اكو احد وياي بالطيارة يوم 10 / 8 ؟؟؟؟

[maitham70]

السلام عليكم اخواني اكو احد وياي موعد سفره لو اخذ الطيارة وحدي واروح

[hussam2010]

مبروك اخويه العزيز ان شاء الله توصل بالسلامة
بس حبيت اعرف انت شوكت استلمت الظرف لان انى هم باقى على موعد الطيارة

[abomagid]

السلام عليكم

بالموفقيه وبالسلامه بعون الله .... انت من بغداد ؟ وانطينه التواريخ رحمه لذاك الاب الطيب

ابو ماجد

[المهندس سيوفي]

اخوية ميثم  دزذيتلك رسالة عالخاص حبي ولحد الان مجاني اي رد منك

تحياتي

[maitham70]

حبي hussam2010 ياظرف تقصد لااستلمت ظرف ولاشي خابروني كالوا موعد طيرانك 10/8
والبارحه هم خابرت عمان وهم اكدولي نفس الموعد بس بعد رساله مال تفاصيل الرحله مادازيلي

حبي ماجلان عبالك مااسويه لا راح منو الي اشوفه وياي بالمطار راح اسئله انته من ربعنه لو لا

اغاتي abomagid اني سبق وكتبت التواريخ وهاي لعيونك راح اكتبهن الك نره ثانيه
تقديم اوراقي الى IOM بغداد كان الشهر السابع 2008
المقابلة الاولى الشهر العاشر 2009
المقابلة الثانية الشهر الثاني 2010
رد المحلف وره 50يوم كان التاجيل
توقيع كفيلي على اوراق الكفاله الشهر السادس 2010
موعد السفر 10/8

حبي سيوفي اني رديت على رسائلك معقوله انساك وماارد عليك
اتاكد عمري وراسلني على ايميلي

[كديلاك]

الف الف مبروك حبي اتمنالك التوفيق حبي

[المسافرة]

الف مبروك والوصول بسلامة

[امير البغدادي]

الف الف مبروك وتوصل بالسلامه   اخوك امير البغدادي

[Karadi]

الف الحمد الله والشكر


الف مبروك اخوية ميثم بالله فرحتك ,,,موفق انشالله بحياتك

اني اسف مامتابع اخبارك وهسة لكيت موضوعك لموعد السفر

مبروك مرة ثانية حبيب قلبي

كـــــــــــــرادي

[مــــان]

اخوية مبرررررررررررررروك الف الف الــــــف مبروووووك

ان شاء الله تشوف الموفقية بارض الاحلام

بالنسبة لموعد الطيارة راح تلكة كومة عراقيين ويااااك


بس هم ميكولون لانه يخافون من الحسد  شتسويلهم

والف مبروك مرة ثانية

yasir - cairo

[ilkorabe]

الفففففففففففففففففففففففففففففففففففففف  مبروووووووووووووووووووووووووووووووووووووووووووووووك

تستاهل كل خير رحمه الوالديك مايسير تاخذي وياك اخوك اني 

[لورنس السفاح]

اخوية ميثم عالخير والبركة
راح تعوفنا جماعتك جماعة شباط ههههههه
الف مبروك وتوصل بالسلامة
ميثم انت اي زت واحد لو عائلة؟
وايميل جدول سفر هم دزولك بعد الكقيل ؟ لو مباشرة انطوك موعد سفر
بالتوفيق حبيبي وتوصل بالسلامة

[بنت العراق 84]

الف الف مبروك اخ ميثم وان شاء الله توصل بالسلامة واتكون بداية خير عليك يارب
بس ممكن اعرف شوكت اخذت دورة تثقيفية لان اني اخذت ودا انتظر فياريت اعرف ومن اي بلد انت مقدم؟؟؟
مع خالص شكري وتقديري
بنت العراق

[TIKTAKTIKTAK]

اخويه ميثم ع ما اتذكر انت جماعه سوريا اذا ذاكرتي ده تشتغل صح
اني همين ع يوم 10-8 طياتي بس لي هسه ما دخلنا دوره تثقيفيه
اختك تيك تاااك

[امير البغدادي]

اخ ميثم مبروك السفر وتوصل بالسلامه اخي العزيز  اني البارحه اجاني اميل من المنظمه ايكولون انت بالمراحل الاخير وباقرب وقت اتكون الفحوصات الطبيه اني امسوي اعاده فحص  هل يعني المواحل الاخير الختم   وهل يعني طالعه الموفقه الامنيه ارجو من جميع الاخوه الاعزاء مساعدتي       امير البغدادي       من بغداد الحبيبه

