وحده ضايجه من زوجها شوفوا شنو كالتله .... خطيره

[رهام القوشيه]

اصيرن شمعة وضويلك


بعد شتريد اسويلك


ابوك أبشوش* واشويلك

نسيت شچنت اطبخلك وشچنت آنة احشيلك

آنة اللي چنت البخلك ومن كل الالوان اخليلك


وبالصالون اذب آلاف حتى بتسريحة حلوة اجيلك



اثاري الطبخ واللبخ ميفيد شسويلك بعد يمعود دخيلك


ابن الاوادم نسيت شچنت اسويلك
من جنت تعطش وينكطع بوري الماي اگل لعيوني تبچيلك



واشربك من دموع العين ماي عذب يصفيلك
وك نسيت شچنت اسويلك
من چنت تتگلب وماتنام الليل آني اسهر وألوليلك*
والظهرية من تطفي الكهرباء أني اعرگ واهفيلك*
واذا بليلة مسج دزيت
ألم فلوس الكارت واعبيلك
ومن چنت تزعل علي جيش مشاية اوديلك
نسيت شجنت اسويلك
من اجيتني بطرگ دكان تبيع بي مصاصك ومساقيلك*
گلت رجلي وراعي بيتي
واجب علي لو ين**ر ظهري اشيلك


وحتى افتحلك محل بي خير ابيع بذهبي وابنيلك
وما كفت فلوس الذهب رحت تداينت وما جيت بيوم اشكيلك
وتسالني شجنت اسويلك !!!!!
ومن صارت عندك فليسات
صرت آني وجهالي كلشي مانعنيلك


ومن اطلع اشتري خضورات تغافلني وتروح تلعب بذيلك


رصيدك خلص من المسجات يوم سمسم يوم نمنم تقشمرهن بمراسيلك
وبكل ليلة تجي سكران وريحة نسائية تعط من مناديلك



واليوم....اجيت إلي ندمان تطلب سماحي وتتوسل اجيلك


تقشمرني بكلمة احبچ
من حبتك حية بعد ما يعبر علي فيلك*


شحسبالك احنة بالم**يك؟
لو انتة بمدبلج وتتفنن بتمثيلك


ما ارجع الك لو حتى تبني قصور روح بعيد انتة وكفشتك* وتواسيلك
تگلي بحقچ چنت آنه غلطان
من گبر اللي لفك ووجعة التشيلك
وانشالله التاج محل رحلتي تكون
وانت لأبو غريب يصير ترحيلك
وحق ذهباتي البعتهن
مول لفتح يم محلك واشرد كل معاميلك
وحق شيباتي اللي من القهر طلعن
لاصير اصالة بت نصري واغنيلك
اسفة شوفلك غيري تكنسلك وتطبخلك وتكويلك
وتسويلك ولو ذرة من الچنت آنة اسويلك



منقوول

[haigo]

واليوم....اجيت إلي ندمان تطلب سماحي وتتوسل اجيلك


تقشمرني بكلمة احبچ
من حبتك حية بعد ما يعبر علي فيلك*


شحسبالك احنة بالم**يك؟
لو انتة بمدبلج وتتفنن بتمثيلك

ههههههههههه ريهبه عاشت الايادي يا حلوه

تحيتي

[عبير رومانس]

ههههههههههههههههههههههههههههههه
يسلموووو كلش حلوة
تحياتي عبير رومانس

[ريكاني]

عاشت الايادي ع الموضوع

[shakar]

وحق شيباتي اللي من القهر طلعن
لاصير اصالة بت نصري واغنيلك
اسفة شوفلك غيري تكنسلك وتطبخلك وتكويلك
وتسويلك ولو ذرة من الچنت آنة اسويلك
ههههههه قوية يسلمووو والله

[رهام القوشيه]

انشاءالله دوم هل الضحك بيكم...منووووووووووووووووورين 

[hananamir]

عاشت الايادي ياوردة

تحياتي

[رهام القوشيه]

منوره احلى ورده

[جواهر بغداد]

هههههه خلي لبخ انا
رهوم حبي هاي سمعيها للجماعه مستقبلا لوووول

يسلمووو عمري