الأخوة منتظري قدوم المحلفين لعمان iom

[طائر البرق]

حبيت أستفسر من الأخوة المقدمين على اللجوء من عمان ومقابلين المقابلتين الأولى والثانية بالـ iom بعمان ومنتظرين وصول المحلفين

أكو أخبار جديدة عن وصولهم إلى عمان ؟؟؟ لأنه بس باقين على مقابلة المحلفين ؟

نحن بالأنتظار والله كريم وياريت ألي يعرف شي يرد علينا ويتفاعل ويانا بالموضوع

تحياتي للجميع

محبكم
طائر البرق

[طائر البرق]

شنو السالفة  يمعودين بس أني دأنتظر قدوم المحلفين لعمان !!!  

وين مشاركات الأعضاء أكو أحد منتظر قدوم المحلفين لو بس أني ههههههههههههههههههههههههههههههههههههه

محبكم
طائر البرق

[bobon]

اي طائر البراق اني وياك ماخليك بوحدك بس اني هم انتظرهم وماكو احد صارت سكتة بعض الاخوان يكولون انو بشهر السابع واليوم 2-7 واشو ماكو شي وبعض يكولون بشهر الثامن ولله كريم

[bobon]

طائر البرق انتة سويت بصمات لو لا ----------اني مقابلة اولى وثانية وبصمات باقي محلفين يلة ننتظر اكو احلى من الانتظار

[طائر البرق]

عزيزي bobon ممنون منك واشكر تضامنك وياي يا طيب

أني قابلت مقابلتين وسويت بصمات أني وعائلتي من شهر نيسان (4) وباقي بس مقابلة المحلفين ودأنتظر والله كريم تفرج على الجميع إن شاء الله تعالى

وين بقيت الأعضاء تفضلوا شاركونا بالموضوع وتفاعلوا ويانا

محبكم
طائر البرق

[حظي حلو]

السلام عليكم
والله اني هم انتظر محلفين وكلشي ماكو سكته يالفته علما اني مقابله مقابلتين وعمله بصمات بشهر 4
بس دانتظر المحلفين والله كريم

اختكم من عمان

[jumbo]

اخي العزيز طائر البرق
اني سويت بصمات بتاريخ 15\4\2010
ولحد الان منتظر محلفين مثلك
والله يوفق الجميع

[sad-doctor]

الله يسهل عليكم كلكم

[طائر البرق]

الأعزاء حظي حلو  و  jumbo  مشكورين على مروركم وتفاعلكم مع الموضوع

sad-doctor  ممنون على هاي الدعوة الحلوة منك والله يسهلها على الجميع إن شاء الله تعالى

أتمنى باجر يخابرونا كلنا على بداية الأسبوع ويبشرونا بمواعيد مقابلة المحلفين إن شاء الله تعالى


محبكم
طائر البرق

[jumbo]

اخي العزيز طائر البرق
اني سويت بصمات بتاريخ 15\4\2010
ولحد الان منتظر محلفين مثلك
والله يوفق الجميع
جامبو

[طائر البرق]

عزيزي jumbo الورد ممنون على مرورك الكريم وتفاعلك ويه الموضوع والله يفرجها علينا وعليك وعلى كل مكروب

صورة جامبو الجبار ذكرتنا بكارتون ساسوكي وبالأيام الحلوة أيام من جان العراق بخير

الله يعيد ذيج الأيام لبلدنا

محبكم
طائر البرق

[doori]

مرحبا
شلونكم عيني شخباركم
اخويه العزيز طائر البرق اعصااااااابك اهم شي اعصابك نشترك وياك ويبقه هالكروب باذن الله لان هوايه منتضرين محلفين
اني قابلت اولى وثانيه يوم 26/5/2010 يعني وراكم يمكن بشهر و بتاريخ 17/6/2010 اخذو بصماتي وهم دا انتضر محلفين حالي حالكم اتصلت بالمنظمه قبل فتره كالولي بالحرف الواحد المحلفين يجون بعد منتصف شهر 7 يعني يجون وره 15/7/2010 وهاي على ذمة الموظف الي خابرني واني سويت موضوع بهذا الشي بس يمكن محد شافه وتدللون هسه انتضرو منااااااااااااااااا لحد وره 15/7/2010 والله كريم لكن سؤالي اكو همين ناس من شهر 3 ينتضرون محلفين لو لا ؟



حمودي
الاردن_عمان

[وام كار]

