اليو ان وبعض العراقيين اعتب عليهم

[علي النعيمي]

اخوان اليوم رحت ليو ان حتة احط معلومات بخصوص حالتي المرضية فالموظف كال متكدر تدخل لانو ذولة عدهم مقابلات توطين واذا تريد تظيف معلومات فظيف المعلومات برسالة الحمدلله جنت مسوي مناشدة خليت التقرير الطبي وية المناشدة واني دا اخلي المناشدة جانت اليو ان تقريبا بية من 10 الى 30 او 40 عراقي طالعلهم توطين لامريكا وكندا حسب معرفت اذ التوطين مستمر وماكو توقف وخابرت اليو ان علة ملفي كالت بالتوطين وكتلهةهل توجد  مدة معينة ويصعد لحمايةكالت لا كتلة والتوطين الة مدة معينة كالت لا مفتوحة المدة وديدرسو واخذت رقم تلفوني مرة لخ وردتة كبالي مااعرف ليش وشكرا

[^Miss Violet ^]

اخي كل كلامك جميل و لطيف (ماعدا مرضك الله يشفيك) بس شنو موضوع العتب ما فهته؟؟؟

[عمر عراقي]

هذا شي عادي اخي وان شاءالله اتمنالك الشفاء والموفقية

[المسافرة]

اخي لو سمحت انت وين عايش باي دولة

[علي النعيمي]

اخوان اعتب اكو قسم يكولون توطين ماكو بس امريكا لعد ذولة وين ديروحون للشيشان واختي المسافرة اني بالاردن

[VIP2010]

أخي العزيز عندك العافية وان شاء الله متشوف شر

أخي العزيز اني مفتهمت يعني هسة الحماية قبل التوطين لو التوطين قبل الحماية يعني انت ذكرت انه بعد التوطين راح يصعد للحماية مو صح؟؟؟ بس اريد التوضيح منك وشكر

مع تمنياتي الك بالصحة والشفاء العاجل والموفقية

أخوك VIP2010

[** يدكو **]

اخي العزيز ان شاء الله مبيك الى العافية

فالتوطين موجود وهو يختلف حسب قصتك واعتقد حسب صلة القرابى اذا كان لديك مثلا اقارب من الدرجة الاولى في كندا اكثر من امريكا وكانت قصتك تتلائم مع شروط القبول الى كندا فهناك احتمال كبير قبولك الى كندا


      بالتوفيق

[مجرب الغربة]

السلام عليكم اخي العزيز انت تقصد الاخوان الي ديقابلون باليوان هم مقابلة الاولى لو ديكملون اجرائات التوطين لان اني سمعت الي يقابل هسه على كندا كان موطن عليه من سنة 2009 وهسه يكمل مقابلات التوطين يعني ماكو واحد سمعناه قابل مقابلة اولى على كندا نرجوا التوضيح لهذا الموضوع
اخوكم/مجرب الغربة

[علي النعيمي]

اخواني في اي بي وفري فان الحماية قبل التوطين والتوطين مرحلة مهمة جدا حسب قول الموضفة فاذا لاسمح الله اذا جاءك رفض من اليو ان فحيدزولك رسالة توضح اسباب الرفض اذا كانت قصتك غير مقنعة ويكون الملف في ذلك الوقت بقسم الحماية اما اذا ذهب الى قسم التوطين فمعناها انو ملفك مستوفي شروط التوطين بس شغلة الاتصال بيك واجراء مقابلة توطين فتعتمد عالحظ اكو ناس بشهر خابروهم واكو ست اشهر وحسب كل واحد وقصتة وقوتهة فاما اكو ناس تكول ملفاتهم بقسم التوطين وتصعد مرة لخ للحماية فمعناها اكو نقص بالمعلومات وسوف يتصلون بك لاجراء مقابلة كاملة  لاخذ تفاصيل ادق وراها يروح لقسم التوطين واللجان تدرس ملفك فاذا كان شروط دولة ما تنطبق عليك فيرسلون ملفك لهاي الدولة وراها يتصلون بيك مقابلة توطين واي سئوال اني حاظر

[علي النعيمي]

والله اخي حسب الي عرفتة بالجديد مخابريهم عالتوطين وكايليلهم كندا بالجديد وليس 2009 لعد ليش كاتب اني اعتب علة العراقييين لانو اكو ناس تخاف من العين فمينزل الموضوع مالتة لحد ميوصل لدولة ما وهذا سمعتة من الموظفة مو من الناس الي واكفين برة المفوضية سرة وحتة حجي الناس لانو اكو ناس فرحانيين فد يسالفون وية الي طالعلة امريكا ابو امريكا يكلة لابو كندا نيالك المساعدات مالتكم متنكطع وكلة شلون طلعلك توطين كندا اني حاولت وطلعلي امركا شوف واكفين سرة واحد يحسد بلاخ

[ابو عماد]

اخي aa12_zz5 اعتقد تقصدني انا ... لان انا اللي كلت واكول من بداية سنة 2010 لحد الان ماكو توطين جديد من الامم المتحدة باستثناء امريكا... وحالات لم الشمل درجة اولى الى بلدان اخرى مثل كندا واستراليا... ولكن احتمال بعد اسبوع تجي وفود دول اخرى.
اخوان صحيح اكو بعض اللاجئيين تم توطينهم في كندا من الامم المتحدة ولكن المشكلة من بداية 2010 لحد الان ماكو جواب لا من كندا ولا من استراليا والامم المتحدة بانتظار ردهم.
اخي aa12_zz5 انا ما اخاف من الخزعبلات والحسد ... وانا مرفوض من امريكا رفض نهائي.
مع الاسف من نكتب موضوع والموضوع يعارض ما يتمناه بعض الاخوان مباشرة بالمنتدى بدون تأكيد يكولون هذا حسد ونعتب عليه.
اخي اكتب لي اسم شخص تم توطينه على كندا بعد سنة 2009 بس مو لم الشمل اقصد توطين لاجئيين من اليو ان؟

واعتذر منكم اذا انا مخطيء

[الرسام1973]

يا رب ترتاح

[علي النعيمي]

اخي ابو عماد اني مااقصدك بس اكو ناس تخاف من العين والحسد وماادري يجوز هذولة لم شمل ومااعرف اي تفاصيل عنهم بس سمعت انو الوفود حتجي يوم 15 \7\2010 وان شاء الله كلنة نطلع ونتوطن اخ ابو عماد لاتزعل مني اني مااقصدك
وتقبل تحياتي

[عمر عراقي]

ان شاء الله الجميع يتوفق ويرتاح بحياته
واني اشوف شمايجي منهم نعمه وخير
يمعودين اميركا او كندا او استراليا
وين ميصير نروح واحنه محتاجين استقرار
واي بلد يقدر انسانيتنا وينطينه حقوقنه نشيله على راسنه
يعني احنه يصير نتشرط على ناس دتفتحلنه مجال لحياة جديده
يمعودين هاي ابسط شي دول الخليج من تروحلهم يلعبون بخلقتك
يله ينطوك الفيزه اول مره وبعدين يعاملوك معاملة الهندي واتعس.
وبالنسبة للاخوان المرضى فأني اتمنالهم الشفاء وان يجدوا ما يريحهم
ويسعدهم بحياتهم واسف على الاطالة