مشتاقلكـــُم يــا غــــــــوالــــــــــي

[راهب الحب]

† سلام الله على بــلادي وأهلهــــا † 

شلونكم إخواني وخواتي مشتاقلكــُم هوايــة  .. وأعود إليكم بعد غيبة شهرين وأكثر ..
غصب عني إنقطعت عنكـُم هاي الفترة لأنهُ ما جان عندي نت بعد ما جنت 3 شهور صامد على الوايرلس 
وأكيد الأخ إبراهيم البصراوي إللي حالياً هو العضو ( طيوب 1975 ) جان يوصللكـُم سلامي عن طريقه

أخـــــــــــــر أخبارنـــــا :: كملنـا الشهر الخامس بــ ( لاس فيغــاس ) ..

والحمدلله والشكر على كـُل حــال بدينا نتأقلم وبدت حياتنا تسير وطريقها نحو الإستقرار لكن ببطء ..
قبل شهـر إشترينـا سيارة إللي هي العمود الفقري بكل مجالات الحياة بأمريكــا .. لكون عائلتي من 7 أفراد شترينا سيارة فورد expendtion  .. واللي تسع لسبعة أفراد موديل 2001
وقبل شهرين بدينا بتسديد أقساط السفر لكل فرد 35 $ شهرياً ..
والوالد أيضاً إنشمل ببرنامج الــ ssi لرعاية كبار السن فوق الخمسة وستين سنة .. والمعروف لدى العراقيين بالتقاعد وتم صرف المبلغ لمدة 4 شهور من تاريخ تقديم الطلب والمبلغ هو 710 $ شهرياً
بالنسبة للشغل الحمدلله إتوفقنا آني وإخوتي ..
أخي الأكبر إشتغل بعد شهرين من وصولنا وإذا تتذكرون كلتلكـُم بالستور مع أقاربي ..
وآني وأخي الأصغر إشتغلنا بفندق بقسم التدبير الفندقي ... house keeping...
وإن كان هسة إحنا مركونين على الإتصال لكنهُ بدينا بالشغل ودتستقطع التكسات من صكوكنـا إسبوعياً  ..
 لكن المُنظمة ما قطعت شيء لحد الآن لأنهُ دتشوف الراتب مدا يوصل لحد الإكتفاء الذاتي ولأنهُ شغلنا متقطع ..
 وهواية متعاونة ويانة وهي أصلاً ساهمت بإيجاد العمل إلنا والاخ طيوب يشتغل وياية .. وحجالي بإنه كتب بالمنتدى عن معاناته والشغل متعب وآني جنت بالضد من هذا الرأي لكن هسة إيده أخذت عالشغل ومرتاح وكل إسبوع ديزيد راتبه حسب سرعته وإتقانه بالشغل لأنهُ راتبنا مو بالساعات راتبنا يعتمد على عدد تنظيف الغرف وبمختلف الإجور  ..
يعني يوم توصل 50$ يوم أقل يوم 70 $ حسب شغلك وسرعتك كلما تخلص وتكمّـل شغلك بسرعة وبإنضباط بلا  أخطاء ينطوك شغل ثاني وغرف جديدة وهكذا ...

الشهر الثامن راح يكون أخر شهر بالنسبة للمجمع لأنهُ عقدنا 6 شهور ..فدا أحاول أشوف بيت للإيجار لأنهُ تقريباً يك حساب والفارق بسيط ..
قبل إسبوعين إستدعتنا المنظمة لتجديد الفود ستامب لستة أشهر أخرى ..وبالفعل رحنا وملينا الأبلكيشن وقبل أيام وصلني إشعار من الويلفر بإيقاف الفود ستامب  الحالي بتأريخ الأول من أيلول  المُقبل ..

الحياة حلوة وتحس بقيمتك ومن الممكن تحقّـق كلشي بس  لگيت شغل فالباقي سهل
وكل شي مُتــاح وفي متناول اليد ما تشيل هم ولا شغلة  والحمدلله على كـُل حــال

فرحت هواية ودا أشوف أعضاء جدد  بالمنتدى وهذا دليل على سمعة المنتدى الطيبة
آني حاضر لأي إستفسار أو سؤال  وتمنياتي بالتوفيق لكل المُنتظرين والإستقرار بأقرب وگت ...




