I-360 وكيفية ملء هذه الأستمارة بصورة صحيحة.امثلة بالصور / بعد التحديث

[jack_of_arabia]

السلام عليكم ... كثرت في الاونه الاخيرة التساؤلات عن كيفية ملء هذه الأستمارة بصورة صحيحة وتجنب الاخطاء ...

   لذلك قمت بملء الاجزاء ال 4 الاولى من هذه الاستمارة وانا متأكد انه فيها بعض الاخطاء لذلك ارجو من الاعضاء الاعزاء الذين قاموا بملء هذه الأستمارة سابقا التعليق على الصور الملحقة في امل ان يستفاد منها الاشخاص الذين هم في مرحلة ال COM وكذلك لكي تكون مرجع للاعضاء والزوار ...

وفي حال تصحيح الاخوة الاعضاء سوف اقوم بتعديل الاستمارات المرفقة وكذلك سوف اقوم بتنزيل الاجزاء المتبقية من هذه الأستمارة في سبيل ان تعم الفائدة على الفائدة على الجميع انشاء الله ... تحياتي . جاك

ملاحظة : استخدمت أسم شخص وهمي من منطقة وهمية فقط للتذكير ...

[azizaliraqi]

السلام عليكم

عاشت ايدك اخويه jack_of_arabia

جزيل الشكر ع الصور والتوضيح

[kunda]

عاشت ايدك اخوية الورد صاحب الموضوع ولو اني بعدني انتظر (الكوم )بس معلومات حيل مفيدة بس يمكن بعد ينراد شرح بالتفصيل ,حبيب ,اني راح ابحوش بالموضوع لان اتذكر اخونا فنجنزو همينة نزل موضوع مشابه ... واحنا المفروض نفكر بيها قبل ماناخذ الكوم  مو ناخذه وبعدين نحير بالفورمة.مشكور مرة ثانية خل ادور على اسمك  لحظة...اها جاك اوف اريبيا كولي لورانس اوف اريبيا شيصير منك؟؟؟؟

[saif_godfather]

السلام عليكم
عندي بس ملاحظه
بالبارت 3 اللي بالصوره الثانيه مال حقل Address C\O  لازم ينكتب بيها عنوان شخص با امريكا او عنوان الكفيل او عنوان APO  بالعراق لان  هذا هوه المكان مال كتابه الادريسس اللي يدزن عليه اللترز مال انه الاوراق كامله ووراها بفتره يدزون واحد لاخ مال الموافقه والتحويل الى ال NVC وهذولي الميلات ( الضروف مامكن انه  تندز الى بره امريكا الى في حاله ال APO

وشكرا

[kunda]

هو هذا الحقل همينة مدوخني  والحقل الاخر اللي كتبت به كرين زون ليش يعني كرين زون؟؟؟؟؟

[saif_godfather]

هايه مو مشكله كرين زون
لان هذا عنوان الشركه وميأثر لان اكو شركات عدها اكثر من موقع

[jack_of_arabia]

السلام عليكم ... كيف حالكم شباب بداية أحب كلّ من شارك بالموضوع واخص بالذكر azizaliraqi , kunda و saif_godfather ...
الصراحة من طرح الموضوع هو لكي لا يقع الأعضاء في الأخطاء عند إرسال الأوراق المطلوبة في المرحلة الثانية حيث أن معظم الأعضاء يقومون بإرسالها عند طريق مكاتب DHL  ولكي لا يقومون بإرسالها مرة أخرى وتكون مكلفة بعض الشيء ...
ألان نقوم بشرح الأجزاء واحد واحد وعلى راحتنا وأرجو من الأخوان التعليق لكي نقوم بتصحيح الأخطاء لكي تعم الفائدة ...
الجزء 1 :
(Information about person or organization filling this petition)
( معناها معلومات حول الشخص او المنظمة صاحب هذا الالتماس)
 

[saif_godfather]

خوش حجي وعاشت ايدك

[jack_of_arabia]

السلام عليكم ... هذا هو الجزء الثاني من الاستمارة I-360 ... تحياتي . جاك

[echo 9]

