تعال شوف معدل البطالة بمدينتك معدلات البط

[basharcom]

الرابط يحتوي على نسب معدلات البطالة في 372 مدينة امريكية تبدا من النسب الاقل وتنتهي بالاكثر بطالة لشهر مايو 2010
 
http://www.bls.gov/web/metro/laummtrk.htm

[** يدكو **]

مرحبا اخي العزيز ولكن لو تأخذ برأي تنزل موضوع يأتي بالفائدة الى الاعضاء والزوار ولكن بصراحة واحد بس يقرأ عنوان الموضوع يتكأب ويخاف من امريكا

تفألوا بالخير تجدوه

تقبل وجهة نضر مني

بالتوفيق

[basharcom]

ومنو كلك اني اريد احد يتكأب
مو هذا السبب اللي خلاني انزل الموضوع
اني اشوف بالعكس هاي المعدلات قليلة اذا قورنت بااغلب دول العالم بس يمكن اهنا واحد يريد يغير ولاية او يريد يختار ولاية يسكن بيهة يحط باولويات تغيير ولاية معدل البطالة الموجود بولايته وبالولاية اللي يريد تحول الهة
هاية الفائدة اللي بموضوعي استاذ يدكو

[حبزبوز1]

basharcom شكرا اخي للموضوع ولاحظت اكو تحسن بهواية ولايات واحب اضيفلك ايضا مع انقضاء  الصيف شوية شوية هم راح نلاحظ انخفاض اكثر بمعلات البطالة .. تسلم مرة اخرى

[ألمــــدرس]

مشكور على الموضوع
واني حسب اللي شفته انه نسب البطالة عاليه جدا في المدن القريبه من حدود المكسيك وذلك لان المكسيكان هم من يسيطر على الاعمال هنالك.

ولاعجب في ان حاكمة اريزونا حاده سنونهه عليهم.

مع التقدير

[angie-dawood]

اخي صاحب الموضوع البطالة موجودة  بكل دول العالم مو بس بامريكا او بالولايات حتى مشكن يكولون اكثر نسبة البطالة بيها رغم كلشي الناس دتشتغل والقليل القليل نشوفه بدون شغل بسبب جاين جدد وبعد ما متعلمين على الولاية واهم شي يكولون  الف حمدالله والشكر المهم هو الامان ننام واحنا مرتاحين مو كل شويه انكطعت الكهرباء لو ماكو مي لو فلان انقتل بسبب ومن غير سبب ازمة الاقتصاد والبطالة  شملت كل العالم مو بس بالولايات المتحدة ولا ببعض الولايات المهم يااخي هو الامان والاستقرار

[basharcom]

اخي صاحب الموضوع البطالة موجودة  بكل دول العالم مو بس بامريكا او بالولايات حتى مشكن يكولون اكثر نسبة البطالة بيها رغم كلشي الناس دتشتغل والقليل القليل نشوفه بدون شغل بسبب جاين جدد وبعد ما متعلمين على الولاية واهم شي يكولون  الف حمدالله والشكر المهم هو الامان ننام واحنا مرتاحين مو كل شويه انكطعت الكهرباء لو ماكو مي لو فلان انقتل بسبب ومن غير سبب ازمة الاقتصاد والبطالة  شملت كل العالم مو بس بالولايات المتحدة ولا ببعض الولايات المهم يااخي هو الامان والاستقرار

اي صحيح وهذا اللي اكولة
اني ماادري ليش افتهمتوا موضوعي خطأ
من اذكر معدلات بطالة حقيقة مو جايبهة من جيبي مو بالضرورة اعني العيش بامريكا سيء بالعكس هاية المعدلات هية اقل من نسب البطالة بالسعودية مثلا اللي يتمنون العراقيين (واني منهم سابقا مو بعد ما وصلت امريكا )انو الكة شغلة ولو بسيطة بيهة