المحرر موضوع: ▒ ▄ █ ▌ جمعية IOM مصر منتظرين الفرج ▄ █ ▌ ▒ (زيارة 196823 مرات)

مــــان · « **رد #2000 في:** 23:26 22/02/2011 »

ترة ولد مو بنية

حتى اسمي مااان ههههههههه

ننوسة · « **رد #2001 في:** 00:21 23/02/2011 »

الف الف الف مبروووك على الصفحة الجديدة يارب تكون صفحة خير وبركة وسفر واخبار كلها حلووووووة للكل

ومبروووك لاخونا kfc_w2002 وبالموفقية والوصول بالسلامة ويفتحها الله بوجهكم بامريكا تستاهلون كل خير انتظرتوا هواية والله فرجها

بالنسبة النا لسة مكتش ههههه مثل مكتب اخونا ياسر بالتعديلات الجديدة بالجدول عاشت ايديك عجبتني وضحكت عليها هوااااية

وانشاء الله ينختم ملفكم قريبا والسفر القريب للجميع ياررررررررب

مــــان · « **رد #2002 في:** 07:40 23/02/2011 »

اخواني الاعزاء

نظرا للنفاق والشقاق داخل منتديات عنكاوا

مع احترامي للطيبين

راح اطلع من المنتدى

لان الواحد كلبة خلصان

واحنه طلعنا من العراق حتى نخلص من النفاق والكذب

هلنوبة علينه المنتديات

الي يريد شي محتاج مساعدة

يدخل على

www.ahalna.com

لان هناك ناس طيبين ويعرفون الاصول

وايضا توجد جمعية مصر

والكل من الادارة للاعضاء ناس طيبين

مو هنا الكل مصالح شخصية

هذا قرار نهائي مارجع بي لو اجه اعز شخص على قلبي مارجع

لان صدك شي مستفز

اني مداتكلم على اعضاء الجمعية وانما على الي بالمنتدى عامة

وايضا ايميلي الخاص موجود المحتاج مساعدة

iraq_ws2003@yahoo.com

تحياتي

بلا امل · « **رد #2003 في:** 09:14 23/02/2011 »

اخ مان اني صدك اسفه عبالي ابنيه

صدام الدليمي · « **رد #2004 في:** 16:55 24/02/2011 »

السلام عليكم
شلون الاخوان والاخوات ان شاء الله بخير
توني رجعت من المنظمة حاليا ديستقبلون مراجعين الحمد لله دخلت وقابلت حاتم
نفس الشي الامنية لسه مكتش
الله كريم

soloworld · « **رد #2005 في:** 01:49 26/02/2011 »

لاحظت شئ غريب . مثلا الـ name check والـبصمات واصلة و من هالامور : ) , لمن اخابر مينطوني هيجي تفاصيل راسا مكتش ( على كوله مان ) و يفضوها . شلون اذا اريد اعرف مثل هيجي تفاصيل .

pati · « **رد #2006 في:** 03:26 26/02/2011 »

يا جماعة الخير شنو اخبار المحلفين ؟؟؟ ماكو خبر والله كاعدين على اعصابنه

soloworld بالنسبه لسؤال حضرتك مااعندي معلومه عن الموضوع ... ياريت اهل الخبره يجاوبوك

ددوفي · « **رد #2007 في:** 07:47 26/02/2011 »

مقتبس من: soloworld في 01:49 26/02/2011

لاحظت شئ غريب . مثلا الـ name check والـبصمات واصلة و من هالامور : ) , لمن اخابر مينطوني هيجي تفاصيل راسا مكتش ( على كوله مان ) و يفضوها . شلون اذا اريد اعرف مثل هيجي تفاصيل .

اخي هذي التفاصيل ماتكدر تعرفهة بالتليفون لازم تروحلهم اما يوم الاربعاء او الخميس وتقوللهم بالباب عندك استفسار ولما تدخل راح ييجك لو حاتم لو لورنس وهمة يفهموك هالتفاصيل

صابرين · « **رد #2008 في:** 12:50 26/02/2011 »

الله يذكرها بالخير مدام مشيرة كلشي تسأل وهي تجاوب وايضا خطية تعطي تفاصيل حتى لو ما سألت
بس هسة رجعت ايمان ترد على التلفون

حتى من سألتها هل ملفنا راح الى الولاية قالت بجفاء شلون يروح وانتم ما مسوين فحص طبي

soloworld · « **رد #2009 في:** 13:01 26/02/2011 »

الى الاخت صابرين , ايمان الي دائما و اغلب الاوقات ترد على التليفون ( الله يستر منها ) لاتوثقين بحجيها , لانه كذا مرة كالت ماكو شئ و رحنا و استفسرنا طلع اشكال و ألوان , حاولي تشوفين أما لورانس , او بنية نادرا ماتطلع صوت كلش بيه بحه ( هههههه ) .
و اسوء الاحتمالات حاتم , الا ايمان : ) ..

بس هو فعلا لمن يخلص الفحس الطبي يلا تبدي مراجعة الولاية , و اني سمعت انه مراكز الفحص الطبي انفتحت من الاسبوع الي فات .

lazordy · « **رد #2010 في:** 15:58 26/02/2011 »

مساء الخير لعيون أعضاء جمعيتنا الكرام

الليوم اتصلوا بي وكالوا تعالوا احضروا الدورة التثقيفية يوم الاثنين .. منو راح يحضر ويانا يا ريت تكتبولنا

تحياتي

pati · « **رد #2011 في:** 18:03 26/02/2011 »

مبروك لازوردي على الدوره التثقيفيه
و مبروك للاخت تفرج يارب

اذا عندج كفيل خلي الكفيل بين فتره و فتره يروح للمنظمه مال الاجئين الي يمهم و الي رح تستقبلكم و يسالهم هل اسمكم وصل لو لا ... اني جنت الكفيل مال اقربي و جنت دائما اروح للمنظمه الي يمنا و اسال اسمهم اجوي لو لا و اخر شي كالولي اكو لسته نعلكعهه على الحايط كل يوم اربعاء بيهه اسماء اللاجئين الجدد الي رح يجون قريبا و فعلا بقيت متابع الى ان شفت اسم اقاربي على اللسته و خابرتهم و كتلهم اسمكم موجود و انتوا رح توصلون بفلان يوم و فلان ساعه و ,,, تصوروا مجان عدهم علم لانه ال اي او ام ممخابريهم وراهه خابروا على ال اي او ام كالولهم اي صح اسكمكم على جدول السفر بعد اسبوع ...
فخلي الكفيل يساللكم اذا عدكم كفيل و اذا ماكزو كفيل فاتصلوا بصوره دائميه بالمكتب هم ميجون اله بالملحه

... طبعا دنعد الايام و الليالي على جية المحلفين و رح ندخب بشهر الثالث يعني هسه احنه بالانذار و يارب الفرج القريب

lazordy · « **رد #2012 في:** 19:41 26/02/2011 »

مشكور اخوية pati ممنونة منك .. ان شاء الله راح اكول للكفيل .. بلكت يبشرنا ..

الحائره · « **رد #2013 في:** 20:19 26/02/2011 »

تحية طيبه لجميع الاخوه والاخوات

بالنسبه لسالفتي رحت كبل 3 ايام كالولي شي حيل دوخني كالولي انه الفحص الطبي مالتكم بالاردن ومحطوا نتيجته عالسستم وممكن ياخذ الوضوع 8 اسابيع ؟؟؟؟ من شافوني انجلطت كالولي انه ملفي مختوم بس يج الفحص الطبي وموافقة الولاية موضوع جدا سهل وراسا نسافر

بالنسبه الي لاحظت تناقض يعني شون الملف مكامل وبفس الوقت مختوم؟؟؟

الله يستر من فراراتهم

اتمنى التوفيق للجميع والله كريم

ردت اسالكم اني والدتي هم مقدمه عاللجوء ومكمله كلشي
حته ملفها مختوم وهسه صارت الامنيه مالتها اكسباير يعني برايكم شكد راح تتاخر والله متنامن القهر

ددوفي · « **رد #2014 في:** 20:33 26/02/2011 »

عيني اختي بالنسبة للملف ينختم بعد موافقة المحلف وقدوم الامنية والبصمات

اما الفحص الطبي وتحديد الولاية فهذي العملية معليهة بختم الملف لانها تحصيل حاصل

اتمنى ان يكون جوابي واضح واحب اكولج كلامي هذا اكيد

اما عن موضوع الامنية الاكسباير فة ما عندي علم لا آني ولا غيري كلمن وحضة

بلا امل · « **رد #2015 في:** 22:23 26/02/2011 »

اختي اذا الامنيه صارت اكسباير اتوقع من 3 الى ست اشهر ترجع تطلع ومن الله التساهيل

كاسـ الحنون ـبر · « **رد #2016 في:** 00:12 27/02/2011 »

السلام عليكم اخواني واخواتي محد يعرف شوكت موعد المحلفين الجاي اني قابلت من شهر ال 11 وعبالي الحك عله محلفين شهر 12 بس كلولي انت على المحلفين الوجبه الوراها ولهسه انتضر المحلفين يجون وكل ما اتصل يكولولي منعرفش كلمتهم المتعودين عليها ياريت اذا احد عنده علم بموعد المحلفين ينطينا خبر وشكرا الكم تحياتي للجميع اخوكم مصطفى كمال

soloworld · « **رد #2017 في:** 00:41 27/02/2011 »

كاسبر اني سمعت انه على شهر 3 ان شاء الله لانه هم اكو هواي ناس حولوهم على المحلفين مالت شهر 3 ..
بس ما اعرف اذا التاريخ بعد تغير على هالاوضاع لو لا .. الله اعلم ..

كاسـ الحنون ـبر · « **رد #2018 في:** 00:44 27/02/2011 »

مقتبس من: soloworld في 00:41 27/02/2011

كاسبر اني سمعت انه على شهر 3 ان شاء الله لانه هم اكو هواي ناس حولوهم على المحلفين مالت شهر 3 ..
بس ما اعرف اذا التاريخ بعد تغير على هالاوضاع لو لا .. الله اعلم ..

شكرا جزيلا على الرد هوه كل سنه يجون شهر 3 بس اللي اريد اعرفه راح يجون على نفس الموعد وليش لحد الان مخليها سكته
الله كريم بلكي الله يجون باسرع وقت لان وضعيتنه فد مره تلفت

lazordy · « **رد #2019 في:** 08:57 27/02/2011 »

مقتبس من: تفرج يارب في 00:32 27/02/2011

مبروك اختنا الغالية لازوردي علدورة وانشالة يوم تبشرينة بموعد السفر انتى واخونة الغالي ياسسسسسسسسسر وكل الاخة الموجودين واللي ينتظرون يارب تفرج علينة وعليكم يارب تفرج على كل العراقيين يارب 00

مشكورة حبيبتي ام حمودي .. يا رب تفرج عليكم وعلينا و على كل الاعضاء بالقريب العاجل ..

