سؤال الى الاخ عبسي وجميع الاخوان في كندا

[غرور الورد]

السلام عليكم
أنا لازلت أسكن في عراق المنايا والبلايا  وأريد اعرف كيف يتم الحصول على اللجوء  وخصوصا الى كندا وهل يمكن طلب اللجوء  عن طريق الانترنت ............الرجاء الاهتمام برسالتي مع خالص الاعتزاز

[FARISALIRAQI]

السلام  عليكم  ..ألاخ  غرور  الورد....بعد أذن  الاخ  عبسي وحميع الاخوان.. موضوع  اللجوء  لايمكن عن طريق  النت .. ولكن  يمكن   في  حالة  وجودك   في  سوريا  او  عمان او مصر  ...وتقدم  على الامم  المتحده| مفوضية  شؤون اللاجئين|  في البداية طلب اللجوء  وبعد ان  تقبل كلاجيء  في  الدولة التي ستقيم  فيها .تقبل  كلاجيء .  وحسب  اسباب  خروجك  من بلدك الاصلي  وطلب اللجوء...ممكن  تحويل  ملفك الى  احدى  دول اعادة التوطين  .
                      وتقبل  تحياتي

[غرور الورد]

مشكور اخي على الرد
لكن عندي سؤال
اذا اطلع لسوريا فد 20 يوم وارجع للعراق وخلال تواجدي هناك اروح لليو ان واطلب اللجوء
هل هذه الطريقة ماشية لو الا الانسان يكون مقيم بسوريا

[عبسي]

اخي العزيز سوالك بسيط واكيد معظم الاخوان بالمنتدى ناقشو ادق التفاصيل
شوف اخي العزيز طبعا واكيد ماكو تقديم للجوء الى كندا او اي من الدول اللي تقبل اللجوء عن طريق الانترنت
اذا ردت تسافر وتقدم على اليو ان افضل انه تروح الاردن لان المفوضية هناك ارتب واكثر تنظيما بس يا اخي لازم تعرف انه الشغلة تطول خصوصا كندا ولازم تبقة هناك على الاقل 9 اشهر بعد ان يقبلوك توطين وما ترجع بغداد الا بحالات كلش طارئة ولفترة محدودة جدا
ومو قصدي اظلمها عليك اخي العزيز بس لازم تعرف انه مجرد تقديمك لليو ان لا يعني توطينك يبقة توفيق رب العالمين واقتناعهم بقضيتك

عبسي

[غرور الورد]

شكرا جزيلا خوية انت ماضلمتها بس هي ضلمةمن كاعها  (سبحان الله)
عمي لوشعبنه واعي حرام ما جان فكرنه بالطلعة بس شعبنه ماواعي تدري رجال يمنه انتخب المالكي ليش .... يكول خاف يكصون الوجبة ...وهي الوجبة شباقي منها غير اربع صابونات بس...ومادام الشعب هاي عقليته اشبع قهر حجي... لان لايغير الله مابقوم حتى يغيروا مابأنفسهم
أعتذر منك ومن الاخوان لان طلعت شوية من الموضوع
اسئلتي قدتكون ساذجة لانني لااعرف شي عن اللجوء فارجو ان تتحملوني بس اريداعرف كم شغلة يعني اذا قدمت لجوء ورجعت للعراق شمدريهم اني راجع  انت كلت الا للحالات القصوى زين شلون يميزون رجعتي للعراق من الحالات القصوى لو لا
ثانيا : اذا لغينه شغلة اللحوء واجيت على الانترنت اريد اقدم على الهجرة طبعا اكو انواع منها هجرة المهنيين وهجرة رجال الاعمال (وطبعا اني اكيد مو منهم  )وغيرها ....اذا عندك تفاصيل عن هذا الهجرة وممميزاتها ياريت لو تخصصلي من وقتك شوية وتكتب بلازحمة ...

[غرور الورد]

ارجو الجواب بلا زحمة

[FARISALIRAQI]

السلام عليكم..أخي  العزيز  دزيتلك رد  بس الظاهر ما طلع..على كل حال  ألاخ عبسي شرحلك  شرح  وافي ومفيد...أنته  تسأل  في حالة رجوعك للعراق شلون يعرفون...طبعا  يعرفون  لان من ترجع  جوازك  راح  ينختم وبعدين  من يطلبون  ارواقك  ويقابلوك  يشوفون  جوازك  ويفلسوه  ورقة  ورقة  يشوفوك  وين مسافر....بالنسبة للهجرة  توجد  أكثر  من نوع  هجرة  العلماء واصحاب الكفاءة العلمية  وهجرة  خماسية..الخماسية يعني عندك في كندا خمسة اشخاص كنديين يكفلوك في كندا وتكون  عدهم كفاءة  مالية  جيدة..يعني مو همة  راح يصرفون  عليك لا..بس انه توصل الى كندا  وبعدين انته تمشي حالك..وهجرة  كنائسية ..وهي تقديم طلب عن طريق احد الكنائس وتودع  مبلغ  لايقل عن عشرة  ألآف  دولار  هاي من توصل حتى  يتـأكدون عندك  فلوس وتكدر تعيش لفترة بين ما تلكي شغل....لاتوجد مميزات مالية   لجماعة الهجرة خصوصا في السنة الاولى من تواجدك في كندا .وهذا رابط يمكن يفيدك يخص الهجرة  واللجوء الى  كندا www.cic.gc.ca       وتقبل تحياتي

[غرور الورد]

مشكورين اخوان راح اكعد واسكت وانا لله وان اليه راجعون