رحوقتا وبلّبي توتا

رحوقتا وبلّبي توتا
أميرة يعقوب مقدسي الجميل

بئيلي دكثوّن.... ودها مشَريَن بكثاوا
يا مريا ما دكثوّن.... بدما ليلي؟
يا صرخن بكولي قالي؟
كبئن خا كثاوا رابا
وخا قنيا منقشا بدهوا
دكثوّن شمخ بكاوح يا عززتا وميقرتا
درخشن بأورخا يرّختا
دمطين لبَرّيَا برّستا
تخيثد شّمي ميلنتا
مئويثا أخ ئنانا كمتا
ودشتا بيرقا مسّقلتا
ولسبثد نهرا جرويا
خيرن ولّين نخرايا
شوق من صورتخ رسّمتا بمايا
من أبرّا وكبّاني وبسّقا
ودني مخ طّبي شئشتا
يا أرئا كزيخا أخ مطرا
مليثا شلاما وطيبوثا
كجيلن ولًين خزيايخ
يا خليثا وحيلي رخمتا
إيمر إيكيّت بشتا؟
آنا براتخ مرتّا
دبّرخن لكيبخ ومثيايخ
توكا لريشي متوايخ
دبّيشت مني قروتا
رحوقتا وبلّبي توتا
شموئلي ما بدأمرايخ
ماني بشّطلي إيذح
وماشّي مئيني دمئي
ماني مُنشيلي حَشي
ومدئر كخَكتَّا لكوّيثي؟
بأذ ذيني كمسيبيلي
وهم بثرح كمسكرتلي
دلا آهت خايي لتلي
إما بتفقن بكاوخ؟
ددّائر شينخ إلّي
بدنيخا روخي وبغري
كنطرن وكجبالي دأرتخ
كمرّبرّب لبّي دلقشئتخ
مكولي هوني كرخمايخ
ميكالي ددخزيايخ
يا خايي كذت قي؟
مبيدوا خيلي من خيلخ
ومصبيرتي من صبارخ
بلّبي كجاري حنينخ
يا نبوئا مَشّتيانا
لّخزيثخ كنطرَن آنا
يا ماكثا بكل زونا
قي هاذخ قشيلخ رابا؟
كرشلي مآذا عذابا
مبّلتيّن بّلايا رابا
وآثي إلي ربيثينوا من خيلا
إيكها دشوقلي دزالخ
ما لّبا حنين إثوالخ
دئور كمصّليَن وكمرّجيايخ
يا بش عززتا مئيني
بكاوخ عليلي بكويني
مبرّقلّخ لبي وروخي
برحقوثخ كمقطلالي
ما أمرايخ بشحيلي !
كمليتلي بتنياثا شابّيري
يوما دخاصاذا مطيلي
كبخيّن ودمئي لأصتي
دمئي دحشا وتياووثا
بكوهن كيّقذا باثي
ولشميّا كمَرّمرّن إيداثي
دامريا كمسبيّن حالي
شد تايم جبونه مريا
جبونخ لريشد برناشا
وآنا إبلّبح بنقاشا
ددباثخلي طرئا دكنثا
ودمَديري منخرايوثا