مساعدة الشباب العزابيه

[doori]

مرحبا اخوان
تكلمنه وافادونا اخوانه في امريكا عن كل شي يخطر في بال اللاجئ العراقي لكن اغلب اذا مو كل المواضيع تخص العوائل لكن هناك شريحه معينه من الشباب العزابيه بصراحه لم اتلقى اي رد او نصيحه واني طلبت اكثر من مره من اكثر من شخص لكن اكيد كونهم في عائله ميعرفون كل الي يخص الشاب العزابي
ارجوا من الجميع من لديه معرفه بخصوص هذه الشريحه ان يساعد الشاب العزابي شلون ضروفه وين يروح وين يجي شلون حيسكنوه ويامن هو يختار شريكه في السكن هل راح يكون من نفس بلده ومن هالاسئله الضروريه
فارجوا من الاخوه اعضاء كروبنا العزيز و المشرفين و الاداريين يفيدونا بهذا الخصوص
ولكم جزيل الشكر


اخوكم
حمودي
الاردن_عمان

[بنت العراق 84]

مرحبا اخ دوري اي صحيح حقك اكثر الناس تتكلم عن العائلة بس اكو اكثر من شخص اعزب سافروا ياريت لو يفيدوك بهالشي بس اني بالدورة التثقيفية كالتلنة ام الدورة بالنسبة للعزاب يكون سكنهم عادة وية اشخاص اخرين يعني مو وحدك اما وية عائلة او وية عزاب ايضاً وان شاء الله الي رايحين وواصلين لهناك حيفيدوك اكثر وادق
تحياتي

[engineermech]

موضوع مهم صراحة وانا كنت انوي كتابة وسؤال عن هذا الشي

[saif moon]

العزاب الهم الله وهمة يحيرون بنفسهم

[doori]

مرحبا
تسلموووووووووووووووووووووووووووووووون كلكم وشكرا" الاخ ماجلان كفيت ووفيت واتمنى الافاده تعم على الجميع
لك عيني شنو هالمنتدى الرائع الواحد يحس نفسه داخل عائله والله اعلم تسلمووووووون
 

حمودي

[spartacus]

العزاب اويلي حبيبي اني احجيلك على العزاب اني وصلت امريكا قبل 5 ايام ولايه نورث كارولينا وسكنوني ويه 3 صوماليين  واني الرابع بشقه غرفتين والباقي مشترك (حمام الخ)طبعا بهذله لان ماكو نظافه وتقاليدهم تختلف عنه وذوله عدهم اصدقاء رايحين جايين عليهم فد نماذج غريبه عجيبه زين اني عندي اغراض ثمينه وفلووس واخاف اطلع يخمطوهن اكل اخلي بالثلاجه الكاه نصه طاير اشلون ما اكللك هيه ماساه بس هيه بدايه اي حياه جديده لازم اكو معاناه ودا ادور على عراقي اسكن وياه بس ما اكدر اسوي اي شئ لحد ما اعبر شهر واشوف شنو البرنامج اللي راح يخلوني عليه والله ارحم الراحمين وارجع اكلك اني مو مقياس احتمال انته يلكولك عراقي ويسكنوه وياك بس مال يسكنوك وحدك انسه او انته تاجر وحدك والشقه استوديو ب 500 دولار +كهرباء ومي لازم وياك احد لان العيشه تصير صعبه عليك

[doori]

مرحبا
اخويه spartacus الله يعينك تدري سويتلي احباط بس تكدر تكللهم انت وحدكم واني وحدي واتفق وياهم لحد ياكل من اكلي ولا بطيخ وتكدر تاكل برا زين شنو رايك تصير كفيلي ونكعد سوه اني وانت هههههههههههه


الله يكون بالعون

[silver_d]

موضوعك حلو مولاي
رح احجيلك  عن العزابيه في  امريكا
اخويه العزيز اني  رح ادخل  بالشهر الثالث  في  امريكاا العظيمه
اخويه العزيز اني  بالنسبه الي  المنظمه صح اجيت وياهم بس اني  سكنت ويا ولد خوالي
يعني  المنظمه انطتني  1100 دولار  وسوتلي الاوراق مالتي
ومن هالخريط مالتهم ورحت على البنفيت سويت  البنفيت وكملت وانكوني  فوود ستامب  200 والكاش  345 دولار
وكل  يوم 1  بالشهر  350 دولار كاس  وكل  يوم 10 بالشهر الفود ستامب  ينزل  عالكارت مالتي
طبعا المساعدات للعزاب  هيه  3  شهوور  وكلش  كلش  4  شهوور  وراها رووح شووف  حياتك  يعني لازم انته تتكفل الايجار  ولازم انته تصرف  على نفسك ولازم انته اترتب  اموراتك
وبالنسبه للحياة المعيشيه للاعزب 
حياة صعبه مو مثل متتوقع يعني الشغل الي  تشتغله  التاكسات  اغلب الاحيان تدفع اكثر من العائله يعني  بكلشي  انته خسران  اذا تيجي  اعزب  لامريكا
لا الشغل  الي  تشتغله يكفيك ويادوب  يكفي  مصاريفك  والايجار والاكل والشرب  من هالسوالف يعني  امريكا كلها على  بعضها للاعزب  صعبه  لان متكدر  اتسوي  شي  النفسك

