موضوع شامل للذين قدموا (يو - ان) حديثا لكل شخص سجل بالفتره الاخيره

[امريكي يالبريكي]

اخواني الشيبة والشبيبة الكرام شلونكم جميعا نفر نفر.
اني صارلي اسبوع تقريبا مسجل بهذا الموقع الروعه كلش مفيد
طبعا هوايه استفاديت معلومات حلوه وجديدة علي واني هم احب
افيدكم باي شي لان خليتوني استفاد منكم ومن معلوماتكم الحلوه
فما اعرف شنو بيدي . وبعد تفكير وجدت اني اكدر اسوي موضوع جديد
يعني اني مقدم على ( يو  ان ) من خارج العراق قبل اكثر من شهر
زين يااخوان ما لكيت شي وافي وكافي ميه بالميه عن الناس المقدمين
بهذه الفتره؟؟
فد شي غريب فعلا يعني من سويت بحث وجدت هواي مواضيع على المقدمين
قبل سنه وسنتين يعني مواضيع 2009 و2008 كانت شامله اكثر وفيها مشاركات
اوسع ومعلومات افضل وتفاصيل ادق ليش هسه ماموجود هالشكل مواضيع؟؟
فسويت هذا الموضوع حتى يشمل جميع المقدمين حديثا وبالذات جماعة ( يو  ان )
لان شغلتهم صايره سكته .
فكلمن مقدم بخلال هاي السنه وكلما كانت اقرب كان افضل حتى كلمن يجي جديد
مثلي يجد شي يفيده بهذا الموضوع بالذات واطلب من المشرفين المتابعه معنا واذا يكدرون
يساعدونه بجعل هذا الموضوع شامل وبه مشاركات اكثر .
للفائده انشاءت هذا الموضوع وللفائده ارجوا ان يبقى دائما في المقدمة.

000000000000000000000
واني ساكتب تاريخ حضوري وتقديمي لحد الان
حتى اكون اول واحد يشارك
واعتبروا الموضوع خاص بكم جميعا وانا ضيف عليكم
--------------------------------------------------
---------------------------------------------------
----------------------------------------------------
وصولي الى الاردن بتاريخ 28-4-2010
تقديم على ( يو   ان ) بتارخ  24-5-2010
مقابله اولى بتاريخ  31-5-2010
مقابله ثانية بتاريخ 28-6-2010

[ســـرى]

اخي الكريم تكدر تشارك مع موضوع الشباب اللي مقدمين من عمان واغلبهم عاليو ان والموضوع موجود بالصفحة الاولى حتى انت تستفيد من تجاربهم وهم يستفيدون من معلوماتك ايضا وتقبل تحياتي

[امريكي يالبريكي]

شكرا اختي سرى اني فعلا دخلت على موضوع الشباب المقدمين من عمان بس بصراحه
مايحتوي على معلومات مفيده واكثرهم الظاهر مقدمين ب 2008 و 2009 ويجوز قبله
على الرغم من انهم شباب رائعين وذلك ما كدرت اخمنه على الاقل من حواراتهم ومساعدتهم
لبعضهم .
اي واحد عنده معلومات المسجلين حديثــــــــــــــا يكون افضل حتى نعرف ماذا يحدث في اروقة ال ( يو  ان )
من تغيرات

[مهاجرين بلا حدود]

اخي الكريم ممكن توضح معنى مقابلة اولى وثانية اذا امكن

اني سجلت بتاريخ 2-5-2010 باليو ان  واستلمت وثيقة طالبي لجوء

ابو محمد

[** يدكو **]

اخي احنا بلبنان مقدميين واذا انت اخي مسوي مقابلاتك بالتوارييخ الي ذاكرها انت ملك وماكو اي تاخير او سكته بالنسبة لليو ان بعمان تعال شوف هنا بلبنان اول ماتسجل ينطوك موعد للمقابلة الاولى على الاقل 4 اشهر والي ينطوه 2 شهر كموعد للمقابلة الاولى يكون محضوظ واكو هوايا ناس ماينطوهم مواعيد من يروحون يسجلون ويكولولهم احنا نتصل بيكم هذا كمختصر

 وبالتوفيق لك

[امريكي يالبريكي]

