الى كل الي عدهم معاملات ال SIV وجايهم الجيف او مشن ابروفال

[BlancoCool]

شلونكم يا ناس ياعالم , اجاني ايميل من الاس اي في نص الايميل هذا

Dear--------------------------:

In an attempt to complete your Chief of Mission (COM) application, the U.S. Embassy in Baghdad is requesting that additional information be submitted.  Therefore, please provide the information below:


Please submit a new threat statement as the one submitted is based on incidents prior to your employment with the United States government.


Please provide the missing information to our office, via email, at IraqSIVapplication@state.gov.


Sincerely

يعني شنو يريدون تهديد اله علاقه بشغلتي لو اي تهديد حته لو مو الي بس لعائلتي
وثانيا اني اصلا تهديد بورقه ماعدنه بس اجانه التهديد بالموبايل وصاله هوايه بال2006 والتهديد مجان اله علاقه بشغلي التهديد جان طائفي .
بس فهموني شباب لان مدااعرف شسوي؟

[Ali from baghdad]

السلام عليكم

اخي العزيز ، ارجو ان يتسع صدرك لردي ، لان صدك كلامك فتح قريحتي للكتابه ، حبيبي لو كل واحد بالعراق العظيم يطلب لجوء لسبب طائفي تره بس يبقى الحجر بالبلد ما يبقى جنس مخلوق اذا ما يطلب اللجوء لان حتى الطير الي بالسما مظلوم.
الايميل الي اجاك يكول انو التهديد الي انته قدمته كان في تاريخ سابق وقد حصل قبل عملك مع الامريكان ، وعليه فهمه يطلبون ان تقدم اثباتات انو انته اتهددت في الفتره الي عملت بيها ويا الامريكان.
لان هذا البرنامج ما مفتوح لمن يشعر بان حياته مهدده جراء مذهبه او جنسيته او عرقه ، هذا البرنامج مفتوح لمن يشعر انهو هو مهدد جراء عمله او احد افراد عائلته مع قوات التحالف.
فالحل شنو:
ما اعرف انته شنو الي كلته الهم بالطلب مالتك ، بس لازم تفرها بطريقه مرتبه وذكيه و منمقه (تره اني ما دا اشجعك على الكذب ) بس انته رتبها بنفسك ، يعني الي مقدم على ال اس اي في ، ما فد يوم مشى بالشارع وصاح هو وين يشتغل لان لو مسويها كان صار طعام للاسماك النهريه في دجله الخالد ، بس الي قدموا بهذا البرنامج ، اول شي هو قدم لان هو بعده عايش يعني ما مات ، يعني عرف شون يبقى عايش بدون ما يندلون دربه ويكتلوه ، بس هو يشعر انهو هو مهدد ويريد يعيش بامان في بلد بيه مليون فرصه احسن وتعليم احسن الخ الخ الخ ، بس طبعا لازم تكول اسباب مقنعه ، ومنها انو انته اتهددت او تشعر بالتهديد ، ومنها الحرب الاهليه الي صارت (رجاء لا احد يكول مو حرب اهليه / قابل كانت اختلاف بوجهات النظر) فنرجع لموضوعنا ، وانته تشعر بالتهديد بسبب عملك ، بس بما انو انته خربتها وكتلهم انو التهديد كان قبل ما تباشر عملك ، فربما ربما ربما ممكن ان ترتب طريقه لاعاده ترتيب الزمان والاوقات بطريقه ان يكون التهديد طائفي في بادئ الامر واتحول الى شخصي بسبب العمل .
تبقى يمك بعد واتمنى ان يكون ترتبيك للرساله القادمه الهم بشكل يقنعهم ويسهل طريقك .
اعتذر اذا طولت عليك واتمنى ان يتسع صدرك لكلامي

علي SIV مرحله بحر الظلمات

[Aiham_]

كلام الاخ علي من بغداد مية مية ...... رتب حاااااااالك حبي

[BlancoCool]

مشكورين اخوتي Aiham و Ali from Baghdad
زين اني نصحوني اصدقائي كلولي سويلك ورقة تهديد جديده ودزهه الهم وكللهم هاي بالجديد اجتني , بس خاف ادزهه ويكلولي ليش مدزيتهه اول مجتك وتتخربط عليه

[Ali from baghdad]

ما اعرف بخصوص رساله تهديد ، بس اكتبلهم قصه مرتبه ، وبالنسه للتوثيق ، قابل هيه معايده مال راس السنه علمود الواحد يحتفظ بيها ، لو اول ورده من بنت الجيران علمود ابقى محتفظ بيها ، ف تبقى يمك ويم راي الاخوه الاخرين ، يا ريت لو يشاركون بالنصيحه ، بس اشوف انو ماكو داعي تسوي فلم هندي كلش ، يعني فلم معقول وقابل للتصديق ، لان همه يريدون قصه معقوله ما يريدون يشوفون اثر الطلقات على حايط البيت او الرمانه الي شمروها على السياره...

