جروب للشباب اللي مقدمين من عمان

[شمري للابد]

مرحبا شباب وشابات
اني جديد على الموقع وعندي كم سؤال بدون زحمه ياريت تجاوبوني عليه اذا عدكم معلومات طبعا
اني مقدم على الاي او ام مال بغداد من اول ما انفتحت بشهر العاشر 2008 والكيس نمبر مالتي جان بال 3000 وخابروني ودزولي ايميل وما رحت _ بطران مو _ ادري!! بس والله ما جنت محتاج اطلع فكلت ليش اروح واخذ مكان احد .. على العموم هسه الامور اتغيرت واني بسوريا حاليا وفعلت المعامله مالتي من جديد وانطوني رقم 109زائد 3 ارقام وكالولي اذا تريد من بره اسرع لك فكلتلهم اي اني بسوريا فردولي انه لو عمان لو مصر..
قدمت على فيزا للاثنين اجتي مال عمان ..
وهسه حاير.. اطلع لو ابقى على مال بغداد من تصير المقابله انزل للعراق اقابل وارجع بسرعه اني والاهل طبعا..
ليش ؟؟؟
لان الموظفه كالتلي انه المعامله تطول مو اقل من سنه..واني عندي عائله والحمد لله والشكر باقيلي كم فلس بعد ماراحن للابطال الي خطفوني..
على العموم..
اني خايف اطول بعمان واخسر المشيتين.لان اني امقدم على اليو ان مال سوريا وملفي مرشح توطين...
واذا اجي لعمان اخاف لا اعصى هناك..ويضيع الخيط والعصفور..الموظفه كالت لازم اجي لعمان ووراها ب 3 اشهر من اتأكد انه انت موجود بعمان يله تبدي المقابلات لأن اكو ليسته مال انتظار تطول 3 اشهر...
واني اقامتي بسوريا شهريه.. يعني كل شهر اروح اوقع..يعني تروح عليه..وعمان غاليه..وماكو شغل..وما باقيلي فلوس حتى اكدر احصل على اقامه بعمان .. وحاير ويعين الله..فشنو معلوماتكم وشنو تقترحون عليه؟؟
غركوني رجاءا باقترحاتكم ...
شكرا الكم

[VIP2010]

صباح الخير شابات وشباب منتدانى الرائع

شلونكم ان شاء الله تكونون بخير

يعني والله العظيم اني بله شئ كآبة هالدوره خسرة البرازيل وان الكآبة مالتي صارت 1000% يعني مو فووول لا طعمية هههههه

المهم شكو اخبار جديد ان شاء الله هذا الشهر يحمل في طياته الأخبار السارة للجميع بحول الله وقدرته

العنصر النسوي نريدكم ترجعون لنشاطكم السابق حتى تكونون فعلاً النصف الأخر للمجتمع وانت فعلاً في نظري النصف الأخر

مع تحياتي وأمنياتي للجميع بالتوفيق والصحة

أخوكــــــــــــVIP2010ـــــــــــــــم

[بنت العراق 84]

فليت العيال عمر ولا يهمك بعدين ليش ازعل عاادي والله ماكو احلى من الروح المرحة

اخ شمري للابد اولا اهلا بيك بالكروب وبالمنتدى اني الي اعرفة وهواية سمعت من ناس هم جانو بسوريا ومقدمين عاليو ان جوي هنا لعمان يكولون تصير اسرع عساس من عمان الاجراءات سريعة اكثر من سوريا ومصر والامارات

[hawk man]

شون الشباب  عساكم بخير ارجو قبولي صديق الكم 

[شمري للابد]

مرحبا
شكرا للرد وللترحيب بنت العراق..اني ادري انه الاردن اسرع بس مو اني على الاي او ام مو اليو ان اذا اجيت لعمان..ولو ما ادري يصير اسجل على اليو ان واستمر وياها وابقى هم على الاي او ام ؟؟؟
سؤال جديد يطرح نفسه...
شكرا الكم

[yis2007]

صباح مساء الخير جميع الحلوين والحلوات بالگروب الحلو .
اسف للانقطاع بس مشغول هالايام وادخل قليل للمنتدى . شكرا للشباب والصبايا اللي سالو عني وعموري حبيبي هذا كلش خوش خبر مال القديمين ديمشوهم هسه بلكي اللع يسمع منك . وتمنياتي للجميع بدون ذكر اسماء بالتوفيق .

[عمر عراقي]

حبايب شلونكم جميعا
.....
بالنسبة للاخ شمري للابد
حبيبي حتى تحصل على معلومات اكثر
تكدر تسال المقدمين على برنامج siv  او مباشرة على iom
احنه تقريبا كلنه مقدمين على un  يعني برنامج يختلف .
يس2007 عمان2010 vip2010 ابن زيونه الرسام. شلونكم
حمــــــــــــــــودي شنو هاي اللغة مالتك حبي .
وللنصف الاخر من المجتمع (على كولة vip2010 )
كريت هوب وشموسه وبنوته وتوته وفيوليت .
وشكــــرا للجميع على السؤال.

[VIP2010]

السلام عليكم

اليوم اريد بعد رجوعي أسأل عن خواتي أولاً توتة الحائرة Great hope  بنت العراق Miss violet  وشموسة 123 وكل الخوات ان شاء الله منسيت اي وحدة منكم

أما اخواني الأحباء الأعزاء Amman2010 حمودي عمر العراقي أبن زيونة والرسام  وyis2007  وللكل

ولأخوانا الجدد شمري للابد وhawk man أهلاً وسهلاً بيكم بالمنتدى الرائع أخوان وأصدقاء جدد

أن شاء الله منسيت أحد والي نسيت يارب ميزعل مني

مع تحيات وامنيات بالموفقية والصحة للجميع

أخوكــــــــVIP2010ــــــــــم

[عمر عراقي]

http://www.ankawa.com/forum/index.php/topic,424933.0.html
شبابنا وشاباتنا بلكي تدخلون وتشاركون بهذا الموضوع لان والله تعبنا من الاشاعات مال غلق التوطين

[توته الحائرة]

مرحــــــبا جميــــــعا اشلونكم كروبنا الوررررد
هوب حبي اشلونج عيني لاتقلقين ان شاء الله موضوع اليو ان يطلع اشاعة اني سمعت بي بس على اساس نهاية السنة وان شاء الله يطلع ماكو شي ....والله البارحة احنه هم التهينه لان جمعة وملتمين وشفنه المباريات وانقهرنه على البرازيل خطية ابويه شافنه اني وبنت العراق انقهرنه كلش خطية طلعنه وافترينه اشويه ورجعنه (شيسوي بقت على البرازيل)  
شموسة اشلون اخبارج ....تحياتي الكم ولفيوليت الغائبة عنا
اخ شمري للابد اهلا وسهلا بيك وبالنسبة الموضوع التقديم اني والله مع الاسف ما اكدر افيدك بس اخونه تره عمان الحياة بيها غالية وخاصة اذا عائلة واطفال يعني يحتاجلك مصاريف وان شاء الله تتوصل لحل وما تبقى حاير(اختك توته عدها دكتورا بالحيرة) والله لايحير احد يارب والله يسهل امرك ونسمع اخبارك
اهلا وسهلا بيك اخونه hawk man
عيني VIP لاتضوج على خسارة البرازيل هو هذا مونديال العجائب دا انشوف اليوم الارجنتين شراح اتسوي
حمودي شنو القصة البارحة تكتب بالفسفوري اليوم بالمكلوبي شنو هاي امسوي new look ههههههههههههههه
عمر العراقي اشلون صحتك والصورة مال البارحة جانت احلى ...الاخوان عمان 2010 والرسام وضاع الوطن (مندري وينه) ان شاء الله كلكم بخير اخونه يس شكرا على مشاركتك ونتمنالك كل التوفيق

اختكم تــــــــوتـــــــــــه

[توته الحائرة]

اخونه عمر العراقي اني دخلت لموضوعك وخليت تصويتي وفعلا هاي المواضيع صايرة تقلق الجميع وتشتت افكارهم وخاصة اللي مابيها حالات فعلا دا اتصير يعني احنه من الناس هم سمعنه هيجي اشاعات بس الى الان صارت حالة وحده سمعتوها رايحين ايقدمون وكايليلهم والله اتوقف عدنه برنامج اللجوء او الهجرة؟؟؟؟ ماسمعنه ولا حالة الى الان....بعدين لو هذا القرار صحيح جان بلغوكم (اليو ان )او (الاي او ام ) ويبلغوكم سدينا ملفاتكم وانتهت القصة قابل شنو مستحين منكم لو ايجاملوكم ....لا تهتمون لهيجي مواضيع ولا ادوخون نفسكم اذا مايصير شي رسمي وتصير حالات ويه الناس...... وان شاء الله ميصير الا الخير للجميع
واخويه عمر نصيحة من اختك (لان حسيتك اشويه منفعل) لا اتخلي هذا الشي اياثر عليك لان انته تعرف هذا منتدى وكل واحد يكتب بي المعلومة الصحيحة والمعلومة الخطأ والاشاعات وكل شي
ويارب الجميع يسمعون اخبار اتفرحكم وتريحكم قريبااااا جدااااا
وارجو ان تتقبلوا راي
اختكم توته الحائرة

[عمر عراقي]

اخونه عمر العراقي اني دخلت لموضوعك وخليت تصويتي وفعلا هاي المواضيع صايرة تقلق الجميع وتشتت افكارهم وخاصة اللي مابيها حالات فعلا دا اتصير يعني احنه من الناس هم سمعنه هيجي اشاعات بس الى الان صارت حالة وحده سمعتوها رايحين ايقدمون وكايليلهم والله اتوقف عدنه برنامج اللجوء او الهجرة؟؟؟؟ ماسمعنه ولا حالة الى الان....بعدين لو هذا القرار صحيح جان بلغوكم (اليو ان )او (الاي او ام ) ويبلغوكم سدينا ملفاتكم وانتهت القصة قابل شنو مستحين منكم لو ايجاملوكم ....لا تهتمون لهيجي مواضيع ولا ادوخون نفسكم اذا مايصير شي رسمي وتصير حالات ويه الناس...... وان شاء الله ميصير الا الخير للجميع
واخويه عمر نصيحة من اختك (لان حسيتك اشويه منفعل) لا اتخلي هذا الشي اياثر عليك لان انته تعرف هذا منتدى وكل واحد يكتب بي المعلومة الصحيحة والمعلومة الخطأ والاشاعات وكل شي
ويارب الجميع يسمعون اخبار اتفرحكم وتريحكم قريبااااا جدااااا
وارجو ان تتقبلوا راي
اختكم توته الحائرة

شكرا توته على المشاركة والمتابعة تدرين انتي الي يخليني انفعل اكثر الناس الي تطلع اشاعات او تنقلها
واحنه محتركه اعصابنه من التفكير ويومية يطلعولنه اشاعه جديدة .
والمشكله ما اعتقد اكو واحد مثلنا محتار بدنياتته ودينتظر بفارغ الصبر تمشي شغلته ولو خطوه وحده
ينقل هيجي اشاعات والي دينقل هاي الاشاعات اما منتجي وكاعد ومرتاح بوحده من دول اوربا لو اميركا
لو ميريد يطلع من العراق ومامهتم لا بالهجرة ولا بالتوطين وهذا الشخص ماعرف شعنده داخل بمنتدى
اهتماماته كلها بمسألة الهجرة والتوطين والمهاجرين؟؟؟؟؟؟؟؟؟؟

[بنت العراق 84]

3-0 وين انطي وجهي ياربي

[بنت العراق 84]

0-4 يا شماااااتة أبلة طازة بية 

[عمر عراقي]

وخلينه نطلع من اجواء الاشاعات والهبطات والاحباط.
ونرجع لاجواء كاس العالم . يا حبايبي مو كلتلكم لا برازيل ولاارجنتين
الكاس اما للمانشافت الالماني او للماتدور الاسباني . وطبعا اني مشجع اسباني قديم  

[بنت العراق 84]

اهلا وسهلا بيك hawk man بكروبنة وان شاء الله يكون وجهنة خير عليك وجهك خير علينة يارب

اخ شمري للأبد اذا تحب ننطيك هواتف الاي او ام عمان او مالتهم الايميل حتى تراسلهم وتستفسر؟؟؟

[بنت العراق 84]

اني اصلا اليوم ضايجة وطافرة روحي ومناقصتني جانت بس الخسارة مال الارجنتين
المانيا حتاخذ الكاس هالسنة هسة تشوفون

[doori]

مرحبا
شلونكم شباب
ارحب بالعضو الجديد المنظم الى كروبنا hawk man يا ولكم ولكم بيك
عموري اني جاوبت ووشف جوابي وكلي رايك بالموضوع الي انت كاتبه لان مال واحد يحجي بصوره لطيفه الضاهر مديفيد بالي ديجيبون اخبار سيئه ونصيحه للجميع لحد يسمع من احد اي خبر لان محد خايف من عدنا لو يريدون يلغقو يكولون بالاخبار اوكي شباب
بنات شلونجن شخبارجن عيني
 كريت هوب الله ينطيج العافيه على تنضيف الجمعه
عمه توته شدعواج عيني مقهوره على البرازيل هاي اليوم الارجنتين هم راحت دير بالج تروحين تنتحرين يعين على كيفج اختنا منريد نفقدج 
بنت العراق شلونج شخبارج ديري بالج على اختج يمعوده شعدنا غير عمه توته دخيلكم
شموسه اختنا العزيزه وينج مشاركاتج قلت كلش شنو السالفه يمعودين شو جنتو اكثر نشاط قبل صلو على النبي
مس فوليوت خوبن ولا تذكرنا بس تبقه بقلوب اخوناه وخواتها
شخبار كل الشباب كلهم نفرا نفرا

اتمنالكم اسبوع مليئ بالاخبار المفرحه يا الله



اخوكم

حمودي

[doori]

مرحبا
بنت العراق الابلات كلهم حيشمتون بيج ليوم يبوووووووووووووووووووووووووووووووووووووووو
اويلي عليج وعلى عمه توته لازم اهلكم يشيلون كل السجاجين من المطبخ اليوم
ولازم الحجي يصرفلكم فد 100 دينار على طلعه مرتبه ولازم شكو دوه بالبيت يذبو اويلي هاي شنو

تره اني ابد ما متشمت 


هارد لاك



حمودي

[أبن زيونة]

شلونكم عيوني شخباركم مشتاقون
شلون الوردات الكل بس داشوف كريت هوب شلونج عيني بنت قسمي شخبارج ان شاء الله بخير
الشباب الحلوين شلونهم انعلسنه البارحة واليوم انعلسوا الأرجنتين بس ترى ألمانيا فد شي خرافي فريقي القديم الي جنت اشجعه شكلي راح ارجعله
يابه اعذروني ملتهي شوية عندي جم شغلة ودتكلعي سوالف يابو سوالف الله يسرها علينه وعليكم
مقريت الردود لذلك مراح اكدر ارد على ردودكم وسلامكم بس لا محد مسلم عليه  أنا كده هزعل
يابه هسه افلتنه اني وعموري توقيعك حلو وفد شي  :-\شنو هو مااعرف المهم فد شي
يابه سلامي وتحياتي للكل وردتنا وردتنا ولكل الشباب الطيبين
وارحب بالأعضاء الجدد وهلا وكل الهلا وتريلة هلا بيكم منورين

[شموسه123]

هلو شلونكم حبايب
شلونج كريت هوب بنوته وتوته شلونكم حبيباتي
شلونكم شباب الدوري وعمر العراقي وعمان 2010 وابن زيونه vip2010 والرسام وyis

اهلا وسهلا hawk man
واهلا وسهلا شمري للابد نورت كروبنه


اختكم شموسه123

[hawk man]

هلو شباااااااااااااااب شلونكم عساكم بخير اني اشكر كل الي رحب بية وان شاء الله انكون اخوة
واصدقاء بهذا الكروب الحلو............. مرة ثانية اشكركم .......... بس حبيت اعرف او اذا يعجبكم كل واحد يكول عن عنوانة
بعمان بأي منطقة بلكي اكو احد قريب علينة حتى نجمع ونفيد بعضنا اذا يعجبكم؟؟؟؟



اخوكم hawk man

ضاحية الرشيد

[عمر عراقي]

ضاحية الرشيد بعيد عني قلبي .
وحتى لو بعيدين تعال الخميس ساعة 8 بالليل لشارع الوكالات وصيح بصوت عالي عينكاوا
واحنه نجيلك نسلم عليك ونتعرف بيك
حبي احنه نطلع كل خميس تقريبا لشارع الوكالات تريد تتعرف بجنابنا تعال على الخاص
اني او حمودي او عمان 2010 او في اي بي 2010 واحنه حاضرين .
 بس جيب وياك بطل مي لان نفتر هوايه ونشرب كهوه وناكل موطه فنعطش حييييل
شنو اليوم كلكم نايمين؟ معقوله ولا واحد باقي يحرس الگروب؟
بلكي باجر نصبح على خبر توطين حلو مو اشاعة تحرك الاعصاب .

[بنت العراق 84]

حمودي الابلاات مو بس اتشمتو بية دمروني دمار ههههههههه
يلة ميخالف عالمرة الجاية شو هالسنة كل المازين مكلوبة
ما ادري اني البارحة جنت كلش ضايجة فمفتحت نت
شلونكم جميعا؟؟؟

[yis2007]

هلو صباح الخير شباب وشابات الگروب . مبروك الصفحة الخامسه عيوني .
طبعا نرحب بالعضاء الجديدين وكل الهلا بيكم .
حمودي حبيبي شلونك عساك بخير شكرا لسؤالك عني ( تخيل شگد صعبه واحد مفقود ) تحياتي واحتراماتي .
عموري حبيبي والله مااحب اشفك ضايج اهم شي اعصابك يعني بالاخر كلها على الله يعني اني من 2007 لحد الان حاس ضغط مابيه يعني ضغطي 10 تحت الصفر بس شسوي على الله . فاهم شي اعصابك . وبعدين لازم الواحد يحسب اسوأ احتمال .
بنت العراق (ابوس روحك ) بالسوري يعني اللي تبقين متواجده بالگروب وتحطين ردود وترحبين بالاعضاء الجدد وتسالين على الغياب . الله انشالله يطيچ على گد نيتچ .
عمان 2010 يابه شو ماكو غير انت المنيجر لازم تطل علينا وتسال علينه شو عالسنا تحياتي .
VIP2010 شكرا اخوية العزيز لسؤالك واتمنى للك التوفيق .
great hope تحياتي وتمنياتي بالتوفيق والله انشالله يسهل امركم جميعا .
توته الحائره الله يفك حيرتچ انشالله وشكرا للسؤال .
شموسه 123 تحياتي .
الرسام 1973 شلونك عيوني اني اول ما شفت ( جمعية منتظري ) گلت انعلسنا لان من تفتح اكثر من عنوان على الاكسبلور يطلع بس اول الجمله تحياتي وتمنياتي بالتوفيق .
ابن زيونه شكرا لسؤالك وتمنياتي بالتوفيق .
شمري للابد اهلا وسهلا بك في گروبنا مع تمنياتي بالتوفيق.
hawk man اهلا وسهلا بك في گروبنا مع تمنياتي بالتوفيق.
باقي الشباب وباقي البنات اعذروني اذا نسيت الاسماء تمنياتي للجميع يالتوفيق .

[عمر عراقي]

سلام للجميع شلعا من اول واحد لاخير واحد

[doori]

مرحبا
يعني شلون بيكم اتمنى ادخل وما اقره هالكلمات
احباط  ضوجه  كآبه  طاكه روحي  مليت الانتضار 
تاليها يمعودون الله كريم وادري بيكم دتنفسون عن روحكم بس والله كثر ذكر هالشغلات تزيد الحاله عدكم والله يعينكم ويعيني ويساعدنا والله ادري شي مو سهله واحب اكللكم شي صدكوني اني وضعي اتعس وضح بيكم والحمدلله والشكوى لغير الله مذله بس شنسوي حبيت اول بارحه او البارحه اكتبلكم بالمكلوبي وبس جم واحد انتبه  شنو رايكم يسوسيها الكل علمود من نقره الكتابات نتعب بين ما نقراها ونجيب ورقه وقلم والله فكره حلوه هاي جبتلكم شغله مسليه و اطلب رأيكم بالموضوع اني مستعد على الاقل الواحد يغير شويه

اخوكم
حمودي

[توته الحائرة]

مرحبا جميعا ومساء الخير على الجميع
كريت هوب حبيبتي اشلونج شخبارج يمعوده بلا احباط يمعوده اتوكلي على الله وهيه تتسهل ان شاء الله ابنج اشلونه(خطيبي المستقبلي) ههههههههههه بوسيلياه والله يحفظه يارب....شموسة اشلونج اختي العزيزة ماكو اخبار جديدة...اشو البارحة موجة من الكأبة اجتاحت بيتنه وانوبه المنتدى هم كأبة يمعودين صلوا على النبي
حمودي تتشمت بينه فوك قهرنا ههههههه والله الصدك انقهرت على البرازيل بس لعبة الارجنتين والمانيا كلش حلوة وصح اني احب الارجنتين بس اشجع المانيا لان لعبهم حلووووووو وشكلهم باقين للنهائي وهمزين البارحة فازت اسبانيا بس شلعو قلبنا
اخويه حمودي يمعود لاتكتب (عمة توته) بس توته ادري شنو زوجتك بنتي اللي بعدني ماشايفتها هههههههههههههههههههه واهديلكم بهاي المناسبة اغنية (يا عمة يا عمة) ما اعرف منو يغنيها
عمر العراقي بعد شتريد البارحة فازت اسبانيا بختتتتتتتت خوما مثل حظنا اني وبنت العراق ولو اني هم اشجع اسبانيا
شكرا جزيلا Yis على دعائك والله يسهل امرك وامر الجميع والله يساعدك على الانتظار
اخوانه عمان وVIP والرسام وضاع الوطن وابن زيونه وhawk man يارب كلكم بخير والله يسهل اموركم ونسمع اخباركم الحلوة

ان شاء الله مانسيت احد
بلكي اليوم اتجيبولنه خبر حلوووووووو يزيل الكأبة عن الجميع

اختكم ام التوت ههههههههه هذا لقب جديد

[lion1977]

هلو عيني حمودي كنولش؟ نيز ؟
ام التوت عيني شنو هالرد الرهيب . طلعنه احنه الحايرين مو انتي
الحمدلله ام التوت طلعتي من حالة الحيرة هذا تقدم يستحق التصفيق
يله صفگوا لعمــــــــه توته ام التوت
اتمنى تقبلوني صديقكم الجديد الحاير جـــــــــــــدا
صارلي اسبوع اقره بالگروب

[doori]

مرحبا
ام التوت يله لتضوجين هسه شفايتلج تصيرن عمه وتشلعين قلب جنتج
شلونكم اليوم زينيييييييييييييييييين ؟
هله بيك اخويه الحائر lion1977 اويلي الكل حايرين بس زين لعبت لعبتي بسيطه تدلل ادزلك فد يوم رساله بالمكلوب واتحداك اذا قريتها منا لفد اسبوع تدلل وبعيني 
اكوا واحد مختفي مراح اكول اسمه هو يعرف نفسه بس بسيطه اني اعلمك وتعرف شلون اعلمك 

شو اليوم نايمين شنو قصتكم بس لا الاحباط نال منكم جميعكم
عموري شلون صارت عينك يمعود راح اكوم اغنليك يبو العيون السود  بس خا نسيت عيونك مو سود عيونك خضر 
بنت العراق ابله طازه تسلم عليج كلش كللللللللللللش وتكلج بعدنا باول الطريق راح اخليج تسلمين عليه يوميه ههههههه
مس فوليوت لا حس ولا خبر بس لا سافرت ومكالتنه

شلونك عيني ياس شخبارك الضاهر اربد بارده هاليومين وكاعد يم الصوبه بحيث مدتكدر تكتب بنشاط
ابن زيونه مختفي
الرسم مختفي
ضيوعي الله اعلم يمكن اكله سمك قرش بالعقبه
vip2010 لدير بال هي تصفه
شموسه راح اغنيلج طلعت الشميسه على وجه عيشه عيشه عراقيه 
بعد منو منو منو ما جبت طاري غير هذا الي مختفي ويعرف نفسه وحتى من يدخل ميسلم عليه بسيطه تهووووووووووووون اله الكفك بامريكا
 

اذا نسيت احد خاي اله مني  من الشباب 

اخوكم للابد
حمندوش

[yis2007]

حبيبي حمودي تحياتي . اني اليوم اول واحد بالگروب وماكو احد طلعت  شسوّوي هاي هيه على الله
على سيرت الكابه اگول هسه اللي يفوت على الگروب يگول هاي شنو الكابه ويطلع . بس لا والف لا احنا العرافيين نّكيف لما نشوفها ....................................... يا اخي والله مشكله .

[lion1977]

حمندوش شنو انت وين جنت عني خالي اني احب هاي الفيكات
بلجي نگضي وكت شويه
واحد يكتب للاخ بالمكلوبي حبوبي

[بنت العراق 84]

مساااااااء الخييييييير شلونهم الحلوييييييييين كلهم كلهم
اهلا بيك اخ lion1977 بس بلة حيرة فدوة يكفينة توتة الحائرة هالمرة الاسد الحائر يصيرون ثنين حايرين بالكروب ترة كلش صعبة هههههههههه

حمندش اني اختفيت البارحة وختلت بالغرفة حتى ما اشوف أي أبلة وتتشمت بية لان صدك ترة هالسنة شي غيريب يا فريق الاشجعة يطلع تحب اشجعلك اسبانيا شوية ماعندي مانع
عندي يفكرة على سيرة الكأبة بعد الي يكتب كأبة وضوجة ومن هالكلمات هاي ننطي انذاااااااارواذا رجع كتبها هم ننطي انذار ثانيواذا كالها ثالث مرة مننطي طرد لان ميهلنة نطرد احد من اخوانة او اخوتنة بس شيسوي تكفيراً لذنبة يسويلنة فعالية بالكروب اي شي يحطلنة كاريكاتير يهديلنة اغنية يركص جوبي بالكروب هههههه اي فعالية حتى بعد ميكررها
اتفققققققققنة؟؟؟؟

شكرا الك اخ يس2007 عالكلام الحلو والله يساعدك عالصبر من 2007 ليهسة اويييلي يله بلكي هانت ان شاء الله

عمر شنو عينك خضر بخخخخخخخخخخت  بس لا تحسد؟؟؟ههههههه اتشاقة وياك والله اخ عزيز

كريت هوب حبي بعد لتكولين كئيبة ترة يخلوج تسوين فعالية بالمنتدى وخلونة من نفتوت هنا ننسة الكئابة الا ان تفرج بحيل الله

مس فيوليت ماكو اكيد ملتهية خطية من البيت والدوام الله يعينها ان شاء الله

شموستنة الورد شلونها مصار شي جديد على الكيس مالتكم؟؟؟طمنينة حبي

ابن زيونة عمان 2010 شو ماكو؟؟خوب ضاع الوطن اخر شي عرفنة بي راح للعقبة هناك شصار ما ادري بس لا الحرامي مال عمان 2010 باكة لضيوعي كلة على بعضة ههههههه وحطة رهن يمة اذا عمان 2010 ميجيب الكاميرا مالتة ميهدة لضيوعي

اخ الرسام تحياتي الك حطلنة اشياء من رسوماتك اذا عندك لان اني كلش احب الرسم

توتاااااااايتي هاي شنو انخطبتي واني اختج حبيبتج ما ادري شلون زمن الف عافية عيني عليج كريت هوب حتجيكم جنة معدلة بعد شتريدوون

وخاف نسيت احد فتحياتي للي نسيتهم

[عمر عراقي]

ديله شطلعت هاي عمي كتبو اسمائكم بالعربي شنو تأمركتو قبل لتوصلون ؟
يعني لازم كلسع كوبي بيست غير شغله تعبانه هاي amman2010   vip2010   yis2007    l  وچماله طلعلنه
lion 1977  اسد مواليد 77 يعني كاعد بالبيت هسه متخوف احد
لاعيوني داتشاقه لتزعل وكل الهلا بيك بگروبنه ونخليك على راسنه
بس اني من ناحيتي راح اسميك اسد وافضهه
شلونكم شباب شابات شنو اخباركم اليوم ؟ ان شاء الله الجميع بخيــر
اليوم واحد كاتب موضوع عن جهاز كشف الكذب ؟؟!! قريتو يفوتكم .
 يعني شغل الاشاعات بدأ يتطور عند العراقيين ؟!!!!
.....................................
وهذا توقيعي بعد راح اثبته ومابدله والي يريد يبجي خلي يشتري باكيت
كلينكس بدينار ويشبع بجي والي يريد ينقهر عادي شو تعودنه على القهر
والي يحن للعراق خلي يرجع حتى يسويلي واهس ارجع وياه.

[بنت العراق 84]

حبيبتي كريت هوب سلامتة لابنج اني هم شو صارلي يومين مو على بعضي مصخنة وما امدري شبية مطفية وشو اشرب بهالحبوب وكلشي ميفيد عبالك ا ابلع مصقول مو ادوية ادوية اخر زمن

عمر عراقي عليك انذاااااااااربسبب هذه الجملة التي وردت في الكومنت الاخير الك والي يريد ينقهر عادي شو تعودنه على القهرولمعرفة المزيد مراجعة الكومنت مالتي ما قبل الاخير  
اي شفت هذا الموضوع وخررربت ضحك عليه بقة بس يحطونة بالمقابلة على جهاز مال كذب والي يكذب ينصعق بصاعقة كهربائية هههههههه ترة سينما مخيلتنة لو نستغلها بشي مشفيد مو احسن؟؟؟
وين الشباب شو ماكو اليوم مو خميس خوما طالعين من ورانة؟؟؟

[doori]

مساء الخير
كريت هوب شلونج سلامت ابنج الف سلامه يمكن انعديت منه اني بس اني سنوني واوا اليوم
اويلي وجع الراس ولا وجع السن 
شلون الجميع عموري شكرا" لانك اتصلت عليه واطمنت واني كدام الجميع اعترف اني مقصر وياك والله
حبايبي الكل الكل الكل ملتهي بوجع سني فمدا اكدر اكتب شي لان عبالك جسمي كله يوجعني
سلامي للجميع والحاضر يبلغ الغايب

واوا  واوا  واوا  واوا 



حمندوش

[بنت العراق 84]

لالالالالالالالالالا يمعود كلة ولا حمندوش سلامتك الف سلامة الله يساعدك وجع السن خيالي زين روح للطبيب مال الاسنان ترة تاخذ مسكنات متفيدك كم ساعمة ويرجعلك الالم واذا تريد طبيب اسنان كلش شاطر اني ادليك طبيبنة كلش خوش طبيب حتى انطيك رقمة اذا تريد
سلامتك يمعوود

[شموسه123]

مرحبا اشلونكم شخباركم
شلونج حبي كريت هوب وتوته وبنت العراق لحد الان ماكو شي والله واني اي شي على طول اكللكوم
اشلونك عيني الدوري حلوه الاغنيه هههههههههههههههه شلونك عمر العراقي وابن زيونه ياس 2007 وعمان 2010 وvip واسفه اذا نسيت احد

مرحبا lion 1977 بكروبنه الحلو


اختكم شموسه123

[شموسه123]

سلامتك حمودي والله اويلي كوله ولا وجع السن لازم اتروح للطبيب مثل مكالت بنت العراق انشالله ايروح الالم



اختك شموسه123

[شموسه123]

هلو حبي كريت هوب انشالله تسمعين اخبار حلوه يارب بس اهم شي تفائلي ولاتخليه على بالج لان رح اتعبين نفسيا
وانشالله تفرج عليج وعلى كروبنه الحلو وجميع العراقيين يارب



اختج شموسه123

[doori]

مرحبا 
تسلمون خواتي البنات دكتوري موجود بس السن ملتهب او هو مو سن ربع سن جان محشى ووكعت الحشوه وتركته التهب الاخ كلي الدكتور ما اكدر اشلعه غير لمن يفش و شيفششه اويللللللللللللللي
اني هسه حاطط قرنفل مطحون كلش زين والحمدلله وجع ماكو كلت بلكي فد ساعه يروح الوجع عن طريق القرنفل والحمدلله بس ادعولي انام الليله وميصل عليه

تسلمين توتايه الورده وكريت هوب وشموسه و بنت العراق تسلمون اردكم بخير وسلامه والله عموري هم مقصر كلي تريد اجيلك هسه الله الله الله شكد حلو الواحد يحس انو مو بخده بالغربه الله يحفضنا لبعض كلوا آآآآآآآآآآآآآآمين

واوا واوا  واوا  واوا  واوا 

شوفوا الواوا


حمندوش

[شموسه123]

امين يارب العلمين اخذ مسكن بروفين او حبوب اسمه دانزن كولش زينه سلامتك والله


اختك شموسه123

[توته الحائرة]

هلوووووووووووووووو جميعااااااا مبرووووووووووووووك الصفحة 5 ما شاء الله نفتح صفحات والله كريم
خواتي اشلونكم اشتاقيتلكم ...حبي هوب اشلون صار ابنج؟؟عنده الففف عافية كلششش فرحت سمعت صوتج اليوم وسولفنه ان شاء الله المرة الجاية صوت وصورة هههههههههه بوسة لابنج من توته....هلووو شموسة اشلونج ان شاء الله الايام الجاية يارب تسمعين اخبار حلوووة وتفرحينه....خطية بنت العراق هم اليوم مريضة شكلها افلاونزا وراح تعدينه 

حمودي (ابو شهاب ما اعرف او ابو جاسم)ههههههههههه سلامتك وعندك العافية الله يساعدك ماينحمل الم الاسنان زين انطاك الطبيب كورس مال التهاب؟؟؟؟واخذ مسكن والله كريم
اهلا وسهلا بيك اخونه الاسد77 ونرحب بيك ويانه واشكرك على تعليقك بس والله الحيرة بعدها امرافقتني ههههههههههه والله كريم بعدين اني خلصت من اخويه حمودي كاعد ويكتبلي(عمة) طلعتلي انته ههههههههههههههههه انت هم حاير؟؟؟الله يساعدك يمكن راح اسوي (كروب الحائرين) هسة كل العراقيين يشتركون بي ههههههههههه الله لايحير احد يارب
عيني عمر توقيعك كلش حلووو ويسلم ذوقك...قريت الموضوع مال جهاز كشف الكذب متت من الضحك عليه غير حلووو لو يسووه  لا دا ايبدعون بالاشاعات الجماعة
اخوانه الباقين وينكم يارب كلكم بخير (ابن زيونه_عمان_في اي بي_يس_الرسام) واسفة اذا نسيت احد منكم

فيوليت وينها شنو القصة يارب اتكون بخير

تصبحووووون على خيررررر جميعا واحلام سعيدة

[عمر عراقي]

اي نامو من وكت وخلوني اني كلسع انام واكعد عبالك حارس ليلي.
واجيت لكيت الگروب نازل لنص المواضيع يعني هاي اول مره لان گروبنه
دائما كان في البداية.
المهم اليوم ماكو بس حمودي من الشباب؟؟ وينهم الحلوين؟
يمكن نعلسو بجهاز كشف الكذب
كريت هوب هذا الولد شبي ؟ بس والله الامهات ميتجازن لو شمنسوي 1%
من تعب الام منجازي الله يحفظ امهاتنا جميعا
كريت هوب بشرينه على الزغير من يصير زين ان شاءالله . وعدكم العافيه جميعا
بنت العراق لازم تحذريني اول مره بعدين تنطيني انذار اني اعترض انتي حكم متحيز
وان شاءالله تصبحين رايحه الفلاونزة.
وبعد رجاءا اي واحد يصير بي افلاونزة ليدخل للگروب حتى ليعدينه.
توته او     ام التوت منكم نتعلم انتي وبنوته امهات التواقيع الحلوه والذوق الجميل.
شموسه شكرا لسؤالج وان شاء الله نسمع اخبارج المفرحه بالايام الجاية .
طبعا حمودي هذا اخويه عندك العافيه ومتشوف شر حبي . وهذا واجب بسيط
اذا ماتصل واسئل على صديقي فعليش نكول اخوان واصدقاء . واعذرني لان مقصر بحقك
المفروض اجيلك اشوفك اخاف محتاج شي وتستحي تكول. لان ادري بيك متكدر تطلع من الم السن
هو السن ينطي مجال ..  الله يبعد عنا الالم والمرض جميعا.
واسد1977 شلونك وينك شنو هم من جماعة النوم المبكر انته
تحياتنا الك اخي .
والباقين الغياب .
عمان2010 VIP 2010 يس2007 ابن زيونه والرسام وينكم ياباااا شنو هالغيبه؟
واذا نسيت احد يعذرني بعد اترخص لان لحيت كلش هوايه
وصباح الخيـــــــــــــــــر على الجميع

[omaha2]

يابا اخوان وخوات

تسمحولي اقول كم كلمة؟؟؟


ادري شنو هالكأبة ؟؟ يمعودين اذا عدكم هاي الطاقات ليش ضاميها؟؟؟

دتعالوا بالدردشة واتفضلوا لحزبنا وراح اتشوفون اشلون راح تنسون ولو لساعات مأسيكم



صدقوا قهرتوني واني مناقصة قهر
ادارة الجزر
اوماها

[doori]

صباح الخير
صياح العسل
صباح الورد
صباح الفل
صباح الياسمين
صباحكم نور ان شاءالله يا احلى وارقى كروب
شلونكم اخواني واخواتي
تسلمين كرين هوب ويكوم ابنج بالسلامه يا رب
توتتنا الحبابه العاقله الي مسوي وكاحه شلونج عيني تسلمين على السؤال
بنت العراق العزيزه شلونج
شموستنا نوارتنا تسلمين اخت عزيزه والله
عموري الورد انت ورد وكلك ورد يا ورد
vip2010 اخويه صبحك الله بالخير والهنى والسرور
لجميع الكروب العزيز اخوان وخوات الله يصبحكم بانوار النبي ان شاءالله يوم خير على الجميع
تسلموووووووووووووو :-*وووووووووووووووونعلى وسؤالكم

والله اكللكم اصار بالليل مصار شي صل عليه بعد ما اخذت الدوه كمت عندي قرنفل مطحون وشاش حطيت القرنف بطن الشاش وحطيته على السن والله ماكو نص ساعه يمكن اقل عبالك تكولون اعصار وانتهى او ترابه مال بغداد وراحت راسا والحمدلله صبحت الصبح ولا عبالك اكو وجع ولا بطيخ فاتصلت بالدكتور كلي بس يومين يروح الالتهاب لان ميصير اشلعه وهو ملتهب وطلع الاخ السن يعني هو مباقي بي شي غير ربعه مكسور نصين نص يلعب والنص الثاني واكف ثابت ولا يتحرك ههههههههههههههههههههه

و الحمدلله رب العالمين تريدون الصدك محسيت بالغربه وياكم الله ينطيكم على كد نيتكم الطيبه اللهم آمين

و المختفي يجي يوم وتبين وين تروح آآآآآآآآآآآآآآآآخ منك


حمندوش

[توته الحائرة]

مرحبا جميعا
اشلونج حبي هوب الحمد لله اليوم ابنج احسن ان شاء الله ايصير مثل الورد....اسكتي وخليها البارحة يمكن فوك الساعة نحجي هههههههه ان شاء الله الخير للجميع يارب ....شموستنه الورد وفيوليت اشلونكم حبايبي
حمودي يله استحمل اشويه وراها تخلص من الالم وعندك العافية ....عمر  شنو القصة احنه النام انته تكعد ههههه ماكو اخبار جديدة ???الله يسهل عليك وعلى الجميع
وين الشباب (عمان_يس_في اي بي_الاسد_الرسام_هوك مان) يارب كلكم بخير ...ضاع الوطن شنو قصته خطية

اخت اوماها اهلا وسهلا بيج وتفضلي ويانه بالكروب حتى ايزيد العنصر النسوي لان عدنه نقص  وان شاء الله ماكو قهر

يمعودين فد خبر زييييييين

Enjoy Your Day

[بنت العراق 84]

مساء الخير جميعا
شلونهم الحلوين والحلوات كلهم
حمندش الحمد لله على سلامتك فرحت لان سمعت انو مأذاك سنك بالليل وصار عاقل وحباب ان شاء الله يبقة هيج منا الا ان تلكيلة حل وترتاح

حبيبتي كريت هووب الحمد لله على سلامة ابنج اني بعدني اشو الصخونة لازكة بية ساعة اصير زينة وساعة اطفي ومن هاي احس راسي ثكيل بس اريد انام يمكن من الكبر ههههههههه

عمر القوانين صارمة وواضحة ولتحاول ترشيني ولا تتلاعب بالقوانين ههههههههه عفية دغلط بعد مرة لخ واكتبلنة كئابة دتسويلنة فعالية من فعالياتك

شموسة حبي اني بخير انتي شلونج ان شاء الله تمام؟؟

اهلا وسهلا بالاخت omaha2 بالكروب مالتنة نورتي وصرنة 6 نواعم بالكرووب

مس فيوليت ماكو ابد شو بالنة يمها ان شاء الله ملتهية بالخير ياربي

عمان2010 يمكن راح للعقبة مرة لخ مو ميكدر اذا ميكشر بالشهر مرة ههههههه
ابن زيونة يس2007 الرسام ضاع الوطن vip2010 أين انتم يا معشر القوم؟؟

hawk man و lion77 شلونكم اخوتنة الاعزاء انريد مشاركاتكم الدائمة ويانة
تحياتي

[hawk man]

مساء الورد مساء الفل على جميع الكروب الحلو وعلى شارع الوكالات شنو هذا غير شكل
اخوكم صارلي 6 اشهر ابعمان وارجو تفيدونة بالاماكن الحلوة الي بعمان بس لتكلولي مولالالات
لئن المنطقة الي كاعد بيهة شبه منكطعة ضاحية الرشيد



تقبلو مروري اخوكم

HAWK MAN

[بنت العراق 84]

اهلا وسهلا بيك اخ hawk man مساء الانوار اكو حدائق الحسين كلش حلوة خاصة مساءاً لان الصبح حارة مو مال تروح لان شمس
اكو المدينة الرياضية صايرة بدوار المدينة هم حلوة حديقة جبيرة يكدر الواحد يمشي بيها ويتونس ويشتم هوا شارع الوكالات هم حلو بصويفية خاصة يوم الخميس من تبدي الدنيا تغرب حتى الليل حلو مكان حيوي واذا تروح هناك شباب الكروب عدهم حصة بي يسوولك تخفضيات على كافة المشتريات ههههههههه اتشاقة طبعا

[عمر عراقي]

كآبـــه      (انذار اول)
قهـــر      (انذار ثاني)
ضوجــه   (انذار نهائي)
تعــب     (طرد من الگروب)
اذيــه     (طرد من المنتديات)
.........................
يله شباب اني رايح بعد ممسوح الي ابقه هنا.
اودعناكم ونشوفكم بشارع الوكالات 

[شموسه123]

اشلونكم شخباركم انشالله بخير دوم
شلونج حبي كريت هوب وحبي بنت العراق وحبي  مس فيولبت اشو ماكو انشالله ماكو شي
شلونك الدوري الحمد انو سنك هود عليك وراح الالم سلامتك
شلونك عمر العراقي عساك بخير وعمان 2010 اشو ماكو وابن زيونه هم ماكو اشلونكم عيني
yis 2007 والاسد واسفه اذا نسيت احد


اختكم شموسه123

[شموسه123]

هلو حبي كريت هوب منوره الكروب والله اي حبي اريدج دائما متفائله


اختج شموسه123

[عمر عراقي]

بعد التفكير قررت ارجعلكم لان ((( وين ارووووووووووووووح )))
لا يمعودين شعندي غيركم وطبعا انتو توسلتو بيه فالخاطركم راح ارجع يله
شموسه اختنا الحبابة شكرا جزيلا على الكلام الحلو وياربي يوفقچ.
كريت هوب شنو هالصوت الحلو  اطربينا بعد . بس صوتچ مو طبيعي  رهيب.
شلونكم جميعا شخباركم .
اني بعد هاي شغلة البلامه مال كلما ادخل اسلم على الجميع بالاسم راح ابطل منهه
وانتو همينه بطلو يابااا .. بس السلام عليكم لو صباح الخير ومشوهه.
تحياتي للجميـــــــــــــــــــــــــــــــــــــــع

[yis2007]

السلام عليكم (بدون اسماء ) حسب تعليمات الكابتن عمر
شلونكم شخباركم عساكم بخير وسلامه شكرا للحبايب اللي سالو عني . اليوم كان يوم صعب بالشغل ومضغوك ببرنامج ضغط مو طبيعي . انشالله هاردلك لباچر يكون احسن انشالله بس لازم من غبشه يگعد الواحد يالله يلحگ على الدنيا .تحياتي للجميع وهله هله بالغياب انشاء الله يكونو بخير .

[VIP2010]

السلام عليكم

شلون الشابات والشباب الحلوين ان شاء الله بخير مشتاقلكم كلكم من توتة الحائرة وشموسة و Miss violet وبنت العراق وgreat hope و كالكل ومن الشباب حمودي عمر الوردة و amman2010 والرسام وhawk man و ابن زيونة و yis2007 وان شاء الله منسيت احد واشكر كل الي سألوا عني وخصوصاَ بعد الصدمة
 
يعني اصدقائي الأعزاء اريد اكول شئ ان الي يركض وره فد شغلة ويظل يلح عليها ويفكر بيها متصير هذا استنتاج بسيط والي ينسة اي شغلة يريددها ويعتبرها هي والماكو سوة تصير وبسرعة هم فاني واعوذ بالله من كلمة اني قررت انسى الموضوع على الاقل لنهاية شهر 8 لحد موعد تجديد الوثيقة لعل الله سبحانه وتعالى يحلها ويفرجها.

