موعد سفر في هذا الشهر

[أبو زيوني]

أخوتي وخواتي في هذا المنتدى الجميل


قبل 25 يوم أتصلو بي مكتب عمان للهجرة وأنطوني موعد سفر على ولاية أنديانا يوم 20-6 ودزولي أيميل أكدو بيه هذا الحجي وكالو عندي يوم فحص أخير بمستشفى أبن البيطار يوم 17-6 وكالو هسه يخابرك أحد موضفين الهجرة
IOM من بغداد حتى يفهمك على أجرائات السفر وأشلون راح أسافر .


المشلكة هي الى حد هذه اللحضة ماكو أحد أتصل بية علمود يفهمني أشلون راح أسافر وتذاكر السفر والفيزا أشلون وآني باقيلي بس 10 أيام على موعد السفر ودزولي آخر ايميل تأكيد أرقام تلفوناتي وآني جاوبتهم



وحاليا آني أخابر على مكتب عمان محد يجاوب


ولو طولت عليكم الموضوع بس أكيد أنتو تعذروني لأن آني والله دايخ بالشغلة فأرجو منكم مساعدتي بالحل وية منو راح أتصل حتى أتأكد من الشغلة وهذا الشخص اللي راح يخابرني أشوكت المفروض يتصل بية.


وشكرا

أخوكم أبو زيوني
 

[rmadi]

اخي العزيز

اولا مبروك
ثانيا لا ادوخ

انتة اول شي لاجئ ومتحتاج فيزا انتة طالع IOM
ثاني شي انتة ما دادم بلغوك بالتلفون والايميل خلص اتحضر وكمل امورك همة هسة مكمليلك كلشي وممكن اي وقت يخابروك

[داليا الوردة الوردة]

السلام عليكم
الف مبروك تحديد موعد السفر وان شاء الله توصلون بالسلامة يارب
اختك داليا الوردة الوردة

[أبو زيوني]

الف شكر أخي العزيز رمادي وماقصرت 


أخي العزيز الهندي الشاطر هواية أشكرك وهسه يالله شوية أرتاحيت من كلامك هذا لأن والله آني على أعصابي وحتى أستقاليت من الشغل ولي هسه محد خابرني من بغداد 



أختي العزيزة داليا الوردة هواية أشكرج على هذا الرد الجميل وربي يحفضكم



أخواني وخواتي أذا أكو أحد موعد سفره وياية أو في هذا الشهر بس أرجو المشاركة حتى نعرف كل واحد شنو صار وياه من تفاصيل

وأكرر شكري للجميع
أخوكم أبو زيوني 

[لورنس السفاح]

مببببببرووووووووك اخي ابو زيوني ,, ان شاءالله توصل بالسلامة
هسه همه قبل الفحص بيوم يومين يخابروك
وانت بالفحص استفسر منهم ,, مليون بالمية همه راح يبلغوك
بالوقت اللي يردوك متواجد بالمطار
واتصور ال اي او ام مابيها فيزا
تحياتي
بالمناسبة انت شوكت مقابل محلفين بدون زحمة؟
ومبروك مرة ثانية

[snoopy]

و الله يا ابو زيوني اهلي نفس حالتك بالضبط و هم دايخين و ميعرفون شيسوون انت زين دزولك موعد فحص طبي
اهلي بس خابروهم حددولهم موعد سفر و بعد كلشي ماكو ابد بس ايميل تأكيد التلفونات

زين ممكن تنطيني ايميل الجهة الي حددتلك موعد الفحص الطبي و اكون ممنون من عندك


اخوك سنوبي

[أبو زيوني]

مشكورين أخواني على هذه المشاعر النبيلة وأنشاء الله الكل يسافر وأتصير أسوالف



أخي العزيز لورنس العرب آني مقابل محلفين بتاريخ بتاريخ 13-3-2010 وأجاني رد المحلف ورة شهر الأختيار الأول تأجيل
وبعدين أتصلو بية من عمان على موعد سفر ودزولي أيميل وحتى سألتهم على الأمنية أشو ماكو كالولي أخي حتى الدورة التثقيفية أنلغت لأن حاليا منظمة الهجرة بصدد تسريع جميع معاملات بغداد وطبعا آني ذكرت هذه التفاصيل بموضوع آخر وكان أسم الموضوع بشارة لجماعة الشهر الثالث بغداد.


أخي العزيز سنوبي
بالنسبة الى الفحص الطبي
آني سألت نفس الموضف اللي خابرني من عمان على موعد السفر
على الفحص وأنطاني تاريخ الفحص 17-6
بس المشكلة كلي هسه يخابروك من بغداد على تأكيد الفحص وتفاصيل السفر بس ليهسه محد خابرني
ولذلك آني سويت هذا الموضوع لفائدة الجميع


وأكرر شكري لجميع من ساهم بهذه الردود الجميلة

أخوكم أبو زيوني

[rosary]

بلا زحمه ممكن نعرف شقد طولت ورا مااتصلو بالكفيل ووقع على اوراق الكفاله وقبل كم يوم بلغوك بموعد السفر يعني شكد الفتره الزميه الي ينطوها حتى الواحد يرتب وضعه.

