غدا اول مقابلة في اليو ان لي ارجو المساعدة بسرعة لان النت راح يفصل

[اسامة الهاشمي]

غدا هو يوم مقابلتي الاولى في اليو ان ارجو افادتي بالمعلومات الازمة والاسئلة التي سوف اسئل بها وهل اطفالي وزوجتي مشمولين علما اطفالي اعمارهم 4 سنوات ونصف و 2 ونصف  والقئمة التي اعطوني اياها هل اكتبها اليوم ام انتضر هم يملؤها غدا اثناء المقابلة ارجو الرد بسرعة لان الانترنيت سوف يفصل عندي في اقل من ربع اعة اسف على الازعاج













احلـــــــــــــــــــــى منتــــــــــــــــــــــــدى

[ĈAŃDŶ]

اخويه ميريدون منك معلومات بس بسيطه وسبب خروجك من العراق والجهال مالهم علاقه بس يسالون صاحب القصه

[اسامة الهاشمي]

يسلمووووووووووووووووووووووو mms



بارك الله بيج يا غالية

[بغداد بقلبي]

اخويه الغالي

ايريدون منك طبعا الجوازات لازم اتكون موجوده معك والتقاري الطبيه اذا كنت مريض طبعا واذا عندك اثباتات تثبت تعرضك لتهديد او خطف اي اشيء خطر على حياتك وايطلبون منك سبب خروجك من العراق وايسالوك لمن ترجع شنو تعتقد راح اتواجه وتريخ دخولك طبعا لازم تحفظه والتواريخ الي  اتعرضت فيها للتهديد او المضايقات او الاشياء الي بسببها حسيت بانه حياتك بخطر فسافرت وطلبت اللجوء والله ولي التوفيق بس ميصير هيج تحصر نفسك وتحصرنا وياك المفروض اول ما اتسج لاو قبلها تسالنا علمود انفيدك وانعلمك انته بالاردن مو 
اني عرفت من ال يسلموووو

[angie-dawood]

مثل ما كالوا الاخوة المقابلة الاولى هي بس كتابة المعلومات عنكم وكل الي ذكره الاخ بغداد بقلبي وانشاءلله ربي يسهلها عليكم بكل المقابلات ويتم القبول ربي يوفقكم

[المسافرة]

اخي الاخوان نصحوك امور جميعها مفيدة لكن الشيء المهم جدا ان هذه المقابلة هي التي تحدد حياتك كلها لانه اذا كانت قصتك منطقية ومقنعة فهذا يعني بعد فترة ان شاء الله يتحول ملفك الى التوطين فانتبه لكل شيء تذكره عند تعبئة الاوراق وخاصة التواريخ التي تذكرها لهم اكتبها في اجندة واحتفظ بها في البيت حتى لاتنساها لانها مهمة جدا فيما بعد في التوطين بالتوفيق ان شاء الله

[aak_aak94]

السلام عليكم
طبعا الاخوان ما قصروا عنك بالمعلومات بس اخذ كلشي نسخه مصوره واخذ نسخه من عقد الزواج  والاصلي وراح يسألوك عن مواليد كل اهلك من الاب والام والاخوه والاخوات وكذلك زوجتك راح يسألوها عن مواليد ابوها وامها واخوانها واخواتها ةاذا عندك دفتر خدمه اخذه وياك واخذ نسخه مصوره وياك هاي اذا حبيت تحجي عن الخدمه العسكره مالتك لانه راح يسألك عنها وراح يأكد المحلف بالمقابله الثانيه كلش هواي على الخدمه العسكريه مالتك ولتنسى تكتب كل تأريخ اذكره خلي وياك ورقه وقلم واي تاريخ تنطيه سجله يمك وبالمناسبه ميحجون شي اذا انت اسجل التواريخ اللي تذكرهن بهاي المقابله
والله يسهل عليك ولتخاف هاي مقابله سهله

[عمر عراقي]

اخويه اسامة اول شي اتمنى لك التوفيق بالمقابلة .
ويمكن اني وصلت متأخر بس ميخالف اذا دخلت بلكي تستفاد من مشاركتي
حبيبي اهم شي ترتب قصتك بصورة منظمة وغير عشوائية
واحفظها جيدا واحفظ التواريخ ولاتتشعب بالقصة ولا تجيب صديق وجيران وكرايب
الا اذا كان يمس صلب الموضوع واخذ كل الاوراق والمستمسكات الي تدعم القصة
واني اخوك حتى لو مشفت مشاركتي قبل المقابلة راح ادعيلك والله يسهلها عليك
واهم شي لتخاف ان شاءالله سهلة بس من تكمل المقابلة اكتبلنه شصار وياك
والله يوفقك اخي وترتاح من التعب والاذية

[اسامة الهاشمي]

السلام عليكم اخواني واخواتي الغالين رحمة الله والديكم عبى هذا الدعاء وبارك الله بيكم يا غالين ..

وماقصرتو والله طبعا رحت للمقابلة وللعلم هيه مقابلة يو ان يعني علمود ورقة الحماية والحمد لله الي قابلتنه بنية سورية حبابة واني كان رقمي 18 همه ساعة يصيحون بيه اني عبالي رقمي 19 لان جنت ملتهي اكتب بالورقة قصتي المهم خطية هيه هم طلعت بره ادور عليه بعدين يله اذكرت ههههههههههههه اني .. وعندي بنتي الزغيرة كلش وكحة عمرهه 2 سنة رادت اتموت البنة ام المقابلة لان اثناء ما كاعد تسألنة وبنت كالت اليه بابا ( اي لاف يو ) وام المقابلة كانت تشرب يمكن لو جاي لو كهوة خصت من بره الضحك وختنكت وجان ماتت اله شوية لو ما الله ستر المهم كامت لمدة عشر دقايق غسلت وعدلت المكياج من جديد ورجعت بس خطية عيونهه حمرررررررررررر . وللعلم المقابلة اتصور صاير بيهه تغيير لان الاسئلة كلش هواي ويمكن طولت ويانه ساعة وربع تقريبا وضلت اتكرر وتعيد بالاسئلة وتتاكد من جديد لانه احنة شوية قصتنه يمكن صعبه على العموم ما اعرف هيج ايصير ويه الكل او لا وحتى ويه الاطفال حجت بس شوية للعلم بناتي حافضات القصة اكثر مني مع انه عمرهن 2 واربع سنوات ونص ... وربي ايسهل على الكل ان شاء الله والكل اتسافر يا رب واني اول واحد ههههههههههههههههه ..


اذروني لان ما كاعد اطب للموقع هواي لان نت ما عندي بالبيت وهنا شو نهيبه النت .











احلـــــــــــــــــــــــــــى منـتــــــــــــــــــــــــــدى