مع تحياتي وامنياتي بالتوفيق للجميع

أخوكــــــــVIP2010ـــــــــــم

[شموسه123]

شلونك عمر شكرا الك عيني
شلونك vip2010 اي عفيه انساه ولا اتخليه على بالك احسن لان نفسيتك تتعب

اختكم شموسه123

[أبن زيونة]

يابا اخوان وخوات

تسمحولي اقول كم كلمة؟؟؟


ادري شنو هالكأبة ؟؟ يمعودين اذا عدكم هاي الطاقات ليش ضاميها؟؟؟

دتعالوا بالدردشة واتفضلوا لحزبنا وراح اتشوفون اشلون راح تنسون ولو لساعات مأسيكم



صدقوا قهرتوني واني مناقصة قهر
ادارة الجزر
اوماها

شنو أوماها جنتي تشتغلين قبل بتلفيزون الشباب قسم الاعلانات دتسوين دعاية لجزرج هههههههههه
جوزي من هالسوالف

[أبن زيونة]

السلام عليكم الله يمسيكم بالخير شلونكم كروبنا الوردة مشتاقون شلونكم شخباركم ان شاء الله الكل بخير
اول شي الحمد لله عالسلامة حمودي ماعندك الا العافية وبالريش اخوية اذا على السن الحمد لله بس هو صدك وجعه يملخ الله يعينك ويشفيك واخوية اني بالخدمة اذا تحتاج واحد يمكم تحتاج مساعدة واحد يلوليلك  ;Dيغنيلك تالي الليل وشلون صوت عندي خرافي اني جاهز وبالخدمة
عموري الوردة شلونك اخوية شخبارك مشكور عالسؤال بس والله اجويني ضيوف من بغداد والدورات الي داخلها مدتخليني احك راسي دأحك رجلي
ياس وفي اي بي وعمان 2010 والرسام وهوك مان شخباركم عساكم بخير ان شاء الله
كريت هوب الوردة شلونج شخبارج بنت قسمي الوردة ابنج الحليو شلونها ان شاء الله صار احسن وماعنده غير الصحة والعافية
شموسة الوردة شلونج شخبارج ان شاء الله بخير توتة العاقلة شلونج امورج ان شاء الله كويسه  ;Dشكت حلكنا صار يومين توتة الي كدامنا واليوم شلون انكتلت من ابوها دك ضرب وعياط خبلته بس انقهرت عليها 
بنت العراق شلونج عيني شخبارج اموراتج مشكورة على سؤالج عليه الله يبارك بيج فيوليت شلونج مختفية ان شاء الله المانع خير
سلامي للكل فردا فردا واسف اخاف نسيت احد

[أبن زيونة]

يابه صدك نسيت عندي خبرين مفرحين
الأول انه خابرت جماعة الUN كلت خلي اتحارش بيهم اسأل على ملفي لأن اذا تذكرون من كتلكم خابروني مرتين وكالولي انسد ملفك وبعد ماكو توطين المهم طلعلي موظف محترم وكتلها رقم ملفي كلي شتحب تسأل شوف السؤال شتحب تسأل كتله على ملفي كلته هسه يكولي مو خابروك وكالولك ملفك انسد وكالولك لتخابر وهنا جاءت الصاعقة  كلي ملفك بالتوطين ومن تجي لجان التوطين ينعرض عليه اه جا شنهي اني افتر الديلكو عندي كتله بس عيدلي الي كلته مفتهمت زين عاد نفس الكلام عاد اني كتله لعد ليش الشهر الي فات زميلك الي خابرته كلي ملفك مسدود وماكو توطين كلي هو كلك هيجي كتله اي والله كال اخي انت لاجىء معترف بيك دوليا" لازم تتوطن كتله هذا الي اعرفهم بس خبلتوني مرة يكولولي ملفك بالتوطين مرة يكولولي انسد كلي لا ملفك بالتوطين ومن تجي اللجان ينعرض عليها المه كتله رحم الله والديك عاد مااعرف صدك جذب منو الصح الي خابروني مرتين وكالولي ملفك انسد لو هذا بس اني حطيت على الجانب المتفائل وكلت هذا حجيه منطقي وان شاء الله يكون صحيح وسألت شوكت تجي لجان التوطين كال خلال هالفترة كلت خير ان شاء الله والله كريم بس الواحد يتفائل بالخير ويكول يالله وهي تتيسر وشمكتوبلنه نشوفه
الخبر الثاني كلت اليوم كله يوم الحرشه خلي اتحارش ويه جماعة الIOM واخابرهم وطرب يطلعلي الموظف كتله يابه اني اريد اسأل اني رفضت موعدين سفر وانسد ملفي اكدر ارجع افتحه كالي تكدر بس أول شي وقبل مااكولك شنو الشروط علمود تفتح ملف لازم يكون ملفك يمنا منغلق او مرجع للمفوضية وكلي انطيني  رقم ملفك واهنا أجتي الصاعقة الثانية كلي ملفك بعده يمنا وتكدر تفتحه بس تنطيني الأسباب او سبب قوي ادزلي اياها على الأيميل ونعرضه للأدارة وهم اذا وافقوا يرجع توطينك لأمريكا اني شفته خوش ولد كلت خلي ادردش وياه كتله اني زوجتي جانت دتتعالج وعندي التقارير كلي خوش سبب واحتمال جبير يرجعون توطينك لأن سببك مقنع فسألته كتلها اذا على سبيل المثال قبلوا همين ارجع اعيد محلف ومقابلات كلي لا بس تعيد الفحوصات والأمنية اذا سقطت تنتظرها وتنتظر بس موعد سفر كتله رحم الله والديك وكلي ان شاء الله نساعدك كتبت القصة وحطيت التقارير وباجر ان شاء الله ادزها الهم والله كريم وادعولنه
بس حبيت افرحكم شوية وخاصة عمر وكريت هوب وبنت العراق وكل الي دينتظرون وان شاء الله الكل الهل يفرجها علينا وعليكم كولوا امين

[عمر عراقي]

الف هلا بحسك وينك من زمان ابن زيونه حبي الف مبرووووك واخبار كلش حلوه
(وجا شنهي سالفتك)   من اول وخابرهم حتى تفرح وتفرحنه وياك .
بس حلوه خوش اخبار والله يسهل عليك وعلينه جميعا .

[شموسه123]

امين يارب العالمين ايههههههههههههههههههه الحمدالله والله فرحتلك ياخويه ابن زيونه شفت اشلون لما الواحد يتفاءل ويخليه على رب العالمين يارب يارب ايوفقك ويسهل امرك

ياكروبنه الحلو الرجاء الدعاء لاخونه ابن زيونه


اختك شموسه123

[توته الحائرة]

مرحبااااااااااا جميعااااا
اشلونكم يا بنات كريت هوب و شموسة وفيوليت المختفيه يارب كلكم بخير حبي هوب اشلونج اليوم واشلونه ابنج؟
شباب كلكم ان شاء الله بخير
والفففف مبروووك اخونه ابن زيونه والله فرحتلك وخوش اخبار ان شاء الله تتسهل امورك ونسمع اخبارك الزينه دائما....ياجماعة ان شاء الله الكل امورها تتيسر ونسمع اخباركم الحلوة...اخونه حمودي اليوم ماكو بس لا سنة دا يوجعه سلااااامات اخونه...واخونه يس 2007 يعطيك العافيه على كولت الاردنيين (ذكرتني من جنت بالشغل وانظغط بالوقت اويلي الدنيه تطلع من عيني) واهنا الشغل من صدك مو لعب ان شاء الله موفق اخونه.....اخونه عمر اشلونك ان شاء الله زين ....بقيت الشباب يارب كلكم اتكونون بخير ونسمع اخباركم المفرحة واحد ورا الثاني

تصبحون على خير وصحة وسلامة وراحة البال

اختكم توتة (ام التوت)

[amman2010]

هلووووووووو هاي انتو واني ماكووووو. مشتاقين, اصدقائي اعذروني بس والله مشاغل مدري منين طلعت شو وحده وره اللخ. اني زين الحمدلله وداقرا مسجاتكم قبل مانام يعني نص نايم بالاحرى ههههه واريد اجاوب اشو اغفي من كثر ماتكتبون ابين مااوصل للنهايه وره نص ساعه ههههه وغادي كلش. لا والله بس بالعكس كلها قريتها وشكرا لسؤالكم واحد واحد كلكم في القل والله.

ابن زيونه اخبار ممتازه يالله انشالله فاتحة خير بس هالمره والله اذا متطلع وترفض التوطين تره الكروب كله يزعل مو تقول مقال المانجر  . الف مبروك الله يتمم بخير.

كريت هوب هاي شنو صدق رجعتيني للايام جمان بحيث اني قمت اغني وبعدين قلت خلي اتاكد هاي من المشترك بس لا سعاد حسني قدمت عاليو ان ومسويه عضويه بكروبنا هههههه اتخيلوا سعاد حسني اتقدم لجوء  . شخبارج اختي العزيزه شلون المعنويات صرنا شهر 7 ما ادري ليش حاسس رح يجيني انذاااار لا هيجي ماكو شي ههههه.

شكرا لكل اللي سالوا عندي واستفقدوني واتمنالكم كل الخير  فردا فردا صبايا وشباب واهلا وسهلا بالاعضاء الجدد وما اتذكر منو سال او طلب نذكر كلمن وين ساكن بالنسبه الي بضاحية الرشيد

تصبحون على الف خير

[توته الحائرة]

اني كلت تصبحون على خير بس اشو ماجاييني النوم (انا الفرحة طيرت عيني خالص)على كولت عادل امام ههههههههههههههههههههههههههه

عيني VIP زين اتسوي عوفها على الله وهيه تنحل ان شاء الله
عيني اخ hawk man سالت على الاماكن الحلوة بعمان هية اكثرها مولات لو مطاعم بس مثل ما كالت اختي بنت العراق عندك حدائق الملك حسين حلوة و شارع الثقافي بشميساني هم حلو بي كعدات وتتمشى هم تكدر والجاردنز هم حلو للمشي وعندك الرابية هم شارع حلو تتمشى وبي مطاعم عراقية (الساير وكص قاسم و علي اللامي) يعني بس يرادلنه نكتب قطعة بالرابية بغداد ترحب بكم ههههههههههههه وها صدك دا ايسوون (مطعم صمد) هسة بالجديد....مراسلتكم من موقع الحدث هههههههههههه
عيني مانجر عمان كل الهلا بيك والله يعينك على التعب والله هاي لمتنه انته الك فضل بيها ونشكرك ونسمع اخبارك الزينه ان شاء الله
حبيبتي كريت هوب ان شاء الله دائما متفائلة واتغنيلنه ههههههههههههه
الى اللقاء غدااااا ان شاء الله

[الرسام1973]

السلام عليكم


تحيه لكل الحلوين شابات وشباب اشلونكم عينى انشاء الله بخير ..... يارب سفر سريع وراحة بال كولو امين .......


اخوكم الرسام ابو علاوى

[أبن زيونة]

حبيبي الغالي عموري الله يفرح قلبك وقلب الكل ويسرها عليكم وعلينه ان شاء الله والله حبيت ارفحكم ويايه اعرفكم اخوتي وخواتي وتردون الخير للكل وحتى الكل متضوج ومتكعد تفكر سبحان الله هذاك الأسبوع جنت مضروب على راسي بعدين كلت خليها على الله وهو ارحم الراحمين
شموسه الوردة الله يبارك بيج ويفرح ويسعد ايامج يارب ومشكورة يا طيبة على دعائج النا الله يوفقج ومتقصرون كلكم اخوة وغالين
توتة الحبابة شلونج وتسلمين عيني الله يبارك بيج وان شاء الله يوم الي نفرح باخبار الجميع وبسفرهم والله اني باجر داروح اودع صديقي طلعتله امريكا وظل على الأمنية سنة يلا انطوه اياه همين ادمر بس كال شيسوي وخطية كلشي ماعنده حتى عسكرية دافع بدل بس سبحان الله ارزاق وكلمن ياخذ رزقه وبوكته
هههههه حبيبي عمان 2010 الله يبارك بيك والله يشوفك كل الخير لا كتلها للموظفة اذا تردون اوقعلكم ورقة اوافق بيها على اي دولة تنطيني توطين او ترجع امريكا وحطوا شرط جزائي لو فلوس لو تسجنوني كامت تضحك فلتخاف ان شاء الله من تصير صدك هالمرة افلت الي شاف الموت يرضى بالصخونة
الرسام مشكور اخوية
عيني كريت هوب الله يفرح قلبج ويريح بالج يارب ومتشوفين غير كل الخير لأن تستاهلين كل الخير انتي والكل واعرف والله انتي فرحتيلي كانه انتي مخابريج وان شاء الله يخابروج عن قريب لأن هو كلي الوفود قريبا تجي وان شاء الله يكون صادق الرجل اي والله احسن شي شغلتج حطيها على الله وكولي يارب وهسه تشوفين شلون تمشي وتركض ركض والله يسرها عليج
بس شغلة ابنج هاي صدك تقهر والله انقهرت عليه كله ولا الحرك شكد اضوج منه تعقدت منه من جنت بمستشفى الشهيد عدنان انطبق ال 3اشهر جانوا يجبون شغلات الحروق صارت عندي عقدة الله يشفي لأبنج البنبوني  والله يبعد عنه كل سوء وترى مرات العين تحسد اقريله ايات قرأنية همين متعرفين كلشي موجود بالهدنيا ومرات اقرب الناس يحدسوج عن قصد او بل قصد والله يبعد عنه كل الشرور
سلامي للكل كمشتن والله يفرحكم ويسر اموركم ومشكورين ماقصرتوا

[doori]

صباح الصباح صباح الخير والهنى والسرور والعافيه والعسل والورد الجوري والقرنفل عليكم كلكم
اولا احب اكول لكريت هوب اختنا سلامة ابنج الف سلامه ويكوم بالسلامه واحنااخوتج الخطيه بركبتج اي شي تحتاجي بس اشري
ثاني اجي على الي موتنا وذبحنا وخلاني شخصيا اصير عصبي الي هو ابن زيونه يعني شكلك اول شي مبروك ثاني شي شفت العصبيه مجيب نتيجه مو كتلك خلي اعصابك بثلاجه وهاي الله فرحك والحمدلله رب العالمين الله ما ينسه عبده لان بده ما ينسا ومن وغاد اذا سويتني اعصاب غير اوووووووووووووووووووووووف اخسرك لمدة اسبوع غده وعشا والريوك كيمر وكاهي وشحداك متريكني كيمر وكاهي حبي الف مبروووووووووووك كلولولولولولولولولولولولولولولولولولولولولولووووووووووووووووووووووووووش اوف انكطع نفسي من الهلهوله هههههههه انت عاد دز الايميل بسرعه وبلكي اني وياك بنفس الطياره يا رب يا الله علمود اعرف شسوي بيك بالطياره اله اكللهم هذا بدل رأيه نزلو بنص الطريق 
المختفي الي جنت اقصده هو عمان 2010 وبين يمكن جان فترة سبات ههههههههه سلامات حبي
توته يا توته شكرا شكرا شكرا لسؤالج عليه مفتقدتني البارحه شلونج وشلون اختج واختنا بنت العراق يا رب تكونون بخير وصحه وعافيه
ياس شلونك شخبارك
مس فوليوت الله يعينها اكيد ملتهيه
vip2010 اخيرا" اقتنعت بكلامي اوووووووووووووف الحمدلله
hawk man اخويه شلونك شخبارك تره قررنا نزورك فشنو رايك ردلي على الخاص ؟
ليون 1977 شخباااااااااااااااارك شكوماكو شو مختفي
شموستنا الي تونا كل يوم الصبح بس شو مسويتها ضلمه علينا ونازله بينه حر  حححححححححح
عموري عيني شو صاير طرد وما ادري شنو اخاف عبالك انت حكم مباراة يمكن متأثر بكأس العالم مثل توته وبنت العراق الي اذا خسر فريقهم راسا محد يتأذه غير ابوهم المسكين راسا يطلعهن ويوكلهن لفات كص وببسي الله يعينه

اوماها ياماها نسيت اسم اختنا شو اجيتي مره وحده واتخفيتي يمعوده ارجعي اهلا بيج

اذا نيت احد ليزعل واذا يزعل تره ما اصالحه ههههههههههههههههه


صباحكم سكر وعسل يا رب

تمنياتي لكم اسبوع غزير بالامطار مال تلفونات من المنظمات هههههههههه



اخوكم
حمودي حمندوش

[doori]

صباح الصباح صباح الخير والهنى والسرور والعافيه والعسل والورد الجوري والقرنفل عليكم كلكم
اولا احب اكول لكريت هوب اختنا سلامة ابنج الف سلامه ويكوم بالسلامه واحنااخوتج الخطيه بركبتج اي شي تحتاجي بس اشري
ثاني اجي على الي موتنا وذبحنا وخلاني شخصيا اصير عصبي الي هو ابن زيونه يعني شكلك اول شي مبروك ثاني شي شفت العصبيه مجيب نتيجه مو كتلك خلي اعصابك بثلاجه وهاي الله فرحك والحمدلله رب العالمين الله ما ينسه عبده لان بده ما ينسا ومن وغاد اذا سويتني اعصاب غير اوووووووووووووووووووووووف اخسرك لمدة اسبوع غده وعشا والريوك كيمر وكاهي وشحداك متريكني كيمر وكاهي حبي الف مبروووووووووووك كلولولولولولولولولولولولولولولولولولولولولولووووووووووووووووووووووووووش اوف انكطع نفسي من الهلهوله هههههههه انت عاد دز الايميل بسرعه وبلكي اني وياك بنفس الطياره يا رب يا الله علمود اعرف شسوي بيك بالطياره اله اكللهم هذا بدل رأيه نزلو بنص الطريق       
المختفي الي جنت اقصده هو عمان 2010 وبين يمكن جان فترة سبات ههههههههه سلامات حبي
توته يا توته شكرا شكرا شكرا لسؤالج عليه مفتقدتني البارحه شلونج وشلون اختج واختنا بنت العراق يا رب تكونون بخير وصحه وعافيه
ياس شلونك شخبارك
مس فوليوت الله يعينها اكيد ملتهيه
vip2010 اخيرا" اقتنعت بكلامي اوووووووووووووف الحمدلله
hawk man اخويه شلونك شخبارك تره قررنا نزورك فشنو رايك ردلي على الخاص ؟
ليون 1977 شخباااااااااااااااارك شكوماكو شو مختفي
شموستنا الي تونا كل يوم الصبح بس شو مسويتها ضلمه علينا ونازله بينه حر  حححححححححح
عموري عيني شو صاير طرد وما ادري شنو اخاف عبالك انت حكم مباراة يمكن متأثر بكأس العالم مثل توته وبنت العراق الي اذا خسر فريقهم راسا محد يتأذه غير ابوهم المسكين راسا يطلعهن ويوكلهن لفات كص وببسي الله يعينه

اوماها ياماها نسيت اسم اختنا شو اجيتي مره وحده واتخفيتي يمعوده ارجعي اهلا بيج

اذا نيت احد ليزعل واذا يزعل تره ما اصالحه ههههههههههههههههه


صباحكم سكر وعسل يا رب

تمنياتي لكم اسبوع غزير بالامطار مال تلفونات من المنظمات هههههههههه



اخوكم
حمودي حمندوش

[doori]

يابه والله اللون الاصفر مجلب شسويله مو مقصوده تره
المهم شباب وبنات اكو موضوع راح اجيلكم بي وارجو المساعده

اكو ام شباب 2 عايشين بسوريا دزتلي على الخاص طلب مساعده فاني وعدتها ان اساللها
ولدها بسوريا ويريدون يجون لعمان طلبت مني اشوفلها شقه بيت صغير اي شي بس ب100 دينار او اقل تكدرون تساعدوها ويايه؟
هذا ضروري اني راح اساللها والارجو منكم هم تسالولها ويا ريت بسرعه لان حركت قلبي والله واناي متأكد كروبنا مراح يبخل علينهم باي مساعده وشكرا سلفا

هالمره راح ابقي اسود الخط ههههههههه


حمودي

[yis2007]

صباح الخير والعافية على جميع گروبنا الحلوين والحلوات .
يابه الف الف مبروك عيني ابن زيونه يعني اخبار تسوي نشاط بالگروب وهلاهل وفرحه الف مبروك عيوني .
ماي منيجر الحمدلله على السلامه ولنشالله موفق .
جميع اعضاء الگروب فردا فردا واحدا واحدا  اصبح عليكم بالخير جميعا بدون ذكر اسماء.

[doori]

مرحبا
جا بويه وينكم اليوم لحد هسه بس اخونا ياس دخل شنهي ما شنهي
 
اصحو على السحور طم ططم طم طم

[doori]

مرحبا

عيني اختنا كريت هوب لتشكرينا تره هذا واجب اذا اخوتج مو يمج احنه يمج لدير بال وتسلمين على هالنزوووووووووووول ههههههههههههه اي والله مو بس نزول لا نزول النزلها لوجع السنون لا وتالي تدري اصاير بي للسن هو باقي ثلث سن والنوب انكسر نصين نص يلعب جنه طوبه مال كأس العالم والنص الثاني ثابت ميتحرك النوب اني من طبعي احب ابحوش بسنوني اريد اشلعه ههههههههههههههههههه لان من جنت صغير جنت اني اشلع سنوني بيديه بس شو قلبي مدا ينطيني هسه ما اعرف ليش اكول قلبنا مات من وره التوطين هههههههههههه
هالومين اشلعه واذبه للشمس واكلها يا شمس يا شموسه مو شموسه صديقتنا لا شموسه مال سنون اخذي سن اللللللللللل و انطيني سن اللللللللللللل مو تكملون انتو الباقي 

سلامة الابنج صدك شسمه هو كولي ما اكول لاحد علمود منصيحلج ام فلان 
قبلاتي لابنج الورده

بالنسبه لام الولد الي كتلكم عليها والله ما اعرف شكللها يعني المفروض من يجون الولد يلكون الشقه زين اخاق الكي والنوب ميجون واذا اجوي وين يرحون اذا ملكو والله حيره شنو رأيج انتي؟


حمندوش

[doori]

مرحبا
هو هم هيج راح ادزلها هسه واني ما عندي مانع استضيفهم يمي كم يوم بين ميلكون بيت بس انتي عندج احد بذيج المناطق؟
يا ريت نشوف الموضوع كلنا قبل ما ادزلها اي رساله لو شنو رأيج يعني نتفق الكروب كله واي واحد يلكي راسا ادزلها رساله وانطيها رقمي ونشوف لان اخاف ممسوين فيزا او ميدخلوهم وانتي بعد ادره بالحدود

[شموسه123]

مرحبا عليكم جميعا

اشلونكم بنات انشالله بخير

شباب اشلونكم شخباركم عساكم كلكوم بخير ياكروبنه الحلو


اختكم شموسه123

[عمر عراقي]

الف هلا بالحبايب واليوم ماكو بس حمودي اخويه الورد.
وام فيصل الورده الحبابه . والحمدلله فيصل البطل تحسن وان شاءالله متشوفون شر.
وهاي الجا شنهي ما شنهي لحد يحجيهه بعد تره ازعل وحمودي يعرف ليش 
وگروب شارع الوكالات يعرفون اني منين اصلا .
من مول الشيوخ بالخربطليه بصف الشخطانيه
شموسه اختنا الغاليه شلونج ان شاءالله بالف خير
ويس2007 الورد الله يعين الجميع على العيشه وتعبهه .
وسلام للجميـــــع
اليوم بنوته وام التوت غيـــــــــاب.
انذار لكل وحده منكم

[doori]

مرحبا للجمبع
شلونكم خوبن اليوم يابسه وتمن ولا احد وكروبنا راح يوصل تسلسله ااخير هاي وينننننننننننننننننكم يمعودون
اني حروح انام لان صاير هريسه من المشي والتعب ويمكن ما اكدر اوصل للقريوله خلي اجرب بالله 


اخواني واخواتي تصبحون على خير واحلام سعيده كلها بال un و ال iom


pl,]d

[شموسه123]

هلو عيني عمرالعراقي اشلونك اني الحمدالله واني اشكر سؤالك عليه عيني



شموسه123

[doori]

صباح الخير للجميع
هاي شنو هالكسل مو راح يندثر كروبنا الى اعماق المحيط شنو السالفه اخاف عدكم شي ومجد يكول يمعودون تره احنا موجدين بخدمتكم وخدمة الطيبين بكل مكان
شاركوا طمنونا عنكم واحد واحد
والكسلان خلي يسمع فيروز بالنهار وشوفو النشاط

سلامي للجميع
اخوكم

حمودي

[amman2010]

هلو وووو جميعا شلونكم انشالله بخير. شلون الاموووووور؟ تره كلش اسف عالغياب وممتواصل بصوره صحيحه وياكم والله ظروف بس ماكو شي يعني بس خطاطير وناس ومعاملات وهوسه لا اكثر ولا اقل واني اموت من الدوائر! عندكم العافيه جميعا بدون استثناء. اقولكم صارت شغلة اليو ان بلا ملح مو بالله؟

تسلمون انشالله كل اعضاء الكروب والله افتخر بيكم وهاي روحكم الحلوه واخلاقكم العاليه وتعاونكم وحبكم لبعض

ماكو اخبار جديده منا منا؟

راجعين

[بنت العراق 84]

صباح الخير شلونهم الحلوين اني صار يومين شوية النفسية كلش تعبانة عمر انطيني انذارات شكد متريد ههههههههه
شصار مصار بغيابي
ماكو شي جديد
حمندش شلونة سنك؟
كريت هوب شلون صار ابنج؟
شلونكم جميعا؟؟
عمر راقبتلي بغيابي خاف احد كتب كئابة شي منا منا  دا انطي انذار ههههههه مو عبالكم اني ماكو تسيب الامور

[doori]

مرحبا
هلو اختنا بنت العراق
هاي شنو مصطلح جديد لازم عموري يدخله من ضمن الانذارات مال نفسيه تعبانه ليش خير يمعوده لتكولين علمود التوطين وما شاه ذلك بالنحوي
سلامة نفسيتج عيني بنوتتنا
اما عن سني اوووووووووووووف شحجيلج هو باقي بي ثلثه بس وجان محشه ووكعت الحشوه واني هملته من العب حديد من الثكل اكون اكز على سنوني الاخ منكسر وباقيله شويه من حطيت القرنفل الضاهر كمل على كسرته وهسه ثلث السن صاير نصين نص يلعب من كرة القدم مال كأس العالم بحلكي والنصف الثاني ثاااااااااااااابت بس بي التهاب فبس يروح الالتهاب اروح اشلعه والى الابد
وتسلمين على السؤال بنوتتنا اختنا العزيزه
يمعودين صلو على النبي لحد يضوج او نفسيته تتعب


الله كريم

حمودي

[عمر عراقي]

انتو ليش تعبانين يولو  حمودي خلي نسوي كروب حمندوش وعموري
وابحدنه نصول ونجول.
بنوته انتي لو ولد چان اجيتلج للبيت وصارت بوكسات 
شنو الحالة النفسية 
گولي يالله وتوكلي على الله. وهسه تشوفين شلون تفرج.

[عمر عراقي]

ثانيا تعالي عيني انتي شلون ضد الحروب والاسلحة
وبصورة توقيعچ جندي شايل العلم وسلاحه على چتافه ؟؟

[شموسه123]

هلو شلونكم

شلونكم بنات كريت هوب بنت العراق توته مس فيولت ماكو انشالله اتكون بخير

شلونكم شباب الدوري شلونك انشالله ايروح الاتهاب وتشلع سنك وتصير زين
عمر العراقي شلونك عيني عمان 2010 اشلونك وابن زيونه عيني اشلونك شخبارك وياس وvip 2010 الرسام اشلونكم جميعا انشالله بخير ياكروبنا الحلوووووووووووو
اتفائلو اهم شيئ هذا وشوفو اشلون تمشي الامور ولا تفكرون هوايه لان تتعبون والله ياكروبنه الحلو

اختكم شموسه123

[yis2007]

صباح مسلء الخير والعافيه گروبنا العزيز شلونكم چفته وحده .
شخباركم انشاءالله زينين والله يبعد الكابه عنكم . عندي اقتراح للجميع حتى نغير الصوره للنگتف يعني اي واحد يصير وياه شي يضوج او يكأب يحچي عكسه . ( تفاديا للعقوبات والفعاليات ما بنت العراق ) يعني اني مثلا صارلي يومين مرتاح كلش والحمد لله النفسيه تمام والمعنويات عاليه وماكو هيچ مكيف ولا اشكو من اي شي ( بالفصيح) .تحياتي للجميع .

[amman2010]

هلوووو للكل.

والله كلش خوش اقتراح يس 2007 وهاي الك مكرمه مليون  . ووياها عفيه هم. بس اكيد اكو ناس رح يشوفونه مرتاحين بس يتطبق القرار ويصدرون قرار مضاد وهالنوبه حتى مرتاحين منقدر انقولها  .

هلو شموسه اي والله احسن شي التفاؤل. اني بخير والحمدلله اسال عنكم الله يحعلكم بخير يارب.

بنت العراق لاتضوجيني والله تفرج وتنقضي وتصير سوالف والله كلنا بنفس الدوامه يعني هم الواحد من يشوف اكو هوايه وياه شويه اتهون عليه وانشالله كلنا نطلع واحد وره الثاني وهم نبقى احسن من وضع هوايه ناس الله يعين الجميع يارب.

راجعين

[توته الحائرة]

مساااااء الخيررررررر على الجميع يارب كلكم بخير وشكرا على سؤالكم بس مرات تجي على الانسان اوقات  ماكتبتها حتى ما انطرد هههههههه هاي حال الدنيا ساعة نفرح وساعة نحزن والحمدلله
حبي كريت هوب الحمدلله على سلامة فيصولي الورد الله يحفظه اشلون اخبارج اختي العزيزة ماحصلتي خبر منامنا؟؟؟؟الله يفرحج ان شاء الله قريبا...شموسة اشلونج عيني يارب اتكونين بالف خير  ومتفائلة دائما....فيوليت ماكو بس هم اسلم عليها
حمودي اشلونك وان شاء الله تشلع سنك وتخلص منه ...عمر ليش هيجي فوك حيرتي تنطيني انذار ههههههه...والله فكرة يس 2007 خوش فكرة قابلة للتطبيق مشكور اخونه....اشلونك عيني منجر الكروب عمان والله يعينك على التعب ان شاء الله كل التوفيق
ابن زيونه_في اي بي_الاسد77_هوك مان_الرسام وكل الشباب يارب اتكنون بألف خير ونسمع اخبار الكروب الحلوة دائما

وهاي اغنية اهداء الى كل الكررروووووب ونحاول نبقى متفائلين دائما
http://www.youtube.com/watch?v=zKGr2BvnduE&feature=related

وسلامي للجميع
اختكم توته

[amman2010]

هاي شنو توته احنا نخلص من حيره انطب بالثانيه  انتي خليتي بيها منجر اذا مدا اقدر اخليج ترسين على بر شتفيد المنجريه يابه . اني بعسج مو من النوع اللي احتار من النوع اللي اختار واي شي تحتاجين لاتترددين تره احنا اخوتج. طبعا شكرا عالاغنيه الحلوه اول مره اسمها والله عاد ماادري هاي قديمه واني مسامعها لو جديده كلش! طبعا اكثر من واحد قبل من جنت بالعراق وبالكليه قايليلي انت كلش تشبه راشد الماجد بس هوه اسمر منك فكل ماشوفه اتذكر ايام الكليه شلون ايام حلوه.


راجعين

[بنت العراق 84]

لالالالالالالالالالالا غبت عنكم شوية لاسباب نفسية اجيت لكيتكم متأمرين عليه بس كشفتكم تريدون تحجون عكس الحقيقة حتى ما انطيكم انذار يمة يمة شلون افكار شريرة هههههههههههه
بس والله قبلت خوش فكرة هاي عالاقل حتى الي يفوت غريب للكروب مالتنة يكول شنو هالكروووب المتفائل الطاك من التفائل والراحة ويتشجع يشترك ويانة
لعد خلي احجيلكم
اني كلش متونسة هالايام وما ادري هيجي احس روحي فد مرتااااااااااحة ما ادري ليش سبحان الله ههههههههههه

حمندوش شنو هذا سنك يلعب لعب بكيفة اني اقترح عليك تشلع كل سنونك وتخلي وحدة اتسويلة عقوبة حتى يتأدب هههههههههه
حبي كريت هوب وصلني سلامج عن طريق توتة تسلمين حبي
تحياتي للجميييييييييع دون استثناء

[doori]

مرحبا للجموع الغفيره الي منتضره اخبار سني الي ديلعب
اليوم لو تدرون اسويت البنات راح تخرب والشباب راح يكولن لو هيج العراقي لو لا ههههههههه اليوم اني كاعد ولساني ديلعب بالسن يودي ويجيبه جان ينجرح لساني بطرف السن ضججججججججججججججججت و كلتله بسيطه طببت ايدي جوه حلكي كلت يا الله جان اجر ايدي جان ينجر نص السن الي ديلعب عبالكم تكولون هم وانزاح دم مطلع غير شويه عاد بقه النص الثاني واني ويا والزمن طويل هسه الكل يكلي حمندوشي ليش متروح للطبيب هسه اكلكم من شنو اخاف  او لا ما اكول علمود لحد يضحك عليه
هاي اخبار سني الي راح نص الثلث الي باقي
المهم شباب اني اليوم راح افيدكم بشغله بالنسبه للضوجه والكآبه وهاي شغله علميه ومجربها اني شخصياااااااااااااا"
من تحسون بضوجه او كآبه تمددون وتحطون بحلكم نستلايه لا بيها جلاتين ولا موكا ولا بطيخ قطعة نستله وتتمتعون بطعمها وصدكوني بس تفتحون عينكم وه بشويه راح تحسون براحه مو طبيعيه هذا غير الاستغفار لله فد مية مره والله اكبر مية مره وسبحان الله مية مره وصدكوني مجربها اني لان اني اختلف عن الجميع لان بحدي هنا مو ويه الاهل فجربوها صدكوني راح تفيدكم

اي هسه نجي يس خوبن كل وين ووين يله يبين النو فقدنا مس فوليوت هاي شلون وياهااااااااااااااااا ادري انتو بنات متعرفون رقمها هاي غير صداقه شو احنا الشباب واحد يخابر على الثاني
عيني هي مسج اكتبو وفلتو لغير ركوب اصاااااااااااار



سلامي للجميع دون ذكر اسم معين




حمندوش

[بنت العراق 84]

يايابة حنسويلك موضوع بالمنتدى حمندوش وسنه المغشوش هههههههه شنو هالسن هذا منين جايبة شو يتجزء اجزاء هو لاعب بيك طوبة وانت هم لاعب بي طوبة  ارحمة شوية خطية
ديربالك ترة دا اشوف اللعبة ودا اشجع اسبانيا واني من اشجع احد اطلعة اطلعة من الدورة مثل مسويت وية برازيل و المانيا لا لتذكروني شلون يومين متتالية جتي علية واحد ورة اللاخ خبطتين في الراس توجع هههههههه
بعدين شمدرينة شو مس فيوليت ملحكنة ناخذ تليفونها اختفت
يلة هسة عندك استراحة بين الشوطين التهي بسنك العب بي بلكي ينشلع وتخلص ههههههه
تحياتي

[doori]

مرحبا
الضاهر مو اني سني يلعب بيه طوبه الضاهر انتي تلعبين بالفرق طوبه ما شاءالله عليج عينج بارده على الفرق الي دشجعيها يمعوده خطيه لشجعين احد مو طلعتي العمالقه من الدوري ههههههههههههههههههههههههههههههههههههههه
 
 
 

[عمر عراقي]

بنت العراق عوفي اسبانيا بحالهم
تره فريقي اذا خسرتي انطيچ انذار ازرگ

[شموسه123]

مرحبا اشلونكم حبايب

كلام الدوري صح اني احب النستله ومن اكل نستله فعلا ارتاح

بس من انام اصير استغفر ربي كومه


اختكم شموسه123

[عراقي وافتخر 4]

تحيه الى الكروب الرائع من خوات واخوان قلت خوات اول لان كافي عنصريه  اخوكم هم من عمان منتظر اعادة الموافقه الامنيه  من بعد ماحصلنا على الموافقه  نعم طلع بيها صلاحية انتهاء مثل الفحص الطبي لاكلكم ولاتكولولي صرنا معلبات ارجوان تقبلوني اخ وصديق الكم وحبي واعتزازي للجميع وان شاء الله السفر للجميع

[الرسام1973]

شلونكم اعزائى الشباب الحلوين والله اتخبلون .... ورائعين من خلال كتاباتكم ....



اشلونج شموسه وبنت العراق وكل الشباب الحلوين البااقين يارب كلكم اسافرون لان حرام انتو تقلقون لان متستاهلون عراقيون طيبون واصلاء وراقون .....تحيه لكم احبائى وتحيه لعراقى وافتخر ......



الرسام

[jasmin hussam]

الله شنو هاى اللمة الحلوة احب اعرفكم بنفسى انى عضوة قديمة جديدة بمعنى جنت اشوف مشاركاتكم من اسم زوجى وهسه سجلت وحبيبت اكون وحدة منكم ويارب اكون عند حسن ظن الجميع

[بنت العراق 84]

هاي شبيكم اليوم شجعت اسبانيا فازت ما شاء الله بلة حسد هههههههه يعني انكسرت القاعدة مال كل فريق اشجعة يخسر
عمر تدلل لخاطرك بالفاينل حشجع هولندا بس في صميم اعماقي حشج اسبانيا وبعد الله اليستر انت وحظك

اهلا وسهلا بيج اختنا الجديدة jasmin hussam نورتي الكروب وانتي العضو النسوي رقم 7 واليوم 7-7 يعني جيتي بوكتج ههه كل الهلا بيج

اهلا وسهلا بيك عراقي وافتخر 4 نورت الكروب بأنظمامك النة بس مفتهت شنو يعني الامنية صارت اكسباير ليش هي مو ورة متحصل الامنية ينطوك موعد سفر فدوة اشرحي ترة اني دا انتظر الامنية الاولى  

الرسام1973 نورت اليوم وينك الايام الفاتت شو ماكو.والله انت هم متستاهل الانتظار ولا اي احد بينة يستاهل الحيرة والانتظار لان احة العراقين صبرنة كووومة وانلعب بحياتنة طوبة  وصدك وصلنة مرحلة محتاجين نرتاح بيها

شلونج حبي شموستنة المنورتنةدائما اني هم قبل ما انام  ابقة ادعي الى ان انعس الله يسمع منة يارب

[توته الحائرة]

سلااااااااااااااام حاااااااااااار مثل حرارة الجوووووو الى كل البنات والشباب بالكروب
اشلونكم جميعاااا؟؟؟؟
حبي كريت هوب اشكرج جداااا على تلفونج اليوم وسؤالج عني وعن بنت العراق وكلج ذوق اختي ام فيصولي...شموسة اني هم من جماعة النستله هههههههههه احبها كلش خاصة من مزاجي متعكر وطبعا القران والاستغفار كلش اتريح النفسية والله يفرح الجميع ....فيوليت والله ماعندي رقمها جان اتصلت بيها بس ان شاء الله تظهر هاي الايام بخبر مفرح يارب
اشلونكم يا شباب المستقبل
عيني عمان المنجر(شبيه راشد الماجد) هاي حتى تتذكر ايام الكلية هههههههه احلى ايام بعد ماتنعاد... اشكرك جدا على تعليقك والله وماتقصرون كلكم اخوانه بس هيه المشكلة لازم واحد هو يختار صعب احد يختارلك والله كريم ان شاء الله يسهل
حمودي بعد ماكو داعي تروح للطبيب اشلع الباقي من سنك وفضها ههههههههه اشلون قلبك انطاك تشلعه بيدك!!!!
عمرررر بعد شتريد فازت اسبانيا  بس والله لعبو حلووو....اشلونك اخونه الرسام ابو علاوي ونشكرك على مشاركتك وننتظر تعليقاتك بكروبنا ونورتنه....يا اهلا وسهلا بالعنصر النسوي الجديد jasmin والله نورتي وكل الهلا بيج ويانه ننتظر تعليقاتج والاخ عراقي وافتخر اهلا وسهلا بيك والله يسهل امرك وتسمع اخبار حلوة قريبا

اخوانه الباقين جميعا فردا فردا ان شاء الله تكونون بألف خير وننتظر تعليقاتكم وطمنونه عنكم دائما

يارب باجر نسمع اخبار حلوووووة

تصبحون على ألففففف خير وصحة وراحة بال

[عراقي وافتخر 4]

منورة بوجودكم بنت العراق..اذا حصلتي الموافقه الامنيه ومر على الاقل ١٢شهر من تقديمج للهجرة وممسافرة الموافقه الامنيه مالتج تنطيج عمرها ..يعني مثل الفحص الطبي كل ٦اشهر ينتهي وتعيدين الفحص وكل يوم ايطلعولنه فيكه جديده ..

كل الهله بيج اخت توته ان شاء الله موحائرة طائرة الى بلد الفرص والاحلام

[شموسه123]

هلوشلونكم حبايبي

هلا وميت هلا بكريت هوب نورتي الكروب حبي خالي صار زين الحمدالله وسافر رجع للعراق
شلونج توته حبي طلعتي مثلي تحبين النستله شلونج بنت العراق
اهلا وسهلا عراقي وافتخر نورت الكروب والله اشلونك عيني الرسام
وشكرا الك واهلا وسهلا باختنه العزيزه jasmin hussam بكروبنه الحلو


اختكم شموسه123

[عمر عراقي]

شنو يابااا جماعة النستله عبالي بس اني احب النستله طلعتو كلكم
يعني الكل شلع يحب النستله واني استحي احجي كدام احد حتى ليكولون
هذا بعده جاهل 
بس اني عندي 4 انواع ادوووووووووووخ عليه وفي مقدمتهه الكتكات عشق حياتي وخاصة التشنكي 
و  ارو  و  فليك و  سنيكرز . يعني اخوكم بالنساتل طفل عمره 7 سنين 
المهم هسه طلع عدنه شبيه راشد الماجد هنا الف هلا بيك حبي عمان2010
واني لو تدرون اشبه منو؟؟؟ حزروا ؟؟؟
اني اشبه شعبان عبدالرحيم بايام شبابه ...
 واييييييييييييييييييييييييييييه   
اما بالنسبة لاوضاع المنظمة واخبارها فالحد الان اني اردد بيت من الشعر لفد شاعر بصراوي
بس مبدع يكول :
( علاســــــه والشعــــب معلـــــوس علــــساً ) 

[doori]

صباح الخير شلللللللللللللللع للكل
اولا ارحب بالاخت ياسمين حسام والاخ عراقي وافتخر 4 ومية هله بيكم بكروبنا كروب الحشاشه 
عيني عراقي وافتخر 4 انضم النا بجمبع الرجال بشارع الوكالات كل يوم خميس ولو عمان 2010 مراح يجي اليوم واعتذر ويمكن راح اكضي بحدي اليوم اخويه هسه ادزلك رقمي وخابرني اليوم ان شاءالله الساعه 8 وربع نلتقي كل شباب الكروب هناك بشراع الوكالات والاعتذار وارد فقط في حالات معينه يعني ماكو اجازة طبيب وما ادرينو وتغلس مثل ما جنه بالمدرسه اي دا اكلك يعني
بنت العراق مبروك اسبانيا ولو ما اشجع اي فريق اني هالمره كسرتي القاعده فعلا"
توته يا توته وين رحتي يا توته منين طلعتي يا توته هاي شنو يا توته توته ويا توته يا توته  شلونج شخبارج عيني نطاني قلبي اشلعه بيدي وبقه نصه الثاني لعد شلون ناطنه قلبنا نشوف الموت بعيونا يوميه بالعراق قلبنا مات تره
شموستنا الحلوه اتذكرتج اول بارح طلع فلم عربي بطولة شاديه ومحمود ياسين مال لن ازع الشوك ما ادري شنو وبيه صوره مال شمس تذكرتج والله
الرسم خوبن سال على الكل بس اني  شكد خطيه اني اخويه شلونك
كريت هوب خوبن هسه اذا ما اسال عليها يبووووووووووووووو شسوي بيه راسا كارت احمر وبرااااااااااااااااااااااا شلونج اختي العزيزه يا رب الكل بخير

عموري عيني يا شعبان عبدالرحيم دسمعو لعد اكللكم عموري شلون شكله ابيضاني شعر مو اسود فاتح لونه غريب عيونه خضر والله تره صدك عيونه خضر ما ادري زرك المهم حلو ومو حلو بنفس الوقت  مو تنسه اليوم عموري بال8 وربع
vip2010شلونك مو تنسه اليوم
ابن زوينه ماكو صارله جم يوم اكيد عنده خطار
ياس تره راح انطلكك بال3 هاي وينك عمي

والي نسيته ليزعل بس هو بالقلب موجود لان اني عندي نقص فيتامين b12 وتره صدك وذاكرتي اطبك على صفحه وانطيني هويتك تدرون ناسي بيا يوم دخلت عمان


المهم اني اليوم رحت لل un لان الكارت الازرق راح ينتهي بشهر 8 شو ماكو هوايه عراقيين ما شفت هوايه
الخبر الثاني من السفاره العراقيه هو اصدار جواز سفر فئة A بدو باصداره من قبل السفاره العراقيه بعمان واي استفسار اني حاضر لان خابرتهم اليوم



بعد
بعد
بعد
بعد
ماكو شي

بنات شراح تطبخون الجمعه عندي طبخه مجهزلها قبل اسبوع اسويها واطكلها صوره واحطها وشوفوا حمودي شيطلع من ايده



تحياتي للجميع

[yis2007]

صباح الخير والعافيه على الجميع . ونرحب بالعضاء الجدد ويا هله و100 هله بهاللمه والله انشاء الله الگروب ديكبر والحمد لله على السلامه . عموري مبروك فوز اسبانيا يابه هذوله گرايبنا الاسبان لازم نشجعهم . حمندوش عيوني لامتك يابه دشلعه وارناح منه . صبايا الگروب الحلوات تمنياتي الكم بالموفقيه والسعاده . باقي الشباب من المنيجر ..................... الخ اشواقي الحاره .

