أني المنظمة مالتي همين Catholic Charities, وموعد سفري انشالله يوم 26\7 الى فلوريدا, وهاي المنظمة Catholic Charities خابرو الكفيلة مالتي بس مرة وحده قبل شهر تقريبا علمود ديتأكدون منها هيه كفيلتي, شو وراها بعد مخابروها ولا كلولها تعالي وقعي الاوراق, ومن استلمت موعد سفر من الIOM اتصلت بكفيلتي وكتلها موعد سفري ترة يوم 26...مخابروج المنظمة وكلولج على موعد سفري؟ كلتلي لا, كتلها خابريهم وبلغيهم وسأليهم شوكت لازم اتروحين اتوقعين الاوراق, شو خابرتهم وجان يكلولها محد بلغنا على موعد سفره وثاني شي مو هسه تجين اتوقعين الاوراق, عد من يوصل اللاجيء يمج عد بعد كم يوم راح نجيكم زيارة للبيت علمود انشوف المكان الي هو عايش بي وبعدين بعد كم يوم تجين انتي واللاجيء للمنظمة اتوقعون على الاوراق!!!! (علما أني راح أجر غرفه ابيت كفيلتي واعيش بنفس البيت)
زين مو المفروض الكفيل لازم يوقع على الاوراق قبل ميوصل اللاجيء لو اني غلطان؟ وأكو شغله ثانية كلش امضوجتني اللي هيه المنظمة موقعها بغير مدينه وتبعد عن بيت كفيلتي تقريبا 4 ساعات بالسيارة!!!!!!!!!!!!
شو داحس هاي المنظمة راح تضربني بوري وتلبسني بعد ما اوصل لفلوريدا, بس انشالله من اوصل راح اطلب منهم ينقلون ملفي على غير منظمة قريبة على بيت كفيلتي وهذا الشي راح اسوي قبل ما اوقع على اي ورقة عدهم بالمنظمة, وماعرف اذا راح يوافقون لو لا على نقل ملفي لغير منظمة, الله كريم دخلي اوصل اولشي واشوف شنو سالفتهم.
