الاخت كابه بالنسبة للاجئ الي واصل جديد وبعده ياخذ مساعدات من الحكومة مايكدر يكفل اكثر من اثنين او ثلاثة
والكل يعرف هذا الشي لانه تأثر على المساعدات ومن ناحية الكفيل اذا كان اقربائك وعلاقتك بيه زينة حتى لو اخوج او اختج او اهلج علاقتج زينة وياهم طبعا الكفيل احسن من دون الكفيل بس اذا اقرابائك بالدرجة الاولى وعلاقتك مو هلكد زينة وياهم الافضل بدون كفيل لانه هواية سمعنا وشوفنا الاخ او الاخت او الاهل ما تحملوا ابنهم او اخوهم سوى يوم او يومين وهاي حقيقة مو مجرد كلام مرات الغريب يكون افضل من الاهل بس اذا ما تكونين واثقة منه زين لا تكولين عندي كفيل خلي المنظمة هي تكون الكفيلة عنكم والكلام للكل موجه اذا ما تكونون واثقين كل الثقة من الكفيل افضل ما تذكرون عندنا كفيل لانه هذا الزمان الي احنا دنعيشه الاخ ما يعرف اخوه كيف الغريب اتذكر من جنت باليونان كان اكو شخص ويانه عراقي هم كان مسجل بالجمعية للجوء كمل كلشي اخر مرحل هي كانت الاتصال بالكفيل وكان اخوه من خابروه كالوا عندك استعداد تستقبل اخوك يجي من يونان كال لا عندي استعداد هسى عندي مشاكل وي زوجتي وما مستعد استقبل اخوية بالوقت الحاضر وخطية اجلوا سفره شهر اخر وجمالة هذا الحجي قبل 17 سنة والوضع كان مو مثل هسى مقصد كلامي انه يجوز الاخ حمادة عرف انه مايحق اله يكفل هواية اشخاص لانه تاثر على المساعدات وماحب يكول المهم اختي صح الكفيل احسن ما تعتمدين على المنظمة بس يكون انتي تكوني واثقة منه مايأثر عليه كفالتج او عنده الوقت ان يقوم بواجبات الكفيل من مرحلة الاستقبال بالمطار الى الاستقرار بشقة او بيت وتكملت كل اجراءات معاملة اللاجئ مثل معاملة المساعدات وقم الشوسل وغير امور واذا ماواثقة منه اعتمدي على المنظمة من البداية احسن هذا رائي
