الاخوة الي سافروا على الخطوط الملكية الى امريكا - طلب معلومات

[Iraqiengineer]

الاخوة الاعزاء اللي سافروا على متن الخطوط الملكية الاردنية على حساب ال أي أو أم اتمنى ان تجدوا الوقت للأجابة على الاستفسارات الاتية :
1- طبعا السفر راح يكون من بغداد الى عمان والانتظار لمدة يوم في فندق الملكة عاليه حسب ما فهمت وفي اليوم التالي يتم السفر الى نيويورك ؟؟؟؟؟ هل هذا صحيح
2 - المبيت في فندق الملكة عاليه هل يكون على حساب المنظمة لو هم حال حال اجور الطياره على حساب اللاجئ ويتم استقطاعه في وقت لاحق؟
3- اني بالنسبة اللي راح اسافر وي عائلتي ولكن على حسابي لكوني حاصل على الكرين كارد ولكن عائلتي لاجئين جدد SIV >>>>سؤالي هو هل يمكنني ايضا المبيت في مطار الملكة عالية كترانسيت واني احجز بنفسي وفي حال كان حجز عائلتي تكفل به ال أي او أم ؟؟؟؟؟؟؟؟ يعني اذا كان لدى زوجتي واطفالي حجز بالفندق واني طبعا راح ادخل لمطار عمان على نفس رحلة عائلتي كترانسيت هل يمكنني المبيت معهم في الفندق  بعبارة اخرى هل يمكن لأي شخص ترانسيت ان يذهب لفندق الملكة عالية بالمطار ؟
مع الشكر والتقدير

[عكعك التطوى]

1- طبعا السفر راح يكون من بغداد الى عمان والانتظار لمدة يوم في فندق الملكة عاليه حسب ما فهمت وفي اليوم التالي يتم السفر الى نيويورك ؟؟؟؟؟ هل هذا صحيح

ممكن صحيح وممكن لا لان قد يكون احيانا الترانزيت لمده ساعات فقط فيصبح الانتظار
في صاله الترانزيت وهذا يعتمد على موعد الرحله واي خطوط

2 - المبيت في فندق الملكة عاليه هل يكون على حساب المنظمة لو هم حال حال اجور الطياره على حساب اللاجئ ويتم استقطاعه في وقت لاحق؟

على حساب المنظمه ولا يستقطع

3- اني بالنسبة اللي راح اسافر وي عائلتي ولكن على حسابي لكوني حاصل على الكرين كارد ولكن عائلتي لاجئين جدد SIV >>>>سؤالي هو هل يمكنني ايضا المبيت في مطار الملكة عالية كترانسيت واني احجز بنفسي وفي حال كان حجز عائلتي تكفل به ال أي او أم ؟؟؟؟؟؟؟؟ يعني اذا كان لدى زوجتي واطفالي حجز بالفندق واني طبعا راح ادخل لمطار عمان على نفس رحلة عائلتي كترانسيت هل يمكنني المبيت معهم في الفندق  بعبارة اخرى هل يمكن لأي شخص ترانسيت ان يذهب لفندق الملكة عالية بالمطار ؟

هو فندق ممكن تحجز بي ماكو مشكله
والمبيت ويه الاهل اعتقد هم تكدر سلكها ويه موظف المنظمه

[ســـرى]

اخي العزيز اني ما افتهمت شغلة بسؤالك يعني انت تكول: ((اني بالنسبة اللي راح اسافر وي عائلتي ولكن على حسابي لكوني حاصل على الكرين كارد ولكن عائلتي لاجئين جدد SIV >>>>))

زين انت راح تحجز وحدك اذا راح تحجز عالملكية الاردنية ورايح لنيويورك راح تبات بالفندق اكيد لان ترانزيت ليلة بفندق الملكة علياء على حساب الخطوط ويهيؤولك غرفة الك والوجبات ايضا في الفندق والمغادرة ثاني يوم يجيكم باص ينقلكم للمطار مرة ثانية وتطيرون بالسلامة بس الاهل اللي اعرفه وحسب ما شفنا من الجماعة اللي سافروا قبلك عالاي او ام يبقوهم بصالة الترانزيت فما اعرف تكدر ترهمها لو لا لانه منو يكول انتو راح تطيرون من بغداد على نفس الرحلة الى عمان؟ يعني انت متأكد منها؟

واكو احدى الاخوات كالت انه كانت عدها اطفال ورادوا يحجزون على حسابهم بفندق المطار وما سمحولهم يحجزون بالفندق يقضون ال12 ساعة فانت اول شي شلون راح تطير وية اهلك بنفس طيارة الاي او ام؟ يعني انت متأكد منها؟ ثانيا: موعد طيارتك من الاردن الى نيويورك هي هم نفسها طيارتهم لو غيرها؟ ثالثا: هم طيارتهم راح تكون مباشرة من عمان الى نيويورك؟ هاي امور لازم تتأكد منها واني حجيتلك عن تجربة لان احنا سافرنا وية الملكية لامريكا من اجينا.

[أبو الفوارس]

أخوية العزيز.
حتى تقدر تظمن وجودك وية عائلتك طول الرحلة خطوة بخطوة، عليك الأستفسار عن ارقام الرحلات والذهاب الى مكتب حجز طيران وتنطيهم ارقام الرحلات وتواريخها وخط الرحلة وتطلب منهم ان يحجزولك عليها بشكل كامل من صعودك بالرحلة الاولى من بغداد الى حجز الفندق في عمان لحد وصولكم الى آخر نقطة للرحلة في الولايات المتحدة. باعتقادي هذا اظمن حل.