السلام عليكم
اخ جاك عاشت ايدك على هالموضوع لانه فعلا مهم وانا واحد من الناس احتجت لمعرفة كيفية ملئ الاستمارة ونزلت موضوع بهالخصوص اطلب بيه مساعدة الاخوان بملئها وقد وردتني عدة اجابات من الاخوة والاخوات واخص منهم فنشيزو والوسمي وسرى وانجي واخوي الغالي ماجلان وايضا بحوشت ببعض المواضيع القديمة بالارشيف وانا مع راي الاخ سيف بخصوص الفقرة 3 فهي تخص الكفيل او عنوان الشخص اللي بامريكا وايضا حسب راي الاخ الوسمي الله يذكره بالخير تستطيع ان تكتب بهالحقل عنوان مكتب الدي اتش ال اللي ترسل منه الاوراق اذا ما تعرف عنوان شخص بامريكا يعني مو الجي ال اس بارك الله بيك انا اشتغلت هاي الاسنمارة قبل يومين واخذت براي الوسمي وايضا اكو موضوع للاخ فنشيزو وبيه رابط اعتقد رد او موضوع للاخ فالكون يتحدث عن هاي الاستمارة وهي بالمناسبة كلش سهلة وواضحة ما عدا الفقرة مال ال address c/o هاي شوية تدوخ ولكن الاخوان ماقصروا بشرحها مثل ما بين ذلك اخونا سيف برده اعلاه
بارك الله بالجهود ولو اعرف اشلون انزل الاستمارة كان نزلتها كاملة بالموضوع بس والله ما اعرف
تقبل تحياتي
Echo 9
 

[echo 9]

هذا رد الوسمي بارك الله بيه بخصوص الفقرة address c/o

[jack_of_arabia]

السلام عليكم ... هذا هو الجزء ال 3 من استمارة I-360 ... تحياتي . جاك

[jack_of_arabia]

السلام عليكم ... هذا هو الجزء ال 4 من استمارة I-360 ... تحياتي . جاك

[jack_of_arabia]

السلام عليكم ... مشكور حبيبي echo 9 على المشاركة في الموضوع بس بدون زحمة هسه انا احتاريت بسالفة C/O والمعلومات اللي بالجزء الاول هي هي خاصة بيك او للكفيل او مكتب ال DHL اللي ترسل منه الاوراق وكذلك المعلومات اللي بالجزء 3 ...
كذلك بالجزء ال 11 هل خاص لك او تتركه فارغ ... ارجو الاجابة رجاءا وكذلك ارجو من الاشخاص اللي ارسلوا اوراقهم وكالوهم اوراقكم كاملةكيف قاموا بملىء استمارة I-360 وخصوصا فقرة C/O الغامضة ... تحياتي . جاك

[saif_godfather]

عاشت ايدك جاك
هم الولد يستفادون من الموضوع

[echo 9]

