طلعت سرتي دالاس شسوي؟

[bonbon]

شونكم اخوان طلعت سفرتي قبل شويه علدالاس تكساس

رجاء احجولي بالتفصيل شاحتاج و شلازم اسوي فدوه للعلم اني رايح هجرة و اني بعدني طالب طب رابع جامعة الاردن

اخوكم نورس

[doori]

السلام ....
اخويه نورس
اكيد همه راح يساعدوك لو سالتهم على دراستك لان انت يرادلك بعد سنتين طب فاني اكول تتصل بيهم احسن يمكن ينقلون دراستك همين متعرف
وشبيها دلاس عيوني شو نوادي وشغل وكلشي هههههههههههه اشاقه وياك اخويه
الله يوفقك يا رب
اخوك
احمد الدوري
عمان_الاردن

[احمد سلطان]

بنبون عدل اسم الموضوع من سرتى الى سفرتى ونريد نعرف ماهو المطلوب

[داليا الوردة الوردة]

الاخ العزيز
اولا احب اهنيك عالقبول وموعد السفر الى دالاس
وثانيا ترة مدينة دالاس من المدن الجميلة والراقية اني عندي اصدقاء هناك وهسة اني حايرة بين دالاس وتينيسي ومن دااسال يكولولي دالاس افضل وبيهة الشغل اكثر والدراسة تكدر تكملهة ماكو مشكلة واما مستلزمات السفر فعادي اخذ اللي تحتاجة بس ولتكثر من الملابس لان هي جوهة معتدل وخصوصا الشتاء مو باردة ومابيهة ثلوج لان جنوبية وان شاء الله ترتاح وتستقر هناك وتبشرنة باخبارك الطيبة

[أبو الفوارس]

عيني نورس، اولاً الف مبروك عالسفرة وان شاللة بالتوفيق وتوصل بالسلامة.
ثانياً اهلاً بيك في ولاية تكساس وحضر نفسك تغير اسمك الى نورس التكساسي 
ثالثاً اول شي تسويه تطلب من جامعتك ينطوك سرتفكيت بالانكليزي مذكور بيه المواد الي درستها لحد الان وعدد الساعات الي درستها لكل مادة إن امكن.
وبعدين الباقي من توصل ان شالله تكملة بس حاول تحصل على شهادة الاعدادية بالانكليزي ايضاً.
جو دالاس حار بس بالشتى مرات تصير باردة فلا تبخل على نفسك بسترة او قمصلة على الاقل. 

تحياتي
أبو الفوارس "التكساسي"