ارجو المساعده حاله غريبه (بغداد)

[saif3x]

قدمة  على اي او ام  امي وانا واخي وسوينه مقابلة اولا وبعدين فحص طبي وبعدين دزولنه رسالة علمود المقابله الثانية ويا هيئة المحلفين وتفاجئنه من قبل الموظف ويكولنه انو بس وافقو على امي اما انا واخي لم يوافقو علينه بحجة تعدينه 21 سنة بس الموظف كال انو حنه دنعالج هاي المسأله بعمان شنو القصة اني مدا افتهم احس اكو لعبة بالموضوع ليش هي المنظمة ما عرفت هاي المسأله اله هسه 

[storm2000]

لا تتعجب من IOM  كولشي ايصير , ولا قصص الف ليلة وليلة
هذا شي اعتيادي . لا يظل ابالك

[سكوفيلد]

اخي العزيز

نفس الحالة صارت ويه اقاربي قبل يومين

همه اول شي دزولهم ايميل يكولون انتو حددولكم موعد مقابلة اولى وبعد فترة نتصل بيكم حتى نبلغكم بليوم والساعه والمكان
وثاني يوم دزولهم مسج يكولولهم انه بناتج عبرو ال 21 سنه وماعدهم حق بلبرنامج مالتنا
مع العلم انه هم صارلهم 7 اشهر عدهم اي زي نمبر وجانو قابليين بكل افراد العائله بلبدايه

[عكعك التطوى]

اخي هذوله  تعبانين لايضل بالك هذوله شامرين على غير شغله لان حتى الي فوك 21
متزوج او ممتزوج مشمول بالتقديم فقط الابناء الغير متزوجين والبنات الغير متزوجات من ابناء
الاجنبي الذي يحمل الجنسيه الامريكيه

[أبو الفوارس]

كلام عكعك صحيح بس المفروض مو يرفضوهم المفروض يعزلوهم بفايلات كل واحد بوحده

[المهندس سيوفي]

ترة صدك غريبة عجيبة !!!!  شنو عبروا ال 21 سنة ميصير ---- وين المشكلة بس اريد افتهم ؟؟؟ يعني من صدك دخت

[Linda1]

 اخي صاحب الموضوع,

 ماكو هيجي شي بالتعليمات مال الاي او ام , حتى لو فوك ال21 اعمارهم همينه مشمولين بالتقديم على اللجوء, اني اقترح انه تراسلهم وادزلهم الكلام الي مكتوب بالموقع مال السفارة الي مكتوب بيه تعليمات منوا اله الحق بالتقديم على لجوء وتتحاججهم بهالشي ...يعني ديناقضون نفسهم التعليمات هم حاطيها بموقع السفارة على اي اساس يكولون شي عكس ما اهم ذاكرين بموقعهم...واسألهم اذا هاي تعليمات جديدة لو شنو ؟واذا كانت تعليمات جديدة ليش ممذكورة بالانترنت على موقعهم بشروط التقديم؟..

اتمنالك التوفيق
Linda

[swah]

 اخوي صاحب الموضوع انت شنو علاقتك بالمتقدم للهجرة هل انت اخوه او اقاربة يعني اذا هو خالك وانت عمرك فوك ال 21 ما تكدر تروح بس اذا اخوك يكدر يسحب جميع اخوتة حتى لو عمرةكان 100

تقبل مروري اخوك سواح

[saif3x]

شكرا على ردودكم وتعبتكم ويايه صدوك تعبانين صايري مثل الدوائر العراقية كل يوم مطلعينه شغله جديده وحد يشمرك على ثاني وشكرا اخت ليندا على المعلومات بس اريد منج خدمه موقع الي بيه هاي المعلومات

شكرا الى اخ سواح على هاي المعلومة وصدك المقدم الطلب هو خالي بس سؤال يطرح نفسه هم ليش سولنه مقابله اولا وقعنه على اوراق وسوينه فحص طبي وحددولنه مقابلة ثانية واكدولنه من عمان على الحضور نحن الثلاثه وبعدين لمن رحنه كال الموظف انو بس امي اتقابل طبعا احنه كل واحد عنده كيس نبر بس الطلب الرئيسي باسم امي وحنه وياه واعرف صديق الي هو وامه وابو واخته  همين قدمو على اي او ام وعابر 21 سنة واصلن ما عدهم احد اهناك بس هم بعمان جانو وغيرهم وغيرهم شنو القصة مادري
واشكر كل واحد رد عليه
   

[swah]

اخوية سيف صاحب القضية يكدر يسحب جميع اخوتة واخواتة وازواجهم وبكل الاعمار اما بالنسبة اطفال اخوتة او خواتة ما مسموحلة فوق ال 21 سنة هذا حسب قانون الاي او ام والعائلة الي حجيت عليه انهم راحو جميعم يمكن كان ابوهم هو صاحب القضية لان الاب يكدر ياخذ وياه جميع اولادة وبناتة وبكل الاعمار وبالاظافة الى زوجتة طبعا
اخوية سيف انتو من سويتو فحص شكد جان عمركم تحت ال 21 سنة لو اقل
اذا اكثر ليش هيج تعبوكم والله ذولة مخربطين والله يكون بعونكم

اخوك سواح

[saif3x]

اخوية العزيز سواح صح خالي قدم الطلب ويعتبر هو كفيل مالتنه بس صاحب القضية هي امي وماعتقد اكو فرق بين أم وأب ثاني شي الاب جان وياهم مو ب امريكة واصلن من قدمنه الطلب كنه عابرين 21 سنة صدك تعبونه روح وتعال وسرف فلوس وحرگ عصاب والله كريم ونتظر الفرج