                        أخــوكــُم / وسـام بهنـام داؤد الخابــوري
                                لاس فيغـاس / نيــفــادا 
             

[Safaa Alkhrkhy]

مشتاقيلك كلش اخوية  لاتكطع ترة والله نزعل 

[ســـرى]

نورت اخوية وسام وننتظر مواضيعك الحلوة والمفيدة.بالمناسبة انت دحضت نظرية ماكو شغل لان ولايتكم هي الاولى في نسبة البطالة 14 وشوية وتجي وراها ميشيغان 13 وشوية بالمية.بس انت اثبتت انه اللي يصبر يلكة شغل وان شاء الله تتطور الى الاحسن دائما.تقبل تحياتي

[BaghdadGhost]

اخي راهب الحب ,,,,


الف هلا بيك و بعودتك و اخبارك الحلوة ان شاء الله دوم حلوة

[hussein5582]

الله وفقك وتحيه الك و لاخوتك يا بطل

[angie-dawood]

اهلا بك اخ وسام منور بكل وقت بين اخوانك واخواتك انشاءلله تكون امورك دوم بخير

[abomagid]

السلام عليكم

الله ايوفقك اكثر واكثر وانشاء الله اتكون في قمة السعاده...

ابو ماجد

[** يدكو **]

مرحبا بعودتك للمنتدى اخونا العزيز واتمناك كل التوفيق في حياتك تحياتي

[maitham70]

اسال الله ان يوفقك ويسدد خطاك يارب تستاهل كل خير

[زيوس]

اخي العزيز وسام

 اهلا وسهلا بك مرة ثانية  وتقبل فائق احترامي وتقديري واتمنى لكم التوفيق والحياة السعيدة بأذن الله

اخوكم زيوس

[اسعد العراقي]

موفقين اخوية العزيز والله يرزقكم

[عكعك التطوى]

اشتاقتلك العافيه انشاء الله ونورت وشكرا على المعلومات والله يبارك بيك واتمنالك كل التوفيق
والنجاح اخي العزيز

تحياتي

[vincenzo]

مية هله بابو الحب

[engineermech]

عودة ميمونة لك اخي في المنتدى ونتمنى لك كل التوفيق ان شاء الله

[ريم عبد]

الف هلا باخونا وسام
وياربي ايوفقك بكل المجالات وان شاء الله نسمع دائما اخبارك الطيبه
مشتاقيلك ياغالي

[لاكي وطن]

  اهلا وسهلا بك مرة ثانية  وتقبل فائق احترامي وتقديري واتمنى لكم التوفيق والحياة السعيدة بأذن الله

[بغداد بقلبي]

منور اخويه راهب الحب وبالموفقيه اخويه يارب تنفتح الدنيا بوجهك ويكبر رزقكك وتتوفق بحياتك

[شـهــرزاد]

اهلاً وسهلاً بك اخي العزيز وسام

وندعوا لك من كل قلبنا بالتوفيق والنجاح والرزق يارب لانك مثال للشاب المثابر الطموح
 

تحياتي لك وللأخ طيوب

[echo 9]

اهلا وسهلا بيك اخونا العزيز راهب الحب
بالتوفيق ان شاء الله وربنا يزيدك من نعيمه تستاهل كل الخير يا طيب
تقبل تحياتي
Echo 9

[مضروب ليزر]

اهلا وسهلا بيك اخونا العزيز راهب الحب
بالتوفيق ان شاء الله

[ألمــــدرس]

حبيبي ابو الحب على كولة فنسنزو
والله مشتاقلك واني زعلان عليك

بس بصراحه بموضوعك هذا وصراحتك اني افتخر بمعرفتي لصديق مثلك.

واشكرك على كل كلمه كتبتهه بهذا الموضوع

اخوك غسان

[ضـاع الوطن]

هلا والله اهلا وسهلا بيك اخويه والله الك وحشه خوش غيبه اخذتلك ان شاء الله تكون مرتاح
وعاشت ايدك على نقل الحقائق ندعوا لك بالتوفيق ان شاء الله

[راهب الحب]

ممنــــــــــــــــون منكــــــُم  يــــا غـــوالـــــي
خجلتونـــي بكلامكـــُم الراقي وأتــمنى أكــــون دومـاً عند حُسن ظنكــُم آني حاضر وبالخدمــة وبيكــُم خيـــر وإتدللــــوا ... †



                                 أخــوكــُم / وسـام بهنـام داؤد الخاابــوري
                                         لاس فيغــاس / نيــفــادا