[** يدكو **]

 الف مبروك اخي العزيز والوصول بالسلامه بالموفقيه

[maitham70]

حبي كديلاك ممنون منك ياغالي
اختي المسافرة الله يسلمك ويوفقك يارب
عمري Karadi  الله يوفقك ياطيب اسال الله العلي القدير ان ييسر امورك ويسهلها يارب
اخويه yasir 2011 تسلم ياورد اني راح اعرفهم واحد واحد لان راح البس تي شيرت مكتوب عليه عنكاوا
عمري ilkorabe والله لو يصير بعيوني اخذك بس انته تدري شويه بيه طسه
حبي لورنس العرب2  اشلونك يااحد الصابرين من الشهر الثاني
عمري اني عائله ثلاثه اشخاص ومن وقع كفيلي كالوله خلال 45 يوم راح يكون هنا وقبل كم يوم اتصلوا بيه وانطوني موعد السفر
يعني كل ايميل ماكو البارحه هم اتصلوا بيه وانطوني تعليمات السفر وموعد الفحص طبعا قبل يوم من المغادره وقالوا لي قبل ثلاثه ايام من السفر سوف يتصلون بك من بغداد للتعليمات الاخيره
اختي العزيزه بنت العراق 84 تحياتي لك اني من بغداد واعتقد احنه ماعدنه دوره تثقيفيه 
اختي العزيزة TIKTAKTIKTAK اذا تحبين اني من اطير من بغداد امر على مطار الشام واصعدي ويانه ليش تصير الاجره اثنين نخليه اجره وحده هههههه الله يسهل عليك ويفتح ابوبه بوجهك يارب
حبي امير بغداد انته اتصلوا بكفيلك ووقع الاوراق لو بعد ماكو شي اني وره توقيع كفيلي بشهر خابروني ولا خابرتهم ولادزيتلهم ايميل

[maitham70]

هلا حبي ماجلان اكوا واحد بس بعده متردد مايريد يروح وياي هههههههههههههههههه
راح اطرز على تيشيرتي عنكاوا حتى يعرفوني

[hussam2010]

هلا حبي ماجلان اكوا واحد بس بعده متردد مايريد يروح وياي هههههههههههههههههه
راح اطرز على تيشيرتي عنكاوا حتى يعرفوني

ههههههههه سويلك علم عينكاوا وأرفعه علمود كل الموجودين يشوفوه لان التيشيرت بس تكعد حتضيع السالفة 

[Hanar]

الف الف مبروك اخويه ميثم انشالله تسافرون  و توصولون بالف سلامه

موفق انشالله

اعتقد وياك الاخ كاديلاك بنفس اليوم الله يوفقكم


تحياتي

[لاكي وطن]

الف الف الف مليووووووووووووووووووووووووووووووون مبرووووووووووووووووووووووووووووووووووووووووووووك
وبالموفقية انشاء الله وتوصلون بالسلامة

[لورنس السفاح]

ممنون حبيبي ميثم ع الجواب
ومثل ما كالت الاخ هنار الاخ كديلاك من جماعة المقابلين اذار
موعده 10/8 واتصور هو منزل موضوع خاص بيه
ممكن تتفق وياه عالخاص
توصل بالاسلامة
بس شنو بتسهيل الله عود من توصل بالسلامة وتستقر لاتنسى
انريد موضوع مختصر ع الرحلة والمنظمة وووو
مختصر مو اهواية
فد 5 صفحات هع هع هع هع

[Hanar]

لورانس شبيك اخويه اسم الله عليك انا اخت مو اخ

[بو عليوي]

انشاءالله نتشاوف استاذ ميثم

والموفقية للجميع انشاءالله

[GSMsystem]

مبروك اخي مريم ... بالتوفيق ان شاء الله ..

[maitham70]

السلام عليكم اخواني واخواتي شكرا جزيلا على هذه الردود الطيبه والمشجعه
حبي لورنس انشاء الله بس احصل فرصه نت راح اكتب شنو الي صار وياي بالتفاصيل انشاء الله
يعني راح اكتب من طلعت من بيتنه القديم في العراق الى ان اوصل بيتنه الجديد في دالاص تكساس

[kunda]

حبي ميثم اتذكر انه انت من مخضرمي (الاس اي في ) شنو كلبت على الاي او ام ؟؟؟؟؟؟