اخ جاك انته متاكد من طريقتك هاي بملئ الاستمارة لان على هيج طريقة انته كاتبها معناها شغلي للاستمارة كله غلط
ارجو من الاخوان الرد على هالموضوع لان يهمنا كل احنا
اخوي جاك ارجو منك ان كنت متاكد ترد قبل لا تنلاص علينا
وشوف هاي التعليمات :
اسم الجد او العشيرة حسب الجواز لصاحب الاستمارة
1.   B  اسم الشخص
1.   C  اسم الاب
1.   D  اسم الشركة ان وجد
1.   E  تكتب اسم شخص ساكن في اميركا
1.   F  عنوان الشخص في اميركا
2.   الفقرة 2 خاصة بنوع الكيس ... اذا كان التقديم على اس اي في الجديد يتم التاشير على حرف ال .. واذا كان التقديم على البرنامج القديم.. توشر على حرف ال كي
3.   الفقرة الثالثة
3.  a اسم الجد او العشيرة حسب الجواز لصاحب الاستمارة  
3. b  اسم الشخص
3. c  اسم الاب
3. d اسم الشخص في اميركا ... مثل الفقرة الاولى
3. e عنوان الشخص في اميركا
3. f  مواليد صاحب الاستمارة
3. g  في اي بلد تمت الولادة
3. h ترك
3. i الحالة الزوجية تختار واحدة من الاختيارات  
4. a اين ترغب ان تقوم بمقابلة الفيزا .... في اي مدينة
4. b  في اي بلد  
4. c اسم الشخص في اميركا مثل الفقرة الاولى و الثالثة
4. d  عنوان الشخص في اميركا
5.  ترك
6. ترك
7. ترك
8. ترك
9.  معلومات افراد العائلة ... الزوجة و الاطفال
9. a اسم الجد او العشيرة حسب الجواز
9. b الاسم
9. c اسم الاب
9. d  تاريخ الولادة
9. e     في اي بلد تمت الولادة
9. f اختيار زوجة ام طفل  
9. g  ترك
10. a التوقيع بعد طبع الاستمارة
10. b التاريخ
10. c البريد الالكتروني
10. الباقي ترك خاص بموظف مركز نبراسكا
11. ترك ...

[jack_of_arabia]

السلام عليكم ... حبيبي انا كلت سابقا انا ما متاكد 100% من الموضوع بس انا طرحت الموضوع بالصور احسن يصير التعليق على الصور واقوم بتعديل الصور ... لا تخاف حبيبي echo 9 ترى انا ما متاكد , بس المشكلة اكثر من شخص قام بملئ الاستمارة على طريقته الخاص وانقبلت لذلك ليس هناك اتفاق على استمارة I-360 عكس استمارة DS-157 اللي عليها شبه اجماع ... تحياتي . جاك

[echo 9]

جبتها من احد مواضيع فنشيزو والرد اعتقد للاخ فالكون او اخ اخر نسيت اسمه فليعذرني
هاي للتوضيح

[echo 9]

شر ح لما سبق بالصورة

[jack_of_arabia]

السلام عليكم ... حبيبي echo 9 هذا ملف الورد موجود عندي نزلته من قسم اهم مواضيع الهجرة موضوع الاخ فينزو , بس انا وياك والاخوه في مرحلة ال COM لازم ننتظر ابن/بنت حلال يشرح النا بالتفصيل بعض الاشياء الغامضة في استمارة I-360 وخصوصا الاجزء 1 و 3 والله كريم ... تحياتي . جاك

[echo 9]

اخي العزيز جاك
جميع الاخوان بما فيهم الاخ فنشيزو والاخ الوسمي متفقين على انه هاي الفقرة اللي تقصدها تخص عنوان الشخص اللي بامريكا او الدي اتش ال اذا ما تعرف عنوان بامريكا
انته ماعليك الا تكتب اسمك بالاول وبعدها تكتب اسم الشركة اللي اشتغلت بيها ان وجدت وبعدها تكتب اسم الشخص وعنوانه اللي بامريكا او الدي اتش ال وابوك الله يرحمه

[echo 9]

الاخ جاك
ارجو ان تكون الامور واضحة هسه واذا اكو احد من الاخوان عنده تعليق يفيدنا لا يقصر قبل لا توقع الفاس بالراس لان بصراحة حضرتك خليت عندي شك والله ولو انته ببداية كلامك قلت انك ما متاكد بس هسه ( الفار بدا يلعب بعبي )ههههههههههههه

[jack_of_arabia]

السلام عليكم ... بداية انا اسف حبيبي echo 9 لان انا خليتك بشك بس احنا لازم نعرف نملي الاستمارة بصورة صحيحة ...

بالنسبة للرد مالتك بالنسبة الجزء ال 1 نكتب اسم الشخص(الكفيل اللي بامريكا او مكتب ال DHL اللي بالعراق ) بخانة C/O وبعدين عنوانه بس شنو نسوي للخانات الباقية مثل رقم الشقة , المدينة , المحافظة او الولاية , البلد , الرمز البريدي و رقم الضمان الاجتماعي...

