صدمة مفزعة

[كاسـ الحنون ـبر]

صباح الخير
شباب وبنات الرجاء الرد على موضوعي
سمعت انه اليو ان ومنظمة الهجرة في مصر
راح تغلق في نهاية السنه والسنه هاي
اخر سنه الهم هل هذا الموضوع صحيح؟؟
زين والناس اللي بعدها مكملانه معاملاتها شنو يكون مصيرهم؟؟
زين احنه بشهر السابع حاليا يعني مبقه شي وتنتهي السنه وبس المحلفين وغيرها تاخذ اقل شي 6 شهور؟؟
 

[/size][/color]

[مالايكي]

لاتصدك كلشي

[كاسـ الحنون ـبر]

والله ياغالي رامي ماعرف شكولك
بس هوايا ديكولون هالشي
وهوايا ديتناقلو ماعرف
اذا احد سامع شي ياريت يكوله اني هذا اللي سمعته
من اكثر من واحد

[angie-dawood]

حتى لو اكو هيجي اشاعة انتوا ما دام مسجلين وعدكم رقم فايل راح يقابلوكم وكلشي حسب الاصول لا تهتم اخي ولا تصدق اي اشعاعات تصدر من الناس ثق من سنة 1991 واني كنت مسجلة لاجئة باليونان اسمع هذا الكلام فلا تصدق اي شي واتركها على الله 

[كاسـ الحنون ـبر]

شكرا الج اخت انجي
ونعم بالله
وكل شي بيد سبحانه وتعالى
بس هنا بمصر يعني حته امل مبقه عدنه
اكثر من نص العراقيين لغو الكارت ورجعو يأما البغداد
يأما راحو لسوريا والاردن لان هناك احسن واسرع
واحنه هنا منسيين وانوب كملت بهذا الخبر
اتمنى يكون خبر كاذب تحياتي

[** يدكو **]

اخي مثل ماكلنا كل مرة وراح اعيده اذا ماتسمع من مصدر رسمي او حكومي يقال هذا الشي فمعنا هذا دعاية واعلام


وان شاء الله مايحصل هذا الشي ابدا


وبالتوفيق لك

[echo 9]

السلام عليكم
اخي العزيز انا مع راي الاخ يدكو  اذا الكلام ما يصدر عن جهة رسمية يتعلق الامر بها فلا معنى له غير الاشاعة
ايضا راي الاخت انجي بمكانه يعني مو من المعقول حتى في حال صدق هاي الاشاعة انه يهملون المعاملات العندهم رقم حالة وملف مفنوح
بارك الله بيك اخي العزيز وربي يوفقك
Echo 9

[lazordy]

اخي صاحب االموضوع .. والاخوة جميعا ... السلام عليكم

بس حبيت انوه عن شغلة .. ولو اني هم جديدة مثلكم وانتظر مقابلة المحلفين

بس اكو حقيقة مهمة جدا .. مكتب المنظمة بمصر وبأي دولة بالعالم مو مفتوح على مود العراقيين وبس .. هذي منظمة عالمية لكل اللاجئين بالعالم .. يعني مهما كانت ظروف العراق ومهما كانت ظروف المشتغلين ويا الامريكان او غيرهم .. المسجل لازم يكملون معاملته .. بعدين ما راح ينسد مكتب المنظمة لا بمصر ولا بأي مكان الا في حالة وحدة ..... وهي ان الامم المتحدة تنلغي من اصلها !!!

لهذا اخي لا تصدق اي كلام تسمعه .. وان شاء الله .. الله يوفقك ويوفقنا ويوفق كل واحد كاعد ينتظر الفرج

اختك لازوردي

[kunda]

صدق حبيبي كلشي يصير ابو داعيك من سنة 1997 مسجل لاجيء في الاردن وهسه اسمع حسك بالعراق العظيم صرت طرشي نجفي لانه وهوية اللجوء مالتي عفا عليها الزمن راح اشوفلي متحف اخليها بيه

[alalgawy]

والله يا اخي ماظل عدنة اعصاب من هاي الاخبار

ومع ذلك كلشي جائز وراح تكون مصيبتنة  مصيبة الانتظار لفترة اطول

[متوكل على الله]

لازوردي صح

[lazordy]

شكراااا اخي متوكل على الله

[kunda]

حسبنا ربنا

[عاشق شروكية]

عيوني هذا الكلام لتصدكون بيه


لأن صارلنا من ولدنا لحد الأن بس نسمع أكاذيب وأشاعات

وبالنهاية كلها متصير


أطمئن وكول يا الله



اخوكم : عاشق شروكية

[احمد سلطان]

اى صحيح لان كاعدين ايجار و عقدهم راح ينتهى وابو البيت راح يشيلهم يمعودين متجوزون من هاى الاشاعات

[ملك الحيرة]

كلام صحيح من اختنا انجي
انته مادام عندك ملف خلاص لازم ينتهي موضوعك انشاءالله .. واذا عدهم نية غلق المكتب لازم يوقفون الطلبات الجديدة وهمة بعدهم ما موقفين على حد علمي

حتى لو اكو هيجي اشاعة انتوا ما دام مسجلين وعدكم رقم فايل راح يقابلوكم وكلشي حسب الاصول لا تهتم اخي ولا تصدق اي اشعاعات تصدر من الناس ثق من سنة 1991 واني كنت مسجلة لاجئة باليونان اسمع هذا الكلام فلا تصدق اي شي واتركها على الله 

[/b][/color][/size]

[كاسـ الحنون ـبر]

اشكركم اخواني على كلامكم المطمئن
والله يسهل ويارب يطلع الخبر كذب
اشكركم جزيل الشكر ويارب الموفقية والنجاح للكل
وتسهيل امور الجميع

[المسافرة]

اخي افرض الكلام الذي سمعته صحيح يعني شو الحل ولا شي لانه  مو طالع في ايدنا شيء غير الانتظار والدعاء الى الله عز وجل لتسهيل امرنا وامر الجميع بسرعة

[كاسـ الحنون ـبر]

والله اختي اذا الكلام هذا صحيح اضطر اسافر لسوريا اقدم مناك
عله الاقل اكسب عامل الوقت
واذا مرهمت ارجع للعراق شسوي الموت واحد والرب واحد
مو احسن من الشباب الحلوه الراحت