال التجيك الامني مستمرررررررررررررر

ان شاءالله خير اختنا الغاليه والحلم اصبح قريب وتروحين بالسلامه
بس مو تنسينه ..

[doori]

مرحبا .....
شلونكم شباب شابات شلونكم شخباركم ويه الحر تره هاليومين ناااااااااااااااااار راح توصل درجة الحراره 39 ديرو بالكم عبالك اجينا وجبنا الحر الهنا همين الله يساعد اهل العراق يا ستار درجة الحراره هناك 47 مبقه شي ويغلون مساكين
عموما الف الحمدلله على سلامتج اختنا مس فوليوت وسلامات عيني  واخونا vip2010 سلامتك حط قرنفل على سنونك يصيرن زينات
عمر العراقي شكرا على اتصالك و السؤال عليه فرحت والله و شكرا على انك شلت القوزي من كدامنا بس شنو ضعفان سوده عليه مملوص ملص ههههههههههه
هسه نجي للاخ المبجل amman2010 هله عيني هله بسويدان هاي بعدك هناك و اسوديت لعد لو تروح الهناك واكو بحر ومحيطات شيصير بيك عيني تخلط اجيب ليفه مال نخل ونكعها بالقاصر وتفرك وجهك فرك قوي بس سد عيونك ومن تغسل بالمي وتفتح عيونك متلكي وجهك هههههههههههههههههههههههههههههههههههههههههههه
سلامات عيني ابو اللول



يعني شلون محد راح يعزمني على دولمه وتاليها وياكم كولو هذا المسكين لا اهل ولا بطيخ حنوووووووووووو





اخوكم
حمودي

[عمر عراقي]

هاي الدولمه لحمــــــــــــــــــودي وتدلل 

[عمر عراقي]

حبيبي حمودي اليوم اهريك هري صور مال دولمه الا اخليك
تدوخ

[توته الحائرة]

مساء الخير والورد على احلى كروب اشلون الجميع يارب كلكم بألف خير وما شاء الله الكروب دا يكبر و يترعرع ونرحب بكل الاعضاء الجديدين واهلا وسهلا بالكل وسلامات مس فيوليت (اسمج كلش احبه لان جانت عندي معلمة بالابتدائية كلش احبها اسمها فيوليت) وعيني عندج الف عافية
حبي شموسه وكريت هوب اشلونكم حبايب والله مشتاقين وشكرا جزيلا عمر العراقي على السؤال وتسئل عليك الIOM ان شاء الله ههههههههههههه وتسمع اخبار حلوة ...واني مسلمة و مثل ماكلت راح اصلي استخارة واضبط كل المعلومات عندي واقدم على الشهر الجاي اذا الله راد وانطيكم اخر اخباري ان شاء الله وكريت هوب حبيبتي اشكرج على اهتمامج وما شاء الله صارت عدنه عدت اختصاصات بالكروب بنت العراق حاسبات وانتي كيمياء واني لغة انكليزية جامعة بغداد يعني لازم نفتح مدرسة على هل حجي ههههههههه شنو رايكم؟؟؟؟؟
عمر العراقي شذكرك بهاي الاغنية اشكد قديمة ذكرتني بأيام الطفولة البريئة
ان شاء الله اسمع اخباركم الحلوة قريبااااااااا للجميع ان شاء الله الفرج القريب

[عمر عراقي]

وهاي الدولمه لاجـــــــعـــــــــــــــــــه لحمــــــــــــــودي.

[توته الحائرة]

اخ حمودي هاي اجتك دولمة بعد شتريد اكل والفففف عاااافية بس عمر العراقي بعد لو وياها اشوية زلاطة ولبن و ورا الدولمة استكان جاي امهيل ههههههههههههههه عراقيين ومايعجبنه نتشها اكل ههههههههههه
بالعافية عليكم

[شموسه123]

عيني اخ الرسام1973 اني هم من جماعه 5/12/2009 بس احنه خلصنه كولشي بس تحديد السفر

[بنت العراق 84]

شكرا عمر عراقي على تمنياتك الي بالسفر القريب الله يسمع منك واكيد ما انساااكم شلوون انسة هاي الايام الي كاعدين وانلووب بيها بس ادعولي اروح واصير مراسلتكم مناك
بس ترة حرام عليك هاي الصورة مال الدولمة ترة اني من يمي إنهاريت عليها ارحم خطية حمودي مشتهي دولمة ميصير هيجي تعذبة بس اني كلت ازيد الطين بلة وادزلة احلى جدر مقلوبة حتى يكول بنات المنتدى ميدللوني
http://img203.imageshack.us/img203/5771/62141046083126677008168.jpg
كريت هوب حبيبتي ماكو هيجي سنطة اني هم مغلسين علية تغليس خيالي
شموسة123 ان شاء الله يخابروكم بالقريب العاجل مادام مخلصين كولي يارب انتي والاخ الرسام 73 وتفروحنة انريد نشاط وحيوية واكشن

هلا بتوووووووووتة مشتاقين حبي عايفة لعبة البرازيل وكاعدة تكتبين كومنتات بالمنتدى ههههههه

[شموسه123]

هلو حبي كريت هوب عيني تسلمين حبي وانتي هم منوره حبي انشالله ايخابروج وتفرج عليج وعلى الجميع

عيني بنت العراق 84 حبي اشكرج وانشالله يوم الج والاختج حبي وجميع العراقيين

[عمر عراقي]

فرحت عبالي البنات راح يسحبون سيوفهم (جدورتهم وعدة الطبخ)
ويسوولنه دولمـــــــه ويكولون تعالو اخذوهه واحنه مستعدين نسوي الزلاطه
يعني حتى زلاطـــــه هم منريد منكم شنو القصه بنات اخوانكم ينخوكم وين بنات العرب
وينهه الترفع راسهه وتصيح انا سيف المجـــرب والنعم والله من بنات العراق..
الي يسمعني ولا يكول قبل اسبوع اكلت دولمــــه
يعني قبل لااتعرف على حمــــودي بيومين
اعذرني ابوشهاب حبي والمره الجايه تدلل

[بنت العراق 84]

يعني عمر عراقي من تعرفت على حمودي بطلت تاكل دولمة وسويت اضراب عن الطعام ههههههه اي دوكلة وياك للمسكين مو حتطلع بعدين بجهالة حسرة الدولمة فوكاها اتدزلة صور وتشلع قلبة

[الرسام1973]

كلكم ورود وحلوين من بنت العراق العظيم ولكل الشباب ومنهم شموسه يا رب باجر ينطوج موعد سفر كولو ... اميـــــــــــــــــــــــــن


اخوكم ابو علاوى

[amman2010]

ها شباب شلون الوضع؟ قريت محد سامع شي بس لاتضوجون والله تهون وتصير سوالف وبلكت الله باجر او معناها اليوم لان عبرت ال 12 تسمعون شي احنا مانقدر نسوي غير الدعاء.

حمودي وعموري وفي اي بي 2010 جماعة الوكالات هههه شكوماكو خو ما اتشاوفتوا بدوني تره تصير موزينه!

للي سال عني جنت بالبحر الميت وصارلي يومين اون من الوجع لان الحراره قريب الخمسين هناك وضغط ورطوبه قوكاها ومااحجيلكم بس هسه بديت اكشر كاللالنكيه 

هسه عمر وحمودي يشتهون لالنكي النوبه ههههه هاي مضربين عن الطعام وهيجي

[بنت العراق 84]

عمان2010 الحمد لله على السلامة حط فازلين ترة بعدين بشرتك تتأذة.. فدوة لتجيب سيرة اي شي ينأكل حمودي هالايم شهيتة مفتوحة عالاكل لان مسوي اضراب هههههههه

اي واله كريت هوب ذكرتينة بايام السفرات والاكلات والجدورة الي تنصب اوووووف راحت هذيج الايام الحلوة بعدين جنتي بالرابية يعني قريبة علينة من هاي منورة الرابية اليوم بوجودج حبي اني وتوتة هذاك اليوم من رحنة للوكالات والله كلنة هسة نشوفهم يمكن للي ويانة بالكرووب ومنعرفهم..

[عمر عراقي]

ايباااااااااااااااااااااااااااه اني كلت هسه ادخل الكي فد 14 عزيمه على دولمه
طلعتو كلكم بوووووووووووووووخه يابنات الكروب واعتقد ماكو وحده بيكم تعرف تطبخ اصلا
يله روحو نامو ونيمو تلفوناتكم يم راسكم بلكي يدكون على وحده ثنين منكم ونخلص منكم وتروحون لاميركا على ايرباص هسه حتى لو على البوينك بس المهم توصلون بالسلامه وتراسلونه من هناك
ونخلص منكم اذا حتى طبخ متعرفون لعد متكلولي شلون تزوجتو والي ممتزوجه شلون تريد تزوج؟
بنات اخر وكت اني من تزوجت بسنة ال 56 اهم شي عندي جان الطبخ وماهمني شكل البنيه هي صحيح طلعت كلش طويله وخبله وحوله وخشمهه طويل وصوتهه مثل صوت حجي خضير ابو العربانه مال الشلغم بس همينه ميخالف لان جانت طباخه ماهـــــــــــــرة الله يرحمهه ماتت بضروف غامضه
بعد ان ادهشت العالم بأكلاتها الرائعه اااااااااااااخ ياحجيه (فزعه) (ام فدعم) مكانج فارغ لو رايحه لاميركا الا يفتحولهه مدرسة لتعليم فنون الطبخ والتغذيه العامة بس احنه منقدر الطاقات والخبرات الا بعد مايروحون من ادينه
كريت هوب اختي احنه لو نريد اكل مال سوك جان رحنه اكلنه بس عبالنه نحصل اكل مال بيت.
المهم انتي اليوم بالرابيه عيني اني يوميه تقريبا افتر هناك واليوم فتت مرتين تلاثه على السوك بس منتبهت على البنات مو اني اصلا لازلت اعيش على ذكرى المرحومه فزعه ام فدعم زوجتي العزيزه
الي انطتج عمرهه عن عمر يناهز الواحده والتسعون بعد المئة وهي في ريعان شبابها

[عمر عراقي]

طبعا اني الي يشوفني ماراح يعرفني لان .. اخيرا راح اعترفلكم بالحقيقه (هاي الصورة الي موجوده بتوقيعي مو صورتي هاي صورة صديقي كانت هاي حالته هنا وهسه راح لاميركا وتحسنت وضعيته)
بس هذا السر يبقى بيناتنه
اني اليوم كنت متواعد مع صديق عراقي وساكن بالرابيه قرب جامـــــع الصالحين بس لا بنت العراق ساكنه قريب مناك مو اني اكول ليش الناس تفوت من هناك محتاره ودايخه بدنياتهه لازم توته الحائره قريبه من هناك

[عمر عراقي]

لا ماتت بسبب جدر دولمه اكلته ابحدهه وصعد عده الكوليسترول وذهبت مأسوف على شبابها . . .
الله يكون بعونج اختنا العزيزه بعد ما ادري انتي اكبر مني لو اصغر الله اعلم اني اخوج عمري 30 سنه
ولا ازال مُضرب عن الزواج ولا ازال مضرب عن الطعــــام ايضا (هاي مهمه مو تنسوهه)..
الله يسهل امور الجميع ولو اني (نوني) يعني مصارلي هوايه من قدمت وانتو اغلبكم اقدم مني
بس ميخالف ان شاءالله تتسهل على الكـــــل بكروبنا الرائـــــــع .
ونروح لاميركا وتصير هاي اللمه سوالف وذكريات.

[doori]

صباح الخير للجميع .....
بدون استثناء و ما اريد اذكر اسماء علمود لا انسه احد ويزعل الكل شلونك شخباركم
يعني عمر شكول غير بس بسيطه اني اعلمك النوب لاجعه بسيطه
بنت العراق عيني هسه سويلي جدر دولمه ودزي بالبريد اصاااااااااااااااار
والله اني اعرف الف جدر دولمه لان اني طباخ ماهر صدكوني بس المشكله متنكل الواحد بحده يرادلها لمه مو تمام
عيني amma2010 كشرت يابه فدوه لم الكشور وازرعها بلكي تخضر ههههههههههههههه تطلع شجره بيها لولو ات هوايه
يعني عندي اقتراح ليش منلتم بحدائق الحسين و الشباب تجي على الجاهز تاكل والنسوان تطبخنا فد جم جدير شنو رأيكم والله مدا اشاقه فد يوم جمعه ردولي علمود اذا اكو موافقه جماعيه نرتبها ونرجع ايام جزيرة بغداد السياحيه ومدينة الالعاب طبعا انتو والاهل او بكيفيكم قرروا واني جاهز ارتبها



سلامي للجميــــــــــــــــــــــــــــــــــــــــــــع

دولمه برياني قوزي طرشانه  باكله بالدهن 

[amman2010]

هلوووو جميعا. اي والله حودي خوش فكره اني اول الموافقين بس رتبها وانطيني خير اجي اسرع من البرق.
هسه فازلين افتهمنا شنو بس فير اند لوفلي وش يطلع هذا اليوووود اذا تتذكروها للدعايه ينوكل ينشرب 

البارحه شفت اللعبه مال البرازيييل واقول الف مبروك ل في اي بي 2010 لان هوه معشوقته البرازيل وانشالله دائما فايزين.

عموري البقيه بحياتك عالحجيه بس والله صغيره خطيه بس اني متاكد انت قرتها من كثر متنق براسها عالطبخ خطيه هسه لو تدري انت مضرب عن الطعام هسه تطلعلك فاذا انت تضوج منها ومالك خلقها لاتجيبون سيره خلوها بيناتنتا على شغلة الاضراب ههههه. تره والله تطلع اتقولك شبيك لبيك ام فدعم بين ايديك.

استوا ذاك اليوم مو وصيت صديقي جابلي نبق من بغداد وزرعته بالحديقه فهسه كبرت البذور وبعد فد سنتين بلكي احنا بعدنا دننتظر ونصير نقع
 جوه النبقه وننتظر تلفون ال اي او ام خخخخخ

[عمر عراقي]

صباح الخيــــــــــــــــر على الجميـــــــــع
حجيــــــــــــــه ام فدعم وياكــــــــــــــــــــم

[amman2010]

هلاااا صح النووم عموري خوما حلمت كابوووس  بالمرحومه

[doori]

مرحبا

ها عموري شو هسه يله كاعد اي عيني عريس هههههههههههه
نوم الهنا والعوافي
عيني amaan2010 شلونك ابو الكشور شخبارك عيني انت انتو رتبوها اني مجرد اقتراح وشوفو خواتنا البنات
شلونكم بالحر اليوم هله هله نااااااااااااار


حمودي

[عمر عراقي]

هلو حبايب حموي الورد وعمان2010 الورد شلونكم شخباركم
مشتاقين . على سيرة الحر هسه كنت احجي ويه ابن عمي
كال اليوم درجة الحراره اليوم 53 وهسه اجيبلكم الصورة

[توته الحائرة]

مساااااء الخيرررر على الجميع اشلونكم يارب كلكم بخير وصحة
عيني هاي شنو كالبين الكروب كله على الاكل لازم انغير الاسم الى كروب المطبخ العراقي ههههههههههه عيني عمر العراقي حقها المرحومة تنتقل للرفيق الاعلى بعز شبابها اذا امكابله الطباخ واتسوي اكل 24 ساعة  بعدين احنة بينه حيل من هسة انلف دولمة ونسوي مقلوبه وكبة نعرف انسويها نظري عود انطبقها عملي براس الرجال المسكين ههههههههههههه على كولتج كريت هوب اشو ماكو واهس جنت قبل الكيكات والحلويات هسة اذا عجبنه انجيب من السوق والسلام...حبي كريت هوب والله نورتي الرابية وصدك اذا اشوفج بالشارع اكيد ما اعرفج الا اذا كتبتي كريت هوب على الملابس مالتج هههههههه اليوم اروح اصلح الحاسبة مالتي بلكي اشوفج صدفه اني راح اتعرفيني لان حائرة ولازمة ورده بيدي واكطع بيها واكول اقدم لو ما اقدم هههههههههههههههه
اخ عمان غير اتخلي واقي شمس قبل لا تروح للبحر الميت يله سفرة سعيدة على كل حال المهم اتونست
بلكي اليوم احد ايبشرنه بخبر منا منا
سلامي للجميع

[عمر عراقي]

عاجـــــــــــــــــل .. عاجـــــــــــــــــل .. عاجـــــــــــــــــل
درجة الحرارة في العراق الان!!!!!!!!!!!!!!!!!!

[شموسه123]

اخ الرسام تسلم عيني امين يارب العالمين وانشالله يارب يوم انت بعد هم تطلع الك


حبي كريت هوب ههههههههههههههههههههههههههههه ادللي اصيرج مراسله
عيوني

[شموسه123]

تسلمي كريت هوب حبيبتي الله يسمع من حلكج عيوني يوم الج انشالله

[عمر عراقي]

يله بنات سوولكم لقاء كافي عاد التقو بيناتكم واتعارفو
اما بالنسبه للحر فاني مستعد افرش بالشارع وانام
شنو وينه الحر يمعودين لو نسيتو الحر بالعراق
روحو للمول احسن لان احنه العراقيين لازكين بالمولات
ومكه مول بعد سنه اذا بقه على هاي الوضعيه
يكتبون لافته على الباب (الدخول للعراقيين فقط رجاءا)!!!

[doori]

مرحبا ....
عيني الجمعه درجة الحراره 28 درجه الحراره بعدين اصار هي كل وحده اجيب جدريه صغيرووووووووووونه وحده دولمه ووحده برياني ولتخافون احنا انجيب الصمون ههههههههههههههه

لا صدك والله خوش فكره اخون وخوات يتغدون سويه شبيجن ممشجعات؟

اني اخذت موافقة 3 اعضاء ذكور ما ادري شبيهم النسوان ما حنيتو لجزيرة بغداد لو لحديقة المدرسه ههههههههههه


تحياتي

حمودي

[بنت العراق 84]

عمر عراقي والله اصيل بعدك عايش على ذكرى الحجية الله يرحمها اكيد ماتت محروكة طكت عليها قنينة الغاز المسكينة والله يساعد اهل بغداد اليوم هنا ناااااااار واحنة شو صايرين نازوكين نسينة حر بغداد وقطع مبرمج من ال2 لل6 العصر وفوكاها استكان الجاي بيدنة وابو المولدة مطالع ومحد يفتحلنة المولدة هههههههه بعدين بالضبط هي الناس من توصل يم بيتنة تجيها نوبة حيرة من تجتاز المنطقة مالتنة ترجع لوضعها الطبيعي هههههههه

عيني احسن شي بعد كلمن يطلع ويفوت من يم مجموعة مال عراقين يكول عين كاوا عين كاوا نفر نفر عين كاوا واذا طلع احد من كروبة فاكييييييد حيضحك ههههههه لو نسويلنة باجات خاصة نلبسها من نطلع

اني وتوتة هالايام حننشغل لان حيجون بيت خالي اليوم من بغداد ولازم نشتغل دليل سياحي في الاردن بس ان شاء الله نفتح حتى ولو تالي الليل نسمع اخباركم الحلوة يارب

amman2010 شلون متعرف فير اند لوفلي الي تريد تشتغل وميشغلوها بس تحطة اسبوع وراها يتوسلون عليها تجي تشتغل وياهم والي زوجها حيطلكها بس تحطة اسبوع تنحل كل المشاكل مفعول سحري جربة بلكي اتطك وينطوك معود سفر راسا بدون محلفين ههههههههه

[yis2007]

مساء الورد لاحلى گروب على النت . والاخ عمر العراقي توقيعك حيل عاجبني لانه فعلا شي يضوج انو اهلنا ما عدهم كهرباء بهذا الحر يعني شغله مو طبيعيه فاقلها توقيعك يعلن التضامن وياهم والله انشالله يحميهم ويبردها عليهم . شغلة الانتظار اهون بهوايه من شغلة الكهرباء بالعراق . يعني الواحد ميعرف شيحچي وشيگول على هالوضع .

[عمر عراقي]

روحي اشتغلي دليل لبيت خالج بلكي وراها يجيلج موعد وتسافرين ونرتاح منج
وتسوين واهس لتوته الحايره بنفسه وتكفليهه وتسحبيهه وراج

[عمر عراقي]

مساء الورد لاحلى گروب على النت . والاخ عمر العراقي توقيعك حيل عاجبني لانه فعلا شي يضوج انو اهلنا ما عدهم كهرباء بهذا الحر يعني شغله مو طبيعيه فاقلها توقيعك يعلن التضامن وياهم والله انشالله يحميهم ويبردها عليهم . شغلة الانتظار اهون بهوايه من شغلة الكهرباء بالعراق . يعني الواحد ميعرف شيحچي وشيگول على هالوضع .

اهلا وسهلا ومرحبا بيك بكروب المقدمين من عمان واحنه نتشرف بانظمامك الينا ياورد .
بس معرفنه حضرتك اخونه لو اختنه حتى نعرف الزيادة على الشباب لو على الشابات؟
وبكل الاحوال نعتز بمشاركتك معانه

[yis2007]

حبيبي عموري شكرا لردك واني اخونا يعني الاضافة للشباب واني اعتز بانضمامي لهذا الگروب الرائع وتمنياتي للاخوان والاخوات بالتوفيق . ومرة ثانيه توقيعك حيل عاجبني .

[بنت العراق 84]

عمر عراقي شبيك بس تريد تخلص مني اوووي هههههههه يلة عيني الله وأيدك ادعيلي بلكي يبشروني وابشركم ..لا توتة متريد لامريكا تريد تروح يم اخوية لأيرلندا

اهلا وسهلا بيك yis2007 وفعلا الله يساعد اهل العراق يعني لا جو لا وضع بي خير لا كهرباء مثل العالم والناس الله يكون بعونهم ياربي

[yis2007]

هله والله بكل بنات العراق . يابه اكو موضوع دوخني صارله يومين اريد احچيه وارتاح . هاي قبل يومين من شفت الاخبار مال مظاهرات البصرة ودرجة الحرارة كلش عاليه بالعراق وحقهم الناس حتى لو كسرو الجام مال المحافظه واكيد الحكومه ماله حق تحول القضية للسياسه ويقولون هذوله مغرضين واكيد طبعا الدستور لا يحمي المواطنين وراحو ضحايا بالموضوع ......... حيل ضجت وبقيت ضايج يومين . البارحه بالاخبار هبت عاصفة قوية مصحوبة بامطار غزيره بالبصرة تؤدي الى اقتلاع ابراج خطوط الضغط العالي في البصره وتؤدي الى انقطاع الكهرباء بالبصره . بشرفكم هاي شلون نداويها يعني المسوؤلين عن الكهرباء مقصرين وماكو كهرباء زين ليش غاضب علينا وعاصفه ومطر واقتلاع ابراج مال الضغط العالي و..........

[عمر عراقي]

اخي العواصف والاعاصير الي تصير بكل دول العالم واحنه اقل بلد تصير بي هاي العواصف
والحمدلله واحنه اصلا مناقصين بمعظم البلدان لاتنقلع ابراج الضغط العالي ولااعمدة الكهرباء
بس اذا عدنه الفساد شمل كلشي حتى الابراج الي صارلهه 50 سنه محد كلف نفسه وبدلهه
ولاحتى قام بأسنادهه بأعمده وابراج حديثة لان اقل مقاوله بالكهرباء هسه بيهه ربح لايقل عن 100 مليون دينار عراقي (اقل وحده) والسرقه مستمره ومتواصله ياحبيبي كول ياالله وربك رؤوف بعباده
لان اني عندي اصدقاء واقارب بالبصرة واتصلت بيهم اليوم وكالو الحمدلله الله سبحانه سخرلنه المطر والهوا
والجو استعدل شويه والرطوبه العاليه انتهت بعد المطر والعاصفة والجو اتلطف .
وربك ماينسه عبده بس المهم يبقى ايمانه ثابت.

[doori]

مرحبا......
الاخ yis2007 اهلا بيك صديق جديد واخ في الكروب عيني كول الحمدلله الله ما يغصب على ناس غير همه مغضبين رب العلمين بس كول هاي رحمه من الله سبحانه وتعالى مو غضب لان ديعرف ربك ان هالشعب لا حول اله ولا قوه والكل متسلط عليه حتى ابن جلدته وانتو تعرفون منو هاي رحمه من الله المطر خصوصا بجنوب العراق والله ما ادري هالشعب شلون متحمل درحة الحراره 53 وماكو كهرباء ومتحملين زين ما دخلو على المنطقه الخصراء وحوسموها ههههههههههه المهم اخويه احمد ربك واشكره والله يكصر المطر يا رب علمود هالشعب المسكين
عمر حياتي اشكرك على رسالتك على الخاص وانت مو صديق انت اخ و اكثر بس المشكله وين المشكله راح يسالني المحلف بصمت بغير مكان قابل اكله لا ؟ واني ما رحت استلمت الجواز بوكتها لا نطيت فلوس وجابوليا لان تعرف اني وين منطقتي ولو اطلع منها انعلوس هههههههههه

اللهم يا رب العاملين احفظ شعب العراق و احفظ العراق من كل شر وثبت اقدام شعب العراق يا ارجم الراحمين
اللهم آمين

اخوكم
حمودي
الاردن_عمان

[توته الحائرة]

مساء الخير عليكم جميعا ...مس فيوليت اشو رجعت اختفت شنو القصة شموسة اشلونج عيني كريت هوب حبي ان شاء الله نلتقي قريبا بس جاينه خطار من بغداد وراح نلتهي وياهم وراها انسويلنه لقاء واتشرف بشوفتكم واذا علمود المكان عيني خلي يدلل ابنج وين ايعجبه انروح الله يحفظه الج يارب
والله شغلت الكهرباء مأساة بالعراق الله يعينهم كلها ملتمه عليهم الله يرحمهم برحمة الواسعة
امنور اخ Yis وان شاء الله اشتراكك خير على الجميع
عمر العراقي عيني اني ما اروح لامريكا اشو الكل راح اتروح اني كلت اغير اشويه على قارة اوربا ههههههههههه اشلون ما اشوف راح اقدم واخذ بوري ابو 10 انج  
حمودي شكله مدسوم من ورا الدولمة يله الففففف عاااااافيه
تحياتي للجميع نفر نفر

توته الحائررررررة جدااااااا

[توته الحائرة]

عيني كريت هوب اشو هاي الجملة مالتج ما افتهمته (بس اكولج حب يلا قدمي علمود اذا تروحين هناك وتسمعين فد شغلة جديدة تجين تكوليلنا) يعني شنو قصدج من اروح لليو ان اسمع شي بخصوص التوطين وهاي السوالف؟؟؟؟ وعذريني العتب على السمع ههههههههههههههه
 

[doori]

مرحبا...
والله يا اخت توته لا متخوم ولا شي بس كولي متخوم من القهر على العراق والي ديصير بي ولو مو جديده هاي بس شو النوب ولد جلدتنه على كولتهم احنه عراقيين كامو يكتلون بولدنا والله شنو علمود كهرباء ادري صار 8 سنين من اجو لو كل سنه 3 محافضات مسوين هم جان صارت جاره بس شتكولون على كولة المثل لتخاف من الشبعان اذا جاع بل خاف من الجوعان اذا شبع لان شيشبعه

المهم خلي البنات يطلعون طلعتهم والشباب يطلعون طلعتهم ونلتقي بالنص ههههههههههههه


سلامي للجميع


اخوكم

حمودي

[توته الحائرة]

والله اخ حمودي كلنا مقهورين على بلدنا وشعبنا حتى من نفرح فرحتنه ناقصة من فتحنه عينه ب80 الى هسة ما شفنه غير الحروب وحصار واخرها هسة والحمد لله انكول احسن من غيرنه والله يستر من الجاي ...ابسط حقوق للانسان العراقي معدومة مع الاسف الله يصبرهم ويرحم حالهم ويفرجها على الجميع يارب والحمد لله على كل حال

اشوفكم جميعا على خيرررررر

[^Miss Violet ^]

مساء الفل حبايب

لا تذكروني بقهر اللي صاير بالجنوب والله طكيت من البجي.. عود مذيع العربية جان ديسوي تقرير عن موجة الحر بكل الخليج.. شوف الامارات شلون كاعدين بالتكييف لو السعودية والله مو حسد بس شكد خطية العراقيين فوك القهر هم هيجي يصير بيهم رحمتك يا الله

شلونكم يا قطاقيط الله يسلمكم ويا ربي متشوفون شر

بنوتات.. يلله اوكفوا اصطفاف اريد افتش على اظافركم هههههههههههه

[عمر عراقي]

لالالالالالالالالالالا توته يمعوده بمكان الحئره صرتي الحائرة جدا
ضوجتيني ثانيا طلعنه نفس العمر اني وانتي يعني لازم تديرين بالج
واحنه مواليدنه محترمه من جماعة السبعينات ومن جماعة الثمانينات
لان احنه بالنص فلازم نبقه متمسكين بمكانتنه هذي ونعلمهه لأولادنه
عيني حمودي انته قابل الوحيد الي طلع جوازه بهالشكل يا اخويه الورد
تره نص العراقيين هنا طلعو هيجي وابشرك بالعراق اكثر من 80% جوازاتهم هيجي
يعني يمكن مثل حالتك قابلو مئات قبلك واكثرهم طلعو صلي على النبي وتوكل على الله
ست فيوليت هاي غيباتج مو طبيعيه يمكن محضرتلنه مفاجئة .. يله يمعوده حتى نفرررررح

[عمر عراقي]

حمودي على كولة فد شاعر شعبي يكول
(فرق بين اليجوع وهوه شبعـــان وفرق بين اليجوع وهوه جوعـــان).
ولاتنسه الامام علي بن ابي طالب رضي الله عنه له قول بالغ العبـــر يقول فيه :-
(لاتطلب الخير من بطون جاعت ثم شبعت بل اطلب الخير من بطون شبعت ثم جاعت).

[بنت العراق 84]

اليوم جوي بيت خالي من بغداد وديحجولنة على الوضع والله مأسااة الله يساعدهم والله احنة هنا عبالك عايشين بعذاب الضمير نطلع مكان حلو نتنغص لاهلنة ببغداد نشتم هوا طيب نتنغصلهم

عمر عراقي اتمسك عيني انت وتوتة بمكانتكم منو وياية 84  ::)حتى اتمسك وياه بمكانتنة ههههههه عساس شلون مواليد بنص الحرب وهستونة فايتين للمدرسة صارت حرب ال90 فرحانين هستونة فايتين جامعة اجتنة هاي الحرب الاخيرة وكعدتنة وزن خاف جنة ناقصين

منورة حبي مس فيوليت شلون صرتي ؟؟؟؟

[yis2007]

صباح الخير لاحلى گروب وانشالله تكونون بتمام الصحة والعافية .
شكرا يادوري ويا توتة وعمر عراقي على التفاعل .
ما بكم من نعمة فمن الله ومابكم من شر فمن انفسكم .
اكيد الواحد يگول الحمد لله على كل حال بس الصدگ الوضع جدا مزري . يعني حتى المطر فد ساعه يعني يبرد الجو فد 3ساعات وبعدين . يمعودين الحرارة 53 يعني حتى .......... يبول دم .
والله نوبات يجي ببالي اگوم اطفي الكهرباء حتى اشعر فعلا باهلي بالعراق .
بعدين نهنئ عمر الحملة مالة التوقيع مالتك جابت نتيجة ..........  وزير الكهرباء استقال . تدرون ليش حتى الناس بعد متطلع مظاهرات اطالب باستقالة وزير الكهرباء . يعني اتحملو مناه لحد ميجيبون وزير جديد الله كريم .