كذلك بالنسبة للجزء ال3 شنو نكتب معلوماتي لو معلومات الكفيل اللي بامريكا ....

 كذلك بالنسبة للجزء ال 4 راح نكتب اسم الكفيل وعنوانه ... تحياتي . جاك

[echo 9]

اخوي الغالي جاك
- ( رقم الشقة , المدينة , المحافظة او الولاية , البلد , الرمز البريدي ) كلها تخص الشخص اللي بامريكا.
- رقم الضمان تكتب N\A
-الفقرة 3 تكتب بيها نفس ما كتبته بالفقرة 1 يعني اعادة لما كتبته بالفقرة 1 والاعادة هاي للتاكيد فقط
- بالفقرة 4 راح تكتب مكان المقابلة يعني وين مثلا بغداد - العراق وبعدها تعيد كتابة اسم وعنوان الكفيل او الشخص اللي بامريكا
هاي السويته انا ومو من يمي بل بمساعدة الاخرين من اخواننا الاعضاء ومن تجاربهم

[jack_of_arabia]

السلام عليكم ... اوكي حبيبي echo 9  مشكور على الرد وانشاء الله ترسل اوراقك بدون اي مشاكل ...تحياتي . جاك

[azizaliraqi]

السلام عليكم

الاخوان والله ما جاي تقصرون ابد بمساعدتنه
ربي يحفظكم ويوفقكم بجاه كل من عنده جاه يم رب العالمين

هسه شحلاته معاملات العراق.
جنسيه شهادة الجنسيه مضبطة سكن وبطاقة التموينيه 
لا دي اج ال ولا اي بي او

نظامنه بالمعاملات احسن من نظامهم هههههههههه


تحياتي

[jack_of_arabia]

السلام عليكم ... اخواني الاعزاء ترى الموضوع بعده ببداياته ولازم نتفق على صيغ صحيحة لملئ استمارة I-360 حتى اقوم بتنزيل الصور الصحيحة بس نريد مشاركة الاخوان اللي قاموا بملئ الاستمارة سابقا وتمت الموافقة عليها ارجو الدخول رجاءاً للمصلحة العامة ....


تنويه : اخوان احب اكد مرة ثانية ان الموضوع غير كامل وان جميع الصور الموجوده فيه تمثل وجهة نظر اصحابها لذلك الموضوع قابل للتحديث كلّ فترة لذلك اقتضى التنوية ... تحياتي . جاك

[saif_godfather]

مرحبا شباب
اني ماليها ودازها ومتوافق عليها
شنو اللي تحتاجوه اني حاضر

[مالايكي]

هاي شنو لعد وين جنت اني 



صاركم اشكد تتناقشون واني ماادري.....موضوع كلش حلوووووو

مشكوريين   


صدك شنو ال apoبال co?

[saif_godfather]

شباب
ال C\O Care of  وهوه هذا الشخص اللي راح يستلملك الضروف من ال USCIS  ولازم اما يكون با امريكا او اذا بالعراق ف APO

[jack_of_arabia]

السلام عليكم ... كيف الحال شباب , اسف على الغيبة وانشاء الله نكمل الموضوع , كذلك ارجو من الاخ العزيز  saif_godfather ان يوضحنا شنو سوه عندما قام بملء الاستمارة ارجو ذلك ... تحياتي . جاك

[saif_godfather]

صديقي jack_of_arabia
الحجي الليفوكَ مال الشباب المدعوم بالصور صحيح بس كانت فقره ال C\O  مو واضحه واني شرحتها بالكومنت اللي قبل هذا

واذا يجي شي ببالك هم كول

[jack_of_arabia]

السلام عليكم ... حبيبي وصديقي العزيز saif_godfather بس بدون زحمة الجزء الاول من الاستمارة , تحط معلوماتك لو معلومات الشخص اللي بامريكا , بالنسبة لفقرة C/O  هاي صارت مفوهمة , بس مثلا رقم الشارع واسمه , رقم الشقة , المدينة , المحافظة او الولاية , البلد , رقم الرمز البريدي ورقم الضمان الاجتماعي الامريكي هاي المن...