ومن ناحية الحياة والرفاهيه امريكا حلوه ومبيها اي  قصوور  وناسها زينين  ومرتبه وقوانينها كل  العالم تحلم بيها وبلد مرتب  ميفرقون بين عراقي  وامريكي ومكسيكي  وغيرها وماكو تفرقة اديان وكلشي متوفر

تحياتي
اخووك سلفر  كالفورينيا  الحدباء 

[spartacus]

اخويه الدوري ميه هلا بيك اذا تحب تجيني اما بالنسبه للاخ سلفر  اني اشوف العكس اشوف ابو العائله بالظيم والعزوبي وضعه احسن ابو العائله عنده مسؤاليات هوايه اكثر من العزاب . الاعزب يكدر يكعد باي منطقه وشقه من غرفه وحده او ثنين تقريبا تكلفه 550 -650 دولار واذا شارك واحد او وحده بالشقه راح يدفع النص يعني 250-300 بس ابو العائله لازم غرفتين وحسب عدد الاطفال مصاريف الكهرباء للاعزب مجرد ما يخرج من الشقه للعمل راح يطفئ التدفئه او التبريد اللي هيه اهم شئ بس ابو العائله ميكدر علمود المره والجهال, اني عندي صديق عنده عائله وهوه يشتغل شغلتين بس يمكن راح يخسرهن اثنينهن من وره عائلته كل يوميه متمرضله جاهل واخذ موعد ودزه للطبيب ولو متاخر على العمل لو مارايح زوجته ولاطكه انكليزي ولازم هوه بكل شئ يقوم

من رخصتكم هذا الصومالي اليمي عرس عليه ما ادري شبيه اخويه سلفر كلامك صحيح ابو العائله احســـــــــــــــــــــــــــن

[silver_d]

ههههههههههههههههههههههههههههههههههههه هاي  قويه مال عرس الصومالي  هاي  بعدك اشايف  انته

يله   خلي  انشووف  اشوكت رح اتدبج انته والله اشون ما اشووف  رح تنكلب  صومالي  بعد فتره ورح تتعلم حجيهم خوب  شكو وراك يابه
اردحححححح 

[alazawi]

مساء الخير جميعا

عندي مداخلة صغيره كل شخص عازب ينوي ان يعيش مع شخص اخر مثل عراقي في شقة واحدة واحد لازم  يتاكد مع من راح يسكن ومن هذا الشخص ؟ هل عندة سوالف مكسره ! مثلا شرب وبنات ! ليس فقط العراقي حتى لو كان من غير جنسية معظم المشاكل تاتي من العراقيين مع الاسف الشديد ولكن الحمدلله انا قررت اسكن وحدي لان بصراحة من الصعب التغير بعد مايوكع الفاس بالراس وهذا واقع الحال للشاب العراقي في امريكا مع الاسف الشديد


تحياتي
عزاوي التكساسي

[مــــان]

همزين كتولنة


لا عمي اجيب العشيرة كلها وياي ولا اجي لوحدي

اخر وكت اكعد ويه الصومالي والمكسيكي غير احط طلقة براسي وانتحر

هي لعبة العوائل الي عدهم شباب يعني مو قاصر ويا محلى الي عنده فد 3 ولد كبار كل واحد يشتغله شغله

يعيشون مرتاحيين


زين بس صوماليين ماكو صوماليات ههههههههههه جان ولدنة انتحرو خطية

تحياتي

yasir - cairo

[doori]

تسلمون شباب
والله هسه اني احتاريت اكثر لان كل واحد اله رأيه طبعا والي مرتاح بي الواحد يتوكل على الله والله كريم هسه اني عزابي كاعد بعمان ومدبرها الحمدلله لتخافون عليه ذيب بالعزوبيه لان اطبخ واسوي كلشي بنفسي واي واحد يريد اجي يمه ونتقاسم كلشي اني حاضر ومراح يخسر ان شاءالله  الطبخ عليه والتنظيف عليه


اخوكم
حمودي

[بغداد بقلبي]

والله عمي دور يعرضك ايخبل مال الطبخ ماكو احلى منه وين عايش اب عمان انته اني كنت اب عمان سبع سنين وهم عزابي بس تره والله حياة العزابي بالاردن اتخبل بس لوما الاقامه وهاي السوالف

[spartacus]

شباب رجاء لاحد يغلط على الصوماليين لان صار بينه همبركر وكجب (ملح وزاد) اشدعوه كلكم كمزتو واحد يحط طلقه براسه والثاني كالبهه جامع عمي اخذو الامور على بساطتهه تره اني هم كنت موظف بوظيفه محترمه بالعراق وعندي سياره يحلم بيهه اي شاب وكاعد بغرفتي وكلشئ يوصلني للباب مالتي بس اخوان تره التجارب هيه اللي تصنع الانسان انته اذا عدك طموح وهدف بحياتك لازم ماكو شئ يثنيك عن تحقيق هدفك وابو الحسنين يكول فاز بالملذات من كان جسورا

من رخصتكم الصومالي يريد يستخدم حاسبتي وتعرفون يعني همه3 واني واحد

سلفر اذا ضحكت عليه هالمره ادزلك الارتيري اللي بالغرفه ويايه اظلم من وجهه ماكو  !!!  ولنا عوده معكم