[بنت العراق 84]

صباااااح الخييييييير يا حلوييييييييين شلونكم كلكم كلكم

اكوللكم ترة اني ما حب النستلة وبشكل عام مو كلش وية الحلويات اني من جماعة الموالح اموت عالجبس والاصابع المالحة وهالسوالف هاي اكثر من الحلوياة

حمودي ننتظر اكلتك واذا طيبة علمنياها احنة الجمعة عازمين ناس بالبيت مااسولفلكم من الصبح ليهسة واكفين وية امي بالمطبخ هلكككككككنة بس ما اكوللكم شنو الاكلات الي سويناها لان الشباب حينطوني كارت بنفسجي مو احمر هههههههه

عمر عراقي شبي شعبان عبد الرحيم خوش شاب لطيف 

عراقي وافتخر4 شنو هالفيكات هاي مال كلشي مسويلة اكسباير البصمات اكسباير والفحص الطبي اكسباير وهالمرة الامنية اكسباير عبالك بكيفنة اخرنة الكيس مالتنة مو همة الي ماخرينة اووووي شو اني زعلت هههه شلون موقف عنيف من حظرتي
تحياتي الككم كلكم كلكم

[شموسه123]

شلونكم عيني

اليوم كوله على الطبخ والنساتل عمرالعراقي شلونك عيني انت مثلي نفس نوعيه النستله اكول منه اني

الدوري شلونك عيني ههههههههههه والله ضحكتني انو ذكرتني بلفلم وانشالله تطلع الطبخه طيبه انتظر الصور

بنت العراق شلونج حبي يعني طلعتي مو مثلنه تحبين الحلو والله ايساعدكم  لما يجيون الخطار شكد واحد يتعب
شلونج حبي كريت هوب وتوته
وابن زيونه وعمان2010 والرسام وياس2007وvip2010 وعراقي وافتخر


اختكم شموسه123

[عمر عراقي]

شلونكم حبايب شخباركم ان شاءالله بخير جميعا
حمودي فضحتني ياعيني . مو مشيتهه شبيه شعبان عبدالرحيم يعني شفايتلي لو اشبهه.
المهم شكرا على رسالتك اليوم واني فد شويه اخابرك حبي حتى نتفاهم على الطلعه
لان احتمال اروح للسينما اليوم داريد اشوف اللنبي 8 كيكا يكولون حلو
بس اسبوع الفات رحت شفت عسل اسود مال احمد حلمي فد شي كلش حلو وانصح اي واحد
يريد يعرف قيمة اميركا والجواز والجنسية مالته يروح يشوف عسل اسود لان صدك فلم واقعي وفكاهي
بنفس الوقت وطبعا اني ادري حمودي ميحب السينما 
المهم اني اذا مو اليوم باجر اكيد نتشاوف باذن الله
...........................
ولايزال الوضع كما قال نفس الشاعر :-
( علاســـه والشعـــب معلــــوس علســــاً )

[بنت العراق 84]

اي عفية عمر روح شوفلنة الفمل حلو لو لا اني وتوتة كلش عاجبنة انروح لعسل اسود لان احنة كلش من محبي احمد حلمي وكل مينزل فلم لازم نشوفة سينما لان هو صدك افلامة حلوة وبيها معنى بس المشكلة الخطاطير مدتنطينا مفكة ههههه
ان شا ءالله انروحلة بالقريب العاجل

[doori]

مرحبا
عيني بنت العراق هسه عمر يروح يشوف  الفمل  ويجي يكلج  الفمل  حلو لو لا بس هو  الفمل  اكيد راح يكون حلو بس اذا انتي رحتي شفتي  الفمل  تلكي احله لان الواحد من يروح بنفسه يشوف  الفمل  يحس بطعمه غير شي خصوصا" اذا اكل ويه  الفمل  شاميه
اليوم محد راح لشارع الوكالات غير بسيطه اني اعلمكم تركوني بحدي بس هم مبقيت بحدي على عنادك اجه صديقي ويايه عبالي اعرفكم عليه بس يله الجايات هواي والراحن قليل بس لا دتفترون ومكلتولي اكشفكم بسيطه وهسه دا اكوم اسوي طبختي لان يراد من الليل ابدي بيها وهسه ضايج فخلي اكوم اسويها واجعلكم


سلامي للجميع

حمندوشي

[توته الحائرة]

مرحبااااااااا جميعااااا هاي وينكم اشو عايفين الكروب وحده خطية
كريت هوب حبي اشلونج؟اليوم ماكو اكيد طلعتي ويه فيصولي حبي طمنيني على اخبارج....شموسة الحمد لله على سلامة خالج اشلونج عيني؟؟ فيوليت اشوكت راح اتحنين علينه مشتاقيلج
شبابنا اشلونكم اكيد بشارع الوكلات اليوم بالعااااااااافية عليكم
حمودي اشلونك؟؟ اشبقه من سنك بشرني هههههههه عندك العافية....عمررر اشلونك؟؟ ليش تره عادي اتحب النستله اني الى ان ايصير عمري يمكن 90 سنة ابقى اكل نساتل ما اكدر واكثر شي احب المارس وجلاكسي وباونتي بجوز الهند ...يس 2007اشلونك وشكرا على دعائك والله يوفقك اشلونها اربد؟؟....هسة من نطلع لشارع الوكلات اذا شفنه واحد يشبه راشد الماجد انكول هذا عمان المنجر واذا واحد دا ايشلع بسنونه يعني حمودي و اذا واحد اعيونه خضر مدري زرك يعني عمر بختتتت اعيونك املونه   ههههههههههههههه الله يحفظكم ان شاء الله جميعا
اخوانه ابن زيونه_في اي بي_الرسام _عمان_عراقي وافتخر وكل الشباب ان شاء الله اتكونون كلكم بألف خيررر وصحة

جمعة مباركة على الجميع

توته (أم التوت)

[توته الحائرة]

عيني حمودي تره سويت ارسال على تعليقي يله قريت تعليق ...هاي شمسوي بأختي بنت العراق ههههههههههههههه الفمل هذا مصطلح جديد تره بعده ما نازل هههههههههههه ....هاي لازم تكتب اليوم غياب لكل اللي ما راحو لشارع الوكلات من الشباب ويله خيرها بغيرها....شنو راح تطبخ باجر؟؟؟عود نزلنه الصورة اذا ممكن بلكي اكلة جديدة وتكتبلنه المقادير وطريقة العمل وبالعاااااااااافية مقدما

انشوفكم جميعاااااااا على خيررررر

اختكم
توته

[عمر عراقي]

هلا بنوته شو صايرة تصنيف انتي اليوم بس اني انصحكم تروحون تشوفون عسل اسود
لان فلم كلش حلو كوميدي وهادف وواقعي . خصم الحجي (الي عنده جواز امريكي يأمر وينهي)
توته اهلا بالنساتل طبعا للعلم اني احب المارس والباونتي جدا واشكر تعاونكم معنا   
حمودي اليوم صار بينا فلم ماصاير اذا اكو احد منكم فات عالرابية وشاف خمس سيارات مداعمه
خلي يكـــــــــــــول تصوروا 5 سيارات تصادمت تداعمت بس الحمدلله طلعنه سلامات
والله كنت متوجه لشارع الوكالات بس سبحان الله (قدر الله ماشاء فعل)
شباب شلونكم
اشنو مااشني ماشنهي ماهاها. (هاي يعني شكوماكو)  بكل اللهجات العراقية
تحياتي الك وين انته موجود ومشاعر ياحبيبي مالهه حدود
هاي للجميـــــــــع
ولايزال الوضع كما قال نفس الشاعر :-
( علاســـه والشعـــب معلــــوس علســــاً )

[توته الحائرة]

عيني عمر سلاااامات سلااااامات شنو القصة؟؟؟والله على اساس دا نطلع نتمشى بالرابية بس بنت العراق خربت واهسي وكعدنه وسكتنه بالبيت
يمعود سلامتك شنو اشلون صار الحادث؟؟؟؟ همزين قدر ولطف بيكم والحمد لله على سلامتك وماتشوف غير الخير ان شاء الله
بس سؤال اذا ممكن هذا الشاعر ماعنده غير هاي المقولة 

تصبحوووون على خيررررر جميعا باجر الوالدة اتكعدنه من وكت من وره العزيمة

[بغداد بالقلب]

مسائكم خير جميعا
مع الاسف اتعرفت على هذا الموقع متاخر بصراحة بيه كومة معلومات مهمة
بلازحمة عليكم الي عندة فكرة يجاوبني لان بصراحة دخت من كثر الحالات و المشكلة مشفت حالة تشبهني
اني كنت بالامارات و سنة 2008 حولت العائلة لسوريا و قدمو يو ان بدوني  المهم شهر 3 بهاي السنة قدمت على الاي او ام بالميل و مركز عمان جاوب المهم ورة مراسلات و ورة ما طلبو كل المستمسكات و العقد الي اني مشتغلة وية الجيش الامريكي و بالكوة دبرت ايميل الضابط الي موقع العقد وياي لان هذا العقد من 2004 .
المهم يوم 5-5 انطوني فايل نمبر و كالو اي تطور احنة نتصل بيك و كل اسبوعين اخابرهم يكولون بعدنة ننتضر الموافقة مال امريكا ؟؟؟؟
اذا احد يعرف التسلسل شلون ياريت يفيدني و رائيكم اذا احول لعمان الموضوع يمشي اسرع لو الف راسي و انام وية العائلة بسوريا الى ان الله يفرجهة .
ياريت اذا احد يعرف تسلسل الخطوات و المدد الزمنية المتوقعة رح اكون كلش ممنون حتى الواحد يعرف شيسوي

[عراقي وافتخر 4]

احلى تحيه الى احلى كروب

يابه اشومتتفاهمون كله نساتل وموالح اشو مجيبون سيرة الباميه والسوالف الزعلانه دايرمدايرها. . عيني بنت العراق ولايهمج اليوم الهجرة كركعتهم بتلفون  :Dوصيتهم عليج ولاتزعلين وكتلهم اني من طرف كروب عمان كالولي اصلا هذا الكروب كله اكسباير
حبي واعتزازي للجميع
محمد/عمان

[doori]

صباح الخير الساعه هسه 3:03 فجرا" شلونك شباب عمر الف الحمدلله على السلامه والله لوما الوقت متأخر جان اتصلت بيك بالمال ولا بالعيال فدوه كلشي المهم سلامتكم والله قجر الله وما فعل شاء
عيني اخونا او اختنا بغداد بالقلب اني برأيي متخابرون على المنظمه لان صدك لو اكو شي يتصلون راسا" واني انصحكم ان تصعدون بالتاتا مال مس فيوليوت هههههههههههههههه انتضروا والله كريم الصبر ثم الصبر ثم الصبر
عيني توته هي اختج كاتبه عمر راح يشوف الفمل مو اني فاني استغليتها فرصه والحياة فرص ههههههههههههههه اهم شي عمر الفمل حلو لو لا كللها لبنت العراق الفمل حلو لو لا
وين البقيه شو شافيه وافيه
توته هي مو طبخه جديده بس تكدرين تكولين ولا شاب يسويها لان يستحون بس انس ما استحي باجر اصورها قبل ما اخليها على النار واصورها من اصبها ان شاءالله اني انصح كل شاب نصيحه اخويه اعرفو تطبخون تره نص المصاريف على الاكل الاكل من برا اغلى بهوايه وانضف من اكل البرا واذا تكولون ماكو وكت لا اكو وكت لكلشي اني تصورو مره اشتهيت باميا الساعه 3 الفجر كمت طبختها والله تصدمون لو لا وهذا الحجي ببغداد تره الطبخ فن ونفس لازم ادخلكم دورات طبخ ولحد يستحي من الطبخ يا شباب


تجياتي للجميع

حمندوشي

[doori]

صباح الخير الساعه هسه 3:03 فجرا" شلونك شباب عمر الف الحمدلله على السلامه والله لوما الوقت متأخر جان اتصلت بيك بالمال ولا بالعيال فدوه كلشي المهم سلامتكم والله قجر الله وما فعل شاء
عيني اخونا او اختنا بغداد بالقلب اني برأيي متخابرون على المنظمه لان صدك لو اكو شي يتصلون راسا" واني انصحكم ان تصعدون بالتاتا مال مس فيوليوت هههههههههههههههه انتضروا والله كريم الصبر ثم الصبر ثم الصبر
عيني توته هي اختج كاتبه عمر راح يشوف الفمل مو اني فاني استغليتها فرصه والحياة فرص ههههههههههههههه اهم شي عمر الفمل حلو لو لا كللها لبنت العراق الفمل حلو لو لا
وين البقيه شو شافيه وافيه
توته هي مو طبخه جديده بس تكدرين تكولين ولا شاب يسويها لان يستحون بس انس ما استحي باجر اصورها قبل ما اخليها على النار واصورها من اصبها ان شاءالله اني انصح كل شاب نصيحه اخويه اعرفو تطبخون تره نص المصاريف على الاكل الاكل من برا اغلى بهوايه وانضف من اكل البرا واذا تكولون ماكو وكت لا اكو وكت لكلشي اني تصورو مره اشتهيت باميا الساعه 3 الفجر كمت طبختها والله تصدمون لو لا وهذا الحجي ببغداد تره الطبخ فن ونفس لازم ادخلكم دورات طبخ ولحد يستحي من الطبخ يا شباب


تجياتي للجميع

حمندوشي

[عراقي وافتخر 4]

اخويه حمودي الدوري والله ماكو احسن من طبخ البيت صدك انظف من اكل البرة واني جبت طاري الباميه ورطتك ورطت نفسي  ;Dلان داعيك اشهى باميه ب٤الفجر  ;Dوالسوالف الزعلانه مالتها والله اطبخ باميه تقرا وتكتب واطبخ كل انواع المرك واتحده اي وحدة من البنات تطبخ مثلي والطبخ فن ونفسيه ..اخويه حمودي شنو رايك هسه اباميه وتحطها على الحكاكه وياها بصل يبوووووو
يابه تصبحون على الف خير

[ضـاع الوطن]

صبااااااااااااااااااااااااااح الخير شلون الاعظاء الحلوين اسف للغياب الطويل ان شاء الله الكل بخير

[شموسه123]

صباح الخير جميعا

سلامات عمرالعراقي عيني الحمدالله عسلامه شلونك الدوري عيني انشالله تطلع الطبخه طيبه كلامك صح صدوك الطبخ فن
شلونك عراقي وافتخروعمان2010 وابن زيونه اشو ماكو انشالله خير شلونك اخويه ضاع الوطن عاش من شافك عيني

شلونج حبي كريت هوب انشالله زينه شلونج توته حبي الله ايسلمج وبنت العراق شلونج حبي



اختكم شموسه123

[doori]

مرحبا
كل الهله بضيوعي هاي وينك عيني شنو شوكت طلعت من بطن سمكة القرش هههههههههههههه تره اني متابع اخبارك وسمعة انو تلفونك مغلق وضل بالنا عليك اخويه الحمدلله على سلامت
شموسه اختنا العزيزه تسلمين على السؤال والطبخه طبختها بس مو هسه اتغده بالوحده اصورها واحطها



سلامي للجميع


حمندوشيان

[بنت العراق 84]

صباح الخير حبايب يارب تكون جمعة مباركة عالجميع وباجر اسبوع جديد يارب يكون كلة خير على الكل

حمودي هاي شمسوي بية علمود الفمل هههههههههه يابة اني شعلية اني كتبتها فلم بس هي هاي الميم وكيحة جتي ونبصت قبل اللام اني شعلية يلة ننتظر أكلتك بفارغ الصبر اني هم اليوم مسوية جيزكيك للخطار شكلة لحد الان كلش حلوو بعد دا انتظر يجون ونشوف طعمة شلونة الله يستر

عمر عراقي شنو القصة مال الخمس سيارات سلامتك الف سلامة همزين مطلعنة اني وتوتة للرابية البارحة عساس دنروح بس اني خربت واهسها بكل فخر واعتزاز

الحمد لله على سلامتك ضيوعي عاش من شافك والله استفقدناك

عراقي وافختر 4 عاشت ايدك عالتوصات بالمنظمة تخيل بحيث هالكد ما واسطتك قوية خابروني معد سفر اليوم صح جمعة بس خابروني كلولي عكب باجر سفرتج ههههههه شنو هاي بكارتون ساسوكي متصير مو بالله وجني حطبك وياك عالسرة مال المعلبات الاكسباير وراها يمكن حيتلفونة 

شلونج حبي كريت هوب وشموسة اني بخير بس شو ما ادري شنو القصة الخطاطير من بغداد مدتنطينة نفس لان صيف والفيزا صايرة سهلة شو كل شوية احد جاي يلة نلتهي نكضي ايام ودنشوف تاليها

بغداد بالقلب اهلا وسهلا بيك ابس اريد توضيح على سؤالك يعني هسة انت عندك فايل بالiom
 وتريد تعرف شنو الي حيصير وراها؟؟؟بس الي اعرفة انو المفروض المنطمة مال عمان تمشي طلبات اسرع من سوريا ومن الامرات ومن مصر هيجي سامعة ونعرف ناس جان فايلهم بسوريا ومن صار تاخير حولو لعمان حتى يصير اسرع وبعد ما اعرف العلم عند الله

تحياتي لابن زيونة ويس2007 وعمان 2010 ومس فيوليت
 وللرسام واختنا الجديدة jasmin hussam واذا نسيت احد فهم سلامي اله
جمعة مباركة عالجميع

[بغداد بالقلب]

والله عمي حقك (بنت العراق 84 )
مو دا اكلكم مشفت حالة ملعوصة مثل حالتي اني زوجتي و اطفالي مقدمين UNHCR بسوريا من 2008 واني ممسجل وياهم وطبعا محد كلبهم .
اني بالنسبة الي بداية السنة تركت الامارات و جيت لسوريا وية العائلة بس مدخلت بالملف مالتهم المهم قدمت بالميل على الاي او ام عمان ودزيت كل الاوراق المطلوبة بالميل مستمسكات و القصة و العقد وية الجيش الامريكي وايميل الضابط الي موقع العقد طبعا العقد كان من 2004 الى 2005 و ما ادري هذا الضابط يتذكر لو لا لان اني كنت مدير الشركة و كنت قليل اجتمع وياهم المهم الاي او ام مال عمان فتحولي ملف و نطوني كيس نمبر 5-5 بهاي السنة يعني قبل شهرين و هاي كل اسبوعين اخابر و يكولون دننتضر الموافقة من امريكا ؟؟؟؟؟؟؟
سؤالي الملف شلون رح تكون مسيرتة اقصد مينين يروح و ين و هاي الموافقة شنو ؟؟ اولية لو معناه الموضوع مشى و معدل الوكت بكل خطوة .
ادري دوختك بالاسالة بس بصراحة ماعندي كل فكرة وياريت اذا اكو احد لاخ ممكن يفيدني
و ممنون الكم مقدما

[بنت العراق 84]

بغداد بالقلب
اني ماعندي علم بالنسبة للي مشتغلين وية الامريكان شلون حالتهم بس الي اعرفة انو ورة متقدم طلب عن طريق الايميل تطلب بي الانظمام الى المنظمة وراها همة يحددولك موعد مقابلة اولى تجيب وياك كل مستمسكاتك الي بعثتها بالايميل ولكن الاصلية بالاضافة الى شهاداتك ودفتر الخدمة وكلشي وكلاشي يعني الجنطة مال الوثائق مالتكم كلها تجيبها وياك باول مقابلة هههه وراها او اكو ناس بنفس يوم المقابلة الاولى ياخذون بصماتكم وطبعا المقابلة الاولى تكون وية موظف من المنظمة يعني اردني اذا انت حتقابل بالاردن
وبعدها يحددولك موعد مقابلة وية المحلفين الي همة محامين امريكيان مع مترجم وهم ترجع تحجيلهم نفس الشي الي حتجحي بالمقابلة الاولى وراها تجيكات امنية ودورة تثقيفية وفحوصات طبية وموعد سفر
هاي مراحل التقديم عن طريق الاي او ام العادية بس بالنسبة الك ما اعرف شنو يقصدون موافقة من الامريكان!!! بس تكدر تنزل موضوع خاص بيك تستفسر بي عن هاي الحالة واكيد اصحاب الخبرة حيفيدوك بهالشي
اما بالنسبة للفترة شكد تاخذ وقت هاي الاجراءات محد يكدر يتكهن بيها بس حط ببالك فد سنة اواقل حسب التساهيل اكو ناس تمشي اموره ما شاء الله بست شهور او تسعة وناس تعبر السنة
والله يسهل عليك ياربي
تحياتي
اختك بنت العراق

[doori]

مرحبا
يا الله يا الله يا الله شكد طيب الاكل اني اليوم سويت جدرية ورق عنب مع الشجر وهاي الصور تصورو حمودي شاب يلف ورق عنب صدقه لله والله اني وحش بالغربه اول صوره الجدريه قبل الطبخ

الصوره الثانيه والثالثه مطبوخه وكلبتها وهسه بعد ما اكلت يله دزيتلك المسح اوووووووووووووووف شلون طعم بالعافيه حمودي

[doori]

ها نسيت الصوره الثالثه انزلها يله عيشو ولو على كد حالي جدريه صغيره بس اللكمه الهنيه تكفي ميه وها ما اكلت هوايه لان بحدي
 

[amman2010]

هلو كروووب شلونكم انشالله الكل بخير.

حمودي الف عافيه.

عموري الحملله عالسلامه حبي.

مس فايوليت بس تقرين المسج هذا حتى لو مشغوله بس طمنينه عليج بهلو انشالله ماكو الا الخير.

كريت هوب وتوته وبنت العراق وشموسه شلونكم عالخطاطير والتعب والانتظار؟ هانت انشالله كلنا وياكم لاتديرون بال تنقضي.

يس 2007 شلونك اخويه خلينا نشوفك بس تنزل لعمان شخبارك؟

ابن زيونه اشو اختفيت شلون الامور بعد الاخبار الحلوه؟ الله يسهل الامور اكثر واسرع يارب.

عراقي وافتخر4 وياسمين وبغداد في القلب كل الهلابيكم وانشالله وجهنا خير عليكم والله يسهلها عالجميع.

في اي بي 2010 شلون ويه الضوجه مال الانتظار وفوكاها كاس العالم. لاتدير بال صديقي عادي تحدث في احسن العوائل!
 ضاااااع الوكن الحمدلله عالسلامه شنو هالغيبه انشالله اتونست بالعقبه.


راجعين

[شموسه123]

عيني شنو هلورك العنب هذا حتى اللف لافه صح عاشت ايدك عيني طباخ مضبوط و بلعافيه ابصراحه ماكنت متصوره هيج تطبخ
هلو عيني عمان2010 شلونك انشاالله بخير




اختكم شموسه123

[عمر عراقي]

شكـــــرا للجميع على دعواتكم
واتمنى للجميع السلامة والموفقية
وبالنسبة لتوته اهديچ هاي القصيد الشعريه لنفس
الشاعر البصراوي الي ماراح اذكر اسمه حتى لتكون دعايه
اوماشابه اليكم القصيدة
 

[ضـاع الوطن]

كل الهلا بالكل وشكرا لتفقدي اشكركم والله الحمد لله اتونست بس وين وراها رحت السوريا والتركيا مشوفوني اتاخرت اجو اصدقائي الي همه اكثر من اخوتي ولو اني الوحيد الاهلي رابي وياهم وجاين من هولنده فنزلنه السوريا بنفس اليوم الي رجعنه من العقبه وراها رحنه التركيا والله تونسنه وغيرنه جو والحمد لله والشكر عافتني سمكه القرش هههههههه

[بنت العراق 84]

لالالالالالالالالالا بعد منا ورايح حنسميك الشيف حمندوش شنو شتفرق عن الشيف رمزي عاشت ايدك كلش حلو شكلها وامبينة طيبة وخوش لف لافها امكمطها خوش تكميطة ممفلولة عافيااااااات

عمر عاشت ايدك على القصيدة ولو اني وتوتة كلش انقهرنة عليها لان الكلمات كلها صحيحة وهذا واقعنة مع الاسف

كريت هوب حب شو ماكو؟؟
شلونج شموسة اليوم هلكنة اني وتوتة بالعزيمة خطية توتة استلمت غسل المواعين واني التقديم وعندج الحساب ههههه

ضاع الوطن زين سويت غيرت جو شلونها تركيا سولفلنة كلش عاجبنة انروح بس مربوطين وية هالمنظمة خاف انروح ويتصلون وتليفونة مغلق وتنام علينة الطابوكة اكثر ما هية نايمة

يا هلاااااا بعمان2010 المنجر مالتنة الورد

اليوم اني وتوتة وكرايبنة طلعنة تمشينة بالرابية بس شو حارة الدنيا بس مشفنة لا واحد يشبه شعبان عبد الرحيم ولا راشد الماجد ههههههه

تحياتي الكم كروبي العزيز

[doori]

مرحبا
شلونج بنوته شخبارج تسلمين طبعا شيف بس مو شيف ركي ههههههههههههه بس والله اطبخ طبخ شيف رمزي مو مثلي هههههههههههه وين طريقة الجيس كيك مو كتلج دزيلياها
مدشوفن دا افكر بمطعم يلا الله يا رب ينطي كل شب وشابه بالي يفكرون بي
المهم شلونكم كلكم كلكم شخباركم يا رب تكونون بخير



حمندوشيان

[بنت العراق 84]

اي والله طلع جيس كيك خياااالي ومو صعب والله وشكلة كللللش حلو تدلل اكتبلكياها عالخاص تدلل من عيني
هاي جديدة حمندوشيان شو انت اتدلع الدلع ههههههه اول شي حمودي بعدين حمندوش وهسة حمندوشيان شو ذكرني بهذا اللاعب سبستيان هههه نفس الوزن

[توته الحائرة]

مرحبااااا جميعااااا يارب كلكم بخير
حبي كريت هوب وينج عيني اشو مختفيه؟؟ يارب اتكونين بخير...شموسة اشلونها الجمعة وياج والله احنة التهينه بالخطار والحمدلله....فيوليت يارب ترجعينه بخبر حلوووو
عمان اشلونك والله ملتهين بالخطاطير والمطبخ بس يله ملتهين اشويه ومتونسين وياهم حتى يمشي الوقت...شكرا على سؤالك وموفق ان شاء الله
عمررر عيني شكرا جزيلا على القصيدة كلش عجبتني لان اصلا احب الشعر الشعبي العراقي جداااا والقصيدة اكثر من رائعة وكل مقطع بيها احلى من الثاني (تسلم ايدك) والله اكو مقاطع أثرت بيه كلش وخاصة (هسة البيت زين وصار بي جام...بس كلب العراق انكسر جامه)
حمودي ماشاء الله شنو هاي الابدعات والله عفية عليك والف عافية (صحة وعافية) ونشكرك على الصور
ضاع الوطن واخيراااااااا كل الهلا بيك و برجعتك والحمد لله على سلامتك خوش جولة سياحية امسوي وتركيا حلوة تستاهل واحد ايشوفها..... ماشفت (مهند لو اسمر) اهناك هههههههههههههه تره ذولي اسماء شخصيات بمسلسلات تركيه اخاف ماتعرفوهم.......... والحمد لله شفت اصدقائك
اخوانه الباقين جميعا يارب كلكم بخير وصحة وسلامة
يارب هذا الاسبوع ايكون خير ونسمع اخبار حلوة ونفرح كلنا

اختكم
توته

[ضـاع الوطن]

اي والله تونسه حلوه تركيا بس جانت بارده كلش ومطر يعني بين قوسين رجلينه خضره عليه ههههههههههه بس اول يومين بعدين اتكول بالبصرة كاعدين من الرطوبه بس حلوه

[عراقي وافتخر 4]

تحيه حلوة الى احلى كروب


كل الهله بيك اخويه amman2010 اني قائد مؤسس مثلك ..صدقني وجهي خير وهسه شوف الكروب مالتك شلون راح يطشرون ..فتحت جمعيه مابعد استلام الظرف عمان ٥/١٢ طشرتهم كلهم لامريكا وبقيت اني ..

اخويه حمودي الطبخه مالتك رهيبه فتحت شهيتي وين اروح بهليل بس لوخال شويه سوالف زعلانه دايرمدايرها ..كاسة زلاطه  ;Dجنك ماتدري نوميه استكان جاي تكعد وزن

بنت العراق هسه يالله دريتي احنا متلوفين موكنالج اكسباير ;Dحلوة مال معلبات  موبالله  ..بعد منويريد يطبك وياي بالسرة  

تحيه الى جميع الاعضاء الرائعين الاخ العزيز الرسام ١٩٧٣   great hope , ضـاع الوطن توته الطائرة , بنت العراق 84, عمر عراقي, amman2010 , doori  شموسه123

[عمر عراقي]

الف هلا اخويه عراقي وافتخر وتنكــــــــر مرحبا بيك ويانه بالگروب
وان شاءالله هالمره تتطشر ويانه لاميركـــا ونسوي گروب جديد
نسميه ( گروب الشباب الي مقدمين من عمان سابقا وحاليا وصلوا لاميركا)
ميخالف هو شويه عنوان طويل بس  نلكيله حل سهله بس خلي نوصل ان شاءالله.
وباقي الحبايب شلونكم
حمودي اخويه شكــــــرا على اتصالك الحلو وهاي الوگفات مو غريبه عليك ياورده.
عمان2010 شلونك  حبي مشتاقين د اظهر مو كافي عاد طالت غيبتك.
ضاع الوطن حبي حمدلله على السلامه ومن حجيت على الرطوبه مال تركيا
ضربت بخشمي الرطوبه مال البصرة وسبيت  ولعنت
كلمن كان السبب وخلاني اطلع من العراق واعوف ذيج الذكريات الحلوه الي بعد متتكرر.
توته وبنوته لوري هلا وكوستر مرحبا وتنكـــر هلو  بيكم اكول اليوم الرابيه تضوي بالليل
اثاري الاقمار طالعه تفتــــر بيهه ياحي الله بنات گروبنه 
حياكم الله واني حاضر وماعندي مانع انطيچ اسم الشاعر بس اخاف لتخترعين من شكله 
للعلم هو صديقي  واني كاعد وياه عدة مرات ودائما اتشاقه وياه على شكله
وهو يكول هذا هم حظي حتى الي يعجبهم شعري همينه من يشوفوني يبطلون من وره شكلي 
المهم اني حاضر وان شاءالله انزل بعد قصائد لنفس الشاعر بگروبنه الحلو حتى يسمعهه الجميع
وكريت هوب ام فيصل  الورده ماناسيچ ودائما بالبال وندعيلچ وان شاءالله تصير ايامچ كلهه فرح وخير وسعادة.
شموسه ياحي الله هالاسم الراقي وانتي تعويذتنه الي نتفائل بيهه ونحبهه واسمچ يعيد روح الامل والتفاؤل بينه
واتمنى يكون الفرح نصيبچ اختنا العزيزة.
وتحياتي واشواقي للجميع وان شاءالله الجميع بخيـــــــر       

[بنت العراق 84]

صباح الخير حبايبنة الحلوييييين شلونكم
اني اليوم شو كاعدة من الصبح نشيطة وكلي حيوية ما ادري ليش
 
يكريت هوب الله يساعدج عالخطار فوكاها عدهم جهال كلش زين شكد احبهم للجهال من يتناكرون على الملاعيب وتعاي فاككي بينهم المن ترضين دترضين ههههههههههههه

عراقي وافتخر 4 يلة لعد ننتظر فعالياتك بالتطشير حتى اتطشر اكروبنة هههههههه بس انت اول واحد انريدك تتطشر وتطلع من مرحلة الاكسباير..واني كلش معجبة بالسوالف الزعلانة مالتك لو بس ادري منو مزعلها؟؟

تسلم عمر الرابية منورة بيكم هو اني دا اكول ليش الشاعر من ديلقي القصيدة ماكو شكلة  حاطين صورة وهو بس صوتة احسن لعد خلي هيجي  صوت بدون صورة هههههههه يلة ننتظر المزيد من الاشعار منك

اتمنى للجميع اسبوع مليء بالبشارات السارة الكم كلكم شموسة وكريت هوب وضاع الوطن ومس فيوليت وعمر عراقي وعمان 2010 وحمندوشيان اخو سبستيان وابن زيونة ويس2007 وكريت هوب و توتايتي والرسام وبغداد بالقلب و jasmin hussam وبعد وبعد ترة تعبت كروبنة صاير هواية ما شا ءالله هههههه
صباحكم عسل جميعاً

[ضـاع الوطن]

صباااااااااااااااااااااااااااااح الخير اخواني وخواتي ان شاء الله يوم سعيد واسبوع سعيد على الجميع

اخويه عمر الله كريم ان شاء تجمعنه لمت اهلنه من جديد لان اني هم بيه عرك من البصرة

[yis2007]

صباح الخيرات گروبنا العزيز .
يابه شنو هالابداعات عود اني ما احب ورق العنب بس حبيت الصور  .حبيبي حمندوش الله يساعدك .
عمان 2010 حبيبي تحياتي ماي مينجر .
عموري حبيبي شكرا على المقطع تحياتي .
الصبايا الحلوات صباح الخيرات عليكم جميعا .
تحياتي للجميع بدون ذكر اسماء

[doori]

صباح الخير والهنا والسرور على جميع اخوتي وخواتي بالمنتدى وبكروبنا العزيز
ما شاءالله اليوم ياس وضيوعي وبنتوه وتوته وكريت هوب وعموري وعمان 2010 ما شاءالله الكل منورنا
شكرا على ردودكم بالنسبه للطبخه وهذا اعتبره دفعه الى الامام علمود الواحد يفكر من صدك بشغل الطبخ في الغربه بزنس يعني وسويتولي واهس اطلع ابداعاتي الطبخيه واصورها وتشوفوها
بصراحه شباب وصبايا اني من جنت في بغداد وتصير عزومه عدنا اساهم بصنع الكيكات والترايفل لا وهمين محد يسوي ديكور الفواكه غيري لاني ادربت سنه كامله في فندق الرشي بوقتها وتعلمت هوايه شغلات وراح اكللكم سر او هو مو سر شغله مفيده للجيمع اي واحد يريد يسوي مشروع مشروع المطعم او المخبز ميخسر لان اي مشورع بي اكل ميخسر باذن الله لان الانسان يكدر يستغني عن كل شي اله الاكل بس مو اي اكل واني ان شاءالله اذا الله كاتبلياها وسافرت اريد اكمل دراستي بهذا الموضوع الطبخ
راح اكللكم معلومه عن الطباخين في العالم مرا راح فرانسوا ميتران الى بريطانيا بزياره رسميه تصوروا اسوه اشهر شيف في بريطانيا سوه قائمة طعام تسمى ( منيو ) كل اكله بيها بدايتها حرف f ونهايتها حرف b تكريما لزرياة ميتران الى بريطانيا
المهم شلون الجميع يا رب يكونوا بخير يا الله واتمنالك بداية اسبوع سعيده ومباركه وكل عام وانتوا بخير بمناسبة يوم الاسراء والمعراج

سلامي للجميع والى طبخات جديده ومميزه من الشيف حمندوشوا 

[عمر عراقي]

بنوته اهلا بيچ اختنا  ومراحب والله بطلتچ الصباحيه المبكرة 
حمودي اخويه الورد وبمشاركاتك الحلوه وكلامك كلــــه صحيح.
yis2007 شلونك حبي مشتاقين والله لمشاركاتك الحلوه.
ضاع الوطن حبيبي اني بيه عروك بصراوية لان الخوال بصرة واني ساكن هناك مدة طويلة.
وهاي مجموعة ابوذيات وقصيدة صغيرة لنفس الشاعر

[بنت العراق 84]

اني اليوم اول وحدة كاعدة بالمنتدى ومصبحة عليكم اول وحدة 

الله يوفقك حمودي ياربي وخاصة من تسافر بحيل الله هناك الاكل العربي الكل تحبة لان همة اكلهم مطيب كلة خرابيط يعني توكلهم دولمة لو محشي ورق عنب لو برياني يمكن يتخبلوون عليه هههههه واني هم ترة احب الطبخ وخاصة هسة لان بداية زواجي وزوجي عراقي اصيل ويحب الاكل فالوالدة دخلتني خوش دورة مكثفة دتأهلني قبل ما ارووح ههههه ومسوية دفتر بي كل الملاحظات الي اكتسبتها من الوالدة وما اسولفلك هذا الدفتر مالتي بي خلاصة الخبرة كلها يعني اذا يضيع اني اتيه وراه هههههه
يارب تتحقق احلامنة كلنة كلنة

[شموسه123]

مرحبا كروب الحلو والنشيط دائما

شلونكم عيني عمر العرقي والله انت الي منورنه باسمك ياعراقي ياورده
شلونك الدوري وعمان2010 والرسام وياس وضاع الوطن منورنه والله وابن زيونه اشو ماكو وعراقي وافتخر نورت عيني

نجي علبنات شلونج بنت العراق حبي وكريت هوب وتوته شلونكم حبايبي
انشالله ايكون اسبوع خير عليكم يارب



اختكم شموسه123

[عمر عراقي]

اني اليوم اول وحدة كاعدة بالمنتدى ومصبحة عليكم اول وحدة 

الله يوفقك حمودي ياربي وخاصة من تسافر بحيل الله هناك الاكل العربي الكل تحبة لان همة اكلهم مطيب كلة خرابيط يعني توكلهم دولمة لو محشي ورق عنب لو برياني يمكن يتخبلوون عليه هههههه واني هم ترة احب الطبخ وخاصة هسة لان بداية زواجي وزوجي عراقي اصيل ويحب الاكل فالوالدة دخلتني خوش دورة مكثفة دتأهلني قبل ما ارووح ههههه ومسوية دفتر بي كل الملاحظات الي اكتسبتها من الوالدة وما اسولفلك هذا الدفتر مالتي بي خلاصة الخبرة كلها يعني اذا يضيع اني اتيه وراه هههههه
يارب تتحقق احلامنة كلنة كلنة

شنو دفتر شنو اتيه اذا يضيع
احنه ماعدنه خوات ميعرفن يطبخن
احفظي الدفتر على گلبچ حتى تروحين لزوجچ
كلشي تعرفين وبدون دفاتر

بناتت اخر زمن لعد متشوفوني ليش لحد الان مضرب عن الزواج
وين نسوان گبل وييييييييييييين ;
بنوته لتزعلين اختنا لان داتشاقه بس موكل كلامي شقه

[توته الحائرة]

مرحباااااا ومساء الخير والانوار عليكم جميعا
اشلونج حبي كريت هوب والله افتقدتج البارحة كلت اذا ما تظهرين اليوم اخابرج اشوف شنو القصة وسكتي وخليها من يلتمون الجهال ويتعاركون يرادلهم قلب ما امدشن ههههههه اشلون فيصولي الورد...شموسة اشلونج عيني اخبارج...بلكي نلتم قريبا ونتشاوف
ضاع الوطن و يس2007 صباح الخير عليكم ما شاء الله كاعدين من وكت اليوم واختي البنوته هم كعدت قبلي اليوم
حمودي ما شاء الله عندك خوش ابداعات بلكي من اتروح لامريكا ايقدرون هاي الابداعات مالتك واطورها وان شاء الله تتوفق اهناك ويصير عندك احسن مطعم بس تره لاتنسى اللفة مالتي اخويه 
عمر نشكرك على القصيدة الجديدة بس عيني القصيدة مال البارحة صدك خرافية....والله الرابية حلوة البارحة بس الجو حار ما اتونسن كلش ....واخويه عمر شنو مو زين عدنه دفاتر مال اكلات ونطبخ عليها اكو بنات لادفتر لاقلم ولامقطاطة هههههههههه خليها سكته هههههههههههه
عراقي وافتخر غير اضحكت على توته الطائرة ههههههه الله يسمع منك واطير وكل الكروب ايطير ان شاء الله
اخوانه الباقين وينكم يمعودين (عمان(شبيه راشد الماجد ) ابن زيونه الرسام )وكل الشباب اخاف نسيت احد

عذروني حجيت اهوايه
اختكم توته الحائرة وان شاء الله طائرة

[بنت العراق 84]

لا عيني ليش ازعل عموري اني حافظتة بس اكتبة احسن خاف انسة شي منا منا وتخرب الطبخة شيخلصني بعدين هههههه
لا و إلي يعجبك زوجي يكولي من تجين اول شي حطي بالجنطة الدفتر مو تنسي بعماااان ترة ارجعج تجيبي وترجعين مرة لخ ههههههه يمكن متزوجني طمعاً بالدفتر مالتي

هلو حبي شموسة اني بخير الحمد لله كاعدين بالبيت شو حارة البارحة طلعنة ورة ال8ونص اني وتوتة نتمشى بالرابية وهم حارة انتظرنة تروح الشمس تمام عساس بس مو كلش ذاك الهوا انتي شلونج؟

[عمر عراقي]

وهذا نفس الشاعر بس شعر وجداني هالمره
اخوكم عمر عراقي انقر هنا واستمع للقصيدة
حمل من المستطيل الازرق (Download now)

[بنت العراق 84]

يا هلا بتووووتة مو عيب عايفة الخطار وكاعدة عالنت هههههههه

[عمر عراقي]

لا عيني ليش ازعل عموري اني حافظتة بس اكتبة احسن خاف انسة شي منا منا وتخرب الطبخة شيخلصني بعدين هههههه
لا و إلي يعجبك زوجي يكولي من تجين اول شي حطي بالجنطة الدفتر مو تنسي بعماااان ترة ارجعج تجيبي وترجعين مرة لخ ههههههه يمكن متزوجني طمعاً بالدفتر مالتي

هلو حبي شموسة اني بخير الحمد لله كاعدين بالبيت شو حارة البارحة طلعنة ورة ال8ونص اني وتوتة نتمشى بالرابية وهم حارة انتظرنة تروح الشمس تمام عساس بس مو كلش ذاك الهوا انتي شلونج؟

اي عفيه احفظي الوصفات هههههه
الله يوفقچ اختنا بحياتچ ان شاءالله.
يمعوده ياحاره دكولي ياالله هنا درجة الحرارة
32 وبالعراق 55 لو نسيتو ؟؟؟؟

[بنت العراق 84]

ويوفقك انت هم ياربي وينطيك على كد نيتك يارب ويرزقك بنت الحلال واهم شي تكون حافضظة كتاب ابلة نزيرة كلة على غيبها ونمتحنها بي يلة نوافق عليها هههههه
اي شو صايرين نازكين نسينة ساعة 3 الضهر شهر ال8 وقطع مبرمج ودنشرب استكان جاي ههههههه

[^Miss Violet ^]

سلاموون عليكم عيني

هاي شنو وينكم ما وينكم

اشو ماكو؟؟ صار شكد متبينون ادري مشغولين بس مو هيجي شنو بس انتوا عدكم بنية و شغل.. يابة بس الله الجبير هههههههههههههههههه

شلونكم حبايب والله مشتاقة كومايات كومايات.. و نظرا لان جانت الدورات ماخذة وقتي كله النهاري وبنتي وقتي ما بعد النهاري هههه جنت مختفية شوية.. هسة خلصت الطلاب و خرجتهم و صاروا لبلب بالانجليزي.. قررت ما اسوي دورة ثانية راسا خلي شوية ارتاح و اتفرغ

هاي شنو دوري يمعود شنو هالطبخ.. جوعتني

بنوتات شلونكم كلكم والله مشتاقتلكم كلللللللللللللللللللش

وانتوا شباب شكو ماكو

عمر >> ست فايوليت تسال عليك

[عمر عراقي]

الف هلاوات كومايات لفيوليت وبدون ست
وهاي سلاموون عليكم حلوه منچ
ديله عود من تسوين دورة ثانية كولي حتى على الاقل
نسجل عندچ بالدورة وتصيرين ذاك الوكت صدك (ست)
وبنوته اشكرچ عينتيني على دعائچ الحلو وهذا من حُسن اخلاقچ ياورده

[^Miss Violet ^]

اي والله انتوا ماكو منكم ابد نيفر

عموري انت بالذات ما راح اسجلك يمي ابد حتى لا تصيحلي ست.. هسة حتى مس اهون ههههههههه

اكو طالب عراقي بالدورة بس مرة وحدة صاحلي ست .. ليهسة اهله يدورون عليه هههههههه

اكلك ما طول انت شفت عسل اسود.. شنو رايك بمس ميرفت ام فيسيتور هههههههه

[^Miss Violet ^]

هوب حبيبتي يا بعد فؤادي الجريح << عندي قدرات ادبية

والله مشتاقتلج كومايات.. ابنج الحلو شلونه

[^Miss Violet ^]

كااايز اني هسة راح اختفي هههههههههه و قد اعود لكم مساءا

انتبهوا على نفسكم ولا تتعاركون و لا واحد ياكل اكل اللاخ عفية صيروا حبابين

يلله سي يو ليتر يا كتاكيت

[ضـاع الوطن]

مساااااااااااااااااااااء الخير على الجميع شلون الحلوين ماكو دورة مال انكليزي منا منا ؟؟؟؟؟؟؟؟؟؟؟

[شموسه123]

هلا وميت هلا مس فيوليت اشلونج الحمدالله سمعنه اخبارج

شلونج حبي كريت هوب انشالله زينه حبي

اختكم شموسه123

[شموسه123]

توته شلونج حبي انشالله نلتم ونلتقي حبي


اختج شموسه123

[ضـاع الوطن]

هلا بخويتي جريت هوب سلامته للحلو الصغير

[شموسه123]

هلا بحبي شموسة شلونج حياتي اني الحمد لله بخير بس جنت ملتهية وية ابني نحاسة اطفال بعد ودا اتحمله خطية لان المرض والصخونة كولش اذته
هلا بضيوعي شلونك اخوية العزيز

اني الحمدالله حبي وسلامته الابنج حبي انشالله ابدا ميشوف مرض بعد والله ايحفظه الج



اختج شموسه123

[توته الحائرة]

مساء الخيررررر على الجميع دون استثناء ...يا جماعة انفتحت الصفحة السادسة بلكي خيرررر على الجميع
يا هلااااااا ومية هلااااا بفيوليت اشلونج عيني اخبارج مشتاقوووون كثيرا كثيرا ويوميه نسويلج مناشدة من الصبح الى الليل وماكو ههههههههه الحمد لله خلصتي يله اشويه اخذي بريك واكلي كيتكات هههههههه اشلونها بنتج الله يحفظها الج يارب
حبيبتي كريت هوب والله هياتني موجودة اشلونج حمد لله على سلامة فيصولي الورد شكو ماكو اخبار جديده
شموسة شكرا حبيبتي اني بخير الحمد لله

اشلونكم يا شباب ان شاء الله زينين

[doori]

