خبر عاجل جدااااااااااااا

[علي النعيمي]

اخوان اليوم جنت احجي وية كرايبي بغداد وجان صديق كرايبي مقدم عال امريكا من بغداد وبالمقابلة كلولة بالحرف الواحد كلولة اللجوء مينسد لاي دولة بالعالم وخاصة امريكا وكلولة حينسد مؤقتا لتمشية المعاملات المؤقتة وبالنسبة لليوان كذلك اللجوء حينسد بالعالم مؤقتا لتمشية المعاملات المتراكمة والكل حيتوطن مو لامريكابل  لاوربا وكندا واستراليا ونيوزلندا هذا خبر موثوف من قبل اللجنة الي قابلو الولد والي طالعلة لامريكا حيسرعون الملفات هذا الحجي 90 بالمية صحيح وكالو اللجوء لايسد ابدااااااااااااااااا وتقبلو تحياتي

[اسيرالروح]

بااااااااااااارك الله بيك اخويه ان شاء الله  الله يقدم الي بيه الخير

[أبو الفوارس]

كلللللللللللللللللللللللللييييييييييييييييييييييييش هلهوله
عاشت ايدك يا بطل

[المهندس سيوفي]

بلكت الله --- هاي فلم تسريع المعاملات للاسف مكاعد نشوفة هنا ببغداد --- وخصوصا من الشخص يكمل كلشي  ويبقى ينتظر بس موعد سفر

[Hanar]

 انا اصلا ما اشوف اي تسريع في المعاملات بل بلعكس... .

[المهندس سيوفي]

اي والله حقج اخت هنار --- بديت احس شنو معناة الانتظار ورة ميكمل الشخص كلشي وبس ينتظر موعد سفر

[علي النعيمي]

اخوان الي مقدم خلال الفتنرة المضية لامريكا عن طريق الاي او ام او اليوان حتمشي معاملاتة لحد اكمال جميع المعاملات الخاصة بامريكا اما بخصوص اليوان في جميع العالم فلي طلعلة امريكا حيروح لامريكا اما الي مطالعلة امريكا ودينتظر فحتكون اوربا وكندا ونيزلندا واستراليا بطلب من بلجيكا لانو هية حتكون رئاسة الاتحاد الاوربي و ان شاء الله هاي السنة محد يبقة الكل تتوطن لانو هذا الولد كالولة احنة حنطلعك خلال هاي السنة هذة الحجي الي كلولة الة بالمقابلة هوة برنامج siv

[ساحر بغداد]

انشاء الله يطلع كلامك صحيح وكل الي مقدمين تنتهي معاناتهم وانا من ضمنهم


يارب يارب تفرج على الجميع

واتمنى ان يتخذون شي جديد بخصوص تكفل الحكومة الأمريكية للآجئ العراقي
بدال مايتكفلو 8 اشهر فقط... يتكفلو مدى الحياة مثل اوربا

تحياتي
اخوك
ساحر بغداد

[msamoh]

عاشت ايدك على هلخبر يعني هم خوش كلنا خلونا على المغذي انشاء الله متطول

[razak]

اخوان عجيب امور قضيه
اني استغرب من عدم التفكير بس حبيت اوضح
قرار قبول اللجئيين العراقيين صدر بالعام 2008 من الكونكرس وخصصت له الاموال او نص القرار يقول ينتهي بنهايه السنه الماليه 2012 يعني تشرين الثاني حاي وحده
وعلمود ينغلق الجؤ همه ما ايلعبون اجعاب يعني الي صدر القرار هو يلغي يعني الكونكرس ومستحيل يتم الغاء قرار خصصت له الاموال اما يجمد العمل هو من صلاحيه المفوضيه لانهاء الملفات القديمه
تحياتي
والي ما يعرف تدابيره حنطه تاكل شعيره

[sameei]

الى الاخ razak الموضوع الي تحجي عنه بخصوص ال اي اي في حصرا
اما برنامح الاي او ام فماشي من عشرات السنين
الي هو ان امريكا تستقبل ما يقارب ال 50 الف لاجئ من مختلف انحاء العالم واخر سنتين حصه العراق منهم 17 الف لاجئ لكل سنه احتمال ان العدد وصل لل 17 الف لذلك جاي يحجون عن السنه الماليه الجديده بشهر العاشر.
وما في اي مؤشر على ايقاف برنامج الاي او ام .

