ارجو المساعده والاستشاره

[noor usa]

السلام عليكم اخواني اعضاء منتديات عنكاوا
اني ضايجة وطالعة روحي من يوم المقابلة اريد اتساعدوني بلا زحمة عليكم ....
اني قابلت المقابلة الثانية يوم 2010/7/1 وشفنة المحلف وجان امبين عليه حباب وجهه سمح ومرتب كولش كولش
رحب بينة وبعدين استلمنة واحد واحد فسئل اختي شنو جان مكتوب ابورقة التهديد الي انذبتلكم ف جاوبتة انه تطلعون خلال 72 ساعة وبعدين اجة دوري وسئلني نفس السؤال ف جاوبتة نطلع خلال 48 ساعة ........
هل هذا الا تأثير جبير على الموافقة الامنية لو هاهية يجينة الرفض؟؟؟؟؟
والله اني كوزلش خايفة واحس احلامي كلهه اتفلشت وجني راح ابقة بالعراق العظيم ... ف الي امقابل و عندة خبرة بهذا المجال ياريت لو يساعدني
وتقبلو تحياتي
اختكم
noor iraq
noor usa  سابقاً  

[salam83a]

والله اخت نور همة عدهم اهم شي المصداقية
بس بعد بقت يم المحلف
زين ورقة التهديد عدكم ؟؟؟ قدمتوهة للمحلف لو لا

[noor usa]

لا والله ماعدنة ورقة اصلا ذبيناها ... بس اكو شغلة انه من اجتي ورقة التهديد جنة بس اني وامي بالبيت يعني اختي مزوجة وكاعدة بغير مكان

[** يدكو **]

اختي مرحبا بكي واسف على الكلام الي راح اذكره بس هاي الحقيقة

المحلف هو المسوول الاول والاخير في قبول اورفض اللاجئ واني صديقي قبل 20 يوم  استلم Rejection نفس الحالة لوجود عدم المصداقية في الحديث مع المحلف ومع الاسف مرة اخرى على كلامي

ويبقى كل شيئ بيد المحلف والله يسهلج امورك واهم شي المصداقية عند مقابلة المحلف وتمنى ان تكتبي اي حديث صار بينتكم والمحلف للرجوع اليه اذا حتاجيتو في المستقبل

      وبالتوفيق من الله لكي اختي

[حسوسة]

اختي نور عوفيه على الله الي مكتوب من ربج ميصير غيرة ولا دوخين وان شاء الله ربي يحفققلج الي ابالج يا رب

اخوكم حسوسة من مصر

[Safaa Alkhrkhy]

هوة المهم انه هل اختج كلتلهة انه هية كانت موجودة من انذبت ورقة التهديد لو لا اذا كانت كايلتلهة انه هية كانت موجودة بالبيت وياكم بوقتهة وانتي كلتيلهة انه هية ماكانت موجودة فهذا يعتبر تناقض بالكلام والمحلف سوف يفسره على انه كذب وتزييف  وهذا الشيء طبعا موزين كلش كلش  اتاكدي من الحجي مالتج ومال اختج وامج ايضا  وشوفي التطابق ايضا بالكلام وان شاء الله تجيكم الموافقة اختي الغالية العزيزة

ابو سارة

[noor usa]

اختي اصلا معايشة ويانة بالبيت من اجتي الورقة وهاي المعلومات عدهم اصلا وهمة يعرفون انه هي عايشة ابيت واني وامي عايشين ابيت
بس الغلط صار ابعدد ساعات الخروج يعني اني كلت 48 وهي كالت 72 بس هي اصلا مو ويانة جانت من جتي الورقة

[salam83a]

المهم اختي انه ذكرتي انة اختج مجانت موجودة يمكم وماعده تفاصيل كاملة عن الموضوع لو لا

[noor usa]

والله اخوية العزيز مثل ماكتلك هي اختي شوية قصتهه تختالف عني اني وامي يعني هي عدههه تهديد خاص بيهه واحنة عدنة تهديد خاص بينة ف همة سئلوهه على تهديدنة ف هي كالت 72 ساعة واحنة كلنة 48 ساعة 