مرحبا
طن هلا لوك الهلا تسع ملايين وتسعميه وتسعه وتسعين هلا باختنا فوليوت لا مس ولا ست ولا بطيخ بلكي تاخذيني دورة انكلوزو هههههههههه شلونج اختنا غيبتج ليل وجيتج نهار علينا يا رب تكونين بخير يا الله عيني فوليوت رجعي الولد لاهله تره تخبلو هسه هو شكال غير ست يمعوده زين تاخذين فديه  رجعي خطيه كام يبجي 
بنت العراق تسلمين على الرسائل ومقدر هالشي تسملين بس شغلة الدفتر متفيد هاي نصيحه الج ولكل اخت تريد تطبخ وتبدع بالطبخ لحد يكتب ولحد يحط مقادير صدكوني البركه بالاكل تجي بدون منقادير ولا كتابه تتصورين اني من احط الملح للاكل ما اضوك الاكل لو شنو مجان نوع الملح ويطلع طيب بس اسمي بالله وهاي هي المهم
ضيوعي يعني رحت لتركيا وطلعت متعرف انكليزي اني كلت هسه انت فطحل باللغه طلعت مثلنا اطبك على صفحه وانطيني الهويه  يله تتعلم والله كريم
توته يا توته هاي شنو انتي تعوفين الخطار براس اختج خطيه دكومي سوي صينية الفاكهه او اكلج كومي لعبي الجهال 
هاي فد مره اجاني صديقي للبيت بايام بغداد واهلي وما ادري ايام الخير يعني شو بنت اخويه صغيرونه دكت الباب وطبت كتلها شتريدني كالتلي اريد صديقك يلعب مكعبات ويايه كتلها ولج شنو رجال جبير ومشورب كالتلي اساله كللها هو راسا تعالي عود الولد جاي يمي ساعتين او اكثر هو وبنت اخويه يسوون بيت ويهدمو لو عماره واني كاعد صافن وخربان من الضحك لا ونمت نص ساعه بوكتها وهو يلعب ويااها هههههههههههههههه ;Dفكومي لعبي العيال يا بتعه
كريت هوب مية هله ولوك الهله شلونج اختي شخبارج يا رب تكونين بخير انت وفيصل الورد شلون صار ان شاءالله بخير
شو ابن زيونه ماكو شنو سالفته هم ملتهي خطار
ياس شخبارك حب
عمان 2010 خطيه هم جايله خطاطير بس اني ميجيني خطار هاي شلون بلشه ارررررررررررررريد خطار
vip2010 اكيد ملتهي بالبليارد شخبارك دتعال عاد يمعود
شو اختنا ياسمين هم ماكو وعراقي وافتخر 4 هاي شنو يجون جدد ويصفه مره لخ يمعودون وينكم
شموستنا الورده لتخافين ما انساج اسال عليج لان انتي كل يوم الواحد يصبح بيج يشوفج كل يوم منورتنا بس يمعوده لتنفخين علينا شو سويتيها هاليومين فد مره حاره دخيلج هههههههههههههه
عموري شخبارك خويي اسويت ما سويت بالسياره صلحتها؟ بالمال ولا بالعيال حبي
السوم صارلي 5 شهر من رايح ملفي لل iom والله كريم والله لمن اروح الخطيه بركبت الي ييريد كفيل وميكول بس خلي اروح واني حمودي كدها وكدود



الي نسيته لا يزعل الف بوسه اله اخواين وخواتي

[بنت العراق 84]

يا هلاااااااااااا بمس فيوليت نورتينة والله بقة بالنة عليج مشتاقيين
شلونج وشلونها البنوتة الحلوة؟؟؟شكد فاتج حجييييييي ههههههههه

هلو حبي كريت هوب شلونج؟؟؟الحمد لله على سلامتة لفيصل اني هم هذيج الايام ما ادري شبية بس مصخنة هسة صرت احسن بس ترة هو شي على شي الجو شوية حار هالايام غير شموسة كلش دتشع علينة هالايام زايد عن اللزوم ههههههه
شلونج حب شموسة اني بخير الحمد لله ماشين بهالدنيا

دوري تدلل عالرسائل اخ عزيز والله واني هم ترة مو كلش التزم بالمقادير لان هي عينك ميزانك بس اني من النوع الي كلش اضوك هواية اثناء ما اطبخ بحيث من تخلص الاكلة اني شبعانة هههه

[شموسه123]

هلو الدوري ههههههههههههههههه والله ضحكتني اني انفخ عليكم اصلا اني اكره الحر وشكرا على سؤالك عليه عيني

بنت العراق شلونج حبي انشالله دومج بخير





اختكم شموسه123

[أبن زيونة]

يابه كروبنا الحلو شلونكم شخباركم والله مشتاق للكل بس والله اعذروني خطار عدنا الفرح نعلك صواني شموع  والباقي يمكم ودورات وراح تخلص وياها امتحانات يعني فتسق صاير وجم شغله همين صارتلي يعني كازو قلبت بس الحمد لله ادعونا الله يسرها علينه وعالكل
شلونكم صبايا اولا"
كريت هوب شلونج شخبارج بنت قسمي فيصولي شلونه بس لتكوليلي مريض ترى اشك هدومي  شخبارج ان شاء الهل بخير والله يبعد عنج وعن أبنج كل الشر وشلونج شكو ماكو اخبار على ملفج بعده
توته شلونج امورج ان شاء الله بخير شنو توتة الي كدامنه شنو الفعاليات الجديدة سالمين وشنو الكتل الي دتاكله والله تكولين قوات خاصة تنكتل وتزيد تنكتل وتزيد شنو اولدزموبيل
بنت العراق شلونج عيني شخبارج اموراتج ان شاء الله تكونين بخير
شموسه الوردة كيفك شو عامله (بس لتكوليلي عامله ملوخية)امورج يارب تكونين بخير
فيوليت شلونج عيني الله يساعدج عالتدريس صدك متعب بس اضربي خالي دك أوردني اللهم لا حسد لا عيني داتشاقه وياج الله يفتحها عليج ويرزقج من كل الأبواب ويرزق الجميع
وارحب بكل صبية انضمت النا واكولها كل اهلا
هسه على الزولم الخشنة
عموري الوردة شلونك اخوية ان شاء الله كل امورك بخير
حمودي الغالي شخبارك عفتك سنك جان واوا شلون صرت ان شاء الله تكون بخير وخلصت من سنك ووجعه الله يعينك والله يبعد عنك الأمراض شخبار الحديد النادي او الجيم الي انت بي شلونه زين بي مدرب وياك يعلمك عالتمارين ويعلمك شلون التغذية لو على الله ويا بشيره على الله انطيني تفاصيل عالخاص اذا تريد شكد الأشتراك وين النادي اوقات الدوام اريد اسجل ورا رمضان او يجوز اطخ بعقلي وهسه اسجل فلتنساني
ياس شلونك اخوية شخبارك ان شاء الله شغلك ماشي وقل التعب عليك الله يعطيك العافية على كولت اخوانا الأردنيين وكل قبض ماكو منهم شلونها اربد
عمان 2010 شلونك عيني اخبارك عساك مرتاح هاي مال خليجيين ان شاء الله تكون بخير
الرام شلونك عيني شخبارك ان شاء اله بخير
وسلامي لكل الأخوان الجدد ومن ضمنهم اخونا عراقي وافتخر منور الكروب
طبعا حبيت اشاركم بخبر همين مفرح والحمد لله على نعمه عليه وعالكل والله يفرحكم ويسر أموركم انه لكيتلي كفيل معنوي بولاية تينيسي وان شاء الله وعدني خير وانه راح يساعدني ويدليني والرجل محترم وعايش فترة 20سنة هناك وان شاء الله يساعدنا وميقصر ولو كلي الولاية شوية شغلها صعب لأن كلها جامعات بالدراسة محترمة وبيها احسن مراكز صحية بالعالم فكلي تفيدني اذا اريد ادرس واكمل كتله اكمل شعندي وراح انطي اسمه للمنظمة وكلي اني جاهز خلي يخابروني وان شاء الله خير
والله كريم والله يسر الأمور على الكل ونسمع اخباركم الحلوة
سلامي وتحياتي للكل كمشتن

[عمر عراقي]

صباح الخير شباب اني اليوم مغبش بس يمكن راح ارجع انام هسه
المهم سلامات ام فيصل يعني هذا الطفل اذا تمرض البيت كله ينگلب
والامورات كله تنلاص الله يكون بعونچ اختنا.
ســـــــــ فيوليت ــــــــــــت   نرحب بيچ وبجهودچ الجباره
بس والله اذا متكوليلنه على الدورة الجايه لا ابقه اصيحلچ ســـــــت وماجوز  انا . 
واني ماخاف من التهديد وهسه راح اتصل بالمنظمة اكلهم اريد اضيف تهديد
جديد على القصة مالتي لان ست فيوليت هددتني بصورة غير مباشرة ان (تخفيني)
 
طبعا احنه العراقيين صار عدنه خيال واسع بامور التهديدات وماشابه
والله احنه خطيــــــــــــــــــــه
وسلامي للجميع .
بدون استثنائات ومكرمات وواسطات
احنه ناس نمشي بالعدل وماعدنه هالشغلات العوجه .
والي يريد يبجي خلي يسمع اغنية حاتم العراقي (مو كرايبي بس تشابه اسماء )
"خليهه على الله وين متصير" 
حمودي نتخابر ان شاءالله حبي
وعمان2010 خابرني اليوم يكول عندي خطار من سوگ الشيوخ مدري من الخربطليه
يعني هيجي شي مداتذكر بالضبط 
هاااااا اتذكرت عنده خطار من السويد اي يعني قريبه من سوگ الشيوخ يمكن مو
المهم تحياتي الك حبي ولخطارك
ولابن زيونه ابو الاخبار الساره وان شاءالله ايامك كلهه سرور وفرح
وجميع الحاضرين
وسلام مربع لصاحبات الدفاتر والوصفات التاريخيه الاسطوريه بنوته وتوته (خوش دويتو تصيرون) 
اسم فني   بنوته وتوته وتقدمولنه فد برنامج عن الطبخ العراقي  المعاصر . 
وطبعا التحيات ايضا لاختنا العزيزة شموسه الورده
والاخ الورد ضاع الوطن وان شاءالله موفقين حبايــــــــــــب.
يمكن صار 14 مره اسلم وارجع اكتب مره ثانية
تعرفون دايخ وكاعد من الفجر وهسه رايح اكمل نومتي تسمحولي اجيت على المخده
واغوص في اعماق العالم الاخـــــــر بلكي نشوف حلم زين لو يخابرونه الحبايب ويبشرونه بخبر يفرحنه
والله يسهل علينا جميعا

[doori]

صباح الخير للجميع

[^Miss Violet ^]

صباااااحو النوووري و السرووري على الوطن المغدووووري يا دوووري ههههههههههههه

شلونكم يا حلوين

مشتاقون جدا

عمر.. حضر نفسك.. ماراح تلحك تشتم هوا امريكا.. ست ها.. بسيطة اني الك.. انتظرني بالطلعة

بنوتات حبيباتي شكرا لتفاعلكم الحلو معايا << تعرف اردني

هوب حياتي سلامته فيصولي اي والله حتى بنتي شوية تكح و بلاعيمهة يلله شنسوي هاية ضريبة الامومة و فوكاها امومة بدون ابوبة ههههههههه الله يساعدنا

بنوتة و توتة حبيباتي تسلمولي على السؤال.. بنوتة شنو فاتني حجي هواية.. اني البارحة جبت كيلو حب و كعدت استرجع ما فاتني ههههههههههههه

شموسة شلونج حبيبتي والله مشتاقة

شباب ما راح اسميكم واحد واحد انتوا هواية بس انتظروا خلي اشوف ابن زيونة ينك على الراتب اويلي يابة واني اقول ليش النص دينار ضاع من جزداني هاية عينك.. يمة لازم اليوم اسوي فحم و اطكطك حرمل ..

دوري.. ماكو خبر عن المحلفين.. طبعا من اقبلهم يمكن ابوسهم بين عيونهم اكلهم انتوا شكد عزيزين صارلي عمر طويل انتظركم (هنة 3 تشهر هههههه)

سلام سليم للكل نفرا نفرا

[ضـاع الوطن]

صبااااااااااااااااااااح الخير على الجمييييييييييييع شلون الشباب والصبايا ان شاء الله الكل بخير خويي الدوري جا انه اعرف انكلوزي بس غير الواحد يقوي نفسه بعد وهم يقضي وكت ويتونس لو شتكوووول هههههههههههه

[^Miss Violet ^]

ضيوعي عيني شلونك

شكو ماكو

وين صفت امورك ويه اليو ان؟؟

[^Miss Violet ^]

دوووووووووووووووووري

بشرى سارة

دوف دوف خابروا عليه على محلفين.. هو مسوي الاولى و الثانية بشهر الرابع

يعني احنا انشالله بالطريق

يا ربي تنفرج على الجميع

[شموسه123]

مرحيا حبايبي ششششلونكم

هلو حبي مس فيوليت شلونج وكريت هوب شلونج حب وتوته وبنت العراق شلونكم حبايبي
شلونك اابن زيونه شخبارك الحمدالله سمعنا اخبارك وعلخير عيني على الكفيل انشالله يوم سفرك يارب وتفرحنه

شلونك الدوري وضاع الوطن وعمان 2010 وياس وعراقي وافتخروvip اشو ماكو انشالله خير ماشالله صرتو اكثر من البنات


اختكم شموسه123

[شموسه123]

هذا هم خبر مفرح صار خبرين مس فيوليت اليوم وابن زيونه ياربي يفرجه على كل الكروب وجميع العراقيين وتسافرون وترتاحون




اختكم شموسه123

[^Miss Violet ^]

هلو شموسه حبيبتي

شلونج

[doori]

مرحبا
الله يطمنج بالخير فوليوت بس يا ريت تسألي شوكت كلولك تعال قابل بيا يوم بيا تاريخ علمود نشوف شوكت اجوي المحلفين

[شموسه123]

مس فيولت اني الحمدالله حبي على فكره اني احب اسمج هوايه




شموسه123

[^Miss Violet ^]

حياتي شموسة مو احلى من اسمج كله ضوا و اشراق


دوري والله سالته خلي نشوف شيكول.. بلكت الله هالايام يخابرونة و اشوفك بالاي او ام و دك نميمة على كروب عمان هههههههههههه

[dovedove]

اخوان اتصلوا بيه للمحلفين
ان شاء الله يجي دوركم
اشو ماكو مبروك من احدددددددددددددددددددد؟

[doori]

مرحبا
فولويت عيني يا نميمه نشيل ونحط بيهم هههههههههه بلكي قبل رمضان مقابلتنه كولي يا الله شلونج شموستنا هاي شنو هالحر اليوم درجة الحراره 39 درجه اويلي ناااااااااااااااااار
شلون الجميع ان شاءالله بخير يا رب



حمندوشوا

[doori]

لك اي عيني اخونا دوفي دوف شوكت خابروك بيا ساعه وشوكت موعدك بيا تاريخ

[^Miss Violet ^]

دووووووووووووووووووووووف يا عيني الف مبروك

بس دجاوب على اسئلتنا يمعود

[doori]

مرحبا
اختنا فوليوت دزيتلج هسه مسج على الخاص اقري يفيدج
حضري جدر دولمه واني اجيب جيس حب شمس وقمر اذا اني وانتي بنفس اليوم ههههههههههههه
ادعولنا شباب بنات


حمندوشيانا

[^Miss Violet ^]

دوري هسة بدا القلق مال مقابلة المحلف

[doori]

عيني فوليوت لا قلق ولا شي كولي يا الله وهي تتيسر تره الي الله كاتبه النا نشوفه ولتنسين جدر الدولمه واني اشتريت جيس الحب هههههههههههههه

[^Miss Violet ^]

يابة بعد الصور مال الدوالي اللي شفتها منك .. جدر الدولمة عليك

اما اني.. راح اسوي مخلمة و تاجينا هههههههههه ونروح اني وياك للاي او ام و نجيب ويانة حصيرة و نفرش برا يم ابو الكافتيريا و نسوي سفرة هههههههههه

[doori]

لعد لو اراويج صور مال كبه والكيكات الي اسويها شتكولين ؟؟؟؟؟؟؟؟؟؟؟؟؟
بين ميجي دورنا غير اجيب ويايه حب وعلج واكعد اسوي جنبر واصيح حب جكاير علج

مخلمتيش فدوه اصلا" حتى للحديد هم ما اروح بذاك اليوم لان يكلج اطول العزابين اخر شي يسوولنا مقابله هاي شلون بلشه خوبن انتي راح اتركين بنتج يمي وتعال حمودي رضيها اذا بجت وعبالهم بايكها ويودوني لمركز الشرطه وجيب الليف وودي الليف تاليها ما اقابل

[^Miss Violet ^]

هههههههههههههه وبن اتركها.. اشو سمعت ميصير لازم الطفل يفوت ويانا للمقابلة

مو؟؟

[yis2007]

صباح مساء الخيرااااااااااااااااااااااااااااات عليكم وتحياتي للجميع
يابه اولا ميروك لاخونا دوف وانشاءالله يوم الالكم جميعا
تحياتي مس فيوليت (عودا ميمونا ) عادت بقوه . ويل كم
حمودي وعموري وعمان وابن زيونه تحياتي واشواقي الحاره ولو الجو همين حار بس اتحملوني .
الصبايا جميعا بنوته وتوته وشموسه وگروته تحياتي لكم جميعا واللي ناسيها تسامحني لان عندي زهايمر .
ضاع الوطن الحمدلله على السلامه اخوي .
ابن زيونه من غيرت التوقيع ما عرفتك خلونا على توقيع واحد احسن واريح للعين  يعني من اشوف التوقيع الاخضر اعرف ابن زيونه .
مبروك الصفحه السادسه (زين وبعدين ) يعني شگد صفحات نرتب حالنا عليها حتى الواحد يحضر مواضيع .ههههههههههههه

[dovedove]

مس فايلويت و اخ دوري والجميع ان شاء الله مقابلاتكم ان شاء الله قريبه منو يكول مو ويايه؟ بالثامن؟
بلكن ناكل دولمه سويه؟؟؟؟ ب ا و م

[الرسام1973]

هلو شباب اشلونكم ,,,, تحياتى يا غالين ....


هلو مس فيوليت ....اللوحه مرسومه باللاوان الزيتيه على القديفه..... تحياتى للاخت شموسه وبنت العراق



الرسام

[doori]

مرحبا
ها وينكم اكيد كدام التلفزيون عى لعبه هولندا واسبانيا اشو اني والله حاير المن اشجع يلا فد ساعه ونص اسمع منو فاز هسه دنشوف بنت العراق شحسوي من يخسر فريقها اويلي الله يساعدك ابو بنت العراق وتوته اذا خسر فريهم راسا" لقاسم ابو الكص وعشيهم علمو\ راسا ينامن هههههههههههه شلون الشباب شو اليوم عموري ماكو غريبه مو بالله المهم لجميع اصحابان في الكروب شلونكم لان ما شاءالله ديتوسع الكروب الواحد يروح ينسه احد ويتورط مثل ما نساني عموري اليوم صبح على الكل اله اني ليش عموري ليييييييييييش بسيطه اله احرمك من الميراث


سلامي للجميع


حمندوشيانا

[شموسه123]

هلو شلونكم عيني

مبروك للاخ دوف دوف انشالله يوم السفر

مس فيولت عيني لاتخافين من مقابله المحلفين اني قابلت وجدا سهله بس خليج لريلكس وانشالله يوم السفر اتسافرين
الدوري شفت اشلون الحر صح العراق احر من اهنا بس اتعودت على الجو البارد عيني انشالله يرب ايخابروك على المحلفين ويارب تخلص كل اجراءات وتسافر

الرسام شلونك عيني شخبارك يارب انشالله تخلص وتسافر

اختكم شموسه123

[^Miss Violet ^]

هلو يا حلوين

تسلمين شموسة حياتي

رسام تسلم ايدك على هالرسمات

شلون الجميع

[شموسه123]

شلونكم كروووب الحلو


مبرووووووووك فوز اسبانيا لان اني جنت اشجع اسبانيا ولكل محبي اسبانيا



اختكم شموسه123

[الرسام1973]

شكرا مس فيوليت ,,,, ومبروك الفوز شموسه


الرسام

[شموسه123]

الله ايبارك بيك الرسام عيني وشنو هلوحه الحلوه

هلو حبي كرت هوب شلونج




اختكم شموسه123

[عمر عراقي]

حمودي صباح الخيرات والانوار ياورد ياقداح.
وعلى گولة مظفر النواب (الشاعر العراقي)
.. وصفولي عنك كل مسامه تفيض ياقداح من عندك عطر ..
ومبرووووك لمشجعي اسبانيا ومبرووووك الي طبعا لان اني اشجع الاسبان
بس بودي لو اعرف شنو سبب الاحتفال الرهيب الي ديصير بالشوارع هسه 
هههههههههههههههههه
يله خلي الناس تفرح 
وطبعا اهم شي ابارك لاخي الورده دوفي دوف على الخبر الرائع وان شاءالله يوم النه وللجميع
وان شاءالله التوفيق والسعاده تملي ايامنه يارب.
واسلم على جميع الحبايب فردا فردا وشخصا شخصا
وســــــــــــــــــــــ فيوليت ــــــــــــــــــــــــت
شلونچ ست.
ذكرتيني باغنية (مي و وحيد) القديمه ليش ليش ليش ياجاره متردين الزياره.
من كنه بالابتدائيه حورناها وسويناهه .   ست ست ست دراهم رجعيلي تلث دراهم.
وبعد بيهه تكمله بس نسيتهه غير صار 22 سنة على ايام صف رابع ابتدائي
اياليت الشباب يعود يوميــــــن.
اليوم اني فرحان واسبانيا فازت بس الاحتفالات الي شفتهه بالشوارع دوختني
وردت اعرف سبب مباشر بس ملكيت
يمكن منتخبنا من فاز بأسيا محتفلنه هلكد بالعراق 
شباب لحد يكول عمر مسأل عليه هاي تحياتي واشواقي لكل اعضاء گروب عمان
القدماء والجدد ولكم مني سلام كبير طويل ملئ بالامنيات والحب.
وتصبحون على خيـــــــــــــــر

[عمر عراقي]

وتصبحون على احلى الاخبار
ان شاءالله

[/tt]

[ضـاع الوطن]

مبررووووووووووووووك اخوية عمر على فوز اسبانيا بس صدك اليوم الاحتفالات غير شكل بس ليش؟؟؟

[عراقي وافتخر 4]

تحيه حلوة على احلى كروب

عفتكم يوم وليله وصلتوا الصفحه السادسه ماشاء الله عمي الله يثخن لبنكم ويحفظ هالجمعه الحلوة دائما..اخويه ابن زيونه الكروب منور بيك ياوردة.. مبروك اخ دوف ان شاء الله السفر القريب ...الف مبروك الفوز لكل من يشجع اسبانيا لان اخوكم من مشجعي اسبانيا وبس
تحيه الاخ العزيزالرسام وحمودي وابن زيونه والى جميع الاخوان ..وتحيه الى الاخت great hopeوشموسه وتوته الطائرة والى جميع الخوات
تصبحون على خير

[عمر عراقي]

مبررووووووووووووووك اخوية عمر على فوز اسبانيا بس صدك اليوم الاحتفالات غير شكل بس ليش؟؟؟

اني هم اسئل نفس السؤال.
يمكن انته عرفت الجواب مو ؟؟
تعال اكتبلي على الخاص واني اكلك جوابك صحيح لو صحيح

[doori]

صباح الخير
شلونكم عيني مبروك عليكم الفوز فرحتو شويه يله الف عافيه
اصلا اني جنت اريد انام وقت المباراة لان بصراحه البارحه وكعت وكعه بالشارع تخبل بس مو جقلنمبه لا وكعه بس اجتي ركبتي على بوري مال اطفائيه وعدكم الباقي شو ما اسمع غير هوسه هييييييييييييييا وما ادري شنو وسيارات لا فوكاها الشقه الي فوكايه جيابه من هذا الهورن الي يسوي طووووووووووووووووووووووووووووووووووووووووووووووووووووووووووط طاااااااااااااااااااااااااااااااااط هاي شنو يابه شلون حنام كلت يلا وهم مكدرت عبالك تكولون جنت اقلي فلافل من الحر
شموسه تسلمي يا رب ويسهلها للجميع بس اريد منج رساله خاصه اذا تذكرين الاسئله مال محلفين لمن قابلتيهم بليه زحمه والطريقه والغرفه شلونها ادري راح اتعبج بس علمود ارسمها بمخيلتلي
عمر عيني شكرا هاي نسيتني الصبح بالليل ذكرتني لا وشلون ذكرى تخبل تسلم كبد
توته وبنت العراق البارحه وين جنتو لمن فازو اسبانيا شو ممبينات بس لا طلعتو تضربون صعادات ههههههه
كريت هوب شلون اختي ام فيصل السؤال واجب اختنا صدك جذب يمعوده تدللين يوميه نسال على فيصل باشا
فوليوت لا تنسين المخلمه اني اشتريت جيس الحب
عراقي وافتخر 4 هاي وينك يابه صارلك كومه ممبين راح اغنيلك اغنية ( طل القمر )
الرسام شلونك عيوني
عمان 2010 مسكين ملتهي بخطاطيره الله يعينه
vip2010 خوبن ولا ديبين اني اعلمك
دوف والله عبالي مقابلتج 15/7 يبووووووو طلعت ابداية رمان هاي شلون بلشه يلا الله كريم
ضيوعي ضايع البارحه بس لا جان بالزفه مال اسبانيا
ابن زيونه مختفي خوبن ما ادري وين صفة ويا عيني على كيفك ويانه
ياس بويه جا شبيك ترووووووووووووح وترجعنا هسه كل يوم ادخل وكول هلولولولولولولو


قبلاتي واشواقي الحاره الطالعه من التنور مال خبز العروك الي بي لحم مفروم وبصل وطحين للجميع


اخوكم

حموديشان اخو جاكي شان

[^Miss Violet ^]

صباحو الخيري

طبعا اني مشجعت احد بهذا المونديال و اشوفه بجدارة افشل مونديال على الاطلاق.. بس لمن جتي اللعبة النهائية كلت اي يا الله خلي اسبانيا تاخذ الكأس ولو مرة وحدة.. و أخذته مبروك لكل الجماهير السبانيولية

عمر.. ماطول تصيحلي ست.. اني لزمت عليك لزمة.. يعني ماطول صار 22 سنة على رابع ابتدائي.. راح اصيحلك عمو عمر ههههههههههههههه اي اي هاي خوش عمو عمر

هوب حبيبتي شلون صار فيصولي كلبي يمج والله لان اعرف الطفل من يتمرض .. بس هاية كلها اجر وعافية الج والله و الصبر مفتاح الامومة مو مفتاح الفرج ههههههه

بنوتة و توتة (فدوة احب اسمائهم عبالك دعاية مال كاندي ههههههه) شلونكم يا حلوات.. ها شكو ماكو شخبار خطاطيركم

شموسة حبيبتي اي والله لو تزودينا بعتاد مواجهة الاعداء (المحلفين) هههههههه لكي نكون مستعدين لهم

ابن زيونة يابة شلونك ما لونك

vip - Amman - ضاع الوطن - عراقي و افتخر - ياس - رسام  وكل الغوالي تحياتي الكم نفرا نفرا

واللي نسيته يصبر بلكت على الوجبة الجاية هههههههه

[yis2007]

صبااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااح الخير والسرور على الجميع .
مبروك كابتن عموري فوز اسبانيا  اصلا البارحه من فازت اتذكرتك بس گلت ايجوز طالع يحتفل ويه المحتفلين .
بالمناسبه ليش الاحتفالات اهنا عدنا باربد همين احتفالات وهورنات و هوسه . يالله الفرح احسن من الحزن .
حمودي حبيبي الحمدلله على السلامه والله متستاهل .
ست فيوليت اسعد الله هذا الصباح  يجوز اسبانيا اصلا فازت لان انتي تفرجتي هاي الشغلات دائما اتصير .هههههه
الصبايا توته وبنوته وشموسه وگريت (ام فيصل ) اسعدالله صباحكم بكل خير ودمتم .
الشباب ( اهنا الدوخه هسه انسى وتلاص اللي انساه من هسه يسامحني ) الشباب عمان وابن زيونه وضاع الوطن والرسام ابوعلاوي (جمعية منتظري) وعراقي وافتخر وفيب ودوفي واللي نسيته يسامحني للجميع تحياتي وتمنياتي لكم باسعد الاوقات والموفقية .

[^Miss Violet ^]

بشرى سااااااااااااااااااارة

اتصلوا بيه اي او ام عندي موعد محلفين يوم 29/7

اخيييييييييييييييييييييييييييييييييييييييييييييييييرا.. بس شوية خايفة

[شموسه123]

الف الف مبروووووووووووووك مس فيوليت واخيرا خابروج الحمدالله والله فرحتلج ويارب المقابله اتكون سهله رح ابعثلج رساله الج علخاص بيه ايميلي اذا تحبين علمود اكولج على مقابله المحلفين

اشلونكم كروب الحلو

انشالله الكل يخابروكم شلونكم كريت وتوته وبنوته حبايبي
شلونكم شباب الدوري ادلل عيني رح اكتبلك عمر العراقي شلونك عيني وابن زيونه عمان 2010 ياس والرسام وعراقي وافتخر ضاع الوطن شلونكم جميعا


اختكم شموسه123

[توته الحائرة]

صباحووووووو على الجميع ولو هسة صار مساءوووووو ههههههه مبررررروووووووك لاسبانيا همزين بردو قلبي البارحة وفرحونه
يابه هاي شنو اعوفكم يوم اجي الكي هاي الاخبار الحلوة يمعودين يوميه بعد اعوفكم حتى نسمع الاخبار الزينه
مبرررررررووووووووك فيوليت حبي والله فرحتلج ولاتخافين عيني ان شاء الله سهلة بلكي ايخابرون على البقية هاي الايام وتتسهل الامور....كريت هوب حبي يوم الالج واتزفيلنه البشارة مالتج يارب.....شموسة ان شاء الله نسمع اخبارج الحلوة قريبا والله اشتاقيتلكم البارحة

اخوانه الشباب اشلونكم
ابن زيونه مبروك الكفيل وان شاء الله تتسهل امورك ونسمع اخبارك المفرحة دائما....دوفدوف مبروك المحلفين وموفق ان شاء الله
حمودي الحمد لله على سلامتك هاي عين وصابتك من ورا المحاشي اللي سويتها هههههه وان شاء الله انته هم ايخابروك على محلفين اليوم وتجي اتبشرنه البارحة مع الاسف ما خصرنه الوالد طلعة لان كلنا شجعنا اسبانيا ههههههه بس مو مشكلة انكوله على الفوز طلعنه
عيني عمر وضاع الوطن ليش مستغربين من الاحتفالات اهنا كلش عادي عدهم كل شي وطلعو احتفلو هسة اتشوفوهم من تطلع نتائج التوجيهي اشراح ايسوون يبوووووو بس احنة من فاز منتخبنه حارو اشسووه اكيد سمعتو بوقتها اللي صار   ومبرررررروووووووك لاسبانيا الفوز ويستاهلون
اخوانه يس 2007 وعراقي وافتخر والرسام طبعا عاشت ايدك على اللوحات وعمان وفي اي بي وكل الشباب يارب اتكنون بالف خير ونسمع اخباركم الحلوة
وتحياتي للجميع

[^Miss Violet ^]

هلو شموسة

الله يبارك بيج حبيبة عمري

اي والله اكون ممنونة دزيلي ايميلج

[^Miss Violet ^]

والله وداعت بنتي صح فرحت بس تنغصتلكم.. و خصوصا حبيبتي ام فيصل و اندعيت الله يفرجها عليكم جميعا و على الاقل توصل ملفاتكم للاي او ام و تطلع من مستودع التوطين و الحماية الكشرة

بجاه الحبيب محمد

[ضـاع الوطن]

مساااااااااااااااااااااااااااء الخير على كل الحلوين بالجروب شلونكم اخبارك والله الاخبار مفرحه اليوم بخبر اختنه مسس فيوليت
والله فرحت من كل قلبي وان شاء الله تتسهل على الكل يارب باسرع وقت وان شاء الله تكون مقابلتج سهله ولتخافين صيري سباعيه هاي فرصه العمر

[yis2007]

والله الف الف الف مبروووووووووووووووووووووووووووووووووووووووووك فيوليت . هسه لازم عمر  وحمندوش يدورون على واحد يطيهم دورة انكلش .
بالمناسبه اليوم بنت العراق ما بينت لعل المانع خيرا .


تحياتي للجميع.

[بنت العراق 84]

مساااااااااء الخير اعضاء كروبنة فردا فردا
ملحكت اقرا الي فاتني هسة العصر اجيب استكان الجاي وامخمخ واكعد اقرا
بس فتت حتى
ابارك لعمر على فوز اسبانيا
واهم اهم اهم من هذا كلة ابارك لاختنا مس فيوليت على تحديد مقابلة المحلفين ويارب عقبال البكاري هههههههه ياربي ان شاء الله كلمن ممقابل يقابل وكلمن ممبصم ايبصم وكلمن مماخذ موعد طيارة ياخذ يااااااااارب
ويوم لالك حمندوشيو هاي اني اخترعتها مال حمندوشيو ههههههه
بعدين اقرا واجاوب على ما فاتني
تحياتي لكم جميعا

[عمر عراقي]

ســــــــــــــــــــ فيوليت ـــــــــــــــت [color]

[size]

هاي هــــــــــدية من عمــــــــــو عمــــــــــــر

[color] [size]
 

[doori]

مساؤ الخيري
اول شي اعتب على ثنين ياس الي نسه يسال عليه وهو كالها اخاف انسه احد واتورط وويامن توطت يبوووووووووووووووووووووو ويايه بسيطه الكاك يم تمثال الحريه وشوف اله اسوي بيك فلم مثل الفلم الامريكي يوم الاستقلال هههههههه والشخص الثاني الي نسته فرحته نسته يسلم عليه مس فوليوت  ليش هيج ليش مو مجضر جيس الحب شمس قمر علمود المقابله مال محلفين يله ميخالف مسامحون ,,,,,, تره اشاقيكم انتو اخوتي بس بعد لا تنسون حمندوشو
اي عمو عمر شلونك اكلك ليش مو جدو مو اجسن هاي شسوت بيك فوليوت بس بيني وبينك تستاهل شلونك اخويه والله مشتاقلكم صار 10 ايام مشايفكم لا انت ولا عمان ولا في اي بي هاي شلون وياكم
بلكي باجر يخابروني وابشركم يا الله يله هو كلشي بوكته بس اذا خابروني غير اريد الكل يطكلي صعادات وسوولي زفه
بنت العراق بالعافيه على الجاي عاد ابو الهيل لو بالنعنع
توته شفتي بالله اصار بيه تدرين اليوم على اساس اني ماخذ هدوم الجم وما ادري شنو صدك وصلت لكيت نفسي ناسي احط الشورت والتيشيرت هههههههههههههههه ماخذ بس الحذاء وجم شغله توصري شلووووووووووووووون فششششششششششششششششله
اصدقائي بالجم كالولي هاي الحر اثر بيه صدقه لله رجعت للبيت واني عصبي وبس اريد اكتلها النفسي لان كلشي ولا التمرين يروح عليه اموتن عيني اموتن


يلا ما اطولها عليكم سلامي للجميع حتى اذا جنت ناسي احد لتعتبون تره ما بيه حيل وتعبان



اخوكم

حمندو

[بنت العراق 84]

مساء الخير جميعا
عفية عمر هاي شلون تسوي هاي الفيكات مال صعدات لو كلمة تتحرك علمنييييي ترة اني احب هالسوالف اريد اريد كولي عفية حباب ههههههههه

حمندوشو شورطك وغلطت وكتبت توصري عود تصوري شسويت بية هذاك اليوم عالفمل عبالك انسالكياها بس دا انتظرك تغلط ههههههههه
يا جماعة توصرو اليوم الدنيا حارة بس مع هذا توصرو طلعنة اني وتوتة تمشينة توصرو عركنة من الحر دتتوصرون وياية لو لاء؟؟؟

عمر علمني مو تنسة

[الرسام1973]

تحيه لكل  احبابى الشباب الحلوين .....يارب الموفقيه للجميع





الرسام

[بنت العراق 84]

هلو حب كريت هوب والله العصر ورة ال8ونص بس عالسريع جان يم ابو الحاسبات ويم المكتبة ورجعنة لتحسبيها علينة طلعة هههههههه
مية هلا بالرسام شلونك انت احنة بخير ننتظر فرج الله انت شاخبارك؟؟

[بنت العراق 84]

;Dعمر تعلمتها بعد علمني الصعادات

[عراقي وافتخر 4]

صباح الليل يااحلى كروب

حمودي الوردة القمر يطل بوجودك ..شلونكم حبابيب ان شاء الله بخير ..ملحكت اقرا كل التعليقات.. مبروك ست  ست فيلوت  ;Dان شاء الله السفر القريب..بنت العراق شكتلج موكتلج اطشركم لحد اثنين من الاخوان مشت امورهم..ان شاء الله تمشي على الجميع
اخوكم حمودي ٢

[amman2010]

هلوووو شباب وشابات شلونكم مشتاقلكم كلكم. اسف لان مدا ادخل ومدا اقدر اكتب يوميه كلش مشغوووول واليوم دخلت بس ردت افرحكم البارحه خابروني ال يو ان قالولي تجي الثلاثاء وتجيب صوره وجواز وورقة الحمايه علمود نسويلك الكارت. قلتلهم اوك صار عاد ميندره ياكارت اصفر ازرق  .    وحبيت اسلم عالجميع واقول مبروووك لميس فايوليت عالمحلفين ولدوف دوف الف مبروك والله يفتحها عالجميع يارب.


راجعييين

[توته الحائرة]

هلوووو حبي هوب هاي بمنطقتنه طالعين هم تحسبيها طلعة وفوك القهر شبعنه حرررر اسكتي وخليها راسا رجعت اخذت بروده ومايات وغسل وخابرتج هههههههه والله اني وبنت العراق شايليلج هم بس ان شاء الله الفرج قريب الله كريم حبي...نتخابر على الطلعة ان شاء الله بس خلي تخلص الموجة مال الحر الله يساعد اهل بغداد
بنت العراق اتحبين انتي هاي السوالف(السوالف الزعلانة على كولت اخونه عراقي وافتخر)ههههههههه شي خلصة عمر اذا مايعلمج ههههههههههه
اخوانه الشباب اشلونكم
عيني حمودي ان شاء الله يخابروك قريبا والله كريم 
ايييي مبروك عمان والله خوش خبار كلها اخبار مفرحة اليوم ان شاء الله موفق يمعود اي شي بس تمشي الخطوات والله كريم
يا اهلا بالرسام ان شاء الله تكون بخير
والله عراقي وافتخر وجهك خير علينه ان شاء الله احنه هم وجهنه خير عليك وكلنا نطشر بس اني اخر وحدة بيكم ......يارب الجميع تتسهل امورهم

الى اللقاء غداااا تصبحون على خير جميعا

[شموسه123]

مرحبا جميعا
شلونكم تدرون اليوم الكهرباء انطفت من ساعه 4 العصر الى 1 بليل اجتي

عمان 2010 ترى بعثتلك الرقم واسفه على التاخير لان انكطعت الكهرباء

شلونكم بنات وشباب عيني



اختكم شموسه123

[توته الحائرة]

يبوووووووووو شموسة يمعوده كولي غيرها بس لا راح ايصير مبرمج ههههههههه غير انموع  الله يساعد اهل بغداد
بس اليوم الحر مو طبيعي بعمان صارلي 6 سنوات بعمان ما شايفه هيجي حر بيها والحمد لله على كل حال

تحياتي شموسه

[شموسه123]

هلو حبيبتي  توته اي والله اصار بينه متنه من الحر تخيلي ايصير مبرمج ههههههههههههههه يبوووووووووووو اي والله احنه هم صارلنه 6 اسنين يعني مثلنه والله صح مشفنه هيج حررررر




اختج شموسه123

[بنت العراق 84]

هلوو حبي شموسة شلونج احنة زينين اكو مشروع طلعة بس خلي تخلص موجة الحر واحنة هم عدنة عزيمة الجمعة ببيتنة هم جايين من برة خلي نفض هاي الالتزامات ونطلع ان شاء الله

عمان 2010 شنو هالخبر الحلوووووو اليوم كم خبر حلو سمعنة محلفين وكروتة ياربي الله يفرجها عليكم جميعا وعلية امييييييين
اي هيجي انريدكم شوية نشاط حيوية يارب ايكون اسبوع كلة خير عالجميع

عراقي وافتخر 4 ابو وجه الخير حنسميك ان شاء الله احنة كلنة تكون وجوهنة خير عليك ياربي ومنجوز منك الا وانت بالطيارة طاير بحيل الله

عــمر وينك شو معلمتني عالصعادات [/color]

[شموسه123]

هلو حبي بنت العراق انشالله نشاوف وانشالله العزيمه تكون حلوه




اختج شموسه123

[عمر عراقي]

بنوته انتي خالتلي طوبه صفرة تعيب عليه وتريديني اعلمچ   
ليش هيجي مو اني اخوچ الچبير   
 بسيطه بنوته اني اعلمچ شلون تحچين ويه اخوچ الچبير منا وغاد
ـــــــــــــــــــــــــــــــــــــــــ
 
بنوته عيني اذا ماعلمچ المن اعلم 
بسيطة تأمرين امر اعلمج واني الممنون بس شويه صبر
انتي صارلچ شكد تنتظرين تلفون من المنظمة اكيد صار عندچ خلگ طويل 
توته عينتيني انتي ان شاءالله الخير جاي بالطريق وانتي مجرد وجودچ ويانه اكبر مكسب النه ياورده .
حمودي قلبي انته والله مقصر وياك اليوم ردت اتصل بيك بس الوكت اخذني دقلات (عقوبه عسكريه) 
وسلامااااااااااات ابعث سلامات ويه الرايح ويه الجاي ابعث سلامااات ومتشوف شر حمودي
وهسه ان شاءالله يخابروك بس قبل لتكتب الخبر بالمنتدى خابرني وبشرني تره ازعل عليك   
عمان2010 الف مبروووووووووووووووك وان شاءالله بعدهه اتصال وموعد محلفين
على هاي الوجبه وتستاهل كــــــــــــــــــــل خيـــــــــــــــــــــــر
شايفين توقيعي ابيات السياب يگول . مطر ... مطر ... مطر (يعني خير خير خير غرگان بلدنه بالخير)
ولكن شنو وراه ...... وفي العراق خوف وجوع ......
ان شاءالله الخير يبقى ويعم ...... والخوف والجوع يروح الى غير رجعه
ام فيصل الورده ام الورده ربي يحفظكم ويخليكم تصدگين اليوم شفت وحده بستي مول
بالمطاعم وياهه ابنهه الصغير وابحدهم كلت هاي يمكن ام فيصل
بس بصراحه ضحكت على نفسي كلت قابل هيه بس ام فيصل عدهه ولد زغيروني 
تره صدك احنه صرنه سينما من كد الافلام الهندية والهوليودية الي نعرضت گدامنه
يس 2007 اخويه الورد مشتاقيلك ومشتاقين لسوالفك الحلوه . مر علينه ولو مره ...
وعراقي وافتخــــــــــر (والمايعجبه ينتحــــــــر)
الف هلا بيك داكول منين هذا الاسم الجديد ثانيا ليش ديرحبون بي اني همينه عراقي وافتخر
اثاري هذا العضو الجديد بگروبنا واني لحد الان مارحبت بي
حبيبي عراقي وافتحر او حمودي 2 الف هلا وصهريج هلا (مو مفخخ) لتخاف
ومليون ترليون هلا بيك ويانه وان شاءالله يكون وجهك خير علينه ووجهنه خير عليك .
شموسه الغاليـــــــــــــة صباحـــك ورد وياسمين وايامچ مليئه بالسعادة. (داحس بيچ ضايجه)
بعد منو     
الرسام حبي همزين منسيتك جان بقه ضميري يأنبني طول الليل 
اسلم عليك واتمنالك الموفقيه.
وجميع الحبايـــــــــــب اكول الله يسهل امورنا جميعا وصباحكم سكـــــــــــــــــر

[doori]

صباح الخير
اولا بنت العراق اكلج يوما" لكم ويوما" عليكم والباقي عندج
توته شلونج شخبارج اني زين تره 
حمودي2 هاي شنو عيني غرت مني سميت نفسك حمودي ديله بقه واحد حمودي 3 علمود الملائكه تزور كروبنا شلونك كبد يا ربت تكون بخير و شكرا على الكلام الحلو الي كاتبليا
شموسه سا شموسه طفت الكهرباء اويلي اني والله تبريد من الساعه 8 ونص الصبح لحد ال6 العصر بمكتب اقاربي يوميه وما الي واهس ارجع للبيت ابد من الحر لان ماكو غير بس بنكه وحده
عمان 2010 مبروك وشايف كل الخير يا رب انتضر شهر ويدزولك رساله تعال استلمه
عمروي يا عموري متكلي هاي شبيك ويه توته وبنوته يمعود على كيفك وياهم وحبي انت ابد متقصر ويايه اعرف بيك ابن حموله مو حموله لوري لا حموله  مشتاقين والله
كريت هوب اني البارحه يمكن جنت ناسي اسلم عليج يله هذا فاول مني اهم شي فيصل ميزعل يمعوده ما بينا حيل انجيب جيس نساتل ونجي نراضي 
فوليوت شلونج تحضري زين واقري زين للمقابله تره هي 5 اساله بيها كل سؤال 3 افرع وما بيها ترك اويلي امتحانات بكلوريا
سلامي الى الاخ الرسام
عراقي وافتخر2
في اي بي سلامي واشواقي والله تسلم على اتصالاتك حب متقصر



والي نسيته هاي اله   



الله يصبحكم بالخير وانوار النبي ان شاءالله




حمندوشينيو

[/color][/size]

[^Miss Violet ^]

صباح الورد حبايب

شلون النشامى و النشميات << يبو جني من السلط هههههههههه

بنوتات حبيباتي الله يبارك بيكم و الله اتمنى كل واحد واكفة شغلته تمشي و بنوتة كون يجيج موعد سفر بسرررررررررررعة حبيبتي

والشباب الطيبة شلونهم..

دوري والله اسال عليك دائما.. ليش هيجي ليش.. سلامتك الف سلامة

سلامي للجميع قاطبة

[yis2007]

صباح الخير شباب وشابات الگروب الغالي .
اولا مبروك عمان يعني بادرة خير انشاء الله بالتوفيق .
حمندوش راجع التعليقات اولا وبعدين اعتب اني انساك يمعود انت الكابتن مال الگروب .
حبيبي عموري تحياتي واشواقي انشالله نشوفك .
جميع الشباب والشابات يصبحكم بانوار النبي جميعا .