[doori]

صباح الخير حبايب ...
اخويه yis2007 فدوه هي حكومة تصريف اعمال يعني منتهي متكلي شلون يستقيل هو اصلا" منتهيه ولايته يا استقاله بس على اسا ديكولونه تره احنا ديممقراطيين والي الشعب ميعجبه نطلعه راسا" يعني يعبرون افلام علينه مو اكثر . ولا تنسى البارحه انطفت الكهرباء بعمان يمكن ببعض المناطق وبقة ساعه اوا كثر مطفيه وطفت همين العصر  يعني مرتين والله هيج لو هيج الواحد يحس بهلنه بالعراق الله يصبرهم

المهم مس فوليوت الحمدلله على سلامتج مره لخ صايره كل اسبوع تبينين مره عسى يكون المانع خير يا رب

عمر العراقي و amman2010 و vip2010 مو تنسون الخميس وها اي واحد يريد يعرف شنو يوم الخميس على الخاص اكله وبس الشباب البنات لا لان عدهم طلعه ههههههههههههههههههههه

شنو رأيكم هسه طلعه الجمعه متريدوها اتفقوا البنات على يوم الخميس بشارع الوكالات ولا تكلونه وخلي وحده منجن تاخذ لاب توب واذا انترنت واير لس وياها واني اخذ اللاب توب والم الشباب مال كروب وندز رسائل بالكروب ونشوف جماعه توكف باول الشارع وجماعه توكف باخره ونسويها لعبة طوبه هههههههههههههههههههههه

عيني الي يريد من الشباب نطلع الخميس ان شاءالله بشارع الوكالات يكلي وادزله رقمي الساعه 8 وربع ان شاءالله شباب مو تنسون الخميس 8 وربع



اخوكم

حمودي

[doori]

مرحبا ...
الاخت great hope عيني يا موجة حر موجة الحر اليوم بالليل تنتهي وان شاءالله باجر درجة الحراره تنزل لل29 والخميس 28 الصبح يعني بالليل يصير الجو يخبل اذا تريدون تجون للوكالات نلتم لمه نسميها لمة عين كاوا ونكت لافتات عليها منتدى عين كاوا  علمود يلمونه كلياتنا هههههههههههههه ونكضيها بجويده ههههههههههههههههه لا سمح الله
لا صدك اي عضو يريد يشرفنا والله راح نتمشى ونكعد عادي على المصاطب يعني لا تكلفه ولا كوفي شوب ولا شي كلها ساعتين زمان وكل واحد يروح بس والله دا افكر بهيج افكار اني مو لشي والله العظيم الكل اخوه بس علمود نتشرف بمعرفت الجميع و يا رب هاي الفكره تلاقي استحسان الجميع بس المزوجات مو يتركون ازواجهم ويجون لا جيبوهم وياكم علمود نتشرف بيهم وبمعرفتهم



اخوكم

حمودي

[yis2007]

شكرا great hope على الترحيب وشكرا للجميع على التفاعل .
عندي اقتراح للشباب اعضاء الگروب الرائع . يعني بما اننا هنا في الاردن دننتظر ال UN واللي يروح الله يسهل امره بس اللي ميروح وين يــــــــــــــــــــــــــــــــــــــــــــــــــــــــــــــــروح . فعليه اگول ليش ما نفكر نطرح افكار مشاريع صغيره ممكن تنفيذها هنا او في العراق خاصه للي راح ينضربون بوري من ال UN . يعني من خلال المنتدى او من خلال لقاءات الشباب . شنو رايكم بالموضوع .

[ضـاع الوطن]

صباااااااااااااح الخير شبابا شلونكم اخبارك ان شاء الله زينين شكو ماكو ؟

[yis2007]

صباح الورد ضاع الوطن . والله صافيه دافيه (حاره).

[عمر عراقي]

هلو حبايب شلونكم جميعـــــــــــــــا شلع شلعا
كريت هوب مستلمتني تصنيف من الصبح . الله يسامحج
وهمينه بعدني مصر واكول بلكي يجيلج تلفون يفرحج ويخلصنه منج
ونلتقي بحديقة امريكا العمومية وهناك الجو احلى ونجيب اكلنه
ونتذكر ايام عنكاوا 
اهم شي الامل موجود اخويه yis2007 اني اشوف الي ينضرب بوري يدور وجهه ويرجع
يواجه مصيره بالعراق وشيريد يصير خلي يصير نشوف شكاتبلنه الله والحمدلله على كل حال.
وان شاء الله نلتقي ونكعد وهم نفكر بمشاريع ولو اعتقد المشاريع هنا مكلفه ونسبة نجاحهه ضئيله
بس مبيهه شي نكعــــــد ونشوف حبايــــــــــــب

[abu fulla]

مرحبا اخواني واشكركم على هاي المبادرة
اخواني اسمحولي اسال سؤال
اني اريد اسجل السنة القادمة اولادي بعمان بالمدارس
اريد اعرف شنو اللي يحتاج من وثائق اجيبها من العراق  وشنو هي الاجراءات؟
اي شخص يعرف اي معلومة تفيدني اكون ممنون  والرب يباركمم
علما اولادي بالابتدائية والمتوسطة جانوا
واشكركم سلامي للجميع والتوفيق

[doori]

مرحبااااااااااااا....
شلونكم شخباركم عاد هاي كل شويه شلونك وشخباركم
المهم اخويه yis2007 فكرتك حلوه والله بس المشكله هي برؤوس الاموال يعني مثلا" نكول مثلا" اني وانت نفتح فد عربانه مال ماكولات ومو شقه تره فد عربانه مرتبه نبيع بيها همبركر وهيج شغلات مثل مجانت اكو عربانه بالاعظميه وما شاءالله جان شغلها ماشي مثلا نوكف بحدائق الحسين شيرادلك يرادلك احد يشوي العربانه والماكولات واهم من هذا كله تعال تلوك للامانه كل مره علمود ليشيلوها وطلع موافقات واركض يمنه ويسره وتاليها يجيك واحد ميعرف يقره او يكتب من الامانه يكلك شيلها يابه هاي موافقات ماكو يمعود جيب الليف ودي الليف بين متقنعه انت تافل المر  او مثلا" مشاريع مثليش شركه استيراد وتصدير هم واكف السوك او تفتح محل وين همه بوسط البلد ديبجون ماكو شغل والله اني اشد على ايدك على هاي الفكره بس اذا عندك مشاريع نكعد ونشوف افكارك وليش لا الواحد يدور على الرزق والله يسهلها اما مثل ميكول الاخ عمر يا عموري يا عيني شكلك حنيت لصيف بغداد فاني اكول روح للعراق وانطي تلفوني للمنظمه وبس يخابرون ادز عليك وادلل عمر يا رجعه يمعوووووووووووووود ليش تسويني عصبي مو اجي اكل الدولمه مالتكم لسويها بعد 

اما عن ابو فله اهلا بيك بعمان تجي عين غطا وعين فراش وملين هله بيك بس مثل ما كالتلك الاخت كريت هوب شجيب وياك مناك والله شكل شعب العراق راح يرجع يتكوم بدول الجوار الله يستر


تحياتي للجميع

عموري مو تنسه الخميس تره اعلسك




اخوكم
حمودي

[amman2010]

مرحبا للشباب والصبايا فردا فردا هههه حلوه مووو!!

اهلا بيك ابو فله اي مثل ماقالولك الشباب بس تجيب وثائقهم واتخيل انو لازم تكون مصدقه من الخارجه او من التربيه مااعرف بالضبط لان ماعندي اطفال او بالاحرى عزابي بعدني. ويمكن اتوقع لازم الاول تجيب قبول اولي من مدرسه هنا وياريت لو احد مر بهالتجربه يساعد بتفاصيل اكثر وشكرا مقدما.

yis 2007 اني هم اتوقع الموضوع اللي طرحته حلو بس ينرداله قعده وترتيب وسوالف مو شغلة سهله ونتشرف بيك باي وقت واحنا اقرب لقاء بيننا رح يكون مثل ماعرفت يمكن يوم الخميس اذا الله راد.

حمودي رح يكون موجود وعموري ويجوز ناس اخرين واني هم انشالله اكون موجود.

الله يفرح الجميع بتلفون باجر انشالله

[doori]

مرحبا ....
عيني amman2010 شو ذكرتني اني وعموري وما ذكرت vip2010 تره هاي خيانه واحنه الاربعه من مؤسسي كعدات شارع الوكالات تره هاي مو حلووووووه
مدا اقصد اوكع بينك وبين vip2010 هههههههههههههههههههههههههههههههههه
بس يله اكيد راح يسامحك بيها



حمودي

[yis2007]

احلى شباب في احلى گروب واحلى شي بالگروب انو احلى شباب يتفاعلون مع الموضوع خوش تفاعل ودايمين ..............ز
طبعا اني گلت انو المقترح هو افكار مشاريع يعني خلينا مثلا نفكر بافكار مشاريع قابلة للتطبيق وامكانية نجاحها وراس المال المطلوب لتنفيذها وبعدين هو كل واحد وامكانياته .

[عمر عراقي]

احلى شباب في احلى گروب واحلى شي بالگروب انو احلى شباب يتفاعلون مع الموضوع خوش تفاعل ودايمين ..............ز
طبعا اني گلت انو المقترح هو افكار مشاريع يعني خلينا مثلا نفكر بافكار مشاريع قابلة للتطبيق وامكانية نجاحها وراس المال المطلوب لتنفيذها وبعدين هو كل واحد وامكانياته .

خوش فكره نلتقي ونتفاهم وبالنسبة للتمويل هاي مساهمه من عندي خمس دنانير  وفراطه حتى تصرفون بيهه براحتكم . بس طبعا اني اريد حصة الاسد بالمشروع هذا شرطي والا ارجع الخمس دنانير بجيبي وابطل
وبانسبه للعربانه حمـــودي اني وياك بهذا المشروع وهو انسب مشروع لكروبنه والبنات يطبخون واحنه نبيع واقترح نبيع بي دولمه بالصيف ولبلبي بالشته
شنو رأي الحبايب ؟

[^Miss Violet ^]

مساء الانوار

والله يا اعضاء يا حلوين الغيبة بسبب انه اني عديت بنتي من المرض و هي تمرضت و عاد تعالي يا مس فايوليت داري و شيلي وسوي حليب وماما اريد مدري شنو ماما اريد هذا ماما اريد هذاك.. و وين اكدر اطلع قهري مو مريضة فشنو لازم اكول (صار مامي حياتي كتكوتة) هههههههههههههههههه

شلونكم شكو ماكو.. حبيبتي بنوتة اني صرت احسن الحمدلله و بنتي هم احسن من قبل يومين.. عمر عيني جان زين لو المانع ترتيب وتخطيط للهروب الكريب:)  بس يلله الله كريم ان شاء الله تكظي وتصير سوالف

[doori]

ألسلام للجميع ...
الاخت العزيزه مس فوليوت ما بيج غير العافيه وسلامات وبنتج همين ما بيها غير الف عافيه مو عافيه وحده سلامتها واحنا اخوتج الخطيه بركبتح اي شي تحتاجي ركبتنا كدامج وها الخطيه بركبتج اختنا العزيزه
عموري عيني عبالك دا اشاقه تره اني صادق بالشغله صدكني نربح اكثر من المحل لان اهم شي ماكو ايجار واعتقد الامانه ماتخذ هوايه بس هاي وين مو هنا عيني بحديقة البيت الابيض ههههههههههههه
شو الاخت شموسه ماكو صارلها جم يوم خيرها؟
هاي شنو تغيب وحده وترجع تغيب الثانيه هاي شنو اخاف ديشوفونا نسال عليهم لو لا عمي لحد يخغيب تره الكل بقلوب الكل ان شاءالله

زين اني اذا مرضت منو يسال عليه  اويلي عليه الله لا يوكع احد بمرض كولو اميــــــــــــــــن

الكل الكل الكل الموجود و الموجود والحاضر يعلم الغايب تحياتي للجميع



اللهم احفظ العراق وشعبه آمين


حمودي

[^Miss Violet ^]

تسلم عيني حمودي

هاي شنو اشو خطط و مشاريع بحديقة البيت الابيض من ورااية!! زين غير تعرفون اني راح انطيكم تصريح لو لا

[doori]

مرحبا ...
عيني مس فوليوت ليش احنا نكدر نسوي شي بدون اخذ الموافقه منج يبوووووووووووووو بعدين منو يلي راح يشرف على المشاريع غيرج بس ها مو تطلبين نسبه من الارباح من هسه دنكلج اذا كلش كلش عشاج انتي وبنتج علينه بين يوم ويوم   



حمودي

[amman2010]

مسااااااء الخيير كروبنا الحلو. شلون الامووور؟

ميس فايوليت عندج العافيه انتي والكتكووووته الحلوه والجميع.

حمودي اني اعلمك باجر هههه. في اي بس 2010 حجيت وياه مو اكيد يجي فلهذا ماذكرته والله وباجر هم احاول بلكي غير رايه والتمينه كلنا على قولتك المؤسسين. وبلكي هم يجي يس 2007 حتى نتشرف بمعرفته ويكبر كروبنا اكثر وتصير لمه خير انشالله.

عموري انت عليك تصمم العربانه او انزل مناقصه واغششك اني حتى تاخذها مقاوله وبالنص اني وياك ههههه يعني كلش عراقيين مو بالله

في اي بي 2007 باجر خابرك واجيبك اجيبك فاتهيئ نفسيا للموضوع مو تسويلك شغله.

تصبوحون على خير وتلفون يدك يم راسكم من رقم برايفت وتحجي وياكم الموظفه مال ال اي او ام كولووو اميييين.

[عمر عراقي]

السلام عليكم اخوتي
ميس فيوليت سلامات يمعودة ديري بالج على بنتج مو تعرفين ذولي بسرعة يلكطون العدوى والمصيبة ما يطيبون بسرعة
حمودي سلامتك من المرض والله المرض والتعب يزيد تعب الغربة
عمر شلونك اخوية ان شاء الله كلكم بخير
عفية اني عندي احباط مو طبيعي والكابة صاعدة عندي
عفية شوكت هذولي جماعة التوطين يتذكرونا مو روحي طلعت
صار 6 شهور بالتوطين
ادري شطلعت هاي الدراسة مو والله بزعت هسة داشاوف اكو عالم ما شاء الله شهرين عن المقابلة الاولى باليو ان وقابلو توطين وتحولو للاي او ام
ادري اني شوكت يحنون علية
ياربي تفرجها علينا من عندك ياكريم

ياريت حبايب تردون على اختنا الورده كريت هوب يعني اي شي اي معلومه عن موضوع التأخير
اتمنى لو تجاوبوهه باسرع وقت.
واني اتمنالج التوفيق باسرع وقت وتنحل مشكلتج وتصير سهله وسريعه. يارب
شباب تره احتمال حتى اني ماجي يوم الخميس يعني تدرون انتو يوم الخميس الواحد شكد ينشغل بي
وشكد تطلع شغلااااات بيوم الخميس وباقي الايام كاعدين نسولف ويا الحيطان.
يعني انتو تركضون على الخميس من دون الايام كلهه بس راح احاول قدر الامكان
ان اشوفكم ان شاءالله واليوم خابرني vip2010 وكلي على الموعد وكال احتمال ميكدر يجي.
وعلى كل حال بلكي خيــــــــــر

[^Miss Violet ^]

اي والله كريت هوب عمري ادري لذلك شوية ملتهية وياها و من تنام عود انطلق

الله يسلمكم جميعا حبابب

حمودي يلله اني وافقتلك على المشروع ولو ما ذبيتلي شي جوا العباية و جنسيتي العراقية متسمحلي امشي اي شي بدون العباية هههههههههههههههههههه

كريت هوب حبيبيتي انتي تدرين اني شوكت بديت احسب الايام واهتم من لمن خابروني على مقابلة التوطين والله قبلها جنت ناسية الموضوع و ملتهية بالعيشة و الشغل.. اشو من يوم المقابلة والكارت الازرق كمت ادور ورا الايام والتواريخ.. فانتي لو تعوفيها وداعتج يجيج تلفون يكول تعالي مقابلة توطين

عموري.. يرادلك تتدرب شوية على الدمج

[doori]

صباح الخير ....
شلونك حبايب اخوان واخوات يا رب تكونون بخير اجميعن يا الله
الله يصبحكم بانوار النبي صلى الله عليه وسلم
اكلك عمر عيني يا مشاغل شو على كولت المثل لا وراك ولا كدامك لو كمتو تسووها هيج ومشاغل وضروف مثل شباب الانترنت هاي شنو يابه ما كلنه هيج شو تجي يعني تجي و VIP2010 كال احتمال كبير اجيب ابن عمي واجي بعد لتسويلك سوالف تعبانه مال مشاغل
عيني AMMAN2010 صوفلك صرفه ويه عمروي مو تره اروحله لبيتهم واجيب جوقه موسيقيه واضل اكدن ومحد يشيلن ههههههه
عمري عيوني تعال حباب احسلك اوكي
عيني كريت هوب اختي العزيزه مثل مكالتلج مس فوليوت انسيها للشغله هي تجي اني لعد من 2007بعمان يرحم اهلج حتى صرت طرشي هنا كول يا الله وانسي والتهي ويه ابنج وطلعاته

اكلكم شو VIP2010 ولا بين شنو سالفته خاف شاف غير كروب بس لاميسويها



تحياتي للجميع


اخوكم

حمودي

[VIP2010]

السلام عليكم ورحمة الله وبركاته

شلون الأخوات والأخوة الأعزاء ان شاء الله بخير

يابة عحمودي شنو السالف مو كتلك كآبه ومدا اكتب بس اشوف الردود بس معقولة اشوف غير كروب مو عيب علية

المهم مشتاقلكم كلكم وان شاء الله اكو اخبار جديد

مع تحياتي وأمنايتي للجميع بالتوفيق

أخوكــــــــVIP2010ـــــــــــــم 

[doori]

مرحبا ....
الله يساعدك vip2010 والله كريم ونعتذر



حمودي

[ضـاع الوطن]

صبااااااااااااااااااح الخير والخيرات على الكروب شلع زلم وصبايا شكوش ماكوش اخبار ان شاء الله الكل بخير

[doori]

صباح الخيرات اخويه ضاع الوطن اني يمكن راح االف اغنيه على اسمك هههههههههههههه
شلونك انت اكلك انت بيا دوله؟


اخوك حمودي

الاردن_عمان

[yis2007]

صباح الخير همين شلع شباب وصبايا . واليوم انشالله تتوفقون باللقاء والله يسهل امور الجميع.

[doori]

صباح الخيرات اخويه العزيز ياس شخبارك وين ما وين انت هم كآبه اسم الله علينه من الكآبه
شو مختفي هالجم يوم



حمودي

[بنت العراق 84]

هاي شنووووو غبنة عنكم اني وتوتة يوم اجينة لكيناكم مسوين مشاريع وخطط وناس مشتركة جديد

مية هلا بيك اخ ابو فلة بالكروب مالتنة

احنة كلش ملتهين وية بيت خالي البارحة العصر جنة بالرابية والهوا جان يخبل بس مشفنة احد عرف هههههه

سلامتج حبي مس فيوليت وسلامة النونية الكتكوتة ماعدها الا العافية يارب

عيني اتريدون اتسوون مشروع مال عربانة اكل حتى كلة انتو تاكلووا وميبقة شي تبيعوا هههههه

تحياتي للجميع

[doori]

هلو بيج عيني بنت العراق شلونج وشلون الاهل وخطاركم شلونه بس شلون هوا البارحه نسانه الحر مال يومين الي فاتت والحمدلله
عيني العربانه عباره عن عربانة سندويشات وانتو ممصدكين بيه عبالكم دا اشاقه والله هاي الفكره في بالي من جنت ببغداد بس ماكو احد شجعني لا من الاهل ولا الكرايب بس الله كريم

سلامنه الكم

اخوج
حمودي

[^Miss Violet ^]

اني اريد اسوي مشروع عرباانة ذرة لان احبها بس يمكن ما ابيع كلها اكلها اني

هلو بنوتة حبيبتي شلونج وشلون توتاية الحلوة

VIP يمعود على بختك عليك ان تقاوم قوى الظلام و الشر و تتحدى الصعاب وعلى كولة عادل امام الباب اللي يجيك منه الريح تطلع البنت لامها هههههههههههههه

هلو عيني دوري شكو ماكو

[بنت العراق 84]

لابالعكس دوري والله خوش فكرة بس شنو المشاكل الي دتمنع؟؟؟ اكو لازم فد موافقات تسويها؟؟؟ اي شيها لفات بيض مسلوك واجبان ومرتديلا لان هنا يحبون هيجي اشياء خفيفة اني اشجعكم والله على هالشي وسوو العربانة حلوة هيجي فد زينة تجذب الانظار واني اساعدكم بالفكرة مالتها بالدزاين يعني


هلو بي فيوليت شلونج اني وتوتة زينين الحمد لله نسال عنكم

[^Miss Violet ^]

شلونج عيني مس فيوليت عفية هنيالج انتي تشتغلين وملتهية شو اني كاعدة بالبيت واليوم يمر علية عبالك سنة

والله يا هوب بعد ما طكت روحي من الانتظار كلت خلي اشوف فد مركز انطي بيه محادثة انجليزي بس هواية مراكز كالتلي منكدر لان ماعندج اقامة المهم لكيت مركز صاحبه يعرف بابا وملتهية بيه شوية واترجم شوية بالبيت و مركعتها حتى لا افكر.. اليوم 23 وبعد ماكو شي من الاي او ام

[doori]

مرحبا ....
مبروك علينه انفتحت الصفحه الثالثه وبكل شرف واعتزاز تم افتتاحها من قبل العنصر النسوي في الكروب مما يدل على ان للمرأه مكانة في المجتمع ههههههههههههه هاي شنو كمت احجي حجي مال وزراء ههههههه
عمي لسمعون كلامي وتتثاكلون علينه خخخخخخخخخخخخ
هله بكل خواتي مس فوليوت وكريت هوب وبنت العراق وتوته وشموسه المختفيه ادري حني شويه 2 يوم ماكو مو الكالسيوم مالتنا راح يروح بدون شمس ماكو كالسيوم ومتنه برد ههههههههههههه

هلو بالجميع


اخوكم
حمودي

[^Miss Violet ^]

نعم اجل

المرأة عماد المجتمع و فؤاد الوطن ورياض الصالحين ورياض احمد ههههههه

البارحة شفت فلم عسل اسود مال احمد حلمي شفتوه؟؟؟

[doori]

اني لو الكي على مكوقع ماي ايجي اشوفه راسا خلي ادور عليه اليوم بلكي الكي

شلون صارت البنوته
عيني مس فوليوت سؤال ومساعده منج شلون اسوي نفسي فطحل بالانكلوزو


ساعديني


اخوج
حمودي

[^Miss Violet ^]

لا حمودي الفلم متلكيه هسة بالنت هو صارله اسبوع بس بالسينما

نجي للانكليزي.. ممممممممممممممممم.. مال تصير فطحل يرادلهة وقت.. بس اني انصحك تتعلم شي اسمه situational conversations يعني شتكول بالمطار شتكول بالمطعم.. يعني شغلات محددة حتى من تروح ان شاء الله لا تحير بروحك او اذا مثلا ما لكيت موظف يستقبلك تكدر انت تدبر امورك او مثلا تريد تكول لابو الشقة ماكو مي حار او شلون اوصل لفلان مكان هذا كله حتى اذا ما كانت المنظمة متعاونة او حتى انت هم تعتمد على نفسك.. وموضوع تصير فطحل راح تصير اول 6 اشهر من توصل تصير شكسبير

[عمر عراقي]

طلعلي (بينما انت تكتب تم اضافة 5 ردود جديدة)
فراح اشوف الردود شنو بعدين اكتب الرد مالتي

[عمر عراقي]

فطحل وشكسبير - مسلسلات وافلام -ساموط لاموط
هاي مشاركاتكم ؟؟ عبالي راح الكي واحد جايله تلفون
لو واحد سوالنه مفاجئة وديكتبلنه من اميركا..
لو احد طلعله توطين على كندا..
هاي بعدكم على وضعيتكم؟
راح اسوي كروب الي ابحدي واسميه
(كروب خاص بعمـــر عـــراقي والي يدخــل اضربه بمسدس جـــراقي)

[doori]

مرحبا ...
عيني كريت هوب اني مخلص باكيت جكاير احم احم احم العفوا مخلص بكلوريوس ادارة مكاتب سياحيه يعني المفروض اكون فطحل بس وين بيا بلد ههههههههههههههه
المهم اني مو كلشي ما اعرف لا اعجبج ادبر نفسي منا منا كلمه طايره الكطها بس المشكله انسا مثلا تعلمت 10 كلمات اليوم باجر من الصبح تلكيني اسوي صراع ويه نفسي اريد اتذكر ماكو تكولين اكو تبن بالمخ مو مخ حشايه بس الواحد يحجي الحقيقه بس شنو كاتل نفسي افلام اجنبيه بس همه الامريكان ملعونين الوالدين يحجون بسرعه متلحكين تلكطين كلمه او مثلا احد حجالي جمله بالانكليزي حيل وره يومين يله افهم شنو هي هههههههههههههههه وبدون قاموس لان عندي بمخي كلمات خافضها اعتقد اكو نقص فيتامين b12 هاي شلون نحلها يعني كووووووووووووووووووووووه منو يعرف يحشي انكليزي بالمخ يكلي اعتبرو مخي فد بيتنجانه حافريها وتريدون تحشون بيها تمن وتسوون شيخ محشي


حمودي

[^Miss Violet ^]

اي شفناه بمكة مول و جنت مريضة وامي كالتلي روحي ماما ويه صديقاتج و خواتج وعوفي بنتج يمي

اني مصدكت على الله

عمر عيني اني مراسلتكم من شارع الجامعة الاردنية في مدينة منهاتن نيويورك

حمودي لا تخلي بالك وية اللغة سهللللللللللللللة والله اهم شي تخلص الاجراءات.. هسة غير لو يجينا تلفون والله شلعوا قلبي

انت هم مثلي تنتظر محلفين مو؟

[doori]

هسه بس خلي يوافقون المحلفين يابه بشرفي لا اكوم اترجملك وره شهرين ههههههههههههههه
والله واهس ماكو هنا المشكله اجي اريد افتح كتاب التعليم راسا اسده ماكو واهس ما ادري ليش اما مال دورات شو اقل دوره ب200 دينار ولازم الواحد ياخذ عدة كورسات ادري عندي بنك اني هههههههههههه
 هسه لو غرندايزر يسوو بالانكليزي جان زين
الله يسهلها ناخذ دورات مال mbc3 والله كريم

[ضـاع الوطن]

صباح الخيرات اخويه ضاع الوطن اني يمكن راح االف اغنيه على اسمك هههههههههههههه
شلونك انت اكلك انت بيا دوله؟


اخوك حمودي

الاردن_عمان

اخوية اني بالاردن هيه هاي الجمعيه مو للي مقدمين من الاردن هع هع هع هع

[doori]

اخويه ضيوعي لا صدك اكو ناس تدخل مو بالاردن يحبون يشاركون عادي
الله يسهلها عليك وعلى الجميع

لعد تعال للكروب بشارع الوكالات كل اسبوع يلتقون الشباب هناك والبنات لساتهم ديفكرون هههههههههههههههههههه


اخوك
حمودي

[عمر عراقي]

عندي فكرة احسن من الحدايق والسفرات والمولات والسينمات
والتاتات والخالات والعمات والحاتات العفو هاي الاخيره طفرت سهوا 
المهم ست فيوليت انتي اذا ... اذا .. اذا عندج شويه مجال واحنه عدنه اخونه
الورد الي خابرني قبل شويه واني جنت رايح للمطار استقبل ابن عمي المهم
اخونه الورد عمان2010 همينه يعرف انكلوزو (انكليزي) وتتعاونون اثنيناتكم علينه
وعلى كيفكم وابحدنه نكعد مندخل واحد غريب . مثلا مره نكعد بمطعم ومره بكوفي شوب
ومرهبحديقه ومره على الرصيف لا على الرصيف هاي من نسوي مشروع العربانه
وتعلمونه حتى لو فد شي قليل او متوسط باللغه .. على فرغتكم.
واحنه حاضرين من الدينار للدينار (العراقي طبعا)
لا يعني قصدي لمه وكعده وجاياتكم وكهوتكم على حسابنه بعد شتريدون
ومتعرفين على هالوجوه الحلوه طبعا اني ممشمول (الوجوه الحلوه) بس اتحملوني
من تتعودون على شكلي يصير عادي بعد متخترعون
 بس الي عدهه جهال لي تخليهم بالبيت وتجي حتى ليخترعون
 من يشوفونه احنه الاربعه (مؤسسي كعدة الوكالات)
يختـــــــــــرعون (احذروا هؤلاء)
هسه المهم شنو رأيكم اني راح اخلي اخويه حمودي هو يتفاهم وياكم لان هو
الرجل دبلوماسي بالتعامل مع الاخرين واسلوبه ديمقراطي ومتفاهم
وورده وبيتهم قريب عليه 80 قرش بالتكسي

[doori]

اختي كريت هوب بيش ساعه تطلع الصبح بالليل الساعه والدقيقه بليه زحمه ولا تفضحيني النوب ينصبون عليه ويكولون حمودي حيكد الصبح وياكل سريلاك وكاعد بالحجله ويباوع mbc3 دخيلج

هخهخهخهخهخه

[ضـاع الوطن]

اخويه ضيوعي لا صدك اكو ناس تدخل مو بالاردن يحبون يشاركون عادي
الله يسهلها عليك وعلى الجميع

لعد تعال للكروب بشارع الوكالات كل اسبوع يلتقون الشباب هناك والبنات لساتهم ديفكرون هههههههههههههههههههه


اخوك
حمودي

ان شاء الله اخوية مو هل الخميس خميس الخ  لان هل الخميس حاجز رايح للعقبه

وراح اكون مراسلكم من العقبه ههههههههههه

[doori]

لا عموري باوع mbc3 وانت تتعلم تره مدا اشاقه بس الشقه الي جاي
سويلك ماعون سريلاك وفد مميه بيها لترين حليب وضل باوع بس ها لتكول لاحد اني كتلك هيج

 


اي عمي ضيوعي الله ربك اللهم لا حسد بس ما اعتقد الخميس الي ورا لان راح ترجع مسموط من الشمس وكسب وجهك ويرادلك فد كيلو فازليون ولترين قاصر واسبوع نقاها كدام التبريد ليرجع لون وجهك طبيعي ههههههههههههههه

عيني كريت هوب دنشاقه هاي شلون بلشه ملازم ما اكعد بالحجله اكعد على القنفه بس والله وبدونش قه طريقة راح اجربها وعاشت ايدج اختي

[^Miss Violet ^]

والله يا عموري تتدللون اني حاضرة وبالخدمة

اكو واحد يروح للعقبة هسة ضيوع !!!!!

[ضـاع الوطن]

هو هم هيج اخويه الدوري بس احنه راح انكضيه الضهريه نوووووووووووم وباليل اتفرفر لان صارت بيه ذاك المره هاي الحاله

[doori]

تروح وترجع بالسلامه اخويه العزيز
كريت هوب وينج اختنا
؟

[ضـاع الوطن]

تدرون صار اسبوع اريد احجز ماكو حجز يوميه ايشمروني اسبوع    لا مو اني رايح اكثر من مره

التفرفر ايصير من ساعه 8 باليل لحد ساعه 6 الصبح وراها نوم من السبعه الصبح لل 3 الظهر


بس شنو باليل العقبه خرافيه بكل معنى الكلمة

[^Miss Violet ^]

يلله انجوي ضيوع شنسوي بعد حذرناك

وحاسديك همين هههههههههههههههههههه

[doori]

عبالي زعلتي من وره الحجله ههههههههههه

بس باجر تدرين راح اجربها صدكيني لان عندي فراغ بهيج وقت ويا رب استفاد

بوسيلي ابنج ابو ال3 سنين

[doori]

خلي اضحكم شويه
بمناسبة السريلاك والله جهال اخويه لمن ينولدون حجيتنا جانت اجيبلهم سريلاك تصدكون جنا اني وابهم نبوك مفتاح ديلاب الحجيه ونبوك سريلاك علمود ناكله والمسكينه تجي تشوفه نص العلبه خلصانه وتركض ورانه وتكول جهال جهال جهال
 
اموت على السريلاك بس يسمن واني بالكوه نزلت 17 كيلو جان وزني 97 هسه 80 والحمد لله يوم للي ببالي هههههههههههههههههههههه

[doori]

شحرك متكليلي يرحم اهلج ليش جم وجبه اكل اني راح اكلج شاكل كل يوم كل يوم الصبح كهوه اطلع ما اكل اله وره اذان المغرب هاي يوميه واذا اريد اكل اكل فد لفتين وحده فلافل ووحده فول ومرات وجبات شاورما هاي اولا
الشي الثاني يوميه اني امشي 5 كيلو على اقل تقدير يمكن يطلعن اكثر تصوري يوميه من الدوار الخامس للدوار الثاني هاي الصبح ومن الدوار السابع للدوار الخامس هاي العصر
اخرها صارلي 7 شهور مسجل بجم طبعا صديق اليه عازمني عليه وره ما ضعفت لان جنت برميل طرشي ههههههههههههه هسه العب حديد والحمدلله الصحه احسن من قبل وانصح اي شاب او شابه يلعبون رياضه من همه صغار احسن والله


تحياتي

[^Miss Violet ^]

لا تحجولي على الوزن راح اموت ويخلص عمري وبعدني مدا اضعف

هوب ابنج هم وكح؟؟

[yis2007]

فطحل وشكسبير - مسلسلات وافلام -ساموط لاموط
هاي مشاركاتكم ؟؟ عبالي راح الكي واحد جايله تلفون
لو واحد سوالنه مفاجئة وديكتبلنه من اميركا..
لو احد طلعله توطين على كندا..
هاي بعدكم على وضعيتكم؟
راح اسوي كروب الي ابحدي واسميه
(كروب خاص بعمـــر عـــراقي والي يدخــل اضربه بمسدس جـــراقي)

اسعد الله  مساءكم جميعا .
حبي عموري انته بيوم تريد تسمع اخبار جديده اني مقدم عال UN من 7/2007 ولحد الان ماكو شي ( حديقه) يعني شتگول بهذا الخبر .

مبروك للجميع افتتاح الصفحة الثالثه .

حبيبي حمودي شكرا لسؤالك عني تسأل عليك العافيه.