صابرين · « **رد #2020 في:** 10:37 27/02/2011 »

الف مبروك اخت لازوردي على موعد الدورة الثقافية وان شاء الله موعد سفر عن قريب
الحمد الله تم اعطائنا موعد فحص طبي ويارب تتسهل على الجميع

مستشير · « **رد #2021 في:** 11:39 27/02/2011 »

شلونكم شباب محلفين شهر 12 شنو ماكو اي اخبار جديدة طمنونة

pati · « **رد #2022 في:** 19:09 27/02/2011 »

اخواني منو اتصل على المنظمه هالايام .. لانه الييوم اهلنا بمصر اتصلوا على ال اي او ام مبقوا رقم مدكوا عليه و محد يرد ... دنريد نشوف شنو اخبار المحلفين و شوكت يخلوهم عالجدول مال مقابلات

pati · « **رد #2023 في:** 19:14 27/02/2011 »

اذا عدكم ارقام ال اي او ام الي يجاوبون عليهه ياريت تكتبولنياهه و اكون ممنون منكم

lazordy · « **رد #2024 في:** 20:19 27/02/2011 »

شكراااا حبيبتي صابرين .. والحمدلله دعواتكم كانت مستجابة .. واليوم اتصلت بينا المنظمة وانطتنا موعد سفر الاسبوع القادم
ان شاء الله يا ربي .. يسهل امركم جميعا .. المنتظرين واللي راح يقابلون محلفين ... وتمنياتي بالموفقية للجميع

تحياتي

مــــان · « **رد #2025 في:** 22:12 27/02/2011 »

مقتبس من: pati في 19:14 27/02/2011

اذا عدكم ارقام ال اي او ام الي يجاوبون عليهه ياريت تكتبولنياهه و اكون ممنون منكم

0123260479

0223580011

مــــان · « **رد #2026 في:** 00:14 28/02/2011 »

مقتبس من: تفرج يارب في 22:58 27/02/2011

هلووو ياسر نورت الجمعية ---- شونهم الاخوان والاخوات ياربي بخير انشالة نسمع الاخبار الطيبة للجميع والخير فيما اختارة اللة ونعمة بة

الله كريم

ننوسة · « **رد #2027 في:** 00:15 28/02/2011 »

الف الف مبروك اختنا العزيزة لازدوري على موعد السفر وانشاء الله الاستقرار لحياتكم الجديدة يارب

حبيت اسالكم سؤال اليوم اتصلت وطلعتلي ايمان وكالمعتاد الامنية لسة مكتش ومااعرف شوكت راح تجي صار 6 شهور انتظار وسالت بالنسبة للولاية شوكت تجي موافقة الولاية كالولي من يوصل الفحص الطبي يعني شنو ؟؟؟؟ احنا الفحص الطبي مالتنا واصل من زمان لمصر شنو يوصل للولاية وبعدين تجي الموافقة وبعدين يتصلون بالكفيييل صارت هوسة وكلشي مدنفتهم الله يخليكم اللي يعرف شي يكولي لانه صدك دخنا ومدنعرف شنو نسوي اعرف ناس جايتلهم موافقة الولاية قبل الامنية يعني من توصل الامنية راح يتصلون بالولاية لو شنو الفلم ؟؟؟؟ ومرة يكولولي سكيورتي نيم ومرة الامنية مواصلة والله اعلم شنو ديصييييير

وشكرا لتعبكم ويايا اخوتي الاعزاء

pati · « **رد #2028 في:** 02:41 28/02/2011 »

كلش مشكور اخويه مان على الارقام ... نور المنتدى بيك مره ثانيه

lazordy · « **رد #2029 في:** 18:19 28/02/2011 »

شكراا حبيبتي ننوسة وان شاء الله يوم الكم ولكل المنتظرين رحمة الاي او ام

بالنسبة لسؤالج وحسب خبرتي المتواضعة ومن اللي قريته بالمنتدى .. هم ميدزون يطلبون موافقة الولاية الا بعد ان يوصلهم الفحص الطبي من العيادات اللي صار بيها .. بعدين يدزون الفحص لعمان بعدين يرجع الفحص من عمان وبعدها يبدون بأجراءات موافقة الولاية والاتصال بالكفيل .. وكل هذا الحجي ماله علاقة لا بالموافقة الامنية ولا بالبصمات .. هذولة الاثنين من يجون يروح الملف الى مرحلة ختم الملف اللي دياخذ شهر تقريبا حسب ما دنشوف من معظم الناس .. ومن تكمل موافقة الولاية وختم الملف تكونون مهيئين لتحديد موعد السفر .. اتمنى اكون جاوبت على سؤالج .. واذا اكو غلط بأي شي يا ريت الاخوان يصلحولي

تحياتي

ننوسة · « **رد #2030 في:** 03:16 01/03/2011 »

شكرا اختي العزيزة لازدوري على توضيحج الحلووو بس احنا فحصنا الطبي واصل من زمان لمصر يعني راح لعمان ورجع حسب معرفت من حاتم شوكت يعني المفروض يبدون بيه ويدزوه لو لازم نسال حاتم بالموضوع ونكوله يبدون بيه لو هذا شغلهم المفروض صدكيني مااعرف بعد شلون افكر اني عبالي من تجي الموافقات الامنية تصير مال موافقة الولاية زين شنو لازم نسوي حتى يبدون بالولاية الله يخليج لو تعرفين كوليلي اعرف هسة انتي مشغولة بالسفر هاي الايام بس اللي يعرف وصايرة بيه هيجي خلي ينصحني مع العلم الفحوصات من شهر 9 واصلة من عمان ... وشكرا مرة الخ اختي لازدوري وانشاء الله توصلين بخير وتستقرين يارب

lazordy · « **رد #2031 في:** 08:05 01/03/2011 »

حبي ننوسة تتدللين عيوني .. حسب ما اعرف المفروض هم مباشرة يدزوه .. وانتو ماكو شي تكدرون تسووه ..لأن هذي بالنسبة الهم اجراءات روتينية بس الوقت اللي تاخذه مو بيدهم .. مع هذا اسألوا حاتم .. ولحوا عليه حتى يشوفلكم شنو المشكلة .. الحقيقة حاتم حباب ومتعاون ولو اني رأيي جان غير شكل قبل .. بس شوية لحوا بلكت تعرفون شنو سبب التأخير

وان شاء الله تتسهل اموركم .. وينطوكم موعد سفر قريب .. لأن ما شاء الله هالايام دتنحل عقد هوايه ناس

تحياتي

lazordy · « **رد #2032 في:** 18:36 01/03/2011 »

يابا اخر الاخبار .. سفرنا تأجل بسبب طلب البصمات من قبل الحكومة الامريكية

والله يعلم شوكت راح تفض هذي الشغلة

يا ريت اللي كان عنده سفر وتأجل يكتبلنا هنا او اذا سامعين عن شخص من اللي على اساس يسافرون بشهر 3

تحياتي

نخلة بغدادية · « **رد #2033 في:** 18:59 01/03/2011 »

حبي لازوردي اليوم اتصلت بيه صديقتي ايضا ماجلين سفرهم والي كان المفروض بشهر الثالث وايضا طالبين منهم البصمات وهمه حايرين يعني لازم ينتظرون المحلفين يجون لمصر يله ياخذون البصمات لو ممكن اخذها الان واذا عندك علم او اي شخص اخر يفهمنا لان صديقتي مديعرفون شلون الوضع ويارب يتسهل سفرهم وسفرنا وكل من عنده سفر .

اختكم نخلة بغدادية

lazordy · « **رد #2034 في:** 19:15 01/03/2011 »

شكراا حبيبتي نخلة بغدادية .. ان شاء الله اذا عرفنا شي راح نكتبه هنا بالجمعية .. بس ما عرفت حضرتج انطوج موعد سفر لو لا ؟؟

زهرة الصبار · « **رد #2035 في:** 19:37 01/03/2011 »

مقتبس من: lazordy في 18:36 01/03/2011

يابا اخر الاخبار .. سفرنا تأجل بسبب طلب البصمات من قبل الحكومة الامريكية

والله يعلم شوكت راح تفض هذي الشغلة

يا ريت اللي كان عنده سفر وتأجل يكتبلنا هنا او اذا سامعين عن شخص من اللي على اساس يسافرون بشهر 3

تحياتي

يامسكينه يا لازوردي هم لحكج سرة التاجيل الله لا ينطيهم
الله كريم

lazordy · « **رد #2036 في:** 19:49 01/03/2011 »

مقتبس من: زهرة الصبار في 19:37 01/03/2011

مقتبس من: lazordy في 18:36 01/03/2011
يابا اخر الاخبار .. سفرنا تأجل بسبب طلب البصمات من قبل الحكومة الامريكية

والله يعلم شوكت راح تفض هذي الشغلة

يا ريت اللي كان عنده سفر وتأجل يكتبلنا هنا او اذا سامعين عن شخص من اللي على اساس يسافرون بشهر 3

تحياتي
يامسكينه يا لازوردي هم لحكج سرة التاجيل الله لا ينطيهم
الله كريم

اي والله حبيبتي زهرة .. اني هم لحكني السرة .. شنسوي .. خليناها بيد الله

نخلة بغدادية · « **رد #2037 في:** 02:24 02/03/2011 »

عيني لا زوردي احنا بعدنا ننتظر الامنية وماعدنا موعد سفر هسة ولكن انا تحدثت عن صديقة لي نطوها موعد سفر بالثالث وخابروه على التاجيل وطلب بصماتهم . واي احد عنده معلومات عن الموضوع ياريت يخبرنا وشكرا لك حبيبتي لازوردي والله يسهلها وينطوكم موعد سفر قريب وتسافرون بالخير واحنا ايضا وكل من يريد يسافر .تعبنا من الانتظار والله يعينا وتوصل الامنيات ونخلص.

اختكم نخلة بغدادية

صابرين · « **رد #2038 في:** 08:01 02/03/2011 »

عزيزتي لازوردي
ان شاء الله تسهل الامور ويارب بس مسألة وقت وكلها تنحل ويارب ان شاء الله عن قريب موعد سفر جديد وأكيد ويارب للجميع

صابرين

lazordy · « **رد #2039 في:** 08:20 02/03/2011 »

مقتبس من: صابرين في 08:01 02/03/2011

عزيزتي لازوردي
ان شاء الله تسهل الامور ويارب بس مسألة وقت وكلها تنحل ويارب ان شاء الله عن قريب موعد سفر جديد وأكيد ويارب للجميع

صابرين

شكراا حبيبتي صابرين .. آمين ان شاء الله تتسهل امور الكل .. ونخلص من هالقهر

omar salman · « **رد #2040 في:** 08:37 02/03/2011 »

السلام عليكم اخوان
الاخت العزيزة لازوردي اني اقرا انه نطوكم موعد سفر الاسبوع القادم وكلش فرحت بهذا الخبر الجميل . يس من تابعت شفت انه صار تاجيل بالسفر بسبب طلب البصمات . بس مفهمت انه شنو المقصود بطلب البصمات يعني البصمات الي وصلتكم قبل فترة رجعوا سحبوها ؟؟؟ او ما عرفتي شنو السبب سحبوها ؟؟احنه كنا نسمع عن سحب الامنية بعد وصولها في بعض الاحيان بس البصمات مسامع عن سحبها . واكول ان شاء الله متتأخر عليكم ويسهل امركم وأمر الجميع

يمامه يمامه · « **رد #2041 في:** 10:49 02/03/2011 »

الاخوان والاخوات الاعزاء
تحية طية
بسبب الظرف الامني المضطرب اللي تعيشه المنطقه(الشرق الاوسط) هناك تعليمات بالتشدد الامني واعادة التجييك لكل شخص يريد يدخل للولايات المتحدة من هاي المناطق (اردن مصر تركيا العراق سوريا الخ) وهذا لمسناه من خلال تاجيل السفر للكثير من الاشخاص والعوائل مع منظمة ال اي او ام في مكاتبها ومن ضمنه مكتب مصر واني وعائلتي نفس الشي جنه على موعد سفر وعلى غفله كالو انطلبت البصمات للتجييك مرة ثانيه ..... انتظروا
واني اتاكدت من هذا الحجي من كفيلنا اللي راح للمنظمة هناك بامريكا وسال وكالوله هذا الكلام وهو لحماية الامن القومي الامريكي ؟؟؟؟؟؟
ماكو النه غير الصبر وانتضار الفرج من رب العباد
تحياتي

اختكم
ام عبد الله

بلا امل · « **رد #2042 في:** 12:56 02/03/2011 »

عيني يمامه الله ايخليج صار اشكد من اتاجل سفركم لان احنه صارله اسبوعين ولاحس ولا خبر

مــــان · « **رد #2043 في:** 13:12 02/03/2011 »

لحد الان 10 عوائل سحبو بصماتهم

امريكا حاليا مشدده جدا على دخول الطائرات الى الولايات المتحدة الامريكية

وهناك خبر ايضا

اغلاق جميع مكاتب ال iom على راس السنة

يعني الي منتظر مقابلة اولى مراح يقابلوا

بس الي ينتظر محلفين هاي اخر وجبة

وهذا خبر من المنظمة بمريكا

lazordy · « **رد #2044 في:** 13:41 02/03/2011 »

عاشت ايدك مان على هاي الاخبار ..سويتلي كآبة واحباط ..