[شموسه123]

شلونكم عيني


شلونج بنوته وتوته وهوب ومس فيوليت بعثتلج رساله علخاص عيني

شلون لشباب عمرالعراقي شلونك عيني الدوري شلونك شفت اشلو طفو علينه الكهرباء والرسام شلونك عيني وابن زيونه وياس وعمان 2010 وضاع الوطن وعراقي وافتخر


اختكم شموسه123

[الاسد الجامح]

صباح الخير جميعا


خابروني اليوم موعد محلفين لاضافة الطفل يوم 2\8

اخوكم من جماعة 11\7\2009

[شموسه123]

نسيت اكللكوم اليوم اتصلو عليه الهجره وطبعا اني بعثت ايمل الهم وهمه خابرونه جنت اني والتي الموافقه الامنيه وطبعا لحد الان بعده ماطلعت وهسه صار اخويه بعد انظم النه اعاده امنيه صرنه 3  


اختكم شموسه123

[عمر عراقي]

مليون ترليون هلا بالحبايـــــب

[ضـاع الوطن]

مساااااااااااااء الخير على احلى كروب كروب عمان شلونك اخباركم ان شاء الله الكل بخير صبايا وشباب
والله البارحه فرحتونه باخباركم الحلوه ان شاء الله اليوم هم تفرحونه


اخويه الاسد الجامح مبرووووووووووووووك وان شاء الله اتكون مقابله سهله

اخواني ماكو دورات مال انكليزي شو أسأل ومحد يرد عليه تره ازعل وضيوعي ابو المشاكل من يزعل سألو عليه بالدردشه شيسوي خخخخخخخخخخ


شموسه ان شاء الله تجيج الموافقه باسرع وقت يا رب وتفرحين وتسافرين وترتاحيت تتوفقين

[شموسه123]

تسلم اخويه ضاع الوطن ربي يوفقك انشالله الله يسمع منك عيني




اختك شموسه123

[شموسه123]

هلو حبي كريت هوب تسلمين حبي والله يسمع من حلكج عيني وانشالله يارب كولكم تخلصون عيني ويفرجه عليكم يارب





اختج شموسه123

[عمر عراقي]

اهديلكم اغنية الامــــــــــــل
مال ام كلثوم
بس بصوت
.
.
..
..
..
..
..
..
..
عوض دوخي   
............................
تره اني احب القديم والاصالة بعد بكيفكم
http://www.vidoemo.com/yvideo.php?i=dERsaENycWuRpNlRwWFU&u-uuu-uuu

شوفو الصورة وحكمو (يمكن اصله هولندي)

[ضـاع الوطن]

عاشت ايدك عموري على الاغنيه !!!!!

كريب هوت لا هنا موضوع نقاشات وحورات عمان فقط خخخخخخخخخخ  بس انرحب بيهم بالدردشة يجون ينضمون الرفاق الحزبنه هههههههه

[عمر عراقي]

وايدك رفيق ضاع الوطن
تدلل رفيقي اني بالخدمه !!!!!!! 

[توته الحائرة]

مرحباااااااا جميعا اشلونكم كروبنا الورد
هلووو بنات اشلونكم هسة جنت دا اسمع اغنية فضل شاكر(ياغايب ليه ماتسئل) اشو اشتاقيتلكم خواتي جيت اسال عليكم   ...حبي ام فيصول اشلونج ان شاء الله بس نخلص من شغلة الخطار مال يوم الجمعة ونتفق على طلعة اليوم من كعدت الى حد قبل اشويه بس ويه الوالدة سوينه كوبب للعزيمه اشو الكل اتذكرتنه هسة ما ادري منين طلعونه هههههههه
عيني فيوليت قبل المقابلة مالتج انسويلج اختبار اني وبنت العراق وام فيصولي وشموسة ودك اسئلة على اساس هي مقابلة المحلف ونحظرج نفسيا   شموسة اشلونج عيني ان شاء الله اتسمعين اخبار حلوة يارب طبعا اليوم الكهرباء يمنه يطفي ثواني ويرجع هاي صار 3 مرات الله يسترنه  
هسة اخواني شباب العراق اشلونكم جميعا
عيني عمر شنو هاي الفيكات والله دا اتبدع حلوة الصورة مال الورد شكرا جزيلا...وشكرا على تعليقك وان شاء الله الخير للجميع بس اني اسفركم كلكم واخر شي اسد الباب مال الاي او ام واسافر اخر وحده هههههههههههههه
حمودي هلا بيك اشلونك ويه الحر يله بلكي اليوم تخلص الموجه
يس 2007 هلا بيك ويارب اتكون بخير والاسد الجامح مبروك الطفل وان شاء الله موفق والحمد لله على الاخبار الحلوة
ضاع الوطن يمعود اعصابك لاتروح اتحط ابو الحفريات براسنا كل ما اشوفه اتذكر طبيب الاسنان من  يحفر بالسنون اويلي ههههههه عيني اخويه عندك اكاديميه جنيفا بيها لغة انكليزيه تمتحن ويحطوك بالمستوى المناسب واكو بالجارنز 5666629 وجبل الحسين5658658 وشارع الجامعة 5331127 شوف اي مكان يناسبك وطبعا هو اضبط شي للتعلم حسب وجهة نظري british council وهاي الرابط http://www.go4english.com/
الباقين شباب ابن زيونه-في اي بي-عمان-الرسام-ليون77-عراقي وافتخر واذا نسيت احد اعذروني

انشوفكم بخيررر
اختكم توته

[doori]

مبروك اخونا الاسد الجامح بس شنو انت من جماعة 11/7/2010 شنو فلمك شو قديم انت يمعود
ضاع الوطن يا عيني تدري لو الي يعرفون انكليزين يعلمونه كل يوم 10 كلمات هنا يكتبوها جان هسه تعلمنه فد جم كلمه مو احسن من الدورات وروح وتعال لو شنو رايك
هلو عموري شلونك عيني
ياس على كفيك لدفع يمعود خلص البنازين تره   وانت كلوب الكروب مالتنا همين حب
كريت هوب شلونج ام فيصل خيه شخبارج خيه امورج خيه
اليوم عمان 2010 قابل والحمدلله الله يوفقه ويوفق الجميع يا رب
vip2010شلونك اني شفتكك زرت الكروب مالتنه لكفتك وانت الاسد ههههههههههه
مس فوليوت تسلمين على السؤال شكرا شكرا شكرا
توته وبنتوته اليوك خاتلات من الحر بس تره الجو زوين مو زين لا زوين الضاهر ميطلعن بالشمس
شموستنا شلونج عيني تره اني زين والحمدلله
ليحد هسه معنوياتي عاليه بالرغم انو مخابروني على الملحفين ولكن هذا انذار بقرب هبوط المعنويات بس وين اني حمودي متهبط معنوياتي ان شاءالله لتخافون


ارجعلكم بالليل انتضرونا



حموجي[/color][/size]

[doori]

هلو توته بالله فد نفر كبب يرحم اهلج بس هاي من كل نوع 2 اذا ما بيها زحمه

[الرسام1973]

تحيه وسلام لكل الحلوات بدون الحلوين ........ههههههههههههههه  هسه ايزعلون عليَ الحلوين .... بس هاى مشكلة الفنانين التشكيليين دائما  مشاغبين ....... 



الرسام ابو علاوى

[ضـاع الوطن]

وايدك رفيق ضاع الوطن
تدلل رفيقي اني بالخدمه !!!!!!!  

عمري تعال انظم الحزبنه بالدردشة وقدم طلب الوزير المصار ابن زيونه حته يبدي يصرفلك راتب خخخخخخخ

مرحباااااااا جميعا اشلونكم كروبنا الورد
هلووو بنات اشلونكم هسة جنت دا اسمع اغنية فضل شاكر(ياغايب ليه ماتسئل) اشو اشتاقيتلكم خواتي جيت اسال عليكم   ...حبي ام فيصول اشلونج ان شاء الله بس نخلص من شغلة الخطار مال يوم الجمعة ونتفق على طلعة اليوم من كعدت الى حد قبل اشويه بس ويه الوالدة سوينه كوبب للعزيمه اشو الكل اتذكرتنه هسة ما ادري منين طلعونه هههههههه
عيني فيوليت قبل المقابلة مالتج انسويلج اختبار اني وبنت العراق وام فيصولي وشموسة ودك اسئلة على اساس هي مقابلة المحلف ونحظرج نفسيا   شموسة اشلونج عيني ان شاء الله اتسمعين اخبار حلوة يارب طبعا اليوم الكهرباء يمنه يطفي ثواني ويرجع هاي صار 3 مرات الله يسترنه  
هسة اخواني شباب العراق اشلونكم جميعا
عيني عمر شنو هاي الفيكات والله دا اتبدع حلوة الصورة مال الورد شكرا جزيلا...وشكرا على تعليقك وان شاء الله الخير للجميع بس اني اسفركم كلكم واخر شي اسد الباب مال الاي او ام واسافر اخر وحده هههههههههههههه
حمودي هلا بيك اشلونك ويه الحر يله بلكي اليوم تخلص الموجه
يس 2007 هلا بيك ويارب اتكون بخير والاسد الجامح مبروك الطفل وان شاء الله موفق والحمد لله على الاخبار الحلوة
ضاع الوطن يمعود اعصابك لاتروح اتحط ابو الحفريات براسنا كل ما اشوفه اتذكر طبيب الاسنان من  يحفر بالسنون اويلي ههههههه عيني اخويه عندك اكاديميه جنيفا بيها لغة انكليزيه تمتحن ويحطوك بالمستوى المناسب واكو بالجارنز 5666629 وجبل الحسين5658658 وشارع الجامعة 5331127 شوف اي مكان يناسبك وطبعا هو اضبط شي للتعلم حسب وجهة نظري british council وهاي الرابط http://www.go4english.com/
الباقين شباب ابن زيونه-في اي بي-عمان-الرسام-ليون77-عراقي وافتخر واذا نسيت احد اعذروني

انشوفكم بخيررر
اختكم توته

توته شكرا الج وشكرا على الرابط

مبروك اخونا الاسد الجامح بس شنو انت من جماعة 11/7/2010 شنو فلمك شو قديم انت يمعود
ضاع الوطن يا عيني تدري لو الي يعرفون انكليزين يعلمونه كل يوم 10 كلمات هنا يكتبوها جان هسه تعلمنه فد جم كلمه مو احسن من الدورات وروح وتعال لو شنو رايك
هلو عموري شلونك عيني
ياس على كفيك لدفع يمعود خلص البنازين تره   وانت كلوب الكروب مالتنا همين حب
كريت هوب شلونج ام فيصل خيه شخبارج خيه امورج خيه
اليوم عمان 2010 قابل والحمدلله الله يوفقه ويوفق الجميع يا رب
vip2010شلونك اني شفتكك زرت الكروب مالتنه لكفتك وانت الاسد ههههههههههه
مس فوليوت تسلمين على السؤال شكرا شكرا شكرا
توته وبنتوته اليوك خاتلات من الحر بس تره الجو زوين مو زين لا زوين الضاهر ميطلعن بالشمس
شموستنا شلونج عيني تره اني زين والحمدلله
ليحد هسه معنوياتي عاليه بالرغم انو مخابروني على الملحفين ولكن هذا انذار بقرب هبوط المعنويات بس وين اني حمودي متهبط معنوياتي ان شاءالله لتخافون


ارجعلكم بالليل انتضرونا



حموجي[/color][/size]

اخويه الدوري جان اكو هيج موضوع مال تعليم كل يوم 10 كلمات بس شو الشباب عافو موجود اذا ادوره بالمنتدى

[بنت العراق 84]

مساااااء الخيييير
شلونهم الحلويين
عيني عمر اقدملك اعتذار علمود الي مطلع لسانة ههههه بس علمني بداعة عوض الدوخي متكولي منين تجيب هالاغاني شبيها اليسا وفضل شاكر  وائل كفوري تامر حسني جدد شوية يعني هم حر وهم عوض دوخي وهم متعلمني عالصعادات مترهم هيج

حموجييييي لعد شعبالك واكفتلك بالمرصاد صارلي شكد صابرة انتظرك تغلط ههههههه

شموسة حبي شلونج الله يساعدككم على الامنية و بلاويها والله اتعقدنة كلة بجفة ومرحلة الامنية بجفة ثانية وموصلتني اي رسالة منج عالخاص حبي

شلونج حبي كريت هوب ان شاء الله انتي هم يجيج الدور وتكوليلنة توطين ان شاء الله شو هالايام زين شوية حركة بالكرووب

يس2007 شلونك شو ماكو لا انت ولا ابن زيونة ان شاء الله ملتهين بالخير ياربي

الاسد الجامح مبروك اولا عالنونو الجديد الي انظاف الكم ربي يجعلة من ابناء السعادة ان شاء الله ومبروك عالمقابلة شنو النونو ولد لو بنية وشسميتوه؟؟احب اعرف الاسماء دا احضر نفسي من هسة ألملم اسماء حلوة ههههه

>:(عمررررررر علمنيييييي

[doori]

مرحبا
اني وعموري بشارع الوكالات منو يريد يجي ؟
لحكو علينا تره ممطولين يله الي يريد يجي خلي يدزلي على الخاص بسرعه تفوتكم الكهوه


 

بنت العراق الفمل يسلم عليج  

حمجي[/color][/size]

[بنت العراق 84]

بخخخخخخت طالعييييييييييين شعجب اليوم مو خميس شوداكم  للوكالات ههههه
الف عافية عيني سلمولنة عليكم اتونسو عوافي
وكلة لعمر شلون قلبك هلك تطلع وتتونس وممعلمها لبنت العراق على الصعادات (أنيبك مضمرك)= ضميرك مأنبك

حمودي أتوصر الفمل كلش جان بديع مو بالله

[doori]

مرحبا

يكلج عمر انيبه ادب ميضمره = يكلج عمر ميأنبه ابد ضميره
مكانج خالي اختنا العزيزه يله بعد وكت شنو رايكم عزومه ابلاش بس جيبو العشا وياكم [/color][/size]

[بنت العراق 84]

الله يخليك حمندوشو انتو تونسو اني افرح من موقعي هههههه اكولك شنو جيبو العشا وياكم لعد وين العزومة بالموضوع بلة زحمة عليك هههههههه

[توته الحائرة]

هلوووو بكل السهرانين اشلونكم
كريت هوب حبي اشلونج يله زين طلعتي اشويه غيرتو جو واليوم الجو احسن الحمدلله بس خطية ليش بسطي لفيصولي يعني انتي ويه كل طلعة لازم بسطة ههههههه انقهر من ايبسطون الجهال يله شيسوين الله يعينج عليه

عيني حمودي اني اعتذر جبت طاري الاكل كدامك والله ياريت لو عندي مطعم واسويلك تشكيلة ابلاش بس شيسوي ما باليد حيلة بعدين حمودي انته ما شاء الله شاطر لو جرب اتسوي الكبة والله مو صعبة كلش

بالعافية عمر وحمودي الطلعة والجو جان حلو .....زين اتونستوا؟؟؟

هاي شنو ضاع الوطن بالدردشة شيمسوي كلها احزاب ومعارك داميه ههههههه لاعب بيهم طوبه خطية يمعود العنصر النسوي على كيفك وياهم ...دخلت والله اشويه شفت مواضيعكم

تصبحون على خير للجميع بدون اسماء لان طفيت

[عمر عراقي]

الووووووووو ياولد وين البنات  يابنات وين الولد 
شنو نايمين 
شكو عدكم حظر تجوال 
يله بنت العراق عينتيني هذا البرنامج انطيج اسمه
بس تره كلش طويل يعني ثكيل تقريبا واحد ونص كيكا بايت
ويمكن اكثر اني كان عندي على قرص وحملته ومرات اشتغل بيه
هسه لكيت البرنامج نفسه اذا تريدين ادزلچ اللنكات
ومقسم 9 اجزاء يعني كل جزء تقريبا 200 ميكا اذا تكدرين تنزلين البرنامج
انطيني خبر حتى اعلمچ على الشغلات الي اعرفهه
ولتكولين عموري معلمني
هسه ارسلچ روابط التحميل. وسلمي على اختنا توته ..
ام فيصل شلونچ اختنا ان شاءالله بخير وسعادة وتتحقق الاماني وتعم الافراح
وشموسه الورده يارب الامنية تجي والامُنية تتحقق باسرع وقت
يس2007 و ضيوعي وعمان 2010 وكل الحلوين والحلوات
واني اروح لان بيتنه بعيـــــــــــــــــــــــــد

[شموسه123]

صباح الخير عيني كروبنه الحلو

شلونج حبي كرت وتوته وبنوته انشالله زينين

شلونك الدوري شخبارك وشلونك عمر العراقي وابن زيوينه والرسام رسامنه الورده المبدع شلونك وعمان 2010 وياس وعراقي وافتخر vip اشو ماكو وضاع الوطن شلونك عيني وسلامي لكل الشباب



اختكم شموسه123

[yis2007]

احلى صباح الخير لاحلى كروب . 
تحياتي للشباب والشابات بالگروب الرائع . بس اني اسف لاني مشغول شويه .

[ضـاع الوطن]

صباح الخير يا حلوووووووين

[VIP2010]

السلام عليكم أخواني وأخواتي الأعزاء

أسف جداً على الأنقطاع بس الله لا يراويكم شر ان شاء الله عندي شوية ظروف  ابن أخوية طلع عندة كسل بالعين (Lazy eye) والعائلة كلها عدها كآبة وبجي وقهر  خطية يعني عمرة 7 سنين واني دا اشاركم همي لأن انتوا مثل أخوتي وأتمنى من الجميع يدعيله الله يرجعلى عينه ويرجع يشوف بيها بصورة طبيعية لأن الثانية هم ضعفت وأكيد واني جداً ممنون لكل الي سألوا عني في غيابي وأدعي للجميع بالعافية والله يهون عليه ويسرع من قضيته ان شاء الله.

مع تحياتي ودعواتي للجميع بالصحة والتوفيق

أخوكــــVIP2010ـــــم

[ضـاع الوطن]

الله يكون بعونكم اخويه وان شاء الله السلامه يارب

[^Miss Violet ^]

لف سلامة عيني vip الله يشفيه انشالله بس يمكن الها حل مو؟؟

مساء الورد على الجميع

شلون الحلوين و الحلوات؟؟ شكو ماكو

ضيوعي عيني انت احجيلي الصافي.. تريد دورة تدفع عليها يعني مركز عادي لو دورات مال اليو ان؟؟؟؟ جاوب بسررررعة هههههههههه

تدرون اني قررت اسويلكم شوية تقوية هنا بالكروب.. شتكولون؟؟؟

[doori]

مرحبا شلونكم ما لونكم

اول شي اكلك vip2010 سلامة اخوك الف سلامه وشتحتاج احنه اخوتك تره وفد شويه اخابرك وعيب تره تكول تشاركنه وما ادري شنو لعد شكو سموها اصدقاء هاي اولا"
ثانيا"
قنبلة الموسم بووووووووووووووووووووووووووووووووووووووووووووووووووووووووم
خااااااااااااااااااااااااااااااااااااااااااابروني ال iom وحددولي موعد محلف يوم 15/8/2010
كلولولولولولولولولولولولولولوووووووووووووووووووووووووووووووووووووووووووووووووووووووش
ثالثا" اسلم على الجميع واكول لكريت هوب لتبسطين فيصل تره خابرني وشكالي يعني اني اذا اشوف اختي تبسط جهالها يبو شسوي بيها اويلي بس يله بعد لتسويها تره اخذ فيصل يمي
توته عيني الكبه ماكو اسهل منها اصلا" جميع الانواع اسويها ما عدا البتيته  واختج بنوته علمتني عليها فلتخافين على اخيج حمودي تره سبع
بنوته يعني احنا عازميج حنا بس على جسابج شكو بيها مو اخوتج احنا و متضررين 

عمان2010 شلونك
ضيوعي صدقه لضيوعي شمسوي بالبنات بكروبهم عفيه بيك سبع
مس فوليوت شلونج تسلمين على الرسائل اخت عزيزه والله
عموري يا عموري اويلي عموري شفت البارحه شلون جو خسرو الجماعه تره مو بالله هههههههه


تحياتي للجميع


حمندوش فرحان[/color][/size]

[توته الحائرة]

مسااااااااء الخيررررررررر على الجميع
اشلونكم بنات حبيباتي كروته وفيوليته و شموسة شكو ماكو اخباركم ان شاء الله تكونون بخير...حبي فيوليت ذك اليوم دا افكر اشلون نكدر انساعد الجماعة على الانكليزي من خلال كروبنه بس المشكلة هسة احنه مانعرف مستواهم او منين نبدي وياهم واني ما عندي مانع هم اشارك وياج

عيني vip معذور اخونه والله يعينكم ويصبركم وان شاء الله الشفاء العاجل للطفل زين بيها علاج؟عمليه؟ والله اول مرة اسمع بهذا المرض وفوك القهر طفل يعني يقهر بالزايد يارب الله يشافي طمنه عن اخباره

يس 2007 الله يعينك وتنشغل بالخير ان شاء الله

شكرا عمر على سلامك وصلني من بنت العراق....وهسة تجي اترد عليكم ان شاء الله

حمووووووودي الفففففففففف مبرووووووووووووك موعد المحلفين وان شاء الله كل التوفيق يارب بس حرامات ما راح تاخذ وياك جيس الحب شمسي قمر لان رمضان  اي والله امبين عليك شاطر ودبرها وان شاء الله تطلع الكبة طيبه

رفيق ضيوعي رفقا بالرفيقات هههههههه

ابن زيونه وعمان والرسام والله الشباب اهوايه صرتوا بس ان شاء الله الجميع بخير

وان شاء الله يوم سعيد على الجميع

[شموسه123]

الف الف مبرررررررررررررررررررررررررررررررررررروك الدوري عيني انشالله يوم السفر شكدلك اني موكدلك ايخابروك هسه




شلونك vip عيني سلامته والله انقهرت عليه يارب يارب ايشافيه ويشافي كل مريض





اختكم شموسه123

[doori]

مرحبا
توته تسلمين بالنسبه للدوره مال انكلوزو عادي اني اقترح تكتبولنه فد جمل بسيطه او كلمات بسيطه اول اسبوع واحنا نحفضها وندخل الكلمات بجمل علمود لا ننساها اعتقد هذا حل امثل بس ها مو تحملينه منيه تره دا اكلج ولتخافين ضملج لفة فلافل ههههههههههههههههههههههه لو اكلج اسويلج فد جدرية ورك عنب تدللين

تسلمين شموسه يوم الي يخابروج على السفر يا رب


حموديان

[VIP2010]

أشكركم خواتي واخوتي والله انتوا أكثرمن أصدقاء وأكثر من أخوة

الله يسلمكم والله همة الأطباء كالوا انو الها علاج بس ايطول سنة وهو بغلق العين السليمة ويخلوا يباوع من العين الكسولة حتى يجبرون الدماغ على تشغيلها والله كريم شاكر دعاكم وهذا مو غريب على العراقيين الأصلاء.

مع دعائي للجميع بالصحة والموفقية

أخوكــــــVIP2010ـــــم

[توته الحائرة]

اخونه vip ان شاء الله ينفعه العلاج ويرجع مثل الورد وعيني لاتشكرنه هذا اقل شي نكدر انسويه وندعي للجميع بالصحة والسلامة

اخويه حمودي تدللون اليوم اطلعلكم محاضراتي وابدي اكتبلكم كلمات ومعناها وادخلها بجمله واحاول اختارلكم اشياء متداولة واني هم استرجع وياكم ذكريات الزمن الجميل بس انطوني اشويه وقت واكتبلكم....وعيني بدون لافات ولا جداري هههههه

[^Miss Violet ^]

مبرروووووووووووووووووووووووووووووووك حمووووووووووووووووووودي يمعود والله فرحتنا

يوم للكل يفرحون انشالله

[^Miss Violet ^]

زين توتة خلي نعلمهم المحادثة للمبتدئين شنو رايج؟؟

[عمر عراقي]

VIP2010
سلاااامات اخويه الورد الله يكون بعونكم جميعا
ويشفي ابنكم المريض شفاءا عاجلا لايغادر سقما
((وَإِذَا مَرِضْتُ فَهُوَ يَشْفِينِ)) اللهم اشفه وعافه .
...........................................................
هسه نجي نشوف حمــــــــــودي اني خابرته هسه قبل شويه
بس لازم نسويله احتفالية زغيره بمناسبة المحلفين ونتمنى اله الموفقية والنجاح





الف مبرووووووووووووووووووووووك حمودي



وتهانينا القلبية

[توته الحائرة]

والله حبي فيوليت اشلون ترهم المحادثة بالكتابة و زين اللفظ اشلون؟ زين تدرين شنو خلي انطلع كلمات مهمة بالحياة العامة مثلا وننطيهم المعنى بالعربي وندخلها بجملة للكلمة شنو رايج؟؟؟

[توته الحائرة]

Violet for example
Owe معناها يدين (من شخص يدين لشخص او عدة اشخاص لشي سووه اله)
I owe my success to my family

[yis2007]

والله الف مبرررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررروك حمودي الورده هذا خوش خبر بالنظر للظروف الراهنه . والله فرحتلك من كل گلبي .
والف لا بأس على ابن اخوك VIP2010 وانشاء الله مابيه غير العافيه الف سلامه يارب.
عموري حبي شخبارك وتسلم ايدك على هالابداعات يعني بكل مناسبه حاضر بابداعاتك الجميله .
ماي مينجر وير ار يو  شو ماكو انشالله ماكو شي (لعل المانع خيرا )
تــــــــــــــــــوته وبنـــــــــــــــــــــــــــــــــــــــــــــوته وگريـــــــــــــــــــــــــــت وفيوليــــــــــــــــــــــــــــــت وشموســــــــــــــــــــه
تحياتي ويمنيلتي لكم بالموفقـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــيه.
ابن زيونه وضيوعي وابوعلاوي الرســــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــام وعراقي وافتخـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــر اشواقي وتحياتي لكم . والى الجميع سلامات .............
كل يوم وانتم بخيــــــــــــــــــــــر

[بنت العراق 84]

وينة عرافي واقتخر 4 بس ايفوت يكتب كومنت بمالتنة الكروب احد يصير وياه حدث حلو ههه فدوة لعينك فووووت حتى لو تكتب حرف واحد ههههههههه
الللللللللففففففففف مبرووووووك حمودياااااان على هالخبر الحلو اي احد عندة محلفين يريد استفسار اني حاظرة ترة مخضرمة وية الملحفين اني شتريدون اسالوني عن المقابلة انت ومس فيوليت ويارب ان شاء الله هانت عليكم يارب

شكرا جزيلا عمر تعبتك وياية اني ترة معبالي هاي الصعادات بيها هيجي سوالف طويلة وبرامج عبالي فد خطوة تصير منا من المنتدى تعبتك وياية كلش اسفة عبالي بسيطة

شلونكم جميعا كريت هوب حبي ليش تبسطي لفيصولي ميستاهل حبيبي بس همة الجهال يضوجون من يلزكوون وتعال قنعهم واحنة روحنة خلصانة هههههه
شلونج حب شموسة اني هم احب الرسم وخاصة رسم الثلاثي الابعاد كلش يعجبني

vipالف الف سلامة على عينها لابن اخووك ياربي يكوم بالسلامة ويرجع مثل الاول واحسن طمنة عليه عوود مو تنسة

كل اللهلا بيك اخونة يس2007 نورت تحياتي للرسام ولضيوعي وعمان2010 وابن زيونة
واهم شي عراقي وافتخر4 لان يا جماعة صدك وجهة خير علينة انريد مناشدة حتى يكثف دخولة ومشاركاتة بمالتنة الكرووب ه
تحياتي الكم جميعا حبايب

[بنت العراق 84]

ياريت توتة ومس فيليت بما انو همة ثنينهم انكليزي كل يوم ينطونة فد معلومة فد شي حتى نستفاد اكثر بالمناسبة
توتة منيلج هاي مال owe  شو مكايلتلي عليها قبل بالله لو محتاجتها هناك جان شسويت شكلت اختي معلمتنياها

[^Miss Violet ^]

اي توتة هذا القصد.. محادثة للمبتدئين مو يعني الحجي.. يعني تعليمهم مبادئ تركيب الجمل و ننطيهم جمل جاهزة يحفظوها للمطارات و المطاعم و لابو الشقة مثلا ماكو مي حار او لابو التكسي او يريد يسال عن الطريق.. شنو رايج؟؟

[^Miss Violet ^]

بنوتة هاي شلج بيهة ههههههههههههه انشالله متاويين احد (متاويين = never owe anyone) هههههههه

اكلج بنوتة انتي وين رايحة ولاية و شكد عمرج و شعجب وحدج احجيلي احجيلي

[توته الحائرة]

اي حبي فيوليت مثل ما كلتي كلش زين بس تدرين شنو خلي انقسم المهام يعني انتي مثلا سوي المحادثة اللي يحتاجوها بالحياة اليوميه على شكل جمل يعني مثل فكرتج اللي كلتي عليها....وخليني اني انطيهم كلمات مثلا فد 5 كلمات باليوم وياها معناها بالعربي واخليها بجمل .....شنو رايج؟؟؟ وطبعا ايعذرونه الجماعة اذا فد يوم ماكدرنه نكتبلهم لان اكيد مو يوميه عندنه مجال واللي نكدر عليه انسويه ويدللون

بنت العراق حبي قابل اخليج حايرة هسة قبل ما تروحين انطيج كل المفيد

بس يا جماعة اتحبون نبقى اهنا نكتب دروس الانكليزي لو انسوي موضوع جديد ؟؟؟؟؟لان احنه انحب الدميقراطية ولا نفرض عليكم قانون بدون الاجماع شنووو اني ههههههههههههههههههه

يله طلابنا الاعزاء كل واحد يحضر الورقة والقلم مالته

[^Miss Violet ^]

اي تمام هيجي اوكي توتة

يلله خلي نشوف وين نبدي هنا لو بموضوع جديد حتى نبدي

[شموسه123]

هلوووووووووو شلونكم عيني ايه الحمدالله كلكوم فرحانين اي اريدكم هيج دائما فرحانين ومتفائلين


مس فيوليت اشلونج عيني بعثتلج رساله البارحه وصلتج
شلونج توته ومس فيوليت اني اكول بلنسبه موضوع الانكليزي انو اتسون موضوع وحده جديد علمود الواحد لما يدخل بس يتعلم انكليزي ميشغله شيئ ثاني واني أأيد فكرتكم وحلوه



اختكم شموسه123

[بنت العراق 84]

اكوللكم ليش متسوون موضع خاص بس تعلم جمل مفيدة لحياتك بامركيا وتحطون بيها واحنة نفت كل يوم نقرا شكاتبيلنة هناك ونتعلم مو خوش فكرة؟؟؟

حبي مس فيوليت اني راحية بحيل الله لساوث كارولاينا عمري 26 رايحة يم زوجي هو ديسحبني وصارلنة سنة بالiom
دننتظر رحمة الله

[الرسام1973]

تحياتى لكل الحبايب ..... انى مع فكرة الانكليزى واساعدكم هم لان انكليزيتى قويه



الرسام ابو علاوى

[doori]

مرحبا
اني اقترح نسمي الموضوع( تعلم الانكليزي مع كروب المقدمين عمان )اسمه طويل بس احلى علمود يبقه مربوط بكروبنا والي يريد يدخل طبعا اهلا بيه لان هو استفاده للجميع شنو رأيكم
توته اللفظ مو مشكله اكو موقع اسمه http://translate.google.com ينطي اللفظ الصحيح مع الترجمه المشكله الواهس لمن نشوف كروب وناس مهتمين اكيد يروج الكسل
ونشكركم سلفا" على راسي والله
اي لكااااااااااااااان عراقيين عيني

hamody[/color][/size]

[شموسه123]

مرحبا شلونكم عيني


اني اظم صوتي ويه الدوري على اسم الموضوع




اختك شموسه123

[توته الحائرة]

هلوووووووو جميعا اشلونكم
حبي كريت هوب كل الهلا بيج وان شاء الله نتفق على الطلعة على اسبوع الجاي وانشوف وين ايناسبكم واي وقت اي شفتي شغلتنا الجديدة مال التدريس يله يستاهلون الجماعة وان شاء الله الكل تستفيد شاركينا حبي ام فيصولي
شموسه وبنت العراق وحمودي تدللون هسة اسوي موضوع جديد واكتبلها لفيوليت هم حتى تكتب الاشياء اللي اتفيدكم
صدك حمودي اشو يوميه لقب جديد هههههههه اني راح اسميك حمدين على وزن محلفين بمناسبة مقابلة المحلف هههههههه
اخونه الرسام ياريت اتشاركنة بموضوع الانكليزي وكل الهلا بيك

انتظرونا مع الانكلوزو

[doori]

مرحبا
اشكركم على تأييدكم لفكرة اسم الموضوع
توته تدللين بس راح احرفه للاسم


حمدينيان

[doori]

بنات شنو رأيكم لمن اطلعون اطلعون لشارع الوكالات ولتكولون احنا هياتنا وكل واحد ياخذ اللاب توب مالته ويا او يكون طرف البنات عدهم لاب توب وطرف الشباب عدهم لاب توب والله حلوه هاي اللعبه ونضل نكتب ونشوف منو يعرف الثاني
 




حماده[]

[توته الحائرة]

هلووووو عيني
حبي كروته ام فيصولي امنورة حبي احنه الاشوق

عيني اخوان وخوات هذا الرابط مال موضوع تعلم الانكلزي
http://www.ankawa.com/forum/index.php/topic,427227.0.html
حبي فيوليت تعالي ساعديني موتوني الطلاب ههههههه هسة كتبت كلمات اللي اتفيدهم بالسفر اذا عندج جمل ياريت اتكتبيها اني كتبت اشويه جمل وباجر هم اكتب اشويه حتى شنو انسويها مرحلة مرحلة يعني هسة كتبت على اول خطوة اللي هيه السفر وبعدين نطور وانتي اذا عندج اقتراحات كتبيلي حبي

هاي شنو التدريس متعب هههههههههه

[توته الحائرة]

حمودي يمعود روح اقرا الكلمات اللي كتبتها بالتعلم مال الانكليزي صار ساعة اكتب بيها واكتبلي شنو الشي الجديد اللي اتعلمته حتى اعرف مستواكم اشلونه .....يمعود دخلي اتصير الطلعة هسة.. وبعدين عيني هاي منو اتشيل اللابتوب اشثكله يكسر الايد...

كروته حبي انتي اختاري المكان ونشوف البنات هم رايهم وان شاء الله السبت نتفق على يوم مناسب للجميع

انفتحت الصفحة 7 هاي اشكد نحجي ههههههههههههههههههههه واحنه بشهر سبعة حلوو اني احب رقم 7 بلكي خير

[الرسام1973]

اشكر جهودكم المبذوله يا ورود ....


الرسام

[^Miss Violet ^]

ههههههههههههههههههههههههههههههههههههههههههههههههه

اي لكاااان .. هاي شنو دوري هاي منينلك ههههههههههههههههه صاير شامي


شلونكم يا حلوين

شموسة حياتي ما وصلني اي رسالة منج

[^Miss Violet ^]

اي حياتي نطلع انشالله بس اني بنتي متتعرف معقدة ههههههههههههههههههههههه

عود نقنعها هههههه

[عمر عراقي]

حمودي
وسـ فيوليت ـت
اهديلكم هاي البيتين الي هسه اجاني الالهام (مو المدفعي) غير الهام 
والفت هذي الابيات المقتبسه في مطلعها .
من البيت الشعري المعروف:-
........ تگول

قــف للمحلــــــف وفِـهِ التبجيـــلا ... رحــب به من بعــــدِ صبـــرٍ طويلا
وامـــدُد لـهُ الايــدي مرحبـــةً بـــهِ ... واشـدوا بصــوتٍ زاكــيٍ معســولا
ودع الملامــــةَ لن تفيــدكَ يافتـى ... وتــجنـــب الايهـــــامَ والتضليـــــلا
اخشى عليك من السؤال الماكـرِ ... فاحــذر ولاتكُ في الجــوابِ عجـولا
............................. اخوكم عمر عراقي ...............................
واعذروني لان كتبته بسرعه 
وشكــــرا جزيــــــلا
ســــــــ توتـــه ــــــــت  و  ســــــــ فيوليت ــــــــت
على المبادرة الاخوية .

[توته الحائرة]

ما شاء الله الكروب كله مواهب حلووووة عمر خوش قصيدة  بس اريد اخذها منك بلازحمة احطها بكروب تعلم الانكليزي واخليها واجب للطلاب ايترجموها للقصيدة مالتك للانكليزي ههههههههههههههه حتى بعد ماحد يدخل يتعلم 

اي عيني جيبو جهالكم خطية خلي يتونسون واحنه هم انشوفهم ان شاء الله

تصبحوووون على خير جميعا
احلام سعيدة

[amman2010]

هلووو كرووووب مشتاقلكم كلش والله.

في اي بي 2010 عندكم العافيه صديقي الله المشافي وانشالله حلها سريع وكلشي يرجع مثل مجان.

حمودي الف مبروك حبي نتخابر باجر تره راسي مدا قادر احكه.

يس 2007 شلونك صديقي شخبارك انشالله بخير, وشكرا لسؤالك عني والله يوفقك.

هوب وتوته وبنوته وشموسه فايوليت وكل الشباب اني بخير الحمدلله واتمنالكم الموفقيه وفرحان بيكم وانشالله دائما نسمع اخباركم الحلوه.

اني  اايد فكرة الموضوع الجديد بالنسبه للانكليزي ومو مشكله الاسم ولو بنفس الوقت اعتقد الافضل والعملي اكثر انو يكون مو عالانترنت لان تعلم الانكليزيه ميرهم هيجي الصدق غير, واني حاضر بالنسبه للشباب اصلا قلتلهم شوكت متريدون نلتقي  مثلا بالاسبوع مره ويكون هم تعلم انكليزي وهم نتشاوف بس على كل حال احسن من الماكو هاللي يتعلموا شكو بيها مو غلط على قولتهم.   
هاي الصفحه السابعه وشكرا لتفاعلكم ويه الكروب وانشالله الكل يفرح قريبا بخبر حلو وموعد قريب ويسهل اموركم يارب.
 
راجعين

[doori]

صباح الخير
شلون الكروب مالتنه
توته ترجمتلج ابيات الشعر مال عموري بس على موقع translate.google.com شوفي انت وفوليوت اذا بي خطأ كتبولي علمود نتعلم اكثر لان الواحد ما يتعلم اذا ما يغلط
سلامي للجميع

[yis2007]

صباح الخيراااااااااااااات احلى شباب وصبايا
انا اصوت لصالح المشروع لتعليم الانگلش وانشالله وجهو خير على الجميع

تحياتي للجميع فردا فردا

[^Miss Violet ^]

صباح الورد

عمو عمر شنو هالابيات الروعة.. اول ما ادخل على المحلفين راح اسمعهن ههههههههه و بالعربي هم و همه بقت يمهم يفتهمون لو لا

شلون الشباب الطيبة و البنوتات الحلوات

عسى ان يكون كل شئ على خير ما يراح

[^Miss Violet ^]

هلو هوب حياتي شلونج

شلون فيصولي الحلو.. بوسيلي اياه

هوب الله عليج لا تبسطيه خطية .. من تعاقبيه زاعليه و حرميه من العابه.. لو لا تطلعيه بس الله عليج لا تبسطيه

[عمر عراقي]

مرات الطفل يسوي شغلات يستحق  ينبسط عليهه
بس يعني بسطه خفيفه لان اصلا گلبچ مينطيچ تأذي طبعا .
.................................
وهذا تنبيه لكل من تسول له نفسه يندگ بعموري راح ينچرخ ابچم بيت هجائيات
يبقه الگروب يضحك عليه الى ان ينتهي برنامج التوطين 
هههههههههههه
زين هسه اني شنو اسوي اسجل بدوره لو ابقه احفظلي چم كلمه هنا ؟؟
المشكله ماكو واحد ديسويلي واهس حتى اسجل بدورات الانكليزي
فراح ابقه وياكم بس ست توته وست فيوليت اذا متفهمونه زين راح اصفنلكم فد نص ساعه ساعه
واسويلي چم بيت شعر الا اخليكم تچطون من الشباچ   

[عمر عراقي]

صباح الورد

عمو عمر شنو هالابيات الروعة.. اول ما ادخل على المحلفين راح اسمعهن ههههههههه و بالعربي هم و همه بقت يمهم يفتهمون لو لا

شلون الشباب الطيبة و البنوتات الحلوات

عسى ان يكون كل شئ على خير ما يراح

هلو ســــــــــت فيوليت بس نصيحه لتگوليهن كدام المحلفين تره تصير مقابلتچ 8 ساعات
دخلي عليهم بوجه يضحك تطلعين بنص ساعه ان شاءالله

[بنت العراق 84]

مساء الخير حبايب شلونكم شنو هالنشاط بلة حسد واحد بس يلتهي شوية يجي يلكي الكروب طافر صفحة هههههه

حلوة هاي الفكرة مال الكروب الجدي بالانكلوزو بس اني عندي اقتراح جديد انو اي واحد يعرف يساعدهم الي مثلا يعرف معلومة او كلمة جديدة واحد يستفاد منها يكوول بس طبعا يبقون مس فيوليت ومس توتة همة الاساس بس مو غلط اذا احد عندة معلومة هم يكولها حتى نفيد ونستفيد

يلة عفية خلي نطلع الجو حلو صار وقبل ميجونة خطار هم لان ترة مهدديين باي لحظة يجينة احد من بغداد

عمر زعلت ليش معلمتني هالشعر من قبل حتى اكولة للمحلفين مجان شوية حن قلبهم علية ومشوني بسرعة ههههههه

حمندشوش شلونك؟؟؟
كريت هوب ومس فيوليت و شموسة ان شاء الله نتلاكة عن قريب بس حبي شموسة ترة موصنلي اي شي منج عالخاص

تحياتي للجميع

[توته الحائرة]

مساااااااااااء الخيرررررر على الجميع اشلونكم والله اليوم انشغلت شكو ماكو

كريت هوب حبي اشلونج اخباركم ...فيوليت حب اشلونج...شموسه وينج اشو ماكو اختنا الغالية

حمودي اذا ممكن اتزل البرنامج مال التلفظ او موقع اللي انته تستخدمه بس نزله بكروب الانكليزي لان واحد من الشباب سئل على اللفظ واكون شاكره جدا

عيني عمر طبعا اتسجل بدورة تستفاد احسن على الاقل اهناك تسمع اللفظ واكو محادثة تحجون ويه الاستاذ ويه الطلاب بس احنه دا انحاول اهنا اشويه على اللي نكدرله انفيد الجميع

عيني عمان اشلونك ان شاء الله زين اني راي من رايك بالنسبة للتعلم الانكليزي بس دا انحاول حتى لو بقدر قليل ننطي معلومات اتفيد وياريت لو تشاركنه وايدك ويانه اخويه ههههههههه

توووووووته

[doori]

مساء الخير على الجميع
عيني كريت هوب مو شرط الضرب للطفل الكلام الحلو يجي بي الطفل اني عندي تجربه ويه جهال اختي فد شي جانو نار تصورو فد يوم اختي خابرتني جان تكلي الحكلي اريد انتحر ما اريدهم وهمه صغار كلش يضحكون عليها كتلها البسيهم فد 5 دقائق يعني تسكت بس تسوي نفسها زعلانه راسا يرحون يمها ويراضوها بس احنا العراقيين كد ما احنا حنونين بس اعصابنا نااااااااااااااااااااااااااار
المهم شلونكم تدللين توته هسه احط الموقع هناك اني اليوم منايك ابيتي  لان خالي مسافرين اهل بيته وهو بحده وبصراحه يكلي اخاف انام بحدي يروح يصير بيه شي بالليل ومحد يدري عني كلي هاي شلون تتحمل متكلي بحدك ممتعلم  واني ذبحوني ولطلعوني من بيتي اموت قهر ما اعرف مو بيدي اله قنفتي قريولتي فراشي هيج ما اعرف
المهم شخباركم بنوته هاي انتي تفتحين منا وتوه تروح توته تفتح انتي اطلعين اويلي 
اليوم ماكو شارع الوكالات لان سهرت يم اصدقاء خالي عائله كلش تونس انتو بنات طلعتوا لو لا ؟
شباب وين رحتو ما وين
احجولي عود اوكي



حموديشان[/color][/size]

[شموسه123]

هلو حبايبي شلونكم مشتاقتلكم

شلونج حبي كريت هوب وتوته وبنت العراق ومس فيوليت دزيتلكم هسه رساله علخاص شلونكم عيني اليوم جنت بشارع الوكلات

الجو جان ايجنن وناس كومه تمنيتكم وياي

هسه الشباب شلونك الدوري وعمان 2010 وابن زيونه ماكو وعمر العراقي والرسام وععراقي وافتخر وياس انشالله كولكوم بخير



اختكم شموسه123

[توته الحائرة]

هلوووو حبي كروته اشلونج والله احنه اشوق عيني اي يوم بالاسبوع الجاي ماعدا يوم السبت غيره ايام ماعندي شي اتفقوا وكولولي وعفيه مو الصبح لان ان شاء الله راح ابدي دورة مال كومبيوتر اسبوع الجاي ب(جنيفا) يا بنات تعالوا سجلوا ويايه خلي نتونس ونستفاد يله الي عدها واهس تكتبلي على خاص ونتفق
شموسه حبي ما وصلني منج شي على الخاص عيني عود تعالي بالطلعة لاتنسين وبالعافية الطلعة اليوم الجو ايخبل
حمودي والله كاعدين بالبيت وساكتين اشتغلنه على العزيمة مال باجر و وكعت عليه التبوله وشبعت ثرم ههههههههههه

مابقى شي على رمضان ياجماعة (اللهم بلغنا رمضان فرحين مسرورين يارب)

اختكم توته تبولة هههههههه

[عمر عراقي]

حمودي اليوم اني بمكانك رحت لشارع الوكالات ومكانك فارغ .. يله ان شاءالله غير يوم ..
واني اكول ليش منور اليوم شارع الوكالات اثاري اختنا شموسه هناك اليوم
مليون هلا بشموسه الورده .

[عراقي وافتخر 4]

شلونكم ياحلوين

مبروك حمودي وان شاء الله موعد سفر قريب ..بعد منو راح يطشر ..اكلكم شويه شويه ترة مدالحك عليكم  ;Dوصلتوا الصفحه ٧على كولة توته الطائرة مواني الحجيت هي الكالت تحجون هوايه ..سلامي الى الاخ العزيز الرسام وحمودي وعمرعراقي وبن زيونه وamman2010والى كل الاخوان والخوات
شموسه بنت العراق miss violet وgreat hopeوتوته الطائرة وجميع الخوات 

[عمر عراقي]

مابقى شي على رمضان ياجماعة (اللهم بلغنا رمضان فرحين مسرورين يارب)

اختكم توته تبولة هههههههه

اللهم بلغنا رمضان وانت راضٍ عنا .
امين.
وبلغ اختنا توته رمضان القادم  في مدينة الضباب.   

