سوال مهم حول اعادة مقابلة المحلفين

[علي السلطاني]

السلام عليكم شلون الشباب انشاء الله الجميع بخير . شباب عدنا جيرانا مره كبيرة وماعدهه غير بس بنية زغيرة عمرهه 11 سنة قابلت محلفين بنهاية 2008 وليهسه تنتظر  وقبل كم يوم اتصلوا عليهه اي او ام  وبلغوهه انه عدهه اعادة مقابلة محلفين وهي مستغربة وخايفة ليش هاي الاعادة علما كل متخابر عليهم يكلولهه بقالج بس خط الرحلة . ارجو من كل الاعضاء الي عدهم اي معلومي يخبرنة بيهة والله يجازيكم خير الجزاء . اخوكم السلطاني

[المهندس سيوفي]

اخوية هي من وين مقدمة ؟

[بغداد بقلبي]

السلام عليكم اخي مقابله عاديه جدا واسهل من الى قبلها مجرد السوال عن بعض المعلومات وبس ووراها السفر ان شاء الله باسرع وقت الله ايسهل امرها يارب

[(COBRA)]

اخي العزيزْْْ~~
يعني تاريخ مقابلتها قديم  ولابد من تجديد المقابله  للتاكد من صحه المعلومات  وانشالله  ينطوها خط رحله سريع 
همه ديحركون الكيسات القديمه  ~~~وحته يباشرون بلجدد
تحياتي

[عكعك التطوى]

اخي المقابله الثانيه تكون ياما عن سؤال او سؤالين تافهات جدا  او تكون عن معلومه ظهرت عدهم اثناء
التجيك الامني ممذكوره بالملف يحبون يستفسرون عنها ومعظم الي انعادت مقابلاتهم مأثرت على ملفهم

تحياتي