[Iraqiengineer]

اخويه عكعك مشكور جدا
اختي ام سرى واخويه ابو الفوارس
اني اتفقت وي المنظمة انه بعد ما يتم الحجز لأهلي ينطوني المعلومات كاملة متضمة رقم المقاعد ورقم الرحلة واني اروح للخطوط الملكية في بغداد واحجز وياهم على حسابي ..........وحتى اتفقت وي المنظمة اذا ما لكيت مقاعد شاغرة على سبيل المثال انه يغيرون موعد الحجز لكون عائلتي ما تستطيع السفر وحده
بس حسب ما افتهمت انه الفرق على اذا السفر على الخطوط الملكية لنيويورك يوم تقريبا ولذلك يكون عادة المبيت في مطار الملكة عالية
تحياتي

[ســـرى]

اني اختك سرى مو ام سرى اخي العزيز بس سؤالي الك انت متأكد اهلك راح يبيتوهم بالفندق؟ هاي لازم تتأكد منها لان اني ما سمعت احد عالاي او ام بات بالفندق وياريت احد يصححلي من الاخوة او الاخوات الافضل انه تتأكد من هاي الشغلة وبعدين تسأل الملكية الاردنية حتى تكون عندك معلومة اكيدة.بالسلامة ان شاء الله اخي الكريم.

[Iraqiengineer]

عيني ست سرى اني اسف ما منتبه على الاسم 
أني أتأكد من المبيت في الفندق لأن الفترة بين الرحلتين تقريبا 22 ساعة
Royal Jordanian will provide you with transit visa valid for 24 hours in addition to hotel accommodation at Alia Gateway Hotel (next to the airport)
هاي احد البنود اللي ذكرتها المنظمة 
والله كريم
وشكرا للمرورك واسف مرة اخرى
تحياتي

[ســـرى]

ماكو داعي للاسف اخوية العزيز ما صار شي، بس ردتك تتأكد من المنظمة وانت تكول هيج كاتبين بالبنود الله يوفقكم وتوصلون بالسلامة.تقبل تحياتي اخي الكريم.

[ام الحلوة]

اخوية العزيز  احنة مثل حالتك siv لكن قدمنا على البنفتس مالة iom وكان سفرنا كالتالي طرنا من مطار بغداد الدولي على الخطوط الملكية الى عمان وفي عمان اجة موظفiom ووزع الاكياس الخاصة بكل عائلة وراح وما شفنا مرة ثانية المهم ظلينا بالمطار من الساعة 12 ظهرا الى الساعة 12 بالليل يعني نص يوم وما سمحولنا نحجز بالفندق وظلينا عالكراسي احنة وجنط الهاند باك واطفالنا  والصراحة كل العوائل اللي ويانه ومن ضمنهم احنة كان ويانة اطفال وكلش تعبنا  الساعة 12 بالليل طرنا الى المانيا وظلينا ترانزيت ساعتين بعدين من المانيا الى مطار ميامي  وظلينا ليلة بالفندق على حساب iom ومن ميامي كل عائلة توجهت الى الولاية المحددة  بس اكو نقطة اتمنى تتاكد هل راح يسمحولك تحجز بالفندق بعمان حتى  لو على حسابك  لان كل العوائل اللي ويانة رادو يحجزون على حسابهم بفندق مطار الملكة عالية بس ما سمحولهم ولحد الان منعرف شنو السبب  اتمنالكم رحلة مريحة وان شاء الله توصلون بالسلامة

[Iraqiengineer]

شكرا لمرورك الكريم اخي
والله احنا حسب ما بلغنا المبيت في الفندق الملكة عالية لأن الفترة الترانزيت طويله تقريبا يوم كامل
وماترهم بكل القيم الانسانية ولو الاردنين يخوفون بس ما معقوله توصل بيهم الاخلاق لهذا الوضع
دعواتكم ويانا والله كريم

[أبو الفوارس]

أختي أم سرى  قصدي دكتورة سرى. احنا طرنا من عمان وملفنا على ال IOM و من وصلنا نيويورك نمنا ليلة بالفندق مع عشى وفطور وثاني يوم اجوي اخذونا للمطار وكملنا طريقنا.
اخوية Iraqiengineer بامكانك الحصول على الجواب الشافي من مكتب الخطوط الملكية الاردنية اذا يحجزولك بالفندق لأن اني اعرف ناس كانوا يسافرون حتى قبل الحرب ويباتون ليلة بفندق الملكة علياء بس يكون الحجز من ظمن خط الرحلة يعني مدفوع وية تذكرة الطيارة بحجز مسبق.

[ســـرى]

اخي العزيز ابو الفوارس انتو بتوا بنيويورك اخونا ديسأل عالمبيت في فندق الملكة علياء مو نيويورك واني هم كلت انه اكو بيتوتةفي الفندق واحنا من الناس بتنا بيه ومن ضمن التذكرة اللي حجزناها من الملكية الاردنية بس احنا على حسابنا مو عالاي او ام يعني اخونا من راح يحجز لنفسه راح يبات بالفندق على حساب الملكية عادي بس يبقون اهله وهو الاخ يتأكد من المنظمة احسن هل راح يبيتون اهله في الفندق او لا وتقبل تحياتي اخي الكريم.