توته تسوين تبوله هناك ان شاءالله

[doori]

صباح الخير
شلونك ما لونكم
بسيطه عموري تروح لشارع الوكالات ومتكلي اني اعلمك بسيييييييييييييطه من ورايه تروح مو بسيطه
شموسه عيني شلونج يا رب تكونين بخير بس حرامات ما رحت اني لشارع الوكالات لان جنت معزوم بيت اصدقاء خالي يله خيرها بغيرها
عراقي وافتخر 4 شكرا عزيزي على التهنئه
فوليوت شلونج شخبارج توته تسلمين على الانكلوزو بس شنو عيني التبوله اسهل من الفرم تره ماكو اني اسرع ي لمن افرم بس بطريقه مال فنادق وهاي يرادلها خبره
بنوته شخبارج انت اسويتي بالعزومه فرمتي لو طبختي لو انت تتذوقين الاكل وبس هههههههههههه
كريت هوب صباحوا عسل بس لفيصولي ههههههه وانتي صباح الخير سميلي على صديقي فيصل
عمان2010 شلونك كبد vip2010 كلنا شخبار اخوك ان شاءالله بخير شو ابن زيونه ممبين شنو سالفته
سلامي الى جميع يلي ما ذكرت اساميهم سلام خااااااااااااااااص حااااااااااااااااااار طالع من التنور



الله يصبحكم بانوار النبي
جمعه مباركه على الجميع يا رب




حمدمد[/color][/size]

[ضـاع الوطن]

صباااااااااااااااااااااااااااااااااااااااااااااااااااااااح الخير على الجميع هاي شنو ماكو احد لازم بعدهم نايمين

[بنت العراق 84]

صباح الخير يارب تكون جمعة مباركة عالجميع وكثفوا من الدعاء متعرفون بيا لحظة باب السماء مفتوحة ويفرجها ربي على الجميع
بالعافية حبي شموسة عالطلعة حلو الجو جان البارحة وصلتني رسالتج حبي وهسة اضيفج احنة مطلعنة جنة دنشتغل بالعزيمة

حمدمد اني سويت جدر الدولمة وشلون لفيت ورق العنب لفة مال اسطوات تكول عبالك جهال مكمطين وحاطيهم بالجدر ههههههه اليوم حتسوي الكبة؟؟؟

يا هلااااااااااا بعراقي وافتخر4 شلونك؟؟مادام كتبتلنة كومنت هالاسبوع احد بينة حيخابروا المنظمة بس انريد ايخابروك الك انت هالمرة ميصير هيج حتطشرنة وانت ممتطشر بعدك ههههههههه بركاتك علينة فدوة ترة واصلين مرحلة

كريت هوب حبي شلون متجيبين فيصولي وياج لعد غير نتعرف عليه واني اموت عالجهال

ديروبالكم على نفسكم جميعا وتحياتي القلبية لكم

[doori]

مرحبا
هلو بنوته وضيوعي عيني ضيوعي اني من الساعه 8 وربع كاعد ما ادري كل جمعه اكعد من وكت واليوم متاخره بالكعده هههههههههههه
بنت العراق ما اعتقد راح اسويها لان لازم اروح انام يم خالي لان بحده بالبيت ويخاف يصيرله شي وماكو احد يمه اجلتها ليوم ثاني مع اني مجهز نفسي بس طبختة تبسي بيتنجان على كفته هسه اصورها واحط الصور بس متلفين مثل ما الف اني الورق عنب  فلتحاولين تكولين تلفين احسن مني ههههههههههههه

حمدمدان[/color][/size]

[بنت العراق 84]

اي تبسي بيتنجان هم طيب ليش لا
لف واني الف وانشوف منو يلف احسن هههههههه
حمدمدان هاي جديدة يومية دلع شكل
يلة سلملنة على خالك ودير بالك عليه

[doori]

مرحبا
هاي طبخة اليوم ( الجمعه ) تبسي كفته بالبيتنجان عيني عينيييييييييييييييييييي
بنوته صوري الدولمه

صدقه لله والله اعرف اطبخ لك اني شنوووووووووووووووووووووووووو

[
حمدمدون[/color][/size]

[عمر عراقي]

شنو اني وين دخلت  
متأكدين هذا گروب الهجرة لو برنامج الشيف اسامة  
حمودي شنو انته وشنو هالطبخ الراقي لك توب انته
حبي سلملي على خالك وگله نيالك على هيجي ابن اخت ورده  
بنوته كرهتيني بالدولمه شنو جهال مكمطين يعني صحيح احنه كلشي شفنه
بالعراق بس موصلت لحد ناكـــــــل جهال  
شلونك قلبي ضاع الوطن و ماظن بعد تلكونه هو صار محيبس الوطن  
وصباح الساعدي على الجميع   عفوا قصدي صباح الخير عليكم جميعا 

[doori]

هلو كروبي العزيز
هاي اشايفين انتوا بعدكم مشايفين شي تدللون كل جمعه اكله شكل
كريت هوب شلونه صديقي فيصل تره يخابرني ويكلي كلشي من تبسطي يكلي تره
عموري انت الورده والله واصيل
شكوش ماكوش يمعودون
شو كلهم نايمين ليهسه



حمدمدون[/color][/size]

[عمر عراقي]

هلو كروبنا الحلو
شلونكم يا حلوين
بنوتة شلونج حبي الله يساعدكم على الخطار
حمودي والله انت رهيب
يعني صدك نيالها الي راح تاخذك يعني صدك تدللها وتسويلها اكل اشكال والوان
الله يسعدك ياربي
عموري على كيفك وية بنوتة احنا نسمي الدولمة  تمن مكمط وهو فعلا مثل الجهال المكمطين
ههههههههههههههههههههههههههههههههههههههههههههههههه
اليوم مثل ماتعرفون يوم التنظيف العالمي
الله يعينا يارب
ويفتحها بوجه الجميع
وتحياتي للجميع

حياچ الله اختي ام فيصل البطل طبعا متنطين باختچ بنوته هاي النسوان وحده تحب الثانية
اذا صار رجال بيناتهم ينداس بالرجلين 
روحي نظفي زين بس لتصرفين هوايه مي
اني شعندي وياكم بس انتو دتكتبون طبخنه فلان اكله وسوينه فلان شي
شويه على كيفكم تره اني دانزل وزني ومحتار بس اريد اعوف الاكل
وانتو دتسوولي اغرائات بمأكولاتكم   
ام فيصل بقت عليچ دكتبيلنه شطبختي اليوم انتي وشموسه همينه خلتكتب
وخلي نعوف التوطين والهجرة ونگلبهه مأكولات عينكاوا 
تره هاي اسميهه حرشه و دهره يعني ضايج اريد اگضي وقت 
وراح اگضيه براسكم وانتو بديتو والبادي اظلم 
حمودي شوفلك جبهه لو ويايه لو ضدي اني ماعندي حل وسط

[مُغترب]

سلام عليكم

شلونكم ان شاء الله بخير

ممكن سؤال

راح اسوي فيزة اني و والدتي واختي بعد كم يوم واروح للاردن حتى اقدم على لجوء على UN

والقضية مالتي اني اشتغلت فترة ويا منظمات اجنبية كم سنة واتهددت اكثر من مرة واخرها اشتغلت ويا منظمة الهجرة

وانضربت بالانفجار اثناء العمل قبل مدة قصيرة جدا وبعدني مصاب وماريد ابقى بالعراق بعد

شنو تقييمكم لقضيتي اكدر احصل شي سريع نوعا ما بالاردن ؟

ممكن رايكم الكريم والموضوع جدا مهم والله

حتى بعد كم يوم اكون يمكم بالاردن وهم اريد نصائحكم على منطقة سكنية مرتبة وبايجار معقول

اشكركم جدا جدا

[شموسه123]

شلونكم كروبنه الحلو

شلونج كريت هوب حبي بلنسبه للطلعه ماعندي مانع بس باي مكان
حبي توته بعثتلج رساله هسه واشكرج على جهودج عيني مال الانكليزي
شلونج مس فيولت حبي تسلمين على تعليم الانكليزي
بنت العراق حبي شلونج الله يساعدكم على الخطاطير
شلونك عموري منور بيك شارع الوكلات والله واليوم طبخنه برياني
شلونك الدوري شنو هلتبديع بالاكل ماشالله عليك
شلونك عراقي وافتخر وعمان 2010 وياس وابن زيونه بس هو اش ماكو انشالله خير vip اشلون صار ابن اخوك الله ايشافيه انشالله
والرسام شلونك شخبارك
اهلا بيك اخ مغترب عيني عمان احسن مكان للتقديم واكيد رح ايمشوك لان على قصتك

اختكم شموسه123

[بنت العراق 84]

مساء الخير شلونهم الحلويين

هاي شنو حمدمدون ترة صدك بالعافية على الي حتتزوجها هي تكعد وانت تطبخ وتضوكها هالاكلات الطيبة مع الاسف ملحتك اصورلك الدولمة مع الاسف يلة عالمرات الجاية ان شاء الله وسويت فد شي هم كلش طيب حلة يعني مو اكل هسة اكتبلكياه عالخاص هم كلش حلو ومنظرة حلوو بالتقديم كلش

اخونة مغترب اهلا وسهلا بيك بالكروب مالتنة واني راي اتقدم من عمان او تحول ملفك اذا فاتح ملف الى عمان لان عمان اسرع حسب علمي من سوريا و مصر والامارات وتركيا

[توته الحائرة]

هلووووووووووووووووووو جميعاااااااااااا اشلونكم يا حلووووووووين
كريت هوب حبي اشلونج اخباركم الله يساعدج على التنظيف اخابرج ان شاء الله علمود الطلعة والمكان وب7 اوكي خوش وقت بس انتي وفيوليت شوفو وين ايناسبكم اتريدون مكان بي ملاعيب للاطفال اتريدون غير شي انتو قرروا الامهات وشموسة حبيبتي استلمت رسالتج وردة هسة اضيفج واذا اتحبين تقترحين علينه مكان للطلعة ....فيوليت وينها اشو اختفت؟؟؟
شباب اشلونكم اخباركم
عيني حمندوش شنو هاي الابداعات الخرافية تسلم ايدك وعاشت ايدك على الصور (الزوليه النقشة مالتها حلوة هههههههه) اخويه هاي الصور مال الاكل مالتك ضمها من اتروح تخطب لان تره يوكع الطبخ براسك  ولو شكو بيها المشاركة حلوة والففف عافية عليكم الطبخة ....بس تره اللف مال ورق العنب مال بنت العراق كلششش زين
عيني عمر الله يساعدك على الرجيم واتحدى الاغراءات يمعود وهسة جاينه رمضان اكيد راح نسمن
اخوانه الباقين ابن زيونه الرسام عمان يس2007 عراقي وافتخر (اللي راح ايطشرنه) اخونه vip الله يكون بعونه واذا نسيت احد اعذروني
واهلا وسهلا بيك اخونه المغترب الحمد لله على سلامتك قدر ولطف بيك وان شاء الله موفق يارب

عيني حطيتلكم بكروب الانكليزي اسئلة مسليه و بسيطة اللي يحب ايشارك ويستفيد

تووووووووووته

[بنت العراق 84]

Baguncero 
اهلا وسهلا بيك اخونة بالكروب مالتنة اني ماعندي فكرة عن الموضوع بس ان شاء الله ولد الكروب ميقصرون لان اكيد همة عدهم معرفة ودراية بهالاشياء اكثر منة
تحياتي

[doori]

صباح الخير
شلونكم ما لونكم شخباركم
هاي شننو ما شاءالله الجو يخبل البارحه متت برد ههههههه
عيني اختنا Baguncero لتلغين شي اذا ما ينطوج خط الرحله احسن لان ينطون فتره من اسبوعين فما فوق فالافضل بس ينطوج خط الرحله ترحين تلغين الاقامه وها لازم تلغيها تره تتراكم عليج مبالغ ماليه
اي نرجع لكروبنا شكوش ماكوش هاي شبي عمر ويه الصبايا يمعود عمر شعدنا غيرهن راح اكلك شغله عمر ( الله لا يخليك بحلك النسوان ) بس اكلك هيج وانت بكيفك
اي عيني بنات شلونجن شخبارجن وين رحتن ورين اجيتن توته تسلمين على تعبج والله يجازيج كل خير ويفرجها عليج انتي و فوليوت كريت هوب ما عدها شي غير بس خطيه تبسط فيصل لا شغله ولا عمله ها تره البارحه خابرني فيصل كلي امي ضمت الالعاب مالتي كتله فيصل بس تنام امك تروح اجيب جيس نايلون شويه ثخين وتحط راس ماما بي وتشده وهي نايمه هيج تخلص منها  لا عيني كريت اختنا الله ينطيج المر والعافيه لخاطر فيصل ويجعله الله من ابناء الخير و العافيه

هسه على بنوته هاي شنو وين الوصفه لو بس حجي انتي دا انتضر وصفتج اليوم
شموسه عيني شلونج صباحج خير وهنا وعسل يا رب
عمان 2010 شلونك مراحو عاد ضيفوك
vip2010خبرنا عن اخوك شلون صار
ابن زيونه اخاف سافر ومكال
ضيوعي شخبارك
رسام امورك
مغترب تجي بالسلامه ومن تجي كلنه

والي ما جبته طاري ونسيته ولو ما نسيته بس توني كاعد من النوم اكله

صبحك الله بانوار النبي
اللهم اجعل يومكم خير يا الله


حمدمدلي[/color][/size]

[VIP2010]

السلام عليكم ورحمة الله وبركاته

أخواتي وأخواني الأعزاء شلونكم ان شاء الله زينيين

والله مشتاقلكم كلش هواية يعني متصورون شكد مشتاقلكم

طبعاً اني أشكر كل  الي سألوا عن ابن اخويه

شلون الصبايا توتة الحائرة و great hope و^Miss Violet ^ وبنت العراق 84 و شموسه123 والكل

ومن الشباب doori وعمر عراقي وضـاع الوطن وعراقي وافتخر 4  وAmman2010 وyis2007  والرسام1973  وBaguncero والكل ان شاء الله منسيت أحد

مع تحياتي وامنياتي للجميع بالتوفيق والصحة

أخوكــــVIP2010ــــــم

[لورنس العراق]

السلام عليكم يابة ولو متأخرة بس ممكن انضم للكروب لانه حقيقة الفكرة جدا عجبتني والله يبارك بصاحبها واعضائها ويارب التوفيق للجميع ان شاء الله .....
hamzapetra@yahoo.com

[yis2007]

صباح الخير والعافيه على اعضاء الگروب الحلوين والحلوات   . الله يصبحكم بالخير والعافيه فردا فردا بدون ذكر اسماء .

[ضـاع الوطن]

صبااااااااح الخير والسعادة على احلى كروووووووب شلونكم شباب وبنات

[doori]

مرحبا




Happy birthday Hammoudi[/glow][/color][/size]

[شموسه123]

صباح الخير عليكم يااحلى كروب

شلونكم بنات كريت هوب ومس فيوليت وبنت العراق انشالله زينين وانشالله تسمعون اخبار حلوه هلسبوع

شلونكم شباب الدوري شلونك عيني شنو عيني عيد ميلادك اليوم عمر العراقي شلونك عيني شخبارك ضاع الوطن اشلونك عيني عراقي وافتخر شلونك vip شلونك عيني شلون ابن اخوك عمان 2010 شلونك عيني ابن زيونه شلونك والرسام شخبارك وياس

لورنس العرب شلونك اهلا بيك بكروبنه واسمك هوايه يعجبني


اختكم شموسه123

[عمر عراقي]

مساكم الله بالخيــــر
شلونكم جميعا
اهلا وسهلا بيكم
..........
ابو سعيد شوف الشباب شيشربون
.......
اني اترخص البيت بيتكم

[بنت العراق 84]

مساء الخير جميعا
شلونهم الحلوين اسبوع سعيد يارب عالجميع انش اء الله
اهلا بيك اخ لورنس العرب نورتنة وشرفت كروبنة
ابن زيونة و viip و يس وضاع الوطن وعمان2010 ان شاء الله الكل بخير ياربي

حمندوش هاي شنو اليوم عيد ميلادك؟؟؟؟؟ اكولك يا وصفة ردتها مني ومكتبتلكياها شو نسيت يابة اعذرني ترة فكري مو يمي والله اخاف كلتلك شي ونسيت ذكرني الله عليك

شموستنة الورد و كريت هوب و مس فيوليت حبيباتي مسائكم عسل ان شاء الله

حمندوش اذا اليوم عيد ميالدك كوللنة حتى نسويلك احتفال هنا واهم شي عمر يضربلنة صعادات لان كلش باقية بنفسي هههههه

[doori]

مرحبا


  نعم اليوم عيد ميلادي 

[شموسه123]

كل عام وانت بالف خير حمودي انشالله تحقيق الاماني

اختك شموسه123

[بنت العراق 84]

كل عام وانت بالف الف خير يارب تحقيق الاماني كلها كلها كلها

عيد ميلاد سعيييد[/size][/color]

[لورنس العراق]

كل عام وانت بالف خير اخوية ان شاء الله السنة تحقيق الاماني والعمر الطويل ... وين رح تسوي العيد الميلاد  ؟؟

[yis2007]

والله الف مبروك وكل عام وانت بخير وانشالله تحقيق الاماني اخويه العزيز حمودي الورده


الف مبــــــــــــــــــــــــــــــــــــــــــــــــــــروك

[saif moon]

كل عام وانت بالف خير اخوية دوري واتمنالك كل الخير ...........

[عمر عراقي]

.............................................................................


الف مبروووووووووووك حمودي[/size]

[doori]

مرحبا للجيمع
ما اكدر اوصفلكم شعوري والله بتبريكاتكم يعني حتى عيني دمعت لان تعرفون الغربه واني ما احس بالغربه غير بيوم عيد ميلادي لان ماكو اهلي اني بصراحه كل سنه احتفل بي حتى لو بحدي لكن هاي اول سنه كلشي ماكو  واني ادري لو كايللكم قبل بفتره جان الشباب شاركتني بي لكن ما حبيت اغلب احد يجوز واحد من الشباب عنده شغل او شي ولو اني جنت ناوي اسويها مفاجأه للشباب بس تراجعت باخر لحضه لان شفت اغلب الشباب ملتهين يعني ما اكللكم متأكب اليوم لان ما سويت فد شي لان هو يوم واحد بالسنه بس اذا اكو كلمة اقسى من الكآبه او الضوجه هيج فد كلمه اقسى منها بس والله لمن دخلت وقريت يلي كاتبي اخوتي وخواتي كلش فرحة ومن الفرحه دمعت عيني والله الله يخيلكم الي ويخلينا لبعض دوم اخوه يا رب ويبارك بيكم ويحقق امانيكم

اضحكم السنه الماضيه تدرون اسويت بعيد ميلادي ؟؟؟؟؟؟؟؟؟؟؟؟؟؟؟؟؟
جبت كيكه ام الربع هاي الصغيره وحطيت شمعه بيها وغنيت لنفسي هابي برثدي تو يو وطفيت الشمعه ونمت هههههههههههههه


الله يحفظكم يا رب



اخوكم

حمدمدودي[/color][/size]



تقبل الهدايا فقط من 10 دنانير فما فوق ههههههههههههههههههههههههههههههههههههههههههههههههههه

[توته الحائرة]

عيد ميلاد سعيد حمودي وكل عام وانته بألف خير وان شاء الله سنة تحقيق الامنيات ويارب تحقق كل امنياتك وسنة سعيدة

Happy Birthday Hamodi wish all your dreams will come true this year ,,,,,hope you will celebrate your next birthday in USA

هاي جبنالك كيكة مو تكول ما احتفلنه بيك ولو هيه صورة بس مشيها اخويه   وان شاء الله اتكون دائما سعيد و الله يبعد عنك الوحده

عييييييد مييييييلاد سعييييييد

[توته الحائرة]

مرحباااا جميعاااا اشلونكم...شموسة اشلونج عيني اني بخير تسلمين على السؤال ....كريت هوب حبي اليوم سولفنه العصر ما اسئل اشلونج ههههههه وحجتلي على سوالف فيصولي ههههههه الله يحفظه يارب...اشو فيوليت اختفت وينج عيني مشتاقووون

اخوانه الشباب اشلونكم جميعا (يس وvip وعمان والرسام وابن زيونه وعراقي وافتخر وضاع الوطن) ونرحب بالاخوان الجديدين لورنس العراق Baguncero وسيف مون اهلا  وسهلا بيكم جميعا ......الشباب ما شاء الله دا ايزيدون واحنه البنات نفس العدد ما زدنه يعني بس اتسوون علينه انقلاب راسا ننهزم  

عمررر اشلونك هاي شنو صورة ام فدعم امنورة الكروب بس اكو كلمة ما افتهمتها شنو (الزايرة)
حمودي ابو العيد ميلاد اليوم كل الاحتفالات علمودك تستاهل اخونه العزيز والله يوفقك

تحياتي للجميع

[بنت العراق 84]

هاي شنو حمودي ترة والله بجيتنة يمعود بس ان شاء الله العيد ميلاد الجاي تحتفل بي بامريكا بحيل الله بس اهم شي تفتح شمعة اليوم وتتمنى امنية وتطفيها حتى السنة الجاية تتحقق امنيتك من تشعل شمعة جديدة ان شاء الله بعدين لتحال تفلت من السؤال شكد صرت هسة كم سنة؟؟؟
وشنو الهدية من 10 دنانير وفوك انت تستاهل اكثر والله عشر دنانير و خمس قرووشههههههه واني هسة حنزلك تهنئة بعيد ميلادك بالدردشة مال عين كاوة

عمر هاي شنو ام فدعم ترة ما شاء الله عليها هاي اكيد ماتت محسودة من الجمال الي شايلتة يلة الله يرحمها اشوفك متزوجت وراها لان ماكو وحدة تحل محل الغالية بعدين شوية دضربلة لحمودي صعادات مو عيد ميلادة اليوم وتدري الصعادات كلش عزيزة عليه يعني تكدر تكول بمعزة ام فدعم عليك ههههههه

شلونكم حبيباتي البنات شموسة وكريت هوب و مس فيوليت ان شاء الله الكل بخير

[بنت العراق 84]

هذا رابط الموضوع مالتي الي حطيتة بالدردشة علمود عيد ميلاد حمودي الي يريد يهني يكتب هناك
وشكرا

http://www.ankawa.com/forum/index.php/topic,427829.0.html

[عمر عراقي]

ايبااااااه اشتغل التصنيف على الزايره الله يرحمهه
والله لو بعدهه على قيد الحياة لاتخلي بس التراب وراكم.
حمودي والله عبالي بعدك يم خالك فماخابرتك باجر اخابرك
بس صدك ضحكتني بمال عيدميلادك الفات اي غير تحچي حتى اجيلك
واجيبلك احلى كيكه واني هسه اجيت من فلم اللنبي 8 گيگه
هههههه يله يمعود اني عيد ميلادي بشهر السادس يعني قبل اقل من شهر
وهمينه (مر مرور الكرام) بس اهلي هناك احتفلو بي بدوني .
لتهتم اخويه
وعندك رب اسمه الكريم ..
وراح اكتبلك بيتين دائما ارتاح من ارددهه
بلكي انت وكل الحبايب ترتاحون من تقروهه :

البيتيــــــن هي :

دع المقادير تجـري في أعنتها ... ولا تبـيـتـنَ إلا خـاليَ البـالِ
ما بينَ غمضةَ عينٍ وانتباهتِها ... يُغيرُ الله من حالٍ الى حـالِ

يعني خلي الحياة تمشي مثل ماهيه ولاتشيل هموم وخلي بالك دائما مرتاح
لان ربك بأستطاعته ان يغير الحال بغمضة عين
وهاي ام فدعم گدامك وين چانت ووين صارت هسه.

[بنت العراق 84]

شنو هاي عمر ترة منكدر احنة نستوعب هالكلام الثكيل مال  تجـري في أعنتها ههههههه عاشت ايدك بس قصرت والله ليش مكلتلنة عيد ميلادك بشهر السادس مجان سوينالك احتفال وكيكات بعد كلمن يصير عيد ميلادة يكول رجاءا

[بنت العراق 84]

عمر صدك شلونة الفلم حلوو لو عسل اسود احلى؟؟؟

[ضـاع الوطن]

البارحه جنت بالفلم مال المبي صراحه ما انصح احد يروحله لان حيل ثقيل دم

وجه نضر طبعا وكلمن وذوقه  لحد يزعل

[عراقي وافتخر 4]

شلونكم ياحلوين ياطيبين

اخويه حمودي لوكايل قبل فترة على عيدميلادك جان جبنالك كيكه ..كل عام وانت بالف خير ان شاءالله ايامك كلها اعياد وافراح وتسافر وتستقر وان شاءالله على الجميع..يابه تره والله مدالحك عليكم ياواش ياواش
تحياتي لاخويه العزيز الرسام وحمودي وعمر وamman2010وابن زيونه وعلى الاخ الي ضيع الوطن وكل الاخوان..والى great hopeوشموسه وبنت العراق 1984000وتوته الطائره وmiss violetوجميع الخوات

[عمر عراقي]

عمر صدك شلونة الفلم حلوو لو عسل اسود احلى؟؟؟

اكيد محمد سعد ميتقارن باحمد حلمي
لان محمد سعد مهرج يعني يگضي الفلم بس يكمز مثل الشمبانزي
بس هو يعني احلى من افلامه الاخيره.
فاكو فرق چبير بيناتهم لان عسل اسود فد شي كلش حلو

[doori]

صباحكو عسل وهنا وسرور
الى كل الاحباء الى كل الاعزاء الى كل من شاركني يوم عيد ميلادي الى كل من ضمني كأي فرد من افراد عائلته الى عائلتي الحبيبه ( كروب المقدمين من عمان ) الف تحيه واعتزاز ومحبه وفخر اقدمها مع باقة ورد جميله لكم
اني اليوم كعدت الصبح لكيت نفسي مكمط عبالك عمري يوم واحد
يله هسه نجي على عمر بيك عيني ليش يعني مكلت عيد ميلادك شكو بيها لو تستحي عيني عموري هو يوم واحد بالسنه شكو بيها الواحد يفرح مو تمام واذا على الكيكه جيبها شكو بيها هههههه
عراقي وافتخر تسلم تسلم تسلم اني كلت عبالي اسويها مفجاه للشباب واعزمهم اذا سويت شي بس باخر لحضه غيرت رأيي واذا على الكيكه جيبها شكو بيها بس لا تطلع صوره ههههههههههههه
توته شلج بعمري شنو هالفضايح زين اني مستعد اكول عمري شكد بس بشرط تعرفين شكد عمر الصبوحه ( صباح المغنيه ) ها شلوني وياج 
بنوته تسلمين قريت الموضوع بالدردشه تسلمين يا وردة الورود
كريت هوب شلونج اختنا وشلونه فيصولي
شموسه الي تنورنا كل يوم الصبح طبعا اسم شموسه يطني معاني هوايه التفاؤل اولها
عمان 2010 مشغول ادري بيك ما اعتب عليك الله يعينك
vip2010 هم الله يعينه على الي هو بي وتفرج ان شاءالله
فوليوت ماكو هاي كل مره تسويها بينا تروح تروح ووين يله تبين يمعوده وجودج بيناتنا ينطينا الامل دتعالي عاد بقيتي انتي ما نطيتني هديه ههههههههههههه
يس خوبن مختفي شمدريني وين راح وابن زيونه همين
ضيوعي نشيط جدا
لورنس تحياتي الك اخويه واهلا بيك بكروبنا
اخويه saif moon تسلم ياورده
يا شباب لازم نرجعها مال يوم الخميس تره صارت محلوه بشرفي زين اذا ميناسبكم الخميس شوففلنا يوم ثاني واني حاضر



اخوكم
حمدمدودو[[/size]/color][/size]

[ضـاع الوطن]

صباح الخير شبااااااااااااااااااااااااااااااااااااااااب وصبايا شلونكم شنو اخباركم ان شاء الله زينين

[^Miss Violet ^]

صباح الورد على الطيبين

كل عام وانت بالف خير حمودي.. و عمو عمر هم

شسويلكم رجعت الدورات و الانشغال متهنيت بالعطلة ههههههههههههههه

وادري مقصرة حتى بموضوع الانكليزي بس همزين توتة حبيبتي موجودة و اني كل ما اكدر اجيكم

انتبهوا على نفسكم

[yis2007]

صباح الخير جميعا

[doori]

مرحبا
صباح النور ضيوعي باشا
تسلمين فوليوت على التهنئه والله يعينج على الدورات هسه لو قريبه عليه جان استفاديت منها بس يله متقصرون ويانه ان شاءالله
ياس معقوله بينت هاي وين عيني شو صارلك كومه مالكو شخبارك


حمودي

[بنت العراق 84]

صبااااح العسل على كروبنة الحلو
 شلونكم فردا فردا
دوري حلوة هاي مال كعدت لكيت نفسك متكمط هههههه يعني انت هسة عمرك يووم اوووي نونو بعدك شلونك حمدمود اكولك سالتك هذاك اليوم كلتبتلي وين الوصفة شو مكتبتيتها كلتلك يا وصفة خاف اني مواعدتك اكتبتلك مقادير مال شي ونسيت ذكرني؟؟؟

صباح الخير ضاع الوطن عدوي اللدود ههههههه
صباح الخير عمر و عمان2010 ويس2007 والرسام واخونة العزيز عراقي وافتخر 44444444
بالمناسبة احد يعرف ابن اخو لvip شلون صار؟؟

بنوتات حبيباتي شلونكم
ام فيصولي الورد تدللين هسة اكتبلجياه الجيز كيك عالخاص
شموستنة الورد شلونها؟؟
مس فيوليت شوية ايدج وية توتة حتى تعلمونة انكلوزو
توتة شو مختاريتي طالب الاسبوع 

صباح العسل على عينكم كلكم يارب

[ضـاع الوطن]

هاي شنو بنت العراق مجوزين ياله وين اتروحين وراج وراج راح اسويلج لعبه جديده بس الج اتلم  الالعاب كله شنق وذبح وخطف وطلقات وخباثه لعيونج تدللين عليه

هههههههههههههه

[لورنس العراق]

صباح النور بنت العراق ... ابو العيد ميلاد مال البارحة وينة لازم بعدة نايم خلي يكعد ويحجيلنة شسوة البارحة وين راح ولا تنسون اليوم حفلةكاظم الساهر بعمان ولو اني ما اروح بس اللي يريد يروح بجبل القلعة ....

[شموسه123]

مرحبا شلونكم عيني
شلونكم بنات بنت العراق وكريت هوب ومس فيوليت وتوته انشالله بخير
شلونكم شباب الدوري والله دمعت عيوني من كلامك انشالله تسافر وتلتقي ويه اهلك
عمر العراقي شلونك ضاع الوطن شلونك وعراقي وافتخر وياس vip شلون صار ابن اخوك انشالله زين وعمان2010 ولورنس العرب شلونك
الرسام شلونك شنو هلصور الحلوه عاشت ايدك



اختكم شموسه123

[شموسه123]

هلو كريت هوب ههههههههههه والله ضحكتني على ابنج لما ايكولج انتي وين ماتروحين اني لازك بيج الله يحفظه الج






اختج شموسه123

[^Miss Violet ^]

والله اني اللي اضوج من اعوفها دا اشتاقلها كومايات.. بس شنو مو غايبة عنها هواية هي طول ما اني اصلح الواجبات و اسوي واجبات هي يمي.. وهي تحب امي هواية هي اصلا ربتها و ربتني هههههههههه بس اني شنو ام فيصل بنتي الحمدلله ضابطتها و ضابطه اهلي هههههه يعني ولا واحد منهم حتى ابوية يسوي شي اذا ميعجبني وياها.. مثلا من اكول ماكو نستلة بعد الساعة ستة المغرب خلص انتهى محد ينطيها يسمعون الكلام لذلك هي صايرة تعرف حدودها و دتتعود على كلامي من اكول كافي يعني كافي

شلون الحبايب انشالله بخير

[توته الحائرة]

مرررررررررراحب جميعا اشلونكم كلكم
فيوليت اشلونج عيني مشتاقين والله ما لحكتي ترتاحين خطية يله بس احسن من الكعدة والله يحفظلج بنتج يارب...كريت هوب اشلونج حبي اخبارج وشموسة ان شاء الله زينه ....حبيباتي تره دزيت لكل وحده بيكم رسالة على الخاص

حمودي والله مو اني اللي سئلتك على عمرك هاي بنت العراق (دا انا غلبان ههههههههه) خطية ليش ما دريت الصبوحة متخربطة وناقليها للمستشفى بس ما ادري طلعت لا ؟؟؟
عمر والله خوش بيت شعري ايجدد الامل والله قصرت غير اتكول عيد ميلادك دا نحتفل بيك يله ميخالف ولو متأخرة ان شاء الله عيد ميلاد سعيد وكل عام وانته بخير وتحقيق الامنيات ونحتفل بعيد ميلادك الجاي اهنا بالكروب وانته اتكون بامريكا ان شاء الله
ضاع الوطن على كيفك ويه بنت العراق يعني صح احنه البنات قليلين بس مرات القله تغلب الكثرة هههههههههه
اشلونكم اخوانه يس وعمان(اشو ماكو مختفي) وعراقي وافتخر والرسام وابن زيونه مختفي وسيف وvip وكل الشباب يارب اتكونون بالف خير

اختكم توووووته

[ضـاع الوطن]

عمي اني شعندي وياها بس هيه اتحارشت خخخخخخخخخخخخخ وجابته الروحه

[عمر عراقي]

لا مو خوش خبر مال الصبوحه
بعدهه شابه المسكينه يمكن من دفعة ام فدعم

شباب وشابات مســــــاء الخيـــــر عليكم جميعا..
واريد امسي على كلمن احبه
واگول :-
يامســـــاء الخيــــــر بغداد انتي امي ... شلونهــــــم اهلچ يايمـــه شلون ناسچ
والله مشتاگيــــن يـحـبـيـبـه لكعــدتــچ ... انّسينـــــه لــو بـعـــدنــه نــزور بــالـچ
ارد اسئــلچ نهـــر دجلــــة شلونه يمه ... بعـــده ميـه يلاعــب بروجـــه ضـفافچ
والغــريب اللحــم چتفــه مــن نعمتـــچ ... بلــه بعــده يمــر عليـــچ ويـدگ بـابـچ
ويـــوم مـــر العيـــد بدلتـــي الثــيـــاب ... لــو بعـدهه بلونــهه الاســــود ثـيـابـچ
انـتـي يــاوردة ســــلام ونـبـع طيـبـــة ... ويـاجميلــة الـي تـضـاهيــچ بـجمـالـچ
اخسـر عيـوني وعساهن هسه يعمن ... بـس احــط راسـي واشـم ريحـة ترابـچ
.....
وسلام على ارض العراق المظلوم .
ملاحظة الابيات السابقه مأخوذه من قصيده لاحد شعراء العراق.

[شموسه123]

هلو عموري والله دمعت عيوني من الشعر هذا على العراق حلو هوايه شكرا الك



اختك شموسه123

[بنت العراق 84]

مساء الخير جميعا
عيني شو حمندوش من صار عمرة يوم وهو متكبر علينة وميدخل للكروب ههههههههه
عاشت ايدك عمر على هالشعر هذا سودة عليه بغداد هسة شلونها ظلمة وحر
شلونكم حبيباتي كريت هوب و شموسة وفيوليت ان شاء الله بخير
كريت هوب حبي دزيتلج عالخاص بالنسبة للتشيز كيك جاوبيني من تقري
شكو ماكو اخبار امور احداث حركات منا منا تليفون مس كول مسج اي شي

[doori]

مساء الخير
شلونكم حبايب شخباركم
عيني لورنس والله كلشي ما سويت رجعت من التمرين كعدت بحدي بالشقه وهاي اول سنه ما اسوي شي بس يله خيرها بغيرها
عيني بنوته وداعتج اليوم رجعت من التمرين مهدود حيلي بس اكلتلي لكمه وراسا نمت حتى عموري اتصل بيه ما ادري شخربطت ويا بالحجي ولتخافين ما متثاكل وره ما ضعفت صرت خفيف الجثه 
عموري حبي اشكرك على اتصالك بس جنت مو بس نايم همزين سمعت التلفون من دك هههههههههه
عمان 2010 شكرا همين لاصالك حب اخ عزيز
vip2010هم اشكرك جدا جدا جدا على اتصالك وتسلم على مشاعرك
واشكر الجميع على مشاعرهم
شلون الجميع شموستنا وام فيصل الورد وفوليوت وتوته خوبن توته صدقه غلبااااااااااااااانه اوي
شلون الشباب كلهم ياس شخبارك ابن زيونه راح لزيونه يمكن هههههههههههه عراقي وافتخر هم مختفي هاليومين بس وين تروح اطلبك هديه تره هههههههه ضيوعي شخبارك

الي نسيته اكله شلونك عيوني ولتغنيلي يناسينا يناسينا ههههههههههه



اخوكم


حمودي

[عمر عراقي]

عيني شموسه وام فيصل الورود دموعــــكم غاليه واغلى من الذهب.
بنوته عيني ليش سوده علچ اختي سوده على الي يكرهچ 
حمودي حبايب صح النوم حبي .

[doori]

صبااااااااااااااااااااااح الخير
شلونكم شنو نايمين ليهسه يمعودون كوموا اصحوا وصحصحوا هاي برمضان شحسوون ليوين تنامون متكلولي


صباحكم عسل للجميع




حمودي

[لورنس العراق]

صباح النور اخوية شلونك وشلون كروبنا ان شاء الله كلكم بخير ... اخوان بلا زحمة عليكم خلونا نتفق على اي يوم نكون بي الكل فارغين ونرتب لقاء ونتعارف اكثر وخصوصا انه احنة بالغربة شوفوا اي يوم الشباب كلها تتفق عليه واعتقد هذا موضوع اي يوم سهل لانه الكل ما شاء الله او الاغلب حدايق خلونا نرتب يوم وان شاء الله خير ...

[ضـاع الوطن]

صباااااااااااااااااااااااااااااااااااااااااااااااااااح الخير شلونكم نو اخباركم

شلونك اخويه دوري اني زين انت شلونك ؟؟

[لورنس العراق]

يابة ليش هو شوكت الموعد اشو ما لكيتة ممكن تعيدوه شباب رجاء ...

[doori]

مرحبا
شلونكم عيني
عيني كريت هوب كومي من الصبح نظفي وحلبي الهايشه وسويلنا كيمر وزبد ولبن خاثر وراها نذبحلج خروبف وتسوينا قوزي يلا عيني يله لتتكاسلين المفروض النسوان يكومن من وكت اني كل يوم بال6 الصبح اسوي تعداد لنفسي هههههههههه


عيني لورنس احنا كل خميس موعدنا بشارع الوكالات الساعه 8 المسا هسه ادزلك رقمي على الخاص لان اني المهم والي ميجي تروح عليه كل خميس تره هذا الشي

ضيوعي تسلم ويا ريت تجي وتشرفنا علمود نتشاوف



حمودي

[لورنس العراق]

شكرا اخوية استلمت الرقم وجاوبتك عالخاص ....

[بنت العراق 84]

مساااااء الخير يا حلويين
عيني احنة الاربعاء نطلع وانتو الخميس حتى متكولون بكتوا اليم مالتنة ههههههه كلمن يومة وحد

شلونكم جميعاً حمودي بالنسبة للخروبف ترة الخرويف اسمة خرووف بس يلة حمشيلكياها هالمرة لان عمرك يومين نتساهل وياك

صباح الخير لورنس شلونك؟؟؟والله روح وية الشباب كل خميس بالوكالات تتونس خوش شباب ورود مثلك
شلونك حجي ضاع الوطن شاخبارك؟؟

ابن زيونة والرسام وعمر و عمان 2010وvipواهم شي عراقي وافتخر 4 ابو وجه الخير هل علينة شوية ترة باجر يصيرلي 4 شهور من استلمت الظرف وبعدني صافنة وايدي على الخد
شموسة ان شاء الله الاربعاء نشوفج مس فيوليت اذا تحبين تجين ويانة ياريت بس دزيلنة عالخاص حتى نكولج العنوان والساعة

[amman2010]

هلوو كروووب مشتاقلكم نفر نفر  . شنو هالفعاليات الحلوه واللقاءااااات كل ده من ورايه .

اني زين الحمدلله واللهبس بعدني مشغوول كلش واتمنى افرغ باسرع وقت حتى ارجع اتواصل وياكم مثل ماتعودت. لمتنا حلوه ماشاءالله ودتكبر يوم وره يوم (هاي اغنيه مال يوم وره يوم مو بالله)!.

ارحب بالاخوان والخوات الجدد وشكرا لكل اللي ديسالون عني واللي مديسالون اتمنى الكل يكون بخير والله يفتحها عالجميع.

شباب الوكالات اني رح احاول ارتبها حتى لو اجيكم ساعه هالاسبوع اذا الله راد ومع هذا نتخابر انشالله.

بنااااات شنو هالتكتم اشو كله عالخاص يابه اشو احنا مو هيجي كله عالمكشووووف المكان والزمااان ههههه, اتشاقه وياكم اهم شي تكونون مرتاحين بس تره والله منعض احنا كلش حبابيين وغلابه .

راجعييين

[شموسه123]

هلووووووووووووو شلونكم

شلونكم كريت هوب توته بيت بغداد مس فيوليت انشالله بخير

شلونكم شباب عمر والدوري وضيوعي وعمان وابن زيونه ماكو وولورنس وعراقي وياس  وvip شلونه ابن اخوك والرسام



اختكم شموسه123

[doori]

مرحبا
بنوته مو اذا اخليج بمخي غير يبووووووووو شسوي بيج خروف خويريف كله يؤدي الى الذبح بعيد الاضحى ههههههههههه تره اشاقه
لورنس طلعنه عرف مو بالله  سبحان الله
بنات ليش متسووها الخميس وبالوكالات ولتكولون عادي بس والله حلوه تصير لتحجولنه منو انتو ولا شي خلي نسويها تره والله تصير حلوه ونشوف منو ينتبه على هوايه شغلات بالشارع غيروها سووها على يوم الخميس
عمان2010 وعموري و vip2010 لازم ان شاءالله تجون الخميس ويا ريت بقية الشباب همين لان لورنس راح يجي يوم الخميس لتسوولكم سالفه عمري اذا ما لكيت تكسي اخذ الماطور مال ام فدعم بس حطله بانزين هههههههههههههه
عراقي وافتخر شعندك الخميس متجي عيني ضيوعي عيني لتضل مختفي اطلع ويانه خلي حزبنا يقوه هاي شلون بلشه البنات راح يفوزون واحنه لا شموسه انتي ويه يا حزب فدوه دصيري ويانه ولو مره وحده هههههههههههههه


يلا بنات فكرو بالموضوع وردولنا خبر اي لو لا


حمدمدمدمدون[/size][/color][/size]

[لورنس العراق]

طبعا شوفوا الدنيا شلون صغيرة اليوم تخابرنة اني ودوري وطلعنة عرف وان شاء الله الخميس رح نلتقي ومنو ميجي اهلا وسهلا ....

[توته الحائرة]

مرحبااااااا للجميع اشلونكم كروبنا الحلوووووو
حبي ام فيصولي وشموسةوفيوليت اشلونكم يا حبايب .....يله ان شاء الله مابقى شي ونشوفكم يوم الاربعاء بس جنت اتمنى فيوليت انشوفج بس مو مشكلة على الايام الجاية ان شاء الله

عيني عمر تسلم ايدك على الشعر وياريت بين فترة وفترة تكتبلنه هيجي اشياء حلوة

حمودي عيني مو احنه اتفقنا بعد على يوم الاربعاء لان الخميس اللي يطلع ويه اهله او احد يجي خطار بعدين شارع الوكالات احلى شي واحد ايروحله بعد 8 او اكثر يعني معناها راح نتأخر بالرجعة وصعب عليه وعلى البنات اكيد (قابل مثلكم انتو الشباب عمي انيالكم اللهم لا حسد  ههههههههههههه) اني هذا راي بس اتصور البنات نفس الراي.... بعدين اخويه اشو اتريد تاخذ شموسة من حزبنا يمعود احنا اصلا قليلين وحايرين منين انجيب بنات وانتو ما شاء الله يوميه جايكم واحد من الشباب اجديد فوكاها يطلع عرف بختتتتتتتتت هههههههههه بالعافية عليكم

لورنس العراق ان شاء الله تلتقي بالشباب وتتونس وياهم

عمان عيني ان شاء الله تنشغل بالخير اخونه المانجر وشبيه راشد الماجد

رفيق ضاع الوطن وابن زيونه و في اي بي و يس والرسام وسيف واهم شي اللي راح ايطشرنه عراقي وافتخر وكل اخوانه الشباب تحياتنه الكم ويارب انتو بخير وصحة

اختكم تووووته

[عمر عراقي]

هلو شباب بنات شلونكم سلام للجميع

[عراقي وافتخر 4]

شلونكم ياحلوين

شخباركم يارب مرتاحين ..وبديتوا تتطشرون بس موشارع الوكلات ان شاء الله بامريكا شلع  ..واولهم بنت العراق علمود لاتنتظر لاقدرالله ثاني ٤اشهر ..اخواني الشباب الرسام وحمودي وamman2010وابن زيونه وعمر وضاع الوطن وباقي الاخوان الاعزاء ان شاء الله بخير ومرتاحين وسلامي الى الخوات شموسه وgreat hopeوتوته وبنت العراق وmiss violetوالى كل الحبايب الي راح تتطشر

تصبحون على الف خير

[doori]

صباح الخير على عيونكم يا رب
اكو شي غريب البارحه بنوته كلشي مكاتبه خير بنت العراق اختنا شو ماكو لعد منو يصلحلي الاخطاء الاملائيه الي اسويها سلامات تجينا اليوم بالسلامه
كريت هوب اصلا الحلو بالموضوع الواحد يغير شويه فاني دا اغير اسمي كل يوم ومحتار شسميه اليوم
توته بهاي غلبتيني وحقج عمي بس لتكولين الوقت متأخر تره احنا اخووووووووووووووووووووه يعني نوصلكم لباب البيت واحنا الممنونين
عمر ولا نشاط البارحه شنو سالفته خاف كآبه
عراقي وافتخر4 شلونك خويي
ضيوعي مشتاقيلك تشرفنا ونشوفك يمعود
عمان 2010 حبي الله يساعدك بس المهم تجي حتى لو 5 دقائق مشتاقلك حيل والله انت و الولد
vip2010الله يعينك
لورنس تدري مشتاق يجي الخمي بفارغ الصبر
شموسه يا شموسه وينج صباح الخير
فوليوت صباح الخير والهنا والسرور

اذا نسيت احد لحد يزعل لان اله مني 100 بوسه من اخوكم حمودي



اخوكم

حموديون

[لورنس العراق]

صباح النور اخوية وصباح الخير على كل الكروب والله اني هم مشتاق ودا انتظر الخميس بفارغ الصبر بس اشو اليوم الحركة ضعيفة بالكروب خير ان شاء الله خوماكو شي البنات والولد اليوم ماكو شنو هيج الكل حدايق يلة وافونا بالاخبار وكل واحد شتريك اليوم ومنو الي فتح ريكة بجكارة ؟؟ اني تريكت جبن حمودة بالقزحية وجاي عراقي ابو الهيل وخبز من الحدباء ...

