ارجو المساعدة من اهل الخبرة لاني حاير بزماني

[qp010]

السلام عليكم على هالمنتدى الراقي بصراحة هذه اول مرة اشارك فيها في شي اسمه منتدى و بارك الله بالي سوة هالشي و بكل الاعضاء و المشرفين الخ ...
أخوان من زمان و انا افكر بالخروج من العراق مثلي مثل اي عراقي كنت اسمع انو طلع برة العراق من وكت صدام حسين لكن ما كنت اعرف شنو الطريقة ... المهم بعد الحرب الأخيرة و بعد حدوث بعض الحوادث لنا و لوجود عمي في قطر كدرنا نحصل على شغل في قطر و هذه كانت اول مرة اني اشوف بيها الحدود العراقية كانت في 2006 على ما اذكر المهم في قطر ما نسمع عن اخبار العراقيين و شجاي يسوون فالوقت يمر و الظاهر الامور يوم على يوم جاي تتصعب قبل شهر من اليوم قدمت على فيزا شنغن على السفارة الألمانية و طلعت فيزا شنغن و سافرت لخمس دول اوربية كسياحة و ايضا رحت الى فنلندا لوجود اقارب لي هناك كلت بلكي يطلعولي فيزة عمل المشكلة كانت مو بفيزة العمل لكن بالشغل فالشغل بفنلندا ناااااادر و اذا كان هناك شغل فيشغلون الفنلندي او على الاقل الي يعرف لغة المهم لكن خلال تجوالي عرفت ان اللجوء صعب فتشتت افكاري كلش بين الاقامة في قطر و شغلي المتواضع في قطر الي ما يبني ولا طابوكة مستقبل ,, و بين الحياة الكريمة و الاحترام المتبادل الي شفته في بلدان اوربا كلش انعجبت بهاي البلدان و العيشة فيها رغم انو اني اعرف العيشة ما تنوخذ بالساهل يعني لازم الواحد يشتغل لكن الحياة كريمة و الي خلى افكاري تتشتت اكثر هو بين طلب اللجوء و بين الدراسة و بين الشغل و بين مصاريف الدراسة و غيرها غيرها يعني كمت افكر باي وسيلة توصلني بهاي البلدان يكون لي وضع قانوني يسمحلي بالبقاء بالبلد و يمهد للإقامة الدائمة فالجنسية ... و خطرت في بالي افكار عن كندا و اميركا و استراليا و نيوزلندا حتى فكرت اروح لآيسلند كلت هناك محد يوصل بلكي ينطوني لجوء كالولي ايسلندا بالازمة المالية فلست و بعدين كمت اسمع عن طلب الجوء في سوريا و لازم اسويلي قصة و اثباتات و صارلي اني اسبوع اتصفح بهالمنتدى و اشوف اخبار العراقين المهم طولت عليكم كلش و اسف جدا هسة اني اريدكم تفيدوني بالتالي و اكون شاكر جزيل الشكر                                             اول شي اكو دولة هسة مضمون اللجوء بيها يعني الواحد اذا وصل الها يضمن ينطوه لجوء لو اخاف اني اضحي بوظيفتي بقطر و اقامتي و اسافر و مصاريف تالي ورة جم شهر يسفروني للعراق فالي عنده معلومات عن اي بلد تنطي لجوء لللعراقين  و الشي الثاني اذا افكر مثلا بدراسة مثلا ماجستير قانون او مثلا دراسة مهنية مثلا اتعلم حرفة مثل حلاقة مثلا او تصليح سيارات او اي دراسة مهنية اخرى فيا بلد تنصحوني و هل اكدر ابقى بذاك البلد بعد اتمام الدراسة يعني هل العمل مضمون و بعدين طلب اللجوء باليو ان هل اقدر ان اطلب اعادة التوطين من اليو ان الي بسوريا او بالاردن مع استمراري بالعيش في قطر و ايضا اخواني الي عنده اي افكار ارجو ان لا يبخل عليا و ان اعرف متقصرون و اخيرا يارب يوفق كل العراقيين و يحفضهم الي بالداخل و الي بالخارج مع خالص احترامي

[** يدكو **]

اخي مرحبا بك الدول الحالية الي تنطي اللاجوء للعراقيين وداحجي بالنسبة الى لبنان هي امريكا واستراليا وهولندة والسويد كانت تنطي بس توقفت وسويسرا بس قليل كلش

