حياك الله عزيزي .. بخصوص العائلة أني اشوف لو تتصل بيهم و تتأكد من قضية اصطحاب العائلة
لأن المعروف انه مقابلات آي أو أم لازم كل العائلة فحاول تتصل بيهم و تتأكد علمود لا تروح و يرجعوك ؟
ثاني شي بأي دولة إنت َ ؟
على العموم اضبط كلامك و لا تتوتر لأن آي أو أم .. مجرد موظفين يسجلون لا اكثر ولا اقل فلا تعطي القضية اكبر من حجمها ... الحل و الربط يم الوفد ..
بس اكو نقطة انبهك عليها .. كل شي راح تحجيه من قصتك ..أول ما تطلع و إنت َ بالباب سجله بورقه رأساً خاصة النقاط المحورية .. لأن المقابلة الي بعدها راح تكون بعد اشهر احتمال و راح تتفاجئ إنك نسيت هواي من الي حجيته !
فسجل كل الي راح تقوله ( نصيحة ) .. و ارجع و اقول لك اخذ الامور بروح رياضية .. والقضية بمنتهى السهولة
اتمنالك الموفقية ..
و أن تدعوا النا بظهر غيب بالفرج ..