يمامه يمامه · « **رد #2045 في:** 13:54 02/03/2011 »

مقتبس من: بلا امل في 12:56 02/03/2011

عيني يمامه الله ايخليج صار اشكد من اتاجل سفركم لان احنه صارله اسبوعين ولاحس ولا خبر

الاخ بلا امل
احنة هم صار اسبوعين من سحبوا البصمات علما ان الملف انختم يوم 20 يناير وجتى موافقة الولايه يوم 15 فبراير

الله يفرجه على الجميع

اختكم
ام عبد الله

مــــان · « **رد #2046 في:** 14:00 02/03/2011 »

مقتبس من: lazordy في 13:41 02/03/2011

عاشت ايدك مان على هاي الاخبار ..سويتلي كآبة واحباط ..

محدش ياخذها بالساهل

هيج هيج راح تجي البصمات وتسافرون

لان هم اصلا يريدون يخلصون من كل الملفات الي عدهم

بس بسبب هاي الاحداث الي صارت شددوا على التجيك الامني

ومن حقهم

بس مطول

لان مثل مكتلج يريدون يخلصون من كل الملفات الي عدهم

lazordy · « **رد #2047 في:** 14:06 02/03/2011 »

مقتبس من: مــــان في 14:00 02/03/2011

مقتبس من: lazordy في 13:41 02/03/2011
عاشت ايدك مان على هاي الاخبار ..سويتلي كآبة واحباط ..

محدش ياخذها بالساهل

هيج هيج راح تجي البصمات وتسافرون

لان هم اصلا يريدون يخلصون من كل الملفات الي عدهم

بس بسبب هاي الاحداث الي صارت شددوا على التجيك الامني

ومن حقهم

بس مطول

لان مثل مكتلج يريدون يخلصون من كل الملفات الي عدهم

اي والله .. الا احنا لازم مو بالساهل

وان شاء الله ما تطول .. بارك الله بيك مااااااااان ويوفقك

تحياتي

بلا امل · « **رد #2048 في:** 14:41 02/03/2011 »

اخ مان اني هم اشوف لازم ايخلصون من عدنه اباقرب وقت بالكي الله كلش ايضوجون من عدنه ويسفرونه

kfc_w2002 · « **رد #2049 في:** 15:58 02/03/2011 »

السلام عليكم اعضاء الجمعيه الكرام وان شاء الله تكونون بالف خير
ابشركم بوصولي الى امريكا والحمد لله وان شاء الله تفرج عليكم كلكم يارب ويتحقق الحلم
واي سؤال تحبون تسالون اني حاضر وممنون منكم لدعواتكم الصادقه وادعو لكم من كل قلبي بالفرج العاجل باذنه تعالى

lazordy · « **رد #2050 في:** 17:28 02/03/2011 »

الحمدلله على سلامتكم اخونا kfc جعلها ربي سفرة الخير والموفقية

تحياتي

تميم العراقي · « **رد #2051 في:** 21:16 02/03/2011 »

الف مبروك اخويهkfc والله يوفقك انشاء الله وتكون بداية حياة جديده وتحقق كل احلامك

اخوك تميم

ننوسة · « **رد #2052 في:** 23:38 02/03/2011 »

مبرووووك وصولك اخوية kfc وانشاء الله الاستقرار يارب لحياتك

وكلششش انقهرت على اختنا لازوردي على تاجيل موعد السفر وانشاء الله موعد قريب ومتتاخر عليكم يارب

والله يفرجها على الجميع ويارب نسمع اخبار حلوة من الكل وتهدا الاوضاع كلها يارب بكل الوطن العربي وتمشي كل الامور بسرعة

kfc_w2002 · « **رد #2053 في:** 23:45 02/03/2011 »

الاخت لازوردي ربي يبارك بيك ويسلمك وتفرج عليكم ويعوض صبركم خير ياطيبه

الاخ تميم العراقي شكرا الك وان شاء الله التوفيق للجميع وتحقييق الاماني

الاخت ننوسه الله يبارك بيك ويخليك وربي يسهل امركم والكل يستقر ويرتاح

تحياتي لكم ياطيبين وادعو الله ان يسهل اموركم ويعجل بسفركم بحق لا اله الا الله

مــــان · « **رد #2054 في:** 23:48 02/03/2011 »

اخوية زيد الف الحمد لله على سلامتكم

ان شاء الله نسمع اخباركم الحلوة

وبالتوفيق في حياتكم الجديدة

تحياتي

صابرين · « **رد #2055 في:** 07:51 03/03/2011 »

الاخ KFC الف مبروك سلامة الوصول وان شاء الله تتوفق في حياتك الجديدة ويفتحها الله بوجهك ونسمع اخبار الحلوة دائما

kfc_w2002 · « **رد #2056 في:** 17:08 03/03/2011 »

اخويه وصديقي الغالي مان اشكرك والله يبارك بيك ويسلمك وربي يسهل امركم وتبشرونه بوصولكم بخير وسلامه

الاخت صابرين الله يبارك بيك واشكرك لهذه الدعوه الصادقه والله يفتحهه بوجهكم ان شاء الله ويسهل امركم

الغاليه سماح الله يبارك بيك ربي يوفقك ويعطيك على كد نيتك ياطيبه ويسهل امركم وانتو كل الاعضاء الكرام

اخواني واخواتي
بالنسبه للفلوس شكد متكدرون اخذو لان محد رحيسالكم او يفتشكم بالمطار بأي مكان توصلوله عنهه واذا سالوكم اي جهه رسميه شكد عندكم فلوس كلولهم ورقتين بس ابد لتكولون اكثر
البهارات او الاعشاب اخذو عادي ولكن غلفوهه بكم كيس بحيث متبين الريحه مالتهه وبالجنط الكبيره خلوهه
غراض مطبخ حاولو تاخذون احنه جبنه ويانه سيت قدور ستيل واي شي عندكم اخذوه عادي وهم بالجنط الكبيره

وشي مهم وانتو مسافرين تدعوه حتى تنحفظ اموالكم وغراضكم وتوصل بسلام
"استودعك الله الذي لا تضيع ودائعه "وكونو مطمأنين لان رحتنحفظ باذنه تعالى
واهم شي اهم شي تاخذون بالهاند باك وياكم لوازم تغيير ملابس لكل شخص بالعائله وصابونه وشامبو لان اكيد اكو ترانزيت يعني مبيت بمكان وتغيرون
تحياتي الكم ياطيبين ودعواتي القلبيه بالفرج العاجل باذن الله

تميم العراقي · « **رد #2057 في:** 12:41 04/03/2011 »

السلام عليكم اخوان الجماعه الي قابلوا بشهر الثامن انتبهوا لان الفحص الطبي راح يصير اكسباير بنهاية شهر الثالث واكو قسم الي سووا بلعاشر راح يصير اكسباير يوم 5-4 اسالوا المنظمه على هذا الموضوع

iraqfamily · « **رد #2058 في:** 16:09 04/03/2011 »

السلام عليكم اخوان .. احنا معاملتنا بعدها بالبدايه سوينا اول مقابله ومنتظرين مقابلة المحلفين اكو اخبار عن موعد رجوع المحلفين لمصر

تميم العراقي · « **رد #2059 في:** 17:55 04/03/2011 »

اهلا وسهلا بيك اخويه iraqfamily انتوا سويتوا مقابله اولى وثانيه لو بس مقابله اولى اذا مسوين مقابلتين بنفس الوكت معناها عدكم مقابلة محلف الي حسب مسمعنا راح يجون بنهاية الثالث واذا مسوين مقابله اولى معناها لازم تقابلون مقابله ثانيه والي تعتبر مهمه مثل مقابله المحلف والي المحلف يعتمد عليها واني اكول اتخابر على المنظمه وتسالهم على المقابلات حتى اتشوف خلوكم بلجدول مال مقابلات المحلف لو لا وبلكت اتحصل منهم خبر على المحلفين

iraqfamily · « **رد #2060 في:** 20:29 04/03/2011 »

شكرا اخويه تميم.. احنا سوينه مقابلتين بنفس الوقت وكالوا انتو هسه وصلتوا لمقابلة المحلف وكالوا نتصل بيكم بداية شهر الثاني علمود نطيكم موعد المقابلة بالضبط بس محد مااتصل

تميم العراقي · « **رد #2061 في:** 20:45 04/03/2011 »

السلام عليكم اخوان شلونكم ان شاء الله الكل بخير

اخوية iraqfamily الاحسن انت اتصل بيهم لان حتى اذا رادو يتصلون بيك يتصلون قبل فترة قليلة فانت اتصل حتى تعرف قبل وقت اكبر وترتب امورك وتستعد نفسيا للمقابلة وهي على العموم سهلة المقابلة بس اهم شي عندك التركيز وان شاء الله تعدي المقابلة على خير وتستلم موافقة المحلف

تحياتي الك

iraqfamily · « **رد #2062 في:** 10:11 05/03/2011 »

السلام عليكم

شكرا اخويه تميم العراقي والله احنا نحاول نتصل بيهم بس محد يرد واذا يردون ماينطون اي معلومه مفيده تكول الموظفه ماعدهم اي معلومات عن موعد المحلفين شوكت يجون
ا
تحياتي الك

lazordy · « **رد #2063 في:** 10:38 05/03/2011 »

اخوية iraqfamily يوم الخميس رحت للمنظمة وسألت عالمحلفين .. كال يجون على شهر 4 .. وبأعتقادي يجون نهاية 3 او بداية 4 .. يعني ان شاء الله ما بقى شي

تحياتي

مــــان · « **رد #2064 في:** 14:58 05/03/2011 »

طلعوا حتى يوم السبت يشتغلون !

