اذا ما اسافر؟؟؟؟؟؟؟؟؟

[redmax18]

اخواني وخواتي السلام عليكم
عندي سؤال اذا ممكن اذا الواحد كمل معامله SIV وقابل وخذ فيزا هم هين بس ماحب يسافر!!!!! شراح يصير له هل هناك اي مسؤولية عليه؟؟؟ لاني صاحبي اخذ الفيزا و قرر مايسافر لآمور عائلية تخصه.
ارجو اجابتي ولكم جزيل الشكر والتقدير.
redmax18

[Safaa Alkhrkhy]

كلشي ماراح ايصير بس شغلة وحدة راح اتصير!!!
تعرف شني؟؟؟؟؟

((راح يبقة طول عمرة يعض اصبعهة ويكول آآآآآآآآآآآآآآآآآآآآآآآآآآآه ه ه ه))

[doori]

مرحبا ....
اخويه لتزعل مني انت غير تتاكد يله تقدم لان بصراحه واطي الكل يعرف اخذت مكان غير الي راح يتأخر ولا تزعل رجاء مني همه نطوك الفيزا ولو ما ناطيها الك جان نطوها لغيرك هو بحاجه الها يا عيني سافر و كول يا الله والامور البقايه تنحل


ولا تزعل من كلامي


اخوك حمودي
الاردن_عمان

[redmax18]

شكرا عيني الكرخي كلامك صحيح..
حمودي شكرا.... بس تره هوايه سمعنا بحق غيرك بصراحه مااعترف بهذا الشي حق غيري محد يآخذ حق غيرها الكل اله حق التقديم و الكل عانوه نفس المعنات والويلات الرجال عنده ظرف عائلي خاص ارجو ان تقدر هذا الشي
رحمه الله الشيخ المرحوم حسن البصري قال: عرفت ان رزقي لايآكله غيري فطمآن قلبي
redmax18

[عمر عراقي]

من حقه ان يلغي فكرة السفر ويبقى كاعد يجوز عنده ضروف خاصه وهذا شي احنه مندخل بي.
المهم يا اخويه الورد اتوقع بعد فتره اذا الله خلانه طيبين انته او صديقك نفسه راح ينزل
موضوع وبنفس هذا المنتدى يكول بي (طلعت ما افتهم استلمت الفيزا وماسافرت يصير ارجع اقدم)
والجماعه طبعا راح يكلوله لا ميصير واحتمال والبرنامج منتهي واحتمال العدد مكتمل واحتمال لا
بس يرجع ويكولون هذا مو محتاج يسافر لان اجته الفرصه سابقا وماسافر ويخلون ملفه على الرف
يعني يا اخويه العزيز هو صاحبك على SIV  وطلعتله الفيزا ويروح يحسب شهرين او ثلاثه ويستلم كرين كارد ويكدر حتى للعراق يرجع وصدكني يكدر يتفاده اي ضرف عائلي ويتحدى الظروف ويسافر
ويبدي حياة جديدة ومستقبل جديد له ولاولاده وحتى احفاد احفاده يبقون يترحمون على روحه
لان خلاهم يصيرون بشر ولهم قيمة بدل مايبقون في بلد صارله 7000 سنه يعيش حالة حرب مفتوحه
والله يعلم متى تنتهي.. وهو حـــر يجوز ظروفه صعبه جدا واحنه نلتمس له العذر والله يسهل على كل عراقي مظلوم

[ســـرى]

لا اخوية ما عليه اي شي بس اذا مقدم عالبنفتس خلي ينطيهم خبر لجماعة الاي او ام حتى لا يحجزوله تذاكر بس اذا ممقدم عادي ميروح.

[repentant]

عمي مرحبا عليك
احجيللك عن صديقي هم ترك الفيزة وهسة نادم موطبيعي ايدور على تعيين ما لاقي وانت صدك تحجي عمي دروح هناك شوف قيم الانسانية اشلونها وانطيك مثال الله يكفيك الشر ادخل مستشفى عراقي زور شخص وادخل مستشفى امريكي زور شخص وشوف الفرق ادخل جامعة عراقية وادخل جامعة امريكية يابة بسيطة اشتغل مهندس مو وي شركة امريكية اشتغل وي الامم المتحدة واشتغل وي شركة عراقية يابة روح حب ابنية حلوة من الطاكات الحلوات وروح اخطبها شوف ينطوك اياها وشوف بنية امريكية فد 24 سنه حليوة وصادقها شنطيط يا فروقات عمي توكل على الله وروح شعاجبك هنا والله اعلم وهذا رايي الشخصي اسف

[redmax18]

شكرا لكل وبارك الله فيكم، والله كلامكم كله صح في صح مليون مره. ومن الله التوفيق.
redmax18

[silver_d]

خلي يجي صديقك ترا الكرين كارت بس ديطول شهر وديجي اكثر شي اذا مو اقل خلي يجي على حسابه يبقاله فد شهر ويرجع بين ميستلم الكرين كارت
لو يجي على النتظمه بس خلي ليطلع من امريكا اذا ميدفع قصت الطياره لان تعتبر اموال امريكيه اخويه هاي فرصه يعني اني هم اذا افكر ارجع للعراق بس مراجع خسران اكدر كل سنه مره اسوي ابديت وارجع للعراق هاي ابسط مثل
خلي يجي ويضيعها
تحياتي
سلفر كالفورينيا