كيف الاشتراك في خط موبايل اوباما للعوائل الفقيرة او للاجئين

[Robin Hood]

السلام عليكم شباب
استفسار بلا زحمة عليكم سمعت بان الرئيس  اوباما عمل خط موبايل للعوائل الفقيرة او للاجئين ويتم التسجيل بية عن طريق الانترنيت وياتيك الخط او الموابيل لباب الدار فهل من معين يعنني وشكرا للقرائة او للمشاركة

ان مع العسر يسرا

robin - cairo

[ســـرى]

اخي العزيز روبن الاخت اوماها قبل فترة نزلت موضوع بهذا الشأن بس اني من دخلت بوقتها كان ستوه المشروع فما كانت كل الولايات والمناطق مشمولة بس هسه ما اعرف. اقترح لو تدزلها عالخاص واني هم راح اشوف وين صار الموضوع مالتها.

[Robin Hood]

شكرا جزيلا اخت سرى على ردج السريع وياريت اشوفيلي هذا الموضوع وطريقة عملة على الويب سايت الخاص بخط اوباما واني الصراحة ماعرف الاخت اوماها ومننون الج

ان مع العسر يسرا

robin - cairo

[ســـرى]

طبعا دورت لمن عجزت احاول الكة الموضوع بس دورت بالغوغل واتصور هذا هو الرابط لان اتذكر الصفحة كان لونها اصفر المهم شوفه لان مكتوب تليفون مدعوم من الحكومة لذوي الدخل المحدود

https://www.safelinkwireless.com/EnrollmentPublic/home.aspx

[angie-dawood]

ام ساره

خواتي واخواني الاعزاء حبيت اليوم انطيكم هاي المعلومة للي ميعرفهه، البارحة حصلنا على موبايل موتوريلا مشحون 80 وحدة وبلاش.
اي عائلة توصل لامريكا بعد متحصل على الفود ستامب وعلى السوشيال سكيورتي نمبر تكدر تقدم على هذا التلفون وهو free لذوي الدخل المحدود وموقع التقديم هو https://www.safelinkwireless.com/EnrollmentPublic/home.aspx
يكون التقديم عن طريق النت بعد الدخول الى الموقع وملأ المعلومات وهي الاسم والعنوان واخر اربع ارقام من السوشيال سكيورتي نمبر (ويجب التأكد من كتابة العنوان بشكل صحيح) بعدها يطلعلك فورم مكتوب بيه كل المعلومات اللي دخلتهه وتسحب الفورم بالطابعة وترسله الى العنوان المكتوب بالفورم وعن طريق اي صندوق بريد عادي موجود قريب من بيتك وبعد كم يوم تقريبا اسبوع يجيك التلفون بالبريد وهو عبارة عن موبايل موتوريلا وشاحنة وبطارية ومشحون ب 80 وحدة (ووحدات الشحن تختلف من ولاية الى اخرى تكدر تشوفها بالموقع مثلا ولاية جورجيا يشحنون 60 وحدة ) وبداية كل شهر راح ينشحن الهاتف ب 80 وحدة ولمدة 11 شهر تقريبا وبعدين يمكن شحنه بشراء كاردات. تحياتي

ام سارة

http://www.ankawa.com/forum/index.php/topic,302558.0.html


Primal

اخو المترجم العزيز انتي ليش هيج مظلمه كول يالله وهي تفرج بالنسبة لتعقيبك اقول ان كل كلمة قلتها انا صحيحة 100 % وانا والحمد لله لم اكذب في حياتي ابدا واقول لك نعم ان العجوزة الامريكية هي التي طلبت ان يسكن لاجيء معها وفتهمت بعدين من المنظمة ان المنظمة قد قبلت الكيس مالتي بعد ان اخذت موافقة العجوز وهم غلبا لاياخذون كيس اعزب لصعوبة ايجاد سكن له هاي خلصنه منه بالنسبه للهاتف البلوشي فهو حقيقة وادناه لنك الموقع لكي تقدم عليه بشرط ان يكون لديك SSN  والشكر لمنتدنا الغالي فقد علمت عن طريقه حول هذا الهاتف قبل ان اسافر وقدمت له حين وصولي بعد الحصول على السوشيل سكيورتي وينطوط 80 دقيقة كل شهر مجاننا والله والله
https://www.safelinkwireless.com/EnrollmentPublic/home.aspx

http://www.ankawa.com/forum/index.php?topic=329567.0

[Robin Hood]

السلام عليكم
شكرا جزيلا للاخوات سرى وانجي واني جدا ممنون الكم وان شاءالله تبقون شمعة اتنور هذا المنتدى بس متموع  ;Dهسه اتصل بعائلتي علمود اعلمهم اشلون الخطوات للتسجيل بهذا الخط

ان مع العسر يسرا

robin - cairo

[Safaa Alkhrkhy]

thanks

[vincenzo]