[بنت العراق 84]

اني اجيييييييييت
صباح العسل على كروبنة الحلو
شلونكم حبايب ان شاء الله الكل بخير
شكرا عراقي وافتخر اي والله اليوم المعنويات هابطة لان صار 4 شهر ماكو اي تقدم شنسوي الله كريم
هلو حمدمود شلونك البارحة جنة طالعين اني وتوتة واهلي لجبل الحسين رجعنة متاخر فمفتحت نت هواية حلو جبل الحسين البارحة هوا طيب وناس هواية
شلونك لورنس العرب ان شاء الله بخير والجماعة مداريك بالأسر؟؟
عمر شو ماكو كاعد عاقل هالايام ليش هيجي مو من عوايدك وين الصعدات اطلبك صعاداية علمود عيد ميلاد حمدمد ليهسة مضربتلياها 
شلونج شموستنة الورد وكريت هوب وابنج المبسوط دائما فيصولي ههههههه كلش مشتاقة اشوفكم ان شاء الله ونعرف على الناس الطيبة الي صارلنة شكد نحجي وياهم ومشايفيهم
عمان2010 روح للوكالات ميصير هيج انتي المانجر مالتنة ومترووح
مس فيوليت حب صباحج عسل
احلى صباح الخير لvip و ضاع الوطن و يس و ابن زيونة الي ما ادري وين مختفي و الاسد الجامح وينك شو ماكو نشاطات والرسام
واذا نسيت احد فهم صباح العسل

[amman2010]

هلووو جميعا شلون الامور اشو سبات سالمين خوماكو شي!!

كريت هوب شلونك اختي انشالله كلشي تمام وانشالله باجر تتونسون بطلعتكم يارب بس سولفونه مو تغلسوون, شلونه فيصل البطل؟

بنت العراق شلونج عيني انشالله مرتاحه, لاتديرين بال والله كلها تخلص تصير سوالف قريبا. انشالله رايح والله اشوف الشبابا حست بالذنب.

توته شلون الامور؟ هم حتروحين باجر ويه البنات؟

شموستنا شلونج عيني شخبار ال اي او ام وياكم شكو جديد؟

شباب مشتاقلكم  وانشالله اشوفكم على خير الخميس اذا الله راد ويمكن رح يجي ولد ضافني من الكروب بس هوه مو عضر ويانه بس ضيف.

راجعين

[توته الحائرة]

مساء الخير على الجميع

اشلونكم بنات يارب كلكم بخير وصحة

والله اليوم اني اول وحده اعترف ضاااااااااااايجة جدااااااااااا بس دا الهي نفسي حتى اتروح الضوجه

اشلونكم شباب يارب كلكم بألف خيررررر وصحة وعافية ....عيني عمان اي رايحة ويه البنات باجر ان شاء الله ونكتبلكم الاخبار اشكرك على سؤالك...وانتو هم اجتمعو الخميس وتونسو بالعافية عليكم ان شاء الله تلتمون على خير

تحياتي للجميع

[yis2007]

صباح مساء الخير لاحلى گروب
تحياتي واشواقي للشباب جميعا والشابات جميعهن
شكرا للي سالو عني واللي ما سالو

[doori]

مرحبا"""""""""""""
شلونكم توته هاي شنو يمعوده اكلج شغله تسويها ومتضوجين تكمشين مصروف البيت صدكيني تلتهين اني من اريد التهي احسب شكد صرفت واضوج على المصروف اذا هوايه واجيبها منا اوديها منا اخلي الرتاب يكفي غصبا" ما علي او اكلج تعاركي ويه بنوته كل شويه تعاركي وياها تكافشو     بس لا والله اكمشي مصروف البيت وشوفي تلتهين بغير شي احسن ما تفكرين بالمنظمه
كريت هوب شلونج ام فيصل الورده
عمان2010 اكلك حبي اتركلك شغلة الخميس انت ترتبها من يمك لو اتصرف اني؟
بنوته الف عافيه على طلعة البارحه يا رب تتهنون والله فكدتش البارحه
عموري ويننننننننك
اني اليوم بيت اختي بالسلط وكاعد متونس ويه جهال اختي صارلي 3 شهور او اكثر مشايفهم
الجهال احباب الله
يله خلي اكوم اروح العب ويه جهال اختي


حمدمدين

[بنت العراق 84]

يا هلا بيس شلونك عيني ان شاء الله بخير والله سالنة عنك وان شاء الله غيبتك جان المانع خير ومتلهي بالخير يارب
شلونج حبي ام فيصل الورد والله اني هم كل ميصير 20 الشهر اضووج لان هيجي شهر طار واحنة مكانك راوح الف الحمد لله على كل حال
شلونك حمدمون اني هم افتقدتكم والله صاير الكرب جزء منة الا انفوت باليوم فد مرة مرتين نشوف شكو ماكو جزء من حياتنة صار هههه بعدين لتحاول تخلي توتة تتعارك وياية لان تصدك احنة صارلنة شكد خواات من زمان كلش هههه بس ولا مرة متعاركين الف الحمد لله تكدر تكول اني عقلي جبير شوية ههههههه لا لا والله هي توتة وردة بعدين بوسلي النونياات اموت عالنونيات يلة همزين رحت للسلط شوية غير جو اليوم سوينة بتيتاجاب اني وماما اتذكرتك حمودي

عمر شو ماكو اليوم شنو القصة خير خوماكو شي؟؟؟

[شموسه123]

هلوووووووو عيني شلونكم
شلونج كريت هوب حبي شلونكم بنت العراق شنو هاي لاتتكئبون حياتي ولاتفكرون صدوكوني بس اتفكرون بلسفر اتصير طويله اتفائلو وخلوها على الله عيني وانشالله تفرج علينه كولنه شلونج مس فيوليت اشو ماكو

شلونكم شباب شلونك الدوري اني ماغير حزبي عيني ابقى ويه حبيباتي بس اني رح اروح للوكلات ياالخميس او الجمعه شلونك عمر وياس وعمان وابن زيونه ولورنس وvip شلون صار ابن اخوك وعراقي وافتخر والرسام شلونكم



اختكم شموسه123

[عمر عراقي]

مرحبا شباب وبنات شلونكم جميعا لاحمودي ماكو كآبه بس البارحة
سويت فعاليات بقسم الدردشــــه .
بنت العراق هاچ

هاي لعيد ميلاد حمودي.
بنوته مو كلتلچ نزلي البرنامج
حتى تتعلمين تسوين صعادات
اني ماعندي دلال هنا كلمن يدير باله على نفسه
لان ايدي مو الي وداك وشم على ايدي احذر من اليمنه اليسره چتاله 

[بنت العراق 84]

ههههههههه والله يا عمر شعندك سوالف ميخالف حنزلة اذا هو ما ادري شكم جزء البرنامج
هيييييييي صعادات صعادات حلوة عمر لا وعود يعني غير شكل عن هذيج المرة
اي شفت نشاطاتك عيني اول مفتت خبثت عليه ما انسالكياها 

شلونج حبي شموسة احنة زينين ماشين الحمد لله بلكي باجر من نتلاكة شوية نغير جو وننسة ولو شوية الضوجة والكئابة

[أبن زيونة]

السلام عليكم جميعا" شلونكم مشتاقين والله مقصر وياكم بس أعذروني والله مشاغل وألتزامات للبنكه
نبدي بالليديات مال عمان
خواتنا
كريت هوب الوردة شلونج عيني فيصولي شلونه ان شاء الله بخير اسف والله مداادخل على المنتدى كله مدالحك فأعذريني وعلى كيفج عليه بنت قسمي
شموسه الغالية كيفك شو عامله امورج ان شاء الله تكونين منيحه هاي مشكل عراقي ولبناني
توته الجمبدةههههههه صدكيني هسه مداكتب اسمج طلعت توته الي مقابيلنه سوت ها هاها بصوت عالي شلونج شخبارج
بنت العراق الحبابة شخبارج ان شاء الهل تكونين بخير وأكولج مو دتحسين هاي السنة زيارات الكرايب مو طبيعيه صاريه اشو دك فيزا دينطون بختتتتتتتت
فيوليت الراقية شلونج اموراتج اخبارج ان شاء الله كلشي تمام
ان شاء الله منسيت ليدي وخلي تعذرني الي نسيتها بس اذا نسيت احد شلونج عيني الي نسيتج هههههههه خوش تحشيش هسه تطلع اكو جنية اهنا وترد عليه
هسه نجي على الأبضيات
اهلين بحمودي هلا والله حيا الله اي والله لعينوك يا حمودي بعدني اي والله بعمان مسافرت شلونك اخوية شخبارك يابه بعدني بعمان مسافرت والله وانتوا اكيد اول ناس راح تعرفون بسفري واني ان شاء الله مااسفر الا اشوفكم لو كلكم لو اغلبكم
عموري الغالي شلونك أخوية أمورك مشتاقين ان شاء الله تكون بخير
رفيقي ضاع شلونك مشتاقون شلونكم بنضالنه المشرف ضد العلاسات راجعلك رفيقي
ياس الفنان شلونك امورك عساك بخير ان شاء الله
vipشلونك اخبارك يارب تكون بخير
عمان2010شلونك ياطيب ان شاء الله مكضيه شغلاتك
عراقي وافتخر شلونك اخوية شخبارك
الرسام وكل الي نسيت اذكرهم شلونكم عيني اخباركم
يابه عندي صديق ودعته قبل3اسابيع راح لأمريكا ميرلاند واشنطن وحجيت وياه مرتين واخذ منه معلومات شنو الفلم ان شاء الله افيدك بيها اذا تحبون
وعندي كرايبي راح يروح يوم4/8يوم الكم وهمين اتفقت وياه انه نبقى على اتصال وهمين من يروح ان شاء الله واحجي وياه شيكول نحجيلكم
تصبحون على خير والله يصبحكم بخير

[بنت العراق 84]

يا هلاااااا بابن زيونة والله الك وحشة
اسكت وخليها احنة هم مدنلحك عالخطاطير مال بغداد شنو القصة يمكن على كولتك لان الفيزا سهلة صايرة كل شوية جايين ههههههه
عيني ديربالك ترة اني انضميت لحزب النسوي بالدردشة وروح شوف فعالياتي هناك يا تلحك على جماعتك يا متلحك ههههه
تحياتي الك

[توته الحائرة]

مرحباااا على الجميع
اشلونكم يا بنات ...شكرا حبيباتي البنات همزين اجونه خطار وسولفنه اني وبنتهم اشويه اتونست وياها ان شاء الله باجر نتشاوف ونتونس راح اغنيلكم (شيجيب باجر) مال هيثم يوسف هههههه

اشلونكم ياشباب ان شاء الله كلكم بخير
حمودي وعمر وعمان ويس وضاع الوطن والرسام وفي اي بي وعراقي وافتخر وسيف مون ولورنس وكل الاخوان

اهلاااا اخونه ابن زيونه والله ايعينك والله احنه هم نفس الحالة يله الخطار بالبيت خير وبركه بس هاي توته جيرانكم اشلون بيها راح اغير اسم الدلع من وراها ههههههههه وشكرا على سؤالك ونسمع اخبارك الحلوة دائما

سلامي للجميع
اختكم توووووته

[UASF]

السلام عليكم

اخواني واخواتي الافاضل

تحية طيبة

بعدما اطلعت على المنتدى وخاصة الهجرة واللاجئين وبما يخص ابناء بلدي المهجرين والذين انشاء الله يهاجرون اود ان اسالكم عن موضوع يهمني

لدي ملف في منظمة الاي او ام وانا بانتظار مقابلة محلفين وحاليا في مدينة عمان ومن شهر 11 من السنة الماضية ولحد الان
لدي عائلة كبيرة في الوطن والظروف المعيشية والدراسية منعتهم من الالتحاق بي في عمان وكما تعرفون ان الحياة في المهجر غالية وباهظة الكلفة
عائلتي تتكون من 6 اولاد وبنت واحدة وحفيد صغير الابن الاكبر في الربعة والعشرون والاصغر في ال 15 من العمر
سؤالي هو هل من الممكن ان انقل ملفي للعراق؟وهل سيتاخر برايكم علما ان المحلفين يوم 22\8؟
ماذا تنصحوني اخواني البقاء بالغربة والذل العربي؟ام الرجوع للوطن والتهديد على الحياة ؟وبالنسبة للوقت ايهما اقصر الانتظار هنا مع كل المعاناة او الرجوع ونقل الملف لمكتب بغداد وطول المدة؟
اتصلت بالمنظة وقالت لي الموظفة انه اذا قررت العودة ونقل الملف سياخذ وقت اطول وستكون مقابلة المحلفين دقيقة جدا ونسبة الرفض عالية من مكتب بغداد؟وممكن ان تعاد المقابلة للتحليف في بغداد؟

اطلت عليكم بالاسئلة ولكن كلي ثقة منكم كاخوة وانشاء الله ماتقصرون بارئكم

اخوكم بحاجة للنصيحة وانتم اهلا لها

[توته الحائرة]

شكرا حبي ام فيصولي والله انتو الاحسن وباجر فيصولي عوفي عليه احجيلج وياه حتى ايصير عاقل ههههههه الله يحفظه يارب

بالنسبة لسؤالك اخونهUASF اني ولو ماعندي خبرة بس منطقيا اذا رجعت لبغداد راح تتأخر واصبر اشويه اخونه وقابل محلفين على الشهر الجاي وان شاء الله تطلعلك الموافقة بسرعة وتتسهل امورك ....احنه العراقيين اتعودنه على الصبر والله كريم

يارب تفرح الجميع وتسهل امورهم

[عراقي وافتخر 4]

مساء الخير ياحلوين
شخباركم ياطيبين..تحيه للاخ ابن زيونه الورده الحمدالله بخير مادامك بخير ياورد..الاخ الكريم UASF,١٠٠هله بين اخوانك وخواتك الاعضاء واي شي تحتاج احنا بخدمتك ..مثل متفضلت الاخت  great hope ماانصحك تروح البغداد  عندك مقابلة محلفين يوم 22/8يعني مابقالك شي فات الكثير مابقى اله القليل ولازم تصبر وتتحمل لان هذا كله موبس الك والاهلك الله يحفظهم ويخليهم الك وتبقى خيمه على راسهم دوم ..احسن متروح البغداد بين اجاك الواوي واجاك الذيب ..الله يسر امورك اخي الكريم وان شاءالله ناجح في مقابلة المحلفين والسفر القريب مع كل الموفقيه
تحياتي الى كل الاخوان والخوات

[الاسد الجامح]

اخي الفاضل USAF
بالنسبة لموعد مقابلة المحلف الي حديدولك اياه اكلك عصفور باليد احسن من عشرة على الشجرة
بس بالنسبة الى ان تجي الموافقة الامنية وتسافر فهاي ما مضمونة باي دولة
اني مستلم الظرف 11\7\2009 ولحد الان انتظر الامنية وعندي مقابلة محلفين لاضافة الطفل
وان شاء الله تفرج على الجميع

[عمر عراقي]

كيف الحـــــال جميعــــــا
شلونكم شكــو ماكـــــو  
هلا بجيتك ابن زيونه حبي مشتاقيلك
وســـلام للجميــــــــع
واهديلكم هاي المساجله بين فتاة وحبيبها .
بلكي شويه ترطب اجواء الحزن الي كأبتني اليوم
من دخلت لحد هسه اني ضايج   

هي:-
هلا يالبالگلب والروح مارد
ولغيرك ابد يامحبوب ما ارد
كون الله واصير اليوم مارد
واگلك اطلب عيوني هديه .

هــو:-

الچ ون الگلب وحدچ والچ عـــن
والچ نار بوسط گلبي ويلچعن
الچ شامه و الچ خد والچ عيــن
التخزره يموت وانا اول ضحيــه
.....
بعـــــد لحد يكول ضايج
تره ادچـــه بسچينـــه مزنجره 
شنو اني شقاوچي قديــــــم

[ضـاع الوطن]

صبااااااااااااااااااااااح الخير على احلى كرووووووووووب شلونكم يابه اخباركم واموركم
اليوم طفت الكهرباء من ساعه 4 للسلعه 8 اتخيلو خابرت اهلي كتلهم تضامنا وياكم اليوم ههههههههههههه

[بلا وعود]

الاسلام عليكم ورحمة الله وبركاته

بالابدابة احب اشكرك ادراة هذا المنتدى الرائع واشكر احلا اعضاء ومشرفين بهذا القسم واتمنى ان اتقبلوني عضو جديد (بالباكيت) وياكم
شباب عندي كم سؤال اتمى اجاوبوني عليهم
اني اي او ام بغداد وعندي IZ نمبر بس ممقابل وحولت الكيس مالتي لعمان واني صارلي يومين من وصلت عمان بس حبيت اسئل انو  ال اي او ام تنطي فيزا مال عمان في حال الفيزا مالتي خلصت واذا اي شلون اكدر احسل هاي الفيزا
اشرك كل شخص جاوبني مقدما

[doori]

[صباحو الخيري للجميع
شلونكم شخباركم اي البارحه اكو نشاطات هوايه خلي ابدي ببنوته مو كتلج بنوته الكفج الكفج يوم لكم ويوم عليكم هسه من تكولين يا هلا بيس شنو هلا بيس شنو كدامج بزونه تبسبسيلها بعدين شنو كرب كروب مو كرب الله لا يجيب الكرب هسه بيس وكرب والحبل على الجراااااااااااااااااااااااار بيس كرب بيس كرب بيس كرب بيس كرب بيس كرب
زين هسه نجي لابن زيونه الي اختفه ورجع فجأه اول شي شلونك يمكن جنت خاتل بالمصباح ومحد فرك المصباح اله البارحه عيني راح احجيلكياها باللبناني " غلي البي عليك " " يبعتلوا حمى للي بعدك عنا " شلوني وياك اني متعدد اللهجات هههههههه
هسه نجي على الاسد الجامح عيني هاي وينك الحمدلله على سلامتك شكوش ماكوش
ضيوعي بالله لمن طفة الكهرباء مو لابت روحك هههههههههه الله يعينهم اهل العراق
اخونا UASF عيني نصيحه اخويه اصبر ولا تنقل ملفك ولا تضوج هي تفرج باي وقت واسمع نصيحة اهل المنظمه تره تلاص عليك اذا نقلت ملفك خوبن بغداد بين مقابله ومقابله فد شهرين او اكثر او اكقل فشلك بيها ؟ واحنا اخوتك او اولادك لان حضرتك عندك حفيد تدلل باي وقت وشتحتاج احنا حاضرين بعدين ممطوله مقابلتك 22/8 تره كلش زين انتضر وراها جم يوم شوف ملفك شحيكول بي المحلف وراها شوف شسوي اما هسه لا تنقل ولا بطيخ تره اكو ناس من شهر 4 ليهسه ممخابريهم
كريت هووووووووووب شلونج يمعوده هاي وين واني ماكو
شموسه يا شموسه انتي من اطبين وتكتبين تنورينا
توته شلونج عيني اني اريد احركج على اختج اويلي على عركه مال خوات تكفش وراجديات اويلي يله فد كفوشه صغيرونه
فلوليوت شلونج اختنا الله يكون بعونج
شو البارحه لورنس مختفي شنو سالفته ابن منطقتي وينك يمعوووووووووود
عمان 2010 شلونك حب
vip2010 مشتاقون جدا جدا جدا
عموري هههههههههه عموري اويلي بسيطه اخابرك مترد بس زين انت خسرت مكالمه البارحه ههههههههههه بسيطه الخميس جاي وين تروح مني

هسه اني البارحه جنت ابيت اختي وعدها جهال 2 يخبلون وفد شي خنفشاري يموتون عليه تصورو بس كتلهم باجر حتكعدون متلكوني لان اطلع لبيتي ال2 نامو بصفي واحد كامش الايد اليمين والثاني الايد اليسار علمود شنو يكلولها لامهم علمود مينهزم الصبح هههههههههه وبقيت نايم كعدت الصبح بالكوه فلتت منهم جانو نايمين عبالك تكولون عين مغمضه وعين مفتحه بس يردون يشوفون طلعت بس عليمن اني حمودي اعرف شلون افلت هههههههههههه


اسلم على كل من لم اذكر اسمه قبلاتي له[/size][/color][/color][/color]



حمووووووووووووووووووووودا[/color][/size]

[بنت العراق 84]

صباح العسل كروبي الحلووو
اليوم الجو خيالي امبين الهوا عالي وطيب ونسماتة ترد الرووح
يلة نبلش منين نبدي منين نبدي
خلي اجاوب الاخ UASF اولا مية هلا بيك بالكروب مالتنة والله يفرجها عليك ويفك ضيكتك بس صدكني اني رأي من راي اخواني خليك هنا احسنلك لان عمان اسرع تمشي المعاملات من بغداد وشتسوي هي كلها خسارة سواء بقيت هنا او رحت هناك ومبقالك شي على مقابلة المحلفين فحرامات تخسر هالشي

كل الهلا بيك الاسد الجامح طبعا سألتك هذاك اليوم وكلتلك مبروك عالنونو الي انضاف جديد وكلتلك شنو اسمة بس انت مجاوبتني  عادي متعودة اني ههههههه لا عيني اتشاقة الله يحمي ويتربى بعزكم ان شاء الله

حبي كريت هوب معليج بفيصل اني اموت عالنونيات وعندي خلك وياهم مو شلون مجان اني اليوم اصادقة واوصي بيج ميسوي وكاحة

شموسسسسة اليوم نشوفج بحيل الله وناخذ منج دفوو

عاشت ايدك عمر عالمزاجلة كلش حلوة

يا هلاااا بعراقي وافتخر4 شلونك؟؟؟ان شاء الله بخير

ضاع الوطن واكول ياربي ضيوعي ماكو البارحة واكعين دك بيك شنق وقتل وزيان صفر وانت ماكو اي دفاع عن النفس لا نعذرك لعد  ماعندك كهرباء يلة جتي من يمنة هاي طفية الكهرباء استغلينة المقف واني استغلالي والحياة فرص على كولة عادل امام

مية هلا بالاخ بلا وعود نورتنة بوجودك وبالنسبة لسؤالك ماتوقع المنظمة الها دخل بالفيزا بس انت من تقدم للفيزا ترفق وياها الايميل الي خاطبووك بي

حموودي الحمد لله على السلامة شلونها السلط؟؟اووي فدوة اني امووت عالنونيات وحقهم يجلبون بيك الخال عزيز ايصيير بعدين بالنسبة للبيس اني حبيت ادلع الكلمة

[yis2007]

صباح ومساء الخير والصحه والعافيه على احلى گروب شباب وصبايا

حمودي حبيبي شلونك وشخبارك انشاء الله بالف عافيه . زين اختك شوداها للسلط . هاي هم محافظات مثل حكايتي .
عموووووووووووووووووووووووووووووووووري يابه هذا شنو هالابداع تحياتي الك وحشه .
ضاع الوطن (وين الوطن نلگاه) شلونك عيوني شخبارك انشالله بخير .
عمان ماي منيجر يمعود شلونك انشالله بخير .
ابن زيونه تحياتي الك وين انت موجود
VIP سلامات سلامات ريتك سلامات .
عراقي وافتخر هلا بيك والله ( اگلك اني ما ادري وين شايفك ) .تحياتي
الصبايا الحناين اتمنى بادئ ذي بدء ان تكون طلعه موفقه للصبايا وان يستمتعو بوقتهم
بنت العراق العظيم تحياتي الچ جدا والله انشالله يوفقچ وينطيچ اللي ببالچ .
ام فيصل المحترمه تحياتي الچ ولفيصل ( احب اسم فيصل جدا تره ) .
توته وشموسه تحياتي واشواقي
مس فيوليت تحياتي وشكرا على دورة الانكلش .
الى الجميع اذا ناسي احد تحياتي وسلاماتي للجميع

[لورنس العراق]

شلونكم شباب ان شاء الله الكل بخير والبنات جميعا اني اسف البارحة التهيت عندي ضيف جاي من برة شوية التهيت وياه وان شاء الله على الموعد الخميس شباب حاولوا الكل ييجون ....

[عمر عراقي]

مـــــساكم الله بالخيـــــــر ياحبايــــــب
ام فيصل الغالي كيف الحال بنوته شلونچ
ضاع الوطن يس2007 مشتاقيلكم حبايب
حمودي هلو قلبي ان شاءالله باجر نتشاوف اذا .......
يجوز باجر نطلع سفرة اذا مطلعنه اجيلكم
>>>>
هاي دارميات قديمــــة
................
محاورة بين صديقين او (مساجله) مثل متفضلت بنوته اخي الورده :-

الاول:-
لاتســأل إعله الحال خلـٌيها سكتـــه
تسأل على المكتول والكاتل إنتـــه

الثاني:-
يسألني البطران إعربلي كـــانَ
حسباله مثل العام عقلي إبمكانــــه

الاول:-
شحجي وتريد الناس من عندي أحجــي
دمعتي إبطرف العين بس أحجي أبجـــي
.........
واني حافض زنجيل من هاي الدارميات بس هسه مالي خلك اكتب اكثر.
ام فيصل (احذري من اليسرى اليمنه چتالــــه)
اني استخدم سجينه مال فاكهـــه بقتـــــــل .......



(البرتقال) 

[VIP2010]

السلام عليكم

شلون الشابات والشباب الحلوين ان شاء الله بخير مشتاقلكم كلكم نفر نفر والله جداً مشغول وبنفس الوقت جداً أسف لأن اني مدا اكدر أتواجد بالمنتدى أعذروني ارجوكم

اني اشكر كل واحد سأل عن ابن اخوية وهو ان شاء الله راح يبدأ العلاج بعد يومين ان شاء الله العلاج راح يطول سنة والله كريم

مع تحياتي وأمنياتي للجميع بالصحة والتوفيق

أخوكـــــــVIP2010ـــــــــم

[توته الحائرة]

مساء الخيررررر على الجميع اشلونكم كروبنه الحلوووو
واخيرااااااا التقينه بكريت هوب و شموسة وطبعا فيصولي المحبوب الله يحفظه الج هوب حبيبتي والكعدة جانت كلش حلوة والبنات بعد صحبتهم احلى بس مكانج خالي فيوليت ان شاء الله على الجايات والله يديم لمتنه يارب ونشوفكم على طول

شباب اشلونكم يارب كلكم بخير وصحة
عمر عاشت ايدك على الاشعار الحلوة ويمعود اشو صارت بيها سجاجين تره ابدا مو ضايجين اليوم خاصة بعد ماشفنه البنات وسولفنه وياهم وكصينه بالكروب هههههههههههه نميمه لازم مانكدر هههههههه بس والله كلها بالخير

حمودي هاي شمسوين بيك جهال اختك خطية يمكن ما امصدكين خالهم جاي الله يحفظهم يارب

شكرا يس اي والله استمتعنه والحمد لله

عيني vip نشكرك طمنتنه على ابن اخوك ان شاء الله الف سلامة والشفاء العاجل

ابن زيونه وضاع الوطن والرسام وعراقي وافتخر وعمان المنجر والاسد الجامح و لورنس اشلونكم جميعا
نرحب بيك اخ بلاوعود ويانه

[توته الحائرة]

هلاااااا كروته اشلونج والله هسة يله اشويه راح الصداع اسكتي وخليها اشربت بندول واشويه جاي ما ادري اشصار بيه يمكن لان ما اخذت قيلولة الظهر والله يسلمج حبي واهم شي فيصولي هاي المرة ما انبسط ورا الطلعة ههههههههه يارب يحفظج اله
بس خطية ياجماعة خلينه ام فيصولي تنتظرنه اشويه اتاخرنه عليها واحلى شي بقينه ننتظر شموسه ويا ابنيه اتفوت انكول هاي يمكن شموسه هههههههه الى ان دكت عليه يله عرفناها نشكركم بنات على الطلعة ونعيدها ان شاء الله

شباب ان شاء الله انتو هم لمتكم باجر حلوة

[hussam2010]

شلونكم
كاعد صافن وين اروح ودايخ كلت خلي ادعبل يم الكروب بالكت استفاد فد معلومة جديدة اشو انصدمت اول ما دخلت لكيت تبسي واحباشاتة نزلت شوية اشو صارت اعياد ميلاد خفت اكمل انزل خاف هدورة اتصير زواج وافراح     شنو اخباركم لا اتنزلون علية حدرة بدرة ترة بعدني جديد ورقيق     شلونك عيوني عمر العراقي وشخبار الشامية لورنس
والله ما اعرف وين اروح حروح انام احسن الي تصبحون على خير للكل

[بنت العراق 84]

يا اهلا hussam2010 شلون الصحة يابة لعد شعبالك احنة كروبنة مفرفش كلة اكلات واعياد ميلادات اتدعبل على طول محتندم كروب عمان مش حتقدر تغمض عينيك هههههههه
نورتنة

[عراقي وافتخر 4]

شلونكم ياحلوين

شخباركم ..اخويه  yis2007 اكيد شايفني.. مواني هم امفتح جمعيه  ;Dوكاعد سويلك مرة علينه تفضل يمنا اكوخوش سوالف زعلانه عدنا ..كل الهله بيك اخويه تشرفت بيك

ايكلك اكروب البنات التمو اليوم وكعولنا كص وكباب اني رجلي ملختني من الحك  ;Dاكيد هلستوا بفروتي واولهم بنت العراق وتوته الطائرة ليش هالشكل شمسويلكم ..بالله معركتوا من كعدتوا يم شموسه..

اخويه عمر هاي كم دارمي وابوذيه تحشيش اهداء مني الك ولو قديمات بس هذا الموجود سلامي لكل الاخوان والخوات نفر نفر

رمتني بسهم بأم عينيها
لو ما مدنج جان طاح بعيني

اطبخ و افكر بيك يا حلو العيون
بالمركة اخبط جاي حسبالي معجون

جاني حبيب الروح احول مطفي
اجه ديحضني حضن البصفي

سكران افكربيك للصبح بالحوش
مدري الشرب موزين مدري العرك مغشوش

لو گطعوا المكياج ياويلي ياويل
اتباوع النسوان صارن رياجيل
 
ابوذيات

دجاجه انتي يالحبيبه وناديج
بذاك الصوب من اعوعيلج وناديج
هلج يردوني ابيضلهم وناديج
وجبت البيض من غصبن عليه

حلو يالشعرچ مفلفل فلافل وحك عيناج عن حبچ فلا فل ولو جانت عشرتي وياج صمون وفلافل .. ولج والله دجاج تصير ومطبك سويه ..

حبك بالكلب لليوم بعدة
وصديق السوء عنك دوم بعدة
يوم الجمعة شنهو يصر بعدة
لو بنكرياس

[عمر عراقي]

ادري بنات غير تكولون وين التقيتو لو هاي همينه ســـــر  ؟
تره احنه خوش ولـــــــد يعني قابل رح نقطع عليكم الطريق
عبالكم سلابـــــــــــــــه 
ههههههههه
عمي براحتكم تريدون تحچون بكيفكم واذا متريدون همينه عادي
زين ام فيصل ماخذه ابنهه البطل وياهه توته ليش داخت؟
بس اني يمكن عرفت توته احتمال ضربة شمس من كعدتي يم شموســــه 
هاي مال تالي الليل عبروهه عادي مرات افلت من اطفي.
انصحكم نصيحه حتى تخلصون من الغيبه احجولنه شكصيتو بينه
واني ابــري ذمتكم اذا حچيتولي 
ام فيصل وتوته السچينه اليوم بيديكم واستلمتونه تمليخ اني طلعت تلميذ عدكم 
حبيبي حسام2010 هلا ادعبل حبيبي صبح ومسيه كاعدين ننتظر احد يدعبل علينه
الف هلا بيك وتعال بأي وقت احنه كلنه اخوانك ان شاءالله.
vip2010 حبيبي الغالي هلا بطلتك واحنه مقدرين ضروفك ودعائنا متواصل لابن اخوك
ان شاءالله  الشفاء العاجــــل .
حمــــودي باچـــــر بكــــــره  غــــــداً  هههههههههه
دير بالك اتمرن زين لان باچــــــر واشرب مي هوايه
حبيبي حمودي ورده انته اخويه الغالي بس هم (احذر من اليسرى اليمنه چتاله)
اني ماعندي لعب وماتشاقـــه 
حضروا نفسكــــم
ولباقي الشباب سلام وتحيـــــــــــة
......................
شلون مد اشوفكم بنات اليوم سويتونه مثل هاي الصورة

[/shadow]

[عمر عراقي]

عراقي وافتخر حبي عاشت ايدك وينك من زمان
وين چانت خاتله هاي الموهبه ديله سويلي واهـــس حتى نتناوب اني وياك
ههههههههه

[عراقي وافتخر 4]

وايدك حبي عموري شنسوي لعد متكلي شلون نكضيهاهههههههه ..اكيد نتناوب والله سويتلي واهس خوش لعد نزرع بتيته بالمي علمود ياكلها التمساح هههههههههه

[بنت العراق 84]

صبااااااااح الخيييييير
شلون الحلوييين
كعدت متاخر اليوم تعبنة البارحة كلش من الكص الي كصيناه بيكم هههههههه
عيني عمر جنة رايحين للمختار موول علمود بي ملاعيب حتى فيصولي يلعب وهي الصورة الي حاطها انت مال شيش الكص هي بالضبط التصوير الحقيقي للي سويناه البارحة
يا هلاااااا بعراقي وافتخر اني ميتة قهر عليك انت اتطشر بالناس وانت بعدك وسودة عليه وباكيت كلينكس صرفتة علمودك امممممم دتفتهمني شدا اقصد موو
اني هسة دا اواجه مشكلة توتة كعدت على يمنتي وشموسة على يسرتي وام فيصل كبالي هسة صبحت اسم الله عليكم مقلمة نصي بعدة نفس اللون والنص الثاني الي من جهة شموسة مسمر هههههه
بس والله كلش تونسنة وعمر لتحاول منحجيلكم ولا فتفوتاية من حجينة بعدين احنة كلنالكم احنة حجينة عنكم فراح الاثم بعد بكيفي افتي مو؟؟؟ههههههه
اكولكم ترة اني هم احب هاي الدارميات يلة حتى اذا تنفتح قريحتكم الشعرية اني هم اشارك

صباحكم عسل جميعا

[yis2007]

صباح الخير احلى گروب واحلى شباب واحلى صبايا

[بنت العراق 84]

صباح الخير كريت هوب شلونج حب اهم شي فيصولي تونس البارحة شعدنة غيرة اهم شي هو يرضة
ان شاء الله حبي نطلع على طول احسن مكاعدين ناكل بروحنة من الانتظار اليوم خميس كل ميخلص الاسبوع اضووج لان مر اسبوع وماكو شي جديد
شكو ماكو؟؟؟؟؟

[شموسه123]

هلو عيني شلونكم

شلونج كريت هوب وبنت العراق وتوته والله اشرفت بمعرفتكم والله بنات حلوين وكانوا اعرفكم من زمان والله يخليليج فيصولي عيني وبنوته وتوته الله انشالله يفرجه عليكم وتسافرون وكريت بعد هم اتسافرين عيني اني اليوم رايحه للوكلات

شلونكم شباب عموري والدوري وابن زيونه شلونك الحمدالله سمعنه اخبارك شلونك عراقي وافتخر وياس وعمان ولورنس vip



اختكم شموسه123

[عمر عراقي]

غيبـــــــــــــــــــــــــــــــــــه ونميمـــــــــــــــــــــــــــــــــه
احنه من نلتقي نكعد نحچي بس على شغلاتنه
يعني قابل كاعدين گالت فلانه وحچت فلانه
ههههههههههه .
لا والله مناخذ غيبتكم اخذو راحتكم واني مسامحكم 
....
نرجـــــــــــع للدارميات
وهاي تكملة للي كتبته بمشاركتي السابقة
.......
1-
رش الدرب تيــزاب حافي أعتـني لـَــــــــك
چــــا شٌـلي بالرجليـن الما تجي لـــــــــك

2-
لو ترِش مو تيــزاب لو تزرع ألغــــــــــام
اللحم خلـٌه إيروح أوصلــــٌك إعظــــــــام


1-
أُوصـَـل إلحي إهواي لو تشبــــچ إرمـــــــاح
والمعتـني الطيبــات مو فشـله لو طـــــــاح

2-
زيبـــگ إبكـف سكــران خـَلٌتني دنيـــاي
مابيه أجيك إزحــوف ولابيه مشــــٌاي

1-
الدنيا بس وياي شـَـــدت عـــداوه
ولا واحد إمن الناس لجروحــي داوه

2-
الدنيا للتهِـواه ترگص إمفرعــه
وآنه تجيني إبموس وتكَلي إبلعــه

1-
الدنيا للتهواه ترگصله چــوبي
وآنه الفگر يا ناس شگــٌالي ثوبي

2-
يالگلت سبع سنين عمر الگلب شـــاط
آنه لفاني الظيم من لف الگمــــــاط

[توته الحائرة]

مساء الخيررررررر على الجميع
اشلونكم حبيباتي البنات ام فيصولي حبي اشلونج اشلونه فيصولي الوردة وشموسة حبي والله احنه اتشرفنه بيج اكثر ومرة الجاية ان شاء الله انطول الكعدة والله اشتاقتلكم ههههههههه بس ضروري قبل رمضان نتشاوف لان بعد مانكدر انكص بالجماعة هههههههههههههه....ام فيصولي لا اليوم ماكو خطار وهم احتمال انروح ويه الاهل للوكالات اذا الجو حلو بلكي انشوفج شموسة اهناك....فيوليت مشتاقيلج

شباب اشلونكم ؟ سامحونه تره مو بيدنه النميمه هههههههههه والله ماحجينه غير الخير عنكم واشويه سوالف زعلانه على كولت عراقي وافتخر ههههههههههههههه هاي (سوالف الزعلانه)اتعلمنا جديد المصطلح من عراقي وافتخر ومنكم نستفيد

عمر خوش شيش كص حاطلنه والسجينه اول شي حاط اسمي بالمقدمه هههههههههه بس راح احطلك شيش الكص الحقيقي مال البارحة بس مانكدر انصرح بالنقاشات اللي دارت على طاولة الاجتماعات لان هاي اسرار حزب النساء قادمات هههههههههههه والله الصدك اني صار عندي صداع لان جنت طالعة الصبح ويه بنوته وامي وراها رحت للمعهد مال الكومبيوتر ورجعت اتغديت وتحضرت للطلعة يعني ابد ما ارتاحيت واني ما متعودة على المنهاج الحافل بس الحمد لله هسة احسن

عراقي وافتخر الله يساعدك على الحك مال البارحة ههههههههه بس والله حجينه كل الخير عنكم

حمودي وينه؟؟؟؟؟؟؟اشو مختفي مو عوايده اشو ماكو تعليق

يس صباح ومساء الخير عليك وعلى الجميع شخص شخص ما اكدر اعددكم صرتو اهوايه
شباب بما انو انتوا اهوايه ما شاء الله عليكم فشيش الكص البارحة كان بهذا الحجم ههههههههههههه

[توته الحائرة]

تسلم ايدكم عمر وعراقي وافتخر على الدارميات والابوذيات .....عراقي وافتخر صدك دارميات تحشيش هههههههههه
عمر الدارميات معبرة جدااا يسلموووووو

اخ حسام اهلا وسهلا بيك والله ضحكني تعليقك جداااا هههههه تره صدك اللي فوت الكروب كلها يشوف تباسي وتبولة وجيز كيك وعيدميلادات وصعادات وطلعات الشباب للوكالات ودارميات وابوذيات هههههه صدك كروب فرفشة    الله يديم اللمة بس ان شاء الله نطشر (هو غير اشوية عراقي وافتخر ايباوع علينه زين حتى ايطشرنه كلنا   )

تحياتي للجميع

تووووووته

[أبن زيونة]

هلوزززززز شلونكم عيني شخباركم مشتاقين
نبدي بالحلوات ههههههههه هاي أم الكيمر الي جانت تجي بالعيد يم بيتنا اتكول من تريد تبيع زايد وينهن الحلوات  بس تحجيها راسا تشوفون فد تلث اربع بنات اجني عليها يشترن كيمر
كريت هوب الكيمياويه الراقيه طبعا بنت قسمي وتوته العاقلة يابووووو على توته الي يمنا صارت ادوام شيفت ليلي صباحي بالعياط والبجي شموسة المنوره بنت العراق العلاسه لا بنت العراق الجمبدة داتشاقه وياج هاي شمسويه بيه ممبقيه لعبة بالدردشة معالستني بيها اني اعلمج بس ارجع للدردشة فيوليت البطلة شلونكم شخباركم ان شاء الله كلكم بخير وبصحة ويارب السعادة الكم
أم فيصل الوردة والله حقج تعتبين بس ملتهي والله ركض والله كريم بس بلكي فد جم يوم اخلص دورتين وامتحاناتها اتفرغ شوية وارجعلكم سلامي لفيصولي
يابه ان شاء الله كعدتكم حلوة بس اكيد ام فيصل انطتكم كل المعلومات عليه يعني أنفضحت بس لا حجتلكم على ايام الكلية والسفرات ام فيصل خوما فضحتينا ام فيصل وكل البنات عادي يمعودات احجن وكصن جا شمالجن  عبروها هاي جا شمالجن  اخذني الواهس
اخذن راحتجن مينخاف منجن لأن انتن بنات ناس وراقيات وبالعافية عليكم الطلعات وعيدوها ترى احلى شي الصداقة الله يديمها عالكل
الشباب عموري الدارمي الفنان وطبك وياه اخونا عراقي وافتخر شلونكم شخباركم ان شاء الله بخير وراح اهديكم دارمي ورا هاي المشاركة
ياس وعمان 2010وفي اي بي والرسام ورفيقي ضاع الورود شخباركم اموركم يارب تكونون بخير
حمودي الراقي شلونك اخوية شخبارك اموراتك كيفك يا كبير هههههه  موبلس انت تعرف لغات
واخاف نسيت احد من الطيبين والطيبات شلونكم عيني
وسلامي للكل كمشتن كرفتن

[أبن زيونة]

يابه هذا الدارمي لعموري وعراقي افتخر ولكل الغاليين عليه بهاالكروب الحلو
هو عبارة عن رئيس عشيرة وعنده بنية وحده وطلبوا ايدها ولد عمها وهم اربعه فحار الأب المن ينطيها لن كلهم نفس المواصفات والتعليم والمال فكاللهم تجون اليوم بالديوان وكل واحد يجي يطلب ايدها مني بدارمي واقوى واحد بالدارمي من ناحية التعبير والرد عالثاني ياخذ بنتي وطبعا أجوي للديوان
دخل الأول وكال                            الحادي فنه يفوت الحادي فنه دم للرجاب يصير واخذه منه
طب الثاني ورد عليه وكال          دم للرجاب يصير متعجب بهاي بدم جرى المشحوف متعني لهواي
الثالث دخل ورد عالثاني وكال          بدم جرى المشحوف منه وتكفيت أنا اكسر التابوت واكل لحم ميت
الرابع دخل وصاح                         لك تاكل لحم ميت وتلف راسك تنام أنا اعزل اللحمات واكرط بالعظام
طبعا أكيد الرابع هو الي اخذها لبنت عمه وتزوجها
هايابه عموري وعراقي وبنت العراق وكل كروبنا الحلو
شلونه الدارمي حلو لو لا 
بس ترى اني مو هالكد قوي بالدارميات بس اطكطك شوية 
سلامي

[عمر عراقي]

الحادي فنـــه يفوت الحادي فنــــه ... دم لرچاب يصيــــر واخذهه منـــه
............
عاش ابن زيونه الورد والله ذكرتني بأيام الاعداديـــــــة .
بس اريد اصححلك الدارمي الاخيـــــر . الرد الاخير .
يگول

تاكــــــل لحــــم ميــت وعيونـــك تنام ؟  ... أنـــا اعزل اللحمـــات واگرط بالعظـــام
...
الياء في .. ميــــت .. مخففه.

وهاي هم من ايام الماضي الجميـــل..
الدهـــــر لو  وازاك خذلك معلمــــه .... جيبـــك تزيـــده فلوس وابنــك تعلمــــه

[عمر عراقي]

شباب بنات مســـــاء الخيــــــــر عليكم جميعــــــا...
وهاي هديــــــة اليوم.
.........

العمر صاير چاي والوكت قوري ... ليش اليحب حلوين ينظرب بوري . 

......................

 اريد اشلع التبليط وازرع بتيتة ... هيچ اليحب حلوين ينهجم بيتة.  

......................

ارد امشي للعراف وارد انشده بهاي ... شو گلبي ناره تزيد من اشرب الماي

يجاوبه صديقـــه: -

لاتمشي للعراف كلفه المسافه ... الگلب جمرة يصير لو ولفه عافه

......................

شمالچ ييمة و ليش جبتيني للضيم ... شو بس علي دنياي تمطر بلا غيم  

......................

كف كافي كف ارجوك ،كف كافي وسكت ... بنيه التحب اثنين هم تنحسب بت 

......................

هم همي هم الناس هم هم الايام ... واچماله هم العين ما تقبل اتنام 
......................

بالك تمر للدار عنها اشمر بعيد ... دار العزيز هواي نوح وبجي تريد.

......................

تخمط خمط بالناس بسك يجاسم ... صارت امورك توب من الحواسم   

......................

ليش انته هيچي وياي ليش انته هيچي ... چيف اني هيچي وياك صرت انته هيچي 

......................

واختم بهذا الدارمي الي حيـــل يعجبني ويلامس حياتنه بالغربة
يگول:-

الغربه ساحة خيل ومزامط رجال ... وال يطب بيها يفوز كون اصله خيال .
..
ولو حتى الخيال مديلحگ بهالوقت 

[عراقي وافتخر 4]

شلونكم ياحلوين

شخباركم ياطيبين..بنت العراق ترة قويه هههههههه ..هسه تشوفين راح تتطشرين..اكلج بس باكيت كلينكس خلصتي عليه؟شكد بخيله لعد

توته الطائرة  خربت من الضحك عى شيش الكص ههههههه ..اويلي كصبتونا تكصب ههههههه من كثر الحك القوي جبت سجينه احك بيها وشموسه شوت شيش الكص بسرعه ..بس مخاله سوالف زعلانه دايرمداير الشيش ..وعلى سيرة السوالف الزعلانه هذا الدارمي التحشيش الج

اريد اطبخ التشريب وخلي سوالف زعلانه عليه بس دهن ماكو ....
خلفلة عالحلاق صلح الصوبة  

عيني great hope راح ادعليج دعوة مو توديج لمريكا وانما الى مارس ..بس السؤال هو يقبلون لجوء هناك

حبي ابن زيونه عاشت ايدك ياورده انت وعموري الورده الشيش مال  كص مالتك كلش قوي ههههههههه  ;Dوهاي الدارميات مني الكم

تاه العقل يا نااس ..دلوني وينة... طلع الصبح للشغل وما رجع ؟؟

نحـــب ونجبر خواطر الي يبـينـه ****** يابخت الي جمع راسين ديج وديايه

قوطية ببسي تريد اشربه وانسى مثل السمج بالماي لابس بجامه
حبك يبعد الروح خلاني اعاني اشرب حليب وجاي حسبالي راني

مسكنك وسط الروح يا شمعة العين ... البصل وية الموز يسوي كحة .

