كيف تدفع أقساط الطيارة أذا كنت خارج أميركا؟

[CARPENTER]

مرحبا أصدقائي:

في حالة أذا كان الشخص غير موجود في أميركا أو خلي نكول انه أني طلعت من أميركا وبعده الاقساط مال الطيارة ما أجتلي شلون أتصل بيهم و أبلغهم أنوا أني راح أطلع من أميركا و بعدني ما مستلم منهم أي شي و ثانيا أذا ردت أدفع الاقساط من خارج أميركا أكدر أفتح حساب باسمي و كل شهر أحول الفلوس لحسابي منه أحوله للجهة الي راح تستلم الآقساط؟

مع جزيل الشكر 

[أبو الفوارس]

أخوية العزيز كاربنتر
سؤالك مو كلش واضح بس رح اجاوبك حسب ما افتهمت.
باستطاعتك الاتصال بيهم واعطائهم رقم الكيس مالتك وبعدها عندك خيارين
اذا كنت ناوي تسافر وترجع فبامكانك ترتب وياهم تاريخ لبدئ الدفع.
اذا كنت ناوي ماترجع فتخابرهم وترتب وياهم دفع المبلغ كامل مرة واحدة.

اما بخصوص الحساب فاذا انت رح تسافر وتريد تدفع الاقصاط كل شهر بشكل اوتوماتيكي فهذا ممكن لكن ايضاً بالتنسيق وياهم.

[ابو مسك]

من رخصة صاحب الموضوع راح اعيد صياغة السؤال

يعني ممكن اذا الشخص طالع على برنامج SIV و أخذ قرض السفر و بعد ما يحصل على الكرين كارت يروح لغير دولة شلون راح يكدر يسدد اقساط قرض السفر او اي قروض اخرى

تحياتي

ابو مسك

[CARPENTER]

عادي ابو مسك

بس أبو الفوارس من تنسق وياهم وية أي جهة راح تنسق؟

[Abo Andrew]

اذا ال IOM ايقبلون الدفع الالكتروني كلش سهلة

لازم اتخابر ال اي او ام وتاخذ رقم الاكاونت مالتك الي راح تدفع الة اجور قرض الطيارة وتسالهم اكدر اسوي تحويل الكتروني عن حسابي اللي بالبنك

اذا قبلو تكدر شهريا ادز الفلوس عن طريق الانترنيت من حسابك وهاي الخدمة موجودة بكل البنوك واني هيج اسوي دائما من تجيني البلات الشهرية ما عدا الاي او ام افضل ادزهة جيك

[أبو الفوارس]

عزيزي تنسق وية ال IOM بأمريكا على رقم تلفونهم وهو 18664665660

تحياتي
أبو الفوارس

[ألمــــدرس]

مرحبا أصدقائي:

في حالة أذا كان الشخص غير موجود في أميركا أو خلي نكول انه أني طلعت من أميركا وبعده الاقساط مال الطيارة ما أجتلي شلون أتصل بيهم و أبلغهم أنوا أني راح أطلع من أميركا و بعدني ما مستلم منهم أي شي و ثانيا أذا ردت أدفع الاقساط من خارج أميركا أكدر أفتح حساب باسمي و كل شهر أحول الفلوس لحسابي منه أحوله للجهة الي راح تستلم الآقساط؟

مع جزيل الشكر 

أخي كاربنتر
اذا تريد تسافر او سافرت خارج امريكا فممكن تتصل بالمنظمه اللي كفلتك حتى تتفاهمون ويه الجهه اللي راح تستلم القرض وهيه تكون جهه مرتبطه ارتباط وثيق بالمنظمه. وبتفقون على قيمة القسط وتأريخ السداد الشهري والطريقه.

لاحظ ان الCatholic Beshop متقبل ان تحوللهه فلوس من حسابك المصرفي ... لكن يقبلون تحويل من western union وبعض المنظمات تقبل التحويل.
كل ما عليك فعله هو سؤال المنظمه المسؤله عنك لان عدهم الجواب الدقيق.

واني حاضر اذا تريد اتصللك بأي منظمه وافهملك منهم شنو اللي تسويه.
وتتدلل

غسان الاشقر
سان دييغو كاليفورنيا

[Ross son of iraq]

اخوية العزيز كاربنتر
اني صارت بية نفس الحالة بس بولد هنا يعني مو اني شخصيا
هذا الولد شنو قصتة هوة الولد اجا يمنة احنة بكاليفورنيا بسان هوسية
وبقة هنا مدة, ضرب الكرين كارد, وكال راح اروح لغير ولاية, واحنة مندري بيه اذا صدك او اذا راجع للعراق او رايح لدبي ليش لان هوة الولد جذاب ومرات ايحب ايسوي افلام
الي صار بالتالي
سافر بدون ميكول هوة وين رايح وبدون مينطي علم للمنظمة الي كافلتة وبدون ميبدي التسديد مال الاقساط مال الطيارة, ما احجيلك ورة خمس ايام وكالة الامن القومي كامت ادور عليه واتصلوا بالمنظمة مالتة وبدة القال والقيل.

واتصور حتة اكو ناس هذا الولد باعلهم غراضة من ديروح وكاللهم من اوصل اتصل بيكم وابدوا سددولي فلوس الغراض, وهسة هذولة الناس خطية اتصور ايخافون ايدزولة فلوس لان اذا وكالة الامن القومي حسة بالموضوع فالسالفة اتصير بدون ملح, والله الستار