اخواني اخواتي ارجو المساعدة

[عراقي هواي]

اعزائي ارسلت مستمسكاتي للiom اتاجمنت طبعا اني والعائله دزيت نسخ من هويه الاحوال+جوازات السفر _نسخه المعلومات +التوصيات+الباجات واليوم اجاني الرد انه مامستلمين اي شي ويكولون لازم دز مستمسكاتك باقل من 6ميكا بايت حسبتهن اليوم طلعن اكثر ارجو مساعتي حول هذا الموضوع لان اخوكم دايخ ولا طكه بهيج مواضيع شلون اكدر اخليهن اقل وارجوكم بالشرح الممل ولحد يكولي طولتهه عليك واشكركم والله يوفقكم
اخوكم عراقي هواي(من الهوى)مو من الكثرة

[angie-dawood]

أخوية عراقي انت ارسلتهم المستمسكات بصيغة ملف بي دي اف pdf  وعندما تحولهم الى بي دي اف راح يصغر حجمهم  وينرسلون بكل سهولة   وتكدر اخوية العزيز اتسويله ريزيلوشن يعني تصغير حجم وترسلم بصيغة بي دي اف 

[ارمنيان]

اخويه من برنامج Adobe Reader   افتحه و من file اكو create PDF file سوي كلك و بعدين اختار الفايل الي تريد اتسوي PDF وكله اوكي. فايلاتك راح تصغر الفايلات و تتحول بي دي اف مثل ما هم رايديه.

[عراقي هواي]

العزيزة انجي والاخ ارمنيات هن الفايلات بالاصل PDFواني مخزنهن على هارد خارجي ولو اخذ من وقتكم اريد الطريقه اللي اضغطهن بيهه واسويهن اقل من 6ميغابايت الله يوفقكم واشكر سرعه الرد

[angie-dawood]

 أخي عراقي آني افضل انه تشوف  شخص قريب عليك يعرف  يصغر  المستمسكات لانه طريقة  تصغيرهن يختلف حسب نظام الوندوز عموما اخوية تستطيع اتغير حجمهم من الخيارات المتاحة لك أقصد Edite  أو print
 راح يعطيك خيارات تغيير الحجم وانت تختار رقم اصغر من الي موجود حتى تصغر ومن بعد ما تختار  الحجم تعمل له حفظ وراح تكون بحجمها الجديد واخر شيء  اعمل لها عرض  حتى تتأكد  من حجمها لا تكون تصغر بحيث ما تنشاف

[thunderthunder]

صديقي العزيز
تفتح ملف البي دي اف مالتك مال مستمسكات
بعدين تروح عاليسره ليفوك تدوس على كلمة file
تطلعلك قائمه فرعيه تختار save as
راح ينفتحلك صفحه وين تريد تخزنهن واقترح تسوي فولد خاص بيهن بنفس الصفحه اكو مكتوب جوه save as type
تدوس القائمه وتختار JPEG
وتدوس save
راح ينخزنن على شكل صور بالفولدر الي اختاريته
وراها تلزم هذني الصور تصغرهن واكو هوايه برامج للتصغير مثل viso image resizer وهذا موجود عالانترنيت وصغير ومجاني
او microsoft office picture manager والي ينزل ويه برنامج مايكروسوفت اوفس من تنصبه
وره متصغر الصور ترجع تحولهن بي دي اف من جديد وراح تشوف حجم البي دي اف صغر
واذا احتاجيت شي بعد هم اكتب وانشالله نساعدك

[عراقي هواي]

اشكر اهتمامكم وأسأل الله ان يوفقكم في الدنيا والاخرة صدق من قال ان خليت قلبت من معلوماتكم اهواي استفاديت اشكركم وممنون منكم ياطيبين