بالنسبة لخبر وصول المحلفين

يوم 28 ممكن يجو حسب كلام الموظفة

او على بداية شهر 4

يعني نفس مكالت الاخت لازوردي

الحائره · « **رد #2065 في:** 17:53 05/03/2011 »

يا جماعة الخير تره مواعيد المحلفين تقريبا ثابته شهر 4 و8 و12

دعواتي لنفسي وللجميع بالتوفيق

omar salman · « **رد #2066 في:** 20:11 06/03/2011 »

شكرا للاخ تميم على التنبيه للفحص الطبي جزاك الله كل خير

ابو هاشم · « **رد #2067 في:** 00:15 07/03/2011 »

السلام عليكم
ها اشو سكته ماكو احد خابرو اشو الجمعيه كلها ماكو ردود اتمنى الخير للجميع وسماع اخبار جيده خلال الايام القليله القادمه

صابرين · « **رد #2068 في:** 07:10 07/03/2011 »

ان شاء الله اخبار حلوة وعن قريب

عراقي وافتخر 4 · « **رد #2069 في:** 07:21 07/03/2011 »

صباح الخير

يارب اتكون دخلتي عليكم خير..دعائي للكل بان تسهل كل اموركم وتفرج عليكم بسفر قريب باذن الله

lazordy · « **رد #2070 في:** 11:06 07/03/2011 »

صباح الخير عليكم اخواني واخواتي بجمعيتنا المناضلة خخخخ

يا رب نسمع اخبار حلوة هالاسبوع .. ولو صايرة هالايام الاخبار الحلوة يلحكها تأجيل وقهر .. بس ان شاء الله .. ما بعيدة عن الله سبحانه وتعالى

تحياتي

lazordy · « **رد #2071 في:** 11:10 07/03/2011 »

مقتبس من: omar salman في 08:37 02/03/2011

السلام عليكم اخوان
الاخت العزيزة لازوردي اني اقرا انه نطوكم موعد سفر الاسبوع القادم وكلش فرحت بهذا الخبر الجميل . يس من تابعت شفت انه صار تاجيل بالسفر بسبب طلب البصمات . بس مفهمت انه شنو المقصود بطلب البصمات يعني البصمات الي وصلتكم قبل فترة رجعوا سحبوها ؟؟؟ او ما عرفتي شنو السبب سحبوها ؟؟احنه كنا نسمع عن سحب الامنية بعد وصولها في بعض الاحيان بس البصمات مسامع عن سحبها . واكول ان شاء الله متتأخر عليكم ويسهل امركم وأمر الجميع

اني جدا اسفة اخوية عمر .. ما قريت اسئلتك .. اعذرني .. العتب عالنظر وعالمنظمة ...خخخ

مثل ما شفت اخوية اتأجلنا بسبب تجييكات اضافية من الحكومة الامريكية .. وان شاء الله متطول علينا وعالكل .. وللأسف محد يعرف شنو السبب ولا شكد تاخذ وقت .. بس ندعي من الله ما يردون ياخذون بصماتنا من جديد .. والله كريم

أعتذر مرة ثانية اخوية

تحياتي

omar salman · « **رد #2072 في:** 12:41 07/03/2011 »

السلام عليكم جميعا
ولا يهمج اختي العزيزة لازوردي اني امقدر الظروف لان كلنه دايخيين من هذا موضوع التاجيل والسحب . بس اليوم افتهمت الموضوع من خلال المنظمة في عمان بعد اتصالهم عليه اليوم صباحا وفهموني انه تاجيل السفر وسحب الامنيات هو للكل والسبب انه امريكا اتريد اتسوي تجييكات اكثر دقه بسسب الظروف الحالية في المنطقه العربية
وان شاء الله وندعي انه ميطول الموضوع لان المعنويات كلش هابطة

تميم العراقي · « **رد #2073 في:** 17:08 07/03/2011 »

العفو اخويه omar salman هذا واجبي وانشاء الله الفرج امين يا رب

مــــان · « **رد #2074 في:** 19:26 07/03/2011 »

امريكا كلش مشددة هسه لا لجوء ولا بطيخ

يعني المسالة مو مسئلت iom

امريكا نفسها شددة بالاجراءات الامنية

صابرين · « **رد #2075 في:** 23:08 08/03/2011 »

بلا امل · « **رد #2076 في:** 20:11 09/03/2011 »

صحيح مثل متفضل اخ مان صدك امشددين لان هسه خطيه واحد اجلوه والجو 100 عائله وياه وبس اربع الي سفروهم

صابرين · « **رد #2077 في:** 21:57 09/03/2011 »

pati · « **رد #2078 في:** 23:56 09/03/2011 »

ان شاء الله يسهل امور الجميع .. احنه دندعيلكم و يارب يصبركم و يصبرنا

ننوسة · « **رد #2079 في:** 00:51 10/03/2011 »

شلونكم يا اخوتي وخواتي
اشو هدووووووووء وماكو شي يمعودين فد اخبار فد شي اشو دنخابر ومحد مديجاوب اكو احد اتصل بيهم وشنو الفلم وشنو ديصير يعني هاي فد مرة مصايرة ابببببد

pati · « **رد #2080 في:** 04:22 10/03/2011 »

ننوسه احنه هم اقاربنا صار اسبوع يخابرون عليهم و على اكثر من رقم يتصلون و محد يجاوب ...
منو يعرف على اي رقم يجاوبون ,, اخ مان انطانا قبل ارقام بس هم مديردون عليهه ... و لا ديردون على الايميلات ليهسه ... اكتبوا لايميل عمان احسن شي خلي اهل عمان يضغطون عليهم

ممكن تنطونه الارقام مره ثانيه بلا زحمه ...الارقام الي يردون عليهه تحياتى

تميم العراقي · « **رد #2081 في:** 11:56 10/03/2011 »

اتصلو على هاي الارقام 0123260479 او 0172367444 اني البارحة خابرتهم الامنيه بعدها مجايه بس عادي ردوا عليه ابقوا لحوا وياهم بس اعتقد من ساعه بلوحده لحد ساعه ثنتين ميردون يمكن عدهم استراحه او هيج شي حاولوا تخابروهم ب 12 او ورا الوحده

تحياتي

مــــان · « **رد #2082 في:** 18:15 10/03/2011 »

اخوان تابعوا ويه ابو عمان احسن

ومنظمة عمان تنطي تفاصيل ادق ( بس مو بالايميل بالتليفون )

ننوسة · « **رد #2083 في:** 23:33 10/03/2011 »

شكرا اخي باتي على ردك وشكرا لتميم العراقي على التلفونات راح اجرب يوم الاحد وياهم وانشاء الله يجاوبون وشكرا اخوية ياسر على هاي المعلومة وياريت تنطيني رقم التلفون مال عمان وبالنسبة للايميلات دزينا مرة من زمان ومحد مجاوبنا وبعد مجربنا بصراحة لانه مدنشوف بيها اي فايدة بس نرجع ونكول الله كريم انشاء الله تفرج علينا وعليكم اخوتي وبالموفقة للكل

pati · « **رد #2084 في:** 23:43 10/03/2011 »

اخواني كلش مشكورين منكم على الارقام .. رح نحاول نتصل بيهم باجر و ان شاء الله خير

مــــان · « **رد #2085 في:** 23:47 10/03/2011 »

مقتبس من: pati في 23:43 10/03/2011

اخواني كلش مشكورين منكم على الارقام .. رح نحاول نتصل بيهم باجر و ان شاء الله خير

باجر جمعة

مستشير · « **رد #2086 في:** 00:22 11/03/2011 »

شلونكم اخوان واخوات اعضاء المنتدى الاعزاء
سؤال اذا امكن الموافقة الامنية كم شهر وتسقط او بالمعنى تنتهي
وشكرا

pati · « **رد #2087 في:** 04:19 11/03/2011 »

اي اي اخ مان .. باجر جمعه مو احنه اخذنه الواهس عالويكيند و صايرين نخربط بالايام .. ان شاء الله على الاحد بس حته اليوم اتصلوا على هلارقام و ماكو رد من ساعه 10 للضهر و محد يرد

صابرين · « **رد #2088 في:** 21:30 11/03/2011 »

الاخوة والاخوات الاعزاء
اذا ما حصلتوا يوم الاحد جربوا يوم الاثنين لان انا كلمن اخابر يوم الاحد ما احصل يمكن اجازتها ماادري بس الاثنين وبيقيت ايام الاسبوع احصل فلا تأسون اذا ما حصلتم يوم الاحد
وبالتوفيق للجميع

نخلة بغدادية · « **رد #2089 في:** 01:41 12/03/2011 »

خواتي واخواني الاعزاء سمعت خبر من جماعة انه عائلة من الي المفروض يسافرون يوم 16 بالشهر الثالث تم تاجيلهم والله كريم تفرج علينا وعلى الجميع بعونه تعالى . اذا احد يعرف اخرين ايضا تم تاجيلهم ايضا يكتب لنا مع الشكر مقدما .

احمد يوسف · « **رد #2090 في:** 12:02 12/03/2011 »

مرحبا اخواني ..... بشرو سمعتو شي من ال iom ؟ احد قابل ؟والموافقات الامنية هم مجتي ؟؟؟ الي عنده علم يبلغنه
وتحياتي والتوفيق للجميع

الحائره · « **رد #2091 في:** 18:45 12/03/2011 »

السلام عليكم

اني ما اريد اهبط معنوياتكم لان صدكوا حالي من حالكم بس كعادة اخوانه العراقيين طلعوا اشاعه او خبر مفاده انه ستنسحب الموافقه الامنيه من الجميع بدون استثناء وليس فقط بصمات الاصابع

اني هسه تقريبا جلطه قلبيه وياريت لو احد يطمني ويكذب الخبر اكو احد سمع هيج شي؟

والله كريم

احمد يوسف · « **رد #2092 في:** 21:17 12/03/2011 »

اختـــي الحائرة اذا على كلامك ناخذه صحيح يعني لاوجود لل iom يعني شغلهم يوكف بمصر وهسه اصلا موجودة مقابلات في عمان والعراق !!! وهذا الكلام اشاعة وان شاء الله الخير للجميع

ابو هاشم · « **رد #2093 في:** 00:20 13/03/2011 »

الاخت حائره
هذه الاخبار غير مضبوطه حسب ما سمعت شخصيا اني كنت يوم الارعاء في الى iom اسئل حول وصول المحلفين وكانت اكو عائله عراقيه سامعه هذا الكلام وجايه تسئل كلولها لا موعد لم يتغير وهو في موعده هذا ما سمعته منهم شخصيا والذي رد عليهم في المنظمه هو حاتم
ان شاء الله تسهيل امر الجميع

مــــان · « **رد #2094 في:** 00:23 13/03/2011 »

مقتبس من: الحائره في 18:45 12/03/2011

السلام عليكم

اني ما اريد اهبط معنوياتكم لان صدكوا حالي من حالكم بس كعادة اخوانه العراقيين طلعوا اشاعه او خبر مفاده انه ستنسحب الموافقه الامنيه من الجميع بدون استثناء وليس فقط بصمات الاصابع

اني هسه تقريبا جلطه قلبيه وياريت لو احد يطمني ويكذب الخبر اكو احد سمع هيج شي؟

والله كريم

لا ماكو هيج شي

واذا نسحبت امنية شخص مو لازم تنسحب مال كل الناس

جماعتنة كليومية مطلعين شي

الحائره · « **رد #2095 في:** 20:03 13/03/2011 »

اشكر الاخوه اللي جاوبوا على استفساري واشكركم لان طمنتوني اني فعلا شكتت بهذا الخبر لان مو منطقي بس شنسوي لجمعاتنا

