معاملة الهجرة الى اميركا_الدرجة الاولى

[كابوس]

قرأت في هذا المنتدى عن الاهل من الدرجة الاولى الموجودين في اميركا وعندهم الكرين كارد فأنهم يقدرون يسحبون اولادهم وأنه اكو تسهيلات بهذا الخصوص... وعندي استفسار واتمنى تشاركوني في الاجابة... فأنا حالياً في تركيا ومنتظر أن يتصلوا في الـ ICMC حتى اسوي المقابلة الثالثة مع المحلف الاميركي وبنفس الوقت والدتي واخواتي موجودين في اميركا وعندهم الكرين كارد... وسؤالي هو: هل والدتي تقدر تسويلي معاملة هجرة الى اميركا وخاصة انه عندي لجوء من اليوأن في تركيا؟... ارجو من اللي عنده الجواب ومع التفاصيل والطريقة الصحيحة ان يساعدني في هذا الموضوع.

والرب يباركم ويسهل اموركم بأسم يسوع المسيح

اخوكم

كابـــــــــــــــوس   

[ســـرى]

اخوية انت متزوج لو لا وشكد عمرك؟حتى اكدر اجاوبك ان شاء الله.

[ســـرى]

انتظرتك تجاوبني بس يمكن بعدك ما شفت الموضوع.عالعموم اخوتك ما يكدرون يسوولك معاملة هجرة لان مو مواطنين فقط عدهم كرين كارد.نجي عالوالدة او الوالد يكدرون يسوولك معاملة هجرة اذا انت تحت سن ال21 وغير متزوج فقط.عدا ذلك فقط لهم الحق بمعاملة لم الشمل او طلب اللجوء بس مو هجرة.

[كابوس]

شكراً اخت سرى على الرد....

أنا اعزب وعمري 36 سنة...

كيف ممكن يعملون اهلي في اميركا معاملة لم الشمل الي؟ شنو هي الاجراءات والتفاصيل لو سمحتي


مع جزيل الشكر

كابــــــــــــــــوس

[kunda]

اي حبي يقدرون وقبل شوية حجيت ويا اهلي لان احد الاخوة اثار الموضوع لكن المشكلة انه ماراح تتمع بحقوق كلاجيء وتنقطع عنك هوايا شغلات اذن لو تبقى تنتظر الاي سي ام سي احسنلك

[كابوس]

مشكور حبي كوندا عالرد.... والله يبارك بيك


ربك يسهل الامور عالجميع


كابـــــــــــوس

[ســـرى]

مثل ما كلك الاخ كوندا اذا سوولك لم الشمل من يمهم مايصير تقدم عالمساعدات بعدين من توصل.انتظر معاملتك وخلي اهلك كفلاء حتى تروح يمهم ان شاء الله.

[كابوس]

شكراً اخت سرى عالرد... الله يسهل امورج وبالتوفيق انشاءالله


كابــــــــــوس