[أبو زيوني]

مشكور على ردك rosary


بالنسبة الي آني كفيلي بكاليفورنيا بعد أن كفلني واحد من جماعة المنتدى مشكور


بس من أتصلو بية قبل 25 يوم على موعد سفر كالو آني مقبول على أنديانا كتلهم مو آني عندي كفيل على كاليفورنيا فردو علية كالو أذا تبقى على الكفيل راح تتأخر سفرتك وتتأجل

فآني قبلت وكلت خلي أروح والله كريم أذا معجبني الوضع أغير الولاية

وأي سؤال آني حاضر



أخوكم أبو زيوني

 

[rosary]

شكرا اخي ابو زيوني ...
احنا رايحين على مشكن ... اتصلو بالكفيل وراح وقع الاوراق ودزولنا ايميل انه ننتظر حجز الطياره صارلها اسبوعين وكلشي ماكو .... مااعرف شكد راح اتطول بعد.

[^Miss Violet ^]

اخوية العزيز ابو زيوني

اولا ان شاء الله توصل بالسلامة وهاية كلها تصير سوالف وتبدي عاد شغلة السوشل و الفودستامب وما الى ذلك << هسة خلي نوصل و الباقي سهل

اخوية بالنسبة للاي او ام ترا 10 تيام يصير بيها تغييرات جبيرة.. خلال 10 تيام اكو ناس تكون واصلة مرحلة من اليأس ورأسا يجيهم تلفون موعد سفر.. وهكذا.. فانت خلي ابالك خلال هاي الفترة يخابروك يفهموك الاجراءات.. المهم عندك موعد سفر اخي الكريم.. ولو تتواصل ويا الاخوان اللي سافروا مؤخرا من بغداد مثل الاخ اراكي فريدم

بالتوفيق عيني

[أبو زيوني]

شكرا لكم أخواني وخواتي على هذه الردود الجميلة



بس والله آني بعدلي أسبوع والمفروض أسافر والى حد اليوم محد أتصل بية وأصد IOM بغداد حتى يفهمني أجراءات السفر وأرجو من الأخوان اللي سافرو قبلي بأن يساهمو في الردود وهي لفائدة الجميع



وأكرر شكري للجميع


أخوكم أبو زيوني

[أبو زيوني]

أخوتي وخواتي أشكركم على ردودكم الوافية وأريد أبشركم بأنه قبل شوية خابرني واحد من منظمة الهجرة بغداد وأنطاني تفاصيل السفر وهسه آني كلش فرحان وراح أكتبلكم تفاصيل السفر لفائدة الكل


1- فحص طبي في مستشفى أبن البيطار بتاريخ 17-6

2- السفر بتاريخ 20-6 الساعة 6 صباحا في ساحة الوفود مطار بغداد

3- التذاكر راح أتكون موجودة في المكتب الموجود في هذه الساحة والفيوا راح نآخذها من عمان

4- الجنط 20 كيلو كبيرة + 5 كيلو صغيرة ما عدا اللابتوب

وأنشاء الله يوم اللألكم والله يفرجها على كل عراقي يارب


وأي سؤال آني حاضر






أخوكم أبو زيوني

[^Miss Violet ^]

ايييييييي الف مبروك عيني ابو زيوني

مو كتلك ساعة عن ساعة فرج

الحمد لله

توصل بالسلامة اخوية العزيز

[ام مشمش]

الف مبروك اخي العزيز توصل بالسلامه

[rosary]

ابو زيوني ...الف مبروك .. بس ماسالوك اذا كانت جوزاتكم G او S  لان انا ابني جوازه S وعمره سنه ونص خايفه لا يسوولنا مشكله بالمطار ..علما احنا دننتظر موعد سفر من بغداد

[abomagid]

السلام عليكم


اخويه ابو الجواز الاس احسن الك بدله لان اني شخصيا دزولي  ايميل كالولي بدل الجوازات الى جديده لان الجواز الاس ينتهي مفعوله بالولايات المتحده يوم 31_ 3 _ 2010  ... فيا اخويه استغل الوقت وطلع جواز جديد احسن

اخوكم ابو ماجد

[rosary]

زين اذا هسى انطلع جواز جديد ... هم لازم اندزلهم اياه .. وماراح يتاخر السفر مالتنا , زين هم ما يجيكون الجوازات قبل ما يحطونا على جدوله السفر . لان هم مابلغونا باي شي .

[أبو زيوني]

أخوتي وخواتي الف شكر على هذه الردود الجميلة والمشاعر الحلوة وأنشاء الله يوم الألكم وترتاحون




أخي العزيز أبو ماجد آني بالنسبة الي من المقابلة الأولى كالولي بدل جوازات عائلتك لأج زوجتي وجهالي جوازهم كان أس وآني في المقابلة الثانية بدلت الجواز مالتهم وطلعت جي


بس والله بصراحة ما أعرف هسه يقبلون الأس لو لا



وأكرر شكري للجميع



أخوكم أبو زيوني