عزيزي الشاب المتألق
تحية طيبة
عزيزي من خبرتي انه ليش ما اتحاول ان اتفتشلك على مكان تتعلم بيه مصلحة ولو ما اتحصل شي اهوايا بالبداية لكن بعد مدة راح اتكون عندك لغة امريكيةقوية او مصلحة او تكدر بعدين اتحصل على شغل مخترم او بعدها اذا اتريد تدرس تكدر هم تدرس مو مشكلة لانه اكو الازدواجة العمل والدراسة او اذا سعيت يمكن هم تحصل على منحة دراسية حتى اتكمل دراستك, بس هذي العادة بانه او ما يوصل الواحد يعتمد على المساعدات الاجتماعية ترى راح تنقرض او ثانية اذا انت اتوفقت تكدر اتكول اعتمدت على اذراعك, لهذا السبب ابني اتوكل على الله او من باجر فتش على مكان تتعلم مصلحة حتى تبني مستقبلك او تعرف بانه اهوايا اب امريكا بدو يغسلون صحون او الله وفقهم او صارو مليونيرية, او اني اعرف اهوايا من ابناء شعبنا العراقي راحجو ةبالخمسينيات او كامو يبيعون كبة موصل او الله وفقهم او هسى عدهم املاك او مصانع, بس الله يخليك اذا صرت مليونير ترى لاتنسانا واتمنى الك التوفق وتقبل تحياتي
جوسي البغدادي