اخي احنا بلبنان مقدميين واذا انت اخي مسوي مقابلاتك بالتوارييخ الي ذاكرها انت ملك وماكو اي تاخير او سكته بالنسبة لليو ان بعمان تعال شوف هنا بلبنان اول ماتسجل ينطوك موعد للمقابلة الاولى على الاقل 4 اشهر والي ينطوه 2 شهر كموعد للمقابلة الاولى يكون محضوظ واكو هوايا ناس ماينطوهم مواعيد من يروحون يسجلون ويكولولهم احنا نتصل بيكم هذا كمختصر

 وبالتوفيق لك

اخي اني التقيت بناس مسوين مقابلتين بيوم واحد الله يخليك
شنو ملك اني جندي صغيرون عند الملك ههههههههههه
وبعدين يااخي اني ماشكيت من تأخير او تعطيل بالعكس
اني اقصد انه السكته هنا بالموقع يعني ماكو مواضيع جديده (سكته)
وتكدر تقرا الموضوع جيدا حتى تتأكد اذا تحب واني بخدمتك
وبالنسبة لي وردا على سؤال الاخ مهاجرين بلا حدود
قابلت مقابلة اولى وبعد نهايتها بلغوني بانهم سيتصلون بي
وبعد شهر اتصلوا بي واخبروني بموعد المقابلة الثانية .
والمقابلة الثانية كانت جدا متعبه وفيها الكثير من الاسئلة (والاستجوابات)
والكلام الحاد ولكني لم ارتبك نهائيا وكنت متقبل لهذه الانفعالات برحابة صدر

[ninwanastar]

مرحبا اخي العزيز كيف الحال
اني اريد اقدم جديد عل يو ان
ممكن تشرحلي شلون التقديم وشتسوي وليش تاخرت شهر يلله قدمت ؟

[** يدكو **]

الله يخليك اخي اذا اكو ناس مقابليين مقابلتين بيوم واحد معناها يمكن مسؤول الامم كان اخو الي مسوي مقابلتين اخي احترم راييك بس ماكو هيجي فلم بلبنان ومااعرف اذا اكو هيجي بعمان واحتمال اذا اكو هيجي شي ماموجود باليو ان وان وجد يكون بالiom ,وهمينا مااعتقد

وتقبل مروري 

[(COBRA)]

اخويه العزيز بعد التحيه
اكو موضوع مشابه  لموضوعك وهيه ارشيف للمقابلات لسنه 2010 ممكن تدخل عليه وتشوف المغلومات والمقدمين بيها ,,
يمكن تستفاد منها تحياتي

[امريكي يالبريكي]

مرحبا اخي العزيز كيف الحال
اني اريد اقدم جديد عل يو ان
ممكن تشرحلي شلون التقديم وشتسوي وليش تاخرت شهر يلله قدمت ؟

اخي اني اشرحلك الي صار وياي وراح ارسلك على الخاص لان انته دازلي على الخاص حبي

[علي النعيمي]

اخوان اني قدمت نهاية 2009 وانطوني ورقة موعد ويوم 8\2\2010 كانت المقابلة ورقة الحماية وكانت المقابلة سهلة جدا ركز عالتهديد تقريبا ثلث ساعة طول واني من اول المقابلة عرفت اني مقبول وهوة جان متساهل جدا وياية وسئلني عالفدية دفعتو اي لو لا وعالعسكرية مالتي وليش متكدر ترجع للعراق وكلي بالنص الواحد كلي انتة موقفك زين واذا مقدم علة مرظك بس نطلعك بالحرف الواحد وراها نهاية المقابلة كلي شتريد من عدنا كمنظمة يو ان كتلة اريد حماية كام يظحك كال انتة هسة بامان كلي شتريد كتلة اريد توطين بلد ثالث جان يئشر عالملف ويكتب توطين وكلي انتظر بالقاعة بصراحة اني هم جنت قلق وكلما اخابر عليو ان يكلولي بالحماية قيد الدراسة وشهر الرابع يوم 25\4\2010 خابرتهم الساعة 2 الظهر طلعلي موظف كلي بقسم التوطين وراها بشهر الخامس همين خابرت هم طلعتلي وحدة كالت بقسم التوطين ودا انتظر رحمة الله واكو تفاصيل هسةتذكرتها واختي جان مطالعلهة توطين وسوت مناشدة همة خابروهة بعدين وكلولهة ملفج بقسم التوطين واخوان اهم شي الاثباتات والحجي المظبوط والانتظار

[lion1977]

اخي الحبيب شكرا على هذا الموضوع
اني قدمت بتاريخ 8 / 6 / 2010
وانطوني موعد على 15 / 9 / 2010
وكاعد انتظر والله الكـــــــريم

