خبراء ال siv رجااااءا لان دخت والله

[mohammedusa]

السلام عليكم


شباب  بالنسبة ل بيان الولادة؟؟   اريد اطلع بيان ولادة  وقريت موضوع للاخ سبع صنايع يشرح بيه شلون تطلع بيان الولادة, وهو كاتب انو تروح للمستشفى الي نولدت بيهه ولدائرة صحة بغداد وللخارجية ...والخ

بس ذاك اليوم  ولد صديقي يكول ماكو هيج حجي عليش هالدوخ كولهه ؟؟

مجرد انو تروح للنفوس مالتك  يعني اذا كرخ ف تروح لساحة عدن يسولك كتاب طلب قيد ولادة. وبعدين اذا انت ولادتك كرخ تروح للمركز الصحي الي بالهبنة الي اسمة (مركز الزهراء) يسوولك قيد ولادة , اما اذا ولادتك رصافة ف تروح لمركز صحي صاير بالسباع (نسيت اسمة) وراهه ترجمة ودزة

هذا الحجي صح لو رح يورطني هذا الولد؟؟

[Ali from baghdad]

السلام عليكم

عيني اصلا بلا ما تدوخ لان هذي اسهل شغله بالموضوع كله ، مثل ما انذكر بموضوع الاخ سبع صنايه تروح بالبدايه للمستشفى الي انولدت بيها ومناك تاخذ كتاب الى دائره صحه الكرخ الي بساحه عدن ومناك ما اذكر وين اتروح بس مثل ما ذكروا الاخوان ووراها تروح للخارجيه علمود يصدقوها ، واصلا انته كل ما تكمل من مكان همه بنفسهم يكلولك وين اتروح ويشرحولوك شون توصل وشتاخذ يا سياره او نفرات اذا ما عندك سياره اصلا ، الى ان توصل يعني اكو ناس متعاونين بعد بالبلد ما فرغ من الناس الزينه ، واصلا اني فضيتها كلها بيوم واحد بس  طلعت من بيتنا بال 8 ونص هم مو تكول من الغبشه او الفجر ، لانها سهله وما يرادلها صعوبه ، واخر المطاف رحت لمكتب نادر وكملت البيان وكلشي وكلاشي بست ساعات.
لاتدوخ عيني وبوجهك باجر للمستشفى الي انولدت بيها واصلا راح تلكه هوايه ناس موجودين الي يطلع مال ولاده قبل يوم والي دا يطلع مال قبل عشرين سنه ، سهله واتوكل على الله .

بالتوفيق انشالله

علي SIV مرحله بحر الظلمات