اخواني مساعدتكم

[احمد العراقي2]

اخواني ..
اني كنت اشتغل مترجم سابق مع القوات الامريكية وصارلي بحدود السنة من تركت العمل وعندي خدمة بحدود 3 سنوات
اريد اقدم على الاس اي في بس بصراحة مادا اعرف الخطوات بالتفصيل وبالتتابع  كل اللي عندي هسة كتاب تاييد من شركة تايتن بي توثيق الخدمة مالتي ونسخة من اخر باج الي و5 تزكيات من ضباط خدمت وياهم ... ارجوكم ارجوكم ساعدوني اريد فقط الخطوات اللي امشي بيهة بالتسلسل ... علما اني مو من سكنة بغداد  يعني ماعندي صورة قيد بغداد بل انا مولود واسكن حاليا في محافظة غير بغداد... اشكركم مسبقا على المساعدة


اخوكم  احمد

[angie-dawood]

للمساعدة

[Safaa Alkhrkhy]

والله خويي لو اعرف التفاصيل وبالتتابع مثل ماطلبت كان ساعدتك بس اني مو كلش ملم بهذا الموضوع  اتمنى اخواني خبراء الاس اي في ايجاوبوك ...

اخوك  ابو سارة

[ســـرى]

اخوية عندك اتصال لحد الان بأي شخص من اللي انطوك التزكيات؟وهل كتاب التايتن بيه التواريخ كاملة وسبب ترك العمل؟

[احمد العراقي2]

اختي سرى هاي نسخة من كتاب التايتن شوفي ايفيد لولا؟
واني عندي اتصال لحد الان مع اكثر من ضابط من اللي كنت وياهم وهمة مستعدين ايساعدوني
عذرا لانني قمت بحذف بعض الاشياء من التاييد مال الشركة للضرورات الامنية

ارجو الرد


احمد

[ســـرى]

لا اوكي انت زين حذفت معلوماتك بس هو شنو سبب انتهاء العمل وياهم؟

نجي عالتزكية لازم اللي يكون بيها التالي:

اللي انطاك التزكية مواطن امريكي او اذا مو امريكي يوقع ووياه لازم مسؤول امريكي الجنسية.

يكول انه كان مشرف عليك لمدة سنة وياحبذا لو يذكر التواريخ (من-الى)

اكو عبارتين لازم تتوفر بالتزكية وهي:

he provided faithful and valuable services for th united states of America

he doesn't present any threat on the national security of the USA

والعبارة الثانية يكدر يذكر بيها(على حسب علمي as far as I know)

راجع تزكياتك اكو وحدة متوفرة بيها هاي الصفات؟

[احمد العراقي2]

اختي سبب ترك العمل هو باختياري يعني انه اني طلبت منهم ترك العمل لظروف عائلية خاصة..
بالنسبة للتزكيات اللي عندي اختي بيهة كلام مشابه لهذا  بس هاي مو مشكلة لانه اني اكدر اطلب من واحد او اثنين منهم صيغة تزكية مذكور بيهة اللي اتفضلتي بي ..
اشكرك اختي على المساعدة   

[ســـرى]

اوكي انت هسه المهم تسوي توصية عالشروط اللي ذكرتلكياها وتبدي بخطوات التقديم وتمشي عالتعليمات التالية عندك اول خطوة هي الحصول على الchief of mission approval او نسميه بالعراقي الكوم ابروفال

http://www.travel.state.gov/pdf/SIVArabictranslation.pdf

وتبدي بالخطوة الاولى (الحصول على موافقة رئيس البعثة الدبلوماسية)

موفق واي سؤال احنا بالخدمة الكل مايقصرون.

[احمد العراقي2]

شكرا اخت سرى