معلومات عن جورجيا

[noor usa]

السلام عليكم ورحمة الله وبركاته
اخواني اعضاء منتديات عن كاوا الاعزاء
ياريت لو لاتفيدوني ابمعلومات عن ولاية جورجيا / سافانا من ناحية الشغل يعني من الممكن انه نلكة راسن شغل خاصتاً واني صراحة ماعندي لغة يعني شلون راح ادبرهه؟؟؟
زين وهل من الممكن انه من نوصل الكفيل يضربنة بوري؟؟؟ واذا لاسامح الله انضربنة بوري شنسوي ؟؟؟؟
واشو طلعت باليو تيوب على جورجيا سافانا انه بيهه اشباح    اني اريد اخلص من العراق هنوب اروح الكة اشباح كدامي  ههههههههههههه
ويعني هي بصورة عامة شلونهه من ناحية همينة الامان والايجارات وباقي الاشياء
اتمنى اتساعدوني
اختكم NOOR USA

[احمد السلطاني]

اختي نور السلام عليكم
راح احجيلج عن بنتي ساكنة صارلهة 6 اشهر في ولاية جرجيا مدينة اتلانتا منطقة دكيتر
هي وزوجها وابنها اول ما وصلوا انطوهم بيت وليس شقة بيت من خمسة غرف ومؤثث ولكن هذا البيت يجب ان يتركوه بعد انتهاء المدة التي منحوهم اياها اي ثمانية اشهر واعطوهم مبلغ الويلكم كان بوكتة 900 دولار لكل فرد والان اصبح 1100 دولار لكل فرد كما صرفوا لهم شيكات شهرية وكذلك الفودستامب وهم مسجلين على منظمة
وورد رليف الحقيقة مستوى اللغة عندهم جيد ولكن اخبرتهم المنظمة اذا كنت لا تملك لغة فمن الصعب جدا ايجاد عمل لك واذا كان مستوى اللغة متوسط فسنجد لك عمل هذا الكلام موجهة لزوج بنتي وهو الان يعمل في مجال حراثة الاراضي الزراعية الساعة 9 دولار ومدة العمل ييبداء العمل من الساعة7 صباحا الى الساعة الى الساعة 5 عصرا  ناحية الامان عالية جدا فدوريات الشرطة مستمرة في تمركزها بالمنطقة باعتبار المنطقة للاجئيين لان فيها عراقيين وهاييتيين واخبرتهم المنظمة ايضا عندما تنتهي المدة ويتركون البيت سينتقلون الى مجمعات سكنية في نوعين انت تختار الي تريديها الاولى مجمعات فيها عرب وامريكان وهذه ايجار الغرفتين والصالة يبلغ 650 دولار وفي مجمعات فيها عراقيين فقط كذلك غرفتين وصالة بمبلغ 550 دولار  اتمنى ان اكون وفقت في شرح التفاصيل لك وبالخدمة

[احمد السلطاني]

اختي الكريمة ردا على باقي استفساراتك ساجيبك
بشان الكفيل مالة اي علاقة يضربكم بوري لان هو من يوم الي اخذوا عنوانة منكم بالهجرة واتصلت المنظمة بجورجيا بي وكالتلة يجهز نفسة ويلكالكم السكن وهمة مناك يرتبون وياة كلشي يعني مستحيل يسفروكم وهو ضاربكم بوري والكفيل مالة اي علاقة بيكم لان هو معنوي يعني بس يلكالكم المكان ويستقبلكم بالمطار ويساعدكم في بعض الامور باعتبارة اقدم منكم ولديه لغة ومعرفة سابقة
اما سؤالج الثاني عن الاشباح فهذا فبلم هندي يمعودة يا اشباح هاي يا بطيخ هذا حجي افلام وتقارير وبس وشفايتلج تلزميلج شبح دخلى على موقع المزاد النيزلندي وشوفي مراح تصدكين مو شقة صدك دا احجي البارحة وحدة بنيوزليندا لازمة شبحين وحابستهم بشيشة كزاز وعارضتهم بالمزاد وبايعتهم بمبلغ 8000 دولار نيزلندي

[noor usa]

اشكركم اخواني الاعزاء على المعلومات القيمة الي افادتني هواية والله تعبتكم وياية
وثاني شي مدام هيج الاشباح غالية راح اخذ وياية فد شكم درزن منا وابعهم اهناك هههههههههههههه
مشكورييييييييييييييييييييين

[جورجيا]

اشكر الاخ احمد السلطاني على هاي المعلومات القيمه جدا
نور عيني بلنسبه للكفيل تره مضمون ولتخافين ميضربج بوري عيني
واستغلي هاي الفتره في تقويه لغتج الانكليزيه احسن مه ا تونونين على الكفيل
جورجيا

[** يدكو **]

والله اخي السلطاني ضحكتني ضحكة بحياتي ماضاحكها هههههههههههههههه اختي يااشباح يابطيخ كلشي ماكو توكلي وعيشي بسلام

                        بالتوفيق

[جورجيا]

اشباح سفانا ولا اشباح المولدات والحر والمفخخات واللاصقات والعبوات والانتخابات والصبات وال................................................ الي ميخلصن

جورجيا

[ســـرى]

رفع