اليوم خابرت الاي او ام دا اشوف سالفة نتائج الفحص الطبي اللي صارلها شهر و4 ايام وليهسه يكولون (هي دلوقتي في عمان ومنزلتش في السستم لحد دلوقتي) يعني الى متى ؟؟

والاغرب من هذا يكلوللي جماعة عمان رح يسوولج موافقة الولايه زين عمان شعليها بالموضوع؟؟

يا ريت اذا احد منكم صارت بي سالفه مشابهه يشاركني برأيه لان اني مسامعه فحص طبي هيج يتأخر

pati · « **رد #2096 في:** 04:42 14/03/2011 »

يا جماعة الخير اشو محد ديرد اليوم كله يدكون على ال اى و ام و محد يرد ياريت تكولولنه بيا وقت تتصلون ... اختى الحائره كلتي اليوم اتصلتى و حصلتيهم بس ممكن تكوليلنا ساعه بيش و على اى رقم من الارقام لانه جربنا كل الارقام و خبلونا والله محد يرد

lazordy · « **رد #2097 في:** 10:12 14/03/2011 »

صباح الخير

اخوية pati اني البارحة خابرت الاي او ام ساعة بال 2 بعد الظهر .. وحصلتهم

طبعا الصبح بين 10 و 11 كتلت روحي ويه التلفون .. بس محد يجاوب

والرقم كان 23582054

تحياتي

زهرة الصبار · « **رد #2098 في:** 10:43 14/03/2011 »

مقتبس من: lazordy في 10:12 14/03/2011

صباح الخير

اخوية pati اني البارحة خابرت الاي او ام ساعة بال 2 بعد الظهر .. وحصلتهم

طبعا الصبح بين 10 و 11 كتلت روحي ويه التلفون .. بس محد يجاوب

والرقم كان 23582054

تحياتي

لازوردي عيني الحمدلله من حصلتيهم بس شكللولج انشالله خير

مــــان · « **رد #2099 في:** 12:38 14/03/2011 »

محد عم علينة غير هل ساقطين جماعة 25 يناير

شلون طالعة عينهم هل ايام

ياهو الي نشوفة ( مفيش حكومة واعمل الي بدماغي )

شعب قذر طيح الله حظهم

lazordy · « **رد #2100 في:** 12:39 14/03/2011 »

هلو حبي زهرة .. طبعا مفيش جديد .. هذا اللي كالوه

تحياتي

احمد يوسف · « **رد #2101 في:** 13:17 14/03/2011 »

اخواني كل معتاد بس احب اوضح شي انو مو بس بمصر هذا السبات صار وانما في الاردن والعراق مو بس هنا بمصر وحتى اكو شي راح يسوه للكل هو تجيك امني ثاني فل هو اعادة طبع الاصابع او غير اجراءات ؟ والله المسهل للجميع

مــــان · « **رد #2102 في:** 15:50 14/03/2011 »

مــــان · « **رد #2103 في:** 16:08 14/03/2011 »

lazordy · « **رد #2104 في:** 16:40 14/03/2011 »

مقتبس من: مــــان في 16:08 14/03/2011

خخخخخخخخخخخخخخخخخ ... قوية ماااااان

مــــان · « **رد #2105 في:** 19:49 14/03/2011 »

مقتبس من: احمد يوسف في 13:17 14/03/2011

اخواني كل معتاد بس احب اوضح شي انو مو بس بمصر هذا السبات صار وانما في الاردن والعراق مو بس هنا بمصر وحتى اكو شي راح يسوه للكل هو تجيك امني ثاني فل هو اعادة طبع الاصابع او غير اجراءات ؟ والله المسهل للجميع

اخوية اذا هنا بمصر فمو كل العوائل نسحب بصماتهم

والسفر موجود لمريكا كل بين يوم ويوم

احنى نريد نعرف شمعنى هل كم عائلة نسحبت بصماتهم او الي نسحبت امنيتهم

واكو عوائل ديسافرون

مــــان · « **رد #2106 في:** 19:51 14/03/2011 »

مقتبس من: lazordy في 16:40 14/03/2011

مقتبس من: مــــان في 16:08 14/03/2011

خخخخخخخخخخخخخخخخخ ... قوية ماااااان

هههههههههه اي والله شنسوي من الضوجة

الامريكان هم ديفيكون براسنة

ابو هاشم · « **رد #2107 في:** 23:37 15/03/2011 »

صابرين · « **رد #2108 في:** 08:57 17/03/2011 »

up
all the best

lazordy · « **رد #2109 في:** 08:57 17/03/2011 »

شكو ماكو ؟؟

مــــان · « **رد #2110 في:** 12:15 17/03/2011 »

مقتبس من: lazordy في 08:57 17/03/2011

شكو ماكو ؟؟

كباب وتكة

بطلت الدولمة وكرهتها

lazordy · « **رد #2111 في:** 12:41 17/03/2011 »

مقتبس من: مــــان في 12:15 17/03/2011

مقتبس من: lazordy في 08:57 17/03/2011
شكو ماكو ؟؟

كباب وتكة

بطلت الدولمة وكرهتها

اي عفية احسن

صعب اشيل جدر الدولمة واطلعه للطيارة

مــــان · « **رد #2112 في:** 12:50 17/03/2011 »

مقتبس من: lazordy في 12:41 17/03/2011

مقتبس من: مــــان في 12:15 17/03/2011
مقتبس من: lazordy في 08:57 17/03/2011
شكو ماكو ؟؟

كباب وتكة

بطلت الدولمة وكرهتها

اي عفية احسن

صعب اشيل جدر الدولمة واطلعه للطيارة

يابه نصوم شهر مو مشكلة

بس خلي يسفرررررررررررررررررروووووووووووووووووووونة

الحائره · « **رد #2113 في:** 16:42 17/03/2011 »

مرحبه جميعا شونكم اخبار المعنويات
اليوم رحنه للاي او ام واخذنا ويانه مزيقه لان همه ميحجون الا تروحلهم بزفه

المهم اني كايلتلكم انه اني بس بقالي الفحص الطبي اللي ممرفوع عالسستم الاكشر علما انه اني فحصي كان يوم 8 فبراير
وكبل جم يوم خابرت ايمان (الله يصيح حظها) تخيلوا كالتلي انه الفحص واصل عمان يوم 11 فبراير واليوم من رحنه عرفنا انه الفحص واصل ;Dيوم 10 مارس !!!
المهم قابلنا حاتم ومشيره مبين عليهم خوش ناس كالونا منا لاسبوع تخلص سالفة الفحص وبالنسبه للسفر كالولنا انه مو كل الناس عليهم تجييك امني وانما بعض العوائل اكو تجييك على امنياتهم وهذا التجييك يطول من 10 الى 15 يوم حسب كلامهم

والله كريم يوفق الجميع

مــــان · « **رد #2114 في:** 17:26 17/03/2011 »

هي ملخص الكلام احنى ونص الرابع

يمكن يريدونة نروح نصيف خخخ

lazordy · « **رد #2115 في:** 19:07 17/03/2011 »

مان ..اعذرني عالسؤال .. بس احتاريت وحبيت اسأل هسه انتو راح تسافرون لو لا ؟؟

تميم العراقي · « **رد #2116 في:** 19:26 17/03/2011 »

السلام عليكم اني البارحه جنت بلمنظمه وسالت حاتم كال اجراء البصمات ماشي على الكل يعني كولهم راح تنسحب بصماتهم زين اذا انسحبت البصمات لازم يجون المحلفين يله يبصمون لو يعتمدون على القديمه اوك نقطه ثانية اختنا الحائرة رايحيين وكايليلها حسب مذكرت انو مو الكل تنسحب بصماتهم زين شنو ديلعبون علينا الله اعلم

الحائره · « **رد #2117 في:** 21:35 17/03/2011 »

اني استنتجت انه حاتم وايمان ومعرف منو عباره عن ناس كذابين واصلا حرامات واحد يخابرهم ويروحلهم

pati · « **رد #2118 في:** 22:00 17/03/2011 »

مشكورين على الارقام اشكركم جظيل الشكر على تعوانكم شكرا اختي lazordi فعلا اهللنا اتصلوا بيهم بعد الساعه 2 يلا جاوبوا و نفس الشي بعدهم المحلفين مجايين و باقين على الانتضار ...

شنو اخباركم ان شاء الله المعنويات احسن ... اني من يمي يوم المعنويات عاليه و يوم المعنويات هابطه

المحلفين جانوا بعمان يوم 18 اخر يوم بعمان ... و اعتقد جانوا بسوريا ... و هسه دور بغداد و اعتقد وراهه مصر .. طبعا هاى اذا كانوا نفسهم المحلفين يفترون بالبلدان ...

مــــان · « **رد #2119 في:** 22:48 17/03/2011 »

مقتبس من: lazordy في 19:07 17/03/2011

مان ..اعذرني عالسؤال .. بس احتاريت وحبيت اسأل هسه انتو راح تسافرون لو لا ؟؟

ان شاء الله اذا الله راد

مــــان · « **رد #2120 في:** 22:49 17/03/2011 »

البصمات مالها دخل بجية المحلفين

اله اذا بحالة صارة اكسباير من يجون المحلفين تعيد البصمات

بس اعادة التجيك الامني يعتمدون على القديمة

soloworld · « **رد #2121 في:** 12:31 18/03/2011 »

منورين شباب ..

الخبر الاكيد من مشيرة : مو الكل راح تنسحب بصماتهم , بس الي صار جانت اكو خربطة بالداتا بيز كود , يعني احنا كلنا على شكل تسلسلات و لمن ديدخلوها صار بيها خربطه فاكو ناس جتي موافقتهم و همه اصلا مطالعه بعدها و اكو ناس مطالعه و هي اصلا طالعه فراح يعيدون ترتيبها و ينزلوها من جديد , و اما سحب الماوفقات الامنية فهي شغلة روتينية و مراح تاخذ وكت هواي ان شاء الله .. تقبلوا تحياتي ..

مــــان · « **رد #2122 في:** 14:31 18/03/2011 »

مقتبس من: soloworld في 12:31 18/03/2011

منورين شباب ..

الخبر الاكيد من مشيرة : مو الكل راح تنسحب بصماتهم , بس الي صار جانت اكو خربطة بالداتا بيز كود , يعني احنا كلنا على شكل تسلسلات و لمن ديدخلوها صار بيها خربطه فاكو ناس جتي موافقتهم و همه اصلا مطالعه بعدها و اكو ناس مطالعه و هي اصلا طالعه فراح يعيدون ترتيبها و ينزلوها من جديد , و اما سحب الماوفقات الامنية فهي شغلة روتينية و مراح تاخذ وكت هواي ان شاء الله .. تقبلوا تحياتي ..