[عمر عراقي]

خوش موضوع واني صار فتره داريد اعرف منو مقدم بالجديد
بس ماعرف يمكن الي مقدمين بشهر السادس بعدهم ميندلون
المنتدى بس اكيد فد يوم يعرفون الطريق ويجون.
اني مقابلة وحده بداية شهر 6 وكاعد انتظر والله يسهل
بعـــــــــــــــــــــــد وكت ورانه مشوار والله يرحم بحالنه

[امريكي يالبريكي]

اشكر كل الذين قامو بالرد على الموضوع واتمنى ان يزداد عدد المشاركين
اكثر لفائدة الجميع

[امريكي يالبريكي]

اخويه العزيز بعد التحيه
اكو موضوع مشابه  لموضوعك وهيه ارشيف للمقابلات لسنه 2010 ممكن تدخل عليه وتشوف المغلومات والمقدمين بيها ,,
يمكن تستفاد منها تحياتي

اخي ارجوا ان تعطيني اللنك الذي يربطني بموضوع ارشيف المقابلات لسنه 2010 لانني بحثت عنه في الموقع ولم اجده

[علي ياسين]

اخوان اني راجعة اليو ان في لبنان اول مرة في 4/12/2009
انطوني اول مقابلة في 4/3/2010 وبعد اكمال المقابة انطوني موعد مقابلة اعادة التوطين في 13/8/2010
واني هسة دا انتظر موعد
والله كريم

[discharge]

حبي انيقريب منك
مقابلة اولى يوم
26 بشهر الخامس 2010
مقابلة ثانية
22 بشهر السادس 2010
ودا انتظر
من عمان طبعا

[Abo Ibraheem]

الله يساعدهم
اني مقابل مقابلة اولى ببداية شهر الخامس ولحد الان ماكو لا حس ولاخبر
اخوية امريكي شتقصد بالمقابلة الثانية ...توطين؟ لو شنو؟

[saif moon]

اني الي سويتة كالاتي:

دخلت عمان بتاريخ 1/5/2010 وبيوم 13/5/2010 رح لل يو ان وانطوني موعد مقابلة بيوم 17/5/2010 وسويت المقابلة وانطوني ورقة الحماية و للعلم اني مشتغل مترجم اربع اشهر و مشتغل بشركة تنوب عن الامريكان لمدة تزيد العامين المهم  رجعت كلت خلي اراسل ال اي او ام دزيت رسالة وشرحتلهم حالتي بعدين دزولي رسالة اريدون بيها معلومات من ظمنها رقم الكيس مال اليو ان دزيتلهم كل المعلومات ورقم الكيس ما اليو ان دزولي رسالة كلولي ارتاح واطمان احنة رح انخابرك اكيد وهذا الحجي جان بيوم 18/5/2010 واني اطمانيت وبعدين اشو مر شهر ومحد كال السلام عليكم الحاصل بتاريخ 2/7/2010 دزيتلهم رسالة كلت اخاف ناسيني فدزيت رسالة و دزولي نفس الرسالة السابقة ارتاح واطمان احنة رح انخابرك والى هسة طبعا ماكو شي و ما اعرف شنو القصة...


مع الشكر............

[abu fulla]

مرحبا اخوان لعد اني راح اجي لعمان بنص الثامن لان هسه كلولي فترة سياحة وغالية وراح اقدم عاليوان
ممكن اي احد يكدر ينصحني بالامور اللي مفروض اجيبها وياي للتقديم وايضا امور تسجيل الاطفال بالمدارس الحكومية للاردنيين اي شي عندكم يمكن يساعدني واكون الف ممنون للجميع

[عمر عراقي]

اخويه ابو فله اي ورقه تدعم قصتك جيبهه معاك
يعني من دفتر الخدمه (اذا خادم عسكرية) واوراق تهديد
وشهادة وفاة لاسامح الله
(اي ورقة تثبت انك مضطهد وتعرضت للاذى او التعذيب او الظلم الشخصي)
وتعال . وبالنسبة للمدارس ماعندي علم اتمنى من الاخوان الملمين
بهذه الامور الجواب على سؤالك واهلا بك اخي.

[adnan nsr]

السلام عليكم

انا دخلت الى سوريا بتاريخ  16\7\2010

وقدمت هلى يوان  19\7\2010

وانطوني موعد مراجعه او مقابلة اولى انا ما اعرف يوم 17\8\2010

ادعولي بالتوفيق