ارجو الرد سريعا

[علي السلطاني]

اخواني الاعزاء سوال محيرني وارجو من اليعرفون الجواب يجاوبوني بسرعة السوال هو . قبل فترة اتصلت على اليو ان يعني المفوضية وسالت على ملفي فبلغني الموظف انه الملف اتحول للسفارة الامريكية وفوتت كم يوم ورجعت اتصلت وبلغني الموظف انه ملفي حاليا تحول الى امريكا يعني هل من الطبيعي انه كل الملفات تتحول الى السفارة ومن السفارة الى امريكا ريحوني الله يريحكم ويفرج عليكم .

[(COBRA)]

اخويه العزيز علي السلطاني
ممكن اعرف  تاريخ تقديمك واشكد طولت مقابلاتك يعني تواريخهاوانشالله ربي يوفقك ويسهل امرك

[مــــان]

عادي اخوية لا تقلق شي طبيعي الملفات تروح لمريكا علمود مناك يكملون الاجراءات

واني لاحضة انه مواضيعك كلها خوف وقلقان

خليك ريلاكس اخوية ترة اعصابك تتعب هيج

تحياتي

[alisalam2010]

اخوية كلنا قلقين واعصاب ياريت تفرج علينة مو مابقى بينا طاقة لهلاعصاب

[** يدكو **]

اخي العزيز من وين مقدم انت

ثانيا شكد صارلك مقدم على اليو ان


ثالثا اذا تكدر تذكرلي تواريخ المقابلات وراح اجاوبك بالتفصيل تحياتي

[علي السلطاني]

رحم الله والديك ومشكورين وما قصرتوا
واتمنا التوفيق للجميع تحياتي لكم يا احبتي

[Safaa Alkhrkhy]

اخي اني جاوبتك اجابة وافية وواضحة ومتاكد منهة مية مية  بس انحذفت بقدرة العزيز الجليل ... اذا اتحب وترغب ابعثهة اللك على الخاص بس قبلهة اسال الادارة ليش حذفتوهة؟؟؟

[angie-dawood]

صفاء متاكد انت كتبت واني حذفت ردك متاكد عندك دليل !!!!!!!!!!!!!!!!!!!!!!!!!!!!!!!!

[Safaa Alkhrkhy]

والله انجي اني كتبت الاتي
(( اخي اللي اعرفهة انه الملف يتم تحويله من قسم التوطين الى الوفد الامريكي اللي يجي الى قسم التوطين حتى يدرس الملفات  المحولة الهة منهم وهذا مالهة علاقة بالسفارة الامريكية يعني مو موظفين همة بالسفارة ومن يقتنعون بملفك ايقابلوك بنفس قسم التوطين مو بالسفارة وتمشي بقية الاجراءات))

نعم كتبت هذا الرد في هذا الموضوع واني متاكد قولي هذا مثل مامتاكد انه اني اسمي صفاء مو عبود!!
اني عندي ولله الحمد والشكر ميزة عدم النسيان وخصوصا الاسماء والارقام ومااجي اعتباطا اكول اني نشرت هنا ومااكون ناشر!!!!!!
راجعي نفسك مرة ثانية

[angie-dawood]

http://www.ankawa.com/forum/index.php/topic,429752.0.html





اذا دعتك قدرتك على ظلم الناس فتذكر قدرة الله عليك !!

[Safaa Alkhrkhy]

بالمناسبة انا لم اقل انه ((انتي )) من حذف الرد بل قلت الادارة
...

[angie-dawood]

هو منو اكو غيري هنا

[Safaa Alkhrkhy]

اي صحيح انجي اني جاوبت نفس الجواب بمكانين مختلفين هنا وهناك لانه ببساطة الشؤالين متشابهات ان لم يكن طبق الاصل هذاك بقة واللي هنا انحذف ولو تلاحظين صيغة الجواب الاول تختلف قليلا عن طيغة الجواب الثاني واني اكلك السبب لانه اني كل موضوع اجاوبهة اسويلهة خزن عندي على  الحاسبة بصيغة (صفحة ويب) حتى اتمكن ارجع الهة حتى لو انحذف الرد مالتي او كنت اني اوف لاين .... لاتتصورين اني بهالسذاجة وتفوتني هيجي فوتة... مو صارت بية اكثر من مرة والبارحة انتي بنفسك حذفتيلي اكثر من موضوع وتعرفين ليش ماكو داعي اذكرهم...
انا لم اظلمك بل انتي من ظلم نفسك...