ههههههههههههههه

هذولة الي جتهم الموافقات وبعدها مطالعة غير مبختين

صابرين · « **رد #2123 في:** 17:43 18/03/2011 »

يارب ان شاء الله تتسهل على الكل ويارب تفرج بأقرب وقت
انا من اتصلت طلعت ايمان كالت بعد الفحص الطبي مداخل السستم .... والله كريم
وان شاء الله نسمع اخبار حلوة ومفرحة للكل هذا الاسبوع

ننوسة · « **رد #2124 في:** 22:38 18/03/2011 »

مساء الخيررر على الجميع

اني اتصلت بيهم يوم الاثنين وطلعتلي ايمان ولسة مكتش الامنية ولا موافقة الولاية والله كريم
بس نسيت اسالها على البصمات اذا سحبوها لو لا ؟؟؟؟ لو تكون انسحبت مو المفروض تكولي الست ايمان عليها بعد همين الواحد ميعرف شلون يفكر وشنو يحجي وياهم

يارب الاسبوع الجااي احلى الاخبار من الكل ومواعيد سفر يارب

مــــان · « **رد #2125 في:** 22:51 18/03/2011 »

مقتبس من: ننوسة في 22:38 18/03/2011

مساء الخيررر على الجميع

اني اتصلت بيهم يوم الاثنين وطلعتلي ايمان ولسة مكتش الامنية ولا موافقة الولاية والله كريم
بس نسيت اسالها على البصمات اذا سحبوها لو لا ؟؟؟؟ لو تكون انسحبت مو المفروض تكولي الست ايمان عليها بعد همين الواحد ميعرف شلون يفكر وشنو يحجي وياهم

يارب الاسبوع الجااي احلى الاخبار من الكل ومواعيد سفر يارب

ميكولون همه اذا مو واحد يسالهم

واني اشوف لو تروحيلهم للمنظمة هواي احسن

لان ايمااان هااااي ددماااااار للعرااااقين

مــــان · « **رد #2126 في:** 15:56 19/03/2011 »

؟؟؟؟؟؟؟؟؟؟

شكو ماكو

ناس تكول الرحلات كلها وكفت

وناس تكول كليومية اكو رحلات

شنو السالفة

؟

ha90 · « **رد #2127 في:** 16:08 19/03/2011 »

السلام عليكم

شلون الاعضاء ان شاء الله بخير

اخويه ياسر كلشي ماكو

صرنه حــــــــــــــــــــــــــديقــــــــــــــــــــــــة هع هع

تحياتي

مــــان · « **رد #2128 في:** 16:12 19/03/2011 »

هاي نضربنة بليزر مثل جماعة اليابان خطية

على ها جماعة شهر 8 و 12 كلهم شلعوا

ha90 · « **رد #2129 في:** 16:16 19/03/2011 »

مقتبس من: مــــان في 16:12 19/03/2011

هاي نضربنة بليزر مثل جماعة اليابان خطية

على ها جماعة شهر 8 و 12 كلهم شلعوا

ههههههههههههه

هذا غير ليزر قوي

يله ربك يسهل ان شاء الله

اليوم الربع المصريين مامصدكين اكو انتخابات كل واحد جايب

العائله كلها ولفات وياهم هههه

مــــان · « **رد #2130 في:** 16:32 19/03/2011 »

مقتبس من: ha90 في 16:16 19/03/2011

مقتبس من: مــــان في 16:12 19/03/2011
هاي نضربنة بليزر مثل جماعة اليابان خطية

على ها جماعة شهر 8 و 12 كلهم شلعوا

ههههههههههههه

هذا غير ليزر قوي

يله ربك يسهل ان شاء الله

اليوم الربع المصريين مامصدكين اكو انتخابات كل واحد جايب

العائله كلها ولفات وياهم هههه

على حضنة غير

مبارك كعد 30 سنة

مطار من الكرسي اله هسه

الله كريم

ha90 · « **رد #2131 في:** 16:45 19/03/2011 »

مقتبس من: مــــان في 16:32 19/03/2011

مقتبس من: ha90 في 16:16 19/03/2011
مقتبس من: مــــان في 16:12 19/03/2011
هاي نضربنة بليزر مثل جماعة اليابان خطية

على ها جماعة شهر 8 و 12 كلهم شلعوا

ههههههههههههه

هذا غير ليزر قوي

يله ربك يسهل ان شاء الله

اليوم الربع المصريين مامصدكين اكو انتخابات كل واحد جايب

العائله كلها ولفات وياهم هههه

على حضنة غير

مبارك كعد 30 سنة

مطار من الكرسي اله هسه

الله كريم

ربك يسهل ان شاء الله

ha90 · « **رد #2132 في:** 16:48 19/03/2011 »

شلونج اختي العزيزة لازوردي

اخبارج ان شاء الله بخير

ماكو جديد على قضيتكم

يله ان شاء الله الفرج القريب للجميع

تحياتي

مستشير · « **رد #2133 في:** 17:37 19/03/2011 »

up
جددو الصفحة

ننوسة · « **رد #2134 في:** 22:05 19/03/2011 »

شكرا اخوية ياسر على جوابك وراح نحاول نروحلهم ونشوف شنو الفلم ووين صار هههههه

انشاء الله الصفحة الجديدة تكون خير علينا كلنا يارب وشهر 8 يشلعون من مصر لانه صارت بلا ملح .......

والموفقة للجميع يارب

مــــان · « **رد #2135 في:** 00:44 20/03/2011 »

واني هم حمرلهم ان شاء الله بهذا الاسبوع اذا الله راد ( مشتاقلهم صارلي هواي مشايفهم ههههههه )

kfc_w2002 · « **رد #2136 في:** 07:27 20/03/2011 »

السلام عليكم جميعا ياغاليين شلونكم؟؟ ان شاء الله تكونون باحسن حال
محد سافر بيكم؟؟ لعد الي دييجون يمنه من غير كوكب شنووو
اريد اطمنكم هوايه عوائل دتجي يمنه والله العظيم كل كم يوم نسمع جايه عائله من مصر ومن سوريا ومن عمان بس الظاهر مديكولون

حبيت اسلم واتطمن عليكم واطمنكم بهذه الاخبار
دعواتي القلبيه لكم جميعااااا بالفرج العاجل باذنه تعالى
تحياتي واحترامي

pati · « **رد #2137 في:** 07:34 20/03/2011 »

لا ليهسه ماكو شي تعقدناااا

ألن في بلاد العجائب · « **رد #2138 في:** 12:27 20/03/2011 »

مقتبس من: kfc_w2002 في 07:27 20/03/2011

السلام عليكم جميعا ياغاليين شلونكم؟؟ ان شاء الله تكونون باحسن حال
محد سافر بيكم؟؟ لعد الي دييجون يمنه من غير كوكب شنووو
اريد اطمنكم هوايه عوائل دتجي يمنه والله العظيم كل كم يوم نسمع جايه عائله من مصر ومن سوريا ومن عمان بس الظاهر مديكولون

حبيت اسلم واتطمن عليكم واطمنكم بهذه الاخبار
دعواتي القلبيه لكم جميعااااا بالفرج العاجل باذنه تعالى
تحياتي واحترامي

اخي العزيز الله عليك متشوفلنا هذوله مين ديجون لامريكا اشو كل الدول الي بيها عراقيين عزلت لا من بغداد و لا عمان و لا القاهره و هسه اسطنبول و لبنان هم طبكوا ويانا هذوله العراقيين مين ديروحون لامريكا لعد

صابرين · « **رد #2139 في:** 19:25 21/03/2011 »

pati · « **رد #2140 في:** 21:06 21/03/2011 »

شوكت يجون المحلفين تره والله خبلونا .. و كاعدين على اعصابنا و الوضعيه بعد متتحمل يارب افرجها يارب

lazordy · « **رد #2141 في:** 14:30 22/03/2011 »

مقتبس من: ha90 في 16:48 19/03/2011

شلونج اختي العزيزة لازوردي

اخبارج ان شاء الله بخير

ماكو جديد على قضيتكم

يله ان شاء الله الفرج القريب للجميع

تحياتي

هلو ها90 .. شلونكم .. ان شاء الله الكل بخير

طبعا ماكو جديد .. القضية خلصانة وننتظر شراح يصير بموضوع السفر

تحياتي

pati · « **رد #2142 في:** 21:55 22/03/2011 »

السلام عليكم اخوان بشرونه اخباركم .. اكو اخبار تبشر بخير ؟؟؟

المحلفين شصار منهم بس لا يرحون للسودان و ياخذولهم فره بفد كم بلد يلا يجون مصر ....

رح اغنيلهم بس تعالواااااااااا

pati · « **رد #2143 في:** 20:32 24/03/2011 »

يا جماعه شلونكم ان شاء الله بخير اشو ماكو لا حس و لا نفس لا خبر لا جفيه لا حامض حلو لا شربت

اشو محد ديشارك بس لا الكل ملت و طفرت

مــــان · « **رد #2144 في:** 13:17 25/03/2011 »

والله سكتة كل شي ماكو

دانتظر نهاية الشهر والله كريم

تحياتي

صدام الدليمي · « **رد #2145 في:** 15:14 25/03/2011 »

السلام عليكم
شلون الاعضاء المعنويات هابطة مو ؟؟؟ والله اني هم امنيتي نامت عليهه طابوكة !!
شنسوي مابيدنه شي غير ننتظر والله كريم حالنا احسن من غيرنه الحمد لله على الاقل اكو امل حلو دا نتظرة
الموفقية للكل يارب

pati · « **رد #2146 في:** 20:26 25/03/2011 »

هسه بدا العد التنازلي مال جية المحلفين احنه دنحسبهه يوم يوم و كلمانكعد الصبح نجي عالمنتدى بلكي اكو احد يبشرنه بموعد محلفين

ابو هاشم · « **رد #2147 في:** 15:35 27/03/2011 »

ننوسة · « **رد #2148 في:** 22:32 29/03/2011 »

شلونهم اعضاء جمعية مصر الحلويييييين

اشو ماكو اخبار ولا اي شي جدييييد

اخونا مان واختنا لازوردي انشاء الله تكونون اخذتوا مواعيد سفر يااااارب

بالنسبة النا ماكو جديد بالنسبة للامنية نصها واصلة هيجي عرفنا من اخر تلفون والبصمات موجودة واتصل بينا حاتم علمود اعادة الفحص الطبي لانه صار اكسباير وراح نعيده والله كريييييييييييييم ونشوف وين راح نوصل وشنو نسوي بعد

وياريت الكل يدخل وتطمنونا على اخباركم والموفقية للكل يارب تفرج باسرع وقت

الحائره · « **رد #2149 في:** 00:30 30/03/2011 »

شونكم جميعا
بالنسبه الي ماكو اي شي جديد وسمعنا اكو موعد سفر يوم 11 4

الله يوفق الجميع

مــــان · « **رد #2150 في:** 00:59 30/03/2011 »

شلونكوم اخواني اخواتي

والله اني موجود بالكروب ع الفيس بوك

بالنسبة النه اكيد راح نعيد الفحص الطبي

بس لحد الان متصلوا بينة ماعرف ليش

فدانتظر والله كريم

طمنونا عليكم

تحياتي

pati · « **رد #2151 في:** 01:41 30/03/2011 »

ان شاء الله خير على الكل و تتسهل امور الجميع

اخ مان ممكن اسم الكروب عالفيس بوك لانه داادوره و مداللكي و اذا امكن اللنك بلا زحمه عليك

lazordy · « **رد #2152 في:** 13:45 30/03/2011 »

شكرا حبيبتي ننوسة .. احنا لحد الان مستمرين بالنضال السلبي

كاعدين ننتظر يخابرونا علمود انعيد الفحص الطبي .. والله كريم

مان .. لحد الان مخابرونا ولا خابروكم .. لأن احنا تقريبا على نفس الايام .. وحسب ما سمعت من احد العوائل .. اكو خربطة بين المنظمة والدكتورة اللي تسوي الفحص .. والى ان تفض حلني .. عموما اكيد يخابرونا الاسبوع الجاي

تحياتي

الحائره · « **رد #2153 في:** 21:40 30/03/2011 »

السلام عليكم شونكم جميعا انشاء الله تكونون بخير
اليوم جنه بلاي او ام لان شغلتي واكفه على موافقة الكفيل وهذا الشي جان شي روتيني وبسيط ولكن بسبب هذه الظروف صار امنيه نتمنى ان تتحقق
قابلنا الاستاذ حاتم وكال ماكو شي جديد وانتظروا اقل شي 6 اسابيع علمود سالفة الولايه !!