نجي للجزء الثالث من الاستمارة , تحط نفس المعلومات بالجزء الاول لو تختلف , بعدين اكو تاريخ الميلاد وبلد الولادة ورقم الضمان الاجتماعي والحالة الزوجية هاي المن  ...

نجي للجزء الرابع يكول وين تريد تقابل بيا  سفارة اذكرها واسم الدولة هاي سهلة بس يكول اذا وضعت عنوان شخص امريكي في الجزء الثالث اذكر اسمه وعنوانه  ... الخ

انت شنو رأيك ... تحياتي . جاك

[saif_godfather]

jack_of_arabia


بالنسبه لهايه الاستمارهالغرض منها معلوماتك انت وبس اما بالنسبه للفقرات اللي بيها رقم الضمان الاجتماعي فا اكيد مو الك
بس بدون زحمة الجزء الاول من الاستمارة , تحط معلوماتك لو معلومات الشخص اللي بامريكا , بالنسبة لفقرة C/O  هاي صارت مفوهمة , بس مثلا رقم الشارع واسمه , رقم الشقة , المدينة , المحافظة او الولاية , البلد , رقم الرمز البريدي ورقم الضمان الاجتماعي الامريكي هاي المن...
بالنسبه لهذا السؤال فا اكيد الجزء الاول هوه الك مو معلومات الشخص اللي با امريكا بس بالسؤال 4 مال العنوان هذا مال كير اوف
يعني احد يستلملك الميلات من ال USCIS ولازم اي بي او حصرا هنا او با امريكا اما سؤال 10و11و12 كلها N\A

جي للجزء الثالث من الاستمارة , تحط نفس المعلومات بالجزء الاول لو تختلف , بعدين اكو تاريخ الميلاد وبلد الولادة ورقم الضمان الاجتماعي والحالة الزوجية هاي المن  ...

اي نعم اتخلي نفس المعلومات اللي بالجزء الاول وتاريخ وبلد الولادة مالتك وبالضمان الاجتماعي تكتب N\A  اللي هوه سؤال 10


نجي للجزء الرابع يكول وين تريد تقابل بيا  سفارة اذكرها واسم الدولة هاي سهلة بس يكول اذا وضعت عنوان شخص امريكي في الجزء الثالث اذكر اسمه وعنوانه  ... الخ

بالنسبه للجزء الرابع تختار عراق بغداد وبس وماكو اي شي ثاني اتضيفه بهالفقرات هذا اذا انت جنت بالعراق او اتريد اتقابل بالسفاره اللي بالعراق


واني الممنون

[jack_of_arabia]

السلام عليكم ... شكراً حبيبي وصديقي العزيز saif_godfather على التوضيح وعاشت ايدك , بس بدون زحمة الجزء ال 11 نتركه فارغ لو نخلي بيه معلوماتنا لو  الشخص اللي راح يدقق الاستمارة يخلي معلوماته وعذراً على الازعاج ... تحياتي . جاك

[kunda]

عمي مشكوريين وعاشت الايادي ماقصرتوا ابد

[jack_of_arabia]

السلام عليكم ... كيف الحال شباب نرجع لموضوع استمارة I-360...

اخوان بالنسبة للاجزاء التالية ...

الجزء ال 5 ... ترك
الجزء ال 6 ... ترك
الجزء ال 7 ... ترك
الجزء ال 8 ... ترك
الجزء ال 9 ... هذا الجزء مخصص الى المتزوجين واللي عدهم اطفال ...

اما الجزء ال 10 فهاي صورة توضيحية عن هذا الجزء ...

[saif_godfather]

السلام عليكم ... شكراً حبيبي وصديقي العزيز saif_godfather على التوضيح وعاشت ايدك , بس بدون زحمة الجزء ال 11 نتركه فارغ لو نخلي بيه معلوماتنا لو  الشخص اللي راح يدقق الاستمارة يخلي معلوماته وعذراً على الازعاج ... تحياتي . جاك


اي الجزء 11 تتركه فارغ

 

[jack_of_arabia]

السلام عليكم ... شكراً حبيبي saif_godfather على الرد وارجو ان تكون بخير ... بس راح اضوجك بالاسئلة لان عندي عدة اسئلة حول هاي الاستمارة , اذا تسمح حبيبي اذا صار عندك وقت جاوبني ...