 وان شاء الله الاخوة بالمنتدى مراح يقصرون وياك بالمعلومات

              بالتوفيق وتقبل مروري اخي الكريم

[angie-dawood]

اخي تكدر تقدم على لجوء من الامارات اكو بيها دائرة الهجرة وتقدم على ال UN قدم واستمر بعملك على ما تحصل لجوء ومن تحصل لجوء راح تاخذ كل حقوق كاي لاجئ واذا تريد انطيك تلفون وعنوان وايميل ال un بالامارات ؟


بس شغلة وحده ما متاكدة منها الامارات وقطر مااعرف اثنينهم بالسعودية لو كل واحد منهم بغير دولة هاي ما متاكدة منها لانه ناسيه بصراحة

[qp010]

بصراحة اشكر سرعة التفاعل منك اخي و من اي شخص رح يفيدني لكن مفتهمت شنو قصدك بلبنان ؟؟؟ يعني اروح اقدم لجوء من لبنان و بس اخي الكريم اذا قدمت بلبنان مثلا على لجوء او الامارات مثلا هل يستلزم الامر ان اقيم في بلد الي طلبت منه اللجوء لو عادي اقدم لجوء و ارجع لشغلي بقطر ؟

[qp010]

اختي انجي ما اعرف شنو تقصدين بالضبط عن قطر و الامارات و السعودية لكن اذا جان قصدج الناحية الجغرافية فقطر دولة مستقلة و الامارات دولة مستقلة و السعودية طبعا دولة مستقلة و ثلاثتهم متجاورات لكن ماكو حدود مشتركة بين قطر و الامارات يعني انا عايش في دولة و اليو ان موجودة في الامارات و هي دولة ثانية فهل هذا ممكن ان اسافر الى الامارات و اقدم على لجوء بجوازي الي يحمل الاقامة القطرية و فيزة شنغن يعني مراح يكولون انت راح جاي لاوربا و مقيم بقطر شنو وجه اللجوء الي طالبه .

[angie-dawood]

اخي العزيز ليش اني كلت ما متاكدة من هاي الدول المهم معليك بالي كتبته  اذا كان تكدر تدخل الامارات اكو هناك دائرة الهجرة وتكدر تقدم على UN انه اكو عراقيين بالامارات مقدمين على UN واذا ما تكدر لازم تروح تستقر باحد الدول الجوار مثل سوريا لو اردن لو لبنان وتقدم هناك وتنتظر المقابلات وبالنسبة لدخولك للامارات بجوازك القطري مااعرف اخي لازم تسال انت من يمك من تريد تحجز تذكرة السفر اسالهم يصير لو لا

[** يدكو **]

اخي مرحبا بك مرة اخرة اني الي داقصده هنا بلبنان الدول الي مفتوح اللاجوء الها وداتاخذ عراقيين كاللاجئيين هي استراليا وامريكا وهولنده بس قليل وقليل الى سويسرا  وعفو نسيت كندا هذا جان قصدي  

[qp010]

اشكركم جزيل الشكر و ما قصرتوا و بالمناسبة انا ما عندي جواز قطري و انما اقامة عمل .. الدخول للامارات صعبة جداً حتى و انا مقيم بدول الخليج و اقصد صعبة يعني بس على العراقيين ........... ايه اني لو عندي جواز قطري على شنو اطلب لجوء ... اشكرج رفعتي المعنويات شوية ... المهم و الله اشكركم جدا و رح افكر بكل هالامور لكن عندي استفسار و رح اطرحة بموضوع منفصل لكن اسال هنا بلكي عدكم جواب ... اخواني اذا مثلا حبيت اشتري شقة فهل هناك دولة اوربية او غربية تنطي اقامة او فد وضع قانوني يسمحلي استقر بهذا البلد اذا اشتريت بيه عقار شقة على سبيل المثال و شنو قصة هجرة رجال الاعمال الى كندا سمعت انو الواحد يكدر يهاجر الى كندا هجرة رسمية اذا كان عنده مو اقل من 120 الف دولار كندي و يريد يستثمرها بكندا و سمعت انو مجرد ما تخلي 120 الف دولار كندي بالبنوك الكندية مدة سنتين ينطون عليها اقامة عمل او مو متاكد يمكن اقامة عادية .