اختي انجي فد سؤالين ماطول استلمتوه:
1. شنو المقصود بال"وحدة"؟؟ يعني دقيقة لو ثانية لو شنو؟؟
2. اذا فرضا باحد الاشهر الواحد احتاج اكثر من الرصيد اللي همه يخلوه اله براس كل شهر فيصير يعبي كارتات اضافية مثلا؟؟ لو لازم ياخذله خط لاخ للطوارئ؟؟ كركت مثلا

[Primal]

مجرد اضافة بسيطة خدمة هذا الهاتف المجاني غير متوفره في كل الولايات مثلا غير موجودة في اريزونا عند التقديم يطلب منك اولا ادخال zip code لمنطقتك لتقرير فيما اذا كانت تلك المنطقة مشمولة بالخدمة او لا كما في الرابط التالي

https://www.safelinkwireless.com/EnrollmentPublic/enroll_lifeline.aspx

[angie-dawood]

اختي انجي فد سؤالين ماطول استلمتوه:
1. شنو المقصود بال"وحدة"؟؟ يعني دقيقة لو ثانية لو شنو؟؟
2. اذا فرضا باحد الاشهر الواحد احتاج اكثر من الرصيد اللي همه يخلوه اله براس كل شهر فيصير يعبي كارتات اضافية مثلا؟؟ لو لازم ياخذله خط لاخ للطوارئ؟؟ كركت مثلا

لا اخي ميصير حسب ما هما مخلين بالرصيد شكد 80 دقيقة هي هاي بس اذا خلصت تنتظر للشهر البعده تنزل نقاط اخرى واذا ما خلصت الشهر البعده تنضاف نقاط فوك الي باقي بالتلفون وكلمة دقائق يعني مثلا بقالك 30 دقيقة  معناها ( 30 منت ) يعني ثواني وهكذا !

[Haider.m]

اخي العزيز روبن اني مسامع بخط اوباما ...بس اكو خطين فري واني مشترك بيهن واحد اكسباير لمدة سنه ونص وشحن شهري 70 دقيقه او اقل يمكن  والاخوان زودوك باللنك مالته ..والثاني 200 دقيقه شهري وهم فري بس بدون اكسباير وهذه لكل شخص يستلم فود استامب او مدكيت بس هو يشتغل فقط ب تسع ولايات واتمنى تكون ولايتك منها وشكرا وهذه اللنك

http://www.assurancewireless.com/Public/ValidateZip.aspx

وطبعا من يخلص الشحن الدقايق تكدر تشتري على حسابك وللعلم الجهاز والخط يوصلك بالبريد

[vincenzo]

هسه ما افتهمنه واحد يكول يصير نضيفله و واحد يكول ما يصير؟؟
يعني اذا واحد مثلا تيه بالطريق وميعرف يرجع للبيت يبقه واكف بمكانه شهر يالله يكدر يخابر ويدلونه 

بس معلومة قوية هاي اول مرة اعرف انه الدقيقة=المنت=الثانية
راح اعيد اشتقاق معادلات نيوتن وانشتاين وشرودنجر وهايزبرك

[Primal]

اخ فينشنزو كلام اكيد تكدر اتعبي بعد اوحتى قبل نفاذ رصيدك من الدقائق المجانية البالغة 80 دقيقة بالشهر لاكن الكارتات غالية  والرابط التالي يبين الاسعار

https://www.tracfone.com/direct/controller.block

[نور الحديثي]

اخوان بس حبيت استفسر عن موضوع قانونية ورسمية هذا النوع من الهواتف لااروح اسجل بيها واتورط وانطي السوشال نمبر
ابو نور

[عراقيه67]

السلام عليكم جميعا      اخوان هل هذا المبايل المجاني يعمل في ولايه بنسلفانيا  واذا بالبيت الواحد يوجد اكثر من شخص بالغ ممكن ان يقدمون على اكثر من جهاز لو فقط المسموح به جهاز واحد   ولكم جزيل الشكر

[Sama Detroit]

السلام عليكم...اخواني واخواتي عندي سؤال ارجوا الرد بسرعة ممكنة...
بالنسبة لخط اوباما اني اخذت واحد ..بس شلون اتصل بي دولي؟؟؟ هل يوجد طريقة معينة ؟؟ عندي اتصالات دولية ضرورية  شلون اتصل من بهذا الخط؟؟؟؟؟؟

[Sound of Soul]

السلام عليكم...اخواني واخواتي عندي سؤال ارجوا الرد بسرعة ممكنة...
بالنسبة لخط اوباما اني اخذت واحد ..بس شلون اتصل بي دولي؟؟؟ هل يوجد طريقة معينة ؟؟ عندي اتصالات دولية ضرورية  شلون اتصل من بهذا الخط؟؟؟؟؟؟

لازم تشترين كارت اتصال دولي اكو  تعئبة ب2 واكو 5 واكو ب10دولار