السؤال الاول : بالجزء الثالث من الاستمارة / النقطة ال 2 الخانة مال C/O بيها عدد الحروف محدد مو مثل الخانة الموجودة بالجزء ال 1  النقطة ال 3 الخانة مال C/O عدد الحروف بيها عادي مفتوح , لان من كتبت اسم وعنوان الشخص بامريكا اخذت عادي بس بالجزء الثالث ما اخذت بس عدد قليل من الحروف...

اخوك جرب جميع الطرق المعروفة في الحاسبة بس ما صارت لان الاستمارة محمية ... شنو الحل برأيك ... تحياتي . جاك

[saif_godfather]

والله صديقي اني هايه الفقره هم ضوجتني بوقتها بس اللي سويته انه اختصرت الحجي اللي اريد اكتبه وسويته اقل من اللي مكتوب بالجزء 1 ومشت المسأله عادي

[jack_of_arabia]

السلام عليكم ... شكراً صديقي وحبيبي saif_godfather على التفاعل مع الموضوع وانشاء الله الموفقية بحياتك ... بس لا تنسى بعد عندي اسئلة , فأنت من يمك من تدخل على المنتدى مر على الموضوع واكيد راح تلكه سؤال الك ... تحياتي وانا اسف على الازعاج . جاك

[jack_of_arabia]

السلام عليكم ... اخوان هاي صورة الجزء ال 11 من استمارة I-360 ... تحياتي . جاك

ملاحظة : الجزء ال 11 يُترك فارغاً...

[saif_godfather]

سهله عمي تتدللون

[IRAQI ID]

سلام عليكم
اني عندي صندوق بريد بالاردن هل ممكن نبعث من عندة الاوراق ونخلي بالفورم رقم الصندوق لو لازم عنوان باميركا؟

[جاسم كراده]

السلام عليكم ... كثرت في الاونه الاخيرة التساؤلات عن كيفية ملء هذه الأستمارة بصورة صحيحة وتجنب الاخطاء ...

   لذلك قمت بملء الاجزاء ال 4 الاولى من هذه الاستمارة وانا متأكد انه فيها بعض الاخطاء لذلك ارجو من الاعضاء الاعزاء الذين قاموا بملء هذه الأستمارة سابقا التعليق على الصور الملحقة في امل ان يستفاد منها الاشخاص الذين هم في مرحلة ال COM وكذلك لكي تكون مرجع للاعضاء والزوار ...

وفي حال تصحيح الاخوة الاعضاء سوف اقوم بتعديل الاستمارات المرفقة وكذلك سوف اقوم بتنزيل الاجزاء المتبقية من هذه الأستمارة في سبيل ان تعم الفائدة على الفائدة على الجميع انشاء الله ... تحياتي . جاك

ملاحظة : استخدمت أسم شخص وهمي من منطقة وهمية فقط للتذكير ...

السلام عليكم, عزيزي جاك
تحية طيبه مع فائق الشكر والتقدير على هاي المبادره في تسهيل عملية ملاء هذه الاستماره .
اني عندي بعض الاساله والتي احب التوضيح عليه في اى قسم من الاقسام اكدر اضيف افراد عالتي ....؟ ارجوا المساعد

[jack_of_arabia]

السلام عليكم ... كيف حالك اخي العزيز جاسم كراده, الجزء الخاص بافراد الاسرة هو الجزء ال 9 ... تحياتي . جاك

[jack_of_arabia]

السلام عليكم ... كيف الحال شباب مبروك عليكم الشهر الكريم وتقبل الله طاعتكم ...