[doori]

مس فوليوت عليج بالمشي امشي شكد متكدرين وابتعدي عن الماكدونالدز والبرجر كنج وهالسوالف وعليج بالخضراوات فاكه قللي صدكيني امشي امشي امشي وبس وتدعيلي بالاخير
كريت هوب اني والله اعرف اطبخ وطباخ ماهر يمكن احسن من الموجودين يمعوده حتى وق عنب الف ههههههههههههه بس شنو واهس للاكل ماكو لان بحدي مو اكثر ويمكن اذا الكي بنت الحلال اني اطبخلها ههههههههههههههه المهم تسلمين حاسس اختي ودتنصحني والله
عيني yis لا تشكرني لان هذا واجب عليه احنه هنا بغربه واخوه والواجب الواحد يسال على الثاني هاي رقمي يمك الخطيه بركبتك وحاول بارج تجي يمنا بيك خير وادلل


تحياتي يله حكوم اروح للنادي باي مؤقتا قبلاتي لاولادكم



حمودي

[^Miss Violet ^]

اي اني ضعفت.. ورا ما ولدت الى الان ضعفت 14 كيلو  يرادلي هوااااية فد 20 كيلو

[^Miss Violet ^]

مو كلش سمنت من جنت حامل هههههههههههههههههههههه

هسة الولد يكولون عيني سوالفكم هاية احجوها مو هنا

[عمر عراقي]

ام حسنه - وج عيني دريتي بنديمه بت فخريه طلعله هذا مال توطين وراح تروح لولاية الامريكان
وتذب العبايه وتفرع شعرهه وتمشي كدام الوادم.
ام دريول - وج ممعقوله يمكن الدنيا راح تنكلب بينه يمعوده البارحه تلعب بالطين هاي نديمه
هسه راح تروح للامريكان زين رحمه على ابوج هاي يركبولهه بجمسي لو بهمـــــر
شنو عدنه يا بنات انطلقتو بالحجي لا بعدين ندخل بغيبه ونميمه ونكول
(ملناش دعوه) على كولة سعيد صالح.
المهم فكرو بشغلة اللغه ونريد الاخت ست فيوليت والاخ عمان 2010 ينطونه رأيهم
وطبعا كل الشباب المؤيدين للفكره همينه خلي ينطونه رأيهم.
وبالنسبه لاخويه yis2007  اريدك تصبر وان شاءالله الفرج قريب والله يسهلهه عليك.

[عمر عراقي]

خلي اضحكم شويه
بمناسبة السريلاك والله جهال اخويه لمن ينولدون حجيتنا جانت اجيبلهم سريلاك تصدكون جنا اني وابهم نبوك مفتاح ديلاب الحجيه ونبوك سريلاك علمود ناكله والمسكينه تجي تشوفه نص العلبه خلصانه وتركض ورانه وتكول جهال جهال جهال
 
اموت على السريلاك بس يسمن واني بالكوه نزلت 17 كيلو جان وزني 97 هسه 80 والحمد لله يوم للي ببالي هههههههههههههههههههههه

حمودي اكيـــــــــــــد الي ببالك مو اني مو
مو زين من 97 نزلت هسه 90 يعني نزلت 7 كيلوات وبعدلي فد 7 كيلوت كلش كافي

[doori]

همزين عموري عرفت نفسك  بس لا حبي انت مو سمين تره ما شاءالله عليك لو تلعب شويه حديد احسن مما تلعب باعصابك من وره التوطين  شكلهم العنصر النسوي ا :Dادام الله ضلهن علينا ولا وحده تعرف رقم الثانيه هاي شنو عيني تعالو شوف احنا 24 ساعه نتخابر والله اليوم صارت ويايه جنت نامي الضهر جان احلم التلفون ديدك بالحلم والله فزيت لكيت اللتفون صدك ديدك جان يطلع اخويه العزيز vip2010 هههههههه يبو الكروب حتى بالحلم ويايه هاي شلون طلابه عيني كروبنا هذا خبر عاجل خبر عاجل خبر عاجل
تره مو بس ضاع الوطن راح يروح للعقبه لا راح افتن على واحد لاخ هو amman2010  هم حيروح الجمعه للعقبه خطيه قبل جم يوم كام يكشر من البحر الميت هسه عاد لو مأجل اللالنكيه وره العقبه احسن اخاف النوب يطلع اللحم الحي مالتك هههههههه


تحياتي للجميع


حمودي

[شموسه123]

مرحبا عليكم جميعا اشلونكم مشتاقتلكم

[شموسه123]

اشكر كل من سال عليه كريت هوب وتوته الحائره عيني اشلونكم حبي
doori واشكرك لان سالت عليه
واهلا وسهلا بالاعضاء الجدد yis2007 وفله

[توته الحائرة]

هلوووووو جميعا والله على بالي كلكم بس ملتهية والله عبالي ادخل اشوف اخبار حلوة يله ان شاء الله قريبا بس اتونست على الردود مالتكم كلها حلوة يا احلى كروب
ست فيوليت الحمد لله على سلامة بنتج وان شاء الله كل الصحة والعافية حبيبتي اريد اسئلج حلو الفلم مال احمد حلمي لان انريد اروح انشوفه لان اني احب افلام احمد حلمي ...واشلون صدفة حلوة اني هم خريجة لغة انكليزية ودرسة محاضرة بجامعة بغداد بس مدة قليلة واجيت لعمان تحياتي الج وبوساتي لبنتج الله يحفظها وان شاء الله قريبا نتخابر ونلتقي على خير
شموسة اشلونج حبي الج وحشة.....حبيبتي كريت هوب اشلونج عيني مكانكم خالي البارحة رحت سجلت حضور بمكة مول هههههههه والعصر طلعنة الى الرابية والهوااااا ايخبل خطية بيت خالي جايين من بغداد ايكولون ياريت نفرش بالشارع والنام على هذا الهوا العليل هههههههه والله كلتلهم كون هاي النسمات اتروح لبغداد واهلها عيني نتخابر بس ايروحن ضيوفنا حتى انشوفكم بوساتي لابنج الله يحفظه
عيني حمودي اذا عندي هيجي مشروع واتحب اتسوي اتوكل على الله اهم شي الانسان ايسوي شي هو مقتنع بي ويحبه واني اول وحده اجي اشتري منك لفه بعد شتريد هههههههههه
عمر العراقي همزين طلعت من مواليد اني عبالي مابقى احد كلهم انقرضو ههههههههههه هو احنة صايرين امحيرين لا احنة سبعينات ولا اثمانينات والصورة مالتك الجديدة كلش حزينة بس حلوة

سوووووري دوختكم

تحياتي الكم جميعا

[doori]

يا مليون هله باختنا شموسه كلولولولوووووووووووووووووووووووووووووووش هاي وين عيني بس لا الدولمه اثرت بيج بهذيج الفتره من يوم الجمعه لا حس ولا نفس خير اختنا عسا غيابج كان خير


يا شباب رجعت اختنا شموسه هلهلووووووووووووووووووووو




اخوج

حمودي

[doori]

هلو عيني توته شلونج شخبارج هاي وينكم ادري خطاركم مو عيب يفرشون بالشارع والله شقتي كدامكم ابات بره وانطيهميا قسما" بالله صدك جذب اختنا انتي شخبارج امورج مو بس البارحه الهوا طيب اليوم احله واحله همين لا بنكه ولا بطيخ اما عن مشروعي مفكر بي من بغداد قبل 5 سنوات او 4 بس ما لكيت تشجيع كلت اذا الله كاتبلي السفر لاي دوله افكر بي بجديه وعود ادزلج لفتج بالبريد ههههههههههههههههههههههه تدللين

دير بالج عيني لطيرين بالهوا مال يوم ههههههههههههه


نورتونا انتي وشموسه والله اليوم كلش فرحان اني


اخوجن
حمودي

[توته الحائرة]

عيني كل اللي رايحين سفرة للعقبة او اي مكان ان شاء الله سفرة سعيدة و تتونسون بس ديرو بالكم من الشمس
وبالنسبة لتحسين اللغة الانكليزية اكو معهد جينيفيا بشميساني اني ما رايحتله بس صديقتي رايحة ماخذه بي دورة محادثة اسعاره كلش زينه خاصة للعراقيين على اساس مدعوم من اليو ان ....واكو موقع حلو اني ادخل عليه مرات حتى ما انسى اللغة واطور لغتي هذا موقع مال معهد الثقافي البريطاني
http://www.go4english.com/
واذا حصلت اي شي جديد ايطور اللغة احطه الكم وتدللون بس احسن شي المسلسلات والافلام والاذاعات الاجنبية كلش اطور وتحسن اللفظ
ويارب نسمع اخبار حلوة وباجر خميس يارب كلكم تتونسون ويه الجو الحلو
اشوفكم على خير

[doori]

تسلمين توته عساج طيبه انطي فد فكره للي رايحين للعقبه علمود ليكشرون جلدهم مثل البرتقاله هههههههههههه

[توته الحائرة]

شكرااااا اخ حمودي كلك ذوق لا والله مكان موجود الحمد لله بس خطية علمود الهوا الطيب بالضحك ايكولون نفرش ونام بالشارع ....اي عفية اهم شي لفتي دزلياها ههههههههه ان شاء الله كل احلامك تتحقق قريبا وتفرج على الكل يارب
والله الهوا مو طبيعي ايخبل بلكي اشويه ايروح لبغداد ويرحم حالهم

شموسه لاتكطعين حبي وسمعينه اخبارج الحلوة
تصبحون على خير جميعاااااا

[شموسه123]

هلو حبي توته

عيني doori كنت مشغوله خالي اجه من العراق يتاعلج لان مريض وصار 7 سنوات مشايفته

[amman2010]

مساء الخييير جميعا. شنو هالمشاركات والتفاعل الحلو والله كلش اتونست عليهم الله يفرحكم يارب.

كريت هوب والله اني بخير الحمدلله ويوميه دننتظر ونندعي والله كريم طبعا هسه الجماعه يقولون يا انتظار يابطيخ شو يوم بالبحر الميت ويوم بالعقبه ههههه والله مالها علاقه بس البال مشغوووول كلش رح يوقف اصلا وحتى رجعت ادخن مع اني صارلي سنتين مبطل!

توته الحائره تسلمين على كلامج الحلو بالنسبه لسفرتنا وانشالله الجميع يكون متونس يارب.

ضاع الوطن اني هم رح اكون بالعقبه يوم الجمعه والسبت راجع فاذا تحب نتشاوف هناك دزلي رقمك عالخاص.

عموري بالنسبه للانكليزي والله مثل ماقلتلك من تشاوفنا تتدلل نقدر انرتبها ليش لا.

طبعا اليوم انفتحت الصفحه الثالثه وماشالله المشاركات كووووومه يعني اتوقع متطول يومين بس هم انقول انشالله صفحة خير عالجميع.

حمودي انت هم مشمول بالانكليزي اذا تريد امانه تره بس الدراسه بيها تسوون واجبات وعقوبات ههههه.


بالمناسبه عموري عجبتني مال الجمسي كلش وهاي اللي مدري شسمها نسيتها هههه
 باجر الخميس نشوفكم قريبا جدا وتصبحون على خير مراسلكم من امام  ...العقبه

[عمر عراقي]

شلونكم حبايـــــــــب جميعا فردا فردا
شموسه123 اختنا العزيزة ان شاءالله عنده العافيه خالج واحنه حاضرين لاي شي .
حمـــودي انته بعدين اشوفك ونكعد نحجي ونلغي لحد مندوخ.
اختنا توته الحائره البارحه شفت ولد من الجيران يصيح (شوب شوب)
كتله لاتخليني هسه اطلع افرش وانام بالشارع .. ياباا هاي عدنه ربيع بالعراق اذا مو شتا
صديقي العزيز VIP2010 حبي مشتاقيلك وان شاءالله باجر نلتقي.. اذا رهمت.
وصديقي عمان2010 الورد مشتاقين حيل وان شاءالله نلتقي باقرب وقت . وسفره سعيده مقدما.
حبايب الباقين
كريت هوب وهاي بوسه لابنج الورد.
ست فيوليت وهاي بوسه لبنتج الورده.
yis2007 ان شاءالله نلتقي واذا مصارت اتمنالك الموفقيه.
ضاع الوطن وينك يمعود ندري بيك راح تروح للعقبه يعني هاي كلهه تحضيرات؟  سفره سعيده مقدما.
بنت العراق مختفيه هالايام عيني المهم تحياتي لبيت خالج هسه حتى لو تدخلين تالي الليل تسمعينه صوتج قصدي تشوفينه كتابتج  
اشواقي القلبيـــــــــــــــــــــــــــــــة للجميــــــــــــــــــــــــــــــــــع

[شموسه123]

عيني عمر العراقي اشلونك واني اشكرك

اختك شموسه 123

[doori]

صباح الخير نفرا" نفرا"
شلون الحبايب والاصدقاء يا ري تكونون بخير
شو ما اري اليوم من الساعه 6 الصبح اني كاعد شنو السالفه ما ادري عموما" الحمدلله دا اكعد هاي طبعا" حتى يوم الجمعه انام بال3 وتشوفوني من يعوعي الديج كاعد والله ضايره نومتي قليله بس المهم نومة الظهر اذا ما انام الظهر احس الدنيا تلف بيه ههههههههههه
عيني عموري اله ادوخك لعد تدلل ما اخليك تحجي ولا كلمه بسيطه حبي لا تنسا اليوم ان شاءالله
vip2010 الله يصبحك بالخير عزيزي شلونك اليوم طمني عنك اليوم ان شاءالله لو اقنعك لو تقنعني على الكآبه
amman2010 حبي الكروب والصفحات الجديده نتيجة ما زرعته من محبه بين الاخوان والخوات بالكروب
البنات عموما شلونجن شخبارجن امورجن جهالجن اريد افتهم بالعراق ليش هال  ( جن  ) للانثى كلبناها للقواعد العربيه ههههههههههههه
عيني yis شلونك اخويه سويها وتعال اليوم نتشرف بيك
ضيوعي تروح وترجع بلاسلامه بس صديلنا سمجايه واعزمنا عليها
والي نسيته خلي يعذرني احب الكل


اخوكم

حمودي

[VIP2010]

السلام عليكم أخواتي وأخوتي

شكراً لكل الأخوات والأخوة للأهتمام بالكآبة مالتي ادري هية بدت تخلص بس شسوي صار فوك ال3 اشهر محد مخابرني بس ربنا عالظالم والمفتري

حمودي الوردة انت اقنعتني وراح انسى وما افكر بالموضوع

مع تحياتي وأمنياتي للجميع بالخير والتوفيق

أخوكـــــــــVIP2010ــــــــــن (هاي اليوم أخوكن بالسوري)

[doori]

صباح النور حبي vip2010
اخويه العزيز الله سبحان وتعالى ما ينظلم عنده احد ابدا وكل تاخيره وبيها خيره ان شاءالله تذكر قصتي ويه التوطين وانت تعرف لعد اكو واحد يخابرو على التوطين يبقه نايم  الخيره في ما اختاره الله


اخوك
حمودي حمندوش

[عمر عراقي]

صباح اللامي .!!!! اهوووووووووو قصدي صباح الخيــــــــــر

[yis2007]

صباح فخري  عموري أأأأأأأأأأأ اقصد صباح النور
احلى صباح الخير لاحلى شباب وصبايا في احلى گروب .
الاخ حمودي صباح النور والعافية اما بالنسبة للقواعد اول ماقريت ( ليش هال  ( جن  ) للانثى ) گلت ياستار عالصبح شنو  (جن ) ما جن بعدين عرفت انت قصدك چن . فعليه فان :
حرف الچاء = Alt+0141
حرف الگاء= Alt+0144
هاي بس علمود احياء اللهجة .

[yis2007]

عليكم السلام اختي العزيزه great hope . ينساچ الموت عيوني وينطيچ الصحه والعافيه .

[VIP2010]

السلام عليكم

أختي العزيزة great hope اني صحيح كآبة بس شسوي هي هيج الحاية كلها كآبة بس ترى اني من الـ2007 مسجل ومقابلت توطين غير بشهر 3-2010 يعني تقريب الـ3 سنين فعادي بس من تمشي الشغلة الواحد يكوم يتأمل أكثر من قبل

وتقبلي مروري وفائق تقديري وأحترامي مع امنياتي بالتوفيق

أخوكـــــــــVIP2010ـــــــــــم

[بنت العراق 84]

مساء الخير حبايب شلونكم
اليوم من الصبح جان شنو


شنووووووو



شنوووووووووووووو

















جان




محد يخابرني ههههههههههههههههههه
موعيب يخابروني هسة لو بالغلط هم اقبل يلة شنسوي
والله مشتاقين كلش وفتت وقريت كل كومنتاتكم ناس مسوية رجيم وضعفانة 7كيلوات سودة عليه هاي كلة واني ماكو؟؟وناس تريد تروح للعقبةبهالحر ههههههه يلة ان شاء الله تروحون وترجعون بالسلامة ياربي وتتونسون
احنة كلش ملتهين وية بيت خالي يومية مكان عيني يجون من بغداد محتصرين يريدون بس طلعة
مس فيوليت حي شلونة الفلم حلو لان دنريد نروحلة بس انريد نروح للسينما مال البركة لان كلش حلوة من جوة فشلونة الفلم يسوة؟؟؟لان كالو الفلم مال تامر حسني نور عيني مو شي

شكرا لكل واد اتذكرني والله انتو هم على بالي بس ملتهين شوية
شموسة حبي منورة اني هم بيت خالي يمنة شنو خالي وخالج متواعدين ههههههه

دوري هاي انت متاكل لعد كاعد وتكول اريد جدر دولمة وجدر ما ادري شو هو انت شتاكل شو بس لفتين باليوم
اكل ابني تغذة ميصير هيج

عمر عراقي ليش تكول الي يشوفني يخترع الجمال جمال الروح والاخلاق وانت وردة ما شاء الله عليك

عمان 2010 بعدك مصرت زين من سفرة البحر الميت بعدين جربت الفير اند لوفلي الي كلتلك عليه؟؟؟؟

كريت هوب حبي مشتاقين شخبارج حب؟؟

[شموسه123]

مرحبا عليكم جميعا عيني اشلونكم
كريت هوب الله يسلمج حبي اشكرج حياتي

[amman2010]

مساء الخيرات للجميع نفررررر نفررررر  (ريه وسكينه)

حمودي تسلم عالكلام الحلو والله العظيم كل ماافتح عالكروب واشوفكم هيجي افرح

كريت هوب شكرا عالسؤال والله يحفظج والله موجود وكل يوم اشوف التعليقات ويكون عندي عالاقل مشاركه وماعوفكم الى ان نوصل كلنا باذن الله ونبقى نتذكر هالسوالف وبيج خير واتدللي انتي وكل الاخوه والخوات بس اتقررون العزيمه عليه واني الممنون نقعد بكوفي شوب ونتشاوف ونسولف ومثل ما الكروب حلو هنا عالنت حلو بكل مكان وزمان لان الناس طيبه وروحكم اللي اتحليها.

بنت العراق مااحجيلج هسه اليوم يله صرت كلش زين وعبالك ماكو شي يعني وباجر حرجع نفس القصه هههه عبالك واحد دينتقم من نفسه لان مخابره ال اي او ام يعني مثل شغلة الاضراب مال حمودي وعموري. والله اشتريت سن سكرين للوقايه من الشمس مابيها مجال اتسبع مثل ذيج المره مو شقه لان. فير اند لفلي يمكن ينرادله فتره واحد يخلي منه وثاني شي تجميلي هوه مو علاجي او وقايه يعني!! يعني شلون ماشوف تريدين اتورطيني هههه شيقولون عليه بس اشتري! او احسن فكره اقولهم هذا للمره يعني ام فدعم على قولة عمر عراقي او الحجيه بين قوسين.
yis 2007 هيه مال جن!. اهديلك اغنيه اللي بيخاف من العفريت يطلعلوا!

رح اشتاقلكم لان هناك اكيد مرح افتح انترنت لان مرح اخذ اللابتوب واقعد بالشمس مو علمود شي بس اخاف يموع ههه

نشوفكم على الف خير وانشالله نهاية اسبوع حلوه للكل

[عمر عراقي]

http://www.ankawa.com/forum/index.php/topic,423029.new.html
هذا الموضوع اني سويته واتمنى جميع الحبايب بالكروب يشاركون حتى نجدد الامـــل
واهديلكم اغنية الامــــل لام كلثوم بس .... بصوت (سعدي الحلي)

[doori]

مرحبا ..........
عيني شةةشى2010 تريد نصيحتي تاخذ وياك فازلين وقبل ما تنزل للبلالالالالالالالالالالاج حط فازلين وانزل واكعد جوع الشمس بترجع ابيض مثل الثلج تبيض اكثر من قبل 
مو تمام بنات لو اني غلطان مو يرجع مبيض اكثر اذا حط فازلين قبل ما ينزل للبلالالالالالاج

كولو اي

شلون الجموع الغفيره التي اات لتحيي الكروب
ايها الجموع الغفيره انتخبوني واني اقكطع عليكم المي والكهرباء واتصالات ال un و  iom انتخبوني يرحم اهلكم بليز
هاي انعديت من المرشحين مال انتخابات تذكرت من يطلعون بالتلفزيون ويتوسلون توسل ههههههههههههههه

اليوم كعدتنا احنا الشباب على عناد نون النسوه
بوساتي لجهالكم كلهم


حمودي حمندوش

[بنت العراق 84]

هلووو شباب وصببا شلونكم
احنة زينين عمان 2010 الفير اند لوفلي تجميعلي يبيض البشرة المفروض يكولونن هيجي بالدعاية  بعد صدك جذب مندري لان بالدعاياة يسوولك هاي هية بعد ماكو اي مشاكل حتبيض وتضعف وشعرك يصير قوي تجر بي السيارة كلها باسبوع هههههه وروح الله وياك ترجع بالسلامة بلكي من ترجع تلكي ماكو احد بالكرووب الكل مسافرة ههههههه هاي بالكارتون متصير مو الله

حبي كريت هوووب والله مناسيكم ونفوت عالسريع نقرا شكاتبيين ونحط كومنت ونطلع رحنة لرابية مكة موول جبل الحسين واليوم جنة بالوكالات لان حلو الخميس وهسة رجعنة متنة برد كللللش هوا طيب وبعد ورانة منهج طوييييل

شنو الشباب اليوم وين رايحيين؟؟؟

ان شاء الله بس نتفرغ اني وتوتة نسويلنة طلعة شنو شمعنة الشباب يطلعوون

دوري لتصير خبيث وتورط عمان2010 بسالفة الفازليين اكعد راحة هو بلة شي حيرجع صاير لونة بنزركي هههه


عمر عراقي تدلل هسة نفوت لموضوعك ونشوف شنو الامل الي حنجددة بي هناك اذا اكو امل اساسا مومدريت امل تزوجت وهسة بالسوييد ههههه

مس فيوليت وشموسة شلونكم حبيباتي شو ماكو ؟؟؟

[doori]

مرحبا ....
شلونكم كروبنا
عيني بنت العراق احنا جنا بشارع الوكالات ادري غير تعلكين كارتون كاتبه عليها عين كاوه هههههههههههه جنه اني وعموري و amman2010 وين اكو برد بس خطيه amman2010 ثلج المسكين اني جنت طالع من النادي وصاير باميه وتمن هههههههههههه بس ما بردت هوايه اي مو احسن من حر قبل يومين
بعدين عيني بنت العراق يا خباثه هاي دجربيها انتي وشوفي هههههههههههههه اذا سمره تبيضين راسا" خلي يسويها المسكين مو اليوم شفته مبيض شويه 
عيني اخونا vip2010 الله ينط الف عافيه ويا رب تتوفق بشغلك بس جان مكانك خالي والله هسه منو طلع اليوم لو بس احنا؟

اختنا كريت هوب ماكو يمكن طالعه اليوم فد مكان هي ومس فوليوت ومكايلينا يله راح اصير بدور شارلوك هلومز منا وغاد



اخوكم الى الابد
حمودي حمندوش

[amman2010]

هلو كريت هوب بالعافيه انشالله دائما متونسين يارب. اني سمعت بشغلة الجالغي بس شو الشباب جانو ناوين عالوكالات فعادي رحنا اتشاوفنا هم جو حلو والله بس اني ثلجت ههههه والله وامشي واقول زين هاي ليش عود بس عدنا ميصير هيجي هوه اشو هوانا لاهف! اله بيها حكمه واللع ما ادري الواحد شيحجي. 

بنت العراق مشفتينه احنا هم جنا بالوكالات واني جنت بردااااان ها اتذكري   

اسبوع الجاي حنطلع الشتوي يمكن!

اليوم على اساس انطي لعموري محاضره انكليزي بس ويييين ماخذته السوالف  هههههه

تصبحون على خيير

[almnsi82]

جروب جميل وان شاء الله انظم وياكم من اجي لعمان لاني انوي التقديم على منظمة iom

[شموسه123]

مرحبا حبايب جميعا اشلونكم انشالله بخير اشلونج عيني كريت هوب
اشلونج حبي بت العراق اني موجوده بس ملتهيه ويه خالي
عيني almnsi82 اهلا بيك بكروبنه وانشالله تجي لعمان




اختكو شموسه123

[عمر عراقي]

عمان2010 موكلت رايح انام ومااكعد شكعدك علانت ياعيني ..
كريت هوب ياعيني هو احنه شعدنه غير نعيد ونصقل بالتواريخ والمقابلات
اليوم عيني بقاسم ابو الكص فاتتنه يله على اسبوع الجاي
حمودي الله يساعدك حبي الكعده وياكم ماتنمــــل
شموسه حتى لانساها و تحياتي وسلامي للكــــــل

[توته الحائرة]

مرحبااااااا جميعا اشلونكم شباب وبنات والله صدك اتعودت لازم ادخل واشوف اخباركم واتونس على الكومنتات مالتكم
حبي كريت هوب بالعافية الطلعة مالتج احنه هم على اساس انروح لقاسم لان قريب من بيتنه بس ما رهمت يله بلكي على الاسبوع الجاي بس اخذنه خطارنه لشارع الوكالات بس شنو متنه من البرد اخر شي بس اريد اكمز بالسيارة هههههههه وكومه ناس البارحة اتونسنه كلشششش قشبنه على العالم لا اكولج ولا اتكوليلي هههههههههههههههههه....
ست افيوليت وينج حبي كتبيلنه اخبارج واشلونها بنتج الله يخليها
شموسة اشلونج عيني ان شاء الله عنده العافية خالج وصحة وعافية يارب
اهلا وسهلا بيك ويانه almnsi82 وان شاء الله تجي لعمان بالسلامة ونرحب بيك اخ جديد بالكروب
عيني حمودي وعمان 2010 بالعافية عليكم لمة مال البارحة وان شاء الله دائما تلتمون على الخير و المحبة شفتو البرد اويلللي فوكاها شربت عصير بارد ..... وعلى كولت امي خلص يمكن الصيف بعمان راح انطلع ملابس الشتا هههههههههههه خطارنه من بغداد راح يتخبلون على الجو 
هسة اخونه عمان 2010 كاعد على البحر بس اكيد الجو حار ورطوبه بس ان شاء الله يتونس ويرجع بالسلامة
عيني عمر العراقي ليش هيجي اتكول على شكلك اتخرع الجهال يمعود مو احنه دفعة وحده ههههههههه هسة ايكولون مواليدنه مو حلوين 
يارب هذا الاسبوع الجديد ايكون خير على الجميع ونسمع اخبار حلوووووة

اختكم توته بس الحمد لله الحيرة اشويه صارت اقل والحمد لله 

[توته الحائرة]

اخ Yisاشو ماكو ان شاء الله اتكون بخير
ونسيت اخونه ضاع الوطن هسة هم كاعد على البحر بالعقبة بلكي الجو ايكون زين ويتونسون ...بس ان شاء الله عمان 2010 ما نسى ال sun block وتنلاص عليه المسكين ترجعون بالسلامة وعود سولفونه على السفرة دا نتنظركم
عمر العراقي هم بالعافية عليك الطلعة مال البارحة بس ليش بس عمان 2010 برد وانته وحمودي ما بردتو  لازم جنتو لابسين جاكيتات وماخذين احتياطاتكم
كريت هوب حبي ان شاء الله انسويلنه كعده حلوة بس خلي خطارنة يرجعون بالسلامة باجر راح ناخذهم لكارفور وستي مول هو شكو بعمان بس مولات ومطاعم

تصبحون على الف خير واحلام سعيدة

[عمر عراقي]

توته مو عمان2010 الجبير مالتنه فيدلع علينه براحته 
وطبعا حمودي يلعب حديد واني العب دومنـــه (خوش العب) فمنبرد بسرعه 
لاجاكيتات ولا احتياطات نصر ردن ونفتر (على حب الله) 
تدرين اني باجر علساس رايح لمكة مول بس راح ابطل يعني انتو الا باجر تروحون 
لاعيني باجر رايح رايح ان شاءالله واذا شفتو واحد حلو والبنات لاحگاته كولو هذا عموري

[شموسه123]

اشلونكم عيني شباب وشابات انشالله بخير
هلو بيج حبي توته الحائره الله ايعافيج حبي
اشلونك عمر العراقي عيني انشالله بخير


اختكم شموسه123

[عمر عراقي]

بخيـــــر شموسه ربي يحفظج ويسهل عليج
مادام انتي بخيــــــر احنه بخيــــــر

[شموسه123]

تسلم الله ايخليك عيني عمر العراقي هذا من ذوقك انشالله ربي يوفقك

[^Miss Violet ^]

هلو يا حلوين

شلونكم

والله اني ادري مقصرة وياكم بس ملتهية شوية بالمركز شوية بمركز المجتمع (تطوع تدريس) و هسة طلعولي بفيكة.. بس شافوا الكمان وياية تعالي علمي الجهال يعزفون كمان يبووووووووووو زين شلون اعلمهم همه اهلهم وين يجيبولهم كمان يتدربون عليه يعني قابل شلون اعلمهم.. والله تالي كلتلهم يابة انتوا تقشمرون نفسكم احنا ناسنا يادوب تعلم جهالها الشغلات الاساسية انوبة الميوزك و لا شنو لازم كل واحد يشتروله كمان حتى يتدرب..

المهم دوختكم.. اني الحمدلله زينة و بنتي هم زينة وكلنا زينين

بس شنو.. دخلت موضوع مال جمعية المرفوضين من امريكا.. ويا ريت ما دخلت.. النوبة لزكت براسي فكرة اخاف يجيني رفض شلون مشكلة هاية الله يرحمنا ويصبرنا

انتوا شلونكم شكو ماكو

[yis2007]

صباح الخير احلى شباب وصبايا وكل سبت وانتم بخير .
الاخت توتة شكرا للسؤال بس الخميس والجمعه كنت مشغول وما گعدت على النت .
عموري حبيبي شكرا للتفاعل (گ) هيچ احلى صح .
صحيح شخبار اللقاء مال الشباب شو صنطه ما اي اي اخبار بس چان الجو بارد وبس . بالمناسبة اني من سكان الشمال.

[شموسه123]

اشلونكم ياورود وردات الكروب الحلو
اشلونج عيني مس فيولت
وشلونك اخ  yis2007 الحمدالله سمعنه اخباركم

[عمر عراقي]

الف هلا ست فيوليت والله يساعدچ على الجهال ودوختهم
اخويه الورد yis2007 اني متفاعل وياك وعلى الخط . بس مفتهمت من سكان الشمال
شنو يعني ياشمال (شمال العراق لو شمال الاردن لو شمال عمان) 
هلا بشموسه هلت علينه ونورت كروبنه 

[VIP2010]

السلام على اجمل اعضاء منتدى بالعالم

شلون الاخوة زملاء اليو ان وال اي او ام الكرام ان شاء الله تكونون بخير واسف على الانقطاع عن الكروب بسبب المشاغل

اكيد ماكو تطورات لان اليوم سبت والبارحة جمعة وهمة معطلين ان شاء الله باجر تبدي التلفونات ترن ويجي الخير يا رب

مع تحياتي واحترامي وامنياتي بالتوفيق للجميع

أخوكــــــــــــVIP2010ــــــــــــم 

[بنت العراق 84]

اهلا بيك اخ almnsi82 نورت الكروب

شنو هاي انتو جنتو بالوكالات لعد شو مشفنة واحد مظرب عن الطعام وبنطرونة تك صاعد وتك نازل جان عرفناك عمر راسا ههههههههه ومشنفة واحد صاير بامية وتمن وطالع هستونة من النادي جان عرفناك عيني دوري وهواية شفنة ناس بردانين عمان 2010 واني من ظمنهم جنت ميتة برد هههههههههه بعدين غير قبل متبرد تكول بالمنتدى يابة اني حبرد حتى نعرفك ههههههههههههههه
حبي كريت هوب سمعنة بشغلة الجالغي ان شاء الله بكلي علاايام الجاية نرووح
شموسة ومس فيوليت شلونكم؟
احنة بخير الحمد لله

[yis2007]

حبيبي عموري لا والله من شمال الاردن .
وكل الهله بكل الاعضاء الشباب والصبايا .

[عمر عراقي]

ماشي بنت العراق اني اليوم راح اطلع لمكه مول ومراح ابرررررد زين
مو تكولين مكلت يله لازم تعرفيني هالمره

[عمر عراقي]

ياعيني والله مااعرف الشمال من الجنوب منين بالاردن
يعني وين بالضبط

[yis2007]

حبيبي عموري ضوچتك اني اسف عمري. اني من اربد بالنفسك .