 السلام عليكم
تم الاتصال بي من قبل ال IOM عمان بعد تحويل ملفي من UN عمان  بتاريخ 24\6\2010 لغرض تحديد المقابلة الاولى لي ولعائلتي بتاريخ 27\6\2010 يعني بعد ثلاثة ايام من الاتصال
ذهبت للمقابلة وقد تم اجراء مقابلتين معي بالاضافة الى البصمات والصور جميعها بنفس اليوم وقالو لي لم يبقى لي سوى مقابلة المحلف وقد اخبروني بان المحلفين سوف يصلون خلال شهر 7
هذه هي اخبار المقابلات الخاصة بي
ولكن الذي حيرني هو انه بعض الاخوة في هذا الموضوع قالو انه قد اكملوا المقابلةالاولى والثانية والبصمات في شهر 4 وقسم في شهر 2 ولحد الان  هم في انتظار المحلف مع العلم انه عندي اصدقاء واقارب عدد اربعة عوائل اكملوا المقابلة الاولى والثانية خلال شهر 4 والبصمات بدايةشهر 5 وقد قابلوا المحلف خلال شهر 5 واستلموا النتائج بتاريخ 29\5\2010 علما انهم جميعا متحولين من ال UN عمان وغير مشتغلين مع القوات الامريكية بل هناك عائلتين قد غادروا العراق منذ 15 سنة وهم مقيمون في الاردن والاخر في الامارات
فلا أعرف لماذا لم تقابلون محلفين لحد الان
فهل هناك ضوابط محددة لذلك ام لا
الرجاءمن الاخوة الذين لديهم الخبرة الاجابة عن هذا التساؤل وشكرا   
 

[dovedove]

اني مثلكم انتظر المحلفين مقابلتي 1 و 2 كانت بالرابع ومسوي بصمات وخابرت المنظمه 3 مرات واكدوا ان المحلفين جايين بمنتصف السابع
اكو احد مخابريه او منطين موعد لاحد؟

[طائر البرق]

الأعزاء doori ، وام كار ، dovedove جزيل الشكر على مروركم وتفاعلكم ويه الموضوع .

doori  تحمل أخوتك شوية ترى ما ظل بينا أعصاب ههههههههههههههههههههههههههههههه   

وام كار أني قابلت المقابلتين الأولى والثانية في ( 4/ 2010 ) وكذلك البصمات والصور كانت في شهر أربعة ولحد الأن منتظر مقابلة المحلفين وقبل فترة أتصلت بيهم كالولي أنه المحلفين يجون بشهر سبعة ودننتظر والله كريم .

 ومثل ما تفضلت أكو ناس مقابلة بشهر 2 وناس مقابلة بشهر 3 ولحد الأن بأنتظار المحلفين على ما يبدو التأخير علمود كأس العالم حسب أعتقادي .

الله كريم وتفرج على الجميع إن شاء الله تعالى

محبكم
طائر البرق

[طائر البرق]

مر اليوم الأثنين 5/7/2010 ومحد أتصل بينا والله كريم ننتظر ونسأل الله تعالى قريب الفرج إن شاء الله

[بربور]

السلام عليكم..اني البارحة خابرت عالمنظمة و كلولي اسمك بقوائم الانتظار و ان شاء الله قريبا نتصل بيكم..علما اني اولى و ثانية ب 26/05/10  و بصمات يمكن 7/6/10 ...و دا انتظر و الله كريم

[طائر البرق]

عزيزي بربور ممنون على مرورك الكريم وما عدنا غير الصبر والله كريم

ألله هو أرحم الراحمين ونسأله تعالى قريب الفرج على الجميع

تحياتي ونتواصل إن شاء الله تعالى وأتمنى من بقية الأخوة ألي ويانا بنفس القضية يشاركونا حتى نعرف أي مستجدات

محبكم
طائر البرق

[doori]

صباح الخير
عيني كبد حبي طائر البرق هذا الحجي لو كنت ولد اما لو كنتي بنيه فاسف 
عيني اني والله مو بس اتحمل اني جبل يتحمل كلشي صدك جذب احنه اخوان لكن القصد من كلمة اعصابك صدكني صدكني صدكني لا سمح الله تمرض او اي احد يمرض من التفكير اني اكول شغله هسه احنا الحمدلله نعرف المحلفين شوكت يجون خلي ننساها للشغله لان ورانه ايام انتضار عصيبه وره منتصف السابع صحيح لو لا يعني راح يجي منتصف السابع ويجون الملحفين ونعرف ونصير ننتضر اكثر من هالانتضار ونعصب ووووو الله يساعد الي بالتوطين وما محوليهم لا واعرف ولد خطيه محولين ملفه لل iom ورايه بجم يوم ولحد هسه ممقابلين هذا شيكول يا عيني اعصابك اذا متتحمل شيلها وحطها بالفريزر مال ثلاجه او دزلياها واني احفظها الك ههههههههه اخويه تدلل وتامرني امر واكلك توكل على الله الي ما ينسه عبد ابد



حمودي

[طائر البرق]

doori حبيبي ترى أنت دير بالك على أعصابك وبعدين ترى مكتوب ليجوة محبكم طائر البرق وليس محبتكم بس الله يعينك يجوز الأنتظار خلاك ما تميز بين المذكر والمؤنث وأذا تحب أسويلك مراجعة بالقراءة والقواعد والتمييز بين المؤنث والمذكر باللغة العربية ولا يهمك أني جاهز 

وبعدين ترى ما كلنا شي شبيك مستلمنا مربعتين ورايح بينا كوووووووووول !!! 

