أحنه اللي خلينه العراق يهجرنه

[زيد المدفعجي]

 من وره أدينه أحنه اللي خلينه العراق يهجرنه. أريد أكول هيج وبالشرح المختصر التالي.
ملاحظة: الكلام اللي أكتبه مايشمل كل العراقيين, بس يشمل حوالي(80%-85%) برأيي:-
راح نجي ليش من وره أدينه اللي صار وراح أسمي الامور بمسمياتها:-
1- أحنه اللي كتلنه الحسين.
2- أحنه نجذب.
3- أحنه ما نحترم الوقت.
4- أحنه أذا الواحد بينه وكع نضحك عليه ومنساعده.
5- أحنه حبينه صدام حسين.
6- أحنه نكره اللي يريدلنه الخير (الامريكان).
7- أحنه كيفنه من أحتلينه الكويت (عرب_أشقاء).
8_ أحنه كيفنه من ضربنه السعوديه بسنه 1991 (بيهه بيت الله عز وجل).
9- أحنه شفنه تهجير المسيحيين أمام عينه وسكتنه وهمه زهرة العراق وأعرق فئة عراقيه.
10- السني يكيف من الشيعي يتهجر من منطقته والعكس صحيح.
11- أحنه نقبل نأخذ وننطي رشوه.
12- أحنه وصخين يمكن بيوتنه نظيفه بس نوصخ شوارعنه ومنعتبرها بيوتنا هماتين.
13-أحنه سرقنه وحوسمنه بلدنا.
14- أحنه ننسه اللي سوالنه أمان وحاول بشكل أو آخر أن يقظي على الطائفية وهسه كمنه نحجي عليه (تعرفون منو قصدي).
15- أحنه نحب قناة الشرقية (رداحات ورداحون وما أريد أكمل أكثر).
16- أحنه نكره الخير لبعضنه حتى لو بدار الغربه.
17-أحنه عدنه حسد عيشه واليشتغل مع الامريكان يخاف من معارفه لأن أذا دروا يمكن من الغيره والحسد يعلسووه.
18- أحنه نترحم على صدام ونسينه اللي بيه هسه من وراه.
19-أحنه نصدك برجال الدين اللي ما نعرف شنو خلفيتهم العلميه من جانواا صغار وأتحدى واحد يكلي أكو رجل دين جان شاطر بالمدرسه والمتوسطة والثانويه.
20-نحب أيران والكويت والسعوديه وسوريا والاردن وندري همه ما يحبونا.
21- نكره أمريكا من غيرتنه منها (بشرفكم شفتوا أمريكي عبس فد يوم بوجهكم).
22- نحجي ونكره على أي عراقي يدور لمصلحة العراق حتى لو بأسرائيل (تعرفون منو أقصد) والعرب دهن ودبس ويه أسرائيل(حقهم الايد اللي ما تكدر تلاويهه بوسهه).
23- ما نحب العراق من كل كلبنه.
24- الانانيه اللي بيناتنه حتى بالمنتخب.
25- مانحترم الشرطة ونحجي على الجيش وما نحترم المرور وهمه يتحملون الخطورة والحر والبرد علمودنا.
26-نصدك بالاشاعات.
أكو بعد شغلات ما أكدر أحجيه.
شتريدون تكولون عليه كولوا.

[Dr.Ameen]

السلام عليكم
لاتعمم ومن اين جبت هاي النسب؟
احجي عن نفسك ولا تكول العراقيين
والموضوع ما الة علاقة بالهجرة

[زيد المدفعجي]

وعليكم السلام :
1- آني جبت النسب بالنسبة اللي لأن أعرف أكو ناس راح تجاوبني بهيج أسلوب.
2- أنته ليش ضايج أذا أنته مو منهم وليش متعتبر نفسك من النسبة الاخرى لو أكو فد نقطة خلتك تحك رجلك اليسرى دكتور؟

[Cpt_Ali]

والله كلامك ذهب أخوية وكل نقطة كلتها هيه صحيحه 1000% مو بس 100% ومتشوف الله شكاعد يسوي بينه (اللي كاعد يصير بالعراق هذا كله عذاب رب العالمين) والعراق مراح يصير براسة خير لا هسه ولا بعد 50 سنة ولا بعد الف سنة,

بس لو الموضوع حاطه مو بالهجره واللاجئين جان شوية احسن لانه الموضوع ميخص الهجره.

[مينا]

 اخويه اني لا اعرفك ولا تعرفني
ولا اعرف انت منين من اي محافظه وين ساكن منو عائلتك



بس صدكني

كلي ثقه بيك وبكلامك  وبمنطقك  وباراءك وكل الي تحجي  صح والي متريد تحجي بدون مااعرفه هم صح
ويعني شأكولك راح اكون من المتابعين لمواضيعك اخويه المحترم

وكلمه اخيره مني 

انت انسان واعي

اشكرك اختك مينا

[زيد المدفعجي]

أدلل أخويه كابتن علي بس غيرت عنوان الموضوع.

[زيد المدفعجي]

مشكور أختي مينا وعلى فكره آني دا أكتب الموضوع على مضض .

[Dr.Ameen]

اسف عمي اذا ضوجتك والصراحة اكو كم نقطة استفزني
لان اني ما قتلت الحسين او هجرت العراقيين او رضيت عن احتلال الكويت
والصدك ما احب دول الجوار شلع

[homorabi]

اتكلم عن نفسك ولا تخص العراقيين

[زيد المدفعجي]

هاهيه هذا ردك دكتور كافي وحياك الله بس عندي ملاحظة شويه تضحك يعني أنته مسوي كل النقاط ما عدا اللي نبهتني عليهن؟ هههههههههه دكتور أذا تريد تسويهن كلهن لازم عمرك يصير أنفينيتي رايح جاي هههههههههه أخ وعزيز أنته ولاتزعل مني لأن آني كلبي محروك يمكن أكثر منك على اللي صار وعلى اللي ديصير وعلى اللي راح يصير ولحد يكلي لاسامح الله لأن الله سبحانه وتعالى ما قصر ويانه كلشي أنطانه.

[ضـاع الوطن]

يقول الله تعالى:
                                              بسم الله الرحمن الرحيم

﴿.. إن الله لايغير مابقوم حتى يغيروا مابأنفسهم وإذا أراد الله بقومٍ سوءً فلا مرد له ومالهم من دونه من والٍ ﴾


                                                                                                  صدق الله العظيم

[زيد المدفعجي]

ها حمورابي لازم ماعجبك الحجي طبعاً لأن أنته حمورابي حقك ما تدري شصار بالعراق بعدك فحقك ما تدري والله ذكرتني بفلمthe mummy البارحة شفته.