[بنت العراق 84]

هلو حبي كريت هوب  اني زينة وتوتة هم زينة ماكو شي جديد نفس الوضعية
بخخخخخخخت عمر رايح لمكة مول اليوم  هههههههه همزين كلتلة حتى منروح هههههه لا بالعكس اليوم المفروض تبرد لان كلش الجو بارد ومغيمة عبالك شتا
اهلا بيك yis2007 شنو الاخبار يمكم بأربد؟؟؟اكو عراقين هواية هناك؟؟؟اني رايحتلها بس يوم هيجي سفرة كلش حلوة ومرتبة شلونك هنا مرتاح بيها؟؟

[عمر عراقي]

بنت العراق شنو ناويه تروحين لاربد عيني امورچ عدله
واليوم تروحين لستي مول امور عدله عيني 
عيني اربد اني سامع بيهه هوايه عراقيين ومدينه حلوه ومرتبه
بس ماعرف الاجارات بيهه شلونهه والشغل والمصاريف يعني شي على شي
الوضع شلونه احچيلنه الفلم شنو بأربد مادام احنه گاعدين ننتظر وكلشي ماكو ورانه
حبيبي yis2007  غردلنه ياورد خلي نستمتع بصوتك الشجي
حبيبي لاتعبتني ولاشي بس المشكله اني مصارلي هوايه بالاردن وكلهه بعمان
رحت مره وحده للعقبه بس.. وهااااي هيه نفترگ غصبن علينه ودارت الايام بينه

[yis2007]

هلو عيني بنت العراق وحبيبي عموري الورد . طبعا احم.... احم... اربد مدينة مو چبيره هوايه يعني دا احچي على مركز المحافظه ومابيها جبال مثل عمان اتذكرني ببعقوبه في العراق وطبعا اكثر سكانها من عشائر الاردن يسموهم اهنا حمايل او عوائل.... الشغل اللي بيها على گدها يعني ما بيها رجل برانيه مثل عمان استيراد وتصدير وصناعات . بيها مناطق اثريه بس طبعا بره المدينه شويه مثلا بيها مدينة ام قيس الاثريه وهايه مدينه بانينها الروم وبيها الحمه وهايه بيها مياه معدنيه ساخنه تفيد لامراض المفاصل وبيها اثار معركة اليرموك وبيها مناطق مثل مناطق الغابات بالموصل تقع على طريق عجلون اللي بيها قلعة عجلون . داخل المدينه ارض سهلة يعني كل الشوارع ما بيها طلوع . بيها 3مولات ..... اربد مول. ارابيلا مول والسيفوي والمختار مول . بيها شارع الجامعة ( جامعة اليرموك ) طبعا هذا شارع كله مطاعم ومقاهي انترنت وكوفيات ومحلات كمبيوتر ويبقى مفتح للصبح . العراقيين اللي هنا مو هوايه بس يعني ضايعين ممبينين . .. وسنوافيكم بتفاصيل اخرى في الحلقة القادمة ..

مراسكم من اربد يحييكم

[بنت العراق 84]

لا عيني عمر عراقي شيوديني لاربد لازكة هنا باهلي
بس هيج ردت اشوف شلونها اربد بعدين اليوم محنروح لستي مول كلنة نتمشى لان الجو ميتفوت مومال نكضي بالمول حرامات مال نستمتع بي بالهواء الطلق

شكرا جزيلاyis2007 عالمعلومات المفيدة بوقتها وصلنة لام قيس بس مخلونة ندخل هاي الحجي يمكن بال2005 فمشفناها بس يكولون كلش حلوة عمان حلوة بس مشكلتها تنمل بسرعة ما ادري احنة لان على طول عدنة خطار ونوديهم نفس الامكان فكلش بدينة إنمل وهو هم لان البال و صافي فالواحد مديشوف اي شي حلوو

[عمر عراقي]

عينتيني كريت هوب شدوختينه يوميه تعالي دوخينه وروحي احنه شعدنه
وبنت العراق على راسي اخليهه يمعودين احنه حبايب ان شاءالله واخوان
ونبدي نحسب واحد وره الثاني منو يروح اول واحد لاميركا ومنو اخير واحد
وان شاءالله كل اعضاء الكروب يروحون بس شويه يرادلهه وقت وان شاءالله مو هوايه
حمودي اليوم ماكو ماادري يمكن تعبان من التمرين مال حديد لان عنده تمرين جديد صار يومين
وعمان2010 اليوم راجع من العقبه وهسه اكيــــــد تعبان ونايم بلكي باجر نشوفه.
وvip2010 تعبان صارله جم يوم واحنه نريد نشوفه حتى نضحك ونتونس وننسه شويه
حتى لو مؤقتا والله يسهل الحال .
والجميع طبعا اسلم عليهم وان شاءالله بخيـــــر وصحه وعافيه . وتلفون صباحي مفرح 

[شموسه123]

مرحبا جميعا
اشلونك عمر العراقي انشالله بخير
اشلونج حبي كريت هوب الحمدالله خالي زين تسلمين واشكرج
بنت العراق حبي شلونج عيني



اختكم شموسه123

[بنت العراق 84]

همزين حبي كريت هوب مطلعتوا اليوم احنة رحنة تمشينة للثقافي ولفود ستي متتتتتتنة برد توتة زينة بس شو مفتحت نت اليوم
شموسة اني بخير الحمد لله بس انتي من تختفين الدنيا تبرد بعمان هههه
عمر شلونها طلعتك الاسعاف كم وحدة شال ورااك؟؟؟ترة اتشاقة وياك مو تزعل
عمان2010 هسة بيا حال هسة ديكشر ودينسلخ ويلعلة جلد جديد ههههه بار هسة يبين علينة
وهاي شنو حمودي كلة تمارين واشياءات دتسوي عضلات يلة تفيدك بامريكا
وهسة تصبحون على خير جميعاً ياربي باجر يتصلون بيكم كلكم شلع والله محتاجين شوية خبر يفرحنة
احلام سعيدة جميعا 

[شموسه123]

بنت العراق حبي انشالله مااختفي واظل دائما وياكم حبي


اختك شموسه123

[شموسه123]

حبي كريت هوب منوره بيج همين وانشالله نشاوف


اختج شموسه123

[أبن زيونة]

شلونكم عيني كروب عمان والله حلوة الفكرة عاشت أياديكم
عيني تسمحونه ندخل وياكم بالقروب حلوة هاي مال قروب  (قصدي كروب)داشوف الكيبورد من النعس بطل حليب مال ابو غريب  :oتذكروا فعادي تحملوا تحشيشاتنه الليلية الغبشية
واذا تردون تزكية عليه اسألوا أخوية ضاع هو كفيلي معنوي ;)ومادي لأن أحنا رفاق درب واحد
ومراح اضوجكم أدخل كل فترة على هالكروب الحلو بالموجودين بي اشارك شوية صغيرونه ويجوز هوايه متعرفون حسب الوقت طبعا" وان شاء الله أكون أخوكم
واذا متقبلون عادي عيني اخاف مقبط العدد عدكم  وماعدكم وكفه
حتى أن شاء الله نفيدكم بمشاركاتنا وهمين نستفيد منكم ونفرح لفرحكم ونحزن لحزنكم والله يبعد الحزن عليكم
أسف طولت عليكم
تحياتي

[yis2007]

صباح الخير احلى گروب .
اختي العزيزه great hope شكرا الك والله يوفقچ ويحفظچ .
ابن زيونه حبيبي اهلا وسهلا بيك بدون كفلاء (اجراءات ميسره ) عدنه هنا بالگروب .

[عمر عراقي]

صباح اللبنانيــــة !!!   تره اني قصدي صباح الخيـــــر   صباح اللبنانية راحت ايامهه  
اني طبعا ارحــــب بالاصالة عن نفسي وبالنيابة عن اخواني اعضاء كروب عمان في شارع الوكالات
بالاعضاء الجدد المتمثلين بالاخ ابن زيونه والف هلا بيك ويانه بالكروب
واصبح على اخواننه واخواتنه الاعضاء بالكروب ونبدي بشموسه الورده وبنت العراق الحره
وتوته الواكفة بنص الدرب محتاره
 وكريت هوب المناظله وست فيوليت مربية الاجيال
ونحول على الشباب ونبدي بأخويه وصديقي حمودي الورد بطل الاثقال  
واخويه عمان2010 هسه جاي من العقبه مصبوغ ومكشر  
وvip2010 وينك يمعود شنو زعلت علينه تعال يمعود هي كلهه تعبانه مثلك
وصديقي من الشمال yis2007 شلونك حبي وشخبار اربد والجو شلونه يمك؟
وما انطيتنه فكره عن اسعار الايجارات نحن  مستعدين وبالانتظار  
وسلام كبيــــــــــــــــــر للمعلم UN والمعلمــــــــــه IOM
واهديلكم هاي الصورة النادره لهم متمنيا لكم حسن المشاهده  
......
....
...
..
.
 

[أبن زيونة]

مشكورة عيني كريت هوب الله يخليلج ابنج الي يلزم كل انواع الحشرات هذا حشاش من جماعتي
اني بعمان أربد بقعة صويلح  ابو يوسف تذكروها الأغنية داتشاقه وياكم
اني بعمان من أوربع سنين وجم شهر صارلي اهنا واني اتشرف بمعرفتكم
حبيبي الغالي ياس اذا اسمك قريته صح ذكرتني بصديقي العزيز الياس الله يذكره بالخير وانت همين ان شاء الله اخ عزيز ممنون الك وعبالي مثل الIOM ;)اهنا بيها كفلاء
ابو حفصة الوردة مشكور ياطيب ونتشرف بيكم

يابه دشينه طبينه للمنتدى
الله يمسيكم بالخير شلونكم ان شاء الله كل اموركم بخير شوية شوية اعرف اسمائكم
سلامي للجميع كمشتنه 

[شموسه123]

مرحبا عليكم جميعا
اشلوك عيني عمر العراقي اشكرك
واليوم اني ضايجه لان خابرنه IOM 
نستفسر عن تحديد السفر وجان نتفاجىء انه اعادة الامنيه انا وامي وابي وعلما بانه اني الامنيه مصارت من طلعت من  شهر ونص ولحد الان تحديد السفر ماكو 

[بنت العراق 84]

اهلا وسهلا بيك ابن زيونة بالقروب مالتنة على كولتك ولتشيل هم للمكان كربونة يوسع من الاحباب مية..

شموسة هاي مو خوش اخبار شنو هالفيكات هاي الي ديطلعونياها اعاة امنية شنو بعد يعني اكو احتمال تطلع الامنية ويرجعو يسووها مرة لخ؟؟؟ترة كلش ديتفيكون الجماعة الله يساعدكم حبي شتسون متكولولي زين صارلكم شكد من مستلمين الظرف؟؟؟

عيني عمر عراقي بركاتك فدوة هاي عود حطيت كاريكاتير عالمنظمة ديسهلون امرنة شو شموسنة اعادة امنية!!!! شيلها فدوة مناقصنة عكوسيات ترة واصلة مرحلة من الزهقااااان

عمان2010 خلصت تكشير لو بعدك؟؟؟

هلو حبي كريت هوب اني وتوتة زينين بس كلش مخبوصين الي يجون من بغداد يريدون يطلعون اماكن سياحية وترفيهية ودينية واسواقية هههههه جايين مكبوتين من العراق كلشي يريدون يشوفون 

[توته الحائرة]

هلووووو و مرحباااااا على الجميع اشلونكم جميعا  يارب كلكم بخير
حبي كريت هوب اشلونج والله ملتهية كلش وما دا الحك افتح النت ومنقطعة عن العالم الخارجي ههههههه والله اني هم كلش عاجبني اتعرف عليكم ان شاء الله قريبا بوساتي لابنج الله يحفظه ...شموسة حبيبتي اشلونج هاي شنو هذا الخبر يمعوده اتاكدي من المعلومه لان مرات بالتلفون دا ينطون معلومات مو دقيقة لو اتروحيلهم مو احسن وبلكي يطلع مو صحيح الخبر والله يسهل عليج ...فيوليت حبي الله ايعينج على التعب بس احسن من الكعدة اشويه التهي وبوسيلي بنتج وانشوفج قريبا اذا الله راد
اهلا وسهلا بالأخ ابن زيونه بكروبنا اخذلك مكان عيني وطبك على السرة هههههههههه
عمر اشلونك؟ عيني اذا عمان2010 كبير الكعدة مالتكم لعد ديرو بالكم عليه...اشو ماكو عمان الى هسة ما اجى حجالنه على السفرة يمعودين شوفو وين اخاف ماع من الحر بالعقبة ههههههههه لا ان شاء الله رجع بالسلامة...يمعود عمر وين اتروح بنت العراق ل(أربد) واني اشلون اضوج بدونها ويه منو اتناكر هههههههه
Yis هلا بيك وبأربد بس اشلون الجو يمكم اكيد حلووووو
عيني دوري(حمودي) الله يساعدك على التمرين الجديد


اشوفكم بخير وتصبحون على الففففف خيررررررر

[شموسه123]

مرحبا شباب شابات شلنكم حبايبي
اشلونج حبي بنت العراق والله حبي مستلمين الظرف شهر5 بشهر12 سنه 2009
وسوينه فحص طبي وخلصنه كولشي باقي بس تحديد السفر اليوم انصدمت او ايعادت الامنيه وتخيلي حتى الفحص الطبي سوينه ايعاده فحص طبي بشهر5 عدناه وخلصنه لان اكسباير كل 6 اشهر انسوي فحص
هلو حبي توته الحائره اشلونج حبي والله رح انخابر الكفيل مالتنه انو يسالون على ملفنه مناك ونشوف شنو القصه


اختكم شموسه123

[amman2010]

هاااا شباب وصبايا شخباركم مشتاقيلكم والله عبالك صار كومه ومشتاق للكومنتات مالتكم. وشخبار كروب الطلعات مال الوكالات خوما طلعتو بليايه! تره العصفوره تقولي كلشي  .

اهلا وسهلا بالاعضاء الجداد ابن زيونه وamnsi بكروبنا الحلو والله تكفون وتنورون بعد. احنا كروبنا بوسع العراق وكله حب وتسامح وخير واريد اذكر شغلة للي جانوا قدماء بالكروب اول مافتحناه ودخل بي واحد موخوش الكل عرفه موخوش لان ما كان يتحلى بنفس اخلاقياتنا فكليتنا اذا تتذكرون شلون طردنا طرده موطبيعيه وماطول بيناتنا وهسه احنا اللي بينا من المحبه والخير ديكبر ويتطور لان مبني على اساس ومبادئ حلوه.

تسلمون عالسؤال عني جميعا وخاصه توته وكريت هوب وبنت العراق واشو جماعتي محد سئال عليه هاي اكيد ديسون فد مؤامره هههه.

اما بالنسبه للعقبه فوالله جانت كلش حلوه مكانكم خالي الجو مو كلش حار بالعكس انسب شي للسباحه والتشمس وبالليل مو برد بس يعجبكم تقعدون بره والله اتنغصتلكم قلت لو جايب الكروب كله وجاي شنو من ونسه جان وعالاقل هم نسوا اليو ان وال اي او ام فد جم يوم.

بس مو انباقت الجنطه والكاميرا بيها!!!!


















بس مو لزمنا للحرامي  

 لوتدرون شلون شكووووول  بس الحمدلله المهم رجعت مال حلال

يله ماطول عليكم انشالله اسبوع حلو للجميع وطبعا بالمناسبه شموسه لاتديرين بال كل تاخيره وبيها خيره  والله العظيم وبالنسبه لميس فايوليت تره بليه تعلوم تفائلوا بالخير تجدوه والج اهداء اغنية  اللي بيخاف من العفريت يطلعلوا هاي صار ثاني مره اهديها ذيج المره علمود الجن مال يس 2007 وهسه مس فايوليت وانشالله متصير بيج ولا باي واحد بيكم يارب

تصبحون على الف خير

[^Miss Violet ^]

هلو كروووووب شلونكم

والله مشتاقتلكم كومات كومات

و من موقعي هذا اقول لاخي و عزيزي amman2010 >> عو عو عو

ههههههههههههههههههه

[doori]

صباح الخير للجميع
اخواني واخواتي جميعا القديم والجديد

شلونكم شخباركم ان شاءالله تكونوا بالف خير يا رب اشكر الاخت كريت هوب سالت عليه واستفقدتني في غيابي الجم يوم الراحن وهو مو كسل لكن مشكله عائليه والله يخلصها على خير يا رب
اهلا وسهلا بكل عضو انضم النا

والحمدلله على سلامتك amman2010

سلامي للجميع


حمودي

[yis2007]

هلو شباب وشابات الگروب صباح الخير جميعا . ونقول الحمدلله على السلامه للمينجر عمان 2010. وحمودي تمنياتنا للك بالتوفيق وانشالله الله لا يجيب مشاكل . وعلى فكره اني همين مشترك بنادي اروح كل يوم من المغرب للساعه 11 قبل منتصف الليل . شغله كلش حلوه . عموري الورد الجو اهنانه كلش حلو  والايجارات حسب الموقع والحجم  بس اجمالا ارخص من عمان يعني شقه مكونه من 3 غرف وصاله بموقع وسط تقريبا 150 دينار ( اردني طبعا ). بس يرادله دواره . اجمالا هيچ السعار قيس على هالمعدل . واي استفسارات ثانيه اني جاهز وبالخدمه.

[بنت العراق 84]

صباح الخيير
الحمد لله على السلامة عمان2010 شفت شلون احنة مخلصين البنات ونسال على الي يغيبون بس جماعتك مسٍألوا عليك زاعلهم ههههههههه لا عيني اتشاقة الله ميجيب الزعل بيناتنة وهاي شنو سالفة الجنطة مالتك همزين لكيتها عيني ديروبالك على اغراضكم ترة صايرة هواية سرقات هنا بس الحمد لله مال الحلال ميضيع

doori ان شاء الله ماكو غير كل الخير وكول يا الله هو كلشي ينحل

عمر عراقي شو ماكو شوفو خاف بي شي ???هو من حط هالكاريكاتير مالتة والمشاكل دتنزل مثل المطر علينة ههههههه خاف اجوي اخذوا اعتقلوا من ورة هالكاريكاتير

شموسة ماخذين الظرف من 5-12-2009 وليهسة ممسافرين واني ماخذة الظرف من 20-3-2010 ومليت ليهسة ممسافرة لعد وراية هواية صبر وانتظار على هالحجي

اووووف اوووووف الله يصبررررررنة يارب

[عمر عراقي]

شباب شابات عجايز شلونكم جميعا.
يعني دخلت اريد اسمع خبر حلو ورأسا انصدمت بخبر اعادة الامنية مال شموسه
وان شاءالله يطلع الخبر مو دقيق والاتصال مو دائمة بي معلومات صحيحة
ان شاء اموركم تتسهل اختنا شموسه ولاتنقهرين ماتضيق الا وتفرج.
وبالنسبه للحبوبه بنت العراق ياعيني ليش هالتشاؤم هي المشكله لو بالكريكاتير جان صارت
سهله وخلصناهه بس المشكله اكبر من كريكاتير وتعليق ورغم هذا همينه راح اشيل الكاريكاتير
حتى لتزعلين واني كلشي ولايزعل عليهه احد منكم حبايــــــب 
توته شلونچ شلون احوالچ ان شاءالله نسمع اخبارچ بألف خير حبايـــــب 
yis2007  حبي اشكرك على المعلومات لان اني كلشي ماعرف على اربد وهوايه يسالوني
واكلهم ماعرف شي عن اربد واكو هوايه ناس تفكر تنقل سكنهه من عمان لاربد .
ابن زيونه حياك الله وكل الهلا بيك وهاي خوش فرصه طلعت انته همينه من اربد حتى تسوون كرب هناك
وطبعا نتشرف بيكم بيناتنه اخوانه وحبايبنه.
عمان2010 حبي اهم شي سلامتكم والحمدلله رجعتلك الجنطة والكامره اني رحت للعقبه قبل 3 اشهر
وقبل لنرجع بساعتين  ضيعت الفلوس الي كانت باقيه بجيبي وهي 146 دينار بالضبط
وراحت ومالكيتهه ولحد الان مقهور عليهه وكل شهر اشعل شموع وموسيقى حزينه واتذكرهه وانقهر   
هو الفلم شنو كان باقي عندي 150 وشفت تكرمون (نعال) ب 4 دنانير كلت خلي اخذه يفيد وسعره زين
طلعت 50 انطيته ورجعلي 46 دينار مشيت 100 متره مديت ايدي بجيبي (مالئاش الخاتم) 
يعني ال 46 ضاعت ال 100 الي كانت وياهه ليش ضاعت مادري
ارجوا ان تكونوا قد استمتعتم بالقصه 
وحمودي اخويه الورد مشتااااقين حيل حيل بس شنو هذا الفلم مال مشاكل خاصة
يمعود اني اخوك وحاضر لاي شي انته بس كول ياعيني هي بوكت الشده والغربه اذا الصديق
ميوكف لصديقه هذا لااخ ولا صديق. واني حاضر انته بس احجي اخوك سيف المجرب.

[jeezy]

شبابا استفسار ازغير اني مقدم على الاي او ام من العراق اني واهلي واريد انقل الكيس مالتي لعمان واسافر لوحدي لعمان واذا كعد الحظ وصارت مقابله شلون اهلي لازم  يجون لعمان لو يقابلون بلعراق

[شموسه123]

مرحبا جميعا حبايبي

عيني بنت العراق شفتي لعد شعبالج اطول الامنيه واني اشكر سؤالج عليه
كريت هوب حبي اشكر ردج الي حبي
عمرالعراقي شنسوي الله كريم عيني
عمان2010 حمدالله عسلامه عيني


اختكم شموسه123

[doori]

مرحبا
شلونكم
عيني jeezy شلونك لو شلونج ما ادري المهم لا عيني ما اعتقد يصير لازم كل الي بالكيس يقابلون بوقت ومكان واحد
شموسه123 لتنقهرين كل شي بوقته وان شاءالله متشوفين غير يتصلون بيج ويكلولج روحي افحصي ومقابلة الدوره التثقيفيه واذا مخلصه كلشي ان شاءالله يخابروج على خط الرحله لتخافين كل شي بوقته بدقيقته ولحضته
كريت هوب اشكرك عيني على السؤال واشكر الجميع
عموري تسلم يا ورد متقصر وضامك للشدايد من اتعارك اجيبك ويايه
توته الحائره تسلمين ب اريد اعرف شلون عرفتي راح ابدي تمرين جديد هاي شنو انتي اخاف اطلعين ولد وويايه بالجم 
amman2010 مال الحلال ميروح
اخونا ياس شوداك لاربد متكلي تعال لعمان علمود نشوفك ولتفكر بالنومه بيتي بيتك اني بحدي اسكن لدير بال عين غطا وعين فراش اخويه
مس فوليوت شلونج شخبارج

احب اكللكم اني اشكر الانسه انجي لمساعدتي واسجل شكري الها كدامكم صدك نعم الاخت وانتو نعم الاصدقاء والاخوه والخوات

اذا نسيت احد خلي يسامحني كلكم على راسي والله ايهييييييييييييي نسيت vip2010ولو هو ميسال بس ميخالف احنا نسال عليه سلامي الله



اخوكم

حمودي

[شموسه123]

شكرا عيني الدوري على سؤالك عليه وانشالله خير وعلى الكل تفرج يارب




اختك شموسه123

[amman2010]

هلوووو كروووب انشالله تكونون بالف خير بشروا ماكو شي اليوم هم؟ اني اليوم اخويه خابروا على مقابلة يو ان ثانيه الحمدلله هوه صارله 1 مقدم اول مره. هاي جبنالكم حبر حلو بالرغم من وجود الكاريكاتير مال عموري هههه.

حمودي انشالله ماكو الا الخير اليوم اخابرك حبي.

جيزي العضو الجديد اللي ديسال على تحويل ملفه الى عمان اني رايي من راي حمودي الدوري لا مترهم هيجي.

عموري قصة ال.... كلش عجبتني وضحكت عليها وخلص منا وجاي كل منطلع نسوي دائره وتقعد بالنص تسولفنا قصص حلوه مثل مال الخاتم  .

كريت هوب ومس فايوليت وبنت العراق وشموسه وحمودي وعموري ويس 2007  شكرا اصدقائي على السؤال عني الله يخليكم يارب.

vip 2010 مشتاقين كلش وينن ايامك؟

[yis2007]

هلو عيوني الگروب العزيز جميعا
بنت العراق 84 الله كريم
great hope شكرا لمشاعرك
عموري عيوني تدلل اي خدمات
حمودي حبيبي تسلملي عيونك واشكر عواطفك جدا . كلشي نصيب . بعدين اني عشت بعمان تقريبا 3سنين بعدي رحلت لاربد قصص طويـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــله .........

شموسه123 نحب نمسي گولة المصريين مساء الخير

amman2010 ( ماي مينجر ) هلو هلو هلو ...... دنتعلم انگليزي براسكم تحمولوني .

[عمر عراقي]

هلو عمر
هم ميخالف يعني بالصدك بالجذب ما سألت علية واني يومية افوت هنا واسأل عليكم واحد واحد مقبولة منك عموري

تدرين اني اكتب الرد ومتردد اكول المن ناسي يعني حسيت
اني ناسي فد شي مهم وبعدين اكتشفت كريت هوب هي الشي المهم الي نسيته
اسف جدا واعتذر منچ عيوني انتي كريت هوب اســـــــــف.
عيني عمان 2010 الف مبرووووووووووووك لاخوك وان شاءالله تعم الافراح بيناتنه وتمشي كل امورنه يارب
وهسه شلت الكاريكاتير حتى تتفائل بنت العراق اختنا العزيزة.
حمودي اليوم اخابرك لان ضل بالي يمك يمعود اني بالعركه ماافيدك
حبي ان شاءالله ماكو غير الخيـــــــــــــــــــر
وتحياتي للجميع

[شموسه123]

مبروووووووووك عيني عمان2010 لاخوك انشالله يوم الك وانشالله اتسافرون

عيني yis2007 اشلونك مساء النوررررررررررررررررر


اختكم شموسه123

[أبن زيونة]

كروبنا الحلو شلونكم شخباركم ان شاء الله الكل بخير وبصحة وعافية
اشكر كل الورود والوردات الي رحبوا بي بالكروب مشكورين وماقصرتوا وان شاء الله نكون عد حسن ظنكم ومنقصر وياكم
حبيبي الغالي عموري اني بعمان مو بأربد بس جنت داغني اغنية اردنية قديم اسمها عمان اربد بقعة صويلح أبو يوسف فأنت عبالك من اربد
حبيبي الوردة عمان 2010 ان شاء الله نكون من الي محبوبين بالكروب ومنزعل ولا نزعل من احد
اليوم طبعا اني كلش مطفي الحساسية مفوله واليوم خابروني الحونينين جماعة ال UN وبشروني خوش بشارة انه ملفي انسد بالتوطين وبعد مالي حق اتوطن لأن رفضت امريكا وتعاركت وياهم للمرة الثانية وميفيد ناس حقراء حشاكم وصارته شغلتنه بيدهم المهم الله يشيلهم ونخلص منهم
الله يعوضنه ان شاء الله شنسوي هاي تاليها احنا العراقيين ديلطشون بينا بس نستاهل
والله ينتقم من الي جان السبب
تحياتي
اسف ضوجتكم ويايه اعذروني

[doori]

مساء الخير

اخويه ابن زيونه على كيفك وصلي على النبي وكول يا الله العصبيه متفيد بهيج مواقف اني برأيي ان تقدم مناشده تكتبها وتحطها بالبريد مال un wصدكني تفيد بس ولو مو وقته ليش رفضتك امريكا يعني شمكتوب بالرفض؟
قدمت استئناف لو لا ؟
الله يعينك واني اكول احمد ربك واشكره عسى ان تكرهو شيئا وهو خير لكم وعسى ان تحبوا شيئا وهو شر لكم اعرف هسه حالتك صعبه بس الا بذكر الله تطكمئن القلوب فاخويه قدم مناشده ميخالف تحامل على نفسك هذا مستقبل مو لعبه والعصبيه متفيد

الاخوان جميعا فردا" فردا" شباب وصبايا شلونكم شخباركم اشكرك اخويه عموري على اتصالك
لكن احب اطمن الجميع المشكله بدأت تنحل وهي مشكله عائليه والحمدلله بالفكر والعقل بدت تنحل واشكر كل من شال همي والله لا يهم اي احد اللهم آمين


اخوكم

حمودي
الاردن_عمان

[عمر عراقي]

اخويه ابن زيونه اني همينه دافكر ادور وجهي وارجع اواجه مصيري يمعود
هو شكاتبلنه الله نشوفه شنريد نسوي بهالدمار وحرگ الاعصاب
والله اني مصارلي 4 اشهر بس اتدمرت عفت شغلي بسبب الخطورة بالعراق
واجيت هنا مستقبل مجهول ومتعرف شكد تنتظر ولو تصير لو يكلولك رفض وترجع من الصفر
وهاي الفتره كلهه تروح ابلاش .
ولو ما اتعرفت بالولد حمودي و عمان2010 و VIP2010 وادردش وياكم هنا شويه
جان رجعت وفضيتهه والله يساعد الناس الي دتنتظر صار سنين.
والله يااخي اني مداسوي عندك احباط بس داحجي الي بگلبي وبالنسبة الك
اتمنى تسوي مثل ماكاتب اخونه حمودي وتاخذ بنصيحته والله يسهل امور الجميع

[doori]

مرحبا ....
شباب اناشدكم باسم الصداقه و الاخوه اي احد يعرف ابن زيونه او يعرف رقمه يخابره ويلخلي يكعد مو مال يرجع دخليل الله يا ريت العراق بخير ونرجع كلنا لكن الواحد يستنفد كلشي قبل ما يفكر بالرجوع ويحس بالفشل اخويه ابن زيونه ما فشلت والطريق بعده كول الله وسوي مثل ما كتلك وتوكل على الله


اكرر اي واحد يعرفه للاخ ابن زيونه او يعرف رقمه خلي يتصل بي رجاء


اخوكم
حمودي

[توته الحائرة]

مرحباااااا جميعا اشلونكم كلكم والله هسة يله صار عندي مجال اشويه اكعد على النت شفت اخباركم والكومنتات
حبي كريت هوب اشلونج شكو ماكو يارب يتصلون بيج قريبا واحنه بعدنه ملتهين بالضيوف وان شاء الله بداية الاسبوع الجاي راح يرجعون لبغداد وبلكي انسويلنه كعدة اشويه نلتم ونتعرف ...شموسة حبيبتي ات شاء الله المعلومه اللي وصلتكم مو صحيحة ويارب اتبشيرينه باخبار حلوة والله كريم...فيوليت حبي اشلونج يارب تكونين بخير واشوفكم قريبا
عمان 2010 الفففف الحمد لله على سلامتك وسفرة سعيدة واهم شي الكاميرا رجعتلك ....دائما اكولهم بالسفرات الكاميرا اول شي انفكر بي اهم من الاكل ههههههههههه ولو انتو الشباب عدكم الاكل اهم شي ومبروك لاخوك الاخبار الحلوة ويسهل امر الجميع يارب
عمر شكرا على سؤال اني زينه الحمد لله انته اشلونك؟؟؟ ليش هذا التشاؤم يمعود وين اتروح طول بالك الله كريم بعدك بالبداية اتحمل اشويه وان شاء الله عاقبتها خير  يارب تسمع اخبار زينه قريبا وتفرح بيها
حمودي ان شاء الله اتكون بخير وماكو مشاكل يارب وكل شي ينحل على خير ...وعلى التمرين الجديد مالتك عمر العراقي كتب بالتعليق عندك تمرين جديد هههههههه يمعود لا ولد ولا شي ههههههههههه خطية كمتو اتشكون بالكل ههههههههههه والله ضحكتني الله يفرحك يارب
ابن زيونه نصيحة الاخوان الك ان شاء الله تاخذ بيها واصبرو اشويه يا شباب الله كريم كلها يرادلها صبر يمعودين
اخونه ضاع الوطن اشو ماكو ؟؟
Yis نشكرك على المعلومات عن اربد وان شاء الله موفق

ان شاء الله ما نسيت احد لان نعسانه تعذروني ههههههههههه
تصبحون على الف خير

[amman2010]

مساء الورد جميعا. انشالله تكونون بخير وصحه يارب.

هاي شنو الاخبار ابن زيونه اني مو كلش افتهمت الموضوع والله او بالاحرى اريد اعرف اذا ممكن انت بيا مرحله جنت واصل ورفضوك وشلون اجاك الرفض؟ انت رفضتهم لو همه رفضوك؟ وهل هاي المره الاولى لو مرفوض سابقا وشنو طبيعة الرفض او اسبابه اسف للاطاله بس ياريت لو نعرف لفائدة الجميع وانت من ضمنهم انشالله حتى الواحد يعرف يجاوب او يبدي رايه او نصيحته اذا يعرف شي بهالخصوص.

