اخوان السلام عليكم
البارحة اتصل بية احد اصدقائي من الامارات وعرض علية انو اروح للامارات وهناك الكة شغل ( لحد الان اوكي )
بس بعدين فكرت انو اني لازم ابلغ المنظمة بانو اني سافرت وانتقلت من مكان الى مكان اخر ( مع العلم اني في مرحلة التجييك الامني منذ ما يقارب السنة ويزيد عليها بكم يوم)
وبعدين درست الموضوع فحبيت اسال عن النقاط التالية
1- المفروض لمن اسافر انو بالبداية اني وبعدين ادز علة زوجتي لمن استقر. اكدر بهاي الحالة ما ابلغ المنظمة واخلي التلفون يم زوجتي من يخابرون علية زوجتي ترد بس بهاي الحالة لمن ارجع وطلعت الامنية ( كولوا امين ) ملح يسالوني ليش اني كنت بالامارات ( اريد اعرف شنو رايكم بهذا الموضوع )
2- اذا استقريت بالامارات مو لازم احول ملفي لغير دولة لو اكدر اتابع الموضوع من الامارات عن طريق النت واذا استجدت امور احضر الى بغداد ( مثلا اعادة فحص طبي او اي موضوع اخر ( مثلا السفر او غير شيء)
واذا سالوني ليش انت رحت للامارات اكدر اكللهم انو اني اجتني شغلة ومثل ما يكولون حبيت استرزق منها لو الا لازم اكون متهدد يلة اسافر
3- هو الواحد اصلا يكدر يطلع من العراق وهو بمرحلة التجييك الامني لو اذا طلع تتعرقل علي لو شيصير
شكرا لسعة صدركم ولقرائتكم الموضوع وشكرا ايضا للاجابة
جوني جاك
