اذا امكن الجواب من الاخت انجي او سرى او اي احد الة خبرة

[pesso]

شلونكم اخواني وخواتي ؟
اني ناوي اطلع لتركيا الايام الجاية وعندي اسالة بخصوص اليو ان وهي :.
1.الاوراق والمستندات واوراق التبليغ وشهادات الوفاة يحتاج اترجمها منا من العراق واخذها وياية ؟
2.زين هاي الاوراق والمستندات يحتاج تصديق من وزارة الخارجية لو لا ؟
2.بلنسبة للسكن بتركيا اني اروح اسكن بكيفي لو همة يحددون وين اسكن ؟
عفية محتاج لجواب اذا اممكن
والكم ولجميع اعضاء هذا المنتدى ولكل من يشارك بفائدة الناس الشكر والتقديرر.......
اخوكم بيسوو

[ســـرى]

اتمنى يكون عندي جواب شفي الك اخوية الكريم بس اتصور السكن معليهم انت وين ما تسكن بتركيا، مستمسكاتك اللي مصدق اخذه وياك واللي ما مصدق صدقه قبل ما تروح هي شغلة يوم ووراها وديه ترجمة ليش بتركيا تظل حاير، واترك الاخوة اهل الخبرة يفيدوك بمعلوماتهم ان شاء الله وموفق برحلتك.

[pesso]

شكرآ اخت سرى اللة يوفق ويبارك بيج

[pesso]

زين اخت سرى سوال
اني اشتغلت وية الامريكان وهمة ماخذين بصماتي العشرة بوحدة من القواعد ومسويلي منع بيها بس السبب كان سبب غير امني وانما شغلة مدنية والدليل انة مو بلاك ليست يمهم ولاداخل بلسكريننك مالهم .
السوال هو :. اذكر هذا الشي لو لا ؟
الجواب بارك اللة بيج منج او من الموجودين اصحاب الخبرة 

[ســـرى]

والله اخوية ما اعرف بهذا الشي بس اللي اعرفه انه ما دام مو شغلة امنية ان شاء الله خير واعتقد الاخت لندا عدها علم بهيج موضوع اكثر مني لان شايفة يمكن هيج حالات راسلها وان شاء الله ما تقصر.تقبل تحياتي

[نورالعيون]

اخي العزيز  ... بالنسبة لاوراقك ميحتاج تترجمها  وبعدين انت ما ذكرت  الاوراق الي ممكن تحتاج اتصدقها؟؟  اهم شي هو الجواز مالتك موجود والجنسية وشهادة الجنسية وطبعا هاي المستمسكات ميحتاج تصدقها

اما اذا كنت متزوج يفضل عقد الزواج يكون مصدق...اما بخصوص اوراق التهديد  فميحتاج  لها تصديق او ترجمة

ونجي هسة للسكن  انت حر وين ما تسكن اسكن  ليس لهم علاقة بيك  بس يحبذ  يكون قريب من المنظمات حتى لينشلع كلبك واعتقد  المقر في انقرة   ..يعني مو تسكن  بأسطنبول وبينك وبين انقرة خمس ساعات لان راح تتعذب 

ونتمنى لم التوفيق مقدما.

نور العيون

[angie-dawood]

 اخي العزيز ترجم كل مستمسكاتك وصدقها من  وزارة الخارجيه وباكثر من نسخه افضل  لك
 اما بالنسبه للسكن فليس هناك تحديد بامكانك ان تسكن في اي مكان تريد  حسب ظروفك

[mhajr2010]

الاخ صاحب الموضوع تحياتي
اني بتركيا ومسجل باليو ان وراح انطيك جواب يفيدك:
اما ترجمة الوثائق فميحتاج نهائيا باليو ان يعني الاصلية كم هي احسن لكن اذا تريد تسوي هجرة عن طريق السفارات مو اليو ان مثل استراليا فيجب ترجمتهة ومن مترجم محلف ومعترف به .. سوي هاي الخطوة ببغداد لئن الترجمة بتركيا غالية جدا..
اما التصديق من وزارة الخارجية باليو ان ميحتاجوه وما له داعي الا مثلا الشهادة الدراسية فمترجمة ومصدقة تفيدك بوطن اللجوء وليس باليو ان يعني للمستقبل.
اما شغلة عملك وية الامريكان فابدا لا تذكره بمقابلة اليو ان وخصوصا عندك بي مشكله لئن مترجمين هنا وبلا مشاكل مينطوهم ورقة اللجوء(الفسفورية) وحاول تفلت من ان يوطنوك بامريكا لئن من يجيكون بصماتك الوفد الامريكي (اذا كان استيطانك طالع لامريكا) تطلع عندك مشكلة وياهم وترفض اما اذا لغير دولة فتغلس وبس.
اما السكن فيمكن تسكن بعدة محافظات ولكن مو كلهن اي حسب ما متفق اليو ان ويه الحكومة التركية وهاي من تقدم على موعد راح يخيروك بيهن وانته تختار.. واما انقرة لتسكن بيهة ويا ريت يقبلون اسطنبول فراسا وافق عليهة لئن احلى شي والشغل بيهة مكوم والمقابلات والقنصليات كلهن باسطنبول عدا اول مقابلة تكون بانقرة وبعد متحتاج انقرة نهائيا كلشي باسطنبول.
ارجوا ان تكون استفدت من جوابي واتمنى الموفقية الك وللجميع..

[pesso]

جزيل الشكر والتقدير الى:.
سرى , نور العيون , anGie , mhajr2010 يارب كون اللة يوفقكم ويحقق امانيكم بس اخوية mhajr2010 شلون مااذكر شغلت عملي وية الامريكان اذا اصلآ اني مهدد من وراها ؟ لو تقصد انة مااذكر صارت عندي مشكلة وياهم ؟ وشنو تكول حاول ان افلت من التوطين بامريكا ؟ يعني شلون افلت ؟ تسوي علية فضل اذا توضحلي وعاشت ايديكم.........