يس 2007 وكريت هوب وشموسه وتوته وعموري وحمودي والجميع شكرا لتهانيكم بالنسبه لاخويه وهوه طلب مني اشكركم كلش ويتمنالكم الخير واحد واحد والله وهوه لو مو طالب ومشغول بدراسته هم جان اشترك ويانه بالكروب ودائما اني احجيله عن لمتنا وسوالفنا الحلوه وهوه يحبها.

عموري بس انخلص دورة الانكليزي عود فكر بالرجعه هيجي اضمن انت مرح ترجع لان عمرك محتخلص الانكليزي ويايه ياكسلاااااان  .
 توته بيني وبينج حتى الكاميرا مو كلش مهمه المهم الصوووووررر اني يومين ايدي خدرت من اخذ الصور وتاليها يخذها الحرااااامي وفوق القهر هوه هم مستعملها وماخذ بيها صورتين الاثول حشى السامع!!

كريت هوب والله بااختي اني هم نفس المرحله مالتج وليهسه ماكو شي بس شسوي كاعدين وملهين نفسنا شلون مجان والله موجود يارب يسهل عليج وعالجميع الهي.

تصبحون على الف خير

[أبن زيونة]

السلام عليكم
كريت هوب وحمودي وعمر مشكورين والله يبارك بيكم  
حمودي الوردة الله يبارك بيك ويوفقك انت ذهب عمي ومشكور ياطيب ان شاء الله بس اصفى شوية ويصير عندي وقت لازم اتعرف بيكم
عيني كريت هوب وكل الي مقدمين لتخافون اكو توطين وسريعة دتصير العملية هسه عندي هوايه قدموا هسه كم شهر وديطلعون فلتخافون واني اسف خوفتكم بس والله مو قصدي انه مفهمتكم قصتي
عيني اني رفضت موعد سفر لأمريكا اكررها مرة الخ موعد سفر يعني موعد طيارة بسبب انه زوجتي جانت دتتعالج وجانوا يردون يسوولها عملية وتخربطت اموري هوايه بهذيج الفترة فكتلهم اجلوني مقبلوا كتلهم تساعدوني بعلاج زوجتي واذا احتاجت عملية بأمريكا كالوا لا ميساعدوك بأمريكا ملهم علاقة بالعمليات تأمين صحي بس على شغلات عادية المهم ممكتوبه النا الحمد لله على كلشي وعسى ان تكرهوا شيء وهو خير لكم
فعيني كرت هوب لتفقدين المل رب العالمين موجود هو ارحم الراحمين والمكتوب تشوفيه والله يرسها عليج
عموري حبيبي الغالي لتفكر بالرجعة احسنلك ابقى اهنا العراق مع السف انتهى وميرجع بالوقت الحالي ولا بعد 15 سنة وكلمن يكولك يرجع كوله اكعد من النوم
سلامي

[amman2010]

عندكم العافيه ابن زيونه انت والعائله وتره الحمدلله على كلشي والله اهم شي الصحه والله يديمها عليكم ويشفي كل مريض.

[عمر عراقي]

حبيبي الغالي ابن زيونه اشكرك والله يااخي قهرتني واني صاير ماتحمل كل شي
يعني العراق مو 15 سنة يمكن 150 سنة ميصيرله كل جاره بعد اذا مدنبالغ
وخوفك من الاجيال الجايه الي تربت على الجثث المجهولة بالشوارع واصوات الانفجارات
والقتل والدمار و (العلس).
والله اني مطلعت من العراق غير بعد مانجبرت والحمدلله على كل حال
بس يااخوان بعد العمر ميتحمل نسوي مغامرات والله دنضحك غصبن علينه بس نكول تهون
والله سبحانه يفرجهه وعندي امل كبير بالله ان تتحقق الاماني ونعيش حياة جديدة.
بس كل انسان عنده قابليه وخايف لااوصل لطريق مابيه غير مسار واحد.
والحمدلله على النعم والافضال .
واعذروني لان داسببلكم كآبـــه بس هو هذا الواقع المر الي دنعيشه .
واشكر كل اخواني واخواتي في الكروب
واختنا كريت هوب ان شاءالله تتحقق كل امانينا ونرتاح من الانتظار
واخويه عمان2010 هو هيجي نكعد ناخذ محاضرات الانكليزي منك
ونرجع جم سنه ونتذكر ايام الكلية . والله انت عاد متقصر ياغالي.
وحمودي ابو گلب الابيض النقي الله يصبحك بالخير ويمسيك بالعافيه
انته وجميع الاخوان والاخوات الباقين شموسه الورده وتوته الحائرة الغاليه وبنت العراق الاصيله
واخواني yis2007 و vip2010 وجميع الحبايب والي مذكرته يعذرني.
واسف على الاطاله

[yis2007]

صباح الخير گروبنا العزيز شباب وصبايا جميعا فردا فردا واحد واحد ( حتى ما انسى واحد )

هاي شنو هاي الكابه البارحه بالليل . يابه عسى ان تكرهو شيئا وهو خير لكم . الحمد لله على السلامه جميعا . والباقي على الله . لان الشغله لو بيد الواحد چان كل واحد هو واجتهاده . بس الشغله نصيب وكتبه من رب العالمين . والحمد لله . موگتلكم فكروا بمشاريع محد رد . تحياتي للجميع واحلى صباح عليكم .

[أبن زيونة]

الله يسلمج كريت هوب والله يسرها عليج وتفلتين ولتخافين ماانساج وما انسى الكل ان شاء الله بصلاتي والله يستجيب منا
عيني اني كيماوي للنخاع ههههههههههه وخريج بغداد بس انتي ياسنة متخرجه اني شوية قديم بس همين انتي يجوز سامعه عليه او تعرفيني لأن جنا شوية دايحين بالكلية بس دياحه عادي مو مكسرات ولا شغلات تعبانه الحمد لله واني اتشرف بمعرفتج وهاي صرنا تلاثه اني وداليا الوردة الوردة وانتي خلي نسوي كروب
حبيبي الغالي عموري لتنقهر هاي الحياة ترى لازم تاكلك جم بوري جم سبانة جم انبوب نفط حتى تتعلم لأن العرب قبل كالوا الي ميوكع من الفرس وميصير خيال
فلتضوج اخوية الله يبعد عليك الضوجة والله يفرجها صدكني ورا كل عسر يسر بس يراد تحمل واني همين ترى انجبرت على الطلعة من العراق لأن نص اقاربي انخطفوا ونصهم انقتلوا والي فلت فلت والي هسه ماكلها بالعراق وخايف يعني الكل عدها مصايب الله يرحمنه برحمته وصدكني اني العراق مع الأسف مسحت من فكري بالوقت الحالي بس هو بقلبي وبروحي يظل بس شنسوي هو الرسول محمد عليه الصلاة والسلام ومهوايه من الانبياء والرسل هاجروا ورحلوا من بلادهم لأن تعرضوا للأذية والقتل وتلك الأيام نداولها بين الناس ربنا عز وجل كالها فالحمد لله والله يكتبها بميزان حسناته هسه الجماعة يكولون صار درس دين
حبيبي الوردة عمان2010 الله يبارك بيك وينطيك الصحة والعافية وللكل وصدك الصحة ماكو اهم منهامشكور ياطيب
اخوية ياس هاي الكأبة عادي لازم يصعد كيجها مرات لأن احنا بشر بس يقبى املنا بالله جبير وعايشين على رحمته وحاشه لله ينسى احد تحياتي الك
وبالأخير شلونكم عيني كروبنا الحو الله يمسيكم بالخير والعافية سلامي للكل كمشه شلع واحد واحد ووحده وحده ماكو احد يفلت من سؤالي شخباركم ان شاء الله تكونون بخير والله يسعد يومكم هاي بالأرردني
سلامي للكل كمشتن

[شموسه123]

مرحبا حبايبي اشلونكم

اشلونج حبي كريت هوب انشالله بخير
اشلونك عمر العراقي شخبارك
شلونج توته الحائره حبي انشالله يطلع ماكو شي
اشلونك عمان2010 والدوري yis2007 وبنت العراق وعليكم جميعا الي ماذكرتهم
اخي ابو زيونه دائما اكو امل برب العالمين فلا تياءس وانشالله تفرج عليك يارب شوف اني داادعيلك واذان الظهر يارب تفرج عنك ولجميع العراقين

اختكم شموسه123

[doori]

مرحبا
عيني yis2007 شلونك شخبارك ديله الله ويدك اطرحلك فكره واني اول واحد وياك بس تعرف انت اي مشروع يرادله كعده شلون وانت باربد   المهم شو مكتلنا انت متزوج لا عندك جهال لا
عموري تسلم على مشاعرك
واشكر كل يلي بادلني المشاعر الاخويه بسبب انقطاعي الخميس والجمعه والسبت والاحد والله يفرجها على الجميع يا رب العاملين



اخوكم
حمودي

[doori]

مرحبا
هلو اختي شموسه123 شخبارج امورج يا رب تكون المعنويات عاليه واني هيج شايف
شايفين يا شباب شلون معلومات شموسه123 عاليه والحمدلله يعني مأثر عليها الخبر وهيج نريد الجميع ان شاءالله مو من اي خبر تبده الكآبه هاي اختنا شموسه نموذج رقم واحد لعدم الكآبه بعد خبر ال iom والج جائزه نفر كباب من الفلوجه ههههههههههههه
شموسه شخبار الدولمه مال يوم الجمعه ادري غير تصوريها علمود نشم الريحه ههههههههه
تحياتي للجميع


حمودي

[شموسه123]

اشلونك اخويه الدوري والله اني الحمدالله دائما قويه واكول الحمدالله ودائما اضحك لان طبعي هيج والله يكتبه الي ايصير فلواحد ليش يتكئب اهم شي الصحه والله وبعدين الشغلات الثانيه اله حل ماكو شي مااله حل الواحد لازم ايعيش يومه ويكون دائما متفائل اما بلنسبه للدولمه نسيت اصوره بس كو لش طيبه وشكرا الك


اختك شموسه123

[amman2010]

هلوو للجميع شلون الهمه والمعنويه؟ انشالله تكونون بالف خير جميعا.

كريت هوب وشموسه والله اني بخير الحمدلله اسال عنكم والله دائما اندعي للكل و هم ارجع واقول كلشي باوان تره يعني لو مدري الوتحد شيسوي المكتوب مكتوب

يس 2007 شلونك صديقي؟ اقولك يعني والله مااعرف شقولك ههههه يامشاريع تصير بدون منقعد ونحجي ونتعرف على بعض!! دتعال فد يوم حتى لو جمعه نقعد ونتشرف بيك ويصير خير.

vip2010 اليوم اتخابرنا والحمدلله بخير بس يجوز مشغول شويه.

راجعين 

[doori]

مرحبا
احب اطمنكم على اخونه ابن زيونه الحمدلله رب العالمين اليوم هو احسن من البارحه ويا رب يتوفق
اما vip2010 فمثل ما كال اخونا amman2010 هو بخير بس مشغول هاليومين ويسلم على الجميع
اني عندي اقتراح شو ما ادري الواحد من يصير كآبه يسمع اغاني وطنيه قديمه تروح الكآبه اعتقد بس مو يسويها ويرجع لالالالالالالالالالا علمود يطرد العدو اللذوذ مالتنا الي هو الكآبه والانتضار مثل يا كاع ترابج كافوري هاي وحده
يكلك اذا ضامك الضيم تذكر ايام عرسك ههههههههههه زين والي ما متزوج مثلي شيتذكر هههههههههههههههه

اتذكر ايام التخرج هم ما رحت لان 2006 جانت هريسه بغداد شتذكر شتذكر شتذكر
ذكروني انتو بالله



حمودي

[VIP2010]

السلام عليكم أخواتي وأخواني الأعزاء

اني جداً أسف للأختفاء المفاجئ الصر بس ترى اني والله جنت كلش مشغول وجنت اشوف التعليقات الجميلة مالتكم بس الشغل والكآبة بنفس الوقت هي الي خلتني ما ارد على اي تعليق لأن اني بصراح لما وقوفكم وياية جان من زمان صار بية شئ بس الحمد لله بعد مخابرت حمودي وamman2010 شوية ارتاحيت

أشكرج اختي العزيزة great hope على السؤال عني واني الحمدلله ما ازل صامد بوجه الطغات والجبابرة وبأنتظار الفرج ان شاء الله للجميع

مع تحياتي وأمنياتي بالتوفيق للجميع

أخوكــــــــــVIP2010ـــــــــــم

[VIP2010]

شلون الحبايب مشتاقين

والله مشتاقلك حبي عمر العراقي كلش هواية انت وحمودي وamman2010 وان شاء الله نتشاوف بالقريب العاجل

صحيح نسيت اهني اخونا amman2010 بمناسبة المقابلة الثانية لأخو

وسلامات لأخونا ابن زيونة الورد وانشاء الله ماعدكم غير العافية انت وكل الأعضاء الورود

مع تحياتي وأمنياتي بالتوفيق للجميع

أخوكــــــــــVIP2010ـــــــــــم

[عمر عراقي]

لك هذا الگمــــر منين طلع الف هلا بيك VIP 2010 حبي شخبارك والله مشتاقين
حيل حيل ان شاءالله نتشاوف ونسولف ونطير الكآبـــه.
وسلامي للاخوان والاخوات
حمودي
عمان2010
كريت هوب
 شموسه
ابن زيونه
توته الحائره
yis2007
بنت العراق
 ست فيوليت
والجميــــــع  ان شاءالله منسيت احد.

[yis2007]

ايها الاحبه يسعد مساكم جميعا وكل الهلا بكل اعضاء الگروب .

حبيبي حمودي اخذلك هالفكره بس بشرفك فكر بيها بهداوه  ok اتفقنا :

تربية السمك علي الاسطح :

يقوم هذا المشروع على استغلال أسطح المنازل وعمل مزارع سمك وعن كيفية عمل نظام زراعة الأسماك على الأسطح يوضح الباحث أحمد توفيق صاحب الفكرة إن النظام يتكون من حاويات بلاستيكية مملوءة بالماء بطول مترين، وعرض متر واحد، وسُمك 40سم؛ حيث تأخذ حوالي 400 لتر مياه ينمو فيها السمك، ويتم ضخ هواء داخل الماء عن طريق مضخة هواء صغيرة لإمداد الأسماك بالأوكسجين اللازم، ثم يتم رفع المياه بواسطة مضخة صغيرة لتمر على النباتات النامية في المنضدة المملوءة ببيئة "البرليت" ليتم بعد ذلك حجز المواد العضوية على بيئة البرليت، ويقوم النبات بامتصاص الأمونيا الناتجة من إفرازات الأسماك، ثم يعود الماء مرة أخرى إلى حوض الأسماك نظيفًا خاليًا من المواد العضوية، وبالتالي لا نحتاج إلى تغيير المياه، بل يتم إضافة مياه خالية من الكلور لحوض السمك مباشرة كلما نقص ماؤه.
ويتم تربية 100 - 150 سمكة في كل 400 لتر ماء، وهذا ينتج حوالي 30 - 35 كجم من الأسماك خلال فترة من 4 - 6 أشهر، وتختلف طبقًا لاختلاف حجم الزريعة التي تبدأ بها الزراعة.
وقد كان الاعتقاد السائد أن هذا النظام لا يصلح إلا مع المحاصيل الورقية كالخضراوات، إلا أن تجارب أجريت عليه مؤخرًا أثبتت فاعليته مع المحاصيل الثمرية كالفراولة. كما أنه يلائم كافة أنواع الأسماك؛ حيث تمت تجربته مع أسماك البلطي والبوري والثعبان والجمبري.

[أبن زيونة]

شلونكم عيني ورود وردات عمان شخباركم ان شاء الله الكل بخير
شكو ماكو اخبار
مشكورة اختي شموسه ان شاء الله تكونين دائما بسعادة وفرحانه الله يديمها عليج وعلينه واشكرلج دعائج اخت عزيزة وان شاء الله ماانساج بصلاتي والكل ما انساهم
ههههههههههه والله حمودي الوردة ضحكتني صدك حقك عمي شتذكر ايام 2006 هريسه اصليه جانت الله يرحمنه برحمته
اخوية VIP2010 مشكور ياطيب الله يبارك بيك والله يبعد عنك وعن الكل الأمراض والعمليات والأدوية خاصة بعمان ملخ واسئل مجرب  
عموري الوردة الله يسلمك
اختي كريت هوب اني مو هالكد جبير يمعودة جاشنهييييييي السالفة اني خريج 89-99واتشرف بمعرفتج يا كيمياويه طن هلا وتريلة مرحبا وداليا الوردة الوردة همين زميلتنه

[عمر عراقي]

YIS2007 تعبت من كد ماحولت انكليزي عربي بالكي بورد راح اصيحلك من وغاد ياس اتفقنا ؟ :
حبي افكارك كلش حلوه انطيني بعد معلومات على هاي الفكرة مالتك ويرادلهه دراسه
وكعده نتشافوف ان شاءالله ونسولف بس راح ادزلك ايميلي على الخاص ونكعد اني وانت وحمودي واي واحد من الشباب ونسولف

[yis2007]

حبيبي عموري من تحط على كتابة رد هيه اصلا الردود مالتنه راح تصير الليجوه فتاخذ اي اسم كوبي بيست وتحطه بدون متكتبه .
واني جاهز وبالخدمه .

[doori]

مرحبا
حبي YIS2007 فكره جميله جدا اني بالنسبه اليه مستحيلة التطبيق كوني اسكن شقه طابق 3 لكن هاي اعتقد يحتاجلها ماده كثير اني ليهسه ما داورتها بمخي و اذا اداورها اجيبها اجيبها لو توصل للقمر لكن انواع السمك شنو هي للاكل ؟ للزينه؟ اني بالنسبه الي شاطر بالطبخ وعمل السندويشات وبصراحه مقرر باذن الله طبعا اذا سافرت اله اسوي عربانه مال سندويجات بس مو مثل عرباين بغداد ههههههههههههههه لكن المشروع هذا ابالي وحلمي هو مطعم فاخر على كل كهف من جوه وحتى الخدمه بي تكون السيرفس مالتها يلبسون مثل الانسان القديم اني هذا حلو حياتي ولو سافرت اذا اراد الله وواحد قبل يشاركني حاسب حسابي لكلشي حتى مخطط كم طاوله وكم كرسي بس هم ما بيها لا طاولات ولا كراسي ولحد ليضحك على الفكره خصوصا" عموري تره اجيك خخخخخخخخخخخ والاكل لتخافون من سحالي وصراصير هههههههههههههه
بس تعرفون ان الشعب الغربي يحب الاكل يكون نص ستاو على كولتنا فاني هذا حلم حياتي بصراحه
والله يوفقنا جميعا يا رب


الشيف بالمطعم هو ابن زيونه وعلى الكاش AMMAN2010 بس مو تنباك الفلوس منك مثل العقبه ههههههههههه
ومسؤول السيرفيس عموري و اخلي بالمطبخ توته الحائره لان تعر شلون تكمش الطباخين و المساعد مالتي منو منو منو اي VIP2010 تدرون ليش لان اليوم خابرني بالغشل وسمعة شلون يدير الامور 3 سماعات تلون على اذانه منين جاب الاذن الثالثه ما ادري هههههههههههههه

والي يسوك المسواك اخلي كريت هوب ومتباع الضرايب مس فوليوت لان زينه بالانكلوزو


والباقي يجون ياكلون بالافتتاح شموسه و ضيوعي الي ضيعنا ما ادري وين راح وبنت العراق واذا نسيت احد معزوم من هسه


لا صدك شباب هذا حلم حياتي وان شاءالله احققه


اخوكم
حمودي

[doori]

مرحبا
شلونج اختي كريت هوب والله قريت الرد مالتج كلت شو ما سالة عليه مو هوايدها شو نزلت ليجوه لكيت رساله خاص الي ولعموري   ( ولد حلال )   



تحياتي


حمودي 

[doori]

مرحبا
حمودي + عموري + amman2010 كاعدين سويه بشقتي شربنا كهوه واكلت برتقاله اني و عموري و amman2010 اكل بس خياره نازوكي اسم الله عليه ههههههههههههه مكانكم خالي والله يوم لجميع الكروب يلتوقن سويه وتنفرش الصفره منا لهناك الله الله الله اتمنى من الله

سلامي للجميع


حمودي

[توته الحائرة]

مرحبااااا جميعا اشلونكم يا احلى اخوان واخوات والله كل ما ادخل واقرا تعليقاتكم افرح واحزن بنفس الوقت...افرح لان اتعرفت عليكم حتى لو بس بالكلمات بدون ما اشوفكم ونتشارك كل الاوقات والمواقف بحياتنه واحزن لان اشوف اشخاص بطيبتكم ومحبتكم وعقلكم بس كل واحد بينه عنده هم جبير الله يفرج عن الجميع ويسهل امورنا كلنا يارب

اشلونج حبي كريت هوب والله مشتاقه ومتحمسة كلش اشوفج واي شي تحتاجين اني وبنت العراق خواتج وان شاء الله قريبا نلتقي على خير وشموسة حبيبتي هم انشوفج اذا اتحبين وعفية عليج دائما اتفائلي وان شاء الله موفقه دائما بحياتج....فيوليت عيني مشتاقووووون وينج؟؟؟

اخونه ابن زيونه ان شاء الله السلامة لزوجتك يارب ويجوز رب العالمين راد بيها خير الكم وانته اخونه اسعى وخلي الباقي على رب العالمين

اخ VIPالله يساعدك على التعب والشغل يارب كل التوفيق

اخوانه حمودي وعمر وعمان و يس2010 اشلونكم يارب كلكم بالف خير وصحة وماكو كأبة بعد عوفوها على رب العالمين بس هاي شنو كلها مشاريع ومخططات وبنكم عين العنصر النسوي تعالو احنه هم انفكر بمشروع يمعودين ضجنه من الكعده...عيني حمودي ان شاء الله اتحقق كل امنياتك بس لاتنسى اللفة مالتي ههههههه تره مانسيتها وخوش شغلة منطيني على المطبخ بس المشكلة اني احب الاكل اذا اتحطني بالمطبخ احتمال اكل كل الاكل يعني انته تطلع كسر ههههههههههه

عمر اشلونك الله يسلم غاليك يارب اشلونك اليوم؟؟؟ ان شاء الله راحت الكأبة بدون رجعة اتوكل على الله وهسة تتسهل يارب...عمان 2010 احلى فقرة مال الحرامي ماخذ صور بالكاميرا مالتك هاي جديده ههههههههههههههههههه

سلامي للجميع واسمع اخباركم الحلوة دائما والكل متفائلين ان شاء الله

[توته الحائرة]

بالعاااااااااافية عليكم شباب لمتكم الحلووووة ان شاء الله تلتمون على الخير والمحبة دائما

كريت هوب حبي يوم الالنا ونلتقي ان شاء الله اشو غرت من الشباب اشمعنه همه هههههههههههههه اشكد نحسين احنة البنات سنة يله نتفق ههههههههههه لا بس تدللين بس ايصير مجال ونتخابر ...

تصبحون على خير جميعااااااا واحلام سعيدة 

[شموسه123]

مرحبا يااحبائي
اشلونج كريت هوب حبي انشالله نشاوف
ابن زيونه اي اريدك تضحك الحمدالله انك ضحكت انشالله تفرج عليك وعلى الكل اجمعين
اشلونك عمان2010 شلونك الدوري حلوه فكرتك مال المشروع
توته الحائره شلونج حبي انشالله نشاوف
اشلونك عمر العراقي وyis2007 شلونك انشالله بخير وvip2010 اشلونك
صدوك مس فيوليت ماكو انشالله تكون بخير

اختكم شموسه123

[أبن زيونة]

يابه مشكورين الكل فردا" فردا" بدون استثنائات وتحياتي للكل بس على مااحفظ اسمائكم لأن هسه داشوف الابتوب من النعس صندوك حليب مال ابو غريب 
عيني الله يفرجها على الكل ويسهل امورنا اجمعين والكل تتحقق امانيها واحلامها
حمودي اضرب برتقال اخوي مال ديالى ليش هي بقت ديالى  :-\حتى يطلع برتقال الف عافية اخوية بس خوش خابط خبطه كهوة وراها برتقال الوضع كتير ئاسي يمك
عيني توته مشكورة وبارك الله بيج
ههههههههه اسمج ولا راح انساه لأن الشقة الي كدامنا بنتهم الصغيرة يدلعوها توته وشلون توته شاكه حلك اهلها وحلكنه وياهم (حشاكم)من البجي والعياط مالتها اني مسميها صفارة انذار فانتي توتة الهاديه وهاي توتة الي يمنا الشريرة مشكورة اختي العزيزة
يابه الله يصبحكم بألف خير وسلامي للكل

[^Miss Violet ^]

مساء الوردات و الفلات على جموع الصابرين

عمر اذا تصيحلي بعد ست فايوليت ابلغ عليك اليو ان هههههههههههههههه احس نفسي اصير شكبرني هو اني كل عمري 26 سنة

هوب حياتي تسلمين على السؤال انتي و توتاية الحلوة .. والله اني موجودة بس الشغل و البيبي و الحياة تلاهي

انتوا شلونكم شكو ماكو .. شنو ماكو اخبار.. اليوم 30 الشهر صار .. ولو ما اريد اصير بومة و اذكركم بهالموضوع


ابن زيونة عيني ما صار عندي مجال ارحب بيك ويانا كل الهلا بيك و انشالله ما تشوف الا كل خير

[^Miss Violet ^]

هوووووووووووووووووووووووووب الله لا يجيب الزعل حبيبتي

شلونج انتي و شلون ابنج

[أبن زيونة]

اشو تصبحون على خير ورجعت  بس جتني شحنة كهربائية صحتني
عيني كريت والله الدنيا صدك زغيرة  والله يسلمج اختي وان شاء الله تتعرفين بيها لزوجتي ونتشرف بمعرفتج
عيني مس فيوليت  والله اسمج ذكرني بكارتون الليدي اوسكار مشكورة وتسلمين على تحيتج الي بس غير تورقين بالتحية يعني تنقطين بالمصري  ;Dتشمريلج فد جم ورقة خضرا ام المية تحية  الي;D داتشاقه وياج اختي الغالية بارك الله بيج وان شاء الله الخير الج والنا وللجميع
اختي كريت اصبري شوية على ابنج امه كيمياوية شراح يطلع غير لازم ياخذله شوية احماض على كحول على الديهايدات على اللكانات على شوية كيتونات يعني خلطة سحرية وبنهاية الخلطة رشة هالوجينات ويطلعلج بهاي الصورة النحسه
بس اصبري عليه والله يخليلج اياه
وجربي سوويله ويه الحليب خلطة كحول ثنائي  ;Dخلي يحشش شويه وينسطر وينام
سلامي

[doori]

صباح الخير للجميع
شلونك عيني والله خوش لمه البارحه لمتكم بالانترنت و اني سديت بال12 مجان اكو ولا رد بعدين اعتب على مس فوليوت ولا سلمت عليه ايااااااااااااااااااااباه ليش هيج ليش 
بس يه ميخالف اكيد نست الله يعينها
عيني كريت هوب كل كعدتنا حجة ال iom وكالت ال un الحلو بالموضوع فتحت ايميلي لكيت صديقي ابن منطقتي فاتح كلي وينك كتله بعمان غير كلي اني بعمان كتله ولك لتشاقه تالي الليل كلي شكد رقمك دزيته والله جان يخابرني كلش فرحت دخلت عموري و amman2010 عليه جانت خير لان اجه ابن منطقتي على اسا ديسوي عمليه لعيني كتله عيني من اطيب عود نتشاوف لان هو بيت اخته كاعد
المهم الف الحمدلله و الشكر ان اخونه ابن زيونه شويه فرفش وين جنا ووين صرنا الف الحمدلله والشكر سلمنه على توته الشريره مو تنسه
بعدين عيني شو انتن النسوان اخذ ليل وجيب عتابه متسوولكم طلعه هسه يا توته وبنت العراق بيت خالكم اجه ادري كل يوم اطلعوهم لو تتكاسلن عيني سوولجن طلعه منا منا احسن ما واكعين بينا حسد حسد حسد
اصلا البارحه لمتنا ما جانت متوقعه خابرني عموري كلي شدسوي كتله محتر كاعد بالكاع دا ابورد  كلي راح نجي كتله تعالو اني عبالي ديشاقون شو اندكت الباب كتلهم ما موجود  شكد خبيث ههههههههههههه بالله لو مفاتح الباب اجان صار جان فضحوني والله


يله عيني يا رب التوفيق للجميع وصباحكم منور بنور النبي



اخوكم

حمودي

[شموسه123]

اشلونكم ياورود وياوردات الكروب الحلو
اشلونكم عمان 2010 والدوري عمرالعراقي yis2007 وابن زيونه الحمدالله شويه احسن انت وانشالله دوم يارب
وكريت هوب حبي اشلونج توته بنت العراق اشو ماكو مس فيوليت اشلونكم جميعا


اختكم شموسه123

[أبن زيونة]

مرحبا
حبي YIS2007 فكره جميله جدا اني بالنسبه اليه مستحيلة التطبيق كوني اسكن شقه طابق 3 لكن هاي اعتقد يحتاجلها ماده كثير اني ليهسه ما داورتها بمخي و اذا اداورها اجيبها اجيبها لو توصل للقمر لكن انواع السمك شنو هي للاكل ؟ للزينه؟ اني بالنسبه الي شاطر بالطبخ وعمل السندويشات وبصراحه مقرر باذن الله طبعا اذا سافرت اله اسوي عربانه مال سندويجات بس مو مثل عرباين بغداد ههههههههههههههه لكن المشروع هذا ابالي وحلمي هو مطعم فاخر على كل كهف من جوه وحتى الخدمه بي تكون السيرفس مالتها يلبسون مثل الانسان القديم اني هذا حلو حياتي ولو سافرت اذا اراد الله وواحد قبل يشاركني حاسب حسابي لكلشي حتى مخطط كم طاوله وكم كرسي بس هم ما بيها لا طاولات ولا كراسي ولحد ليضحك على الفكره خصوصا" عموري تره اجيك خخخخخخخخخخخ والاكل لتخافون من سحالي وصراصير هههههههههههههه
بس تعرفون ان الشعب الغربي يحب الاكل يكون نص ستاو على كولتنا فاني هذا حلم حياتي بصراحه
والله يوفقنا جميعا يا رب


الشيف بالمطعم هو ابن زيونه وعلى الكاش AMMAN2010 بس مو تنباك الفلوس منك مثل العقبه ههههههههههه
ومسؤول السيرفيس عموري و اخلي بالمطبخ توته الحائره لان تعر شلون تكمش الطباخين و المساعد مالتي منو منو منو اي VIP2010 تدرون ليش لان اليوم خابرني بالغشل وسمعة شلون يدير الامور 3 سماعات تلون على اذانه منين جاب الاذن الثالثه ما ادري هههههههههههههه

والي يسوك المسواك اخلي كريت هوب ومتباع الضرايب مس فوليوت لان زينه بالانكلوزو


والباقي يجون ياكلون بالافتتاح شموسه و ضيوعي الي ضيعنا ما ادري وين راح وبنت العراق واذا نسيت احد معزوم من هسه


لا صدك شباب هذا حلم حياتي وان شاءالله احققه


اخوكم
حمودي

حبيبي الغالي حمودي شلونك يابه اني بس معرفت شيف شنو ركي بطيخ   حتى الواحد يحدد موقفه
بس مراح افيدك شيف لأن بس اعرف اسوي شوية مقبلات والشوي زين بي واسلق واكلي بيض وباسطرمة وبس فماادري تفيدك هالمواضفات لو تطلع كسر من تعيني بس اكولك حمودي مكتلي الراتب شكد :-\اشو تعيين بدون راتب
الله يوفقك وتحقق كل مشاريعك ويوفق الجميع للخير

[أبن زيونة]

ههههههههههههههههههههههههههههههههههه
هاي شنو عيني ابن زيونة تدريني اخبل لولد هو بلا اي شي مشغل خبالاته علية هههههههههههههههههههههههههه
انوب احطله الديهايدات وكيتونات وكحول واحماض
ههههههههههههههههههههههههه
حيل شذكرك بيهن صدك طلعت كيمياوي للنخاع هههههههههههههههههههههههههههههههههههههههههههه
عاد اكولك محاضراتك مال الكيميا وين وديتهن؟
اني اختي بوكتها ورة الحرب حركت كلشي حتى محاضراتها مال الانكليزي حركتها

كريت هوب شلونج شخبارج لبنج الحباب شلونه بعده مخبلج عادي شتردي يطلع وؤلف قصص لو كاتب يكعد ساكت خلي يعزف جميع انواع السمفونيات
والله تدرين محاضراتي بعدها موجودة من طلعت ب2006 جنت محتفظ بيها ومشروع بحثي بس ماادري هسه شنو فلمها بقت اكلها العث والرطوبة والعجاج الخرافي الي ديضرب العراق اكيد حولها لمحاضرات اثرية هسه يجون المتحف يطلبها مني راح اطك صدك لو ابيعها شكد اتجيب برايج
هسه ياخذها ابو فلافل المدنية بالربيعي يلف بيها لفات
سلامي يا بنت قسمي الوردة
وكتلج كيمياوي للنخاع للبنكه