من عاتب الدنيا فهو شخص مجنون...و من زرع ريش بالحديقة حصد دجاجو

تدري الاسد لو جاع ياكل بتيتة
مثل الترك بغداد متعني ليجاي 

وسلامي للكل نفر نفر
تصبحون على خير

[بنت العراق 84]

مساااااء الخير شلونهم الحلويين
اليوم مستلمة الشفت شوية تاخر لان جنة طالعين شلونهم جماعة الوكالات اتونستو بس اليوم فتنة من يم الدار السادس شنو الازدحام تكولون عمان كلها راحية لصويفية
شلونكم شاخباركم
شو حمدمدون ماكو شنو القصة خاف بي شي؟؟؟
تسلم ايدك عمر عراقي وابن زيونة وعراقي وافتخر عالدارميات الحلوة
عراقي وافتخر غير انت لو شوية لاح علية جان خلصت باكيتين بدل واحد هههههههه

يا هلا بابن زيونة شلون الصحة عيني شسويلكم انتو هم ممقصريين ويانة انت وضاع الوطن بالدردشة ومنجوز منك الا تعترفون احنة اقوة منكم

باجر جمعة وربي يجعلها جمعة مباركة عالجميع يارب
تحياتي للكل

[doori]

صباح الخير للجميع
بنت العراق ماكو شي الحمدلله وشكرا للسؤال بس شو كسل مو اكثر شلونها طلعتكم يا رب تكونوا اتونستوا خصوصا ويه صديقي فيصل تره مو بس من الدوار السادس ازدحام شارع الوكالات تكولين ما بي محط رجل
طبعا فد طلعه تخبل البارحه التقينا اني وعموري واقاربه والاخ لورنس وفد انسان مثقف وما شاءالله على اخلاقه والله ونعم الشباب يعني كروبنا ما شاءالله عليهم فد شباب يرفع بيهم الراس والله وعمان2010 جان وينه همين و vip2010 همين والتقينا باصدقاء اليه اسكتوا فد طلعه مو طبيعيه فعلا" تونست اخرها تمشيت اني واعمر واقاربه للدوار الخامس هههههههههه هريتهم مشي لان اني من رواد المشي المهم ما كصينا بيكم هوايه بس شويه يعني سويناكم شيش كص صغيروني بس شنو شارع الوكالات شي لا يعقل من الناس بالكوه نلكي مكان نكعد
اي شخباركم ابن زيونه وياس و ضيوعي وكل الشباب الي بكروبنا اخاف نسيت احد لا تزعلون مكانكم خالي البارحه
بنات بنوته وتوته يا توته وشموسه وفيوليت الله يساعدها على مشاغلها واكلج الله كريم مبقا شي للمقابله الله يفرجها عليج يا رب ويوفقج ويوفق كل الطيبين شلونج كريت هوب عيني لو ممعشيته للولد ومنيمته متعرفين الواحد بس يشوف الاكل ينسه النوم هههههههههههههه
بوسيلي فيصولي الورد صديقي البارحه شفتلكم فد ولد صغيروني ما شاءالله عليه ما هالكد سمين اهله مكعدين بالعربانه يمكن ميكدر يمشي هههههههه ما شاءالله عليه
اني ليهسه ما سويت غده بس اسوي واكمل اصورلكم الاكل الي سويته مثل كل يوم جمعه




سلامي للجميع
عذرا" للي نسيت اذكر اسمه هو بالقلب همين


اخوكم
حمودي

[لورنس العراق]

صباح الخير كلكم البارحة طلعنا والطلعة جانت جدا لطيفة وجميلة واتشرفنا بالشباب واتمشينا واجن الوكالات فعلا ازدحام بس ان شاء الله رح انعيد الطلعات بصورة استثنائية عن الخميس لانه من الخميس للخميس بعيدة رح نرتب اكثر ان شاء الله ...

[doori]

اخويه لورنس صباح الخير شلونك يا رب تكون بخير واحنا تشرفنا بيك اخ عزيز والله وما شاءالله عليك انسان مثقف جدا وخلوق جدا الله يفرجها عليك نلتقي همين بامريكا يا الله ويوفق جميع العراقيين

[لورنس العراق]

هلا حبيبي دوري اني اكثر سعيد بيكم صدكني ويارب الفرج القريب للجميع ان شاء الله والسفر ونلتقي ونجتمع دائما بالخير مو مهم المكان بس المهم نجتمع بالخير يارب لانه الاماكن ممكن تتغير بس الوجوه الطيبة متتغير وتبقى دائما ذكراها وين الانسان وين ميروح وحبيت بالنهاية اهدي هاي الابوذية للشباب الرائع الي التقيت بيهم البارحة ولكل الاعضاء والمشرفين ...... 

يا صاح انت الذي بيك الظهر  ينشد

بيكم أصالة وكرم والضيف لك ينشد

حقنا نتفاخر بيكم ولطيبكم    ننشد

يابو المعاني يارعي الوفا والجودي
تعيش بكرامة وطيرك عالغصن ينشد ..

[شموسه123]

مرحبا عليكم جميعا
شلونكم كريت هوب وتوته وبنت العراق اشو مشفتكم البارحه شلونكم حبي ومس فيوليت

شلونكم شباب الدوري شلونك اي والله البارحه ماكو هيجي ازدحام بلوكلات شلونك ابن زيونه وعموري وياس ولورنس العراق وعمان وعراقي وافتخر وvip شلونك الله ايشافيه ابن اخوك




اختكم شموسه123

[عمر عراقي]

هلا حبيبي دوري اني اكثر سعيد بيكم صدكني ويارب الفرج القريب للجميع ان شاء الله والسفر ونلتقي ونجتمع دائما بالخير مو مهم المكان بس المهم نجتمع بالخير يارب لانه الاماكن ممكن تتغير بس الوجوه الطيبة متتغير وتبقى دائما ذكراها وين الانسان وين ميروح وحبيت بالنهاية اهدي هاي الابوذية للشباب الرائع الي التقيت بيهم البارحة ولكل الاعضاء والمشرفين ...... 

يا صاح انت الذي بيك الظهر  ينشد

بيكم أصالة وكرم والضيف لك ينشد

حقنا نتفاخر بيكم ولطيبكم    ننشد

يابو المعاني يارعي الوفا والجودي
تعيش بكرامة وطيرك عالغصن ينشد ..

صح لسانك اخويه لورنس الورد احنه تشرفنه بمعرفتك.
..
وهذا الدارمي بين زوج وزوجتـــه:- (تحشيشي)


الزوجة:
اكعد نهارك فات اوه امداني ... خلصت عمرك نوم تشخر بذاني


الزوج:
متكلي شتريدين خليني نايم ... اليصبح بوجه البوم يشبع شتايم


الزوجة:
كون انه بومه تكول چا انته الغراب ... من شفتك ولليوم تبحث بالتراب


الزوج:
بس بعد لاتحچين يم البراطم ... غلطة انه بيچ ارضيت وعليهه نادم


الزوجة:
لو كبل وجهك هاذ شايفته انا ... چان انته والوياك شلعت اذانه


الزوج:
وجهج مزنجر دوم مثل الحديده ... لو اجلفه انا بسيم ما اظن يفيده .
 
وسلامتكــــــم على كولة الشعراء 

[doori]

مرحبا
هاي اليوم طبخت برغل ودجاج مع البصل والبهارات عوافي ابو حميد الورده ههههههه

تفضلو يمعودون

[tariq_s55]

سلام عليكم شباب او بنات
اني طارق من الاردن  عراقي  احب اتعرف عليكم اني اجت الفيزه مالتي الاستراليا احب اتعرف هم على كل واحد اجت الموافقه مالتا على استراليا هذا ايميلي tariq_s55@yahoo.com اي واحد ايحب ايضيفني اتشرف ابمعرفتا
طارق العوصجي
عمان - الاردن

[doori]

مرحبا
هاي وينجن عيني بنات شو اليوم ماكو نشاطات توته وبنوته وكريت هوب وشموسه وفيوليت والشباب شبيكم اليوم اني و عموري و لورنس جنه بمكه مول وجانت طلعه تخبل جدا
اخويه طارق اهلا وسهلا بيك اخ عزيز وراح اضيفك ونسولف


سلامي للجميييييييييييييع



حمودي

[عمر عراقي]

يارب
البنات كلهن سافرن شلــــع وخلصنه منهن

[توته الحائرة]

صباح ومساء الخير على الجميع

اشلونكم بنات اشو ماكو مختفين البارحة خلي اروح اخابرهم اشوف شنو قصتهم هسة بنت العراق يمي امكابلتني وكاعدة بس خلي اشوف ام فيصولي وشموسة....فيوليت حبي مشتاقيلج

ها شباب امطلعين علينه اشاعات امسافرين ههههههههه الله يسمع منكم بس اكيد انكوللكم واكيد اني اخر وحدة اسافر على اخر طائرة

بالعافية عليكم طلعتكم يوم الخميس وطلعة البارحة ان شاء الله دائما تلتمون على خير

حمودي عاشت ايدك على الصور والف عافية عليك الطبخة امبينه طيبه

عمر عاشت ايدك على الدارميات التحشيشيه اتخرب ضحك خاصة مال الزوجة و زوجها

عراقي وافتخر اشكرك على الدارمي التحشيشي وعلى مشاركاتك بكروب الانكليزي .....بس اشو دا ادور على الموضوع الانكليزي مدا الكي وين راح؟؟؟؟؟؟ انتو دا يطلعلكم؟؟؟؟

ابن زيونه هلا بيك والله يعينك على توته جيرانكم وعاشت ايدك على الدارمي خاصة اخر واحد مال العريس ههههههههه

عمان و VIP و لورنس والرسام و يس و ضاع الوطن وكل الاخوان اتمنى كلكم بخير
يومكم سعيد ان شاء الله

[عراقي وافتخر 4]

مساء الخير

بالعكس اني الي اشكرج توته ..موضوع الانكليزي انقل الى الحياة في امريكا اوشئ من هذا القبيل.. شفتي بس دخلت بالموضوع انقل    ..ياريت  الكل تتواصل بالموضوع..

تحياتي

[شموسه123]

شلونكم كروبنه الحلو

شلونج توته حبي شخبارج وشلون بنوته حبي شلونج كريت هوب ومس فيوليت انشالله بخير

شلونك حمودي بلعافيه الطبخه عاشت ايدك عيني فنان شلونك عموري شخبارك وابن زيونه شلونك وعراقي وافتخر وعمان وياس ولورنس والى جميع الي مذكرتهم شلونكم



اختكم شموسه123

[توته الحائرة]

مساء الخير

بالعكس اني الي اشكرج توته ..موضوع الانكليزي انقل الى الحياة في امريكا اوشئ من هذا القبيل.. شفتي بس دخلت بالموضوع انقل    ..ياريت  الكل تتواصل بالموضوع..

تحياتي

عيني عراقي وافتخر بس اذا ممكن اتحطلنا اسم الموضوع او اللنك لان ما دا الكي واشكرك على المعلومة....بعدين ليش نقلوا للموضوع  موضوع حاطي و الكل عرفت مكانه ليش يغيرون مكانه؟؟؟؟!!!! صارلي ساعة ادور عليه

[لورنس العراق]

السلام عليكم طبعا البارحة الطلعة جانت اجمل وراه الطلعة مشينا خوش مسافة من مكة مول الى دوار الكيلو وجان الجو طيب وشفنا عدة مفاجأت بمكة مول بس طبعا متتسولف خلوها سكتة وتعشينا يم شاورماما جان الاكل طيب وان شاء الله اليوم رح نرتب لقاء اخر ونطلع ونسولفلكم وين انروح ومنو ميجي اهلا وسهلا ونرحب بي بس بشرط لازم تنطبق عليه شروط العضوية وهذا الموضوع يم حمودي الدوري وان شاء الله السفر القريب للجميع وربي يسهل امركم .... واهديلكم هاي لخاطرة :

يامن نسيت الذي بعمره الك خاطرة

بالجذب مامر على بالك ابد   خاطرة

وانه بدموع الهجر كاتب الك   خاطرة

صدكني هذا الكلب غيرك ابد ماهوه .. ظل عالي علو النجم حبك ابد ماهوه

بالله اريد اسال سؤال عن السبب ماهو؟ الشايل حنينه الك ليش كسرت خاطرة ....
 

[tariq_s55]

سلام عليكم
اشلونكم اخويه حمودي اتشرف بيك اني موجود 24 ساعه الايميل مفتوح بس اذا ما اجاوب من ارجع للبيت احجي وياك او اني سهران للصبح يوميه
اهلا وسهلا بالجميع
طارق العوصجي
عمان - الاردن

[عراقي وافتخر 4]

مساء الخير

توته اهم شي اعصابج  ;Dالدنيا ماتسوى وانتي على طريق سفر يعني نريدج تسافرين سالمه غانمه من نريد شي يخرب ..انفتح قسم جديد اسمه الحياة  العامه في امريكا وموضوع الانكليزي موجود بيه ...واللنك التالي للقسم الجديد والموضوع كان في قسم الهجرة واللاجئين الادارة تنقل المواضيع الي ماله صله بهذا القسم الى اقسام اخرى متعلقه بهذا الخصوص..ياريت المواصله من الجميع لان موضوع هادف ومفيد جدا خصوصا ليريد يتعلم انكليزي مثلي اني

تحياتي للجميع

http://www.ankawa.com/forum/index.php?board=279.0

[saif moon]

اخوان اريد اعرف فد شي انتو كلكم مقدمين على ال IOM لو على SIV لو مشكل يا لوز.........طبعا الكروب جميل جدا وان شاء الله الجميع تلتقي بامريكا بالقريب العاجل

مع الشكر.....

[بنت العراق 84]

مسااااااء الخيييررررر
عمر عراقي بعدني هناا عبالك تخلص مني بسهولة ههههههه
شلونكم يا حلوين والله مشتاقة كلش لكروبنة الحلو بس هاي صار يومين ملتهية شلونكم

اهلا بيك اخ طارق وتشرفنة بوجودك نورت الكرووب

حمدمود هاي شنووو الابداعات اول مفتحت شفت الماعون بوجهي كلت هاي سوالف حموديان اكيد مسوي طبخة جديدة بس امبينة طيبة عاشت الايادي وبالعافية الطلعة مالتكم

لورنسسسسس شنو مفاجئات عفية احجووولنة تدري اني احب اعرف كلشي وهالمرة من كلت منحجيلكم حبيت اعرف بعد بالازيد  

كريت هوب حبي شلونج مشتاقوون فيصولي شبي سمعت بي مريض خيرة؟؟سلامتة الف سلامة

شموسة حبي شلونج مشتاقيين شكو ماكو اخبار؟؟

عراقي وافتخر حعينك وزير النقل والمواصلات بمنتدى عين كاوة بلكي تحن عليه وتنقلني ههههههه

اخ سيف موون اني iom , NVC وثنينها نايمة عليها الطابوكة وشكرا جزيلا وعفية اذا عندك فكرة عن nvc ياريت تكولي لان عندي كم سؤال بهالخصوص ولو اتعبك وياية

تحياتي الكم كلكم كلكم ابن زيونة و الرسام وعمان 2010 vip وسلام للي نسيتهم والي منسيتهم

[عراقي وافتخر 4]

بنت العراق شنو  وزير النقل والمواصلات اني مااتنازل عن استحقاقي الانتخابي يارئاسة الوزراء يالا

[رمسيس80]

مساء الخير
انا جديد  , ارجوا قبولي بينكم كأخ وصديق
شكر الى جميع الاعضاء

[عمر عراقي]

قلبي رمسيس اهلا وسهلا بيك واحنه كلنه اخوانك وشتريد حاضرين.
شلونكـــــــم جميعــــــــا حبايب شنو ماهاها (يعني شكوماكو)
شخباركم بنت العراق شنو هاي بعدچ هنا يابـــا ديطلعون عليچ
اشاعات مغرضه گالو بالطيارة وفرحنه وهلاهل وصفگه وذبينه وراچ تنكر مي 
يله ان شاءالله السفر قريب .
توته الف هلا بيچ واني بالخدمه 24\7 نهريكم دارميات 
شموسه الف هلا بيچ
وحمودي اليوم ماكو ؟
لورنس حبي شنو هالخواطر الرهيبه عاش لورنس.
عراقي وافتخر شنو هالجهود البديعه.
سيف
كل الهلا بيك واكثر بالوياك ... الگلب گبل العين هل وتلگاك.
بنوته لتحاولين ولا مفاجئة رح نگول وابقي فكري بالموضوع بلكي تملين وتعوفيه. 
.....................
تحياتـــــــي وسلامــــــــي

[بنت العراق 84]

هم هلووو
اهلا بيك اخر رمسيس80 تشرفنة وتنورنة وكروبنة يوسع من الاحباب مية بس شنو انت بمصر شو متأثر بالفراعنة هههه اتشاقة وياك عيني وين متكون اهلا بيك بكروبنة

عمر بعدني هناا لتصدك اي اشاعة وخاف اسافر لتذبون وراية تنكر مي فدوة فد طن حجار حتى ما ارجع بعد هههههههههه لا اتشاقة شلون ما ارجع نور عيوني اهلي هنا    شنو ماهاها (يعني شكوماكو) هاي بيا لغة عمر؟؟؟هاي بس لا المفاجئات دتأثر على لهجتكم هسة غير يكولوون يعني شنو مفاجئات يعني مواقف غير متوقعة صارت بيكم لو مواقف مضحكة

عراقي وافتخر بداعتي سفرني وراها اعينك رئيس وزراء بس دأنقلني مو تعبت اعصابي من الانتظار يومية بس مو تنقلني للرفيق الاعلى  لأمريكا فدوة هههههههههه

[doori]

صباح الخير

[لورنس العراق]

صباح الخير جميعا شلون يومكم ان شاء الله يوم سعيد عالكل والكل تبدي تجيهم التليفونات من هسة بس من هاي التليفونات الي تفرح صباح الخير صبيان وصبايا ......

[hussam2010]

شلونكم شباب وشخباركم
شلونك عمر العراقي وشلونك عيوني الرسام مشتاقلك كلبي
هذه بعض المصطلحات التي وجدتها في لهجتنا العامية الدارجة والتي تستعملها النساء بصورة خاصة ولدى الكبيرات عادة.. واغلبها لا يقولها الرجال لأنها تعتبر (عيب) في تقاليدنا..!
لنقرأ مع المرأة العراقية هذه العبارات اللي صدك (تخرب ضحك)..!!
سودة عليه : سودة أي (مصيبة) تقولها المرأة إذا ما حصل مكروه أو أذى لابنها أو شخص عزيز.. ومن فرط طيبتها الـ(سودة) تقع عليها..!
أما زوجها إذا ما (لعب بذيلة) فتقول له: (سودة بوجهك)!!
أوي : كلمة تقولها المرأة إذا ما شاهدت شيئاً استقبحته وترفعت عنه (بنزاكة)! وأغلب ما تستخدمها إذا ما شاهدت عريس أختها أو صديقتها..!!
عزه بعيني : أو (عزه العزاني).. إذا ما سمعت أمراً محزناً تصرخ (عزه) وهو العزاء أو(عزه بعيني) ولا ادري ما دخل (العين) في الموضوع!! ومن الجدير بالذكر انه كانت لي جدة رحمها الله إذا ما سمعت شيئا مريباً قالت : (عزه بعين جدي)!!!
يمه داده : (داده) لفظة تركية تقولها إذا ما صادفت أمراً شاقاً لديها أو لدى الآخرين.. مثلاً أن تقول لزوجها (أبو الجهال) : يابه شفت مرته الجارنه الجديد؟ يمه داده شكد سمينة..!
أم الكمل: كلمة عادة ما تستخدمها المرأة إذا ما تعاركت (تشاجرت) مع جارتها..! وطبعا العركة على مود الجهال..!!
به يمه : الأمر المثير للاستغراب تستقبله المرأة بعبارة (به) بفتح الباء.. وكلمة (يمه) عادة ما تلحق أغلب عبارات النساء العراقيات..!!
انيالي : كلمة استهزاء بولدها الذي جاء بالنتيجة راسباً.. أو زوجها الذي يعمل طوال النهار ويكسب القليل..!!
صدقة الـ(الله) : كلمة مزدوجة بين المديح والاستهزاء..! فتقولها مديحاً إذا ما التقت طفلا جميلاً.. واستهزاءاً إذا ما شاهدت إمرأة أجمل منها..!!
صخام براسي : وهي من عبارات الويل والثبور التي غالباً ما تدع المرأة العراقية فيها على نفسها في النوائب والمصائب.. أو تقول (صخام الصخمني)! والصخام هو الرماد المتخلف في جوف المداخن ويكون شديد السواد.. وهناك عبارة أخرى إذا ما سئلت المرأة عن الأيام التي قضتها عند حماتها أم زوجها فتقول: عزه صخام والطام..!!
نزول : إذا ما آذاها أحد ما ، دعت عليه بـ(نزول) ينزل له من السماء..! أي غضب من الله..! أما أنا.. فكل ما أشاهد امرأة جميلة في الشارع أقول لها: (نزول عليج)..!!
فدوة العينج : أي فداء لعينيك.. وتستخدمها المرأة في حالات الاستهزاء أيضاً.. أما إذا ما لاقت المرأة ضرتها التي تحتجز (أبو الجهال) فتكشر لها وتصيح أخاف متقبلين.. فدوة العينج)!!
عشتو : كلمة استهزاء تستخدمها النساء للتعبير عن التعالي عن حالة معينة.. وعادة ما تستخدمها نساء المناطق الشعبية ومحدودات الثقافة.. مثلاً أذا ما شاهدت المرأة الجاهلة جارتها الدكتورة أو المتعلمة هزّت يدها وصاحت بترفع فارغ.... عشتو..!!
يبوووو : صرخة طويلة تطلقها المرأة إذا ما تأكدت المصيبة أو الكارثة تكون بمثابة (موال) تستفتح به بستة اللطمية الطويلة..!!
وعليهم...!
منقول

[شموسه123]

مرحبا شلونكم جميعا 

شخباركم جميعا واحد واحد انشالله هذا الاسبوع تسمعون اخبار حلوه يلرب



اختكم شموسه123

[عمر عراقي]

الف هلا بيك حبي حسام2010 وحياك الله على مجهودك الجميل.
واني ارحب بيك بطريقتي واسلوبي الخاص 
..............
اهلا وسهلا بيك وأكثر بلوياك ... الگلب گبل العين فز  و تلكاك
............
اهلا وسهلا بيك يا اغلى الاحباب ... بعيوني بيتك صار ورموشي الك باب
..........
شلونكم جميعــــا حبايب مشتاقين لمشاركاتكم الفعالة
مو الرتيبه البارده شبيكم صارلكم اسبوع نايمين  
...
عراقي وافتخــــــر حبيبي ابو رجل الخضرة وينك دتعال يمعود طشرنه على الولايات الاميركية 
واحنه نطشرك ماننساك واذا رحت قبلنه ان شاءالله لاتنسانه   
حمودي ولورنس صباح الخير والسرور عليكم وعلينه

[بنت العراق 84]

صبااااا حالعسل شلونكم حلوميين
شنو هاي اخ  حسام2010 عاشت ايدك على هالمشاركات الحلوة
عمر حقك والله بس ما ادري صار فترة هذا شهر السابع الخطاطير خياال هسة من اتفرغ اسويلكم حزازير حتى نحرك الجو شوية
شموسة شلونج حبي اني وتوتة زينين عادي نفس الشي ماكو تغييرات سلكية ولا سكلية ههههههه
اليوم احد واسبوع جديد وياربي يكون خير على الجميع

[tariq_s55]

عاجل ...... عاجل
اليوم انطو تكت طياره الي سوو الدوره المجموعه الاولى الي على استراليا  و انطو تكت الى امريكا من تركيا يعني جماعه تركيا ايحضرون نفسهم او ان شاء الله الفرج للجميع
طارق العوصجي
عمان - الاردن

[hussam2010]

شكرا كلبي عمر يابة اذا هذا ترحيبك بعد كل يوم اسلم عليك

[بنت العراق 84]

الف مبروك على الي انطوهم تكت ويارب يوم للكل ان شاء الله
عفية اخ طارق متشوفلنة الي مستلمين الظرف 20-3 عمان شوكت الله حيفرجها عليهم ههههههه

شلونكم اخباركم شكو ماكو شو هدووء اكيد ماخذين قيلولة الضهيرة نوم العوافي هسة حيجينة رمضان بعد شوية والفطور قريب ال8 يعني قيلولة الظهيرة حتصير فد عالاقل 4 ساعات ههههههه

عمر خوب انت بس تكتب اشعار مفاجئات متحجي 

[شموسه123]

هلو حبي بنت العراق شلونج شخبارج شلون توته يارب تسمعين شي على السفر انشالله الكل



اختج شموسه123

[doori]

مساء الخير

[بنت العراق 84]

مساااااء الخير جميعا شلونكم حبايب شو ماكووو؟؟؟شنو هاي كروبنة انضرب بعين لو شنو القصة؟؟؟

[tariq_s55]

سلام عليكم
شلونج بنت العراق ان شاء الله باجر اجيبلج المعلومات

[بنت العراق 84]

مساء الانوار اخ طارق لتعب نفسك اذا عندك فكرة عن الموضوع كولي بس لتعب نفسك ما اريد اتعبك وياية لان وصلت مرحلة بالNVC دا اريد اعرف شكد بقالي او شنو الخطوات الي بعدلي وشكرا جزيلا مقدما على اهتمامك


يابة خلي انسويلكم مسابقات حسالكم حزورة والي يجاوب عليها اول انطي هديييية

ما هو الحيوان الذي يوجد عظمه بالخارج ولحمه بالداخل ؟؟

[saif moon]

الاخت بنت العراق اني مقدم على الاثنين NVC و IOM وعندي معلومات انشاء الله اكدر اساعدج اتفضلي سألي وان شاء الله اجاوب و ما اقصر....


مع الشكر...

[tariq_s55]

هاي شلونكم
الجواب هوا السلحفاة
عندي سؤال
ماهوا الحيوان الذي يحك اذنه بانفه

[رمسيس80]

مساء الخير جميعا
اشكر الأخ عمر العراقي على الترحيب و اعتز  بأخوتك (والله كفو منك و حياك الله و جزاك الله خير جزاء المحسنين) و أرجو منك ان تدلني على مكان استطيع ان اجد فيه سكن مناسب بأقل تكلفه 100 دينار اردني مثلا
 و اشكر الأخت بنت العراق 84 على الترحيب و استقبالي و قبولي بينكم
الأخت بنت العراق انا عراقي و مقيم بسوريا لكني أحب الحضارات و حضارتنا العراقيه و المصريه ام الحضارات بالعالم
و اطلب منكم ان تدعوا لي لأني بالأيام القليله القادمه سوف اغادر سوريا متوجها الى الأردن

[saif moon]

مساء الخير جميعا
اشكر الأخ عمر العراقي على الترحيب و اعتز  بأخوتك (والله كفو منك و حياك الله و جزاك الله خير جزاء المحسنين) و أرجو منك ان تدلني على مكان استطيع ان اجد فيه سكن مناسب بأقل تكلفه 100 دينار اردني مثلا
 و اشكر الأخت بنت العراق 84 على الترحيب و استقبالي و قبولي بينكم
الأخت بنت العراق انا عراقي و مقيم بسوريا لكني أحب الحضارات و حضارتنا العراقيه و المصريه ام الحضارات بالعالم
و اطلب منكم ان تدعوا لي لأني بالأيام القليله القادمه سوف اغادر سوريا متوجها الى الأردن

نتمنى لك كل الخير ان شاء الله تعالى

[doori]

صباح الخير

الاخ رمسيس بالنسبه للمناطق الي بيها الايجار اقل من 100 دينار هي عمان الشرقيه مثل جبل النصر جبل الجوفه ماركا وسط البلد ابوعلندا هاي هي المناطق الي يمكن تلكي بيها لان بصراحه الايجارات مرتفعه واعتقد كل الكروب يأيدني بهذا الكلام
كروبنا العزيز بنات وصبايا شلونكم شخباركم يا رب تكونو بخير على راي بنوته يمكن انضرب عين كروبنا ما ادري المهم لا تنسون تدعوا لاختنا فيوليت لان مقابلة المحلفين باجر بالنسبه الها


اللهم يسر امر اختنا فيوليت

[بنت العراق 84]

صباحكم عسل شلون الحلويين

عفية بأخ طارق السلحفاة هي الحيوان الي يكون عضمة بالخارج ولحمة بالداخل وتربح سيارة لكزس موديل 2010 واذا معجبك اللون تكدر تغيرة



واتوقع الحيوان الي يحك اذنة بأنفة هو الفيل يمكن مو؟؟؟بما انو الجواب صحيح فرجعلي السيارة اللكزس وهيجي نصير متوافيين ههههههه

اهلا بيك اخ رمسيس ومثل مشرحلك اخونة دوري انو عمان الشرقية ايجاراتها ارخص بهواية من عمانا لغربية وان شاء الله توصل بالسلامة وتكون عمان فاتحة خير عليك وتسهل كل امورك يارب

صباح الخير حمدمود شلونك يمعود شو ماكو لازم دتكتشف طبخة جديدة اي والله كلنة ندعي لاختنا فيوليت هسة هية عدها مقابلة محلفين الله يسهل عليها ياربي يلة حمدمود انت هم مبقالك شي ان شاء الله

يلة حزورة جديدة
ما هو الشيء الذي لا يمشي إلا بالضرب ؟

[توته الحائرة]

مساء الخير عليكم جميعا
اشلونكم بنات مشتاقتلكم بس اعذروني اشويه راح التهي هاي الفترة حبي ام فيصولي اشلونج؟ اشلون صار فيصولي الورد؟؟؟ طمنيني عليه... شموسة اشلونج عيني اخبارج؟ فيوليت الله يسهل عليها المقابلة وتجي اتفرحنه يارب

شباب العراق اشلونكم اخوانه الاعزاء والله ماشاء الله عليكم اشو كلكم طلعتوا خبرة بالدارميات والابوذيات هههههه و كلها طلعات ومفاجاءات متنحجي هههههههههه بالعافية عليكم اللمة الحلوة

عراقي وافتخر شكرا على الرابط والله ما ضجت على شي بس لان ضليت ادور وملكيته للموضوع بس همه الادارة اكيد ايحاولون ايرتبون المواضيع بشكل صحيح بس المشكلة انو اكو ناس عرفت المكان مال الموضوع وهسة تاه عليهم ...غير كله من وراك بس شاركت انته بالموضوع راس نقلوا  ما شاء الله عليك  عيني ركز على كروبنه زين ههههههه والله يسهل على الجميع

حمودي وعمر ولورنس ويس وعمان وVIP وحسام اشلونكم جميعا ان شاء الله زينين ...اليوم امسوين حزازير خوش فكرة (حزورة بليره )

الاخوان رمسيس وطارق اهلا وسهلا بيكم ويانه

سلامي للجميع شخص شخص

[شموسه123]

شلونكم حبايبي
 
شلونج حبي توته شخبارج وشلون بنوته شلونج كريت هوب حبي سلامته  فيصولي الورده مس فيوليت يارب انشالله مقابلتج اتكون زينه وسهله


شلونكم شباب عموري والدوري وابن زيونه وعمان وياس وعراقي وافتخر والرسام ولورنس واهلا وسهلا بكل الاعضاء الجدد عدنه وكروبنه نور بيكم


اختكم شموسه123

[بنت العراق 84]

مساء الخير جميعا
شلونج شمومسة مشتاقييين كريت هوب حبي شلون صار فيصولي كوليلة صير زين حتى نطلع

تحياتي للجميع فردا فردا وانريدكم انشط

اختكم
بنت العراق

[tariq_s55]

سلام عليكم شلونكم
بنت العراق الجواب هوا المسمار صح لو لا 
يلا دزيلي لكزس 2010
توته الحائره شلونج اخبارج ان شاء الله زينه اشكرج عالترحيب

شخص تحبه ولكن لا تستطيع ان تكلمه واذا كلمته فانت مجنون؟؟
تحياتي للجميع

[بنت العراق 84]

صحييييييح طارق المسمار  بس جائزتك مو لكزس شنو اني كاعدة اوزع لكزسات هنا هههههههه عيني كل مرة الهدية شكل
هديتك هي ساعة شانيل رجالية لايكة لهالأيد



وجواب مالتك الحزورة الظل مالتي صحيح؟؟؟

[عمر عراقي]

مساء الخير جميعا
اشكر الأخ عمر العراقي على الترحيب و اعتز  بأخوتك (والله كفو منك و حياك الله و جزاك الله خير جزاء المحسنين) و أرجو منك ان تدلني على مكان استطيع ان اجد فيه سكن مناسب بأقل تكلفه 100 دينار اردني مثلا
 و اشكر الأخت بنت العراق 84 على الترحيب و استقبالي و قبولي بينكم
الأخت بنت العراق انا عراقي و مقيم بسوريا لكني أحب الحضارات و حضارتنا العراقيه و المصريه ام الحضارات بالعالم
و اطلب منكم ان تدعوا لي لأني بالأيام القليله القادمه سوف اغادر سوريا متوجها الى الأردن

ابشر اخي ان شاءالله مو بس اني الجميع اخوتك ورح نسعالك بهذا الموضوع
والله يسهل وبأذن الله ننطيك خبر على الخاص .
وبالتأكيد رح ندعيلك اخونه الورد والله يسهل عليك امورك جميعها
والي نكدر عليه نخدمك بي ومنقصر ان شاءالله وياك .
.....................
شلونكم جميعا حبايب
وبنوته حزورة بليرة لو حزورة بلكزس؟
بس حلوه اني اأيدچ حتى تصير حركة بگروبنه النايم  

[doori]

مساء الخير

[tariq_s55]

سلام عليكم شلونكم
شكرا بنت العراق  او شكرا عالساعه الحلوه
بس جوابج خطاشوكت استلم الساعه مالتي

[بنت العراق 84]

مسااااء العسل عالجميع
الف الحمد لله على سلامة فيصولي حبي كريت هوب هم هيجي الجهال بسرعة يتمرضون ان شاء الله معافا ياربي

طارق شنو مو دزيتلكياها للساعة كدام كل المنتدى شتريد بعد ههههههه

زين طارق شنو الهدية حتى اذا هدية تسوة افكر واعصر مخي اكثر بالله فكرت واحد غيري حل السؤال يروح التفكير علية حارمات هههههههه اممم ما ادري شنو احد يساعدنة اخواان بالحزورة مال طارق

[amman2010]

هلاو هلاو هاي شنو عفتكم كم يوم صارت بيها لكزس وساعات ودولارات واني شمحصل هههههههه. يابه كل واحد يحصل جائزه ثمينه يحط عالميز فد هديه معتبره  . حتى لو مو اني مجاوب .

سلامات ام فيصل عدكم العافيه عيوني اشنالله مشافى باسرع وقت.

مس فايوليت نتمنالج مقابله سهله ولاتخافين انشالله السفر السريع والموافقه مباشرة.

اهلا وسهلا بسيف موون ورمسيس وطارق 555 والكل.

الاعضاء الباقين كلكم مشتاقلكم والله واسال عنكم انشالله تكونون بخير يارب.

راجعييين.

[عمر عراقي]

حبيبي طارق شكرا على هاي الفعاليات الحلوه والحزورات الجميله
والله دتسوون حركة بالگروب انته وبنوته الورده.
بس حاول تشوف حزورة اقوى لان هاي سهله 
الجواب (نفسك) يعني اكيد الكل يحب نفسه واذا  يحچي ويه نفسه يصير مخبل
....................
عمان 2010 شنو هالطله الحلوه شنو انته العيد لو هلاله 
هلا والله مشتاقيلك قلبي لتنسانه عود بس عود وچيك اخبار الگروب.
بنوته يله فد حزورة انتي لو طارق وهاي جوائزكم التعبانه ماريدهه
شنو لكزس عيني احنه نريد الجائزة تصير لفة فلافل من الكلحه
هاي الهداية الثمينة

[عمر عراقي]

اختي ام فيصل البطل ياعيني انتي يومية تخلين بالنه على فيصل الورده
طمنينه عليه وان شاءالله طهور اختي.
حمودي مساء الانوار عليك وعلى الجميع

[بنت العراق 84]

يا هلاا بعمان يمعود انت المنجر مالتنة وماكو مختفي شلون الصحة اي صحيح لازم الك حصة بكل هدية

شلونك عمر شاخبارك اي يمكن صح نفسك اني دا اخمن هيجي شي هسة خلي انشوف طارق شحينطيك هدية مثل الهدايا مالتي مرتبة لو نص نص ههههه

يلة اليوم جايبتلكم لغز بوليسي حتى شوية تعيشون اجواء الاثارة والتشويق

وجد رجل في الصحراء ميت, وجهه للأرض و على ظهره شنطة
عظام صدره مكسرة
وبالتحليل تبين انه مات موت مفاجئ منذ شهرين
لم يعبر منطقة الصحراء الموجود فيها الرجل اي احد منذ ثلاث اشهر
كيف مات الرجل؟

[tariq_s55]

هاي  شلونكم شباب او بنات
الاخت بنت العراق الجواب هوا هذا الرجل قفز من طائرة وكان على ظهره براشوت ولكن البراشوت لم ينفتح فهذه الشنطة التى على ظهره هى شنطة البراشوت ، وسقط بصدره فتكسرت عظام صدره.
صح لو لا
تحياتي
أي الإنسان قتل ربع سكان الأرض
جاوبوني الي يعرفا اعزمه على كهوه

[عراقي وافتخر 4]

احلى تحيه على احلى كروب

شلونكم اخباركم..عموري الورده ان شاء الله رجلي خضرة عليكم وتسافر اول واحد وعوفه عليه اني بالتطشير عدعيناك ..حمودي والرسام وamman2010وابن زيونه والاخ ضاع الوطن وبقية الاخوان فردا فردا تحياتي الكم ياطيبين

بنت العراق اذا الجوائز بيهاسوالف زعلانه اشارك ..وشنو رايج اذا تحطين حكمة اليوم يعني مثلا اذا بيتك من زجاج.........شلون تدخل للحمام
 
توته راح اركز على الكروب كلش  زين وراح انقلكم نقله الى....... انتي حزري

تحياتي الى الاخت greathopeوكل الموفقيه الى الاخت missvioletفي مقابلة الملفين

تحياتي وسلامي للجميع فردا فردا

[عمر عراقي]

صباح الخيـــــــر عليكم جميعــــــااني اليوم گاعد من الصبح مااعرف منين هالنشاط 
....
عراقي وافتخـــــر حبيبي اني اتمنالك الموفقية
والله يسهل امورك يارب
طارق طبعا هذا جوابك صحيح
لان 3 اشهر مفايت انسان من الصحراء
والجنطة وصدره مكسر يعني عاشت ايدك
وعاشت ايدچ بنوته خوش حزورة مرتبه.
........
اما حزورتك ياطارق الورد فجوابه هو
قابيل الذي قتل اخاه هابيل
وطبعا ربع سكان الارض رقم غير دقيق
لان عدد البشر آنذاك لم يكن اربعة بل كان العدد سته ويقال اكثر
وشكرا على المجهود وتقبلوا تحياتــــي .
اخوكم عمر النشط (گاعد من السته)

[saif moon]

والله يا اخت بنت العراق اني رح استعين يكونان هذا الشخصية الكارتونية

اتوقع الرجال مات من شدة العطش وعظام صدرة مكسورة لانه داس عليها جمل بلة ميدري ههههه

[doori]

صباح الخير

[بنت العراق 84]

صبااح الخير شلونهم الحلويييييين
كل يوم اكول باجر اكعد على صوت تليفون الiom بس مع الاسف اكعد على صوت المنبه يلة الله كريم
شنو هاي طاااااارق عفية عليك اجابتك صحيحة دينزل بالبشروت ومنفتحت فوكع عالارض على وجهة فنكسرت عضام صدرة

والاجابة على سؤالك هو قابيل لان قتل اخوه وكان بوقتها عدد الناس قليلين
وبما انو جاوبتني على سؤالي وجابوتك على سؤال فلا تنطيني هدية ولا انطيك هدية متوافيين ههههههه   حلوة هاي مال متوافين مو بالله

سيف موووووون شنو هالتحليل الخنفشاري يعني الجمل يعوف الصحراء هالكبراه ويدوس على صدر هالمسكين هذا يعني هم منفتحت المضلة مالتة وهم يدوس عليه جمل صدك حظة خيالي لعد ههههههههه الاجابة صحيحة هي اجابة طارق

صباح الخير عمر النشيط تدللون هسة اجيبلكم بعد الغاز شوية خلي نحرك مخنة بس يفكر بالiom والتليفون

يا هلااااا بدوري شنو هاي عيني خير الكلام ما قل ودل شو بس تكتبلنة صباح الخير لو مساء الخير تتحرك دشاركنة شوية كول الرجال شلون مات عايفة ميت وصدرة مكسور ولا سألت عليه

صباح الخير بنات كروبنة شموسة و كريت هوب و توتة مو تكوليلي بعد صباح الخير هاي صبحت عليج منا من المنتدى هههههه
ومس فيوليت الله يسهل عليج ياربي المقابلة وتجينة تفرحينة بالاخبار الحلوة ان شاء الله
 

[بنت العراق 84]

يلة يلة لغز جديد

مات رجل وكان لديه ابن وحيد الا انه كان غاضب عليه  فأراد والده ان يحرمة من الميراث فكتب في وصيته (أملاكي وأموالي للحكومة) وعندما مات الاب زاد ابنه حرفاً واحداً لا غير فاصبح له شيء من الميراث ماهو الحرف؟وأين زاده؟

[tariq_s55]

صباح الخير للجميع
شلونكم اخباركم
بنت العراق اعتقد الجواب هوا املاكي ولا اموالي للحكومه
اخويه عمر العراقي جوابك صح
تفاحة رآها اثنين وقطفها خمسة واكلها اثنين وثلاثون ونزلت في بطن واحد كيف لك
تحياتي للجميع

[توته الحائرة]

مساااااااااء الخيرررررررررر على الجميع
اشلونكم يا بنات شموسة وام فيصولي يارب فيصولي اصير احسن اليوم وفيوليت ياريت اطمنينه على اخبارج
من نوع اختي بنت العراق دا اتوزع سيارات وساعات واني اختها اشو متجاوزتني كلش هههههههههههه زين باتري مال ساعة مفتاح سيارة اي شي هم رحمة هههههههههه هاي شنو اشو اشويه حزوراتكم صعبة سهلوها عفيه

اشلونكم يا شباب ان شاء الله كلكم بخير يارب
عيني عمان المنجر اتريد حصتك من الجوائز هو اني اختها لبنوته ما حصلت منها شي   هسة حتى ماتقبل اتغشيشني
عراقي وافتخر يمكن هذا الرجال الميت بالصحراء واحد من اللي انته امطشرهم هههههههههه لا عفية دير بالك علينه هو اني بقيت بس لاهلي ...... بس احلى شي تحليل سيف مون   بس والله عاشت ايدكم على المشاركات

اتصور حزورة بنوته حلها ( لا امولي واملاكي للحكومة) عاشت ايدج بنوته على الحزورات

الاخ طارق عاشت ايدك على الحزورات
يمكن الحل مال حزورتك هو شخص واحد الانسان عنده عيون اثنين يعني اثنين شافوها وقطفها خمسة يعني عدد اصابع الايد للانسان بس اكلها 32 ما دا اعرف اشلون يعني الي نص الجائزة هههههههه (كتبت بالتعليق جوه حل 32 )


تحياتي للجميع واحد واحد و وحده وحده

[شموسه123]

مرحبا شلونكم

شلونكم بنات توته وبنت العراق وكريت هوب حمدعلى عسلامه على فيصولي حبي مس فيوليت ماكو

شلونكم شباب شلونك الدوري وعموري وعمان وعراقي وافتخر وياس وابن زيونه وكل الشباب



شموسه123

[بنت العراق 84]

يا هلاااا بتوتة شلونج حب شو مشتاقتلج صار 5 دقايق مشايفتج حبي انتي معليج انتي بس جاوبي اني انطيج احلى هدية مو اذا انطيج هدية بدون متجاوبين هسة يكولون بت المعلمة واسطات وتعرفين عمر عراقي واكفلي بالمرصاد اكدر اسوي واسطة اني ههههههههه

طارق حلك خطاً انت وتوتة هم حلج خطأ فكرو بعد بعدين اني كلت حرف واحد (لا)حرفين   يلة فكرو فكرو محظرتلكم شكد الغاااااااز وشكد هداااااااااية

والله يا توتة اني هم شكيت هذا المسكين الي ميت  بالصحراء احد ضحايا عراقي وافتخر بس جنت اريد احد يأييد فكرتي  بركاتك عراقي افتخر

[بنت العراق 84]

هلا بشموستنة الورد احنة بخير حبيبتي مشتاقين انريد انترتب طلعة جديدة شوية نشبع شوف منكم
حبي اكو الغاز وجووائز يا تلحكين يا متلحكين هههههه
تحياتي القلبية

[توته الحائرة]

عرفت شنو 32 اكلوها يعني عدد اسنان الانسان 32 وهو شخص واحد اللي اكل التفاحة
والله تعبت من التفكير ههههههههههههههههههه

طارق صح الاجابة لو لا؟؟؟؟

[عمر عراقي]

بنوته ليش تغشين اني حليت اللغز مال قابيل قبلچ 
وبالنسبة للغز مالتچ تصير ( املاكي أو اموال للحكومة)
(أ) قبل الواو صارت   ( أو )
ورح ياخذ الابن اما الاملاك او الاموال واذا خطأ اعتقد مااعرف غير حل
.............
وبالنسبة للغز الي طرحة الاخ طارق
فهو الانسان طبعا .
شاهده اثنان (عينان) قطفه خمسه(اصابع اليد)
اكله اثنين وثلاثون (الاسنان) وبطن واحدة لاتحتاج الى تفسير.
شكرا على الالغاز حبايــــــــب

[عمر عراقي]

توته غلبتيني بالرد