ابو سارة

[Safaa Alkhrkhy]

ماجلان ارجو ان تقرهة الرد مالتي في الاعلى

[Safaa Alkhrkhy]

اخي ماجلان الموضوع اشلون انزلهة قابل هوة صورة؟؟
هوة ملف صفحة ويب وحاولت انزلهة ماينزل لانه اصلا حجمة اكبر من 200 كيلو بايت اللي السيرفر مال المنتدى مايتحمل

انجي
انا لست ضدك ولاتوجد بيننا اية خلافات شخصية ولكن الحق احق ان يتبع وانا متاكد من انني جاوبت الاخ السلطاني في مكانين وموضوعين متشابهين له هنا وهناك لكن الاول بقى والثاني انحذف .. انتي نفسسك حذفتي لي البارحة موضوعين الاتتذكرين؟؟؟
اختي انجي  ارجو منك مراجعة الكثير من الاشياء بينك  وبين نفسك ولاداعي للغرور
اما مسالة رمضان فهو على راسي من فوق لكن كما قلت الحق احق ان يتبع ومهما كان واقولها للمرة الالف  انا متاكد بانني نشرت الردين هنا وهناك... والبقية يمكم مو يمي ياادارة
ها بالمناسبة  شفتونة حل وية هذا ابو المواضيع مال الصور الاباحية لو تنتظرون تشكيل الجكومة الجديدة!!؟؟؟

[alisalam2010]

اللهم اعوذ بك من الفتنة ...ما جاي افتهم شنو جاي يصير ومنو غلطان وهاي السالفة مو بس الاخ صفاء شكى منها بل اذكر وليس بالضبط مع من حصلت ولكنها حصلت
بعد شي ثاني : هناك صور تنزل وتواقيع تحمل اساءات لطائفة من الشعب العراقي واخرى تحمل طابع سياسي ومحد ينتبه الهن مثل ما صار وياي مرة اعترضت على اساءة وبعد طلعان الروح تم ازالتها ليش هية هاي مسؤوليتي لو مسؤولية منو؟ وقوانين المنتدى المفروض حسبما ذكر لاتسمح بنشر مثل تلك الصور
وهاي مال "تنبيه للمراقب شنو فايدتهة ؟؟" اكثر من مرة دست عليهة وبلا نتيجة الى ان بلغت الاخت انجي برسالة خاصة وهية ماقصرت وقامت باللازم
بس حرااااام هم تصير فتنة هنا مثل ماصارت بينة في وطننا الام
هاي شنو مكتوب علينة نتفرق ونتخاصم وين مانروح ومنعرف منو الصح ومنو الخطأ
يعني حتى في هذه النافذة المضيئة التي اسرق الوقت لمشاهدتها كي احس انني لست بعيدا عن الوطن وكي ازود قلبي اليائس بالامل
حتى هنا تصيبنا الفتنة
ويمكن حتى عند توطيني الى بلد ثالث همينة تصير فتنة
ادعو من الله ان يخمد هذه الفتنة وتتم تصفية الامور
انا اعتقادي ان هناك خلل ما غير مقصود او سوء فهم
الله يوفق الجميع مجددا

[Safaa Alkhrkhy]

(( وهاي السالفة مو بس الاخ صفاء شكى منها بل اذكر وليس بالضبط مع من حصلت ولكنها حصلت ))
كلام الاخ alisalam2010 في الرد اعلاه ...
سبق وان قلت لاتوجد بيني وبين انجي اية خلافات شخصية ولكن ان سكت في المرة السابقة مع الاخ بيرج فانني هنا لن اسكت ابدا حتة تنجلي الحقيقة