[الاصيل222]

انشاء الله يطلع كلامك صحيح وكل الي مقدمين تنتهي معاناتهم وانا من ضمنهم


يارب يارب تفرج على الجميع

واتمنى ان يتخذون شي جديد بخصوص تكفل الحكومة الأمريكية للآجئ العراقي
بدال مايتكفلو 8 اشهر فقط... يتكفلو مدى الحياة مثل اوربا

تحياتي
اخوك
ساحر بغداد

اخي العزيز
الحكومة الامريكية مستحيل تكفل اللاجئ مدى الحياة لان انت حسبالك  اللاجئين بس عراقيين  انشالله تجي واتشوف
امريكا مابيها امريكان بس اللاجئين من كل دولة العالم الفقيرة
اصلا امريكا للمواطن الامريكي ما كافلة عيشتة اتريد تكفل اللاجئين
انا شفت كل اغلب الولايات وماءشالله كلها من اسيا وافريقيا ....طبعا غير الاسبان  اللي همة مواطنيين امريكان لان همة من بور تريكو  ......

وتحياتي لكم
اخوكم الاصيل

[** يدكو **]

اخوي الي طارح الموضوع حجيك صحيح وماكو فلم ينسد اللجوء وهوايا حجينا كلها دعايات مالها اي شيء من الصح

         وشكرا لانك ريحت النفوس وبالتوفيق

[GSMsystem]

اخوان الي مقدم خلال الفتنرة المضية لامريكا عن طريق الاي او ام او اليوان حتمشي معاملاتة لحد اكمال جميع المعاملات الخاصة بامريكا اما بخصوص اليوان في جميع العالم فلي طلعلة امريكا حيروح لامريكا اما الي مطالعلة امريكا ودينتظر فحتكون اوربا وكندا ونيزلندا واستراليا بطلب من بلجيكا لانو هية حتكون رئاسة الاتحاد الاوربي و ان شاء الله هاي السنة محد يبقة الكل تتوطن لانو هذا الولد كالولة احنة حنطلعك خلال هاي السنة هذة الحجي الي كلولة الة بالمقابلة هوة برنامج siv

والله يا اخي ما اتصور اكو تسريع بالمعاملات ... يعني اني من سنة 2008 الشهر 11 وبالتحديد يوم 26 الى هذه الساعة وماكو كل شوية موافقة اتعادت وفحص يعناد ومقابلة محلفين مرتين .. هههه اي تسريع يا اخي واكو ناس ما صارلهم 4 اشهر من قدمو سافرو

[alalgawy]

انشالله مينسد التوطين ويشمل كل طالب توطين

[مظلومه سوادي]

والله خبر حلو

صحيح احنه المقدمين من مكتب ماليزيا الاكشر متشملنه الاخبار الحلوه
بس الله كريم انه عيني بعين رب العباد هو اعلم بحالتنه والله يفرجها عالجميع
وخاصة انه وعمي الغالي بو الحسن

خويتكم المتعوبه

مظلومه سوادي فلك حثل مسحوول كمبوش مطشر
ماليزيا كوالالمبور

يبوووووووووووووووووه

[مهندس مدني]

اخويه العزيز
المنظمه IOM كمنظمه موجوده ومتنسد ولاكن البرنامج الامريكي الي اجه عن طريقها احتمال ينسد والاحتمال جدا ضعيف لان هذا قرار الكونكرس الامريكي ومينلغي مثل مكالو الاخوه الا بقرار من الكونكرس وهذا شي مستحيل على المدى القريب
 
اما الشي الثاني الي هوه تسريع المعاملات>> اني قريت بجريده انه المنظمه زادت كادرها في بغداد بثلاث اضعاف عن قبل ولاكن هذا الكلام متطبق على ارض الواقع اي ان التاخير نفس التاخير  وسمعت ايضا انه الموافقه الامنيه راح اتصير بعد المقابله الاولي وليس بعد المقابله الثانيه كما كان سابقا وهذا الشي هم ماصار لانه اني قابلت مقابله اولى بشهر الرابع ولحد اليوم ما اخذوو بصماتي   

[Robin Hood]

السلام عليكم
والله اخوية صاحب الموضوع نتمنى من رب العالمين هذا الخبر صحيح لان ملينا من الصبر الصراحة يعني من 2008 لحد الان متوقف على الامنية يعني حتى لو اسامة بن لادن ديسافر لمريكا هم جان حصل الفيزة من زمان وكل موافقاتة طلعت

ان مع العسر يسرا

robin - Cairo