طلب مساعده مستعجله

[BlancoCool]

شلونكم شباب وبنات
اني عندي فد مشكله واريدكم تساعدوني , اني واهلي (اني وابويه وامي واختي واخويه هوه ومرته واطفاله 3 ) قررنا نروح لتركيا ونقدم عاليو ان , بس مترددين من عدة شغلات اول شغله التفاصيل واجراءات التقديم والمدة الي لازم نقضيهه بتركيا والعيشه هناك شكد تكلف وسمعت اليو ان يطون راتب هل هذا صحيح لو بس حجي ......وثاني شغله منعرف شنختار حايرين بين كندا وهولندا بس منعرف ياهو الاحسن كندا لو هولندا بالنسبه للهجرة  فياريت تكلولي التفاصيل واهم شي عندي تفاصيل الحياة اهناك بذيج الدولتين كندا وهولندا وياهو الاحسن من ناحية الراتب وتكاليف السكن والاقامه والضمان الصحي والشغل والدراسة وباقي تفاصيل الحياة...... واريد اعرف ابويه عمره عبر سن التقاعد هل راح يطوه راتب تقاعد
علما انو اني متهدد بالشغل وعندي امي مريضه وعدهه التقارير الطبيه فاريد اعرف هل انو هاي التقارير والتهديد ممكن يسرع معاملتنه وشكد ممكن اطول المعامله من بدايتهه لنهايتهه وهل ممكن انو اخويه يعتبروه نفس المعامله لو حتكون معاملته غير وحده

الله يخيلكم ساعدوني لان طكت مرارتي وبعد مدااتحمل

[*Sandra*]

اهلا بيك اخوية العزيز في منتدى عنكاوا
عدنه اعضاء كثيرين موجودين حاليا في تركيا   و ان شاء الله يدخلون المنتدى ويجاوبوك على كل التفاصيل الي تخدمك

وبالتوفيق الك واللعائلة امين يارب العالمين

[BlancoCool]

اشكرج اختي امنية , ومن بئك لباب السما وانشالله يارب كل الناس الطيبين تتحقق امانيهم وينولون الي يريدوه يارب

[بغداد بقلبي]

السلام عليكم اخي الغالي

اخويه الشغله مو مثل ما متصورها ومتعشم بيها

طبعا بالنسبه لتركيا اني ما ارعفغ بيها اي شيء لانني كنت بالاردن واعتقد نفس الششيء من ناحيه الامم المتحده ويمكن الاردن احسن بالنسبه لامم المتحده

فاني من هسه اكلك انه موضوع الراتب هو مو اسمه راتب اسمه مساعدة والمساعده هاي معرضه للقطع باي وقت لانها تعتمد على تبرعات الدول المانحه والغنيه للامم المتحده مكتب المفوضيه وبالنسبه للجوء الى هولندا او استراليا

طبعا هذا الشيء مو بيديك او بيد مكتب الامم المتحده لانه هاي الدول لها معايير باستلام الملفات وقبولها وانته اول اسال اكو توطين بتركيا اذا سافرنا ووصلنا واشكد اتكلف المعيشه من ناحيه الايجارات والمعيشه بالشهر ولاتفكر بان تعتمد ابدا على مساعده اللامم لانه لو اتحصل لو لا والاكثر لا واحب اكلك شغله اكو مليون عراقي بره العراق منتظرين وامورهم ماماشيه لانهم ماكو مستعدين بصورة جيده للتقديم للامم او ينقصهم العديد من الاثباتات او ما عرفوا ايصوغون قصتهم فانته على كيفك وبدون استعجال تابع بالمنتدى واسال واتعلم وافهم الموضوع زين وبعدين فكر  اتحاول هيه مو هوسه الشغله وبخصوص تركيا اتصفح المنتدى اكو العديد من المواضيع تشرح تكاليف المعيشه والايجارات وطريقة التقديم وتقبل مروري ولا تزعل من كلامي اني اريدلك الخير وانته وياك عائله كبيره حرام يتبهذلون