[أبن زيونة]

صباح الخير للجميع
شلونك عيني والله خوش لمه البارحه لمتكم بالانترنت و اني سديت بال12 مجان اكو ولا رد بعدين اعتب على مس فوليوت ولا سلمت عليه ايااااااااااااااااااااباه ليش هيج ليش 
بس يه ميخالف اكيد نست الله يعينها
عيني كريت هوب كل كعدتنا حجة ال iom وكالت ال un الحلو بالموضوع فتحت ايميلي لكيت صديقي ابن منطقتي فاتح كلي وينك كتله بعمان غير كلي اني بعمان كتله ولك لتشاقه تالي الليل كلي شكد رقمك دزيته والله جان يخابرني كلش فرحت دخلت عموري و amman2010 عليه جانت خير لان اجه ابن منطقتي على اسا ديسوي عمليه لعيني كتله عيني من اطيب عود نتشاوف لان هو بيت اخته كاعد
المهم الف الحمدلله و الشكر ان اخونه ابن زيونه شويه فرفش وين جنا ووين صرنا الف الحمدلله والشكر سلمنه على توته الشريره مو تنسه
بعدين عيني شو انتن النسوان اخذ ليل وجيب عتابه متسوولكم طلعه هسه يا توته وبنت العراق بيت خالكم اجه ادري كل يوم اطلعوهم لو تتكاسلن عيني سوولجن طلعه منا منا احسن ما واكعين بينا حسد حسد حسد
اصلا البارحه لمتنا ما جانت متوقعه خابرني عموري كلي شدسوي كتله محتر كاعد بالكاع دا ابورد  كلي راح نجي كتله تعالو اني عبالي ديشاقون شو اندكت الباب كتلهم ما موجود  شكد خبيث ههههههههههههه بالله لو مفاتح الباب اجان صار جان فضحوني والله


يله عيني يا رب التوفيق للجميع وصباحكم منور بنور النبي



اخوكم

حمودي

حمودي الوردة شلونك اخوية ان شاء الله بخير مشكور حبيبي الغالي الله يخلي كل ايامنا حلوة والله يفرجها علينه ويسر امور الكل
اسكت توته الشريرة اليوم ساكته شكلها مريضة لو مموجودين بالبيت شكلي فلقتها بعين وانعلست خاصة عيوني تخوف اللون مالتها ومطلعين عليها اشاعات انه تحسد

[أبن زيونة]

السلام عليكم جروبنا الحلو
شلونك حمودي ان شاء الله بخير شفت بالله طلع صاحبك هنا يل هم زين تلتهي وياه جم وكت
وتدرون ابن زيونة طلع عرف من ايام الكلية وطلعت اعرفه ويعرفني بالله شفتو الدنيا شلون زغيرة؟
الحمد لله على كل حال وياربتضل لمتنا هاي خير علينا كلنا
واذا بخصوص الطلعة مال البنات والله اريد نطلع سوة واشوفهم بس شنسوي الكل ملتهي بس توتة كالت بس يروحون بيت خالها نرتبلنا طلعة مرتبة ان شاء الله
طبعا اخونا عمان2010  وعمر وانت حمودي مشكورين سويتولنا هذا الكروب الحلو حتى نتعرف هلى هالوجوه الطيبة

هلا باختي الوردة كريب فروت والله كتبها بالغلط ومراح امسحها ههههههه مو تزعلين ترى اني شوية حشاش وانت تعرفيني كلش زين وc.v مالتي بالكلية يشهد عليه هلا والله بيج ياوردة قسم الكيمياء والحمد لله تعرفت بيج اختي العزيزة وتذكرت ايام جمان يابه كعدت منتعش اليوم كانه طالب مرحلة اولى
وصدك مشكورين اخوتنه الغالين خلونه نتعارف بهذا الكروب الحلو وان شاء الله تصير معرفتنه معرفة خير واخوة
تحياتي

[أبن زيونة]

اشلونكم ياورود وياوردات الكروب الحلو
اشلونكم عمان 2010 والدوري عمرالعراقي yis2007 وابن زيونه الحمدالله شويه احسن انت وانشالله دوم يارب
وكريت هوب حبي اشلونج توته بنت العراق اشو ماكو مس فيوليت اشلونكم جميعا


اختكم شموسه123

مشكورة اختي الغالية شموسة ويارب الله يخليج ويبارك بيج والله يخلي ايامج وايام الكل حلوة وخير وسعادة
شلونج انتي شخبارج ان شاء الله تكونين بخير

[أبن زيونة]

السلام عليكم يا اخوتي وخواتي الطيبين الحلوين المغروروين
الله يمسيكم بخير وبركة وصحة وعافية شخباركم اليوم اموركم
خلي اسميكم واحد واحد والي انساه يكولي
ليديز فريست
كريت هوب
توتة
مس فيوليت او فيوليت صدك مس مال عجايز خطية
شموسة
هاي الي اذكرهم واذا اكو وحده وردة مذكرتها كولولي عليها لأن الباقة مال الورد من تنقص وحده متصير حلوة
الزولم الخشنة
حمودي
عمان2010
عموري
ياس
في اي بي2010
هذوله الي اعرفهم وهمين اذا اكو احد نسيته ذكروني بيه
يابه اني شوية مرات اتأخر بالرد بس لن مشغول مو فلوس داكرف بس داخل دورات والله 3 عندي بالأسبوع وراح تجي امتحانات يعني يجوز اغيب عليكم شوية وارجعلكم ان شاء الله بس كل مااكدر ادخل اشوف اخباركم الطيبة ان شاء الله ونطمنكم علينه
سلامي وتحياتي للكل

[doori]

مرحبا
اي هيج المشاركات لو ملازم بس ادري انتو لو تالي الليل لو تالي الضهر شنو سالفتكم متكعدون من وكت ابن زيونه وافتهمنا عنده جم شغله والبقيه شنو سالفتكم يمكن كلبتو لغير كروب بس اطمنكم مرجوعكم يمنا  ;Dخوبن قائد الكروب amman2010 يدخل اخر الليل يلكي الموجز مال اخبار الكروب وهاي هي يله ما بقه شي لتوته وبنت العراق ويرحون خطارهم لكم عيني لو يجوني هيج خطار ما التهي وياهم هيج هي بس اول يومين وهاي هي اطلكعلهم هههههههههه
بس لا يستاهلون كل خير ضيوفهم صيوفنا بس لطولوها
شموسه شلونج شخبار الهمه عاليه ؟ اكيد عاليه
كريت هوب وما ادراك ما كريت هوب كيمياويه وتخوف و النوب ابنها ازعر على كولتهم هنا شحيخلصنه
ابن زيونه الحشاش طلعت حشاش و c.v و ما ادري شنو وجارتك توته الشريره مكادرلها ؟ اني والله سمعت صوت مال جماعه ديتعاركون بالعماره الي ساكن بيها راسا" قدمت شوكى لصاحب العماره والله مدا اشاقه راسا" صعدلهم شو لا حس ولا نفس بس لا ذبحهم هههههههههههههههههههه
اي عموري اليوم مختفي الله يستر من اختفائه عمي تره الكهوه مال بارحه ما بيها شي بين دخيلك عمووووووووووووووووووووووووووري
vip2010 ديكرف فلوس دكافي مو البطاله انترسن درجع عاد لمواقعك
مس فوليوت تحياتي والله يساعدج ونيالج بلا حسد مشغوله
ياس شلونك كبد بس لا ملتهي باربد وجمال اربد مو يسموها عروس الشمال وينك بين عاد
منو بعد ما ذكرته خلي يكول باااااااااااااااااااااات



سلامي للجميع
هذا محدثكم حمودي من موقع الحدث في عين كاوه

[طائر البرق]

السلام عليكم ورحمة الله تعالى وبركاته

حبيت أشاركم بهذا الموضوع وهو أنه هناك دورات مميزة للاجئين العراقيين في عمان يقوم بتنظيمها مركز العطاء للتدريب والتنمية الأجتماعية وتمتاز الدورات بجودتها ورصانة أسلوبها وبالذات في مجال اللغة الأنكليزية ومجال الحاسبات وكذلك هناك مجالات أخرى مثل فن الخياطة والتفصيل ، فن الطبخ ، تعليم الحلاقة للنساء وهناك صالة مخصصة للألعاب الرياضية تحتوي على أجهزة حديثة خاصة باللياقة البدنية والرشاقة بأشراف مدرب متخصص .

أنا شخصياً من الذين حضرت دورات لمركز العطاء في مجال اللغة الأنكليزية ومجال الحاسبات وقد أستفدت كثيراً من هذه الدورات وما زلت مواضب عليها بالذات في مجال اللغة الأنكليزية حيث تم أعطائنا في المستويات الأولى قواعد المحادثة وتركيب وبناء الجمل ( دورتين ) وحالياً دورة المحادثة المكثفة وتقوم بتدريسنا مدرسات من فنلندا وأمريكا وفق النظام الأمريكي .

المركز كبير و واسع ويحتوي على وحدة طبية يشرف عليها طبيب فنلندي تقدم بعض الخدمات الطبية والرعاية الصحية مثل متابعة أمراض السكري وضغط الدم وأجراء الفحوصات العامة ، كما يعقد المركز في أول سبت من كل شهر ندوة ( ورشة عمل ) عن موضوع معين يتحدث فيه مختصون بمجالهم .

كما يقدم المركز خدمة الأستشارات النفسية والأسرية مجاناً للراغبين ويتمتع هذا المركز بمهنية عالية وسمعة طيبة بين مراكز التنمية الأجتماعية في الأردن علماً أن تمويله من الوكالة الفنلندية للتنمية .

أهم نقطة هي وجود مرافقة مجانية للأطفال بالنسبة للأمهات الراغبات بحضور دورات تدريبية حيث أن المركز مجهز بصالة خاصة لألعاب الأطفال تشرف عليهم مشرفة متخصصة لمراقبتهم طيلة فترة الدورة والمركز نظيف جداً وأهم شيئ هو الكادر العامل فيه كادر راقي ومتفهم جداً ومتميز بتعامله .

يقوم المركز أيضاً بتنظيم الأسابيع الثقافية والأيام المفتوحة للأسر مجاناً والغاية منها إدخال البهجة على الأطفال وتتضمن هذه الأيام المفتوحة الرسم على الوجوه للأطفال وتنظيم المسابقات واللعب وتوزيع الفشار ( الشامية ) والكيك والمشروبات الغازية والغاية منها هي مد جسور التواصل بين العوائل اللاجئة من مختلف الجنسيات وإدخال البهجة على نفوس الأطفال والتخفيف عن أسرهم .

لايقدم المركز أي بدلات مالية عن حضور الدورات ورسوم الدورات هي رسوم رمزية ( 5 دنانير  ) في الشهر عن كل دورة كما أن المركز لا يقدم أي وجبة طعام للمتدربين .

يقع المركز في وسط البلد بأول طلوع المسدار قرب وكالة شارب والمواصلات متوفرة وعنوان المركز على الأنترنيت هو :

www.alataacentre.com

ولا أبالغ أذا نصحت الجميع في التسجيل وأستغلال الفرصة فحقيقة دورات هذا المركز من أرقى ما حضرت من دورات علماً أني حضرت دورات في مراكز أخرى ولكنها لا ترقى لمستوى دورات هذا المركز من حيث الرصانة والجودة .

محبكم
طائر البرق

[عمر عراقي]

مساكــــــم الله بالخيــــــر يااعضاء الگروب الطيبين .
شلونكم جميعا شخباركم ابن زيونه خوش مشاركات
ان شاءالله دائما هيجي.
ست فيوليت شلونچ ست اني اسف ست فيوليت مو قصدي
اناديچ ست . بس هو اسمچ ست فيوليت اني شسوي 
يعني هسه يا ست فيوليت شنو تريديني اكتب غير ست فيوليت
حسبي چم ست فيوليت كتبت بهاي السطر ونص ؟ (لونتهن) 
بس هاي هيه بعد ما اكول ست فيوليت راح اكتب  فيوليت وبس . اتفقنا .
وشكرا لكل الحبايـــــب الي تذكروني
حمودي
عمان2010
ابن زيونه
يس2007 (فكرتك كلش حلوه بس صعبة التطبيق اولا لان ماعدنه سطح واكو بعض المعيقات الصغيره)
وطبعا ما انسه الجنس اللطيف الي سوه طعم حلو للگروب .
كريت هوب
شموسه
توته الحايرة
بنت العراق المختفيه
وست ....... شوفو شلون نسيت
يابه والله انتي في ريعان الشباب والله يحفچ يا اختي اني اخوچ الكبير
والتحيه موصوله هنا لفيوليـــــــــت الورده (بس لتبلغين علينه) 
واعذروني على التاخير بالرد
يابا هذا الولد طائر البرق كاتب خوش مشاركه منو من الحبايب عنده معلومات عن هذا الموضوع؟
واذا محد عنده معلومات منو يطوع يروح يسأل ويستفسر . لو نروح مجموعه ؟ ياولد
اهم شي بالموضوع ( الشاميــــــــــة)

[بنت العراق 84]

   يمة هاي شنو شكد حاجييييييين وراية هاي شوكت حجيتو هالحجي كلة هذا شحيقرينياه ههههههههه
شلونكم حبايب راحوا بيت خالي اليوم من الصبح وحنرجع اني وتوتة نعاود نشاطاتنة السلكية واللا سلكية
خلي اقرا شكاتبين بعدين اجاوبكم واحد واحد شنو هاي صفحة 4 هم مفتوحة من وراية واني ما ادري
شنو هالتسيب هذا من جانبي عايفتكم تسولفون وحدكم

[بنت العراق 84]

منين ابدي منين انتهي كومة كومنتاااااااات

اول شي مبروك لاخو amman2010 وياربي الله يسهل عليه وعليك وعالجميع يارب ومبروك التمرين الجديد هم مال الحديد ذكرتني باخوية اكبر مني ب6 سنين هم اجتي يفترة لح وية الحديد جنت اني نونية بعدني جان يكولي تعاي اتعلكي بزندي ويبقة يصعد وينزل بايدة حتى تقوة العضلة مسويني دنبلصات هههههه شلون ايام حلوة

وعمر خربت ضحك على البوكة مالتك بالعقبة يعني مختصر مفيد طلع النعال الي اشتريتة اغلى نعال بالعالم صعار عليك ب146 دينار اردني يعني لو نعال مال بيكهام هم مو هالسعر هههههههه يجوز وكعت منك اثناء مدتطلع الفلوس!!!!! هي صدك الواحد شكد يصرف مينقهر بس من ينباك منة شي او يفقدة يضيعة يبقة كل شوية يتذكرة لان يحس راح من دون رضاتة يلة الله يعوضك اضعافها ان شاء الله

شلونج حبي مس فيوليت اني هم عمري 26 طلعنة نفس الدفعة حبيبتي والله يعينج هم شغل مومهم نونو همة الجهال ينرادلهم خلك وصبر ان شاء الله يكبر ويعقل ويصير حباب

ابن زيونة شنو القصة شنو رفضت امريكا شنو تريد ترجع لالالالالالالالالا يمعود اصبر واكعد ترة كلنة ماليييين بس مع الاسف الوضع حاليا اببد مو مال رجعة  بعدين ترجع وتعوف توتة الشريرة وحدها براسمن تعيط بعد وراك؟؟

حمودي اني زعلت ليش مملكيلي شغلة بالمطعم مالتك زين حطني اني عالحسابات عفية    اني امينة مؤتمنة بس اذا احتاج شوية هدوم فد خمس علب مكياج فد 10 احذية و 5 زجاجات عطر عود اخذ من الخزنة سلفة فد ب مليون دولار وانت قسطها من راتبي  كل شهر 10 دولارات  ها شكلت اتفقنة؟؟؟ترة عرض مغري جدا فكر بالموضوع

شموسة حبي والله مو عالكل الامنية هيجي تتاخر شو ناس وناس ناس ما شاء الله بشهر شهرين تطلعلهم اذا مو اقلبس ما ادري ليش ناس هيجي ياخروها شنسوي شبيدنة غير الصبر

حبي كريت هوب شلونج مشتاقون جدا ان شاء الله نسويلنة طلعة شنو هاي غرنة من الولد ياكلون خيار ويشربون كهوة واحنة كاعدين صافنين هههههههه

اخ طائر البرق شكرا عالمعلومات الي انطيتنياها بخصوص الدوراة شكرا جزيلا الك

شموسة شلونج حب شوكت يروحون خطاركم؟؟؟دنسويلنة طلعة على عناد الشباب والطلعة متكممل الا بيج حب

yis2007 خوش مشروع بس اني من هسة ما اشترك لان اموت من السمك واموت من ريحتة ومن طعمة بس اذا سويتو اجي القي نظرة عالمشروع واقص وياكم الشريط وارجع للبيت ركض ههههه والله ليش لا اي شي يلهي ويجيب وارد احسن من الكعدة خاصة الكم انتو الولد عالاقل احنة شوية نلتهي بشغل البيت الا انتو شيكضي الوكت

vip وضاع الوطن والرسام ومنو بعد يارب ما اكون نسيت احد شلونكم كلكم ان شاء الله بخير؟؟؟

سوري طولت بالكومنت بس هاي ضامتلكمياها مال شكم يووم

[توته الحائرة]

مساء الخيررررررر على الجميع اشلونكم اخباركم ما شاء الله كلها نشاط وحيويه وتعليقات
حبيبتي كريت هوب اشلونج تشتاقلج العافية اسكتي وخليها راحو الخطار بس مكانهم والله خالي بس شنو يرادلي يومين بس راحة و نوم لان فريتهم عمان كلها وجايين من بغداد وما احجيليج ابد مايحبون السواكة ويريدون يشترون هدايا للعشيرة كلها هههههههههههههههه ان شاء الله على الاسبوع الجاي نتخابر على الطلعة اذا الله راد اشلونه ابنج؟؟ بوسيلياه وحبي ماكو طفل عراقي مو حرك الله يحفظه الج عاجبني اشوفه احب الاطفال كلششششششش
عيني فيوليت اشلونج اخبارج ويه المعهد؟ يارب اتكونين متونسة وبنتج اشلونها؟اشكد عمرها الله يحفظها
شموسه شنو اخبارج مابين شي على شغلتكم؟؟يارب كل الخير ...انشوفكم قريبا يارب
عيني ابن زيونه طبعا اسم توته ابدا ماله علاقة باسمي الحقيقي اصلا ماكو باسمي خرف التاء هههههههه بس اشو الاهل عجبهم دائما يصيحوني بي هسة فوك القهر جهال اخويه ايصيحوني عمة توته هههههههههههههههه بس هاي توته جيرانكم عكسي تماما بس المسكينة بس لا بلاعيمها طكت من العياط   سلامي الى زوجتك وان شاء الله موفق بأمتحاناتك
عمر اني هم عجبتني فقرة الشامية يمكن راح اسجل من ورا الشامية هههههههههههههه بس الموقع مال المركز اشويه يمكن بعيد ومشكور طائر البرق على مشاركتك
حمودي همزين لكيت صديقك ان شاء الله عنده العافية بلكي لعد احنه البنات من نتشاوف ايكون وجهنة خير على الكل يارب ....اخوانه الباقين يس وعمان وVIP ان شاء الله الجميع بألف خير

يمعودين اخبار جديدة وحلوة انريد والله يسهل على الجميع

[doori]

مرحبا للجميع شلللللللللللع
شلونك
اولا" اكول للاخت بنت العراق اني مناسيج محضرلج سياره ليموزبن تجي تاخذج من بيتج وتجي ضيف شرف وانتي تكصين الشريط الاحمر لان الضاهر تحبين المكاصيص 
اما توته الحائره منو يسميج عمه توته لعد خوبن انتي حجيتيها مو غيرج يا شباب وصبايا الكل يكول لتوته عمه توته
عمه توته عيني شلونج شخبارج شنو هالنشاط
عموري وamaan2010 شو اليوم ماكو يمعودون
ابن زيونه نشاطه مو طبيعي اللهم لا حسد الرسام شو ما اجه بعد شنو سالفته اخونه طائر البرق شكرا شكرا شكرا على اهتمامك ويشرفنا تكون صديق ويانه بالكروب
عموري شوكت تريد تروح كلي بس الضهر علمود ممممممم بعدين اكلك من اشوفك
amaan2010 عود احجيلنا اصار ويه اخوك بالتفصيل الممل من طأطأ لسلام عليكم كعد اخوك يمك وكله تحجي لو احرمك من الاكل وخلي يحجيلك كلش وكلوشي
شموسه شلونج اختي
كريت هوب منورتنا و نوارتنا
مس فوليوت او ست فوليوت كلها احترام الج عيني بعدين شيكلولج بالمركز مو ست فوليوت لو اني غلطان
عيني بنت العراق اني دا العب حديد علمود اعدل الجسم لان جان وزني 112 من دخلت الاردن وهسه 83 ونصف يعني مسوي معجزه و فد يوم اراويكم صوري قبل وبعد ههههههههه صديقي البارحه الي سوفتلكم عليه دزيتله الصور معرفني والله
بس همين اكو عضلات يعني شويه مو هوايه
vip2010 كافي عاد تعال تره سويتها ملخ انكليزي مو عادي



محدثكم حمودي من موقع الحدث عينكاوه

[doori]

مرحبا
عيني اختي العزيزه كريت هوب
بالنسبه للسمنه شكلج كمت انقهر اشوف احد يعاني من السمنه وتشوفيني راسا اروح اكله والله لو تلعب رياضه ههههههههههه فد يوم انكتل من وره هالشغله  ;Dبس الي فايد بي الناس ويايه بالجم ( النادي ) انو اي احد يعاني السمنه اروح يمه واتعرف عليه واحيي على الي ديسوي واشجعه وهسه اكو واحد من وره كلامي ويا الحمدلله نزل 10 كيلو تصوري حتى اصحاب الجم كالو فاتتنا ما صورناك اول ما اجيت وهسه بس المدرب كال اني اول ما اجيت كتلهم هذا راح يستمر وشوفو شراح يصير المهم
بالنسبه لل un و ال iom صدكيني محد يعرف شلون السستم مالتهم شو ناس ديسرعون بيهم وناس لساتهم متدرين شنو السالفه واكرر صدكوني شباب وصبايا تره الي بالمنظمتين مجرد موظفين يعني عبد المأمور يكلولهم يمين يرحون يمين يسار يسار يعني شعليهم همه اكيد اكو مدير او رئيس يوجهم او لجنه دوليه توجهم مو تمام حالهم حال اي موظف بأي دائره والله كريم وييسرها على الجميع
كريت هوب انتي وين وصل ملفج شوكت قدمتي اصار مصار وياج ؟

حمودي

[توته الحائرة]

هلووووووووو هم اجيتكم اليوم ما عندي شي اشو ماكو وينكم بس حمودي وكريت هوب البقية راح انسجلكم غياب هههههههههههههههههه

يمعود حمودي شنو اتصيحوني عمة توته قابل عمري 50 سنه هههههههه ذولي جهال اخويه ايصيحولي هيج قابل انتو جهال اخويه هههههههههههههه ...بس زين نازل خوش نزله استمر اخويه حمودي والله يوفقك

اي والله حبي كريت هوب اشو ماكو تحرك على الكيسات خطية بنت العراق هم اشو كل ما تتصل بيها ايكولولها بعد والله تعبت اعصابنا ونكول الله كريم ان شاء الله تفرج على ساعة على الجميع يارب

اشو ضوجه كلش   شنو تقترحين كريت هوب اسوي حتى اتروح الضوجة؟؟؟؟

[شموسه123]

هلو حبايبي الورود والوردات اشلونكم عيني شلوج كريت هوب وتوته الحائره وبنت العراق اشلونكم حبايبي انشالله بس يروحون بيت خالي اكوللكوم شلون اخويه ابن زيونه تسلم الله ايخليك ويوفقك ويفرجه عليك وانشالله ايامك كوله حلوه ومابيها نكد ابدا اشلونك الدوري عيني شخبارك شلونك عمر العراقي وعمان 2010
وشكرا لطائر البرق


اختك شموسه123

[بنت العراق 84]

والله يا كريت هوب اني هم هيجي اشووف شو نسمع اكو تسريع وتسهيل من بداية السنة خبصونة هالسنة كلللللش اكو تسريع بمعاملات الهجرة واللجوء بس شو التسريع من يوصل يمنة يبطيء ما ادري ليش هههههه والله ما شاء الله ناس بسرعة تمشي امورها وناس تتعثر واني هم مثلج اموري دائما ما دري شلون كايلة يلة الله كريم ان شاء الله نسمع خبر جديد يفرحنة يارب

هلا بحمودي الضعفاااااان هاي شنو خوش نزلة عفية عليك اتوقع وزن ثمانينات بالنسبة للشاب كلش حلو لتضعف زايد خليك شوية بيك مونة مو عضام ههههههه بعدين عجبتني شغلة الليموزين واذا مو ليموزين وردي ما اصعد بيها ترة شوف الطلبات التعجيزية

صدك شو اليوم ماكو عمر عمان 2010 مس فيوليت ابن زيونة الرسام في اي بي يس شو مختفين بس لا طالعين من ورانة شو اني دا أشكشك بالموضوع هههههههه

[شموسه123]

هلو حبي كريت هوب اي والله صحيح كلامج ماكو اي تسريع بلمعاملات

يوم الاحد رح انروح للهجره ونشوف شنو القصه تخيلي كريت هوب خلينه كفيلنه يسال عن ملفنه مناك من امريكا ايكولون ماكو عدنه هذا الملف ولاسمعين بيه لاعد اشلون وطونونه على نيو هيفن بولايه فيرمونت مادري ايكولون اسالو من عمان

اختكم شموسه123

[شموسه123]

والله غريبه يكريت هوب اي صح الي وحده او عده طفل بسرعه ايطلعوه
لان احنه عدنه ناس هوايه نعرفهم طلعوا لان وحدهم طيب بعثي يميل للهجره واسالي عن ملفج
يارب يفرجه عليج ويسهل امرج  وامر كل العراقيين يارب


اختكم شموسه123

[بنت العراق 84]

واللا يا حبي great hope اني لعد وحدي بالكيس لا ابن ولا اي شي وحتى الي قابلتني اول مرة مقابلة اولى كالتلي الكيس مالتج كلش سهل هسة تطلعلج بسرعة وتخيلي ان يوحدي بالكيس وتجكيات امنية صارلي من يوم 20-3-2010 واني بنية لا عسكرية لا مشتغلة ومن ال2004 اني بعمان وفوكاها ناس يكولولي معقولة لساعج نعرف بنات وحدهم دتطلعلهم الامنية بشهر لو شهر ونص وهم كاعدة انتظر وكل ما اتصل يكولولي امنية امنية

حبي شموسة استفسروا من المنظمة خاف فايلكم ضايع او اكو شي وهمة حتى يدفعون الشغلة كلولكم اعادة امنية شو مسامعة اني احد تطلع امنيتة ويعيدولهياه وبفترة قصيرة

[بنت العراق 84]

تسلمين حبي وياربي الله يفرجها عليج يارب انتي هم شنسوي همة هم تبهذلوا وحدهم وخاصة احنة تخيلي بعدنة عرسان بداية حياتنة وحيصرلنة سنة ممتلاكين فما اسولفلج الضوجة
هاي هية كلها بيد رب العالمين ندعي والله كريم

[بنت العراق 84]

امين يارب العالمين
شو اليوم الشباب ماكو شنو كلام نواعم مش أي كلاااام  هية تلكيهم طالعين سوية ديشربون كهوة ويكرطون خيار ههههههه
اني اروح انام تصبحون على خير جميعا
ياربي باجر يوم جمعة يوم مبارك وبداية شهر ياربي يكون شهر خير عالجيييييع بدون استثناء يارب
تحياتي

[شموسه123]

حبي كريت هوب وبنت العراق هسه فتحت ايميلي وشفت رساله من كفيلنه انو المنظمه مناك بامريكا مخابرين على كفيلنه وكايليلهم انو احنه نقلونه يم كفيلنه بونسكي بفيرموت لان جنه بنيوهيفن يعني ملفنه موجود الحمدالله شوفي جنه نحجي بلموضوع واجاني خبر يارب يكريت هوب وبنت العراق تفرج عليكم وتسهل اموركم وكل اكروبنه الحلو وجميع العراقيين يارب


اختكم شموسه123

[شموسه123]

تصبحين على خير حبي كريت هوب


اختج شموسه123

[عمر عراقي]

حبي كريت هوب وبنت العراق هسه فتحت ايميلي وشفت رساله من كفيلنه انو المنظمه مناك بامريكا مخابرين على كفيلنه وكايليلهم انو احنه نقلونه يم كفيلنه بونسكي بفيرموت لان جنه بنيوهيفن يعني ملفنه موجود الحمدالله شوفي جنه نحجي بلموضوع واجاني خبر يارب يكريت هوب وبنت العراق تفرج عليكم وتسهل اموركم وكل اكروبنه الحلو وجميع العراقيين يارب


اختكم شموسه123

الحمدلله اختنا شموسه وان شاء الله تتوالى الاخبار السارة وتزيد الافراح عند جميع اعضاء الگروب.
وسلامي لجميع الاعضاء وخاصة الحبايـــب الي سئلوا عليه وحتى الي مسئلوا راح اسمحهم هالمره
وهسه فزيت من النوم لان عيني شويه زايده بيه الحساسيه (الله يبعده عنكم)
المهم راح ابدي اصيح بالاسماء وكلمن يسمع اسمه يصيح حاضر
كريت هوب
بنت العراق
شموسه
توته الحايره
.
هاي من منطلق (السيدات اولا)
والشباب
عمان2010
حمودي الورد
يس2007
ابن زيونه
VIP2010
..............
واليوم دخلنه بالخميس مو الجمعه يااااا بنت العراق
والله يجمعكم بحبايبكم كريت هوب وبنت العراق والجميع.
واهديلكم اغنية المضيع وطن وين الوطن يلكاه.
ان شاءالله نلكاه باميركا . بس اكيـــد راح يبقى العراق وسط القلوب.

[doori]

صباح الخير للجميع

اخوان ضروري تقرون هذا الموقع وتردون ما اريد اكول مثل ردي لكن اكيد راح تحترك اعصابكم من هذا melad80 متهم الكل بالكذب والنفاق تعالوا وشوفو
http://www.ankawa.com/forum/index.php/topic,424308.0.html

يعني والله من الصبح سمني سم ما ادري شكول عليه وحرك اعصابي اكيد هذا مو عراقي من كلمه كدب مو كذب
واني دزيت رساله الى مس انجي وهي اكيد راح تتصرف بس احنا كروب واحد لازم نصير ايد وحده اني بلشت والباقي عليكم اويلي لو تقرا مس فوليوت شسوي بيه دخلو وشوفو رجاء



اخوكم

حمودي

الاردن_عمان

[بنت العراق 84]

صباح الخير جميعا
الف الحمد لله حبي شموسة ياربي تفرج عليكم ويتصلون بيكم وهسة تشوفين حتى شغلة اعادة الامنية مو مضبوط هذولي مرات يجاوبون بكييفهم

يا هلا بعمرررررررر هاي وينكم عيني البارحة سجلناكم غياب بعد مابيها تراجع...سلامتة عينك عيني

هلو  دوري هسة افووت اقرا واشوف شنو القصة

تسلمين حبي كريت هوب وصدك اني مطفية عبالي اليوم جمعة مو اليكعد بالبيت صدك يتيه الايام

شو ان ياليوم من التسعة كاعدة نشيطة ومستبشرة بالحياة ههههههه يارب يكون يوم خير وشهر خير عالجميع يارب

[بنت العراق 84]

دوري قريتة هذا شبي
هو الضاهر اسلوبة كلش متحظر فوت بهالرابط وشوف شكاتب اخر كومنت
http://www.ankawa.com/forum/index.php/topic,417472.0.html

[doori]

مرحبا
اختي بنت العراق لعد شوفي اكو عضو اسمه hamada2  اقري شلون غالط عليه هذا يمكن والله ما ادري شكول عليه حسبي الله ونعم الوكيل الي يسمعه يكول ذوله رايحين يسوون شي غير متحضر بامريكا والله الواحد ديشوف ناس يمكن اهلهم نطوهم خبز وما نطوهم تربيه مع احترامي لجميع الاعضاء بالكروب

تصدكين اني اول ما قدمت لل un سمعت قصه واحد لا يقره ولا يكتب وكبير بالعمر مقدم وماكو خلال 3 شهور جان طاير لامريكا يعني الامنيه ما الها علاقه لان اكيد تجمع يسألون عليه اذا كانت معتقل او يسالون على الكفيل وهذا مو بس ويه العراقيين لا ويه الكل يشوفون الكفيل يدفع ضرايب عنده مشاكل لو لا هيج شي

تحياتي الج وللجميع


حمودي

[بنت العراق 84]

معليك باحد حمودي المنتدى ترة مثل المجتمع الخارجي بس على مصغر تشوف بي الزين والمو زين وناس من كافة الثقافات والعقليات

والله اني حتى كفيلي هم كلش موقفة زين من كل النواحي شغل وضرايب بس ما ادري ليش هيج الله كريم

يلة فرفشو من الصبح وشوفوا هذا الرابط هسة كلش تتونسون عليه دعاية مال مواسة حلاقة رجالية بس كلللش فيكة شوفوها كولولي رايكم

http://www.youtube.com/watch?v=gtU44SOo2QE&NR=1

[yis2007]

صباح الخيرات على كل اعضاء الگروب الاعزاء :
يابه غبت عنكم يوم واحد عيني عليكم بارده صارلي ساعه واني اقره الردود ماشاء الله عليكم .

