ظهور الموافقه الامنيه والسفر للشهر 2 4 5 \ سوريا

[MAGGIC]

الاخوان الاعضاء

حبيت اكتب موضوع عن الموافقات الامنيه للي مقابلين في الشهر 2 والرابع والخامس سوريا صحيح جماعه الشهر الخامس اليوم استلمو موافقه المحلفين لكن الضاهر باذن الله الموافقات الامنيه سريعه الوصول
بعض المقابلين في الشهر الثاني اكملو الدورة التثقيفيه وتم تحديد موعد سفر لهم

وكذلك بعض المقابلين في الشهر الرابع وبالذات 27 \ 4 يحضرون الدورة التثقيفيه من بدايه هذا الاسبوع وتم تحديد موعد سفرهم علما ان احدهم اليوم استلم نتيجه المحلفين واليوم هو اليوم الثاني له في حظور الدورة التثقيفيه

المهم هنا اغلب الي راح يسافرون هم الى ولايه سياتل وكلفورنا وميشغن

اتمنى من الله ان يسهل امرنا وامر اخوانا الاعضاء جميعا في السفر القريب وصدور الموافقه الامنيه باذن الله تعالى

تحياتي

[أبو الفوارس]

عاشت ايدك أخي ماجك على هالاخبار الحلوة وان شالله اخبار تفرحنا يوم وصولكم

[MAGGIC]

شكرا اخي العزيز أبو الفوارس

وان شاء الله الاخبار الحلوة متغيب عن العراقيين وان شاء الله دوم يسمعون اخبار حلوة

والسفر القريب الكم والنا وللجميع

تحياتي

[MAGGIC]

اخواني الاعزاء

كل من استلم موافقه المحلفين خلي يحسب من اسبوعين الى ثلاثه وتحدد له الولايه

ان شاء الله بالموفقيه للكل والسفر القريب باذن الله تعالى

تحياتي

[MAGGIC]

للرفع

[ابو عمرو]

للرفع

ان شاء الله الموفقيه للجميع

[angie-dawood]

انشاءلله وبعونه تعالى ربي بفتحها بوجهكم كلكم وتسافرون وتستقرون وترتاحون من هم الانتظار والمقابلات ربي يوفقك الجميع مشكور اخي ماجك ربي يسهل امرك وتخلص من هم الانتظار

[mosul87]

مرحبااااااااااااااااا
اني يوم 27/5 الصبح  خابروني ع الفحص الطبي
و بعد ساعة  من تلفون الفحص الطبي
 اتصلو بي منظمة الهجرة
و قالولي انو ملفك مقبول مبدئيا
يعني كلها اجت بيوم واحد
و مقابلة الوفد 12/5

هسة بعدالفحص اش راح يصير ...

تمنياتي للجميع بالموفقية .......


   اخوكم المصلاوي

[MAGGIC]

شكرا اخي العزيز ابو عمرو والموفقيه الك باذن الله


تحياتي الك

[MAGGIC]

اختي العزيزة AnGie

الله يبارك بيك وتسلمين لكلماتك الطيبه الصادقه والموفقيه للكل ان شاء الله والكل يسافر ويستقر باسرع وقت باذن الله

تحياتي الك

[MAGGIC]

اخي العزيز mosul87

الف مبروك وبالموفقيه الك وان شاء الله السفر القريب الك والي وللكل باذن الله

وراك تنتظر الامنيه وصولها الدورة التثقيقيه والسفر بس هذا الي وراك والله كريم


تحياتي

[MAGGIC]

اخوان جماعه الشهر الرابع بالذات والخامس

اتاكدو من كفلائكم لان تم الاتصال بعدد من الكفلاء بعدة ولايات

ان شاء الله السفر القريب للكل باذن الله

تحياتي

[عكعك التطوى]

يابه انته شخبارك ؟ واخبار ابو نور ؟

اتمنالك التوفيق ان شاء الله

تحياتي اخي العزيز

[ابو اسينات]

السلام عليكم

شكرا اخي ماجك على هذا الموضوع الحلو  واني انضميت وياكم بانتضار الموافقة الامنية وذلك بعد استلامي النتيجة البارحة (مقبول مبدئيا) علما اني مقابل بتاريخ 2/6/2010

اخوان عندي فد سؤال حول هذا الموضوع

اني اريد ادز عائلتي لبغداد لكمال بعض الامور المهمة والعودة باسرع وقت طبعا اني ما اكدر اروح لان تاثر علية لان الملف باسمي فاريد اسال الاخوة الي عدهم خبرة بهذا الموضوع هل سفرة العائلة متاثر على موضوع سفرنة الى امريكة
والشي الثاني اشكد تتوقعون المدة حتى يححدولي الدورة التثقيفية الي يطلبون وجود العائلة وهل يتاكدون من الجوازات عند تسليم الفيزا موضوع دخولهم للعراق

لان اني اريد ادزهم بتاريخ 25/7/2010 ويبقون عشرة ايامولكم مني جزيل الشكر اخوكم ابو اسينات

[MAGGIC]

اخوي الغالي عكعك التطوى

والله نورت الموضوع بمشاركتك بالي يمك شصار من شغلتك

بالنسبه الي انتظر الامنيه والدورة التثقيفيه اما ابو نور الولد ملتهي جدا وميتصل الا بالسنه حسنه وبرساله الله يساعدة صارت عندة ظروف والله سهلها عليه وهو شويه ماعندة مجال لان يشتغل