ارفق لكم " دليل استمارة I-360"   وهو مجهود بسيط اقدمه لاعضاء وزوار منتدى عنكاوا ... تحياتي . جاك

لتحميل الملف


                                  http://www.4shared.com/get/gXxS9Kck/__I-360.html

[ghost rider]

السلام عليكم اخواني
طيب واللي ماعندة كفيل بامريكا, وهوة معايش بالعراق شلون يترس c/o ؟اكدر اذا استلمت الكوم اكتب عنوان DHL بالبلد اللي اني بيه؟
رجاء الافادة .
وشكرا على تعاملكم الرائع

[الملك شارل]

اخواني الاعزاء

عندي استفسار

قمت بالتقديم على برنامج ال اس اي في منذ شهر ايلول 2009 وبعد مراثون مراسلات بيني وبين الاس اي في والمدير الامريكي اخيرا حصلت على ال جيف او مشن. الان المفترض ان اقوم بارسال الاوراق الى نبراسكا عن طريق البريد.
سؤالي هو اني اريد التقديم لزوجتي وطفلي ايضا، هل اقوم بارسال الفورمة 360 لي وحدي واذكرهم بالفقرة رقم 9 ام اقوم بملئ استمارة لكل منهم؟ واذا كان يجب ان املئ استمارة لكل منهم ماذا سوف اكتب الاسم في الفقرة 1 و الفقرة 3.

وشكرا لكم مقدما على المساعدة

[kunda]

up

[david2010]

اخواني واخواتي بالمنتدى اني عضو جديد ارجو ان اتقبلوني ضيف عدكم وتحياتي للجميع
دخيل الله بس اريد واحد ايكولي بالمضبوط والصحيح اشلون املي الفورم المقدسi-360

[mamad]

أخوان حبيت أصحح بعض المعلومات عن طريقة ملء الأستمار I-360  وأتبعت بيها الطريقة اللي دزولي إياها بأيميل من نبراسكا نفسها، وإليكم الرابط

http://www.ankawa.com/forum/index.php/topic,450494.0.html

أخوكم mamad

[Abu Tubar]

يابه دوختونه ومفتهمنه شي اني دزيتها وامري لله هنا واحد يجر بالطول واحد بالعرض
يلا في مان لاه

[OM HAITHAM]

السلام عليكم ورحمة الله وبركاته : اخواني حبيت استفسر عن طريقة الحصول على الاستمارة I-360 وخطوات التقديم على برنامج الSIV بالتفصيل . لان بصراحة مدا نعرف من وين نبدي ولا شلون نقدم . ارجو منكم المساعدة ولكم جزيل الشكر

[BaghdadGhost]

بارك الله بيك اخي جاك العرب وبكل اللي قدم المساعده بهذا الموضوع واني حاضر لأي سوال او استفسار

[abo yunes]

سلام عليكم شباب واخواني الاعزاء ممكن اعرف شنو هوه فورم i360

[ORCA]

وعليكم السلام ورحمة الله وبركاته

[s350thebest]

بارك الله بكم
وضحت الامور ومشكورين.

[Engineer82]

يعني اخوان ياريت وارجوكم...لو الي يجاوب علسوال يكون قاري السوال زين
ويكون مجرب وعنده معلومات
يعني اخونه jack_of_arabia ..منزلي مجموعتين صور وحده عكس الاخرى بحيث دمرنه وخلاني صافن ما اعرف شسوي
يعني انت ما اعرف اسوي سيرج مثلا؟؟
عندك شي متاكد منه كوله ماعندك لتنزل صور وتجارب شخصيه وغلط

محد يجاوب عل الجزء الاول الفقره التخص بالعنوان من رقم 4 الى الاخير هي تخص صاحب الفايل لو الشخص الي بامريكا

اكثر من 400 الف بوست كله تلف وادور وجاوب ماكو....كل واحد يكول شكل

[سعد الدليمي]

مسالخير عيوني اني أخوكم من العراق مشترك جديد بالموقع ارجو المساعدة منكم اريد افتهم اكو تقديم عل هجرة من العراق لان بصراحة مااكدر أسافر واعيش بدول الجوار وشكرا الكم تحياتي