رجعت للبيت وخابرت الكفيل خطية الرجال مخابر المنظمه هناك والكيس منجر كله انه صار 15 يوم تقريبا ماكو ولا لاجئ طب للولايه لان سالفة اللجوء متوقفه من الكونغرس الامريكي لحين دراسة الميزانيه الامريكيه يعني لا تجييك امني ولا بطيخ

مــــان · « **رد #2154 في:** 00:15 31/03/2011 »

مقتبس من: pati في 01:41 30/03/2011

ان شاء الله خير على الكل و تتسهل امور الجميع

اخ مان ممكن اسم الكروب عالفيس بوك لانه داادوره و مداللكي و اذا امكن اللنك بلا زحمه عليك

تدلل اخوية

https://www.facebook.com/un.iom.siv

مــــان · « **رد #2155 في:** 00:17 31/03/2011 »

مقتبس من: lazordy في 13:45 30/03/2011

مان .. لحد الان مخابرونا ولا خابروكم .. لأن احنا تقريبا على نفس الايام .. وحسب ما سمعت من احد العوائل .. اكو خربطة بين المنظمة والدكتورة اللي تسوي الفحص .. والى ان تفض حلني .. عموما اكيد يخابرونا الاسبوع الجاي

تحياتي

والله ماعرف ليش

بس اعرف هواي ناس هم بعد ممخابريهم واتوقع ورة ميكملون هاي وجبة الفحص احنه وراهم

تحياتي

صابرين · « **رد #2156 في:** 10:19 31/03/2011 »

اخوان بدأوا يعطون موعد اعادة فحص طبي ابشروا وان شاء الله خير
يوم الثلاثاء اكو وجبة ... ويارب تكونون ضمن الوجبة ولا تيأسون حتى احتمال قبل يوم يتصلوا لان نحن من خابرونا على الفحص كان قبل يوم من الفحص الطبي
وان شاء الله تفرج على الجميع

حاولت بالامس الاتصال بالمنظمة بس ماكو اي جواب الموبايل مغلق والتلفون محد يرد راح احاول اليوم

omar salman · « **رد #2157 في:** 11:05 31/03/2011 »

السلام عليكم اخوان
بالنسبة لاعادة الفحص الطبي اكو جدول بالمجاميع ولغاية يوم 11 / 4 هذا حسب الي كدرت اسمعة اثناء مكانوا ينسقون الجدول في المستشفى وكل مجموعة عددها من 8 ــــ 16 شخص بالنسبة الي كملت اعادة الفحص في الانكلوا ورمسيس وعلى فكرة المواعيد اغلبها الفحصين بنفس اليوم
وبقى أن ننتظر او أنشوف تاليها شلون واتمنى الموفقية للجميع

lazordy · « **رد #2158 في:** 12:47 31/03/2011 »

مشكورين حبيبتي صابرين واخوية عمر .. اعتقد ترتيب الفحص الطبي هو نفسه اللي جان بعد مقابلة المحلفين .. لأن جماعة اعرفهم فحصوا اول يوم بالفحص السابق وهالمرة نفس الشي .. عالعموم .. راح يجينا السرة وين يروح يعني

تحياتي للجميع

كاسـ الحنون ـبر · « **رد #2159 في:** 17:24 31/03/2011 »

اتصلت اليوم على iom مصر علمود موعد المحلفين والجواب كالعاده منعرف شوكت يجون وماعدنه اي تعليمات جديده واحنه راح نتصل بيكم من يجون ...الله كريم

pati · « **رد #2160 في:** 03:04 01/04/2011 »

يا الله يارب العالمين انت ارحم الراحمين

هذه شغلة المحلفين صدك دوخه يعنى دنحسب ايام و ليالي ... اخ كاسر الحنون مشكور على هالمعلومه

ابو هاشم · « **رد #2161 في:** 00:47 02/04/2011 »

الاخ كاسر الحنون عاشت ايدك على المواصله بس اني سمعت انو لحد الان يعتبرون الوضع الامني غير مستقر لذالك سوف يذهبون الى دوله اخرى ربما تركيا اولا اتنمى هذا الخبر لايكون صحيح لكن هذا ماسمعت

كاسـ الحنون ـبر · « **رد #2162 في:** 10:01 03/04/2011 »

تدللون اخواني ياربي يجون هالايام لان من صدك تعبنه من الانتضار صارلنه كومه منتضريهم
ان شاء الله اذا ماكو شي هالايام ومسمعنه شي راح انطلق الهم يوم الاربعاء الجاي
اشوف شنو يكولون والله يسهل للجميع

pati · « **رد #2163 في:** 10:22 03/04/2011 »

اخ كاسر الحنون من شغت الموضوع متحرك كلت ايييييييييي يا الله اكو خبر حلو ... بس هم ميخالف ان شاء الله صبرنا يثمر بنتيجه حلوه

وياريت تنطينا اخر الاخبار مثل متعودنا عليك ...

اخوان تره اني كلش ضجت و بس دندي من رب العالمين يسمعنا خبر جيتهم والله تعبت اريد احد يرفع معنوياتي لانه وصلت زيروو

مــــان · « **رد #2164 في:** 14:30 03/04/2011 »

اني اكول عادي حيجون لان اذا همه ديروحون للعراق بهل اوضاع صعبة عليهم يجون لمصر

ان شاء الله هل ايام يوصلون

pati · « **رد #2165 في:** 17:34 03/04/2011 »

الله يسمع منك اخويه مان

ابو هاشم · « **رد #2166 في:** 20:47 05/04/2011 »

الله يساعدكم اخوان
اليوم سمعت من جماعة سانت اندروس انو المحلفين يجون يوم 28 بهذا الشهر الى القاهره وان سبب التاخير هو مشاكل اليو ان مع المتضاهرين وتوقفهم عن العمل
ان شاء الله الخير للجميع

pati · « **رد #2167 في:** 16:10 06/04/2011 »

الله يبشرك بالخير اخويه ابو هاشم ... الله الله على الاخبار المفرحه بس ان شاء الله يجون مو يغيرون رايهم

تميم العراقي · « **رد #2168 في:** 11:13 07/04/2011 »

السلام عليكم اخوان طبعا ماكو اخبار جديدة والموضوع اشو صار سنطه بس ردت اسال الاخوان الي صار فحصهم اكسباير عادوا الفحص الطبي لو بعدهم ممنطيهم مواعيد فحص واذا احد عاد الفحص ياريت يكتبلنا التفاصيل

lazordy · « **رد #2169 في:** 13:04 07/04/2011 »

والله اخوية تميم .. احنا المفروض نعيد الفحص ولحد الان محد خابرنا ولا انطونا موعد .. اليوم اتصلنا بيهم .. الموظفة تكول التأخير بسبب العدد الكبير وهي شغلة مواعيد .. من يجي سراكم نخابركم .. مع العلم احنا من اللي اتأجل سفرهم .. ومداافتهم .. منو المفروض يحطه ببداية الجدول اللي مخلص كلشي ودينتظر يعيد الفحص .. لو اللي كاعد ينتظر البصمات والامنية و ووو

المهم .. حسبي الله ونعم الوكيل .. لأن بصراحة تعبنه من الانتظار ومن كل شي

تحياتي

ha90 · « **رد #2170 في:** 13:10 07/04/2011 »

اني خلصت الفحص الطبي

بس المنظمه بيها خربطه موطبيعه وسوها بالعكس نروح على الانجولي امريكان يله على دكتور سامويل

وحتى الدكتورة كامت تحجي

وبعدين الى جاي يفحصون من جماعه شهر 8 وشهر 12

نخلة بغدادية · « **رد #2171 في:** 02:07 08/04/2011 »

اخواتي واخوتي الاعزاء احنا لازلنا ننتظر امنية وبصمات لبعض افراد العائلة ولذلك اعدنا الفحص الطبي لان صار لنا 6 اشهر ولكن عندي صديقات ممن تاجل سفرهم كالولهم بالمنظمة انه اجلوا فحصهم لان دينتظرون يسوون لهم موعد سفر واذا لا سامح الله صار نهاية الشهر ومنطوهم موعد سفر عود يعيدون الفحص الطبي وهذا مبشر بالخير ان شاء الله للي مخابروا على فحص طبي كما اعتقد والله يسهلها عليكم وعلينا يارب ونسافر بالخير قريبا بعونه تعالى.

اختكم نخلة بغدادية

مــــان · « **رد #2172 في:** 03:44 08/04/2011 »

مقتبس من: نخلة بغدادية في 02:07 08/04/2011

اخواتي واخوتي الاعزاء احنا لازلنا ننتظر امنية وبصمات لبعض افراد العائلة ولذلك اعدنا الفحص الطبي لان صار لنا 6 اشهر ولكن عندي صديقات ممن تاجل سفرهم كالولهم بالمنظمة انه اجلوا فحصهم لان دينتظرون يسوون لهم موعد سفر واذا لا سامح الله صار نهاية الشهر ومنطوهم موعد سفر عود يعيدون الفحص الطبي وهذا مبشر بالخير ان شاء الله للي مخابروا على فحص طبي كما اعتقد والله يسهلها عليكم وعلينا يارب ونسافر بالخير قريبا بعونه تعالى.