وبالتوفيق

وشكرا   

[jack_of_arabia]

السلام عليكم ... أخي العزيز BlancoCool ترى الشغلة كلش سهلة انشاء الله , الجماعة يردون منك ورقة تهديد جديدة كلّ اللي عليك تسويه ان تكتب كليشة مرتبة تذكر بما ان عندك ارتباط بالقوات الامريكية كأن تكون مترجم او مقاول ... الخ فهذا بعينه يمثل تهديد سواء كان مباشر او غير مباشر ...

السالفة تسوي ورقة تهديد مرتبة وتذكر كلّ الاسباب التي تدعوك انك تشعر انت مهدد و ع فكرة انتبة الاّ يكون هناك تناقض بين ورقة التهديد القديمة والجديدة ... تحياتي . جاك

[ســـرى]

اخي السائل الكريم ورقة التهديد لا تشترط ان تكون ورقة جايتك من ناس معينين.انت تكتب statement يعني ورقة تشرح بيها انه انت مهدد بسبب عملك وية الامريكان واترك التهديد الطائفي،تكتب بالورقة انه انت مثلا مثلا مرة حسيت ناس يتبعوك لمن ترع للبيت او تحس بالخوف على حياتك لان اللي بمنطقتك يعرفون انت تعمل وية الامريكان وما تكدر ترجع لبيتكم او من ترجع تكون متخفي لان مثلا اهلك سمعوا انه اكو ناس مستهدفيك بسبب عملك.تحياتي

[Karadi]

اخوية العزيز


كلفت روحك وسويت عضوية جديدة ؟؟؟ كان من الممكن تسال سؤلك من عضويتك القديمة

المهم

اني ما احب انتقد معاملتك لانك بصراحة  انت ماعرفت تتعامل وياهم


على كل حال همة منطيك فرصة جديدة حتى تعدل روحك بيها


يريدون منك ان تعدل كلامك وتقدم فد شي جديد يخص تهديدك مع عملك



حتى يكدرون يمشون معاملتك؟؟؟؟ همة متعاطفن معاك بس ميكدرون يمشون بمعاملتك اذا ماتعدل

صيغة تهديدك ....لازم يكون بخصوص عملك مع الاميركان مو وية ؟؟؟؟ الي انت حاجي عليهم؟؟


هسة انت شراح اتسوي؟؟؟


لا تنفي التهديد القديم ؟؟؟ حتى لا يعتبروك كذاب بس لازم اتضيف على التهديد القديم خطورة عملك

 مع الاميركان في فترة عملك؟؟؟؟ انتبة وحاول انت تختصر بالكلام ...مو تسويها قصة



وانشالله موفق


سلام

كـــــــــــرادي

[Linda1]

اخي صاحب الموضوع,

اذا انت بعدك تشتغل ويه الامريكان خلي المسؤول مالتك الامريكي يكتبلك ورقه يكول بيها انت تهددت بسبب عملك معهم وماكو داعي يكتب اي تفاصيل لانه هم بس يريدون ورقه تكوال انت متهدد بسبب عملك مع الامريكان لانه هاي وحدة من شروط التقديم على الاس اي في.

او عندك حل ثاني وهو تقدملهم ورقه وتكتب بيها انه انت تهددت اثناء فترة عملك مع الامريكان واذكر اي طريقه للتهديد كانه كانت بالتليفون او احد كان يلاحقك ولدز اي ورقة تهديد لان هسه يكولوك اذا متهدد بورقه مسبقا ليش مبلغتنه , وهذا هو يعني شغلتك بسيطه وميحتاجلها تعقيد لان انت مستوفي الشروط الاساسيه للتقديم على الاس اي في  وهاي ورقة التهديد روتين لازم ينذكر بكل قضيه حتى تكمل شروط تقديمك على الاس اي في...وبالتوفيق انشاء الله

Linda

[BlancoCool]

اشكرج لندا واشكرك كرادي بس هوه هذا اشتراكي ولله هههههههههه واني اصلا جديد بالمنتدى , واشكركم علي وجاك وسرى
وعالاكثر راح اسوي مثل مكلتو راح اكللهم انو اني وراجع للبيت حسيت اكو ناس جانوا يراقبوني
او اذا اكو احد مر بنفس حالتي وعبرهه ممكن كلش يفيدني
ولكم جزيل الشكر واتقدير
اخوكم بلانكوكوول