صباح الخير جميعا فردا فردا بدون ذكر اسماء

[توته الحائرة]

صباااااااااااح الخيررررررررر والسعادة جميعاااااااااا 

حبي كريت هوب اشلونج والله البارحة فرحت سولفنه اشويه بس حبي وين اختفيتي؟؟ عفتلج اوف لاين وصلج؟؟ اشلونه ابنج اليوم ماعقل اشويه هههههههه الله يحفطه يارب ويلتم شملكم قريبا في امريكا خطية انتي وبنت العراق نفس الحالة الله يسهل عليكم يارب ونفرح بأخباركم قريبا
شموسة الفففف مبروووووك حبيبتي خوش خبر الحمدلله ويارب السفر القريب طمنينه على اخبارج دائما
فيوليت هم ماكو وينج عيني خلي نسمع اخبارج اختنه العزيزة
هلوووو عيني عمر عراقي اني تره موجودة لاتكتبني غياب ههههههههه سلامتك ان شاء الله عندك العافية...البارحة العنصر النسوي وحدنة بالساحة انتو ماكو هههههههههههههه على كولت بنت العراق كلام نواعم جان عدنه
عيني دوري (حمودي)لاتحرك اعصابك ولا شي عادي طنششش اني ما قريت شنو التعليق لان من دخلت جان ممسوح بس بنت العراق حجتلي
اشلونك اخونه يس2007 شفت اشكد حاجين ابدا مايعجبنه نحجي هههههههههههه بس صار عدنه ادمان لازم ندخل ونسأل على الكل ونشوف اخبارهم
اخوانه عمان وابن زيونه وضاع الوطن وVIP ان شاء الله كلكم بخير

اليوم بدا شهر جديد بلكي خير على الكل 

[بنت العراق 84]

yis2007 البارحة جانت الجلسة نسائية ما ادري الولد وين طافرين هههههه واني غبت كم يوم مو يوم واحد رجعت اتندمت اشد الندم لان اقرا وارجع ليورة هاي جزاء الي ميزاكرش كل يوم

هلا بتوووووتة والله ونورتي عين كاوة

[شموسه123]

هلو عيني شلونكم شخباركم شلونج حبي كريت هوب تسلمين حبي وبنت العراق وتوته الحائره اني اشكركم حبايبي
عمرالعراقي اشكرك عيني اشلونك عيني
اشلونك الدوري لاتهتم طنش تعش عيني
اشلونك عمان2010 وابن زيونه اشلونكم

اختكم شموسه123

[أبن زيونة]

هلا باخوية ابن زيونة
والله ما شاء الله عليك هاي شنو النشاط اليوم جاوبت على الكل
ابني طبعا يطلع وكيح لان الظاهر اني مدلعته كولش هواية
بخصوص المحاظرات هاي شنو الواهس الي عندك محتفظ بيهن لحد ما جيت هنا
والله اني اختي سوت فضل علية من حركتهم كلهم طبعا هية ماتدري هذولي محاضراتي بس صدك هسة من ورة التراب صارو مخطوطات اثرية  واذا حطينا ببالنا شلعان الكلب من لميتهم والتعب الي تعبته بيهم يجيبون خوش مبلغ
هههههههههههههههههههههههههههههههههههههههههههههههههههههههههههههههه
هسة الحمد لله من طلعنا من العراق سالمين
الله يحفظ كل اهلنا هناك يارب
ويفرجها علينا باذنه تعالى
حمودي وعموري وياس عمان 2010 وvip وشموسة وتوتة وبنوتة العراق وفيوليت شخباركم عيني
ها بشروا؟ ماكو شي جديد؟

هلو كريت هوب احسن الواحد يصير نشيط ومرات يطفي والله يخليلج ابنج ويدلع على امه لعد على منو يدلع
خلي يدلع بعدين راح يشوف ضيم اذا بقيتي بدلة عربية او رجع للعراقويشوف الزين اذا طلعتي لبره احسنله ياخذ جنسية ويفوت بعين الكل والعرب يكومون يتوسلون بيه حتى يشتغل لو يبقى بدولهم مع الأسف مو مثل هسه مكروهين من الكل
بس والله المحاضرات حلوة ترى همين تذكرين ايام جمان

[أبن زيونة]

مرحبا
اي هيج المشاركات لو ملازم بس ادري انتو لو تالي الليل لو تالي الضهر شنو سالفتكم متكعدون من وكت ابن زيونه وافتهمنا عنده جم شغله والبقيه شنو سالفتكم يمكن كلبتو لغير كروب بس اطمنكم مرجوعكم يمنا  ;Dخوبن قائد الكروب amman2010 يدخل اخر الليل يلكي الموجز مال اخبار الكروب وهاي هي يله ما بقه شي لتوته وبنت العراق ويرحون خطارهم لكم عيني لو يجوني هيج خطار ما التهي وياهم هيج هي بس اول يومين وهاي هي اطلكعلهم هههههههههه
بس لا يستاهلون كل خير ضيوفهم صيوفنا بس لطولوها
شموسه شلونج شخبار الهمه عاليه ؟ اكيد عاليه
كريت هوب وما ادراك ما كريت هوب كيمياويه وتخوف و النوب ابنها ازعر على كولتهم هنا شحيخلصنه
ابن زيونه الحشاش طلعت حشاش و c.v و ما ادري شنو وجارتك توته الشريره مكادرلها ؟ اني والله سمعت صوت مال جماعه ديتعاركون بالعماره الي ساكن بيها راسا" قدمت شوكى لصاحب العماره والله مدا اشاقه راسا" صعدلهم شو لا حس ولا نفس بس لا ذبحهم هههههههههههههههههههه
اي عموري اليوم مختفي الله يستر من اختفائه عمي تره الكهوه مال بارحه ما بيها شي بين دخيلك عمووووووووووووووووووووووووووري
vip2010 ديكرف فلوس دكافي مو البطاله انترسن درجع عاد لمواقعك
مس فوليوت تحياتي والله يساعدج ونيالج بلا حسد مشغوله
ياس شلونك كبد بس لا ملتهي باربد وجمال اربد مو يسموها عروس الشمال وينك بين عاد
منو بعد ما ذكرته خلي يكول باااااااااااااااااااااات



سلامي للجميع
هذا محدثكم حمودي من موقع الحدث في عين كاوه

حبيبي حمودي الوردة شلونك
ادري حمودي الوردة يعني شتريد اروح اشتكي على توتة هي كله عمره لو سنتين لو تلاثه هذا انت مدور شغل تحشيش ادور شغل ناصرية مع اعتزازي باهل الناصرية بالله الي يمك كبار ويتعاركون واشتكيت عليهم اني اورح اشتكي على توتة ام السنتين حتى اشبع كتل بالمركز لو شنو رأيك هي يومية مرات تطلع يمنا بالدرج تلعب اصمطها فدراجدي حتى تخاف وتسكت هههههه والله ضحكتني
هسه كولي بيا نادي او جيم انت مسجل والمدربين بيها زينين يعني يتابعوك بالتمارين ينطوك كورس تغذية وكورس تمارين لو عشت ورقة تمارين سوي هاي الحركة5*3 وارتاح دقيقة وارجع سوي5*4 وهكذا لو مرتبه واهم شي بكم الشهر اشتراكه وكم يوم ودوامهم ولو اني هسه صرت كليجه مو أيجه من ورا العمليات بس نحاول نرجع مثل قبل فكلي شنو الفلم بالنادي وهمين بي حشاك وحش الزينين عفطية مثل معظم النوادي لو لا كلمن محترم نفسه
يعني انطيني التفاصيل وين مكان النادي او الجيم
سلامي حبيبي الغالي

[أبن زيونة]

السلام عليكم ورحمة الله تعالى وبركاته

حبيت أشاركم بهذا الموضوع وهو أنه هناك دورات مميزة للاجئين العراقيين في عمان يقوم بتنظيمها مركز العطاء للتدريب والتنمية الأجتماعية وتمتاز الدورات بجودتها ورصانة أسلوبها وبالذات في مجال اللغة الأنكليزية ومجال الحاسبات وكذلك هناك مجالات أخرى مثل فن الخياطة والتفصيل ، فن الطبخ ، تعليم الحلاقة للنساء وهناك صالة مخصصة للألعاب الرياضية تحتوي على أجهزة حديثة خاصة باللياقة البدنية والرشاقة بأشراف مدرب متخصص .

أنا شخصياً من الذين حضرت دورات لمركز العطاء في مجال اللغة الأنكليزية ومجال الحاسبات وقد أستفدت كثيراً من هذه الدورات وما زلت مواضب عليها بالذات في مجال اللغة الأنكليزية حيث تم أعطائنا في المستويات الأولى قواعد المحادثة وتركيب وبناء الجمل ( دورتين ) وحالياً دورة المحادثة المكثفة وتقوم بتدريسنا مدرسات من فنلندا وأمريكا وفق النظام الأمريكي .

المركز كبير و واسع ويحتوي على وحدة طبية يشرف عليها طبيب فنلندي تقدم بعض الخدمات الطبية والرعاية الصحية مثل متابعة أمراض السكري وضغط الدم وأجراء الفحوصات العامة ، كما يعقد المركز في أول سبت من كل شهر ندوة ( ورشة عمل ) عن موضوع معين يتحدث فيه مختصون بمجالهم .

كما يقدم المركز خدمة الأستشارات النفسية والأسرية مجاناً للراغبين ويتمتع هذا المركز بمهنية عالية وسمعة طيبة بين مراكز التنمية الأجتماعية في الأردن علماً أن تمويله من الوكالة الفنلندية للتنمية .

أهم نقطة هي وجود مرافقة مجانية للأطفال بالنسبة للأمهات الراغبات بحضور دورات تدريبية حيث أن المركز مجهز بصالة خاصة لألعاب الأطفال تشرف عليهم مشرفة متخصصة لمراقبتهم طيلة فترة الدورة والمركز نظيف جداً وأهم شيئ هو الكادر العامل فيه كادر راقي ومتفهم جداً ومتميز بتعامله .

يقوم المركز أيضاً بتنظيم الأسابيع الثقافية والأيام المفتوحة للأسر مجاناً والغاية منها إدخال البهجة على الأطفال وتتضمن هذه الأيام المفتوحة الرسم على الوجوه للأطفال وتنظيم المسابقات واللعب وتوزيع الفشار ( الشامية ) والكيك والمشروبات الغازية والغاية منها هي مد جسور التواصل بين العوائل اللاجئة من مختلف الجنسيات وإدخال البهجة على نفوس الأطفال والتخفيف عن أسرهم .

لايقدم المركز أي بدلات مالية عن حضور الدورات ورسوم الدورات هي رسوم رمزية ( 5 دنانير  ) في الشهر عن كل دورة كما أن المركز لا يقدم أي وجبة طعام للمتدربين .

يقع المركز في وسط البلد بأول طلوع المسدار قرب وكالة شارب والمواصلات متوفرة وعنوان المركز على الأنترنيت هو :

www.alataacentre.com

ولا أبالغ أذا نصحت الجميع في التسجيل وأستغلال الفرصة فحقيقة دورات هذا المركز من أرقى ما حضرت من دورات علماً أني حضرت دورات في مراكز أخرى ولكنها لا ترقى لمستوى دورات هذا المركز من حيث الرصانة والجودة .

محبكم
طائر البرق

أخوية طائر البرقمشكور والله يبارك بيك ويوفقك ويكثر من امثالك وياريت  كل الناس الي تعرف شي عالدورات يكولون لباقي الناس ويدلوهم حتى يستفادون الناس وتاخذ حسنات
طبعا اني هسه داخل تلث دورات والله مااعرف اذا تردون وعدكم واهس واني انصحكم مثل طائر البرق ان تاخذون دورات اذا تحبون كل مااعرف دورة اكولكم بيها واذا تردون اسالللكم على دورات يمنا وين دناخذ بمدارس النظم بتلاع العلي اني سمعت اكو دورة A+ هسه اني داخل وحده مفيدة جدا راح تبدي السبت تردون اشوفلكم المسؤول اعرفه اني وسجلت هوايه ناس اعرفهم الي يريد يكولي حتى يدزلي اسمه عالخاص اسجله او يريد ادزله رقم المسؤول اذا مفتوحه يخابره ويسجل وتدللون واني بالخدمة الكم يا ورود
طبعا هاي الدورة الي بيها نفسها اذا صارت تسجلون بيها بيها باصات تاخذكم وتوديكم لأقرب مكان لبيوتكم وبيها شهادة وبيها امتحان دولي مجاني من سيسكو

[أبن زيونة]

مساكــــــم الله بالخيــــــر يااعضاء الگروب الطيبين .
شلونكم جميعا شخباركم ابن زيونه خوش مشاركات
ان شاءالله دائما هيجي.
ست فيوليت شلونچ ست اني اسف ست فيوليت مو قصدي
اناديچ ست . بس هو اسمچ ست فيوليت اني شسوي 
يعني هسه يا ست فيوليت شنو تريديني اكتب غير ست فيوليت
حسبي چم ست فيوليت كتبت بهاي السطر ونص ؟ (لونتهن) 
بس هاي هيه بعد ما اكول ست فيوليت راح اكتب  فيوليت وبس . اتفقنا .
وشكرا لكل الحبايـــــب الي تذكروني
حمودي
عمان2010
ابن زيونه
يس2007 (فكرتك كلش حلوه بس صعبة التطبيق اولا لان ماعدنه سطح واكو بعض المعيقات الصغيره)
وطبعا ما انسه الجنس اللطيف الي سوه طعم حلو للگروب .
كريت هوب
شموسه
توته الحايرة
بنت العراق المختفيه
وست ....... شوفو شلون نسيت
يابه والله انتي في ريعان الشباب والله يحفچ يا اختي اني اخوچ الكبير
والتحيه موصوله هنا لفيوليـــــــــت الورده (بس لتبلغين علينه) 
واعذروني على التاخير بالرد
يابا هذا الولد طائر البرق كاتب خوش مشاركه منو من الحبايب عنده معلومات عن هذا الموضوع؟
واذا محد عنده معلومات منو يطوع يروح يسأل ويستفسر . لو نروح مجموعه ؟ ياولد
اهم شي بالموضوع ( الشاميــــــــــة)

عموري الورد شلونك حبيبي شخبارك ان شاء الله بخير
اخوية هذا المركز هو كلش حلو ومنظمة زينه بس المصيبة اني بعيد عليه يعني يفيد اكثر شي الي عايشين بعمان الشرقية او قريبين من الدوار الثالث ابو شميساني همين شوية قريب عليه او ضاحية الحسين من جهة الحائق واشارته ترفكليتها هم شوية تفيده بس هي بطلوع المصدار 0اني داخل دورتين مال هندسة شبكات وصيانة حاسبات بمدارس النظم بتلاع العلي والفررع الخ بالجاردنز يم قاضي القضاة وبيها باصات تاخذنه وتودينه لأقرب مكان لبيتك يعني تنزل على الشارع الرئيسي وانت شوية تمشي وماخذ دورة بأكديمية جنيفا انكليزي بالجاردنز يعني نهاية الجاردنز يم دوار المدينة هاي عليك النقل بس قريبة عليه وبالسنتر لهوايه مناطق صايره يعني فاذا تردون اي واحد وحده منكم بهذا الكروب الحلو انه من تجي دورة او اسمع دورة اسجلكم انطيكم ارقام تسجلون اني حاضر وبالخدمة سجلت هوايه اقارب واصدقاء ويايه بهاي الدورتين واكو هواهي مراكز بيها دورات من اتاكد منها انطيكم باص مو سرفيس ;Dحتى تسجلون وتستفادون وتدعولنه
تحياتي
بس عموري طلب صغيرون من اخ عزيز وانت على راحتك طبعا تنفذ هذا الطلب متنفذ بكيفك
بس رحمة على والديك توقيعك هذا ابو الصورة الماسي متغيره اذا تكر والله كل مااشوفه ينقبض قلبي وتجيني كأبة  :'(وهاي حرية شخصية الك تحب تبقي تحب تغيره مو تدخل مني بس اسمك حلو عمر يرادله صورة وتوقيع حلو
ولتزعل مني اخوية ترى انت على راحتك واني احترم اراء واذواق كل الناس بس والله كمت كل ماانزل من يم اسمك افز  ;Dمن التوقيع

[بنت العراق 84]

يا هلا بابن زيونة اكولك شنو القصة توتة الي يمكم شنو شالت وجتي لهنا شو احنة صار كم يوم اكو فد طفلة يا ياااااابة مدندري الصوت منين ديجي اني وتوتة اختي متعجبين عليها على فد عيطة ما ادري هاي منين ظهرت فجأ  

[أبن زيونة]

ها بنوتة عيني يوصلون خطاركم بالف سلامة
شفتي بالله شلون احنا جنا نشيطين؟
اكولج بعد ماعدكم حجة من راحو الخطار نسويلنا لمة حلوة ونكعد نتعرف على بعض
شلونك عموري عيني؟
ها وين يابة شو كلها صايرة تختفي؟
توتة وينها؟ مشتاقيلها ككلش هواية
شموسة حبي شخبارج مشتاقين
فيوليت وينج حبي
حمودي وياس وعمان وفي اي بي
وابن زيونة شخباركم كلكم

هلو عيني كريت هوب اني الحمد لله كويس كويس على كولت اخوانا المصريين انتي شلونج ابنج الصغيرون شلونه ان شاء الله بخير
تحياتي

[بنت العراق 84]

توتة توقيعج الجديد كلش حلوو عمي ناس اتلعمت شلون تسوي تواقيع بخخخخخخخخت

[أبن زيونة]

هلو عيني بنت العراق شلونج شخبارج
ههههههههههههه والله توتة الي يمنا موجودة بس صارلها يومين من حجيت عليها يمكم الله ذب عليها كل العقل بيها مااعرف مريضه او الله هداها علينه
هاي توتة الجزء الثاني يمكم ودائما انتي تعرفين كل فلم رعب بي اجزاء الجزء الثاني اقوى من الأول وهكذا يعني انضربتوا بوري
احنا اليوم فيكة جديدة بالأزعاج اكو فد حمار حشاكم مشتري من هاي الفوفوزيلا   هسه اكو منكم يكولون شنو هاي سيارة لو لفة من هارديز (الفوفوزيلا) هي البوق مال التشجيع الي موجود هسه بكأس العالم وتسمعون صوته بمباريات كأس العالم الي يشوفها وهسه من داكتب الحمار كاعد ينفخ بي وصطر اهلنه من الظهر ليهسه كاعد يعزف الخبل مجدي وحطوا لحمه بيده وجماله الي بالعمارة المقابيلها اكو همين كديش عدهم حشاكم ديرد عليه ابوق صوته اقل وصايره سمفونية مال اصخوله حشاكم شكلي راح اطلع اسويهم دولمة اذا مراح يسكتون
سلامي

[أبن زيونة]

منين ابدي منين انتهي كومة كومنتاااااااات

اول شي مبروك لاخو amman2010 وياربي الله يسهل عليه وعليك وعالجميع يارب ومبروك التمرين الجديد هم مال الحديد ذكرتني باخوية اكبر مني ب6 سنين هم اجتي يفترة لح وية الحديد جنت اني نونية بعدني جان يكولي تعاي اتعلكي بزندي ويبقة يصعد وينزل بايدة حتى تقوة العضلة مسويني دنبلصات هههههه شلون ايام حلوة

وعمر خربت ضحك على البوكة مالتك بالعقبة يعني مختصر مفيد طلع النعال الي اشتريتة اغلى نعال بالعالم صعار عليك ب146 دينار اردني يعني لو نعال مال بيكهام هم مو هالسعر هههههههه يجوز وكعت منك اثناء مدتطلع الفلوس!!!!! هي صدك الواحد شكد يصرف مينقهر بس من ينباك منة شي او يفقدة يضيعة يبقة كل شوية يتذكرة لان يحس راح من دون رضاتة يلة الله يعوضك اضعافها ان شاء الله

شلونج حبي مس فيوليت اني هم عمري 26 طلعنة نفس الدفعة حبيبتي والله يعينج هم شغل مومهم نونو همة الجهال ينرادلهم خلك وصبر ان شاء الله يكبر ويعقل ويصير حباب

ابن زيونة شنو القصة شنو رفضت امريكا شنو تريد ترجع لالالالالالالالالا يمعود اصبر واكعد ترة كلنة ماليييين بس مع الاسف الوضع حاليا اببد مو مال رجعة  بعدين ترجع وتعوف توتة الشريرة وحدها براسمن تعيط بعد وراك؟؟

حمودي اني زعلت ليش مملكيلي شغلة بالمطعم مالتك زين حطني اني عالحسابات عفية    اني امينة مؤتمنة بس اذا احتاج شوية هدوم فد خمس علب مكياج فد 10 احذية و 5 زجاجات عطر عود اخذ من الخزنة سلفة فد ب مليون دولار وانت قسطها من راتبي  كل شهر 10 دولارات  ها شكلت اتفقنة؟؟؟ترة عرض مغري جدا فكر بالموضوع

شموسة حبي والله مو عالكل الامنية هيجي تتاخر شو ناس وناس ناس ما شاء الله بشهر شهرين تطلعلهم اذا مو اقلبس ما ادري ليش ناس هيجي ياخروها شنسوي شبيدنة غير الصبر

حبي كريت هوب شلونج مشتاقون جدا ان شاء الله نسويلنة طلعة شنو هاي غرنة من الولد ياكلون خيار ويشربون كهوة واحنة كاعدين صافنين هههههههه

اخ طائر البرق شكرا عالمعلومات الي انطيتنياها بخصوص الدوراة شكرا جزيلا الك

شموسة شلونج حب شوكت يروحون خطاركم؟؟؟دنسويلنة طلعة على عناد الشباب والطلعة متكممل الا بيج حب

yis2007 خوش مشروع بس اني من هسة ما اشترك لان اموت من السمك واموت من ريحتة ومن طعمة بس اذا سويتو اجي القي نظرة عالمشروع واقص وياكم الشريط وارجع للبيت ركض ههههه والله ليش لا اي شي يلهي ويجيب وارد احسن من الكعدة خاصة الكم انتو الولد عالاقل احنة شوية نلتهي بشغل البيت الا انتو شيكضي الوكت

vip وضاع الوطن والرسام ومنو بعد يارب ما اكون نسيت احد شلونكم كلكم ان شاء الله بخير؟؟؟

سوري طولت بالكومنت بس هاي ضامتلكمياها مال شكم يووم

كل الهلا بيج بنت العارق شلونج شخبارج كيفك ;Dبالعردني هاي
عيني اني رفضت اروح لأمريكا والله ظروف قاهرة والا اني تحضرت وصارت معاملتي كلها ويه موعد السفر ب5 اشهر شلع بس سبحان الله مرهمت والحمد لله والعراق اني اساسا" الله لأن مهدد بالقتل والخطف شلع همين ;Dلأن ربع عشيرة ابوية انكتلوا والربع الخ انخطف واتعذب والكوا واكو بيهم بعدهم والربع الخ فالت مثلي الله ساترعليه وكرمه والحقيقة اجله مجاي بعده فياريت اكدر ارجع بس العراق بالنسبة الي بعد عشرين تلاثين سنة مااكدر ارجعله الا في حالتين رب العالمين كال كن فيكون وهو قادر على هذا الشي يغير وضع العراق وتتغير اطباع الناس او ارجع بتابوت  والله يرحمنه برحمته
صدك بقى ربع من العشيرة مكلته هذا الربع الخالي ;)مو عبالكم غير ربع يمعودين ترى ماعدنه هيجي سوالف

[أبن زيونة]

مساء الخيررررررر على الجميع اشلونكم اخباركم ما شاء الله كلها نشاط وحيويه وتعليقات
حبيبتي كريت هوب اشلونج تشتاقلج العافية اسكتي وخليها راحو الخطار بس مكانهم والله خالي بس شنو يرادلي يومين بس راحة و نوم لان فريتهم عمان كلها وجايين من بغداد وما احجيليج ابد مايحبون السواكة ويريدون يشترون هدايا للعشيرة كلها هههههههههههههههه ان شاء الله على الاسبوع الجاي نتخابر على الطلعة اذا الله راد اشلونه ابنج؟؟ بوسيلياه وحبي ماكو طفل عراقي مو حرك الله يحفظه الج عاجبني اشوفه احب الاطفال كلششششششش
عيني فيوليت اشلونج اخبارج ويه المعهد؟ يارب اتكونين متونسة وبنتج اشلونها؟اشكد عمرها الله يحفظها
شموسه شنو اخبارج مابين شي على شغلتكم؟؟يارب كل الخير ...انشوفكم قريبا يارب
عيني ابن زيونه طبعا اسم توته ابدا ماله علاقة باسمي الحقيقي اصلا ماكو باسمي خرف التاء هههههههه بس اشو الاهل عجبهم دائما يصيحوني بي هسة فوك القهر جهال اخويه ايصيحوني عمة توته هههههههههههههههه بس هاي توته جيرانكم عكسي تماما بس المسكينة بس لا بلاعيمها طكت من العياط   سلامي الى زوجتك وان شاء الله موفق بأمتحاناتك
عمر اني هم عجبتني فقرة الشامية يمكن راح اسجل من ورا الشامية هههههههههههههه بس الموقع مال المركز اشويه يمكن بعيد ومشكور طائر البرق على مشاركتك
حمودي همزين لكيت صديقك ان شاء الله عنده العافية بلكي لعد احنه البنات من نتشاوف ايكون وجهنة خير على الكل يارب ....اخوانه الباقين يس وعمان وVIP ان شاء الله الجميع بألف خير

يمعودين اخبار جديدة وحلوة انريد والله يسهل على الجميع

هلا بأختي توتة الحبابه  شلونج امورج  وصدك الله يعينج عالخطار اني قبل فترة همين هيجي جويلي من كل الدول من اسبانيا وفرنسا وسوريا والعراق بس الواحد يتونس ويه كرايبه ويتعب همين خوبن زوجتي ادمرت من الأكل وهي اكلها طيب وتحب تطبخ وكله تنظيم بالكل والأعداد شغل مطاعم درجة اولى والله هذاك اليوم عزمنا كرايبنه من فرنسا جايين على ريوك كاهي وكيمر وستلج فد ميز خرافي حتى كرايبنه كالها شنو انتي بفرنسا ميسوون هيجي تنظيم وتنسيق
والله يسلمج ان شاء الله يوصل سلامج ومكشورة على دعائج الله يبارك بيج ويفوقج
تحياتي

[أبن زيونة]

هلا بحبي توتة والله اني هم من الضوجة وداعتج حتى ما يعجبني اطلع ومن اطلع بس اضل اصفن واكعد العب ابني
اني شغلتي متعروجة من يومها
ملفي تحول للتوطين شهر واحد 2010 وليهسة كلما اخابر يكولولي تحت الدراسة يعني ما متحرك خطوة واحدة
الحمد لله على كل حال
حبي توتة يلا خلي نسويلنا طلعة حلوة حتى نتعارف بيها

عيني كريت هوب وتوتة وكل الموجودين ترى اني سجلت بالمفوضية من ال2007 ملفي بالحماية مع العلم اني متعرض الخطف والله سترني وفلتت وتهديدات بالقتل  وانقتل عمي ونص ولد عم ابويه انخطفوا وانقتلوا والنص الخ تهجروا من مناطقهم والي فلتت برا مثل حالتي وكله موثقة وعدهم بملفي وملفي تحولللتوطين ب2008
وبشهر الرابع 2009 يلا انطوني توطين لأمريكا يعني حوالي سنة وشوية بالتوطين يلا حن قلبهم عليه واني مااريد اهبط معنوياتكم بس هسه احسن الشغلة وخاصة الي مسجل جديد لأن قبل جانت معظمها تمشي بالفلوس تنطي فلوس وتطلع واكو طرق غيرها وناس سووها بس مع السف ميعلموج وميكولولج وين وشلون هاي مصيبتنا العارقيين محد يساعد الخ مو الكل طبعا اكو ناس طيبه وخيرين يحبون المساعدة واكو ناس ومع الأسف صاروا اغلبية ميساعدون فأنتي ياكريت هوب انطيهم فكه شوية بعدهم ه كالوا يالهل عدهم ال6 اشهر والسنة هم يكولج احنا ندرس ملفج والي حالته اقوى منج يتوطن اسرع اني صارتلي شوية خبرة وياهم لأن اني شكيت حلكهم بالعراكات والحجي والاسئلة وهالكد محطيتهلم اوراق بصندوكهم فعادي الشغلة بس هسه الي ديجي يسجل دتمشي معاملته اسرع وخصوصا" الي على الIOM لم الشمل او الي مشتغلين ويه الأمريكان اني عندي كرايب زوجتي صارلهم 3سنين مقدمين بسوريا جانوا وكلشي مطلعلهم جوي العام بشهر ال11 سجلوا على المنظمة وعلى المفوضية هسه دينتظرون موعد سفرولد صديقي صارله من شهر الراع جاي قابل مقابلتين وه وجماله هذاك اليوم يكولي والله طولت مال المحلفين كتله اسكت لا اصمطك كله  هسه افلش سنونك الله يساعدنه احنا وراه كم سنة يلا قابلنه
وهمين مو كل الحالات دتمشي بسرعة اكو حالات صارلها مسجلة اكثر من 8اشهر وبعدها كلشي ماكو
الله يفرجها عالكل وان الله مع الصابرين
اسف طولت عليكم اعذروني بس حبيت افيدكم شوية
سلامي

[بنت العراق 84]

لا هذا البوق مال مشجعين كاس العالم خيالي حتى المعلق الرياضي هم يكول كلش مزعج ما ادري شبيهم هالسنة بس يطوطوون
هاي هية لعد مادام سكتت توتة اليمكم وصار كم يوم مالها حس يعني اجتي لهنا احتمال جيرانة كرايبهم وجايين زيارة يمهم ودتشجينة بصوتها
لتكول زوجتي طباخة ماهرة ترة حمودي وعمان 2010 وعمر عراقي هسة يكولولك لعد احنة باجر جاييك لاربد نتعرف عليك اخونة حبيب قلبنة ابن زيونة ههههههههه
وشنو قصة الازعاجات بمنطقتكم الله يساعدكم يمكن همة ديسوون بيك هاي الحركات حتى تسافر

[أبن زيونة]

عيني بنوته هذا البوق مصيبة وشكلهم جهال صغار لمحت واحد زغج صغير البوق اطول منه هذا شتردين تسويله واذا الشباب اتعرف عليهم كل مااروح يمهم اخذله اكله صغيرونه ويانه ونخليهم يدفعون جم دينار لزوم التجهيزات
هلو كريت هوب شلونج شخبارج منورة الكروب
هسه خلي نمسي عليكم واحد واحد كروبنا الحلو المعدل والله معدل من ساسه لراسه
الوردات
كريت هوب
توتة الحبابه هاي من عندي الحبابة مو غيرت لقبها   بس صدك توتة ليش متسوين اسمج  عمة توتة الحبابه اسم موسيقي
فيوليت اعوام تمضي والدنيا اسرار ههههههههه اغنية الليدي اوسكار كل مااقرا اسمج اتذكرها
بنت العراق الوردة عيني والله اني مو بأردب بعومان يعني بعمان واني حاضر للكل يوم ننجمع اذا تحبون ونسويلكم احلى واطيب انواع الطعام بس جيبوا اللحم والدهن والدجاج والسمج وقنينة غاز ومعجون الباقي علينه والبيبسي والسفن همين عليه شتردون بعد
شموسة الغالية
الشباب الراقية
عموري الفنان
حمودي الرشيق
عمان2010
ياس الأربدي الوردة
في اي بي
رفيقي بالنضال ضاع مختفي وضل بالي عليه دادك على رقمه بعمان مفصول مااعرف رجع للعراق بس حتى لو رجع ماكو مديدخل الله يحفظه ويكون بخير وسلاممة والله يستر عالكل
شلونكم عيني شخباركم اليوم كضيت الظهريه كلها اجاوب واقرا سوالفكم الحلوة بس يمكن مجاوبت على جم موضوع لأن طفيت ومنايم من البارحة يعني صاير برباشاطر
شكو ماكو اموركم مبروك عيني شموسه تستاهلين كل الخير انتي والكل والله فرحتلج واني ان شاء الله مدانساكم بالدعاء بصلاتي بس مو كل مرة حتى لا اجذب بس من اتذكركم راسا تنطكون بدعاء من اخ يحبكم ويتنمالكم كل الخير
نشوفكم باليل ان شاء الله اذا كدرت ادخل وافتح على المنتدى
تحياتي وسلامي للكل

[بنت العراق 84]

هلو حبي كريت هوب شلون الصحة اني بخير الحمد لله ماكو شي جديد نفس الوضعية الرتيبة
صدك اشو ضاع الوطن ماكو لا هو ولا الرسام خاف ضاع الوطن ضاع ومديندل شلون يفتح المنتدى
يابي يكون ملتهي بالخير ان شاء الله
اسفة ابن زيونة خربطت بينك وبين يس2007 عبالي باربد سوووووورررررررررري
لعد  هاي هية مطلوب عزيمة وحتى بطل الزيت هم انجيبة ويانة بعد شتريد
تحياتي

[ابو الفوارس]

مرحبا شباب بنات شلونكم ان شاء الله الكل بخير وصحة وعافية


اني بالاردن ومقدم على اليو ان صار 6 اشهر اتمنى تقبلوني بالكروب وتنورونا بمعلوماتكم

ابو الفوارس وهذا ايميلي baghdadirq@yahoo.com

تحياتي للجميع

[بنت العراق 84]

اهلا وسهلا بيك ابو الفوارس بكروبنة نورت الكروب وان شاء الله وجهك خير علينة ووجهنة خير عليك وتسمع اخبار تفرحك وتفرحنة وياك
تحياتي
بنت العراق 84

[بنت العراق 84]

شو اليوم وحدي اني افتر بالكروب وينكم شنو خميس كلكم طالعين بخخخخخخخخخت هههههه احنة عالفر الي افتريناه الايام الفاتت كاعدين بالبيت اني وتوتة مابينة حيل نطلع

[ابو الفوارس]

شكرا بنت العراق84 النور نورج ان شاء الله الكل تسمع اخبار مفرحة

ابو الفوراس

تحياتي

[amman2010]

مساء الخير لاحلى اصدقاء باحلى كروب, مشتاقلكم والله واسف صار يومين مشغول شويه. بس قريت كل المشاركات احلوه اللي فايتتني.