اختكم نخلة بغدادية

عاشت ايدج ع هل خبر

اني هم سمعت هيج

ان شاء الله تفرج ع الجميع

تحياتي

lazordy · « **رد #2173 في:** 18:13 08/04/2011 »

عاشت ايدج حبيبتي نخلة .. خبر مية مية على كولة المصريين .. ان شاء الله تفرج عالجميع والكل تخلص من اللي هم بي

تحياتي

ننوسة · « **رد #2174 في:** 22:58 10/04/2011 »

مساء الخيييير عليكم
هاي وينكم مختفين اشو لا حس ولا خبر انشاء الله يكن اختفائكم خير يارب ومواعيد سفر جتكم وماكو وكت تفتحون انترنيت بس حبيت اطمن عليكم لانه شفت صايرين بالصفحة الثانية وماكو شي ديصير بكروب مصر

بالنسبة النا احنا بعدها الامنية مجتي الى هسة وطلبوا من عدنا اعادة فحوصات بس للاسف مكملناها بس زوجي سوا اشعة اني حامل ومكدرت اسويها ومن رحنا للدكتورة ماجدة كالت ماكو اشعة يعني ماكو سفر الى موعد الولادة الي هوة بشهر 10 يعني قفلتها بوجهنا وبعد منعرف شنو راح يصير ........ وطبعا اليوم عرفت مادام ماكو فحص ماكو موافقة الولاية يعني هاي 6 شهور عدهم فحص مجتي موافقة الولاية هسة رجعوا مرة الخ يدورون على الفحص مالتنا حتى تصير موافقة الولاية هي صارت هوسة ومحد مكام يعرف شنو ديصير ووين الصح ووين الغلط المهم الله يستر على هاي السنة تعدي على خيييير

والله يوفقكم كلتكم ونسمع اخبار حلوة من كروبنا الحلو

مــــان · « **رد #2175 في:** 00:05 12/04/2011 »

مقتبس من: ننوسة في 22:58 10/04/2011

مساء الخيييير عليكم
هاي وينكم مختفين اشو لا حس ولا خبر انشاء الله يكن اختفائكم خير يارب ومواعيد سفر جتكم وماكو وكت تفتحون انترنيت بس حبيت اطمن عليكم لانه شفت صايرين بالصفحة الثانية وماكو شي ديصير بكروب مصر

بالنسبة النا احنا بعدها الامنية مجتي الى هسة وطلبوا من عدنا اعادة فحوصات بس للاسف مكملناها بس زوجي سوا اشعة اني حامل ومكدرت اسويها ومن رحنا للدكتورة ماجدة كالت ماكو اشعة يعني ماكو سفر الى موعد الولادة الي هوة بشهر 10 يعني قفلتها بوجهنا وبعد منعرف شنو راح يصير ........ وطبعا اليوم عرفت مادام ماكو فحص ماكو موافقة الولاية يعني هاي 6 شهور عدهم فحص مجتي موافقة الولاية هسة رجعوا مرة الخ يدورون على الفحص مالتنا حتى تصير موافقة الولاية هي صارت هوسة ومحد مكام يعرف شنو ديصير ووين الصح ووين الغلط المهم الله يستر على هاي السنة تعدي على خيييير

والله يوفقكم كلتكم ونسمع اخبار حلوة من كروبنا الحلو

اكوووو كومة مواعيد سفر قادمة ان شاء الله احنه بوحده من هل مواعيد

صابرين · « **رد #2176 في:** 12:39 13/04/2011 »

ان شاء الله يارب ... تفرج على الجميع
وكلنا نسافر بأقرب وقت
بالنسبة لنا اتصلوا بالكفيل يارب تتسهل على الجميع

مــــان · « **رد #2177 في:** 17:05 13/04/2011 »

مقتبس من: صابرين في 12:39 13/04/2011

ان شاء الله يارب ... تفرج على الجميع
وكلنا نسافر بأقرب وقت
بالنسبة لنا اتصلوا بالكفيل يارب تتسهل على الجميع

مبروووك على اتصال الكفيل

وان شاء الله تسافرون بقرب وقت

صابرين · « **رد #2178 في:** 19:02 13/04/2011 »

اشكر اخ مان يارب نسمع اخبار سفرك وباقي اعضاء الجمعية
يارب تهون على الجميع وعن قريب

habazbooz69 · « **رد #2179 في:** 19:53 13/04/2011 »

يا جماعة احنا كالولنا اليوم ان موافقة الولاية واصلة فهل هذا يعني بان اوراقنا وقعها الكفيل لو مالها علاقة بالتوقيع ؟
وشكرا
وتحياتي للكل

lazordy · « **رد #2180 في:** 20:52 13/04/2011 »

مبروك للاخت صابرين الاتصال بالكفيل وان شاء الله توصلون يم الكفيل بالقريب العاجل

الاخ حبزبوز .. موافقة الولاية واصلة يعني اتصلوا بالكفيل ومشي الحال .. مبروك ... والتوقيع مو دائما ضروري .. احنا اتصلوا بالكفيل بس ما وقع اي اوراق .. يعني ان شاء الله خير وتمشي كل اموركم

تحياتي

صابرين · « **رد #2181 في:** 22:47 13/04/2011 »

الف مبروك للاخ habazbooz الف مبروك موافقة الولاية وان شاء الله نسمع بموعد سفر قريب

حبيبتي لازوردي الف الف شكر ويارب نسمع بوعد سفرك عن قريب وتفرحينا بأقرب وقت

حبيبتي وعيوني تفرج الله شكورن لك وان شاء الله نسمع اخبار حلوة عنكم وعن قريب وتبشرينا

habazbooz69 · « **رد #2182 في:** 00:01 14/04/2011 »

اشكركم كلكم والله يبارك بيكم ان شالله اني بعدلي البصمات هاي من التاسع الى هسة ماكو عبالك عندي خمسين اصبع والله لو خمسين هم جان فضت ههههههه
ان شالله الموفقية للجميع والسفر العاجل ياااااارب
تحياتي للجميع

ابو هاشم · « **رد #2183 في:** 00:15 14/04/2011 »

يالله بدت الاخبار الحلوه توصل الف مبروك habazbooz69 والاخت صابرين ان شاء الله تبشرونا بموعد السفر والاسقرار وبدء حياة جديده مليئه بلنجاح

صابرين · « **رد #2184 في:** 11:17 14/04/2011 »

شكرا جزيلا اخ ابو هاشم يارب انت هم تبشرنا بأخبارك الحلوة وبأقرب وقت
اخوان اللي يعرف موعد وصول المحلفين ياريت يكتب هنا لان عندي صديقة ماتستعمل الكمبيوتر وماتعرف شوقت يوصلون

شكرا للجميع
صابرين

ابو هاشم · « **رد #2185 في:** 01:44 15/04/2011 »

اخت صابرين اخر معلومات كانت قبل اسبوع من جماعة سانت اندروس انو يجون نهاية الرابع منعرف صدك جذب يم الله

spawnaga · « **رد #2186 في:** 20:51 16/04/2011 »

اخي ابو هاشم ...

اني ماريد احبطك .. بس اني اشتغل بسانت اندرو واحنا ماعدنا هيشي خبر لانه المكتب مالتنا ماله علاقة بالاي او ام احنا حالنا من حالك .. والي كلك مع احترامي الشديد اله لانه هو زميلي .. هو ميعرف شي ويمكن سامع حجاية و اجتهاد من نفسه .

اتمنى ان يجون المحلفين بالفعل نهاية هذا الشهر و تمشي كل المعاملات الواكفة .

صابرين · « **رد #2187 في:** 21:15 16/04/2011 »

يارب ان شاء الله تفرج على الجميع
وشكرا اخ ابو هاشم والله يوفقك ... ما قصرت اخوية
كذلك شكرا للاخ spawnaga لتنوير الاعضاء
وننتظر اي خبر جديد عن المحلفين

ابو هاشم · « **رد #2188 في:** 21:34 16/04/2011 »

الاخ spawnaga

شكرا على التوضيح بس هذا الي صار ممكن تكون معلومات شخصيه هو حصل عليها بطريقه اخرى غير منظمتكم مع ذالك اتمنى ان يكون رايه صحيح لاننا في الانتظار

ننوسة · « **رد #2189 في:** 22:07 16/04/2011 »

اخواني الاعزاء

اليوم عرفت من ولد صديقنا مخابريه على موعد سفر يوم 28/4 وانشاء الله كلكم تسمعون مواعيد سفر يارب

ويوم النا ونطييير .....

ننوسة · « **رد #2190 في:** 22:57 17/04/2011 »

اخي العزيز احمد

بالنسبة للبصمات لازم يجون محلفين وتنعاد مرة الخ ومتصير بدون وجود المحلفين وانشاء الله بهذا الشهر يجون وتنحل شغلتك بسرعة يارب والسفر القريييب بعون الله

احمد يوسف · « **رد #2191 في:** 00:20 18/04/2011 »

اشكرك اختي العزيزة نوسة ان شاء الله الخير للجميع

pati · « **رد #2192 في:** 21:05 19/04/2011 »

مرحبا اخوان ... شون الصحة ان شاء الله بخير

اخوان سؤال هل المحلفين اجوي لمصر لو لا ....؟؟؟ شنو قصة الوفدالموجود باليو ان مال مصر و ديقابل الناس ؟؟؟ هذا سمعنا اليوم .... ؟؟؟ عدكم علم بالخبر ؟؟؟؟؟؟؟؟

صابرين · « **رد #2193 في:** 14:11 21/04/2011 »

بارك الله بيك اخ ددوفي
الحق ينكال حاتم كلش متعاون واي سؤال الواحد يسأله ما يقصر
وان شاء الله تتسهل الامور للجميع ... ويارب يجون المحلفين وتفرج على اللي ينتظرون المحلفين
وتفرج على منتظرين السفر ايضا والله كريم

ننوسة · « **رد #2194 في:** 21:30 21/04/2011 »

اني ويا الاخ ددوفي وصابرين بالنسبة لحاتم هو انسان متعاون جدااا واني احجي بالنسبة النا ابد مقصر ويانا بصراحة بالنسبة للفحوصات وساعدنا ومقصر ولو بيده شي جان سفرنا ثاني يوم

والله يوفق الجميييع

الوالي · « **رد #2195 في:** 23:22 21/04/2011 »

اخوان سيد حاتم بكيفه يطي مواعيد شنو هاي اخوان المواعيد من المنضمة الدولية للهجرة ماكو واحد بكيفة يطي مواعيد لصدكون هيج شي اخوان بمصر اشجعوكم على العودة للعراق اخذو مني نصيحة ماكو واحد بكيفة يطي مواعيد وشكراااا

ha90 · « **رد #2196 في:** 23:33 21/04/2011 »

مقتبس من: الوالي في 23:22 21/04/2011

اخوان سيد حاتم بكيفه يطي مواعيد شنو هاي اخوان المواعيد من المنضمة الدولية للهجرة ماكو واحد بكيفة يطي مواعيد لصدكون هيج شي اخوان بمصر اشجعوكم على العودة للعراق اخذو مني نصيحة ماكو واحد بكيفة يطي مواعيد وشكراااا

اخويه الوالي المنظمه الي بعمان هي تنطي خبر للمركز الاقليمي بمصر وتكلهم

شوف اي كيس يحتاج فحص بس حاتم هو ليحدد اليوم مع اتفاق مع الدكتور يعني مو بكيف المنظمه

وبعدين هاي خوش نصيحة هههه عمي خليها بجيبك

واني اثني على كلام اخويه ددوفي لان حاتم رجال متعاون جدا وكافي يكول اني هنا موجود لخدمتكم اتحدى اي موظف

يكول هيج بأي دوله

تحياتي والموفقيه للجميع

صابرين · « **رد #2197 في:** 21:52 24/04/2011 »

ابو طارق · « **رد #2198 في:** 22:50 27/04/2011 »

يمعودين اريد احد يكولي وين المحلفين , شو اظاهر صدك راح يجون بشهر السادس اذا مو اكثر لان حسب ميكولون الاخوان انو المحلفين راح يوصلون عمان يوم 5/3 معناها هم علسونه

الله كريم

ددوفي · « **رد #2199 في:** 00:07 28/04/2011 »

مقتبس من: ابو طارق في 22:50 27/04/2011

يمعودين اريد احد يكولي وين المحلفين , شو اظاهر صدك راح يجون بشهر السادس اذا مو اكثر لان حسب ميكولون الاخوان انو المحلفين راح يوصلون عمان يوم 5/3 معناها هم علسونه

الله كريم

ما الهم علاقة محلفين عمان كل دولة وحد والمحلفين همة مو بس خمسة همة عبارة عن وزارة كاملة
يعني قصدي ممكن وبكل سهولة يكونون موجودين في الاردن ومصر في نفس الوقت

الأخبار:

المحرر موضوع: ▒ ▄ █ ▌ جمعية IOM مصر منتظرين الفرج ▄ █ ▌ ▒ (زيارة 196823 مرات)