على ضفاف نهر دجلة

قصيدة زلزال الحب

على ضفاف نهر دجلة

هدنـي يـا ابنيـه… او مقياس رختـر وصلـه للميـه… زلـزال حبـك

………...

زلـــزال حـبــك هــــدّم كل مـا بنيتـه والضميـر تنـدّم

اوكل ما غرسته وفي لحفر أنـردّم تقلّـع خذاتـه عاصفـه جـويـه

رعد اومطر وبروق جـو امصـدّم تخلبص اسداه الغزل بيـن ايديـه

…………

مــاشالله عـلـى اعـيـونـك او ماشالله عل بسمتـك واسنونـك

او ماشالله العالي امصـور لونـك كيف القمر وانتي الخيـر اشويـه

نورك بهر لكـن سـواد اعيونـك لخبط امـوري او دار حالـه فيـه

…………

يـرحــم افـــاد الـجـابـه ريم الفـلا هللـي رهيّـف نابـه

فكري تحير خربطه فـي احسابـه من يوم لـي رمشـه توجـه ليـا

او رختر اللي درجات تسعه دابـه ضرب ضربته لين وصلـه للميـه

…………

يـا سحـر سـحـرك صـاعـب عليا اوكيف انديـر منـك تاعـب

اعلنت انسحابي وكنت احسن لاعب موحال مـا غيـرك اقـدر عليـه

واحلمت لاونى افشعرهـا انداعـب استاقضت نلقى الريح بيـن ايديـه

…………

استاقـضـت نلـقـى روحــي نحلم انخترف كاثـرات اجروحـي

سلتك ابربـك يـا غزالـه بوحـي بسرك اوما تخفـي الحـق عليـه

كتبتيـش مـرة بالقلـم افلوحـي حكيتيـش مـرة للبنـات علـيـه

…………

جـابـش السـانـك ذكـــري يـا شاغلـة ميـه افميـه فكـري

سوى ذمنـي ولا نطـق ابشكـري المهم عندي في اللسـان اشويـه

او قايلينها حكمـه قديمـه بكـري صبري ولا صبر الغريـب عليـه

…………

يـــا شـيــخ سـلـتـك بالله أتجي افجانبي بالك اللغـز اتحلـه

اللي زيّني تايب ايخـاف مـن الله يطلب افضالـك فتوتـك شرعيـه

زعم حبها محسوب عنـدي زلـه ولا انواصـل والذنـوب اشـويـه

…………

زادوا أمــــواج بـحـرنــا الحسين والعبـاس يـوم ان زرنـا

من غيـر راده البعضنـا حكرنـا زعم صارلك كيفـه الصايـر فيّـا

ومن دون خمره في الحرم واسكرنا منهـا البسمـه والذنـوب عليـه

…………

يــا سـمـح حـلـو البسـمـه يلـي بـدع باريـه زيّـن رسمـه

يلّي حديثـه كيـف هـب النسمـه يلي صعيبه فـي الوصـول عليـه

أنا قاصدك والوضع طالب حسمـه عالصبر ما عادش جواجـي فيّـا

…………

يـلــي فـريــدا افـلـونـك تستاهلي الواحد صحيح ايصونـك

و تستاهلي كل يوم منـه ايجونـك مليون ورده فـي الصبـاح هديـه

ومليون خـادم يغسلـوا صابونـك و مليون حارس فوق منهـم ميـه

و مليون كحالـه لسـود اعيونـك و مليون مشّاطه او فـوق اشويـه

و مليون فرشه اينظفوا في اسنونك ومليون شيشة عطـر م البحريـه

او مليون رسامه الخـط اجفونـك و مليون ماسه اوجوهره اصليـه

او مليون مركب واسقات ايجونـك حرير اجنبـي و الماركـه هنديـه

او مليون مقاتـل ايموتـوا دونـك ايخشـوا الجنـه بقدرتـه عاليـه

اومليون ناقه بيض تشبـه لونـك مهرك اوما انقولش صعيب عليـه

…………

طـــل الـغــزال عـلـيـنـا وعيني حكت واجـد كـلام العينـه

يـا رب كمـل بالافـراح عليـنـا او كل ما انتمنـى و اتمنـى هيـه

غير اضحكي احنا بسمتـك تكفينـا اتداوي جـروح الزارعتهـا فيّـا

…………

زلـزال حبـك هدنـي يـا ابنيـه او مقياس رختـر وصلـه للميـه