[ابو ريم]

اختي الكريمة
انت لا تفكري ابهاي اهواية خليها على رب العالمين واكيد هو اعرف وين مصلحتكم اني ابشرج ما بيها شئ وهسه تاخذين الموافقة  واذكريني اخوك راح يدعوا الله ان تتسهل عليكم وانت الاولى بالدعاء وشكرا

[المهندس سيوفي]

اختي العزيزة --- اني من وجهة نظري مااشوف اي مشكلة بالموضوع ---- منطقيا انتو مانكرتوا انه اجاكم تهديد او شي -- الفكرة والعامل الرئيسي موجود وهو اجتكم ورقة تهديد --- مااتصور المحلف راح يرفض بسبب 12 ساعة زيادة او نقصان --- صحيح هو اختلاف بس مو اختلاف يؤدي الى الرفض --- همة على علم كلش زين انه لشخص بهاي المقابلة راح يكون مرتبك شوية وعندة خوف لذلك ممكن يخطئ بتفاصيل صغيرة

اطمئني واتوكلي على الله

[noor usa]

اختي العزيزة --- اني من وجهة نظري مااشوف اي مشكلة بالموضوع ---- منطقيا انتو مانكرتوا انه اجاكم تهديد او شي -- الفكرة والعامل الرئيسي موجود وهو اجتكم ورقة تهديد --- مااتصور المحلف راح يرفض بسبب 12 ساعة زيادة او نقصان --- صحيح هو اختلاف بس مو اختلاف يؤدي الى الرفض --- همة على علم كلش زين انه لشخص بهاي المقابلة راح يكون مرتبك شوية وعندة خوف لذلك ممكن يخطئ بتفاصيل صغيرة

اطمئني واتوكلي على الله

رحم الله والديك اخوية العزيز والله رفعت شوية من معنوياتي الهابطة لانه ايست كولش
الله يسمع منك وتمشي الامور عدل وهو كلة بيد رب العالمين
اشكرك اخوية العزيز واتمنى الموفقية للجميع

[بغدادي76]

عيني اتصلي بـ 911

.
.
.
.
.
.

للي مايعرف , 911 رقم النجدة  

يمعودة هسه يطلع المحقق اصلا مامنتبه, كلهه جنص صدكيني , والمكتوب يصير غصباً ما على المحقق.

[bobon]

الى الاخت noor usa مثل ماكالو الاخوان اختي غير موجودة يمنا بل البيت ومتعرف التفاصيل لان ماكو غيرها اطلعين عذر بوبون من عمان

[بغداد بقلبي]

نو راني عندي صديقي بمقابله التوطين كلوله وين كلهم ميت والمحلفين كلوله وين ابوك كلهم عايش ويسمع حسك باميريكا فانتي لا اتدوخين ابدا عوفيها على الله واذا قسمتك اتسافرين فاكيد راح اتصير ان شاء الله لا اتخافين وعيشي حياتك عاديه وان شاء الله مقبوله مدام المحلف امرتب يعني بلطي خوش ادمي وايمشيها والله ولي التوفيق

[متوكل على الله]

السلام عليكم

اختي نور .. تحية

قريبي حاليا بامريكا ... في مقابلته مع المحلف حصل انه زوجته ارتبكت نوعا ما وصار ارباك ايضا بطريقة نقل المترجم الحوار وطلعت من المقابلة وهي بحالة احباط شديد ... والمحلف ما كان سهل .... ومع ذلك جاهم (( قيد الدراسة ))

فلا تقلقي كثيرا من الموضوع ... مثل ما قالوا اخواني انه المحلفين عدهم قدرة على التمييز عالية جدا وممكن يميزون الخطأ غير المقصود من الخطأ المتعمد او الفبركة ....