ولا تخاف على صحتي دير بالك على نفسك وتغطى زين من تنام لا تستبرد 

بالنسبة للولد ألي لحد الأن بالأنتظار فالله يعينا ويعينهم ويسهلها على الجميع وترى هو الموضوع كله تصبير وفضفضة لا أكثر ولا أقل فماكو داعي تنفعل من تكتب وتصك سنانك ترى كلنا أخوتك حبيبي وصحتك بالدنيا كلها

محبكم
طائر البرق

[aliaabbas]

السلام عليكم واتمنى الجميع يكونون يخير وامورهم دتمشي باذن الله وتحقيق الاماني.
انا جديده على هذا الموقع الرائع اللي يهدي اصحاب معلملات الاي او ام وينطيهم اخبار تفرحهم. انا اصلا مقيمة في امريكا من اربع سنوات. قدمت معاملة اي او ام لوالدتي وهي امراة كبيرة في السن وليس لدي اخوة ووالدي متوفي منذ فترة وهي تعيش بمفردها في عمان الحمدالله والدتي اكملت المقابلات ال3 وهي الان في انتظار مقابلة المحلفين اخر مقابله اللي هي كانت يخصوص بصمات الاصابع كانت في شهر الخامس 2010 واتصلنا بيهم علمود موعد المحلفين اخبرونا انه في بداية شهر ال 8. انا حاليا معها في عمان وصلت من امريكا قبل شهر سؤالي هو كوني انا الكفيله بوالدتي بامريكا هل سيكون بامكاني ان اكون معها بمقابلة المحلفين  لغرض توقيع الاوراق التي تخص موافقة الوكيل وفي نفس الوقت ريما تتسرع معاملتها؟ هل يوجد احد منكم صادف هيج حاله ارجوكم  من لديه ايه معلومات يعتقد انها تفيدني ؟انا لااستطيع ان اترك والدتي بمفردها اكثر هنا بعمان. انا جدا ممنونه لاي معلومات تتكرمون بها عليه. الف الف الف شكر لكل من يتكرم بارسال معلومات والله انشالله ييسهلها على الكل.

[المسافرة]

عزيزتي اولا الحمد لله على سلامتك
 وبارك الله فيك لبرك لامك وارجوك لاتتركيها لوحدها لان الام هي الدنيا كلها الله يجمع شملكم قريبا
وبالنسبة لسؤالك ممكن تتصلين بالهجرة وتاخذي موافقتهم بشان وجودك مع الوالدة واشرحي لهم ظروفك وضرورو تواجدك معها وبالتوفيق

[Baguncero]

الأخوة المنتظرين
السلام عليكم
أنا كنت يوم أمس الأول - الخميس - في المنظمة عمان لغرض أعادة بصماتي لأنني انتظر الأمنية منذ أكثر من سنة وقد ألتقيت بأناس لديهم موعد محلفين على يوم الأثنين القادم وحضروا لأخذ بصماتهم تحضيرآ لذلك
لذا فأن المحلفين موجودين الآن في عمان وبدأوا بلمواعيد
أتمنى لكم التوفيق والنجاح
أخوكم
Baguncero

[aliaabbas]

الف شكر اختي المسافرة كلش فرحت من قر يت كلماتك انا اصلا انشالله باذن الله مراح ارجع لامريكا اذا مو امي وياية. بس اني من خلال قراءتي لمواضيعكم شفت انه الكفيل لازم يوقع اوراق بامريكا هل وجودي هنا في عمان راح يغير الوضعيه او يأثر على الموافقه الامنية اخاف تتأخر او أخاف هناك ببنسلفانيا (اللي هي المكان اللي اسكن بي) يحتاجوني لاثبات انه اني الكفيل ماادري مدااعرف هي شلون الاجراءات!؟ الف شكر مرة ثانية والله يجمع شمل الجميع مع عوائلهم.

[عكعك التطوى]

http://www.ankawa.com/forum/index.php/topic,427804.msg4709666.html#msg4709666