ان شاء الله تكون بخير وتبشرني شنو صار من شغلتك

ينراد طلي انذبحه الك وندز الجلد لعبسي اذا يريد 

تحياتي الك وشكرا لمرورك

[MAGGIC]

اخي العزيز  ابو اسينات
وعليكم السلام ورحمه الله وبركاته
الف مبروك الموافقه وانا مبارك الك الموافقه قبل لتطلع بموضوع كتبت الك بي قبل فترة وان شاء الله السفر القريب الك والنا ولكل المنتظرين باذن الله

بالنسبه لسؤالك

الصراحه هاي المواضيع مال رجعه بغداد مثل حض ونصيب اما تصيب واما تخيب والله اعلم بس انا اعرف ناس اصدقاء راحو او رجعو وهمه راحو قبل مقابله الوفد وهسه كملو دورة باقي على موعد طيران واكو ناس راحت وصارت الها مشكله انا انطيتك الي اعرفه والباقي عليك بس لاتنسى شلون تكدرون ترجعون لسوريا اذا رحتو للعراق وهذة الايام اكو تشدد بالمغادرة ومدينطون عودة الا بفيزا رتب امورك وشوف اول شي سلون يرحون ويجون لاتتورط ويكون السفر قريب

ثاني شي الدورة تعتمد اذا عندك كفيل فراح تكون سريعه اي باقرب وقت ان شاء الله او همه اكيد 100% ياخذون الجوازات للفيزا وهنا المشكله اما يعبروها او يتنوحسون على الروحه والله يسهل

اتمنالك الموفقيه والسفر القريب الك والنا ولكل اخوانا المنتظرين

تحياتي

[ابو اسينات]

السلام عليكم

اشكرك اخي ماجك على توضيحك ونصيحتك

اما بخصوص الخروج والعودة اني وعائلتي عدنة اقامة سنوية ام الكارت ما اضن اكو مشكلة على الخروج والعودة بس اني خايف من يسافرون يدزون علينة ع الدورة ذاك الوكت شكللهم

بس على موضوع الفيز اني الي اعرفة انه الفيزا تكون على ورقة صفراء مو ع الجواز واني ما  اعرف اجرائاتهة اذا اكو واحد يشرحنة اياها بالتفصيل اكون ممنون الة وياريت اتكون التوضيحات من اخونة عكعك المو تطوى مع تحياتي

[MAGGIC]

الاخ العزيز ابو اسينات

انا ماقلت الفيزا على الجواز لان انا شايف الفيزا مو على الجواز بس ال اي او ام ياخذون الجوازات بالدورة انا ادري بهذا الموضوع وشايف الفيزا
والله كريم ربي يسهلها عليك وعلينا وعلى الكل

تحياتي

[MAGGIC]

بشرا سارة لاخوانا الي مقابلين بالشهر الخامس

بعض الاخوان اتصلو بكفلائهم وان شاء الله السفر للكل وباقرب وقت باذن الله



تحياتي

[عراقي بسوريا]

للرفع

[alisalam2010]

السلام عليكم اخواني انا من لبنان قابلت الوفد 5-5 واستلمت موافقة مبدئية 4-6 ودورة تثقيفية وفحص طبي وخابرتهم كالوا الامنية خلصت بقت اجراءات ادارية وترتيبات السفر واي او ام وتحديد موعد السفر ما ادري شكد راح اتطول هاي اللي بقت علما انة مرتي حامل وموعد الولادة منتصف الشهر ال11 يعني لو الحك اسافر قبل منتصف العاشر لو اتأخر علسنة الجديدة

[MAGGIC]

اخي العزيز  alisalam2010

الف مبروك وان شاء الله السفر القريب الك والنا ولكل اخوانا الي نتظرون وان شاء الله تسافر خلال كم يوم فالف مبروك وتستاهل كل خير


تحياتي الك

[MAGGIC]

الاخوان الاعضاء

بالنسبه للكفيل انا كاتب في هذا الموضوع بس ممحدد التواريخ

اليوم راح احدد تواريخ للاستفادة

شخص استلم الموافقه يوم 2\5 واتصلو بكفيله بنفس اليوم مع توقيع الاوراق

شخص استلم الموافقه يوم 2\5 واتصلو بكفيله قبل استلام الموافقه والان تم تحديد سفر له يوم 18 7

شخص اتستلم النتيجه يوم 18\4 واتصلو بكفيله بعد اسبوع ولحد الان ينتظر السفر مع العلم انه مكمل الدورة التثقيفيه

شخص استلم موافقه يوم 2\5 واتصلو بكفيله بعد اسبوع  ولم ييوقع الاوراق بعد

هذا شرح تفصيلي لكن عندما كتبت في بدايه الموضوع كتبت فقط اتصلو بالكفيل دون تحديد الوقت وطلبت منكم الاتصال بالكفيل للتاكد

اما بالنسبه للسفر فهذا شي على الحظ يعتمد على حجز الطيارة وكل واحد وحظه

تمنياتي للكل السفر القريب الكم والنا والاستقرار

تحياتي

[نور الحديثي]

اخوية MAGGIC
اخوية عكعك
والله ممنون الكم كل الممنونية على سؤالكم عني وانشاء الله الله يسهللكم ويفرج عنكم باسرع وقت ونتلاقى بامريكا كلنا انشاء الله ولو اني واخوية MAGGIC متلاكين هنا بسوريا بس هناك غير شكل مو صحيح هههههههههههههههها
اخوكم ابو نور

[MAGGIC]

عيني ابو نور

نورت الموضوع اي هح شارك وينك اشو شارد على كيفك ويانا هههههههههه

تحياتي الك