خليها على الله وان شاءالله ماشية الشغلة

تحياتي

[جورجيا]

خليها على الله 
وهي قسمه اتريد اتصير اتريد متصير
اني عندي محلف ال iom ارحم من المحلف البيتي وانتي افتهمي
جورجيا

[noor usa]

خليها على الله 
وهي قسمه اتريد اتصير اتريد متصير
اني عندي محلف ال iom ارحم من المحلف البيتي وانتي افتهمي
جورجيا

ههههههههههههههههههههههههههههه
اويلي من المحلف البيتي

[sumer man]

  يابه نور تره الشغله اذا مابيهه قلق ما تصير حلوة ابد وصدكيني بعد فترة راح تنزلين موضوع بعنوان باركوللي حددولي موعد سفر

[A_FOX]

اختي الكريمه
والله العظيم عندي صديق فيالمقابله الثانيه جفص الجفص بتواريخ مال الخدمه العسكريه مالته وكاله المحلف بانه انته بالمقابله الاولى مالتك كلت غير شي فصاحبي رد وكاله يمعود لو دكلي هسه اليوم اشمتريك ما اذكر
المهم هسه صديقي بامريكا صارله 7 اشهر  فلا تهتمين اختي العزيزه الله شنو كاتبه يصير
تحياتي

[noor usa]

  يابه نور تره الشغله اذا مابيهه قلق ما تصير حلوة ابد وصدكيني بعد فترة راح تنزلين موضوع بعنوان باركوللي حددولي موعد سفر

الله يسمع منك ياربي

[angie-dawood]

اخت نور اذا  عندك نصيب اللجوء والسفر لامريكا تروحين حتى لو  ماعندك اي قصة تهديد واذ صار غلط بذكر التواريخ مابيها شي اغلب الناس غلطوا بالتواريخ واخذوا لجوء وسافروا اي شي اذا  ماعدنا نصيب بيه ماناخذه لو مهما صار ولو عدنا نصيب بيه ناخذه بكل سهوله فاتركيها على الله هو يعوف وين نصيبك امريكا غير امريكا محد يعرف فاذا غلطت اختك بالتاريخ مابيها شي حتى اختي من سوت مقابلة المحلف والقصة مالتها كانت تهديد وخطف ودفع فدية وزوجها وابنها ذكروا تواريخ وراهم هي وبنتها ذكروا تواريخ مخالفة  اشو اخذوا لجوء وهاي راح يكملون سنة بكلفونيا المهم عوفيها على الله ولا تفكرين بيها وانشاءلله يكون القبول ...... ....  ....   ونسمع  اخبار مفرحة منك ربي يوفقكم  

ارجو منك حبيبتي  تغير اسم الموضوع اكتبي ارجو المساعدة والاستشارة     تحياتي

[omaha2]

لاتهتمين اختي العزيزة مثل مكالو الاخوان والخوات

اذا الله ايريدكم تطلعون راح تطلعون عوفيها بيد الرب



يارب نسمع منك اخبار حلوة عن قريب


اوماها

[عمر عراقي]

خليهه على الله وراح تنحل وتصير سوالف وتروحين لاميركا ياعيني تره انتي دتكولين
اختج كانت متزوجه وكاعده بغير مكان يعني بلكي هاي تفيد وياخذهه المحلف بالاعتبار
وتجي الموافقه والنتيجه ايجابية وتروحون بالسلامة
وتجين تبشرينه بالموافقة وموعد السفر. ياعيني لازم تطلعنه مشكله زغيرة بس اكيد راح تنحل
والله يسهل على الجميع .
انتي مقدمه من بغداد؟

[امريكي يالبريكي]

خوفتيني يانور هاي سهله ولا تهتمين هسه متشوفين الا يجيلج النتيجه بالموافقة
وتكومين تتذكرين هاذي الايام وتضحكين انتي واختك

[داليا الوردة الوردة]

حبي نور اني هم افتهمت محلف البيت هههههه

خليهة على رب العالمين انتو سويتوا اللي عليكم والباقي على رب العالمين

اختكم داليا الوردة الوردة