هية لو بغداد تحجي جان حجتلك شلون عشنا بيها بلفترة الاخيرة ..... بالنسبة الي العراق يبقى بدمي بس العيشة بي صارت شب مستحيلة و ما اريد ادخل بتفاصيل لان يراد عشرين منتدى بكد عينكاوة و ما يكفي الحجي الي نحجي و بصراحة اني ما راح ابني طابوكة بهذا البلد لان اكول على شنو :
حرية ماكو , ديمقراطية ماكو , تعليم ماكو , خدمات ماكو , امان ماكو , امـــــــــل ماكو ,
هسةنجي على الاكو :
موت اكو , فساد اكو , مليشيات اكو , مرض اكو , ارهاب اكو , علس هم اكو , خطف اكو , جوع اكو , الخ الخ الخ ....... رحمة على والديك اني ابني اذا كبر وين ينطي وجهة يمعود و الله العظيم حابسهم بالبيت اخاف عليهم حت صارت طلعة لباب حسرة عليهم مو بسبب عملي , لا و الله بس اخاف من ابن الحرام الي يجي على الجاهز لو يفجر لو يخطف لو يقتل و اني اطفالي همة نور عيوني الي اشوف بي و الله اذكر ابني الجبير تمرض بيوم من الايام سنة 2007 رحت للمستشفى (....... ) سدو باب المستشفى و كامو يعدمون بيها على الهوية ,,,, وما اريد احجي بعد اكثر فكر زين عيني و ما يجبرك علىالمر غير امر منا
