طلب مساعدة

[علي الوائلي]

السلام عليكم شلونكم انشاء الله زينين ردت استفسر على الفيزا الدراسة للامريكا  كيف احصل عليها وللعلم اريدها حتى اكمل المدرسة ممكن اتشرحولي شلوون

[** يدكو **]

مرحبا بك اضغط على الرابط ادناه وان شاء الله يفيدك

http://www.ankawa.com/forum/index.php?topic=404713.0

[ســـرى]

اخوية علي اكو انواع من الفيزا الدراسية لامريكا اكو مثلا منحة الفولبرايت واللي موجودة شروطها على موضوع السفارة الامريكية واني شخصيا اعرف ناس اجوي لامريكا عن هذا الطريق وهذا الرابط

http://iraq.usembassy.gov/iraq/fulbright.html

واحد الانواع ايضا انه تحصل على قبول من جامعة معينة في امريكا وتقدم على الفيزا الدراسية لغرض اكمال دراستك في هذه الجامعة ويسوولك مقابلة بالسفارة ويقررون يمنحوك الفيزا او لا بس لازم اول شي تقدم على كلية بامريكا وهاي طبعا الدراسة على حسابك تكون بينما المنحة اعلاه تكون على الحكومة الامريكية.تقبل تحياتي

بس سؤال اخي الكريم يعني شنو قصدك تكمل مدرسة؟يعني انت مخلص اعدادية لو لا؟

[علي الوائلي]

لا اني مدرسة بعدني اكدر اكمل بالامريكا واشلون مو جامعة

[ســـرى]

اخي السائل الفيزا الدراية لامريكا هي فقط لاكمال الدراسة الجامعية او الدراسات العليا مثل الماجستير والدكتوراه وعليه فانت لازم تكون مكمل اعدادية لغرض الدخول الى جامعة امريكية او مكمل كلية لغرض الماجستير وهكذا ولكن ماكو اكمال للدراسة الاعدادية اصلا بامريكا لازم تكملها ببلدك وتقدم على الفيزا الدراسية من خلال برامج المنح.تقبل تحياتي

[علي الوائلي]

تسلميلي وردة نورتي