ارجو المساعده

[hassan W]

السلام عليكم اخوان
شخباركم
اني زوجتي على وشك مقابلة محلفين بغداد اذا اخذت الاوكي
شلون اعرف الرحله مالتها لان اني اريد اسافر وياها وشلون اعرف رقم رحلتها شلون يعني اريد احجز وياها

علما اني صارلي سنه بالعراق
ارجو منكم مساعدتي

[ام مشمش]

اخي اني مو كلش افتهمت السؤال بس انته تعرف رحلتها من  iom يبلغوها بموعد الرحله وخط الرحله

[angie-dawood]

اخي من ينطوها موعد السفر التذاكر بيها رقم الرحلة وساعة الوصول  وطبعا دائما ينطونها التذاكر  اقل شي عشرين يوم قبل السفر وراح تعرف رقم الرحلة وتحجز وياها يكون عندك الوقت الكافي

[ronaldo1981]

الله يوفقك ويساعدك اخي اتمنى اساعدك. بس اني مقدم جديد.

[عكعك التطوى]

((شلون اعرف الرحله مالتها لان اني اريد اسافر وياها وشلون اعرف رقم رحلتها شلون يعني اريد احجز وياها ))

اخي انته عندك فيزه وتريد ضبطها ويه سفر زوجتك ؟؟؟؟؟؟؟؟؟؟؟؟؟؟؟؟؟؟؟؟؟

وبالنسبه لزوجتك بعدها اصلا ممقابله محلفين لان بعد المحلفين موافقه امنيه احتمال
تجي من وقت واحتمال طول محد يعرف يمته وراها يحددون موعد سفر وعلى حسب جدول
مواعيد السفر يعني بصراحه سؤالك بالعلم الغيب

[hassan W]

الف شكر الكم عالر دود
اخويه اني عندي الجنسيه الامريكيه
وان شاءالله سفرها قريب الله كريم

[ســـرى]

اخوية العزيز حسن يعني انت من اللي مقدمين على معاملة هجرة لزوجتك مو صحيح؟ يعني مالين الفورك I-130 المهم بعد مقابلة المحلفين اكيد اكو اجراءات ثانية بس انت اذا مقدملها على الهجرة (الكرين كارد) مو المفروض انتو تحجزون التذكرة؟ لو بهيج حالة راح تكون عالاي او ام؟ ممكن توضحلي بدون زحمة عليك اخي الكريم.

[hassan W]

اتي سرئ اني مقدم لزوجتي على الاي او ام من امريكا واني عندي الجنسيه
يعني اني منتظرها صار سنه اريد نسافر سويه يعني بنفس الرحله لانو احنه عدنه بيبي عمره شهرين يعني زوجتي متكدر تسافر وحده

[ســـرى]

اي هو اني هم افتهمت هيج اخي العزيز بس قصدي سفرها يكون محدد من قبل الاي او ام لو بس ينطوها فيزا وانتو تدبرون السفر والحجز؟

[hassan W]

لا اختي سفرها محد من الاي او ام

[ســـرى]

اخي العزيز حسن انتو تنتظرون الى ان يحددولهم موعد السفر وانت بوقتها تحجز من الخطوط الموجودة في بغداد وطبعا اكو الملكية الاردنية وبلكي تكدر تحجز على نفس الرحلة وياهم واني كتبتلك جوابي عن الحجز في موضوع الاخت mms.تقبل تحياتي وان شاء الله تسافرون بالسلامة.