شلون قبلور بالجنة ..رد على احد الشعراء..... بقلمي

[طه القيسي]

شلون قبـــــــــــور بالجنة تصير

وانت تدري الجنة هي ام الحسن

ومو ام التسمي وتشرب الموت

راعي وصفك هاي ام اجمل حضن

لابد يعود الزود ويعود الامان

ومثل ماراحن قبل هسه يجن

فريت كل كل الدول بس مالكيت

بلد يستاهل ولو كلمة وطن

الكاع تتمنى جنازة الميت تكوم

ويندفن تاريخها وما تندفن

ولاتكلي الماي هم عاف الجرف

شظل بعد خل تمشي عالكاع
السفن
ولاتكلي تعاركوا دجله وفرات

ولاتككلي تعاركوا اب وابن

واذا حب الوطن صاير دنب

ريت كل ذنوبي ابد ماينمحن

هسه يجي الخير ويعود الامان

وتذب بغدادنا ثوب الحزن




تحياتي الشاعر
طه القيسي

[shakar]

ولاتكلي الماي هم عاف الجرف
شظل بعد خل تمشي عالكاع
السفن
ولاتكلي تعاركوا دجله وفرات
ولاتككلي تعاركوا اب وابن
واذا حب الوطن صاير دنب
رت كل ذنوبي ابد ماينمحن
هسه يجي الخير ويعود الامان
وتذب بغدادنا ثوب الحزن
رووووعة عاشت الايادي اخ طه

[وردة الربيع]

شعر  مميزه جدآ واكثر من رائع

عاشت الايادي

[طه القيسي]

شكرا الكم جميعا ولكل  واحد نثر  ورد  على قصائدي  ... ودي لروحكم