اول شي احب اسال على ضاع الوطن والرسام لان بالنا يمهم شو صار فتره ماكو انشالله ماكو الا الخير.

في اي بي 2010 شلون الوضع؟ تسلم عالتهنئه وانشالله نشوفك قريبا.
عموري المفروض نغني ل في اي بي مو منين طلع القمر خلي نغنيله منين طلعت  هالشمس هههه. شلونك صديقي مشتاقين.

حمودي فكرت المطعم عجبتني والوطيفه الجديده بعد اكثر اكو واحد ميحب يعد فلوس ولاتدير بال اذا تنباك اجيبها اجيبا ولو هيه مادام حلال متضيع.

كريت هوب شلونج اختي انشالله مرتاحه. تره مو تنسيني اذا صرنا بنفس الولايه وسويتي مشروعج حسبي حسابي.

توته شلونج خوما بعدج محتاره؟ اتوكلي على الله. اني زين الحمدلله اسال عليج والله يوفقج للقرار الصحيح بالوقت الصحيح يارب. اقولج مااحجيلج هذا ماخذ صورتين بس كلفته طن رزايل وشهر بالاحداث هههه واضحكج بعد يريد مني جداحه يريد يدخن العينتين بين القضبان!!

شموسه شلونج الختي العزيزه الف مبروك والله فرحتلج انشالله تخلص الشغله كلها باسرع وقت وتصيرين محدثتنا من بلاد العجائب ههه.
ابن زيونه لو عندي مثل توتكم الشريره جان ابيع البيت والله ماطول بي جم يوم واذا ماجر فيمكن اطلع بنفس اليوم والله انت بالك طويل اخويه وشكرا على سؤالك الله يفرح قلبك انشالله.

ميسش فايوليت موزين تحسبين ايام تره متعب كلش هيجي وخلي ننظر للحياةغير منظار خوما خلصت الدني وزخاصه انتي اللون المختارته حلو ولون الدنيا لازم يحلى بعينج والايام الجايه احلى واحلى انشالله. طمنيني شلون اموركم انشالله كلشي تمام؟

كريت هوب اني صح بديت الكروب بس  والله انتو اللي حليتو وكبرتوا وخليتو ينجح بهالطريقه باخلاكم الطيبه ونفسيتكم الاطيب وكلامكم الراقي فاني اللي اشكركم كلكم.

طائر البرق شكرا لمشاركتك المفيده واهلا وسهلا بيك بكروبنا.
 بنت العراق شفتي بالله اني هم شفت المشاركات اتفاجئت هاي كله صار واني ماكو! شلونج اختي العزيزه انشالله تسرع امورج والله قريت صارلج فتره مو قليله بس الله كريم والله دائما اندعي للجميع وتسلمين عالتهنئه ويوم اللي تسمعون تلفون حلو قريبا.

اني بخير الحمدلله وماكو جديد بقضيتي والله ارحم الراحمين. تصبحون على الف خير وانشالله شهر خير للجميع.

راجعين

[doori]

مرحبا
اولا ارحب باالخ العضو الجديد ابو الفوارس واكلك عيني 6 شهور بعدك جديد تره  ;Dاني صارلي من 2007 مخضرم يعني هههههههههههالله يسهل امورك وتعال انضم للكروب مالتنا بشارع الوكالات كل يوم خميس هههههههه
شلونكم شباب وبنات عيني بنت العراق اذا زوجة اخونا ابن زيونه طباخه واني مستعد اسوي مباره بيني وبينها وشوفو منو اكله طيب تره اخوج حمودي من عمره 7 سنين داخل مطبخ ويعرف كلشي وكلاشي وهم دراستي الاولى قسم مطبخ بمعهد السياحه والفندقه يعني خوش دولمه اسوي هههههههههههههه
عمه توته ماكو عمه توته وين رايحه اليوم عمه توته شلونج عمه توته اني بخير عمه توته تصبحين على خير 
اليوم انطيكم التقرير الاسبوعي مال نشاطات شارع الوكارت
جنت بالجم جان يخابرني اخوكم vip2010 كلي انت بالجم كتله اي كلي خوش جايك اني كتله اوكي كملت جم طلعت لكيته منتضر ني خطيه شو دنتمشه ونلكي اخونا عموري هو واقاربه جان نصير 4 افترينه طبعا شربت كهوه اني وجان اخونا vip2010 خابرو اعتذر وراح وبقينه اني وعموري واقاربه جان يعزموني على بيتززززززززززززززززززززززززززا بلبناني سناك بس لا احد من الكروب يطلع ويكول احنا همين جنا هناك تره اتخبل  المهم كلولي نوصلك كتلهام وين فدوه هو اني تعشيت غير اهضم ومشي للدوار الخامس من شارع الوكالات حييييييييييييييييييييييييييييل بعيده مو بس شنو اخوكم يموت على المشي وهسه كعدت على الانترنت
هذا موجز اخبار الخميس قدمه لحضراتكم مراسل عينكاوه حمودي بشارع الوكالات و سنوافيكم باخر الاخبار الاسبوع القادم
انتهى الموجز


نرجع للحبايب اني ما قريت كل الي موجود بس قريت مباركين لاختنا شموسه خير يا رب خبر مفرح الله يسهلها يااااااااااااااارب على  الجميع عيني ابن زيونه هسه اله تكتب كاهي وكيمر ادري دكول هذا حمودي المسكين عزابي ما احجي كدامه هيج حجي واقهره ههههههههههههه الف عافيه اخويه
اليوم اخونا amman2010 مشغول الله يعنيه ولو مكانه فارغ والله
مس فوليوت هم ماكو سلامي الها
شو ضاع الوطن من راح للعقبه انكطعت اخباره اخاف طيارته جان من مطار العقبه فدوه دشوفونيا اصار مصار ويا يا رب يكون التأخير خير يا الله
كريت هوب ما انساج واسال عليج اختنا العزيزه شلونج شخبارج شخبار ابنج قبلاتي له والله يحفضه ويخلي يا رب
اذا نسيت احد اي احد من اخونه او خوتنا فاكله اعتذر لكن انت في القلب معشش



تحياتي للجميع


اخوكم
حمودي

[amman2010]

هلو ابو الفوارس كل الها بيك بكروبنا وانشالله مشاركتك خير عالجميع وجهنا خير عليك انت يمكن مقدم بنفس الوقت اللي اني قدمت بيه الله كريم وانشالله تفض بتسرع وقت على خير يارب. خلينا نشوفك فد يوم ونتشرف بمعرفتك

[شموسه123]

هلووووووووو اشلونكم حبايبي
شلونج كريت هوب وبنت العراق وتوته شلونكم ياحلوين اشو مس فيوليت ماكو
شلونكم ابن زيونه والدوري وعمان 2010 وياس وعمر العراقي

واهلا وسهلا بيك ابو الفوارس نورت كروبنه عيني

اختكم شموسه123

[توته الحائرة]

هلووووووو جميعااااا هاي اشكد كاتبين صار ساعة اقرا التعليقات هههههههههه عاشت ايدكم يا احلى كروب
حبي كريت هوب اني موجودة والله ماعندي اي نشاطات كاعدة بالبيت وساكته انتي اشلونج اليوم؟؟؟ بنت العراق حبي كدامج الصورة مال التوقيع عيني والبركة بيج انتي علمتيني اشلون احطها (كومبيوتريه مو بيدج) احلى شي اكتب تعليق لبنت العراق وهي بنفس البيت ويايه هههههههههه....شموسة اشلونهم خطاركم ان شاء الله صحة خالج احسن هسة؟...فيوليت ماكو طمنينه عنج عيني
اخونه ابن زيونه ما شاء الله نشيط ومشكور على تعليقاتك الحلوة والله اني هم سمعت على جنيفا واذا الله راد يمكن اسبوع الجاي ادخل دورة ICDLحتى امتحن وراها
واخيرااااااا مؤسس الكروب عمان2010 ظهر يا اهلا وسهلا واشكرك على دعائك والله يوفقك انته هم ويوفق الجميع يارب...هذا سينما الحرامي مال العقبة همزين ماكلك اذا ممكن قميصك ههههههههههههههههه
حمودي عمتك توته زينه ههههههههههههه ان شاء الله بعد كم يوم صيحولي حجيه توته ههههههههههههههه والله كاعدة وساكته اني وبنت العراق والاهل بالبيت ماكو نشاطات ....بالعافية الطلعة مالتكم واهم شي اكلتو بيتزا ....زين ابن زيونه كتب كاهي وكيمر اشو انقهرت لعد لو اكتبلك (دووووولمة و برياني و مقلوبة وتبسي دجاج و كبة وكليجه) اشراح اتسوي
هههههههههههههه اخويه حمودي لاتحقد عليه ان شاء الله تاكل كل هاي الاكلات
عمر عيني كله شارع الوكالات وبيتزا بعد شتريد الفففففففف عاااااااافيه ...اشلون صارت عينك؟ ان شاء الله احسن
اخونه ابو الفوارس اهلا وسهلا بيك ويانه وان شاء الله موفق

تصبحون على خير جميعا وان شاء الله جمعة مباركة على الجميع

[عمر عراقي]

ايييييييييييييييه ياقوة الله.
السلام عليكم جميعا .. جميع واحد مقدم UN توطين (هاي اللغه مال فيترية الصناعية اخوكم تره مجرخ مدكدك)
حبيبي ابن زيونه راح ابدل توقيعي بس تعرف كله لخاطر الربع (الخالي طبعا) بس لو تكولي هو جان مليان شلون صار خالي (وانا حر فيه) 
عمه توته المحتاره شنو هاي عمه توقيعج يملخ . واشكر سؤالج على شخصي المؤدب.
بنوتة العراق شكرا على سؤالج ومشاركاتك كلش حلوه وانتي اصلا حبابه واختج الچبيرة حبابه وكلكم حبابين ومكانچ فارغ اليوم مرة الثانية تعالي انتي وعمتنه توته وكريت هوب وفيوليت والدعوة عامة
كريت هوب امنياتي نابعة من القلب من شغافه واذينه وبطينه لكي بالتوفيق وبووووووووووووووسه للبطل ابنچ الصغير 
شموسه شكرا على سؤالچ وان شاء الله موفقين وشايفين كل الخير
هسه نبلش بالشباب
حمودي قبل شويه شفته وكعدنه لطينه بيتزا سوى وشارع الوكالات اليوم يضوي لان حمودي وVIP2010 موجودين هناك .
عمان2010 حبيبي الورد اليوم مشفناك ان شاء الله باجر نتشاف ونكعد ونتمشى ونوكف
VIP2010بعد غياب اكثر من اسبوعين اليوم التقينه وكنت جدا مشتاقله والله ورده ويذكرني باخويه الصغير.
يس2007 شلونك حبي وشخبارك مشتاقين لتعليقاتك الحلوه
ابن زيونه اليوم منور بتعليقاتك والفوفو زيلا وصل لعمان؟ خربت الوضعيه لعد شلون راح انام منا وغادي والله فوخان فوق المستوى العالي.
واهديلكم اغنية تحياتي الك وين انته موجود واهديهه (لملفي)

[doori]

صباح الخير ...
شلونكم شو اليوم اني على اساس جمعه وما ادري شنو كاعد بالسبعه وخمسه شنو السالفه يمكن من وره الحلم المزعج الي حلمته والحمدلله جمعه مباركه للجميع يا رب
عموري اخويه هاي اكو واحد عضو بعين كاوه طلع ناطي نفس الكارت مالتك اسمه lion1977 واني هسه ما مستغرب مثل قبل يمكن سستم جديد بال un الله يفرجها عليك يا الله
بنات شلونك وحده وحده بدون ذكر اسامي
شباب شلونكم هم بدون ذكر اسم لحد يزعل
لان شو كاعد ومن وره الحلم شويه متضايق ولو اول ما كعدت صليت وقريت قرآن والحمدلله

الساعه هسه 7:51 دقيقه الصبح


محدثكم حمودي من عين كاوه

[amman2010]

صباح الخير يانوووووره  تتذكروون هيجي شي مدري وين جان يطلع منو جان يقول هيجي اللي يعرف يرفع ايده .

شموسه اني الحمدلله زين واليوم انشالله البرازيل اتفوز كوووولو امييين. في اي بي 2010 هم برازيلي يعني اذا خصرنا مااحجيلكم شيصير, هيه ناقصه!!

كريت هوب شلونج عيني؟ طبعا اسمج كلش حلو  انشالله  يتحقق الهوووب مالتج سريعا وتبنين لابنج احسن مستقبل يارب.

تووووته تسلمين عيوني شلونج انشالله بخير. اسم توته كلش حلو ونازك واني يذكرني بحجايه اقولها مرات ياحوته يامنحوته  على نفس القافيه خاصه لمن اشوف احد ياكل هوايه قدامي اقوله شنوووو حوووووته وبعدين اقوله ياحوته يامنحوته  .

انشالله عطلة نهاية اسبوع حلوه للجميع. لاتفكرون عطله اليووووم 

[بنت العراق 84]

صباح الخير عالجميع جمعة مبارك ان شاء الله وباجر يبدي اسبوع جديد يحمل معه المزيد من التفائل
شلونهم البنات الحلوات كريت هوب ومس فيوليت وشموستنة الورد

اما الشباب بخخخخخخخخخت عيني سبع سبع عافيات عالبيتزا وبعدين شنو انتو عدكم نسبة من شارع الوكالات شو كل خميس هناك

حمودي اذا انت هيجي طباخ ماهر لعد شكو أموتنة تريد دولمة هسة لازم انت تسوي دولمة وتضوكنة ننطيك رأينة بيها وبالنسبة للحلم كول ان شاء الله خير ياربي لعد اني اخربكم ضحك شحلمت اليوم حلمت دا امشي بمسيرة ونغني موطنيييييييي موطنيييييي بحيث كعدت صوتي مبحوح شكد عيطت بالحلم كتلتها لروحي بالمسيرة وفوكاها حاطيني اول وحدة بالوجه ههههههه

تسلم عمر على كلامك الحلو وشلون صارت عينك هسة؟

عمان2010 شنو هذا الحرامي الي باكك متكولي شنو جنسيتة؟؟؟شو يريد جكاير وتورثلهياه لازم شو كلش ماخذ راحتة الاخ اني دا اتذكر هاي الاغنية صباح الخير يا نورة صباح الخير يا نورة واتذكرها قديمة بس مدا اتذكر منو المغني راحت علية الجائزة مع الاسف واني برازيلية مثلك بس اذا الارجنتين اخذت الكأس هم ميخالف هم احبهم

[amman2010]

هلو بنت العراق صباح الخيرات. اي وداعتج كلش مسيطر بس لا بيني وبينك هوه اصلا فد واحد زقج عمره 17 بس اتقولين عمره 12 ورايح مهتلف يقول من الرمثا والله اعلم!

اي الارجنتين هم حبابيييين ههههه شعدكم سوالف البنااااات  .

تره اني مو مثل الجماعه يعني ماعندي كل تعصب للوكالات بالعكس ياريت يغيرووووون الربع (هنا متجي الخالي)! لان الواحد حلو يشوف عدة اماكن ويجرب مطاعم ومكافيهات وكعدات ويغير وجوه شو كل مره نفس العالم رايحه جايه عبالك تدريب عدنا!

عموري صديقي نست اعلق عالوكفه هههه اي عادي حبي ليش لاناخذ ركن وين متريد بس مو نتحارش بالعالم ها كلمن بحاله واني رجال عاقل وانت هم اكيييييد . والله البارحه فاتتني روحتكم ولو صارت ملل الوكالات شويه بس المهم شوفتكم شخبار الفلم مال ذاك اليوم؟ بلكي نرتبلنا روحه للسينما سوه قريبا.

راجعين

[doori]

مرحبا
هلو عيني بنت العراق لا الحمدلله الامور تمام ونسيت الحلم بس حلمج مو طبيعي وطنيه انتي لعد خوش خلي نطلع مظاهره وانتي تقودينا بس اكو شي مشترك بيني وبينج الي هو اني هم اصيح بالنوم  و مرات افز على صوت صياحي لو اضحك بصوت عالي اكلج سكتي وخليها من اسوي هيج شي اكوم اضحك على نفسي اكول بالله الجيران شيكولون الواحد ديضحك لو يصيح الفجر 
بالنسبه للطبخ عيني اني اطبخ وابطن عيني شيف حمودي جاهز بس الاكلات القويه مثل الدولمه القوزي وهيج شغلات يرادلها كعده ولمه مو تمام مو حلوه الواحد ياكل بحده
صديقي amman2010 شو معاجبك شارع الوكالات هاي شطلعت افتحلكم شارع بحدنا بس والله نتونس وقريب على الكل يعني قريب عليه وعليك وعلى عمر لو اني غلطان؟
جمعه مباركه للجميع


حمودي

[بنت العراق 84]

حموووووودي اني قصدي اصيح بالحلم يعني بداخل الحلم مو بالحقيقة
شمدريني شجاب هالحلم ببالي وأعيط واصقل موطنييييييي موطنيييييييي الجلال والبهاء والما ادري شنو في ربااااااك في ربااااااك تخيل اني بالحقيقة محافظتة للنشيد بالحلم شلون غنيتة كلة ما ادري

[عمر عراقي]

اهلا حبايب شلونكم شخباركم مشتاقين
الحمدلله والشكر عيني شويه احسن واشكر كلمن سأل عليه.
واخيرا طلع واحد يشبه شغلتي واني محتار صارلي كومه افكر..
المهم طلع هذا النظام الجديد وچماله ديمشون القدماء الي مقدمين من 2005 و2006
واني شفتهم كاعدين من رحت للمقابلة الاولى
يعني روحو نامو .. يعني راح يمشون القدماء ويعلسون الجدد 
واحنه حاليا ضمن المعلوسين    
يله المهم ديمشون احد وطبعا جماعة 2005 و 2006 و 2007 خطيه الله يكون بعونهم
ويسهل امورهم ويسهل امورنا جميعا 

[amman2010]

ها عموري هاي شنو شغلة عينك ماقريته بالاول والله عندك العافيه اخابرك اليوم. هاي مضروب عييييين ماتقبل غلط .

شغل التربونات وانت هم ارقعهم فد عين موطبيعيه وعلى الباغي تدور الدوائر  .

بنت العراق والله هاي اشو الاحلام كلها صاير بيها طابع وطني اني حلمت قاعد بوسط ناس كومه عبالك بملجاء ودننتظر صافرة الانذار لان قالوا حتصير غاره على بغداد زين هسه اشجاب هالشي بالعقل الباطن وحلمته مااعرف وقعدت فد ضايج. بس شكله هاي من انتي حلمتي بالنشيد الوطني يعني خلصانه الغاره او صديناها ورجعوا الى مدري شنو خائبين هههه. الله يلطف بينا على الحجي احنا صايرين فد مره يعني مستوووين كلش.

راجعييين

[doori]

مرحبا
عيني بنت العراق ادري بالحلم مو بالحقيقه اني الي يصير ويايه مرات احلم وبالحلم اصيح على فد شي واكوم فاز من قوة صوتي لا راح اضحكم فد مره اني ببغداد وعندي فد اخ حشاش درجه اولى المهم جنت نايم على القنفع الضهر ودا احلم بشنو ما ادري كعدت جان يكلي اخويه هاي احد رد عليك بالتلفون كتله يا تلفون كلي مو وانت نايم كمت الو الو الو بصوت عالي وففزتنا اخويه اشوسه كلي واني نايم سد السماعه ماكو احد اني شرديت عليه كتله اي خوش لعد هاي واني نايم وهمه الضهريه كلها خربانين ضحك عليهكالو منكعده بلكي يسويلنه سالفه لخ تضخك وبقينا يمكن اسبوع نذكر ونضحك وفضحني بالمنطقه النوب كرايبي كامو يعزموني انام يمهم  هاي شلون فضيحه


عموري اني ما سالت عليك والله يله اعتذر حبي ما بيك غير العافيه بس هاي اكيد حساسيه مال جو لتخاف وبالنسبه لل un حبي عمر اكلك شغله والله محد يعرف شوكت حيسافر ومتعرف باي وقت يطلعله توطين واني اعتقد حجتيلك على صديقي الي قدم ويايه ولساته ينتضر الامنيه فكله على الله

كريت هوب يمكن اليوم متخومه من الغده وماكو ما بينة لحد هسه شماكله يمكن طرشانه لو قوزي
عمه توته هم ماكو
الكل ماكو حتى ياس صارله كومه ماكو ومس فوليوت هاي شنو شو كامو بنسجبون شويه شويه

تحياتي وسلامي للجميع

[عمر عراقي]

حمودي ليش انته والحساسيه عليه مو عيني صايره حساسه فد مره
وانته تجي تكتب رد بالاصفر الفسفوري . حتى ابو العيون الصاحيه همينه
ميكدر يركز بهاللون.
وبالنسبه للـ un ادري حبي انته كتلي هوايه معلومات ومقصرت وكل الولد مقصرو
حبايب كلشي مكتوب والله يسهل الامور ويرزقنه الاستقرار.

[doori]

مرحبا
عيني بنت العراق ادري بالحلم مو بالحقيقه اني الي يصير ويايه مرات احلم وبالحلم اصيح على فد شي واكوم فاز من قوة صوتي لا راح اضحكم فد مره اني ببغداد وعندي فد اخ حشاش درجه اولى المهم جنت نايم على القنفع الضهر ودا احلم بشنو ما ادري كعدت جان يكلي اخويه هاي احد رد عليك بالتلفون كتله يا تلفون كلي مو وانت نايم كمت الو الو الو بصوت عالي وففزتنا اخويه اشوسه كلي واني نايم سد السماعه ماكو احد اني شرديت عليه كتله اي خوش لعد هاي واني نايم وهمه الضهريه كلها خربانين ضحك عليهكالو منكعده بلكي يسويلنه سالفه لخ تضخك وبقينا يمكن اسبوع نذكر ونضحك وفضحني بالمنطقه النوب كرايبي كامو يعزموني انام يمهم    هاي شلون فضيحه


عموري اني ما سالت عليك والله يله اعتذر حبي ما بيك غير العافيه بس هاي اكيد حساسيه مال جو لتخاف وبالنسبه لل un حبي عمر اكلك شغله والله محد يعرف شوكت حيسافر ومتعرف باي وقت يطلعله توطين واني اعتقد حجتيلك على صديقي الي قدم ويايه ولساته ينتضر الامنيه فكله على الله

كريت هوب يمكن اليوم متخومه من الغده وماكو ما بينة لحد هسه شماكله يمكن طرشانه لو قوزي
عمه توته هم ماكو
الكل ماكو حتى ياس صارله كومه ماكو ومس فوليوت هاي شنو شو كامو بنسجبون شويه شويه

تحياتي وسلامي للجميع

[doori]

مرحبا
عيني عموري والله اجه اللون بالغلط تعذرني خويي الخاطر عموري بدلت اللون علمود يشوف زين
ما بيك غير العافيه
شنو بعدكم نايمين؟

[عمر عراقي]

مبرووووووووووووك مبروووووووووووك ... لتفرحون تره IOM ممخابرين احد  
لعد شنوووو مبرووووك؟
خسرت البرازيل وخلصنه منهه على عناد عمان2010  
مبرووووووك لهولندا فريق الطواحين الفووووووز المستحق
خلصنه من ايطاليا وخلصنا من البرازيل . والفوز قادم للماتدور الاسباني  
حبيبي حمودي انته وردة الگروب شكرا على تعديل اللون .

[amman2010]

ههههههه  اريد اقول هارد لاك للي يحبون البرازيل تره الدنيا فوز وخساره وعلى عناد عموري نقوم نشج الارجنيتن لان همه والبرازيل جيران

راجعين

[بنت العراق 84]

صدك شو اليوم العنصر النسوي ماكو مو الجمعة شوية يصير شغلا لبيت اكثر من بقية الايام
شلونج حب يكريت هوب ومس فيوليت وشموستنا الورد اما توتة ما اسلم عليها لان مكابلتني ومكابلتها 24 ساعة ههههه
حمودي شنو هاللون الخنفشاري الي كتبت بي واحلى شي من رجعت عدتة رجعت قريت الكومنت واكول ياربي هاي شبي مكرر الحجي مالتة شوية مسطورة اعذرني على خسارة البرازيل اعلنت الحداد 3 ايام هههههههه
ليش هيجي عمر ليش تكره البرازيل شمسويلك ترة خوش ناس خطية
بس ولا يهمك انشجع الارجنتين وهالمرة اذا خسرت بعد ما اتابع كأس العالم  :
يعني ترة مصايرة لا دورة تثقيفية لا موعد سفر وفوكاها الببرازيل تخسر وتطلع من كأس العالم ليش ربي ليش كلها ملتمة عليه
عمان2010 هو انت حلمت بالحرب وراها انتصرنة فطلعنة مسيرة نهتف موطنيييي موطنييي يمكن انت نمت قبلي البارحة بالوقت فلحكت عالحرب اني من نمت متاخر لحكت عالانتصار  شلوني من احلل الاموور؟؟؟ههههه

[doori]

مرحبا
بأسم منتدى عينكاوه وباسم كروبنا العزيز نعزي اخونا vip2010 بخسارة  فريق  البرازيل  الهمه الله الصبر يبوووووووووووووووووووووووووووووووووووووووووووووووووووووووووووووووووووووووووووووووووووو
اويلي عليك منين تتحملها من الاتوطين لو من فريق البرازيل يله هارد لاك اخونا ولتزعل
شلونكم شباب وبنات
شخباركم اليوم النسوان ولا الهن صوت ابدااااااااااا غير بنت العراق خطيه بحدها اليوم يمعودات هاي وينجن شنو مقهورات على البرازيل لو شنو سالفتجن حلوه هاي  مو بالله ههههههه

المفقودين
ياس
فوليوت
ضيوعي
الرسام
الرجاء لمن يعثر عليهم تسليمهم الى اقرب مركز للمنتدى 
الله يجيبهم بالسلامه


تحياتي للجميع

حمودي

[الرسام1973]

السلام عليكم


اشلونكم شباب  وشلون الاخت شموسه .... شوفى وفيت ونظميت لكروبكم  .....


اشلونج اختى بنت العراق . والله انتى كلش وطنيه والدليل حتى حلمج هم وطنى .. طبعا بالمناسبه احلى حلم هذا بس انقهرت عليج لان اتغنين ابحركه  ... وانى بشرفى بارحه حلمت راح اسافرين لان انتى اسمج على بالى لان دائما اشاركينه بالجمعية مالتى ....  هاى ابشاره من اخوج ابو علاوى الرسام ....

[amman2010]

اي والله بنت العراق كانج في قلبي اني هم هيجي حللتها بس ميندره عاد الانتصار بالحلم شنو تفسيره!! شوفولنا بنات انتو شطار بهالسوالف اكيد عدكم اكثر من كتاب تفسير  . هاي اعتبروا واحب بيتي تفسير الانتصار وتفسير الغاره 

راجعين

[عمر عراقي]

كل الهلا اخونه الرسام شلونك شخبارك
دخلي تصير صدك وتسافر اختنا بنت العراق وشوف شلون راح نحتفل
احتفالات للصباح الباكر هنا بالگروب وخلينه نفرح ونبدي نسافر واحد وره الثاني

[بنت العراق 84]

شكرا الك الرسام والله يسمع منك واذا صارت صدك الك البشاارة

عمر عراقي تسلم عالاحتفالات بس اريد صعادات هم وزفة للمطار هههههههه وطلقات حتى متلكون نفسكم غير عالحدود الاردنية العراقية وتبقون تدعولي طول العمر ..والحمد لله على سلامة عينك سوي كمادات مي بارد كلش تفيد الحساسية مال العين

عمان2010 وvipشلونكم عالصعقة مال البرازيل بقة بس املنة بالارجنتين هم عايزة تطلع وأبلة طازة تشمت بينة أبلة طازة مييييين؟؟

حمودي ما ادري اليوم شنو القصة شو بس اني من العنصر النسوي فعالة هاي انتو ضربتونة بعين 

[توته الحائرة]

هلوووووو جميعا اشلونكم يارب الجميع بخير.... والله اليوم ضجت كلششش اشو يا فريق اشجع يخسر شنو هل الحظ
كريت هوب حبي وينج اشو مختفية اليوم طمنيني عنج؟؟؟؟ وشموسه هم ماكو يارب اتكونين بخير ...واختنا فيوليت والله مشتاقيلج اشو مختفيه كلشششش
اخونه الرسام نورتنه واهلا وسهلا برجعتك.....الله يسمع منكم ياشباب وتسافر بنت العراق وترتاح وتستقر وان شاء الله كلكم تروحون وترتاحون قريبا يارب
شكرا عمان اني الحمد لله زينه والله اسم توته اشو اهلي اختارولياه هههههه اني هم حبيته ....وشنو قصة الاحلام الله يخليكم حلمو احلام مابيها حروب وصافرات انذار شنو اخاف حنيتو اتريدون حرب  ههههههههههه ستروا علينه يمعودين
عمررر الصورة الجديدة كلش حلوة عاش ذوقك....شكرا جزيلا على كلامك والله كل الكروب ماشاء الله عليه البنات والشباب كلكم ورود وحبابين ورفعت راس الله يوفقكم جميعا
حمودي كعدت ساعة اقرا بالكومنت مالتك باللون الاصفر بعدين نزلت جوه لكيتك امغيره وصاير واضح اشكد حبيت الحياة ههههههه يمكن نظري قل نص درجة من وراك ههههههههههه
هسة VIPبلا شي مختفي انوبه طلعت البرازيل والاخوان البقية ابن زيونه ضاع الوطن YIS ان شاء الله ايكنون بخير

تصبحون على خير جميعااااا باجر اسبوع جديد ان شاء الله بي كل الخير للجميع

[بنت العراق 84]

اني هم حروح انام شو البنات ماككو اليوم ومنا ضغطي صاعد على خروج البرازيل والكعدة بس رجالية وعيب خاف ببينكم اسرار فأني انسحب هههههههه يعني شصار باجر افتح الصبح الكي احد كاتب خابرتني المنظمة على مقابلة فحص طبي أمنية مو عد سفر توطين اي شي يمعودين يكسر هالصمت القاتل

احلام سعيدة وتصبحون على خير
عمان2010 و حمودي ركزولي على فقرة احلام سعيدة ههههههه مو هم غاراة وحروب ومسيرات وموطنيييييييي
فاصل ونواصل
باي باي

[عمر عراقي]

شكرا الاخوات بنوته الورده
وعمه توته الحبابه اشكر تفاعلكم السريع مع الحدث  
واشكر نصائحكم الطبيه بخصوص عيني ويكولون عيوني تحسد (على اساس لونهه)
شو هالمره اني انحسدت وعيوني تحول لونه احمر
ديروبالكم اي واحد يضوجني اطلعله العين الحمره  
خلونه نشجع المنتخب الاسباني احسن

[عمر عراقي]

بنوته رووووووووووووحي . وفلي العيال
لا عيوني لتزعلين تره داتشاقه روحي وتصبحين على تلفون من الي دتنتظريهم صار
اكثر من 3 اشهر

[شموسه123]

مرحبا عيني اشلونكم
شلونكم بنات كرت هوب بنت العراق توته انشالله بخير
شلونكم شباب عمر العراقي الف سلامه عيني الدوري اشلونك عمان2010 ابن زيونه اشلونك عيني


الرسام 1973 اشلونك نور كروبنه والله اي وفيت بوعدك

اختكم شموسه123

[doori]

   ريخلا حابص
      مكنولش
    مكرابخش



   يدومح